លោក Gareth Southgate គ្រូបង្វឹកក្រុមជម្រើសជាតិអង់គ្លេសបានគោរពដល់ការសម្រេចចិត្ត របស់ខ្សែការពារ Ben White ​ដែល​បាន​បដិសេធ​​ចូលរួមជាមួយក្រុមអង់គ្លេស។ លោកបានទទួលស្គាល់ថា White ជាកីឡាករលេចធ្លោ​ក្នុងក្រុម Arsenal នៅរដូវកាលនេះ។

លោក Gareth Southgate អាចនឹងប្រឈម​នឹង​ការរិះគន់ពី​អ្នក​គាំទ្រ​ ប៉ុន្តែគ្រូបង្វឹករួបនេះមិន​លាក់បាំងហេតុផល នៅពីក្រោយការអវត្តមានរបស់ Ben White ក្នុងការប្រកួតពេលខាងមុខជាមួយប្រេស៊ីល និងបែលហ្ស៊ិក។

លោក Southgate ទទួលបានព័ត៌មានពីនាយកផ្នែកកីឡារបស់ក្លិប Arsenal ថា White មិនមានបំណងពិចារណាសម្រាប់ការចូលរួមជាមួយក្រុមអង់គ្លេសនៅពេលនេះទេ។ រឿងនេះកើតឡើង បន្ទាប់ពី​រូប​គេ​ត្រូវបានបញ្ជូនទៅ​ផ្ទះវិញក្នុង​ពាក់​កណ្តាល​ទី​ព្រឹត្តិការណ៍​​ World Cup ឆ្នាំ២០២២ ដែលសមាគមបាល់ទាត់​អង់គ្លេស​ចាត់ទុកជា​ហេតុផលផ្ទាល់ខ្លួន។

លោក Southgate បាននិយាយថា សប្តាហ៍មុន Ben ប្រាប់​ថា White មិនចង់ពិចារណាក្នុងការចូល​រួម​ជាមួយក្រុមអង់គ្លេស​ពេលនេះទេ។ «សម្រាប់ខ្ញុំ នោះជារឿងអាម៉ាស់មួយ។ សម្រាប់ខ្ញុំ ប្រទេសអង់គ្លេសគឺឈានដល់ចំណុចកំពូល។ ហើយរឿងដែលខ្ញុំសោកស្តាយក្នុងជីវិតរបស់ខ្ញុំ គឺជារឿងដែលខ្ញុំមិនធ្លាប់បានទៅដល់គោលដៅ»។

ប្រែសម្រួល៖ ផា រតនា
ប្រភព៖ football.london

The post លោក Southgate ប្រាប់មូលហេតុ Ben White មិនចូលរួមក្រុមអង់គ្លេស appeared first on Kampuchea Thmey Daily.

កីឡាករ Luke Shaw បានរកគ្រាប់បាល់នាំមុខឲ្យអង់គ្លេស បន្ទាប់ពីការប្រកួតលេងបានត្រឹម ១នាទីនិង ៥៧ វិនាទី ដែលជាគ្រាប់បាល់លឿនបំផុតក្នុងវគ្គផ្តាច់ព្រ័ត្រជើងឯកទ្វីបអ៊ឺរ៉ុបនិងជាគ្រាប់ទី ១ របស់រូបគេសម្រាប់ក្រុមតោកំណាច អង់គ្លេស។

ខ្សែការពារ Leonardo Bonucci រកគ្រាប់បាល់ឲ្យអ៊ីតាលី តាមស្មើវិញនៅតង់ទី ២ មុនពេលពួកគេឈ្នះបាល់ប៉េណាល់ទី ដោយសារកីឡាករ Marcus Rashford, Jadon Sancho និង Bukayo Saka របស់អង់គ្លេស ស៊ុតមិនចូល។

ស្របពេលជាមួយគ្នានេះដែរ គេហទំព័រ Daily Star Sport បានកត់សម្គាល់រឿងពីរយ៉ាង ដែលគ្រូបង្វឹកអង់គ្លេសលោក Gareth Southgate ធ្វើខុស។

កំហុសទី១៖ ការរៀបក្បួនទប់

បន្ទាប់ពីការនាំមុខមុននៅដើមតង់ទី១ អង់គ្លេសបាន ប្តូរដាក់ប្រព័ន្ធទប់ ហើយព្យាយាមការពារខ្លាំងមែនទែន ដោយគ្រាប់បាល់របស់ Shaw គឺជាការស៊ុតចុងក្រោយបំផុតរបស់ក្រុមតោកំណាច ពីការលេង open play រហូតដល់តង់ទី ២នៃម៉ោងបន្ថែម ១៥នាទីពីរដង។

ទោះបីជាយ៉ាងណាក៏ដោយ ក្បួនបែបនេះ អនុញ្ញាតឲ្យអ៊ីតាលី បុកខ្លាំងនិងមានសាច់បាល់លេងច្រើនក្នុងការប្រកួត ហើយក្រុមរបស់លោក Roberto Mancini គ្រប់គ្រងបាល់ខ្លាំងនៅតង់ទី ២ រហូតឈានទៅដល់ការតាមស្មើ។

កំហុសទី២៖ ការផ្លាស់ប្តូរកីឡាករយឺតពេល

លោក Southgate បានសម្រេចចិត្ត មិនផ្លាស់ប្តូរកីឡាករចូល នៅដំណាក់កាលដំបូងនៃការប្រកួតនេះ ហើយគាត់បានរង់ចាំរហូតដល់នាទីទី៧១ ដើម្បីធ្វើការផ្លាស់ប្តូរលើកដំបូង ដោយដាក់ចូល Saka ជំនួស Trippier។

យ៉ាងណាក្តី គ្រូបង្វឹកអង់គ្លេសរូបនេះ ប្រហែលជាគួរតែធ្វើការកែប្រែបន្តិចមុននេះ ស្របពេលអ៊ីតាលីគ្របដណ្តប់ក្នុងតារាងនៅតង់ទី ២ មុនពេលពួកគេរកបានគ្រាប់បាល់តាមស្មើ។

លោក Southgate ក៏មិនព្រមធ្វើការផ្លាស់ប្តូរ មុនពេលចាប់ផ្តើមការប្រកួតវគ្គបន្ថែមម៉ោង១៥នាទី២ដងផងដែរ បើទោះបីជាមានកីឡាករល្អៗដូចជា Jack Grealish, Rashford និង Sancho នៅកៅអីបម្រុងក៏ដោយ៕

ប្រែសម្រួល៖ Vann Vann

ប្រភព៖ Daily Star

ចុចអាន៖ ចាញ់អ៊ីតាលីមែន តែ Luke Shaw បង្កើតប្រវត្តិសាស្រ្តមួយ នៅវគ្គផ្តាច់ព្រ័ត្រ យូរ៉ូ

The post កំហុស ២ យ៉ាងរបស់លោក Southgate ធ្វើឲ្យ អង់គ្លេស  របូតពាន យូរ៉ូ appeared first on Kampuchea Thmey Daily.