លោកភ្ជាប់ពាក្យសម្ដីជាមួយរូបថតថា “រីករាយខួបកំណើតកូនស្រី កូនជាមនុស្សអស្ចារ្យបំផុតដែលប៉ាធ្លាប់ជួប ។ ជារៀងរាល់ថ្ងៃដែលប៉ាបាននៅក្បែរកូន ពិតជាសប្បាយរីករាយមិនអាចបរិយាយបានឡើយ ។ កូនអាយុ ៣ ឆ្នាំហើយ! ពេលវេលាដើរលឿនណាស់ ។”

Zayn បន្តថា “កូនស្រីដ៏ស្រស់ស្អាតរបស់ខ្ញុំ ខ្ញុំមិនអាចររស់នៅដោយគ្មានអ្នកបានទេ ។ អរគុណសម្រាប់ការផ្ដល់ក្ដីស្រលាញ់មកក្នុងជីវិតខ្ញុំ ។”

នៅក្នុងរូបថតយើងឃើញមុខ Khai បន្តិចប៉ុណ្ណោះ ព្រោះ Gigi និង Zayn ចង់រក្សាភាពឯកជនរបស់នាង រហូតដល់ធំទើបអាចសម្រេចចិត្តថាចង់ធ្វើជាតារាឬយ៉ាងណាបន្ទាប់ ។

គួរបញ្ជាក់ថា Gigi និង Zayn មានស្នេហារយៈពេល ៥ ឆ្នាំ ពួកគេបែកគ្នានៅឆ្នាំ ២០២១ ដោយសារម្ដាយ Gigi គឺអ្នកស្រី Yolanda Hadid ចោទប្រកាន់ Zayn ថាបានវាយខ្លួនអំឡុងពេលឈ្លោះគ្នា ។

ដោយឡែក ខាង Zayn លោកបានចេញមកបដិសេធការចោទប្រកាន់នេះ ដោយបានឆ្លើយតបនៅលើគណនី Twitter របស់លោកថា ការចោទប្រកាន់របស់អ្នកស្រី Yolanda Hadid សុទ្ធតែជារឿងមិនពិត ៕

ប្រែសម្រួល៖ វារី

ប្រភព៖ pagesix

ចុចអាន៖ ពិតទេ? Zayn ប្រើអំពើហិង្សាលើម្តាយ Gigi ទើបធ្វើឲ្យអ្នកទាំងពីរចែកផ្លូវគ្នា

The post Zayn Malik បង្ហោះរូបថតពិធីខួបកំណើតកូនស្រី ៣ ឆ្នាំដ៏កម្រ ក្នុង Instagram appeared first on Kampuchea Thmey Daily.

ខណៈកំពូលតារាម៉ូដែលវ័យ ២៨ ឆ្នាំរូបនេះមកដល់អាកាសយានដ្ឋានអន្តរជាតិ Owen Roberts ជាមួយមិត្តភ័ក្ដិឈ្មោះ Leah Nicole McCarthy ស្រាប់តែភ្នាក់ងារគយ និងអ្នកត្រួតពិនិត្យព្រំដែនបានរកឃើញកញ្ឆា ព្រមទាំងឧបករណ៍ប្រើប្រាស់កញ្ឆា នៅក្នុងវ៉ាលិសរបស់នាង ។

ពាក់ព័ន្ធនឹងបញ្ហានេះ អ្នកតំណាងរបស់ Gigi បានឲ្យដឹងថា កញ្ឆារបស់នាងគឺជាទំនិញស្របច្បាប់ដែលទិញនៅទីក្រុងញូវយ៉ក និងមានភ្ជាប់ជាមួយអាជ្ញាប័ណ្ណវេជ្ជសាស្ត្រត្រឹមត្រូវ ប៉ុន្តែក្រោយមក Gigi និង Leah ត្រូវគេចោទប្រកាន់ពីបទ “សង្ស័យនាំចូលកញ្ឆា និងឧបករណ៍ប្រើប្រាស់កញ្ឆា” ទៅវិញ ។

មិនបានប៉ុន្មាន អ្នកទាំងពីរត្រូវបានបញ្ជូនទៅមជ្ឈមណ្ឌលឃុំឃាំង Royal Cayman Islands ប៉ុន្តែក្រោយមកត្រូវបានដោះលែងឲ្យនៅក្រៅឃុំវិញ ដើម្បីរង់ចាំការកាត់ទោស ខណៈ Gigi និង Leah បានបង្ហាញខ្លួនក្នុងតុលាការកាលពីថ្ងៃទី១២ ខែកក្កដា និងត្រូវពិន័យជាប្រាក់ ១,០០០ ដុល្លារទៀតផង ។

ជាក់ស្ដែង កញ្ឆានៅកោះកៃម៉ានគឺខុសច្បាប់ ប៉ុន្តែមានការអនុញ្ញាតឲ្យប្រើប្រាស់ប្រេង CBD ក្នុងគោលបំណងវេជ្ជសាស្រ្តចាប់តាំងពីឆ្នាំ ២០១៦ មកម្ល៉េះ ។ មួយវិញទៀត កញ្ឆាក៏ស្របច្បាប់សម្រាប់ការប្រើប្រាស់វេជ្ជសាស្រ្តនៅក្នុង Grand Cayman ចាប់តាំងពីឆ្នាំ ២០១៧ ដែរ ៕

ប្រែសម្រួល៖ វារី

ប្រភព៖ dailymail

ចុចអាន៖ អ្នកផាត់មុខឲ្យតារាម៉ូដែលលំដាប់ពិភពលោក Gigi Hadid ទម្លាយក្លិនទឹកអប់ប្រចាំខ្លួនរបស់នាង

The post Gigi Hadid ទម្លាយរឿង ត្រូវប៉ូលិសចាប់នៅកោះកៃម៉ាន appeared first on Kampuchea Thmey Daily.

តារាភេទទី៣ Anna Warithorn Watsang ដែលបច្ចុប្បន្នជាអ្នក​រៀបចំកម្មវិធីទូរទស្សន៍ អ្នកលក់អាហារបំប៉ន ពិធីការិនី និងជា Influencer ល្បីមួយរូបនៅប្រទេសថៃ បានប្រកាសនៅថ្ងៃទី១ ខែមិថុនា ឆ្នាំ២០២៣ ថាខ្លួននឹងវះកាត់តាមគម្រូមុខមាត់ Gigi Hadid ដែលអាយដល់របស់ខ្លួន។ ការវះកាត់នឹងធ្វើឡើងនៅថ្ងៃទី២ ខែឆ្នាំដដែល ព្រមទាំងត្រូវចំណាយប្រាក់រាប់លានបាតឯណោះ ប៉ុន្តែសាមីខ្លួនពុំបង្ហាញតួលេខជាក់លាក់ឡើយ។

ពេលនេះទស្សនិកកំពុងរង់ចាំមើលលទ្ធផលវះកាត់ គ្រប់គ្នាចង់ដឹងណាស់ថា តើមុខមាត់របស់ Anna អាចប្រែឱ្យដូច Gigi កម្រិតណាទៅ ខណៈអ្នកខ្លះក៏ចង់ដឹងពីខ្ទង់ចំណាយពិតផងដែរ៕

ប្រែសម្រួល៖ សន្យា

The post មិត្តជិតស្និទ្ធ Tangmo ចំណាយប្រាក់រាប់លាន វះកាត់មុខឱ្យដូចកំពូលតារាបង្ហាញ Gigi Hadid appeared first on Kampuchea Thmey Daily.

កញ្ញា Erin បាននិយាយថា “ខ្ញុំធ្វើការជាមួយ Gigi Hadid ជាញឹកញាប់ នាងពិតជាមានក្លិនក្រអូបមែន នាងប្រាប់ខ្ញុំថាខ្លួនប្រើទឹកអប់ My Burberry ពណ៌ខ្មៅ រួចបាញ់ Lily Aldridege Haven បញ្ចប់” លើសពីនេះ Erin ពណ៌នាទៀតថាក្លិននោះស្រដៀងក្លិនស្បែក ហើយប្រៀបបីដូចដើរកាត់សួនផ្កាកុលាប និងផ្លែក្រូចតែម្ដង ។

បើនិយាយពីក្លិនច្បាស់លាស់វិញ ក្នុង My Burberry ពណ៌ខ្មៅមានក្លិនផ្កាម្លិះ ផ្កាកុលាប amber patchouli បូករួមនឹងទឹកអប់ Haven ដែលមានក្លិន mandarin ផ្កា peony និងឈើ musk ។

យ៉ាងណាមិញ Lily Aldridge អ្នកបង្កើតទឹកអប់ Haven បានផ្អាកការផលិតទៅហើយដោយសារកង្វះសារធាតុផ្សំមួយចំនួន ហេតុនេះ Erin សង្ឃឹមថាការចែករំលែករបស់នាងអាចជំរុញទឹកចិត្តឲ្យ Lily ចាប់ផ្ដើមផលិតទឹកអប់ម្ដងទៀត ៕

ប្រែសម្រួល ៖ វារី

ចុចអាន ៖ កំពូលទឹកអប់ ១០ ក្លិន ជាប្រេនរបស់តារាល្បីៗ ដែលលក់ដាច់បំផុត

The post អ្នកផាត់មុខឲ្យតារាម៉ូដែលលំដាប់ពិភពលោក Gigi Hadid ទម្លាយក្លិនទឹកអប់ប្រចាំខ្លួនរបស់នាង appeared first on Kampuchea Thmey Daily.

នៅក្នុងបញ្ជី following របស់ Zayn អតីតសមាជិកក្រុម One Direction មាននារី ៥ នាក់ បុរស ៣ នាក់ ហើយក្នុងចំណោមនារី ៥ នាក់នោះមាន Selena Gomez, Ingrid Michaelson, SYD, SIA, និង Doniya Malik ដែលជាបងស្រី Zayn ។

ចំណុចនេះហើយធ្វើឲ្យអ្នកគាំទ្រចាប់ផ្ដើមគិតសង្ស័យលើទំនាក់ទំនងអ្នកទាំងពីរកាន់តែខ្លាំងឡើង ព្រោះគេចាត់ទុកថាវាជាទង្វើផ្ដល់ភាពសំខាន់ទៅឲ្យ Selena Gomez ជាពិសេស ។

ពាក់ព័ន្ធនឹងបញ្ហាខាងលើមានសារព័ត៌មានជាច្រើនបានចុះថាពួកគេកំពុងទាក់ទងគ្នាពិតប្រាកដ ១០០ ភាគរយ តាមពិតយ៉ាងណានោះសាមីខ្លួនមិនទាន់ចេញមុខបកស្រាយ ឬបញ្ជាក់ប្រាប់អ្នកតាមដាននៅឡើយទេ ។

ចំណែក Gigi Hadid អតីតមិត្តស្រី Zayn នាងនៅតែយកចិត្តទុកដាក់មើលថែកូនស្រី Kai ជាធម្មតាដោយមិនខ្វាយខ្វល់ពិបាកចិត្តនឹងពាក្យចចាមអារ៉ាមសូម្បីបន្តិច ណាមួយអ្នកទាំងពីរនៅតែរួមគ្នាចិញ្ចឹមកូនដូចដើមដដែល ៕

អត្ថបទ ៖ វារី

ចុចអាន ៖ ធ្លាយពាក្យចចាមអារ៉ាមថា Selena Gomez កំពុងណាត់ជួប Zayn Malik

The post Selena ជាមនុស្សស្រីគួរឲ្យសង្ស័យជាងគេ ក្នុងបញ្ជី following នៃគណនី IG របស់ Zayn Malik appeared first on Kampuchea Thmey Daily.

នៅក្នុងព្រឹត្តិការណ៍នោះ តារាម៉ូដែលស្រីរូបនេះបានអង្គុយយ៉ាងកៀកកិតជាមួយលោក Leonardo DiCaprio ហើយតារាប្រុសរូបនេះថែមទាំងនិយាយខ្សឹបដាក់ត្រចៀក ដាក់ដៃលើស្មាររបស់ Gigi Hadid ផងដែរ ដែលមើលទៅហាក់ដូចជាមានភាពស្និទ្ធស្នាលខ្លាំង ។

បន្ទាប់ពីការបែកធ្លាយរូបភាពថ្មីនេះ ប្រភពស្និទ្ធនឹងគូស្នេហ៍មួយនេះបាននិយាយថា ខណៈពេលនេះពួកគេកំពុងទាក់ទងគ្នា ប៉ុន្តែពួកគេចេញមិនដែលចេញក្រៅតែ ២ នាក់នោះទេ ពោលពួកគេតែងតែដើរលេងជាក្រុម ។

យ៉ាងណាមិញមានប្រភពមួយទៀតបញ្ជាក់ថា អ្នកទាំងពីរត្រូវគេប្រទះឃើញលេងជាមួយគ្នានៅក្លឹបមួយកន្លែង បន្ទាប់ពី DiCaprio បែកបាក់ជាមួយតារាម៉ូដែល Camila Morrone ៕

ប្រែសម្រួល៖នាងតូច

ចុចអាន៖អ្នកគាំទ្រស្រឡាំងកាំង ក្រោយឃើញ Harry Styles ថើបមាត់គ្នាជាមួយ Nick Kroll

ចុចអាន៖ល្បីថា តួឯកប្រុសក្នុងរឿង “កប៉ាល់ Titanic” លួចទាក់ទងស្នេហាជាមួយតារាបង្ហាញម៉ូដ Gigi Hadid

The post ពេលនេះតួឯកប្រុសរឿង “កប៉ាល់ Titanic” និងតារាម៉ូដែល Gigi ត្រូវគេប្រទះឃើញស្និតស្នាលគ្នាខ្លាំង appeared first on Kampuchea Thmey Daily.

ម្ចាស់ពានរង្វាន់ Oscar វ័យ ៤៧ ឆ្នាំរូបនេះត្រូវបានគេរាយការណ៍ថាកំពុងធ្វើដំណើរកម្សាន្តនៅទីក្រុងញូវយ៉កជាមួយតារាម៉ូដែល Gigi Hadid ក្រោយលោកទើបតែបែកគ្នាជាមូយមិត្តស្រីបានប៉ុន្មានសប្តាហ៍ប៉ុណ្ណោះ ។

ពាក្យចចាមអារ៉ាមនេះកើតឡើង ស្របពេលដែលប្រភពជាច្រើនបានលាតត្រដាងថា តួឯកប្រុសរូបនេះកំពុងតាមចែចង់តារាបង្ហាញម៉ូដ Gigi Hadid ខណៈប្រភពជិតស្និតនឹងអ្នកទាំងពីរបានប្រាប់ទៅកាសែត Us Weekly ដែរថា “ពួកគេគ្រាន់ជាមិត្តនឹងគ្នាប៉ុណ្ណោះ ដោយសារតែ Gigi Hadid មិនចង់មានស្នេហាជាមួយគាត់ទេនៅពេលនេះ” ។

យ៉ាងណាមិញពាក្យចចាមអារ៉ាមអំពីទំនាក់ទំនងស្នេហារវាង Leonardo DiCaprio និង Gigi Hadid បានធ្វើឲ្យប្រព័ន្ធផ្សព្វផ្សាយសង្គមមានការភ្ញាក់ផ្អើលជាខ្លាំង ក៏ព្រោះតែគេគិតថា ការបញ្ចប់ទំនាក់ទំនងស្នេហារបស់តួឯកប្រុសក្នុងរឿងកប៉ាល់ Titanic ជាមួយតារាម៉ូដែល Camila Morrone គឺដោយសារមូលហេតុមួយនេះ ៕

ប្រែសម្រួល៖នាងតូច

The post ល្បីថា តួឯកប្រុសក្នុងរឿង “កប៉ាល់ Titanic” លួចទាក់ទងស្នេហាជាមួយតារាបង្ហាញម៉ូដ Gigi Hadid appeared first on Kampuchea Thmey Daily.

ក្រៅពីនោះ ខាងក្រោមជារឿងពិត ១១យ៉ាងផ្សេងទៀត អំពីតារាស្រីវ័យ​ ២៦ឆ្នាំរូបនេះ៖

១. ឈ្មោះពិតរបស់នាងមិនមែន Gigi ទេ។ ឈ្មោះពិតរបស់ Gigi គឺ Jelena Noura Hadid ។ យោងតាមទស្សនាវដ្តី Vogue Paris ម្តាយរបស់ Gigi បានប្ដូរឈ្មោះឱ្យនាង អស់ជាច្រើនឆ្នាំមកហើយ មូលហេតុឈ្មោះដើមគ្មានរាសី។

២. ម្តាយរបស់ Gigi ក៏ជាតារាម៉ូឌែលដ៏ល្បីល្បាញមួយរូបផងដែរ។ ចំណែកបងប្អូនបង្កើតរបស់នាងគឺ Bella និង Anwar ក៏ជាតារាម៉ូឌែលដ៏ជោគជ័យ ខណៈម្តាយរបស់ពួកគេគឺអ្នកស្រី Yolanda Hadid ជាអ្នកជំរុញពួកគេឱ្យប្រឡូកក្នុងវិស័យម៉ូដនេះ។

អ្នកស្រី Yolanda Hadid ជាតារាម៉ូឌែលជនជាតិហូឡង់-អាមេរិកដ៏មានប្រជាប្រិយភាព និងជាអតីតតារាសម្ដែងក្នុងខ្សែភាពយន្តរឿង “The Real Housewives of Beverly Hills” ។

៣. នាងចាប់ផ្ដើមអាជីពជាតារាបង្ហាញម៉ូដ តាំងពីនៅតូចមកម្ល៉េះ។ Gigi បានប្រាប់ទស្សនាវដ្ដី Vanity Fair កាលពីឆ្នាំ ២០១៤ ថា នាងក្លាយជាតារាម៉ូឌែលដំបូងបំផុតក្នុងយុទ្ធនាការ Baby Guess កាលពីអាយុ ២ខួប។

៤. នាងចង់ចាប់អាជីពមួយទៀត គឺ ផ្នែកនីតិចិត្តវិទ្យា។ Gigi ធ្លាប់និយាយនៅក្នុងកម្មវិធីទូរទស្សន៍មួយ កាលពីឆ្នាំ ២០១៨ ថា ប្រសិនបើខ្លួនមិនជាប់រវល់ខ្លាំងជាមួយអាជីពជាម៉ូឌែលទេ នាងនឹងបន្តការសិក្សានៅមហាវិទ្យាល័យលើជំនាញ នីតិចិត្តវិទ្យា។

៥. Gigi ចូលចិត្តធ្វើម្ហូប។ តារា​បង្ហាញម៉ូដ​រូប​នេះ ​ជាមនុស្សម្នាក់ដែលចូល​ចិត្ត​ធ្វើ​ម្ហូប ហើយ​តែងបង្ហោះរូប​ម្ហូបម្ហាដែលនាងចម្អិននៅ​លើ​បណ្ដាញ​សង្គមជាញឹកញាប់។

៦. នាងជាអ្នកជំនាញជិះសេះ និងលេងបាល់ទះ។ យោងតាមបទសម្ភាសន៍ជាមួយទស្សនាវដ្ដី Vogue ឆ្នាំ ២០១៥ Gigi គឺជាអត្តពលិកជិះសេះ តាំងរៀននៅវិទ្យាល័យម្ល៉េះ។ មិនតែប៉ុណ្ណោះ នាងក៏ចេះលេងបាល់ទះ តំណាងក្លិប កាលនៅរៀនផងដែរ។ ប៉ុន្តែបច្ចុប្បន្ន នាងមិនសូវបានលេងកីឡាទាំងនេះទេ។

៧. Gigi មាន​បងប្អូន​បង្កើត​បី​នាក់​។ បងប្អូនបង្កើតរបស់នាងគឺ Bella និង Anwar Hadid។ ប៉ុន្តែនាងក៏មានបងស្រីពីរនាក់ទៀតដែលមានឪពុកផ្សេងគ្នា គឺអ្នករចនាម៉ូដម្នាក់ឈ្មោះ Alana Hadid និងម្ចាស់ហាងវ៉ែនតា Hadid Eyewear គឺ Marielle Hadid ។

៨. Gigi ជាតារាប្រចាំក្របមុខរបស់ទស្សនាវដ្តី Vogue ជាង ២០ក្រុមហ៊ុន រួមមានទស្សនា British Vogue, Vogue Paris និង Vogue Australia។ល។

៩. នាងជឿលើ Alien។ Gigi ធ្លាប់អះអាងថា នាងនិងអតីតមិត្តប្រុស Zayn Malik ជឿលើមនុស្សក្រៅភព ពិតជាមានប្រាកដមែន។

១០. នាងក៏ជាជាងថតរូបម្នាក់ដែរ។ តារាម៉ូដែលវ័យក្មេងរូបនេះ ជាមនុស្សស្រីម្នាក់ដែលតែងតែថតរូបស្អាតៗឱ្យ Malik ដែលជាអតីតសង្សារ រាល់ពេលដែលពួកគេចេញក្រៅជាមួយគ្នា ហើយនាងក៏ជាម្ចាស់រូបថតរបស់កំពូលតារាម៉ូឌែល Adwoa Aboah សម្រាប់កម្មវិធីបង្ហាញម៉ូដ Versus Versace ទៀតផង។

១១. Gigi មានកូនហើយ។ នាងនិងអតីតមិត្តប្រុសគឺតារាចម្រៀង Zayn Malik ផ្ដើមទាក់ទងគ្នាកាលពីឆ្នាំ ២០១៨ ហើយពួកគេបង្កើតបានកូនស្រីម្នាក់ឈ្មោះ Khai កាលពីឆ្នាំ ២០២០។ ប៉ុន្តែកាលពីខែតុលា ឆ្នាំ២០២១ កន្លងទៅ អ្នកទាំងពីរបានចែកផ្លូវគ្នា ខណៈកូនស្រីមិនទាន់មានដំណឹងថាខាងណាជាអ្នកចិញ្ចឹមនៅឡើយ៕

ប្រែសម្រួល៖ សន្យា

ចុចអាន៖ ពិតទេ? Zayn ប្រើអំពើហិង្សាលើម្តាយ Gigi ទើបធ្វើឲ្យអ្នកទាំងពីរចែកផ្លូវគ្នា

ចុចអាន៖ ទម្លាយអាថ៌កំបាំងសេដ្ឋីនីវ័យក្មេង Kylie Jenner មនុស្សភាគច្រើនមិនធ្លាប់ដឹង

The post ការពិត ១១យ៉ាង ពី Gigi Hadid តារាបង្ហាញម៉ូដលំដាប់ទី១ នៅលើពិភពលោក appeared first on Kampuchea Thmey Daily.