នៅក្នុងឱកាស​ដ៏​ក្រៀមក្រំនេះ លោកឧកញ៉ា ឡេង និមល បាន​សម្តែង​នូវការសោក​ស្តាយយ៉ាង​ក្រៃ​លែង​ចំពោះការបាត់បង់វីរៈបុរសដ៏អង់អាចក្លាហាន ដែលបានលះបង់អស់ពីកម្លាំងកាយ​ចិត្ត​បញ្ញា​ស្មារតី ​និង​ធ្វើ​ពលិកម្មគ្រប់បែបយ៉ាងដើម្បីបុព្វហេតុ ជាតិ សាសនា ព្រះមហាក្សត្រ ជាពិសេស លោក​បាន រួមចំណែកយ៉ាងសកម្ម នៅក្នុងកិច្ចការការពារអធិបតេយ្យភាព បូរណភាពទឹកដី ដើម្បី​សេចក្តី​សុខក្សេមក្សាន្ត របស់ប្រជាជនកម្ពុជា។

លោកឧកញ៉ា ឡេង និមល អនុប្រធានយុុវជនបូជាការពារយុត្តិធម៌ ក៏បានពាំនាំ​នូវ​ការ​ផ្តាំផ្ញើ​សាក​សួរ​សុខទុក្ខ និងការចូលរួមរំលែកទុក្ខដ៏ជ្រាលជ្រៅបំផុតពីសំណាក់អ្នកឧកញ៉ា ឡេង ណាវ៉ាត្រា ជូន​ចំពោះ​ក្រុមគ្រួសារសព។

ជាមួយគ្នានេះ លោកឧកញ៉ា បានចូលរួមបច្ច័យ និងអង្ករ ដើម្បីជួយសម្រាលទុក្ខលំបាក​របស់​ក្រុម​គ្រួសារ​សព​ក្នុងគ្រាដ៏សោកសៅនេះផងដែរ៕​

The post ឧកញ៉ា ឡេង ​និមល ​តំណាង​អ្នកឧកញ៉ា ឡេង ណាវ៉ាត្រា ដឹក​នាំ​ប្រតិភូ​យុវជន​បូជា​ការពារយុត្តិធម៌ គោរព​វិញ្ញាណក្ខន្ធ​សព​ព្រឹន្ទបាលឯក សួន រ៉ោន​ ពលីជីវិត​ដោយ​ហេតុការណ៍​ប៉ះ​ទង្គិច​គ្នារ​វាង​កងទ័ព​កម្ពុជា-ថៃ នៅ​ព្រំ​ដែន​តំបន់​មុំ​បី​ appeared first on Kampuchea Thmey Daily.

គិតត្រឹមថ្ងៃទី១០ ខែមេសា ឆ្នាំ២០២៥ Galaxy Navatra បានផលិតវីដេអូចម្រៀងណ្តំប៉ុន្មានសិបបទទៅហើយ សម្រាប់ចូលរួមអបអរឱកាសចូលឆ្នាំប្រពៃណីជាតិខ្មែរ ដែលនឹងខិតជិតមកដល់ នាថ្ងៃទី១៤-១៦ ខាងមុខនេះ។

តួយ៉ាង ក្នុងចំណោមវីដេអូចម្រៀងសរុបជិត ៨០ ផលិតកម្មចម្រៀងខ្នាតធំមួយនេះ មានចម្រៀងចង្វាក់ប្រពៃណីប្រមាណជិត ៥០បទ។ ក្រៅពីនោះ គឺសុទ្ធសឹងជាបទចម្រៀងសហសម័យ ប្រជាប្រិយលាយបញ្ចូលជាមួយចង្វាក់ Hip Hop ក្នុងទម្រង់ស្ទាយល៍បែបថ្មី និងទាញបានការចាប់អារម្មណ៍ខ្លាំងពីអ្នកគាំទ្ររបស់ខ្លួន។

ផលិតកម្មចម្រៀងល្បីឈ្មោះ Galaxy បានញុាំងឱ្យឱកាសកម្មវិធីចូលឆ្នាំប្រពៃណីជាតិឆ្នាំនេះ មានបទចម្រៀងសម្បូរបែប សម្រាប់ប្រជាពលរដ្ឋខ្មែររាំកម្សាន្តសប្បាយ ជាមួយនឹងចម្រៀងពីរោះរណ្តំរាប់សិបបទ។ ខណៈកំពូលតារាចម្រៀងប្រចាំផលិតកម្មធំមួយនេះ បានធ្វើឱ្យមហាជនបង្ហាញការកោតសរសើរ ចំពោះការផលិតចម្រៀងទាំងអស់នេះផងដែរ៕

The post សង្ក្រាន្តឆ្នាំ២០២៥! Galaxy វ៉ាដាច់គេ ក្នុងការផលិតបទចង្វាក់ប្រពៃណី​ ខណៈទើបទម្លាក់ថែម ១១បទ appeared first on Kampuchea Thmey Daily.

បើគិតត្រឹមដំណាច់ខែនៃឆ្នាំនេះ MV ចម្រៀងរបស់លោកដល់ទៅ ៣បទ ទទួលបានការចាប់អារម្មណ៍ខ្លាំងពីអ្នកគាំទ្រ ដែលរួមមានដូចជា៖

១. MV បទ “សែកមន្ដ”
តាមរយៈការសម្តែងក្នុង MV ជាមួយនឹងឈុតបុរាណជាលើកដំបូង ជាអង្គទេពមួយអង្គនៃព្រហ្មញ្ញសាសនា នាម ព្រះកាម​ អមជាមួយគ្រូចាប៉ីជាង ១០០នាក់ ឧកញ៉ា ព្រាប សុវត្ថិ អាចទាញយកចំណាប់អារម្មណ៍មហាជនខ្លាំង តាំងពីកាយវិការសម្តែង ១៥វិនាទីដំបូងម្ល៉េះ។

តួយ៉ាងចម្រៀងមួយបទនេះ ត្រូវបានផលិតយ៉ាងយកចិត្តទុកដាក់ ពិសេសលើការច្នៃឈុត «ទេវបុត្រកាមទេព» សម្រាប់លោក ដែលដើរតួជាទេពនៃសេចក្តីស្រលាញ់ ត្រូវបានច្នៃតាមបែបសហសម័យ ដោយរក្សាយ៉ាងណា ឱ្យស្ថិតក្នុងលំហរនៃរចនាបទខ្មែរដ៏ផូរផង់ ក្រោមពាក្យស្លោក “បុរាណមិនយឺត​ សម័យមិនបរទេស” រៀបចំដោយ ពិធីការទទួលរៀបចំរបាំតុបតែងសម្លៀកបំពាក់ថត និងស្ទូឌីយ៉ូ “ជូនពរ” ។ កាន់តែពិសេសទៀតនោះ គឺពំនោលនៃពាក្យគាថាស្នេហ៍តាមទំនុកប្លែកថ្មី ដែលលាយបញ្ចូលជាមួយឧបករណ៍ភ្លេងបុរាណខ្មែរ “ចាបុីដងវែង” រួមនឹងតន្ត្រីសម័យ។

ជាមួយការសម្តែងចម្រៀងមួយបទនេះ ឧកញ៉ា ព្រាប សុវត្ថិ ក៏បានធ្វើឱ្យអ្នកគាំទ្រមានការភ្ញាក់ផ្អើលខ្លាំងផងដែរ ក៏ព្រោះតែនេះជាដំបូងហើយ ដែលមហាជនទទួលបានអារម្មណ៍ប្លែកថ្មីមួយផ្សេងទៀត ពីតារាចម្រៀងជួរមុខរូបនេះ មិនថាការច្រៀងនិងសម្តែង។

២. MV បទ “កុលាបមានបន្លា”
ជាមួយទឹកដមសំឡេងពិរោះរណ្តំ អមនឹងកាយវិការរាំយ៉ាងរស់រវើក ព្រមនឹងចង្វាក់ mix បែបប្រជាប្រិយលាយសម័យ ឧកញ៉ា ព្រាប សុវត្ថិ បានឆក់យកអារម្មណ៍អ្នកគាំទ្រខ្លួនជាថ្មីម្តងទៀត ឱ្យរាំកម្សាន្តរីករាយជាមួយលោក ខណៈត្រឹមតែ បង្ហើបក្បាល MV មិនដល់ ២៤ម៉ោងផង មានអ្នកទស្សនាដល់ទៅជិត 3M views ។ តាមរយៈវីដេអូចម្រៀងផ្លូវការ “កុលាបមានបន្លា” ត្រូវបានអ្នកគាំទ្របង្ហាញការពេញចិត្ត និងកោតសរសើរចំពោះការច្រៀង ក៏ដូចជាការសម្តែងកាយវិការរបស់តារាចម្រៀងជួរមុខរូបនេះផងដែរ។

៣. MV បទ “បំផ្លាញបេះដូង”
ក្រោយចេញវីដេអូចម្រៀង “កុលាបមានបន្លា” មិនដល់មួយសប្តាហ៍ផងឧកញ៉ា ព្រាប សុវត្ថិ បានបង្ហើបសកម្មភាព MV មួយបទទៀត “បំផ្លាញបេះដូង” មកជាមួយរសជាតិមនោសញ្ចេតនាបែបលន្លង់លន្លោច រួមបញ្ចូលនឹងឧបករណ៍ភ្លេងខ្មែរ “ទ្រ” ញុាំងអារម្មណ៍អ្នកគាំទ្រ ឱ្យនឹកដល់ការលួងលោមរបស់លោកពីអតីតកាល តាមរយៈអារម្មណ៍មនោសញ្ចេតនាមួយ ពិបាកភ្លេច។

មួយបទនេះ ក៏ទទួលបានការពេញចិត្តខ្លាំងពីសាធារណជនផងដែរ ខណៈមានមតិជាច្រើនលើកឡើងថា “នោះជាអារម្មណ៍មនោសញ្ចេតនាបែបតន្ត្រីជនបទ និងពេញនិយម ដែលបងស្នាយតែងតែបំពេរស្អំបេះដូង…” និងខ្លះទៀតសរសើរថា “My Legend ចង់បទអី ក៏ទាញអារម្មណ៍អ្នកស្តាប់ឱ្យលង់បាន” ។ គួរជម្រាបដែរថា ផលិតកម្ម Galaxy Navatra បានបញ្ចេញវីដេអូចម្រៀងបទនេះជាផ្លូវការហើយ កាលពីរសៀលម្សិលមិញនេះ ខណៈមិនទាន់ដល់ ២៤ម៉ោងផង មានអ្នកទស្សនាដល់ជិត ១.៥ លានដងទៅហើយ។

គួរបញ្ជាក់ដែរថា ក្នុងចំំណោមវីដេអូចម្រៀង ៣ បទខាងលើ មានពីរបទជាការនិពន្ធដោយ អ្នកឧកញ៉ា ឡេង ណាវ៉ាត់ត្រា គឺបទដែលផ្ទុះការគាំទ្រខ្លាំងបំផុត “សែកមន្ត” និងមួយបទទៀត “កុលាបមានបន្លា” ៕

The post វីដេអូចម្រៀង ៣ រសជាតិក្នុងខែតែមួយ ពីឧកញ៉ា ព្រាប សុវត្ថិ សុទ្ធតែផ្ទុះការចាប់អារម្មណ៍ពីអ្នកគាំទ្រ appeared first on Kampuchea Thmey Daily.

បើតាមបទសម្ភាស ដែលកម្ពុជាថ្មីទទួលបានពីអ្នកគាំទ្រ របស់តារាចម្រៀងលំដាប់ប្រទេសរូបនេះ បញ្ជាក់ថា មានចំណុចពិសេសច្រើន ជាមូលហេតុដែលពួកគាត់នៅតែស្រលាញ់គាំទ្រ ឧកញ៉ា ព្រាប សុវត្ថិ បើទោះជាបច្ចុប្បន្ន មានតារាចម្រៀងជំនាន់ថ្មីដែលមានទេពកោសល្យប្លែកៗគ្នាច្រើនក៏ដោយ។ ក្នុងនោះ អ្វីដែលពុំអាចជំនួសលោក ព្រាប សុវត្ថិ ក្នុងចិត្តពួកគាត់បាន រួមមាន៖

១. គាត់មានចំណុចពិសេសដាច់ពីគេ
បើតាមយុវជន ជា សុភ័ក្រ្ត បានលើកឡើងថា អ្វីដែលខ្លួនពេញចិត្តឧកញ៉ា ព្រាប សុវត្ថិ ខ្លាំងបំផុត គឺដោយសារតលោក មានភាព Unit មួយពិបាកធ្វើត្រាប់តាម។ លោកថា “ជាក់ស្តែងដូចជាទេពកោសល្យច្រៀងរបស់គាត់អ៊ីចឹង មកទល់ពេល នេះ ខ្ញុំមិនទាន់មើលឃើញតារាជំនាន់ក្រោយណា មានទេពកោសល្យច្រៀងដូចគាត់ឡើយ ព្រោះក្រៅតែពីច្រៀងពិរោះ សំឡេងគាត់នៅមានទឹកដមពិសេស ចេះថ្នម ទោះម៉ាត់ៗច្បាស់ៗ ហើយសូម្បីតែសម្រែកបែបរ៉ក ឬរ៉េបក្តី ក៏មិនទាន់មាន អ្នកធ្វើល្អដូចគាត់ដែរ ព្រោះទោះគាត់ច្រៀងញាប់ ក៏នៅតែច្បាស់ឃ្លោងឃ្លា មិនបន្លំៗ ហើយស្រួលស្តាប់ទៀត”។

២. និមិត្តរូបនៃសិល្បៈ ក្នុងសម័យកាលទំនើប
កន្លងមក ឧកញ៉ា ព្រាប សុវត្ថិ តែងត្រូវបានគេស្គាល់ថា ជាតារាចម្រៀងប្រុសមួយរូប ដែលមានភាពល្បីល្បាញទាំងក្នុង និងក្រៅស្រុក ប៉ុន្តែប្រជាប្រិយភាព មិនបានកែប្រែអត្តសញ្ញាណរបស់លោកឡើយ ខណៈជិត ៣ទសវត្សរ៍លើវិថីតន្ត្រី លោកតែងរក្សាកេរ្តិ៍ឈ្មោះរបស់ខ្លួន ជាមួយនឹងការដាក់ខ្លួន សីលធម៌-សុជីវធម៌ ទន្ទឹមនឹងការអភិវឌ្ឍនសមត្ថភាព។ កញ្ញា ងុិន រស្មុី ដែលជាអ្នកគាំទ្រម្នាក់ លើកឡើងដែរថា “ជាអ្នកគាំទ្រគាត់ជាង ២០ឆ្នាំ ខ្ញុំមិនដែលឃើញគាត់មានរឿងអាស្រូវ ឬឆ្មើងឆ្មៃឡើយ ហើយធ្លាប់ឃើញអ្នករួមការងារនឹងគាត់ សរសើរគាត់ថា គាត់ជាមនុស្សគួរឱ្យគោរពស្រលាញ់ថែមទៀត”។

៣. ទេពកោសល្យ
ពិតណាស់ អ្នកសិល្បៈគ្រប់រូបតែងលូតលាស់ជាមួយដុងពីធម្មជាតិ និងក្លាយជាអ្នកឆ្នើមលើអ្វីមួយដែលខ្លួនមាន។ តួយ៉ាង អ្វីដែលធ្វើឱ្យសាធារណជន ពេញចិត្តនិងគាំទ្រ ឧកញ៉ា ព្រាប សុវត្ថិ មកទល់នឹងបច្ចុប្បន្ននេះបាន ក៏ព្រោះតែលោក ចេះកែខៃទេពកោសល្យរបស់ខ្លួនបានគ្រប់ទម្រង់នៃចម្រៀង។ មួយវិញទៀត សូម្បីតែការសម្តែងក្នុង MV របស់លោក ក៏ធ្វើបានល្អមិនចាញ់អ្នកអាជីពខាងសម្តែងនោះដែរ។

៤. គាត់តែង Update ខ្លួនជានិច្ច
មិននៅត្រឹងជាមួយនឹងចម្រៀងនោះឡើយ លោកតែងវិវត្តន៍ខ្លួនជានិច្ច ទាំងការច្រៀង និងសូម្បីតែការលេងស្ទីលខ្លួន បង្ហាញក្នុងព្រឹត្តិការណ៍តន្រ្តីនានា ក្នុងន័យដើម្បីផ្តល់អារម្មណ៍ថ្មីជានិច្ចដល់អ្នកគាំទ្រ មិនឱ្យជិនណាយ។

៥. គំរូល្អនៃមេគ្រួសារ
ក្រៅតែពីចំណេះជំនាញ និងទេពកោសល្យដែលលោកមាន លោកក៏ត្រូវបានអ្នកគាំទ្រស្គាល់ថា ជាឧត្តមស្វាមីដ៏ល្អ ខណៈដែលរៀបអាពាហ៍ពិពាហ៍ច្រើនឆ្នាំមកនេះ ពុំធ្លាប់មានរឿងអាស្រូវស្នេហាត្រីកោណសោះឡើយ និងរឹតតែមិនដែល លាក់បាំងពីជីវិតអាពាហ៍ពិពាហ៍នោះដែរ។ លើសពីនេះ តាមរយៈចរិតឫកពារ មានសុជីវធម៌ មិនឆ្មើងឆ្មៃកូនៗរបស់លោក ធ្វើឱ្យមហាជនកាន់កោតសរសើរចំពោះលោកក្នុងនាមជាឪពុកមួយរូប ដែលមិនឱ្យកូនៗសំអាងលើភាពល្បីល្បាញ ក៏ដូចជាទ្រព្យធន ដែលគ្រួសារខ្លួនមាន។

គួរបញ្ជាក់ដែរថា ឧកញ៉ា ព្រាប សុវត្ថិ ហាក់កាន់តែជោគជ័យខ្លាំងលើអាជីពជាតារាចម្រៀង ខណៈឈរជើងនៅផលិតកម្ម Galaxy Navatra ជាង ៤ឆ្នាំមកនេះ លោកបានបន្តសាងប្រជាប្រិយភាពជាមួយនឹងចម្រៀងរសជាតិថ្មី ជាច្រើនបទ។ តួយ៉ាង បើគិតត្រឹមតែមួយរយៈពេលចុងក្រោយនេះ ក្នុងចំណោមចម្រៀងជាច្រើនបទដែលលោកបានច្រៀង និងផ្ទុះការគាំទ្រខ្លាំង ភាគច្រើនជាចម្រៀងដែលនិពន្ធ ដោយអ្នកឧកញ៉ា ឡេង ណាវ៉ាត់ត្រា ដូចជាបទ កឋិនសាមគ្គីមហាគ្រួសារខ្មែរ; សែកមន្ត្ត ក៏ដូចជា កុលាបមានបន្លា ជាដើម៕

The post ៥យ៉ាង ដែលតារាចម្រៀង ព្រាប សុវត្ថិ យកបានចិត្តអ្នកគាំទ្រមកទល់នឹងបច្ចុប្បន្ន appeared first on Kampuchea Thmey Daily.

បើនិយាយពីកេរ្តិ៍ឈ្មោះ និងប្រជាប្រិយភាពរបស់តារាចម្រៀងចាស់វស្សារូបនេះ ក៏នៅតែលេចធ្លោមិនធម្មតាដែរ និងកាន់តែមមារញឹកខ្លាំងលើឆាកតន្ត្រី។ ខណៈភាពល្បាញល្បីរបស់ ឧកញ៉ា ព្រាប សុវត្ថិ ច្រើនឆ្នាំយ៉ាងនេះលើវិថីតន្រ្តី ក៏នៅមិនទាន់មានតារាចម្រៀងជាន់ថ្មីរូបណា អាចជំនួសលោកបានឡើយ ពិសេសទាក់ទងនឹង៖

១. ទេពកោសល្យច្រៀង
បើនិយាយពីចំណុចពិសេស នៃទឹកដមសំនៀងរបស់ឧកញ៉ា ព្រាប សុវត្ថិ គឺអាចពណ៌នាបានថាមិនធម្មតា ក៏ព្រោះតែ មិនមែនមានត្រឹមទឹកដមសំនៀងពិរោះផ្អែមមុតប៉ុណ្ណោះទេ លោកនៅអាចប្រើប្រាស់សំឡេងបែបរ៉កយ៉ាងពិសេស ដោយស្រែកមិនភ្លាត់ ស្អកមិនបែក ហើយអាចរក្សាសំឡេងផ្អែមមុតក្នុងភាសាម៉ាត់ៗក្លែមស្រទន់ បន្ថែមលើសម្រែកបែបរ៉កថែមទៀត។

២. រក្សាអត្តសញ្ញាណដួងព្រឹលឹងនៃបទ
មិនថាជាង ២៥ឆ្នាំមុន ឬបច្ចុប្បន្ន កំពូលតារាចម្រៀងរូបនេះ អាចបទបែនបានគ្រប់ទម្រង់នៃបទ មិនថាសម័យកាលណានោះទេ។ បើបទនោសញ្ចេតនា លោកនឹងធ្វើឱ្យអ្នកស្តាប់ទទួលអារម្មណ៍លួងលោម ផ្អែមល្ហែម ឬទុក្ខសោកបង្កប់ន័យស្នេហ៍ ឱ្យមានឥន្ទ្រីយារម្មណ៍ទៅតាមចម្រៀង។ ឯចំពោះបទបែបយុគសម័យតន្ត្រីរ៉េបវិញ លោកក៏មានភាពពិសេសក្នុងការបង្ហាញផងដែរ ជាមួយនឹងការបង្ហើរសំនៀងដ៏ពិរោះ ម៉ាត់ៗច្បាស់ តែក៏មិនភ្លេចលាយឡំនឹងទឹកដមនៃភាសាអារម្មណ៍ បើទោះបីជាលើកឡើងដាក់ចុះបត់បែនរហ័សយ៉ាងណាក្តី។

៣. ប្រជាប្រិយភាពជាង ២៥ឆ្នាំ
ឈរជើងលើវិថីសិល្បៈជាង ២ទសវត្ស តារាចម្រៀងជួរមុខរូបនេះ មានកេរ្តិ៍ឈ្មោះបោះសំឡេងខ្លាំង និងត្រូវបានមហាជនមិនថាស្ថិតក្នុងវ័យណា ក៏ស្គាល់លោកដែរ។ តួយ៉ាង ក្នុងចំណោមយុវវ័យ ៥រូប ដែលផ្តល់បទសម្ភាសខ្លីជាមួយ កម្ពុជាថ្មី សុទ្ធតែចូលចិត្តនូវទឹកដមសំនៀងរបស់លោក និងនិយាយដូចៗគ្នាថា “មិនដឹងថាភាពល្បីល្បាញគាត់ មានពីពេលណាឡើយ តែចាប់ពីធំដឹងក្តីមកក៏ស្គាល់ឈ្មោះ ព្រាប សុវត្ថិ ទៅហើយ”។

៤. ពុំធ្លាប់មានរឿងអាស្រូវលើវិថីសិល្បៈ
លោកតែងបំពេញតួនាទីជាបុគ្គលសាធារណៈដ៏ល្អមួយរូប និងអាចចាត់ជាជាគំរូនៃអ្នកសិល្បៈ ដែលពុំធ្លាប់មាន រឿងអាស្រូវសោះឡើយ ហើយតែងធ្វើឱ្យគេកោតសរសើរក្នុងនាមជាកូនកត្តញ្ញូ ជាលោកឪពុកដែលមានព្រហ្មវិហារម្នាក់ និងជាឧត្តមស្វាមីមួយរូប ដែលអាចដឹងបានតាមរយៈស្នាមញញឹមនៃសុមង្គល និងសម្រស់របស់ភរិយាលោក។ ដោយឡែក ក្នុងអាជីពសិល្បៈវិញ ឧកញ៉ា ព្រាប សុវត្ថិ គឺជារៀមច្បងម្នាក់ ដែលទទួលបានការគោរពស្រលាញ់ និងផ្តល់តម្លៃផងដែរ។

ក្រៅពីចំណុចពិសេសទាំងអស់ខាងលើ អ្វីដែលគួរឱ្យកោតសរសើរចំពោះ ឧកញ៉ា ព្រាប សុវត្ថិ បើទោះបីជាបច្ចុប្បន្ន លោកមានវ័យ ៤៩ឆ្នាំហើយក៏ដោយ តែរូបសម្បត្តិនៅតែស្រស់សង្ហា ឡូយឆាយ និងទាន់សម័យលើការតុបតែងខ្លួន ធ្វើឱ្យអ្នកគាំទ្រនៅតែទទួលអារម្មណ៍ថា លោកនៅតែជា តារាចម្រៀងប្រុសមួយរូប ដែលគេបានស្គាល់កាលពីជាង ២៥ឆ្នាំមុនដូច្នេះដែរ៕

The post ចំណុចពិសេសអីខ្លះ ដែលមិនទាន់មានតារាចម្រៀងជំនាន់ថ្មីណា មកជំនួសលោក ព្រាប សុវត្ថិ បាន? appeared first on Kampuchea Thmey Daily.

វត្តមានរបស់កំពូលតារាចម្រៀង ព្រាប សុវត្ថិ ក្នុងពិធីបង្ហាញមុខតារាប្រចាំផលិតកម្ម Galaxy Navatra កាលពីថ្ងៃទី ២៥ ខែសីហា ឆ្នាំ២០២០ អាចទុកថាជាការចាប់ផ្តើមថ្មីមួយទៀត លើគ្រោងការនៃអាជីពសិល្បៈរបស់លោក ដើម្បីបន្តក្តីស្រមៃជាតារាចម្រៀង ដែលនៅតែរះក្នុងបេះដូងអ្នកគាំទ្រ។

បើគិតចាប់តាំងពីការឈានជើងជ្រកក្រោមទ្រំនំផលិតកម្មខ្នាតធំមួយនេះ ឧកញ៉ា ព្រាប សុវត្ថិ បានស្វះស្វែងរកអ្វីថ្មីៗជានិច្ច ដើម្បីជាចំណីអារម្មណ៍អ្នកទស្សនាក៏ដូចជាអ្នកគាំទ្ររបស់លោក មិនថាស្ទីលនៃការច្រៀង ឬការលេងខ្លួននោះឡើយ។ ពិសេស តាមរយៈការបង្ហាញបែបថ្មី ក្នុង MV ចម្រៀងក៏ដូចជារបៀបដែលលោកច្រៀង ក្នុងចម្រៀងរ៉េបមួយចំនួនទៀត។

ទោះជាបីជាឧកញ៉ា ព្រាប សុវត្ថិ ត្រូវបានគេស្គាល់ថាជាតារាមួយរូបដែលមានសមត្ថភាព និងទេព​កោសល្យ យ៉ាងណាក្តី តែ ៤ឆ្នាំ នៅផលិតកម្មនេះ មិនត្រឹមតែប្រជែងនឹងវ័យខ្លួនឯង លោកបានវិវត្តន៍ខ្លូនទៅកម្រិតមួយផ្សេងទៀត លើទេពកោសល្យដែលមានស្រាប់ សាកល្បងអ្វីពុំធ្លាប់ធ្វើ ដូចជាស្ទីលរាំ ការសម្តែង និងការច្រៀងជាដើម។

តួយ៉ាង ភាពខុសប្លែកថ្មីទាំងអស់នេះ លោកបានបង្ហាញនៅក្នុង MV ចម្រៀងជាច្រើន មិនថាការសម្តែង និងរបៀបច្រៀង ដូចជាក្នុង MV បទដំបូងបង្អស់របស់លោក “កង់បី” ដែលទទួលបានការគាំទ្រខ្លាំងបំផុតពីមហាជន។ ក្រោយមក លោកបានធ្វើឱ្យមហាជនភ្ញាក់ផ្អើលជាមួយនឹងការច្រៀង និងការបង្ហាញតាមរយៈបទផ្សេងៗទៀត ដោយមានអ្នកទស្សនាដល់ខ្ទង់លាននាក់ឯណោះ។

ពិតណាស់ លើសពីទេពកោសល្យច្រៀង ឧកញ៉ា ព្រាប សុវត្ថិ ក៏ត្រូវបានគេស្គាល់ថា ជាតារាមួយរូបដែលអាចបត់បែន តាមភាពជឿនលឿននៃសិល្បៈ ដោយមិនបណ្តោយឱ្យមានភាពសាំ កើតមានក្នុងចិត្តរបស់អ្នកគាំទ្រលោកនោះឡើយ។ ជាក់ស្តែង លោកតែងតែបង្ហាញស្ទីលថ្មីៗ មិនថាក្នុងការច្រៀង ឬការលេងខ្លួន។

គួរជម្រាបថា គិត​ត្រឹម​ឆ្នាំ ២០២៤ តារាចម្រៀងងារជាឧកញ៉ារូបនេះ បាន​ប្រឡូក​វិថីសិល្បៈ​ជាង ២ទសវត្ស​ និងមានវ័យជាង ៤០ប្លាយហើយ។ ប៉ុន្តែបើនិយាយពីប្រជាប្រិយភាព លោកនៅតែទទួលបានការចាប់អារម្មណ៍ និងល្បីល្បាញពេញផ្ទៃប្រទេសនៅឡើយ ខណៈការងារសិល្បៈក៏កាន់តែមមារញឹកខ្លាំងជាងមុនថែមទៀត៕

The post ឈរជើងនៅ Galaxy ៤ឆ្នាំ ព្រាប សុវត្ថិ Update ខ្លួនឯងមិនធម្មតា appeared first on Kampuchea Thmey Daily.

ជាមួយគ្នានេះ អ្នកឧកញ៉ា ឡេង ណាវ៉ាត់ត្រា បានបញ្ជាក់ថា ទោះបច្ចុប្បន្នមានអ្នកទស្សនាជាង៤លានដង ក៏ដោយ ចាប់ពីម៉ោងពេលនេះតទៅ ត្រូវកែប្រែដោយកាត់ចេញនូវវីដេអូមានប្លង់តុក្កតាឡាប៊ូប៊ូទាំងស្រុងទើបអាចផុសឡើងវិញបាន ។

អ្នកឧកញ៉ា បានលើកឡើងបន្តថា មួយរយៈនេះលោក Jonathan ជាអ្នកដឹកនាំសម្ដែងនៃបទ(សែកមន្ត)ដែលការដឹកនាំនោះ បានប្រើប្រាស់តុក្កតាឡាប៊ូប៊ូ។ កន្លងទៅអ្នកដឹកនាំសម្ដែងបានកែតម្រូវខ្លះទៅហើយក្ដី តែមកដល់ពេលនេះ អ្នកឧកញ៉ា បានពិនិត្យឃើញថានៅតែមានការវែកញែកពីផលប៉ះពាល់ផ្សេងៗនៅបណ្ដាញសង្គម ។

ទន្ទឹមគ្នានេះ អ្នកឧកញ៉ា ក៏បានគោរពអរគុណពុកម៉ែបងប្អូនទាំងអស់ដែលផ្ដល់យោបល់កែតម្រូវដើម្បីសិល្បៈកម្ពុជា ក្នុងការឈានទៅមុខ ។ អ្នកឧកញ៉ា ចាត់ទុក ពុកម៉ែបងប្អូនទាំងអស់គ្នាប្រៀបដូចជាកញ្ចក់ដែលឆ្លុះបញ្ជាំងនូវចំណុចខ្វះខាតរបស់ក្រុមការងារ៕

The post អ្នកឧកញ៉ា ឡេង ណាវ៉ាត្រា បញ្ជាឲ្យអ្នកគ្រប់គ្រង Galaxy Navatra និងដឹកនាំផលិត លុបបទ«សែកមន្ត» ដើម្បីកែសម្រួលនិងកាត់ប្លង់តុក្កតាឡាប៊ូប៊ូចេញ appeared first on Kampuchea Thmey Daily.

តាមការអះអាងជុំវិញការដាក់ចំណងជើងនេះ លោក Jonathan ពន្យល់ថា “សេកមន្ត” ឬ “សែកមន្ត” គឺយកតាមវចនានុក្រមសម្ដេចសង្ឃ ជួន ណាត ខណៈពាក្យទាំងនេះ គឺអាចប្រើបានពីរ ដោយអាចប្រើ “សេកមន្ត” ក៏បាន ប្រើ “សែកមន” ក៏បាន ប៉ុន្តែសម្រាប់ការនិយមប្រើ គឺ “សែកមន្ត”។

ឯកម្មសិទ្ធិបញ្ញាវិញ លោកថា បទនេះជាបទមេឡូឌីថ្មីដែលខាងផលិតកម្ម Galaxy Navatra បានសហការជាមួយ លោក សុខោទ័យ (ម្ចាស់កម្មសិទ្ធិ) តែលើពាក្យពោលខាងមុខប៉ុណ្ណោះ។ ទោះយ៉ាងណា ក្រុមការងារពិតជាបានយកចិត្តទុកដាក់ និងគោរពកម្មសិទ្ធិបញ្ញា។

ដោយឡែក ចំពោះសម្លៀកបំពាក់តួអង្គក្នុងសាច់រឿង សម្រាប់តារាចម្រៀងជួរមុខ លោក ព្រាប សុវត្ថិ ស្លៀកឯណេះវិញ លោកបញ្ជាក់ថា គឺមិនមែនជាតួអង្គស្តេច ឬ ព្រះមហាក្សត្រអង្គណានោះទេ តែជាសម្លៀកបំពាក់គ្រូអាគម ដែលហៅថា «ទេវបុត្រកាមទេព» ។ ខណៈជុំវិញ ការកែច្នៃនិងដំឡើងឈុតនេះឡើង អ្នកច្នៃម៉ូត ក៏បានលើកបង្ហាញពីព័ស្តុតាង នៃការបំផុតគំនិតផងដែរ ដោយដកស្រង់ចេញពីតួអង្គទេពមួយអង្គនៃព្រហ្មញ្ញសាសនា និងត្រូវបានច្នៃតាមបែបសហសម័យ ឱ្យស៊ីទៅនឹងបទចម្រៀងថ្មីនេះ។

ចំណែកការដាក់បង្ហាញ តុក្កតាឡាប៊ូប៊ូ នៅក្នុង MV ចម្រៀងមួយបទនេះ លោក Jonathan បានឱ្យដឹងដែរថា  បានកែសម្រួលប្លង់មួយចំនួន ឯកាលមិនទាន់កែនៅជិតប្លង់ចាប៉ីនៃ MV គឺបានកែមកកន្លែងប្លង់ MV នៃភ្លេងកណ្ដាលនៃចម្រៀងវិញ គឺគម្លាតមានពីប្លង់ចាប៉ីនៃ MV ។ ខណៈគោលបំណងនៃការបូកផ្សំការរាំ តុក្កតាឡាប៊ូប៊ូ ក្នុងចម្រៀងមួយបទនេះ ក៏ព្រោះតែចង់ផ្សារភ្ជាប់ការកម្សាន្តជាមួយរូបភាព និងចង្វាក់រាំនេះ ធ្វើឱ្យទស្សនិកជនដែលជាយុវវ័យបានរីករាយប៉ុណ្ណោះ។

លោកគូសបញ្ជាក់ថា តែទោះជាយ៉ាងណា ការកែតម្រូវខាងលើនេះ មិនទាន់គ្រប់គ្រាន់ឡើយសម្រាប់លោក ក្នុងនាមជាអ្នកដឹកនាំសម្ដែងនៃបទនេះ ហើយលោកនឹងនៅតែទទួលយកការកែតម្រូវជានិច្ចដោយស្មោះត្រង់ បើមានការចង្អុលបង្ហាញណាមួយពីក្រសួង ឬស្ថាប័នពាក់ព័ន្ធ។

អ្នកដឹកនាំសម្តែងរូបនេះ បន្ថែមថា ចំណេះដឹងរបស់ខ្លួននៅមានកម្រិត តែយ៉ាងណាលោកក៏ព្យាយាមខិតខំកែលម្អ បើមានការឆ្គាំឆ្គងដោយប្រការណាមួយ ព្រោះខ្លួនមិនមានចេតនាណា ចង់ឱ្យប៉ះពាល់ដល់កេរដំណែលដូនតានោះឡើយ។
ហើយក្នុងនាមជាយុវជនសិល្បៈជំនាន់ក្រោយ លោកសន្យាថានឹងព្យាយាមខិតខំធ្វើឱ្យបានល្អ និងកែប្រែ ដោយភាពស្មោះត្រង់។

គួរជម្រាបថា «សែកមន្ត​» ចម្រៀងថ្មីរបស់ផលិតកម្មខ្នាតយក្ស Galaxy Navatra ផលិតឡើងក្នុងឱកាស ដើម្បីជាការអបអរសាទរគម្រប់ខួប ៨ឆ្នាំ នៃការដាក់ចាប៉ីដងវែង ក្នុងបញ្ជីបេតិកភណ្ឌវប្បធម៌អរូបីនៃមនុស្សជាតិ ដែលមានកំពូលតារាចម្រៀង ព្រាប សុវត្ថិ និងកញ្ញា តន់ ច័ន្ទសីម៉ា ច្រៀងនិងតុបតែងតែងខ្លួនក្នុងឈុតបុរាណ អមជាមួយអ្នកលេងចាប៉ីជាង ១០០នាក់ ដោយផលិតជាពីរ Version ប្រុសនិងស្រី។ តួយ៉ាង ចម្រៀងមួយបទនេះ ក៏កំពុងទទួលបានការចាប់អារម្មណ៍ខ្លាំងពីមហាជនក្នុងរយះពេលប៉ុន្មានថ្ងៃនេះ៕

The post Jonathan អ្នកដឹកនាំសម្ដែងបានកែរប្លង់មួយចំនួន នឹងធ្វើការបកស្រាយ បីចំណុចធំក្នុងMVបទ”សែកមន្ត” appeared first on Kampuchea Thmey Daily.