តារាសម្តែងជើងចាស់ Kik Mayurin បានឆ្លៀតឱកាសអញ្ជើញ DJ Man មកធ្វើការផ្សាយផ្ទាល់ ដើម្បីលើកទឹកចិត្តទស្សនិកជនតាមផ្ទះ តាមរយៈ TikTok ផ្ទាល់ខ្លួន ដោយសារតែមានមនុស្សជាច្រើនបានផ្ញើសារមកគាត់ថា ជីវិតពួកគេលំបាកខ្លាំងណាស់ ហើយអ្នកខ្លះតានតឹងរហូតដល់មានគំនិតចង់ធ្វើអត្តឃាត ដោយ​លើក​យក​រឿង​ពី​ពេល​ជាប់​ឃុំ​ក្នុង​ពន្ធនាគារ​ខាង​លើ​មក​ប្រាប់​ទុក​ជា​មេរៀន។

តារាប្រុសវ័យ៤២ឆ្នាំ បាននិយាយថា «ក្នុង​អំឡុង​ពេល​ដែល​ខ្ញុំ​នៅ​ក្នុង​ពន្ធនាគារ ឪពុកម្តាយរបស់ខ្ញុំបានមកលេងខ្ញុំជារៀងរាល់ថ្ងៃក្នុងរយៈពេល ១ ឆ្នាំ ៧ ខែ និង ១៧ ថ្ងៃ លើកលែងតែថ្ងៃបុណ្យជាតិ និងថ្ងៃសៅរ៍ និងថ្ងៃអាទិត្យ។ រាប់បញ្ចូលទាំងអំឡុងពេលដែលខ្ញុំនៅដាច់ដោយឡែក នេះជាការលើកទឹកចិត្តដ៏ធំបំផុតរបស់ខ្ញុំ។ ខ្ញុំ​ត្រូវ​ផ្តល់​កិត្តិយស​ដល់​ឪពុក​ម្តាយ ប្រពន្ធ និង​បងថ្លៃ​ដែល​មិន​ដែល​បោះបង់​ខ្ញុំ​ចោល»។

លោកបាននិយាយទៀតថា «នៅ​ពេល​មួយ​ដែល​ខ្ញុំ​មាន​អារម្មណ៍​ថា​ខ្សោយ​ខ្លាំង​ណាស់​ ដែល​វា​ជា​ពេល​ដែល​តានតឹង​បំផុត​ក្នុង​ជីវិត​របស់​ខ្ញុំ។ វា​បាន​ចូល​ជ្រៅ​ខ្លាំង​ដែល​វា​បង្ក​បញ្ហា​ដល់​សុខភាព។ វាទន់ខ្សោយខ្លាំងណាស់ សុំទោសដូចជាមានឈាមក្នុងលាមក រឿងដែលហួសចិត្តបំផុតដែលខ្ញុំធ្លាប់ជួបប្រទះក្នុងជីវិតរបស់ខ្ញុំ។ អ្វី​ដែល​ខ្ញុំ​អាច​គិត​បាន​គឺ​ថា​ខ្ញុំ​ត្រូវ​រស់​រាន​មាន​ជីវិត​និង​ជួប​មនុស្ស​ដែល​ខ្ញុំ​ស្រឡាញ់​។ មានជំងឺជាច្រើន​ ក៏មានគ្រោះថ្នាក់ជាច្រើន ហើយមានរឿងជាច្រើននៅទីនោះដែល​ខ្ញុំត្រូវរស់ដោយខ្លួនឯង»។

តារាប្រុសនិយមដើរតួចិត្តអាក្រក់ក្នុងរឿងភាគថៃបាននិយាយលើកទឹកចិត្តដល់អ្នកលំបាកៗទៀតថា `«មានរឿងជាច្រើនទៀតដែលមិនអាចប្រាប់បាន​ ដោយសារតែខ្ញុំជួប៨០ទៅ៩០ភាគរយ ខ្ញុំគិតថាប្រហែលជាជីវិតរបស់ខ្ញុំកាលពីអតីតកាលក្នុងនាមជាអ្នកចម្បាំង ដែលខ្ញុំបានអង្គុយនៅក្រោមដើមពោធិ ហើយបានបង្រៀនក្មេងៗ។ ពេលនោះ ខ្ញុំបានគិតថាបើបានចេញ នឹងមិនធ្វើ​ខុស​ទៀត​ទេ។ ​ទោះ​បី​អ្នក​ត្រូវ​បាន​គេ​ចាត់​ទុក​ថា​ជា​មនុស្ស​អាក្រក់រួចហើយ​ក៏​ដោយ។ នាពេលនេះលោកក៏បានឃើញ​ការ​លើក​ទឹក​ចិត្ត​ដែលមនុស្សគ្រប់គ្នា​ផ្ញើ​មក មាន​អារម្មណ៍​ដឹង​គុណ​ខ្លាំង​ណាស់»។

DJ Man​ បាននិយាយតាមរយៈការឡាយផ្ទាល់ជាចុងក្រោយថា «ថ្ងៃនេះ​ខ្ញុំ​ទទួល​បាន​ការ​លើក​ទឹក​ចិត្ត​ពី​គ្រប់​គ្នា​យ៉ាង​ខ្លាំង ហើយខ្ញុំពិតជាអរគុណអ្នក។ បន្ទាប់ពីមិនសប្បាយចិត្តជាច្រើនឆ្នាំ ខ្ញុំមិនដែលគេងពេញមួយយប់ទេ។ ប៉ុន្តែ​ឥឡូវ​នេះ​ខ្ញុំ​ត្រៀម​ខ្លួន​ជា​ស្រេច​ដើម្បី​សប្បាយ​ចិត្ត។ ព្រោះជីវិតខ្លីណាស់ សូមឲ្យអតីតកាលកន្លងផុតទៅ​ ហើយតគិតអនាគតជំនួសវិញ»៕

អត្ថបទ៖ សាង ស្រីល័ក្ខ

ចុចអាន៖តារាថៃជាប់រឿងក្ដី Icon ២រូប ត្រូវដោះលែងឲ្យមានសេរីភាព ក្រោយជាប់ពន្ធនាគារ ៨៤ ថ្ងៃ

The post ចេញពីគុកភ្លាម DJ Man ថា ទោះជីវិតវេទនាជិតស្លាប់ ក៏ប្រឹងរស់ជួបមនុស្សជាទីស្រលាញ់ appeared first on Kampuchea Thmey Daily.

កាលពីវេលាម៉ោង៨:៤៥នាទីព្រឹក នៅថ្ងៃទី៨ ខែសីហា នៅផ្នែកសំណុំរឿង​អាជីវកម្ម​ហិរញ្ញវត្ថុ នាយកដ្ឋាន​ស៊ើបអង្កេត​ពិសេស ឬ DSI បានចេញដីកាបន្ទាន់​ ដោយនាំខ្លួន​លោក Film Rattapoom ពាក់ព័ន្ធ​នឹង​ទឹកប្រាក់​ចូលគណនី​របស់​លោកយ៉ាងច្រើន។

លោក Film Rattphoom បច្ចុប្បន្នជាសមាជិកក្រុមអ្នកនាំ​ពាក្យគណបក្ស Palang Pracharat និងជាអតីត​តារាស​ម្តែង​ដ៏​ល្បីល្បាញ បាន​ជួបជាមួយអ្នក​ស៊ើបអង្កេត​ដើម្បី​ផ្តល់​សក្ខីកម្ម​ក្នុងនាម​ជា​សាក្សីម្នាក់ក្នុង​ចំណោម​សាក្សី​ទាំងប្រាំបីនាក់​លើ​សំណុំរឿងលាងលុយកខ្វក់​ទាក់ទងនឹងករណី Forex-3D Ponzi ។

បន្ទាប់ពីអ្នកស៊ើបអង្កេត បានបញ្ជាក់ថាភស្តុតាង​នៃផ្លូវ​ហិរញ្ញវត្ថុត្រូវបានរកឃើញពីលោក Apirak Kotthi អតីត​នាយកប្រតិបត្តិ Forex-3D ដែលជាជនជាប់ចោទសំខាន់​កំពុងជាប់​ពន្ធនាគារ​​ ហើយក៏បានរក​ឃើញ​ថាក្រុមហ៊ុនមួយនេះពាក់ព័ន្ធនឹងបទល្មើស​ផ្ទេរប្រាក់​ជាង ​៦.០០០.០០០​បាត ​​ទៅគណនី​ធនាគារ​របស់​លោក Film Rattapoom ។ ដូច្នេះ ដីកាបានចេញភ្លាមៗ ដើម្បី​បញ្ជាក់​អំពី​ប្រតិបត្តិការ​ហិរញ្ញវត្ថុ​ដែល​បាន​រៀបរាប់ខាងលើ។

ទោះយ៉ាងណា​ក៏ដោយ ​នៅពេលនេះអ្នកស៊ើបអង្កេតកំពុងតែសួរចម្លើយ។ ពេល​បញ្ចប់​រួចរាល់ អតីតតារាតួឯកប្រុសក្នុងរឿង “ល្បិចស្នេហ៍បាក់អំនួត” ​នឹង​ចេញ​មក​ផ្តល់​ព័ត៌មាន​ដល់​អ្នក​សារព័ត៌មានលម្អិតជាងនេះ​ ពាក់ព័ន្ធនឹងចរន្តផ្ទេរប្រាក់ជាង៦លានបាតមិនខាន​៕

ប្រែសម្រួល៖ សាង ស្រីល័ក្ខ

ប្រភព៖bangkokbiznews

ចុចអាន៖Pancake បញ្ចេញសម្រស់លើទឹកដី ម៉ាឡេស៊ី

The post ប៉ូលិស ថៃ នាំខ្លួនអតីតតារាសម្ដែង Film និងជាសមាជិកបក្ស Palang ពាក់ព័ន្ធករណីឆបោក appeared first on Kampuchea Thmey Daily.

លោក ឡុង សំណាង  ប្រធានផ្នែកប្រឹក្សាយោបល់ហិរញ្ញវត្ថុ នៃក្រុមហ៊ុន Golden FX Link Capital បានប្រាប់កម្ពុជាថ្មីថា តម្លៃមាសបានងើបឡើងវិញ ចាប់ពីចុងខែកក្កដាមក រហូតដល់ថ្ងៃនេះ ដោយតម្លៃមួយអោនស្មើ ១៧៧៤ដុល្លារ និងមួយតម្លឹងនៅកម្ពុជា តម្លៃ ២១២៥ដុល្លារ។

លោកបន្តដូច្នេះថា«កាលពីមួយរយៈមុន មាសធ្លាក់ចុះនៅតម្លៃ ២០០០ដុល្លារ ទៅ ២០២៤ដុល្លារ ដោយការធ្លាក់ចុះនេះ កាលណោះអត្រាការប្រាក់នៅ ១.៧៥ ធ្វើឱ្យលុយដុល្លារខ្លាំងល្អ ហើយការដំឡើងអត្រាការប្រាក់នេះ វាមិនសូវប៉ះពាល់ទៅដល់កម្ចីផ្សេងៗទេ។ ហើយនៅចុងខែកក្កដា មានការដំឡើងការប្រាក់រហូតដល់ ២.៥០»។

ចំពោះការដំឡើងអត្រាការប្រាក់នេះ លោក សំណាង មើលឃើញថា ធ្វើឱ្យមានបញ្ហាជាច្រើនដូចជា ការធ្លាក់ចុះអ្នកវិនិយោគធំៗ នៅសហរដ្ឋអាមេរិក និងធ្វើសេដ្ឋកិច្ចអាមេរិកធ្លាក់ចុះ ដោយសារអត្រាការប្រាក់ខ្ពស់នេះ។

បញ្ហាទាំងអស់នេះហើយ ដែលធ្វើឱ្យសេដ្ឋកិច្ច និងលំហូរសាច់ប្រាក់អាមេរិករាំងស្ទះ និងបញ្ហាប្រឈមមួយចំនួនរបស់អ្នកវិនិយោគធំៗ ដែលធ្វើឱ្យសេដ្ឋកិច្ចមិនអាចងើបឡើងវិញបានទេ ឬងើបអាចងើបឡើងក្នុងរយៈពេលវែង។

បច្ចុប្បន្ននេះ អតិផរណា នៅសហរដ្ឋអាមេរិកមានចំនួន ៩.១ភាគរយ ដែលជាកំណើនខ្ពស់ ធ្វើឱ្យពលរដ្ឋចំណាយច្រើន។ ទាក់ទិននឹងបញ្ហាទាំងអស់នេះ លោក ឡុង សំណាង វាយតម្លៃថា ប្រសិនបើមិនមានការអន្តរាគមន៍ណាមួយពីធនាគារ​កណ្តាលអាមេរិក តម្លៃមាសនឹងបន្តកើនឡើងបន្តិចម្តងៗ រហូតដល់ ២២០០ដុល្លារ ក្នុងមួយតម្លឹងជាថ្មីម្តងទៀត។

ប្រធានផ្នែកប្រឹក្សាយោបល់ហិរញ្ញវត្ថុ នៃក្រុមហ៊ុន Golden FX Link Capital បានបញ្ជាក់ថា នៅក្នុងប្រទេសកម្ពុជា មានហាងមាសមួយចំនួន លក់រហូតដល់ទៅ ២២០០ដុល្លារ ក្នុងមួយតម្លឹងហើយ តែតម្លៃគោលនៅលើទីផ្សារអន្តរជាតិ លក់ត្រឹម ២១២៥ ដុល្លារនៅឡើយទេ៕

The post អ្នកស្រាវជ្រាវ ប្រាប់ពីមូលហេតុដែលនាំឱ្យ​មាសឡើងថ្លៃ appeared first on Kampuchea Thmey Daily.

សំណុំរឿងនេះ បានអូសបន្លាយរយៈពេលជិត ៦ ខែមកហើយ បន្ទាប់ពីក្រុមហ៊ុន GoldFX Investment បានផ្អាកប្រតិបត្តិការជួញដូរឧបករណ៍និស្សន្ទ កាលពីថ្ងៃទី ២៩ ខែមីនា ឆ្នាំ ២០២១ ដោយអះអាងថា គណៈ​គ្រប់គ្រង​ចំនួន ៣ នាក់ជាជនបរទេស ​ក្នុងក្រុមហ៊ុនបាន​កិបកេង​ប្រវ័ញ្ច​ប្រាក់​របស់​ក្រុមហ៊ុន ចំនួន ២០ លាន​ដុល្លារ ហើយ​បាន​រត់គេចខ្លួន។

បន្ទាប់មកក៏ផ្ទុះការតវ៉ាពីអតិថិជនដែលដាក់ប្រាក់វិនិយោគជាមួយ ក្រុមហ៊ុន GoldFX Investment ដោយពួកគេបានធ្វើបាតុកម្មទាមទារឱ្យម្ចាស់ក្រុមហ៊ុនចេញមុខដោះស្រាយបញ្ហាអតិថិជនបាត់ប្រាក់ បន្ទាប់ពីក្រុមហ៊ុនផ្អាកដំណើរការ។

ទោះជាយ៉ាងណា ក្រុមហ៊ុន GoldFX Investment អះអាងថា ការសម្រេច​បិទ​បញ្ចប់​ដំណោះស្រាយ​សាច់ប្រាក់​នេះ គឺជា​កិច្ច​ឆ្លើយតប​ចំពោះ​អតិថិជន​ ​ក្នុងនាម​ជា​ជនរងគ្រោះ​ដូចគ្នា ក្នុង​កិច្ច​រក​ដំណោះស្រាយ​ជាមួយ​ក្រុមហ៊ុន​ដែល​បាន​ដាក់ចេញ​កន្លងមក​ហើយ​នៅតែ​រង់ចាំ នូវ​ដំណោះស្រាយ​ជា​ផ្លូវច្បាប់​។

ក្រុមហ៊ុន GFX បញ្ជាក់ថា បន្ទាប់ពីថ្ងៃទី ២៦ តុលានេះទៅ ខ្លួន​នឹងមិន​បន្ត​ទទួល​ដំណោះស្រាយ​សាច់ ប្រាក់​នេះ​នៅ​ក្រុមហ៊ុន​ទៀត​ទេ ដោយ​សង្ឃឹមថា អតិថិជន​នឹង​មក​ទទួលយក​ដំណោះស្រាយ ក្នុង​ពេលវេលា​កំណត់​ចុងក្រោយ​នេះ​ជា​សាច់ប្រាក់​ដូចៗ​គ្នា​ជាក់​ជាមិនខាន​។

សូមជំរាបថា កន្លងមក ក្រុមហ៊ុន GFX ក៏បាន​ដាក់ចេញ​នូវ​យន្តការ​ចំនួន​ពីរ គឺ​ទី​១. អញ្ជើញ​អតិថិជន​ដែលជា​ជនរងគ្រោះ​ទាំងអស់ មក​ពិភាក្សា​រក​ដំណោះស្រាយ និង​ប្រើប្រាស់​សិទ្ធិ​តាមផ្លូវ​ច្បាប់​។

ក្នុងនោះ​មាន​អតិថិជន​ជាច្រើន បានរួម​គ្នា​ជាមួយ​ក្រុមហ៊ុន រៀបចំ​ឯកសារ​ពាក់ព័ន្ធ​ប្តឹង​ទៅលើ​ជនបរទេស និង​បក្ខពួក ដើម្បី​ទាមទារ​យុត្តិធម៌​ក្នុងនាម​ជា​ជនរងគ្រោះ​ដូចគ្នា និងធ្វើ​ដំណោះស្រាយ​សាច់ប្រាក់​ជូន​អតិថិជន​។ ទី​២. ក្រុមហ៊ុន GFX បាន​អញ្ជើញ​អតិថិជន មក​ធ្វើ​ដំណោះស្រាយ​សាច់ប្រាក់ ដោយ​ប្រើ​រយៈពេល ៥៥​ថ្ងៃ ដែល​ក្នុងនោះ​មាន​អតិថិជន​ជាច្រើន​នាក់ បាន​យល់ព្រម​ទទួលយក​ដំណោះស្រាយ​នោះ​ផងដែរ៕

លិខិតជូនដំណឹង៖

The post ក្រុមហ៊ុន GFX កំណត់ថ្ងៃ បញ្ចប់ដំណោះស្រាយសាច់ប្រាក់ ឱ្យអតិថិជន ក្រោយការតវ៉ាច្រើន ខែ appeared first on Kampuchea Thmey Daily.

ការប្រកាសនេះ ក្រោយពីនិយ័តករមូលបត្រកម្ពុជាបានទទួលលិខិតស្នើសុំព្យូរ ប្រតិបត្តិការជួញដូរបណ្តោះអាសន្នរបស់ក្រុមហ៊ុន ហ្គោលអេហ្វអិកស៍ អ៊ិនវេសម៉ិន (GOLDFX INVESTMENT CO.,LTD) និងបានឃើញសារប្តឹងពីវិនិយោគិនរបស់ក្រុមហ៊ុននៅតាមបណ្តាញសង្គមហ្វេសប៊ុករបស់ “និយ័តករមូលបត្រកម្ពុជា” ផងដែរ។ 

មានអតិថិជនរាប់រយនាក់ ដែលបានដាក់ប្រាក់វិនិយោគជាមួយក្រុមហ៊ុន ហ្គោលអេហ្វអិកស៍ អ៊ិនវេសមិន (GFX Investment Co. LTD) សរុបរាប់លានដុល្លារ កំពុងតែជ្រួលច្របល់ ខ្លាចបាត់បង់លុយរបស់ខ្លួន ខណៈក្រុមហ៊ុននេះបានប្រកាសផ្អាកប្រតិបត្តិការទូទាំងប្រទេស ដោយសំអាងថា ក្រុមហ៊ុនកំពុងជួបបញ្ហាបច្ចេកទេស ដែលធ្វើឲ្យមានភាពរអាក់រអួលផ្នែកប្រតិបត្តិការជួញដូរ ហើយពួកគាត់បានព្រមានប្តឹងទៅកាន់ស្ថាប័នពាក់ព័ន្ធ ប្រសិនបើក្រុមហ៊ុនគ្មានដំណោះស្រាយ៕

អត្ថបទ៖កោះកែវ

The post អ្នកបាត់បង់លុយនៅ GFX អាចដាក់ពាក្យប្តឹងទៅនិយ័តករ មូលបត្រ appeared first on Kampuchea Thmey Daily.