ថ្មីៗនេះអ្នកនាង Georgina Rodriguez បានប្រកាសនៅលើគណនី IG របស់នាងអំពីការភ្ជាប់ពាក្យនេះ ដោយបានបង្ហោះរូបចិញ្ចៀនពេជ្រដ៏ធំមួយនៅម្រាមដៃ​ខាងឆ្វេង អមជាមួយសំណេរថា៖ «ចាស ខ្ញុំធ្វើវាហើយ។ នៅក្នុងនេះ វាគឺជាជីវិតរបស់ខ្ញុំទាំងមូល»។

យ៉ាងណា លក្ខណៈលម្អិត និងតម្លៃនៃចិញ្ចៀនពេជ្រនេះ គឺមិនទាន់ត្រូវបានគេទម្លាយជាផ្លូវការនៅឡើយទេ ប៉ុន្តែបើតាមការស្មានដោយអ្នកជំនាញបានឱ្យដឹងថា ចិញ្ចៀនដ៏ធំសម្បើមនេះ អាចមានទំហំធំជាង ៥ សង់ទីម៉ែត្រ ហើយមានទម្ងន់ចន្លោះពី ២៥ ទៅ ៣០ ការ៉ាត់។ សម្រាប់ចិញ្ចៀននេះផងដែរ ត្រូវបានគេអះអាងថា អាចមានតម្លៃទាបបំផុត ២ លានដុល្លារអាមេរិក ហើយខ្ពស់បំផុតអាចដល់ ៥ លានដុល្លារអាមេរិក។

តាមរយៈការភ្ជាប់ពាក្យនេះបានបង្ហាញថា Ronaldo និងតារាបង្ហាញម៉ូតសញ្ជាតិ អាហ្សង់ទីន Georgina Rodriguez ជិតរៀបការជាមួយគ្នាហើយ បន្ទាប់ពីអ្នកទាំង ២ រួមរស់ជាមួយគ្នាអស់រយៈពេល ៩ ឆ្នាំ និងមានកូនជាមួយគ្នាចំនួន ២ នាក់៕

ប្រែសម្រួល៖ សេម កុសល
ប្រភព៖ Marie Claire

The post Ronaldo បានបំពាក់ចិញ្ចៀនពេជ្រ ភ្ជាប់ពាក្យ​ដល់​គូស្នេហ៍មានតម្លៃខ្ទង់លានដុល្លារ appeared first on Kampuchea Thmey Daily.

យោងតាមចុះផ្សាយរបស់ ​​AS បានឲ្យដឹងថា Ronaldo គ្រោងនឹងត្រឡប់​ទៅប្រទេសកំណើត​វិញ ជាមួយគូស្នេហ៍របស់ខ្លួន Georgina Rodriguez ខណៈពេល​វិមានដ៏ធំរបស់ពួកគេនៅជិតទីក្រុង Lisbon កំពុងត្រូវបានសាងសង់។ ទោះ​ជាយ៉ាងណា ផែនការនេះកំពុងមានបញ្ហាស្របពេលគូស្នេហ៍១គូនេះព្យាយាមស្វែងរកសាលារៀន​ឲ្យ​កូនទាំង៥នាក់នៅទីនោះ។

Ronaldo និង Rodriguez ត្រូវបានគេមើលឃើញថា បានទៅសាលា​រៀន​ឈ្មោះ​ St. Julian ជា​សាលា​ឯកជនរបស់ចក្រភពអង់គ្លេស ស្ថិតក្នុងចំណោមគ្រឹះ​ស្ថាន​អប់រំ​ដ៏​ល្បី​បំផុត​នៅ​ប្រទេសព័រទុយហ្គាល់។ សាលារៀននេះគឺជាកន្លែងដែលក្មេងៗនៃគ្រួសារអ្នកមាន និងអ្នកមានអំណាចបំផុតនៅក្នុងតំបន់បានចុះឈ្មោះចូលរៀន​អាយុពី៣ទៅ១៨ឆ្នាំ។

Ronaldo និង Rodriguez ត្រូវបានគេមើល​ឃើញ​ពី​ពី​ការ​ពិភាក្សាអំពីការចុះឈ្មោះសម្រាប់កូនរបស់ពួកគេឲ្យចូលរៀននៅសាលានោះ ប៉ុន្តែត្រូវ​បែរជាត្រូវខាងសាលាបានបដិសេធ។

តាមការបញ្ជាក់របស់ V+Fama បាននិយាយថា ​ការ​បដិសេធ​របស់​សាលា​រៀន​ St. Julian ក្រោមហេតុផល​ឯកជន​ភាព​គឺ​​មិនចង់ឲ្យកូនរបស់ Ronaldo សិក្សានៅទីនោះ ពី​ព្រោះពួកគេចង់ការពារសិស្សដទៃទៀត។ ពួក​គេ​មិនចង់ឲ្យសាលារៀននោះក្លាយជាប្រភពព័ត៌មានឥតឈប់ឈរនោះទេ។ ជារួមខាងសាលាការពារខ្លាចមានករណីណាមួយកើតឡើងមិនប្រក្រតីចំពោះកូនៗរបស់ពួកគេ ដូច្នេះ​ខាងសាលាអាចប្រឈមមុខនឹងការបាត់បង់កេរ្ដិ៍ឈ្មោះដោយសារផ្សព្វផ្សាយពី​សារព័ត៌មានជុំវិញពិភពលោក។

Ronaldo និង Rodriguez រួមជាមួយកូន៥នាក់​កំពុង​នៅប្រទេសអារ៉ាប៊ីសាអ៊ូឌីត​ ជាកន្លែងដែល​រូប​គេ​​លេង​ឲ្យ​ក្លិប Al Nassr តាំងពីដើមឆ្នាំ២០២៣។ កិច្ចសន្យារបស់ខ្សែប្រយុទ្ធវ័យ៣៩ឆ្នាំជាមួយក្លិបអារ៉ាប់នឹងផុតកំណត់នៅរដូវក្តៅឆ្នាំ២០២៥៕

ប្រែសម្រួល៖ ផា រតនា

The post សាលា​រៀន​ឯកជនមួយនៅព័រទុយហ្គាល់មិនទទួលយក​កូនរបស់ Ronaldo appeared first on Kampuchea Thmey Daily.

តារាម៉ូដែលអាហ្សង់ទីនអាចរកបាន១០លានដុល្លារសម្រាប់រដូវកាលទី១ ហើយចំនួននោះអាចកើនឡើង នៅរដូវកាលទី២ បើទោះបីជាក្រុមហ៊ុន Netflix មិន​បានបញ្ចេញតួលេខផ្លូវការក៏ដោយ។ រដូវកាលទី៣ រឿង«I Am Georgina»ត្រូវបានចាក់ផ្សាយនៅលើ Netflix តាំងពីថ្ងៃទី១៨ ខែកញ្ញា។

ប្រភពជាច្រើនបានរាយការណ៍ថា ទ្រព្យសម្បត្តិសុទ្ធរបស់​​ Rodriguez ត្រូវបានគេប៉ាន់ប្រមាណ​​ចំនួន១៩.៧លានដុល្លារ។ ក្រៅពីប្រាក់ចំណូលពី Netflix នាងក៏អាចរកប្រាក់បានប្រមាណ ១០០,០០០ដុល្លារ ពី​ការផ្សព្វផ្សាយពាណិជ្ជកម្មនៅលើគណនី Instagram ដែលមានអ្នកតាមដាន៦៣លាននាក់។ តារា​ម៉ូដែល​រូប​នេះ​​មាន​គ្លីនិកហ្វេហ្ស៊ិន​​ជា​មួយ​ Ronaldo ដែលអាចរកបាន​ចំណូលបាន១០.៥លានដុល្លារក្នុងមួយឆ្នាំ។

រដូវកាលទី៣ ស៊េរីរឿង«I Am Georgina» តារាម៉ូដែលវ័យ៣៩ឆ្នាំរូបនេះបង្ហាញពីភាពស្និទ្ធស្នាលជាងមុន​ជាមួយមិត្តភក្តិជិតស្និទ្ធ និងក្រុមគ្រួសារ ក៏ដូចជាជីវិត​រស់​​នៅក្នុងប្រទេសអារ៉ាប៊ីសាអ៊ូឌីត​ ជាកន្លែងដែល​ Ronaldo កំពុង​លេង​ឲ្យ​ក្លិប Al Nassr តាំង​ពីឆ្នាំ២០២៣។ ​រដូវ​កាល​ទី២ ស៊េរីរឿង«I Am Georgina» តារា​ឆ្នើម​ Ronaldo បានបង្ហាញខ្លួនក្នុងសាច់រឿងនេះមិនបានច្រើនទេ ប៉ុន្តែ​រដូវ​កាល​ទី​៣ រូបគេ​មានបង្ហាញខ្លួន​ច្រើន​។

ចំពោះ Ronaldo ចាប់ផ្តើមមានទំនាក់ទំនងស្នេហាជាមួយ Rodriguez ​កាល​ពី​ឆ្នាំ២០១៦។ គូស្នេហ៍មួយមានកូនពីរនាក់ជាមួយគ្នា ខណៈកូនទី៣ របស់ Ronaldo មានតាមរយៈការពពោះជំនួស៕

ប្រែសម្រួល៖ ផា រតនា

The post មិត្តស្រីរបស់ Ronaldo រកបានចំណូល១០លានដុល្លារពី Netflix appeared first on Kampuchea Thmey Daily.

លើសពីនេះទៀតដែរ មិត្តស្រីរបស់កំពូលតារាបាល់ទាត់សញ្ជាតិព័រទុយហ្គាល់ បានបង្ហាញដើមទ្រូងរបស់នាងនៅពីមុខកាមេរ៉ា។ Georgina Rodriguez ក៏​បាន​បង្ហាញ​គ្រឿង​អលង្ការ​ដ៏​ប្រណិតជាមួយ​នឹង​កាបូប​ស្បែក​ក្រពើ​ភ្លឺ​ចាំង​ម៉ាក Hermes Birkin ដែល​មាន​តែមបក់​មាស​​មាន​តម្លៃ​ដល់​ទៅ ៦៤,៨១០ដុល្លារ។

Hermes Birkin គឺជាម៉ូដែលកាបូបដែលស្រលាញ់ដោយគូស្នេហ៍របស់ Ronaldo ។ នាង​ប្រើ​របស់​ម៉ាក​នេះ​ក្នុង​ប្លង់​ផ្សេងៗ​ដើម្បី​បង្ហាញ​ពី​ថ្នាក់​ដ៏​ប្រណិត​របស់​នាង។ កាបូបមួយក្នុងចំណោមកាបូបថ្លៃបំផុតទីពីរដែល Georgina Rodriguez កាន់កាប់គឺ Himalaya Birkin ដែលមានតម្លៃប្រហែល ២០២,៥៣១ដុល្លារ ដែលជាកម្មសិទ្ធិរបស់ខ្សែកាបូបថ្លៃបំផុតទីពីរនៃម៉ាក Hermes ។ ប្រសិនបើអ្នកទិញចង់ទទួលបានការរចនាខាងលើ អ្នកទិញត្រូវតែជាអតិថិជនស្មោះត្រង់ ហើយប្រហែលជាត្រូវរង់ចាំជិត ១-២ ឆ្នាំដើម្បីឲ្យ Hermes កាន់នឹងដៃ។

ក្រៅ​ពី Hermes មិត្ត​ស្រី​របស់ Ronaldo ក៏​ចំណាយ​ប្រាក់​លើ​ម៉ាក​យីហោ​រាប់​សិប​ទៀត​ដូច​ជា LV, Dior, Chopard និង Chanel។​ ជីវិតរបស់តារាស្រី Al-Nassr ធ្វើឲ្យស្រីៗជាច្រើនច្រណែននឹងភាពប្រណីតរបស់នាងតែងតែបង្អួតលើបណ្ដាញអ៉ីនធើណេតជារឿយៗ៕

អត្ថបទ សាង ស្រីល័ក្ខ

ចុចអាន៖ម្ដាយ Preeyada លើកដៃសំពះអរគុណ Aum ដែលជួយគាត់ពេលទឹកដល់ច្រមុះ

The post មិត្តស្រី Ronaldo បង្អួតកាបូប Hermes តម្លៃរាប់សិបលានដុល្លារ appeared first on Kampuchea Thmey Daily.

កាលពីប៉ុន្មានថ្ងៃមុន តារាបង្ហាញម៉ូដជនជាតិអេស្ប៉ាញ Georgina Rodríguez បានបង្ហាញវត្តមានក្នុងមហោស្រពភាពយន្តទីក្រុង Venice លើកទី៨០ ដោយសម្ញែងជាមួយខ្សែកពេជ្រតម្លៃ ៤លានផោន ​(ប្រហែល ៤.៩៨លានដុល្លារអាមេរិក) និងសម្ភារប្រើប្រាស់ប្រណីតៗ បង្កឱ្យការចាប់អារម្មណ៍យ៉ាងខ្លាំងពីអ្នកចូលរួមផ្ទាល់ និងទស្សនិកជនតាមអ៊ីនធឺរណិត។

ក្រៅពីខ្សែកពេជ្រតម្លៃកប់ពពក គេប្រទះឃើញតារាស្រីវ័យ ២៩ឆ្នាំ សម្ញែងជាមួយនឹងកាបូប Hermes Birkin ដ៏កម្រមួយដែលមានតម្លៃ ២សែនផោន (ប្រហែល ២.៤៩សែនដុល្លារអាមេរិក) ផងដែរ។ មិនតែប៉ុណ្ណោះ Georgina ប្រើសម្លៀកបំពាក់រហូតដល់ទៅ ៣ឈុត សុទ្ធតែមានតម្លៃខ្ពស់ បូករួមជាមួយនឹងនាឡិកាប្រាក់ ចិញ្ចៀនផ្កា និងវ៉ែនតាខ្មៅសុទ្ធសឹងប្រណីតទាំងអស់៕

ប្រែសម្រួល៖ សន្យា

ចុចអាន៖ ការពិតនានាពី Georgina មិត្តស្រីរបស់ Ronaldo គ្មាននរណាធ្លាប់ខ្វល់ឡើយ

ចុចអាន៖ ផ្ទះដែល Marilyn Monroe ស្លាប់ នឹងត្រូវរុះរើដោយម្ចាស់ថ្មី

The post មិត្តស្រី Ronaldo សម្ញែងគ្រឿងពេជ្រជិត ៥លានដុល្លារ នៅមហោស្រពភាពយន្តប្រទេសអ៊ីតាលី appeared first on Kampuchea Thmey Daily.

ទឹកអប់នោះគឺជា “Ambassador de Gisada” វាត្រូវដាក់លក់ដំបូងក្នុងឆ្នាំ ២០២១ ហើយថែមទាំងជាទឹកអប់ដ៏ប្រណីតដែលចរាចរណ៍ក្នុងទីផ្សារមិនចាញ់ Chanel Dior នោះឡើយ ។ Ambassador de Gisada មានតម្លៃ ១៥០.៧៥ ដុល្លារ សម្រាប់ចំណុះ ១០០ មីលីលីត្រ និងតម្លៃ ១១៣.០៧ ដុល្លារ សម្រាប់ចំណុះ ៥០ មីលីលីត្រ ។

ទឹកអប់ Ambassador de Gisada មានលាយក្លិនផ្លែឈើ ផ្កាវាយអូឡេត ប៊្លូបឺរី ក្រូច ម្រេចពណ៌ផ្កាឈូក ផ្កាម្លិះ ផ្កាម្លិះ-ក្រូច ផ្កា Freesia និង ឈើ cashmere ។ រីឯក្លិនដើមរបស់វាមាន Vetiver (រុក្ខជាតិឡាទីន) វ៉ានីឡា Sandal wood និង Musk ជាដើម ។

គួរបន្ថែមថា យីហោ Gisada បានចាប់ផ្ដើមដំបូងនៅក្នុងទីក្រុង Zurich ប្រទេសស្វីស ឆ្នាំ ២០១៣ ដែលជាក្តីស្រមៃរបស់បងប្អូន ២ នាក់ ។ ពួកគេចង់បង្ហាញពីចំណង់ចំណូលចិត្តរបស់ខ្លួនចំពោះទឹកអប់ដោយសហការជាមួយអ្នកផលិតទឹកអប់ល្បីៗដែលមានចក្ខុវិស័យច្បាស់លាស់ ទើបបង្កើតចេញជាទឹកអប់ម៉ាក Gisada នេះឡើង ៕

ប្រែសម្រួល ៖ វារី

ចុចអាន ៖ ទឹកអប់ ៨ ម៉ាក ដែលស្ត្រីល្បីៗលើលោកប្រើ គ្មានការឧបត្ថម្ភ

The post មកដឹងតម្លៃ ទឹកអប់សំណព្វចិត្តមិត្តស្រី Ronaldo appeared first on Kampuchea Thmey Daily.

តារាម៉ូដែលវ័យ២៩ ឆ្នាំដែលធ្វើដំណើរទៅរស់នៅប្រទេសអារ៉ាប៊ីសាអូឌីត ចាប់តាំងពីខ្សែប្រយុទ្ធវ័យ ៣៨ឆ្នាំបានផ្លាស់ទៅលេងបាល់ទាត់ជាមួយក្លឹប Al Nasser ដែលជាភ្នាក់ងារថ្មីនៅក្នុង​សមរភូមិ Pro League អារ៉ាប៊ីសាអូឌីត នៅចុងឆ្នាំមុន។

យ៉ាង​ណា​មិញ ទង្វើ​ចុង​ក្រោយ​របស់​នាង​ស្លៀក​ប៊ីគីនី​តូច​បង្អួត​រាង​​នៅ​មាត់​អាង​ បានបង្កឲ្យមានការជជែកគ្នាថាមិនសមរម្យសោះ។ មុន​ពេល​បង្ហោះ​រូប​នេះ​លើ Instagram មនុស្ស​មួយ​ចំនួន​មិន​ពេញ​ចិត្តលើនាងស្រាប់តែហើយ។ ព្រោះ​កន្លងមកនាងតែងតែបំពានច្បាប់ក្នុងប្រទេស ហើយការ​ធ្វើ​ដូច្នេះ ​គឺ​ជា​ការ​រំលោភ​ច្បាប់​អារ៉ាប៊ីសាអូឌីត ដ៏​តឹងរ៉ឹង​ក្នុងសាសនាផងដែរ។

ជាមួយគ្នា​នោះដែរ​​​ អ្នក​គាំទ្រ​ខ្លះ​បានបញ្ចេញសារវាយ​ប្រហារ​នាងថា “វាឈ្លើយណាស់”, “នេះគឺជាអារ៉ាប៊ីសាអូឌីត។ ហើយអ្នកស្ថិតនៅក្រោមការគ្រប់គ្រងរបស់ប្រទេស” និង “អ្នកគួរតែសុំទោសចំពោះ​អល់ឡោះ” ខណៈដែលអ្នកខ្លះបានការពារនាងថា នេះជារឿងផ្ទាល់ខ្លួន​ហើយមិនអាក្រាតតាម​របៀបណាមួយ​ឡើយ។

ទោះជាយ៉ាងនេះក្តី លោក James Dorsey អ្នកជំនាញខាងច្បាប់​មជ្ឈិមបូព៌ា បានប្រាប់កាសែត Daily Star របស់អង់គ្លេសថា ជាគោលការណ៍កូដ​សំលៀកបំពាក់ គឺជាការគ្រប់គ្រងរបស់​ព្រះរាជាណាចក្រ។ ការ​ស្លៀក​ប៊ីគីនី​ត្រូវ​បាន​គេ​ចាត់​ទុក​ថា​មិន​សមរម្យ។ ប៉ុន្តែ​កូដ​សំលៀកបំពាក់​បាន​បន្ត​វិវឌ្ឍ​ចាប់តាំងពី​លោក Mohammed bin Salman ឡើង​កាន់​តំណែង​មក​ម្ល៉េះ៕

ប្រែសម្រួល៖ សាង ស្រីល័ក្ខ

ប្រភព៖Sanook

ចុចអាន៖កម្ពុជា​នៅមានមេដាយ​មាសច្រើន​​គ្រឿង​ត្រូវ​ប្រជែងថ្ងៃចុងក្រោយ

The post មិត្តស្រី Ronaldo បំពានច្បាប់អារ៉ាប៊ីសាអូឌីតម្ដងទៀត ក្រោយបង្អួតរាងស្រើបស្រាលជាសាធារណៈ appeared first on Kampuchea Thmey Daily.

ទោះយ៉ាងណាក៏ដោយ តារា​ឆ្នើម​ព័រទុយហ្គាល់​ត្រូវបានគេដឹងថាលោកមាន​ទ្រព្យសម្បត្តិ​ប៉ាន់ស្មាន​ជាង ១០០០លានដុល្លារ ហើយនេះអាច​មានន័យថា Rodriguez នឹងទទួលបានទឹក​ប្រាក់ជិត ៣៥០លាន បើយោងតាមរបាយការណ៍​នៅក្នុង​ប្រទេស​ព័រទុយហ្គាល់​បាន​បញ្ជាក់​យ៉ាង​ដូច្នោះ។ ម្យ៉ាងវិញទៀត ​ដោយសារ​ទំនាក់ទំនង​របស់​ពួកគេ​មាន​រយៈពេល​យូរ និង​ការពិតដែលថា​ Georgina ​​ក៏​ជា​ម្តាយ​របស់​កូន​ទាំងពីរ​ នោះនាង​នឹង​ទទួល​បាន​សំណង​យ៉ាង​ច្រើន ​​ប្រសិនបើ​ការ​បែក​គ្នា​កើតឡើងពិត។

យ៉ាងណាមិញ ក្នុងនោះមានពាក្យចចាមអារ៉ាម​ជាច្រើនបានលេច​ចេញជា​សាធារណៈ​ក្នុង​ប៉ុន្មាន​សប្ដាហ៍​ថ្មីៗ​នេះ ជាមួយនឹង​របាយការណ៍​ជាច្រើន​ដែល​បង្ហាញ​ថា Ronaldo មានការ​ធុញទ្រាន់​នឹង​ភាព​ច្របូកច្របល់​របស់ Rodriguez រួមទាំងភាព​ក្រអឺតក្រទម​របស់នាងផងដែរ។

លើសពីនេះ របាយការណ៍​បាន​បង្ហាញយ៉ាងខ្លាំងថា អ្នកទាំងពីរអាចចែកផ្លូវគ្នាហើយ បន្ទាប់ពីចិត្តវិទូ Quinton Aries ដែលថ្មីៗនេះបានបង្ហាញខ្លួនក្នុង​កម្មវិធីទូរទស្សន៍ព័រទុយហ្គាល់ Noite das Estrelas បាននិយាយថា អាកប្បកិរិយាថ្មីៗនេះរបស់អតីតតារាបាល់ទាត់ Real Madrid និង Juventus មិនសប្បាយចិត្តជាមួយគ្នានោះទេ។

ចិត្តវិទូដដែលបាននិយាយថា “អាកប្បកិរិយានាពេលថ្មីៗនេះរបស់ Ronaldo បង្ហាញរឿងពីរយ៉ាងជីវិតផ្ទាល់ខ្លួនរបស់គាត់មិ​នស្ថិតក្នុងពេលនៃសុភមង្គលទេ ហើយថាគាត់កាន់តែឃ្លាតឆ្ងាយពីម្តាយរបស់គាត់គឺ Dolores Aveiro នោះគាត់កាន់តែមានកំហឹង។ ហើយ​យើង​ទាំង​អស់​គ្នា​ដឹង​ថា​ហេតុ​អ្វី​បាន​ជា​គាត់​ឃ្លាត​ឆ្ងាយ​ពី​គ្រួសារ​កាន់​តែ​ខ្លាំង​ឡើង”។

តារាបាល់ទាត់វ័យ ៣៨ ឆ្នាំ​ Ronaldo និង Georgina បាន​រួមរស់​ជាមួយគ្នា​តាំង​ពី​ឆ្នាំ ២០១៧ ហើយឥឡូវនេះ​ពួកញគេមានកូនពីរនាក់ជាមួយគ្នា ខណៈ​៣នាក់​ទៀតគឺបង្កកំណើតមេជីវិតផ្សេងប៉ុណ្ណោះ៕

ប្រែសម្រួល៖ សាង ស្រីល័ក្ខ

ចុចអាន៖Georgina ទម្លាយអារម្មណ៍ពិត ចំពេលមានពាក្យចចាមអារ៉ាមថា នាងបែកគ្នាជាមួយ Ronaldo

The post Ronaldo នឹងផ្ដល់សំណងឲ្យ Georgina ច្រើនសន្ធឹក បើពួកគេបែកគ្នាដូចព័ត៌មានពិតមែន appeared first on Kampuchea Thmey Daily.