នៅព្រឹកថ្ងៃទី ០៨ ខែកុម្ភៈ អ្នកសរសេរប្លុកម្នាក់បានបង្ហោះវីដេអូបង្ហាញពី អ្នកទាំងពីរនៅលើ Facebook ដោយទាក់ទាញអ្នកចូលមើលជាង ៨ម៉ឺនដង ត្រឹមកន្លះថ្ងៃ។ វីដេអូបង្ហាញខ្លួនរបស់ Taylor និង Miley ក្នុងកម្មវិធី Grammy Awards ជាមួយនឹងចំណងជើងថា «Miley Cyrus មិនអើពើ Taylor Swift»។

នៅក្នុងវីដេអូខ្លីមួយបានបង្ហាញពី ម្ចាស់បទ Blank space ជជែកជាមួយ Margaret Qualley, Jack Antonoff និងតារាចម្រៀង Sabrina Carpenter នៅជាប់ Miley ។ ទោះយ៉ាងណាក៏ដោយ តារាចម្រៀងទាំងពីរមិនបានទាក់ទងគ្នាឡើយ។ Miley ក៏​មិន​ងាក​មក​វិញ​ ពេល​ដែល Taylor កំពុង​ឈរ​ពី​ក្រោយ​នាង​និយាយដែរ។

ទស្សនិកជន​ខ្លះ​ជឿ​ថា​អ្នក​សិល្បៈ​ទាំង​ពីរ​និយាយ​មិន​ចេញ​ព្រោះ​ Miley មិន​ស្ថិត​ក្នុង​កម្រិត​តន្ត្រី​ដូច​ Taylor។ អ្នក​ទាំង​ពីរ​មិន​បាន​បង្ហាញ​ខ្លួន​ជា​មួយ​គ្នា ឬ​ទាក់ទង​គ្នា​តាម​អ៊ីនធឺណិត​យូរ​មក​ហើយ។ ប៉ុន្តែ មនុស្ស​មួយ​ចំនួន​ក៏​បាន​បញ្ចេញ​មតិ​ថា វីដេអូ​នេះ​មិន​អាច​ប្រាប់​ពី​ស្ថានភាព​ទំនាក់​ទំនង​របស់​ពួក​គេ​បាន​ទេ។ ប្រហែលជាតារាទាំងពីរបានផ្តោតលើការសន្ទនារបស់ពួកគេ ហើយមិនយកចិត្តទុកដាក់ចំពោះអ្នកជុំវិញខ្លួន។

Miley Cyrus និង Taylor Swift បានធ្វើការជាមួយគ្នានៅក្នុងខ្សែភាពយន្តឆ្នាំ ២០០៨ Hannah Montana: The Movie តារាចម្រៀងទាំងពីរបានចែករំលែកនៅលើឆាកក្នុងកម្មវិធីប្រគល់ពានរង្វាន់ Grammy Awards ឆ្នាំ ២០០៩។

ក្នុងឆ្នាំ២០១៥ Miley ស្រាប់តែរិះគន់ MV Bad Blood របស់ Taylor ចំពោះការសងសឹក និងខ្លឹមសារញុះញង់ឲ្យមានអំពើហិង្សា។ នៅឆ្នាំដដែលនោះ ក្នុងបទសម្ភាសន៍ជាមួយកាសែត The New York Times នាងត្រូវបានសួរថា តើចង់ចូលរួមជាមួយក្រុមមិត្តភក្តិដ៏ល្បីល្បាញរបស់ Taylor ដែរឬទេ។ តារា Disney បានបដិសេធយ៉ាងដាច់អហង្ការថា «ខ្ញុំមិនព្យាយាមនៅក្នុងក្រុមនេះទេ។ គ្មានមិត្តភក្តិរបស់ខ្ញុំណាម្នាក់ល្បីនោះទេ ហើយហេតុផលសាមញ្ញគឺដោយសារតែខ្ញុំចូលចិត្តតែមនុស្សពិតជាមួយនឹងជីវិតពិតប៉ុណ្ណោះ ព្រោះវាជាអ្នកបំផុសគំនិតរបស់ខ្ញុំ»។

លើសពីនេះ Miley ក៏បានបង្ហាញជាសាធារណៈនូវការប្រឆាំងផ្ទាល់ខ្លួនចំពោះ Taylor ចំពោះការគិតលុយសម្រាប់តន្ត្រី ខណៈពេលដែល Taylor ជឿជាក់ថា មនុស្សត្រូវចំណាយប្រាក់ដើម្បីរីករាយនឹងតន្ត្រីរបស់សិល្បករ មិនមែនអ្វីបានមកដោយរបស់ហ្រ្វីទេ៕

អត្ថបទ៖ សាង ​ស្រីល័ក្ខ

ចុចអាន៖តារាហូលីវូដ ក្លាយជាគោលដៅបោកប្រាស់តាមអ៊ីនធឺណិត ដោយសារ AI

The post លេចឮថា Taylor និង Miley ឈ្លោះគ្នា ក្រោយធ្លាយវីដេអូមួយនៅកម្មវិធី Grammy appeared first on Kampuchea Thmey Daily.

ចំណែកឯ នៅក្នុងកម្មវិធី Grammys 2025 នេះ ប្ដីប្រពន្ធមួយគូនេះ បានធ្វើឲ្យទស្សនិកជនទ្រាំមិនបាន ជាមួយនឹងការតែងខ្លួនរបស់ Bianca ដែលនាងបានបង្ហាញរូបរាងកាយទាំងស្រុងតែម្ដង។ មុនដំបូង Bianca បានពាក់អាវក្រៅរោមសត្វពណ៌ខ្មៅយ៉ាងក្រាស់ អមជាមួយនឹង Kanye ពាក់ឈុតពណ៌ខ្មៅផងដែរ តែដើរដល់កន្លែងដែលអ្នកកាសែតថត ស្រាប់តែ តារាស្រីរូបនេះ ដោះអាវក្រៅចេញ បង្ហាញនូវរាងកាយទទេ ដែលពាក់ត្រឹមតែស្រោមប៉ាថ្លាដូចកញ្ចក់តែប៉ុណ្ណោះ។

សកម្មភាពនេះ បានធ្វើឲ្យមហាជនមានការខ្ពើមរអើមជាមួយនឹងទង្វើរបស់អ្នកទាំងពីរ ដោយគេចោទថា Kanye ជាអ្នកបញ្ជារឲ្យប្រពន្ធតែងខ្លួនបែបនេះ ដែលជាចំណង់ចំណូលចិត្តផ្ទាល់ខ្លួនរបស់លោក។ យ៉ាងណាមិញ ទោះបីជាអ្នកលេងអ៉ិនធើណែតខំប្រឹងបញ្ចេញមតិរិះគន់ខ្លាំងយ៉ាងណាក៏ដោយ ក៏ Kanye និង Bianca មិនខ្វាយខ្វល់នោះដែរ។

The post ហួសចិត្ត! Kanye បណ្តើរប្រពន្ធ ដើរស្រាត ពេញកម្មវិធី Grammy appeared first on Kampuchea Thmey Daily.

យោងតាមការចុះផ្សាយរបស់សារព័ត៌មានកូរ៉េ Allkpop បានគូសបញ្ចាក់ថា សិល្បករបរទេសនាំមុខគេក្នុងការតែងតាំងសម្រាប់ពានរង្វាន់ Grammy នៅឆ្នាំនេះគឺ SZA ដែលត្រូវបានតែងតាំងក្នុង ៩ ប្រភេទ រួមទាំង ‘Album of the Year’ និង ‘Record of the Year’ ។ បេក្ខភាពលេចធ្លោផ្សេងទៀតរួមមាន Victoria Monet, Jon Batiste, boygenius, Billie Eilish, Olivia Rodrigo និង Taylor Swift ដែលត្រៀមនឹងទាក់ទាញចំណាប់អារម្មណ៍ទស្សនិកជនទូទាំងពិភពលោក។

ទោះជាយ៉ាងណាក៏ដោយ អវត្តមានរបស់សិល្បករ K-pop រួមទាំង BTS ពីបញ្ជីបេក្ខភាពសម្រាប់ពានរង្វាន់ Grammy Awards ឆ្នាំ ២០២៤ បានធ្វើឲ្យអ្នកទស្សនាទូទាំងពិភពលោកសម្ដែងការខកចិត្តយ៉ាងខ្លាំង។ ជាពិសេស BTS ត្រូវបានតែងតាំងសម្រាប់ប្រភេទ ‘Best Pop Duo/Group Performance’ អស់រយៈពេល ៣ឆ្នាំជាប់ៗគ្នា ដោយចាប់ផ្តើមកាលពី ៣ ឆ្នាំមុន ប៉ុន្តែមិនទាន់ទទួលបានជ័យជំនះនៅឡើយទេ។ ការពិតដែលថាពួកគេ រួមជាមួយនឹងសិល្បករ K-pop ផ្សេងទៀតមិនបានជាប់ក្នុងបញ្ជីបេក្ខភាពនៅឆ្នាំនេះ បានធ្វើឲ្យមានការសោកស្តាយយ៉ាងខ្លាំងក្នុងចំណោមអ្នកគាំទ្រអន្តរជាតិរបស់ពួកគេ។

ជាពិសេសចាប់តាំងពី BTS បានឈ្នះពានរង្វាន់នៅក្នុងពិធីប្រគល់ពានរង្វាន់តន្ត្រីអាមេរិកធំពីរផ្សេងទៀតគឺ ‘Billboard Music Awards’ និង ‘American Music Awards’ ការអវត្តមានរបស់ពួកគេពីការតែងតាំង Grammy មានអារម្មណ៍ខកចិត្តជាពិសេសផងដែរ៕

អត្ថបទ៖ សាង ស្រីល័ក្ខ

ចុចអាន៖ឈ្នះពានរង្វាន់ Grammy លើកទី ១៣ ភ្លាម Taylor Swift ឆ្លៀតប្រកាសអាល់ប៊ុមថ្មីភ្លែត

The post មិនមានសូម្បីតែតារា K-pop ម្នាក់​​ ទទួលពានរង្វានក្នុងវិធី Grammy Awards លើកទី ៦៦ appeared first on Kampuchea Thmey Daily.

យោងតាមការចុះផ្សាយពីសាព័ត៌មាន People ​បញ្ចាក់ថា អាល់ប៊ុម Midnights របស់ Taylor Swift បានឈ្នះពានរង្វាន់ Best Pop Vocal Album លើបេក្ខភាពផ្សេងទៀតដូចជា Olivia Rodrigo’s Guts, Ed Sheeran’s -, Miley Cyrus’ Endless Summer Vacation និង Kelly Clarkson’s Chemistry។

ក្នុងនោះផងដែរទស្សនិកជនក្នុងកម្មវិធីបានឃើញតារាចម្រៀងប្រុស Bono សមាជិកក្រុមតន្រ្តីរ៉ុក U2 បានប្រគល់ពានរង្វាន់ដល់ Taylor Swift ខណៈដែលពានរង្វាន់មួយនេះជាពានទី១៣ដែលទទួលបាន ហើយដូចដែលនាងបានចង្អុលបង្ហាញក្នុងអំឡុងពេលសុន្ទរកថា លេខ ១៣ គឺជាលេខសំណាងរបស់នាង ។

ចេញផ្សាយក្នុងខែតុលា ឆ្នាំ ២០២២ Midnights បានសម្គាល់អាល់ប៊ុមស្ទូឌីយោដើមទីដប់របស់ Swift និងបង្កើតបានការពេញនិយមយ៉ាងខ្លាំងនៅលើ Billboard Hot 100 ជាមួយនឹង “Anti-Hero” ដែលជាប់លេខ១ទទួលបានកំណត់ត្រាប្រចាំឆ្នាំ ជាបទចម្រៀងប្រចាំឆ្នាំ និងការសម្តែងទោលល្អបំផុត ចំណែក “Lavender Haze” និង “Karma” ដែលទាំងពីរឈានដល់លេខ ២ នៅលើតារាង រហូតត្រូវបានតែងតាំងនៅក្នុងប្រភេទ Best Pop Duo/Group Performance ថែមទៀតផង។

លើសពីនេះទៀតដែរ ជាការភ្ញាក់ផ្អើលមួយក្នុងអំឡុងពេលសុន្ទរកថារបស់នាងនៅក្នុងកម្មវិធី Video Music Awards2022 នៅពេលដែលនាងបានឈ្នះពានរង្វាន់សម្រាប់វីដេអូប្រចាំឆ្នាំជាមួយនឹង “All Too Well (10 Minute Version) (Taylor’s Version)” ជាមួយនឹងជ័យជម្នះនោះ នាងបានបំបែកឯតទគ្គកម្មសម្រាប់ VMAs ភាគច្រើនសម្រាប់វីដេអូប្រចាំឆ្នាំ។ ឆ្នាំនេះជាលើកទី ២ ដែលតារាចម្រៀងប៉ុបបានឈ្នះពានរង្វាន់ Best Pop Vocal Album នៅ Grammys ដែលពីមុន នាងធ្លាប់ឈ្នះកាលឆ្នាំ ២០១៦​​ ម្ដងរួចទៅហើយ៕

អត្ថបទ៖ សាង ស្រីល័ក្ខ

ចុចអាន៖អ្នកនាំពាក្យសេតវិមានចេញមុខនិយាយ ក្រោយធ្លាយរូបថតអាសអាភាសរបស់ Taylor Swift

The post ឈ្នះពានរង្វាន់ Grammy លើកទី ១៣ ភ្លាម Taylor Swift ឆ្លៀតប្រកាសអាល់ប៊ុមថ្មីភ្លែត appeared first on Kampuchea Thmey Daily.

ខាងក្រោមនេះគឺជាសិល្បករដែលបានឈ្នះពានរង្វាន់ច្រើនជាងក្នុងប្រវត្តិសាស្ត្រកម្មវិធី Grammy ៖

១ តារាចម្រៀង Beyoncé

Beyoncé បានឡើងគ្រងរាជ្យជាផ្លូវការហើយបានក្លាយជាម្ចាស់ក្សត្រីនៃកម្មវិធី Grammy Awards លើកទី ៦៥ នៅពេលដែលនាងនាំយកមកផ្ទះវិញនូវពានរង្វាន់ចំនួន ៤ ក្នុងរយៈពេលត្រឹមតែ ១ យប់ ប៉ុណ្ណោះ។ ធ្វើឲ្យ Beyoncé មានពានរង្វាន់សរុបចំនួន ៣២ នៅពេលបច្ចុប្បន្ន ដោយបានផ្តួលអ្នកដឹក នាំលោក Georg Solti ដែលបានកាន់តំណែងជើងឯកនេះអស់រយៈពេល ២៥ ឆ្នាំមកហើយ ។

២ អ្នកដឹកនាំលោក Georg Solti

ដូចដែលបានកត់សម្គាល់ខាងលើ អ្នកដឹកនាំជនជាតិអង់គ្លេសកាត់ហុងគ្រី លោក Georg Solti បាន រក្សាកំណត់ត្រាសម្រាប់សិល្បករដែលឈ្នះពានរង្វាន់ Grammy ជាមួយនឹងពានរង្វាន់ចំនួន ៣១ ក្នុង រយៈពេល ២៥ ឆ្នាំ។ ពានរង្វាន់ Grammy ចុងក្រោយរបស់គាត់គឺនៅឆ្នាំ ១៩៩៨ ប៉ុន្មានខែបន្ទាប់ពីការស្លាប់របស់លោកនៅអាយុ ៨៤ ឆ្នាំ ។

៣ អ្នកផលិតចម្រៀងនិងតន្ត្រីលោក Quincy Jones

លោក Quincy Jones គឺជាសិល្បករដែលមានកេរ្តិ៍ឈ្មោះល្បីល្បាញឧស្សាហកម្មតន្ត្រីអស់រយៈពេលជាង ៧០ ឆ្នាំមកហើយ។ លោកមានមោទនភាពដែលបានឈ្នះពានរង្វាន់ Grammy ចំនួន ២៨ ក្នុង អាជីពរបស់លោកមុនឆ្នាំ ២០២៣ សិល្បកររូបនេះ ក៏ជាប់កំណត់ត្រាជាអ្នកមានជីវិតដើម្បីឈ្នះពានរង្វាន់ Grammy ច្រើនជាងគេផងដែរ។

៤ តារាច្រៀង Alison Krauss និងអ្នកលេងវីយូឡុង Chick Corea

តារាច្រៀងAlison Krauss និងអ្នកលេងវីយូឡុង Chick Corea បានឈ្នះពានរង្វាន់ចំនួន ២៧ ពីអាល់ ប៊ុមទោលចំនួន ៩ របស់ពូកគេ និងអាល់ប៊ុមចំនួន ៧ ផលិតជាមួយ Union Station ។ គួរកត់សម្គាល់ថា ពានរង្វាន់ Grammy ដំបូងដែលតារាច្រៀង Alison Krauss ទទួលបានគឺនៅពេលនាងមានអាយុ ១៩ ឆ្នាំ។ ជាមួយលោក Alison Krauss លោកបានឈ្នះពានរង្វាន់ Best Latin Jazz Album សម្រាប់អាល់ប៊ុម Mirror Mirror កាលពីឆ្នាំ ២០២២ ។

៥ អ្នកនិពន្ធលោក Pierre Boulez

លោក Pierre Boulez គឺជាអ្នកនិពន្ធជនជាតិអាមេរិកដ៏ល្បីល្បាញបានឈ្នះពានរង្វាន់សរុបចំនួន ២៦ ចាប់តាំងពីឆ្នាំ ១៩៦៨ រហូតដល់ការទទួលជ័យជម្នះចុងក្រោយក្នុងឆ្នាំ ២០០៦។

៦ អ្នកលេងព្យ៉ាណូជនជាតិរុស្ស៊ីលោក Vladimir Horowitz

អ្នកលេងព្យ៉ាណូជនជាតិរុស្ស៊ីលោក Vladimir Horowitz បានឈ្នះពានរង្វាន់សរុបចំនួន ២៥ នៅឯពិធីប្រគល់ពានរង្វាន់លើកទី ៣៥ ក្នុងឆ្នាំ ១៩៩៣ អាល់ប៊ុមរបស់លោក Horowitz Discovered Treasures ត្រូវបានគេដាក់ឈ្មោះថា Best Classical Instrumental Performance – បួនឆ្នាំបន្ទាប់ពីការស្លាប់របស់លោក។

៧ តារាចម្រៀង Stevie Wonder

តារាចម្រៀងStevie Wonder ឈ្នះពានរង្វាន់សរុបចំនួន ២៥ លោកក៏បានបង្កើតកំណត់ត្រាផ្ទាល់ខ្លួនសម្រាប់ អាល់ប៊ុមប្រចាំឆ្នាំនៅពេលដែលសហការជាមួយតារាចម្រៀង frank sinatra លោកគឺជាសិល្បករតែមួយគត់ដែលឈ្នះអាល់ប៊ុមប្រចាំឆ្នាំ ៣ ដង។ រឹតតែគួរឲ្យចាប់អារម្មណ៍ជាងនេះទៅទៀត Stevie Wonder ក៏ជាសិល្បករតែម្នាក់គត់ដែលបានឈ្នះពានរង្វាន់នេះចំនួន៣លើកក្នុងការចេញផ្សាយ៣លើកជាប់គ្នា។

៨ អ្នកនិពន្ធលោក John Williams

ឈ្មោះរបស់លោក John Williams មិនមែនជារឿងចម្លែកសម្រាប់អ្នកចូលចិត្តភាពយន្ដនោះទេនៅពេលដែលលោក គឺជាឈ្មោះដ៏ភ្លឺបំផុតក្នុងការបង្កើតបទភ្លេងល្បីៗនៃសតវត្សនេះនិងសតវត្សមុននោះ។ ពានរង្វាន់ Grammyមួយ ចំនួនដែលលោកទទួលបានសម្រាប់ការងារដ៏ល្បីល្បាញរបស់ លោករួមមានបទភ្លេងសម្រាប់រឿង Jaws, Star Wars, Close Encounters of the Third Kind និង ET ។

៩ តារារ៉េប Jay-Z

ថ្វីត្បិតតែ Jay-Z មិនអាចទទួលបានពានរង្វាន់ Grammy ច្រើនដូចភរិយារបស់គាត់ក៏ដោយ ប៉ុន្តែការទទួលជ័យជម្នះចំនួន ២៤ គឺគ្រប់គ្រាន់ដើម្បីជួយឱ្យតារារ៉េបប្រុសរូបនេះស្ថិតក្នុងលំដាប់កំពូលទាំង ១០នេះបាន។

១០ តារារ៉េប Kanye West

ថ្វីត្បិតតែមានមនុស្សជាច្រើនធុញទ្រាន់យ៉ាងខ្លាំងជាមួយនឹងពាក្យសម្ដីដែលគ្មានន័យរបស់ Kanye West ក៏យើងមិនអាចបដិសេធថា Kanye West គឺជាទេពកោសល្យក្នុងវិស័យតន្ត្រី ដោយឈ្នះពានរង្វាន់សរុបចំនួន ២៤ របស់តារាចម្រៀងរ៉េបប្រុសនេះ ៕

ប្រែសម្រួល៖នាងតូច

ចុចអាន៖Lizzo សារភាពរឿងគេចសាលា ដើម្បីមើល Beyonce សម្ដែង

The post សិល្បករណាខ្លះឈ្នះពានរង្វាន់ច្រើនជាងគេ ក្នុងប្រវត្តិសាស្ត្រកម្មវិធី Grammy appeared first on Kampuchea Thmey Daily.

តារាចម្រៀង Lizzo បានឈ្នះពានរង្វាន់ Grammy ឆ្នាំ ២០២៣ សម្រាប់បទចម្រៀងដ៏លេចធ្លោដែលមានចំណងជើងថា “About Damn Time” មុនឈានជើងចុះពីលើឆាក Lizzo បានឱប Adele ដែលជួយត្រេកអរដល់ភាពជោគជ័យរបស់នាងទៀតផង ។

ស្រាប់តែពេល Lizzo ឡើងបង្ហាញចំណាប់អារម្មណ៍នាងនិយាយគួរឲ្យអស់សំណើចថា “ខ្ញុំគេចសាលាកាលពីថ្នាក់ទី ៥ ម៉ោងអក្សរសាស្ត្រដើម្បីមើល Beyoncé សម្ដែងផ្សាយផ្ទាល់ អ្នកបានផ្លាស់ប្ដូរជីវិតខ្ញុំ” ។

ចុងបញ្ចប់តារាចម្រៀងរូបនេះក៏បង្ហើយសន្ទរកថាដោយពាក្យអរគុណជាមួយក្ដីរំភើបរំជួលចិត្តសឹងតែស្រក់ទឹកភ្នែកទៅហើយ ៕

ប្រែសម្រួល ៖ វារី

ចុចអាន ៖ អាវអង្កាំគជ់ខ្យង Camila Cabello ពាក់ទៅ Grammys ចំណាយពេលធ្វើដោយដៃជាង ៤០ ម៉ោង

ចុចអាន ៖ ស្ទះផ្លូវពេក Beyoncé ខកខានទទួលរង្វាន់ក្នុងកម្មវិធី Grammys ២០២៣

The post Lizzo សារភាពរឿងគេចសាលា ដើម្បីមើល Beyonce សម្ដែង appeared first on Kampuchea Thmey Daily.

១. Adele និងគូស្នេហ៍

តារាចម្រៀង Adele និងលោក Rich Paul ជាគូស្នេហ៍ពីរឆ្នាំញញឹមដាក់កាមេរ៉ាពីតុដ៏រ៉ូមែនទិចរបស់ពួកគេ ។

២. ជប់លៀងបំបែកកំណត់ត្រា

នេះជារាត្រីដ៏អស្ចារ្យសម្រាប់កំពូលតារាចម្រៀង Beyonce និងស្វាមី JAY-Z ដែលបានបំបែកកំណត់ត្រាទទួលរង្វាន់ច្រើនជាងគេបំផុត ។

៣. មិត្តភក្តិថ្មី

The Rock និង Adele ធ្វើមុខកំប្លែងបង្អួតមិត្តភាពថ្មីថ្មោងបន្ទាប់ពី Trevor Noah ជាអ្នកណែនាំឲ្យស្គាល់គ្នា ។

៤. ឈុតក្រហមបីនាក់

Shania Twain, Sam Smith, និង Kim Petras សង្ស័យណាត់គ្នារំលេចពណ៌ក្រហមក្នុងកម្មវិធី Grammys ២០២៣ ។

៥. មិត្តភក្ដិ Grammys

Bad Bunny និង Taylor Swift ឆ្លៀតថតរូបជាមួយគ្នាទាល់តែបានទោះបីកម្មវិធីមមាញឹកប៉ុណ្ណាក៏ដោយ ។

៦. យប់សាសងស្នេហ៍

អ្នកស្រី Jennifer Lopez និងលោក Ben Affleck ជាស្វាមីបង្ហាញស្នាមញញឹមពោរពេញដោយក្ដីស្រលាញ់យូរអង្វែងក្នុងកម្មវិធី Grammys ។

៧. បុគ្គលជោគជ័យជុំគ្នា

រូបមួយសន្លឹកនេះប្រមូលផ្ដុំដោយអ្នកឈ្នះសំខាន់ៗគឺ Adele, Beyoncé និង Lizzo ។

៨. សេរីមេ JAY-Z

លោក JAY-Z ថតនៅតុជាមួយដបស្រា D’USSE និង Ace of Spades សម្រាប់ជប់លៀងភាពជោគជ័យដ៏ធំជាមួយភរិយា និងមិត្តរួមការងារ ៕

ប្រែសម្រួល ៖ វារី

ចុចអាន ៖ ម៉ូដសំលៀកបំពាក់ប្លែកៗ របស់តារាល្បីលើកម្រាលព្រំក្រហមក្នុងកម្មវិធី Grammy ២០២៣

The post មកទស្សនាទិដ្ឋភាពក្រោយឆាកពីតារា ៨ រូប ក្នុងកម្មវិធី ​Grammys ២០២៣  appeared first on Kampuchea Thmey Daily.

ក្នុងកម្មវិធី Grammys បុគ្គលល្បីទាំងអស់តម្រូវឲ្យស្លៀកសំលៀកបំពាក់ប្លែកៗស្អាតត្រៀមខ្លួនទទួលរង្វាន់ ដូច្នេះតារាចម្រៀង Camila Cabello បានគោរពតាមគោលការណ៍ជាមួយនឹងអាវកាក់អង្កាំគជ់ខ្យងរបស់នាងតែម្ដង ។

Patricia Bonaldi និយាយថា “នាងគឺជាមនុស្សដំបូងដែលខ្ញុំធ្វើសំលៀកបំពាក់ឲ្យសម្រាប់ការឡើងសម្ដែងនៅ VMAs ឆ្នាំ២០១៩ នាងក៏ពាក់ PatBo ដែរក្នុងវីដេអូចម្រៀង Señorita” ។ Patricia បន្តទៀតថា “នាងគឺជាស្ត្រីពូកែ និងស្អាតបំផុត ខ្ញុំរំភើបណាស់ដែលនាងជ្រើសរើស PatBo ជាលើកទីបីស្លៀកក្នុងរាត្រី Grammys ដ៏ពិសេស” ។

ក្រៅពីអាវគជ់ខ្យង តារាចម្រៀងវ័យ ២៥ ឆ្នាំរូបនេះថែមទាំងពាក់គ្រឿងអលង្ការពេជ្យ-គជ់ខ្យងដូចគ្នា ប៉ុន្តែសម្រាប់ស្បែកជើង និងសំពត់មិនមានអ្វីពិសេសឡើយ ។

ទោះបីជានាងមិនបានឈ្នះពានសូម្បីតែមួយក៏ដោយ Camila នៅតែសប្បាយចិត្តចំពោះការតែងខ្លួនដើម្បីចូលរួមកម្មវិធី Grammys ២០២៣ មិនចាញ់អ្នកឈ្នះប៉ុន្មានទេ ៕

ប្រែសម្រួល ៖ វារី

ចុចអាន ៖ BTS ត្រលប់មកផ្ទះវិញដៃទទេ ក្រោយមិនឈ្នះពាន Grammy ៣ ឆ្នាំជាប់គ្នាៗ

ចុចអាន ៖ ម៉ូដសំលៀកបំពាក់ប្លែកៗ របស់តារាល្បីលើកម្រាលព្រំក្រហមក្នុងកម្មវិធី Grammy ២០២៣

The post អាវអង្កាំគជ់ខ្យង Camila Cabello ពាក់ទៅ Grammys ចំណាយពេលធ្វើដោយដៃជាង ៤០ ម៉ោង appeared first on Kampuchea Thmey Daily.