នៅយប់នេះ Taylor Swift, Beyoncé, Chappell Roan, Kendrick Lamar, និង Sabrina Carpenter ស្ថិតក្នុងចំណោមតារាកំពូលដែលកំពុងប្រជែងយករង្វាន់ដ៏ធំបំផុតមួយចំនួន។ ចំណែកឯតារាផ្សេងទៀតក៏បានជាប់ឈ្មោះថា ជាកំពូលមានការស្លៀកពាក់ស្អាតដាច់គេនិងពូកែរៀបចំខ្លួនបំផុតដែរ។

១. Chappell Roan

Chappell Roan ​ជា​បេក្ខភាព​៦​សម័យ​កាល​នៅ​កម្មវិធី Grammys យប់​នេះ នាងបាន​ប្រែ​ក្លាយ​ជា​ស្ទីល​តែងខ្លួនក្នុងបែបដិតពេញទាំងរាងកាយ។ នាង​បាន​បង្ហាញ​ខ្លួន​ក្នុង​ឈុត​ពណ៌​ខៀវ និង​​លឿង​អមដោយ​ស្រោមដៃ​ពណ៌​ខៀវ​ដែល​ត្រូវ​គ្នា និង​ខ្សែ​ពណ៌​ខ្មៅ​ដ៏​ទាក់ទាញលើស្មា។

២. Kelsea Ballerini

តារា​ចម្រៀង​ប្រចាំ​ប្រទេស​រូប​នេះ​ បាន​មក​ដល់​ក្នុង​ឈុត​តូច​ពណ៌​ខ្មៅ​បុរាណ​តែសិចស៊ីឃើញដល់ជម្រៅដើមទ្រូង។ នាងបានបញ្ចប់រូបរាងជាមួយនឹងក្រវិលប្រាក់ ស្បែកជើងពណ៌ខ្មៅ និងស្បែពណ៌សប្រវែង ចំឯកឯម៉ូសក់វិញនាងមួលបែបទឹករលធម្មតាប៉ុណ្ណោះ។

៣. Charli XCX

Charli XCX ​បាន​ជាប់​ឈ្មោះ​សម្រាប់​ពាន​រង្វាន់​ចំនួន​ប្រាំពីរ​នៅ​យប់​នោះ នាងបាន​ស្លៀក​រ៉ូប​ពណ៌​ប្រផេះវែងអន្លាយ​ដ៏​គួរ​ឲ្យ​ភ្ញាក់​ផ្អើល​។ ដោយសារតែសក់​ពណ៌​ខ្មៅ​ពីកំណើតបានក្លាយជាជា​និមិត្តរូប​របស់​នាងថាជាមនុស្សទាក់ទាញ ខណៈ​នាង​ជ្រើស​រើស​ស្បែក​ជើង​កវែង​ពណ៌​ខ្មៅខ្ពស់ ដោយ​មាន​ម៉ូដ​កាត់​ខាង​មុខបន្តិចៗ។

៤. Taylor Swift

រូប​តំណាង​ប៉ុប​បាន​បង្ហាញ​ខ្លួន​ក្នុង​រ៉ូប​តូច​ពណ៌​ក្រហម​ភ្លឺ​រលោងសាមញ្ញាធម្មតាប៉ុណ្ណោះ។ ក្នុងមួយឈុតនោះ តារាស្រីជួរមុខបានបង្ហាញខ្លួនក្នុងឈុតក្រហមសុទ្ធសាធមិនថាស្បែកកែងជើង ក្រវិល និងក្រែមលាបមាត់នោះទេ។

៥. Cardi B

តារារ៉េប Cardi B មើលទៅមានពន្លឺចែងចាំងក្នុងឈុតពណ៌ខ្មៅ និងមាសលាយគ្នា ជាមួយនឹងខ្សែក និងរោមសត្វភ្លឺចិញ្ចាច។ ងាកមកកាន់គ្រឿងលំអវិញ នាងបានពាក់សុទ្ធតែគ្រឿងប្រាក់ដែលមានតម្លៃស៊ីនឹងឈុតរដែលនាងស្លៀកចូលរួមកម្មវិធី៕

អត្ថបទ៖ សាង ស្រីល័ក្ខ

The post តារា​​ប៉ុន្មានរូប ស្លៀកឈុត​ស្អាតបំផុត​លើ​កម្រាល​ព្រំ​ក្រហម​ Grammys ឆ្នាំ​២០២៥ appeared first on Kampuchea Thmey Daily.

តាមរយៈរូបភាពនិងឃ្លិបក្នុងពិធី បានធ្វើឲ្យអ្នក​គាំទ្រ​តាម​ដាន​យ៉ាង​ជិត​ស្និទ្ធ​ចំពោះ Taylor Swift ដែលជា​តារា​ចម្រៀង​ស្រី​ដែល​មាន​ប្រជាប្រិយ​ភាព​បំផុត​ ដោយនាងឈ្នះពានរង្វាន់ Grammy ៤ ដង ច្រើនជាងគេក្នុងប្រវត្តិសាស្ត្រ ក្នុងពេលដែលនាងដើរឆ្លងកាត់អតីតមិត្តប្រុស Calvin Harris ក្នុងពិធីប្រគល់ពានរង្វាន់ Grammy ឆ្នាំ ២០២៤ កាលពីថ្ងៃចន្ទ ទី ០៥ ខែកុម្ភៈ ឆ្នាំ២០២៤ ថ្មីៗនេះ។

ទោះបីជាយ៉ាងណាក៏ដោយ អតីតគូស្នេហ៍របស់នាង Harris គ្រាន់តែចាប់ភ្នែកក្រឡេកមើល Taylor Swift ហើយបានចូលរួមអបអរសាទរជាមួយអ្នករួមតុនៅក្នុងព្រឹត្តិការណ៍នេះតែប៉ុណ្ណោះ។ លោកមិនបង្ហាញសញ្ញាណាមួយនៃការមិនពេញចិត្តគ្នារវាងអតីតដែលធ្លាប់មានឲ្យគ្នាឡើយ។

យ៉ាងណាមិញ ទោះបីទើបតែជួបគ្នាមួយរយៈពេលខ្លី ប៉ុន្តែអ្នកទាំងពីរមានបញ្ហាទំនាក់ទំនងរហូតឈានដល់បែកបាក់គ្នាជាច្រើនដង និងបញ្ហារឿងភាគផ្សេងៗរាប់មិនអស់។ ថ្វីបើពួកគេមិនបានបង្ហាញការខឹងស្អប់គ្នា ក្រោយសល់ត្រឹមអតិតក៏ពិតមែន ប៉ុន្តែនៅក្រៅឆាកឯណោះអតីតគូស្នេហ៍នេះត្រូវបានគេកោតសរសើរពីភាពស្ងប់ស្ងាត់របស់ពួកគេបែបវិជ្ជាជីវៈ និងមានចិត្តគំនិតជ្រះស្រឡះ ទោះមិនអាចរួមរស់ជាមួយគ្នាដូចមុន។

បន្ថែមពីលើនិន្នាការនៃការណែនាំមិត្តប្រុសថ្មីរបស់ Taylor Swift ដែលជាកីឡាករបាល់ទាត់ជនជាតិអាមេរិកដែលមានឈ្មោះថា Travis Kelce ធ្វើឲ្យតារាចម្រៀងដែលទទួលបានពានរង្វាន់នេះ ក៏ទទួលបានការចាប់អារម្មណ៍ពីប្រព័ន្ធផ្សព្វផ្សាយ និងអ្នកគាំទ្រជុំវិញពិភពលោកផងដែរ៕

អត្ថបទ៖ សាង ស្រីល័ក្ខ

ចុចអាន៖ឈ្នះពានរង្វាន់ Grammy លើកទី ១៣ ភ្លាម Taylor Swift ឆ្លៀតប្រកាសអាល់ប៊ុមថ្មីភ្លែត

The post Taylor Swift ដើរកាត់មុខអតីតមិត្តប្រុស Harris យ៉ាងរំភើយ ក្នុងកម្មវិធី Grammys appeared first on Kampuchea Thmey Daily.

គ្រឿងអលង្ការដែលផលិតឡើងដោយលោកស្រី Lorraine Schwartz ជាអ្នកច្នៃគ្រឿងអលង្ការដ៏ល្បីជាមួយគ្នានេះ តាមសេចក្តីប្រកាសព័ត៌មានដែលផ្តល់ដោយលោស្រីបានបញ្ចាក់ថា ក្រវិលដ៏ដិតរបស់ Taylor Swift មានត្បូងកណ្តៀ ងពណ៌ស្វាយ និងពេជ្រជាង ១៣៦ ការ៉ាត់ គួបផ្សំនឹងចិញ្ចៀន ត្បូងកណ្តៀង និងត្បូងពេជ្រ ។

ជាពិសេស Taylor Swift ក៏បានជ្រើសរើសសំលៀកបំពាក់ពណ៌ខៀវពីម៉ាកយីហោ Roberto Cavalli ដើរលើលើកម្រាលព្រំក្រហមជាមួយគ្រឿងអលង្ការតម្លៃជិត ៣ លានដុល្លារ ។ បន្ថែមពីលើគ្រឿងអលង្ការរបស់នាងនឹងសំលៀកបំពាក់ ពណ៌ខៀវ Taylor ក៏បានធ្វើការតុបតែងខ្លួននិងមុខរបស់នាងជាមួយពណ៌ខៀវប្រាក់នៅលើត្របកភ្នែកនិងបបូរមាត់ក្រហមផងដែរ ។

យ៉ាងណាមិញ ម្ចាស់ពានរង្វាន់ Grammy ១១ សម័យកាលបានបង្កើតប្រវត្តិសាស្ត្រ Grammy ម្តងទៀតកាលពីយប់ថ្ងៃអាទិត្យ ដោយបានឈ្នះវីដេអូតន្ត្រីដ៏ល្អបំផុតសម្រាប់បទ “All Too Well: The Short Film” និងក្លាយជាសិល្បករស្រីដំបូងគេសម្រាប់ការឈ្នះពានរង្វាន់ផ្តល់កិត្តិយសមួយនេះ ៕

ប្រែសម្រួល៖នាងតូច

ចុចអាន៖តារាចម្រៀង Harry Styles មិនខ្លាចលេងម៉ូដសំលៀកបំពាក់ក្នុងកម្មវិធី Grammys ២០២៣

The post Taylor Swift ពាក់គ្រឿងអលង្ការតម្លៃ ៣ លាន ដុល្លារ ចូលរួមកម្មវិធី Grammys appeared first on Kampuchea Thmey Daily.

១. Beyoncé បំបែកកំណត់ត្រាតារាឈ្នះពានច្រើនជាងគេបំផុត

តារាចម្រៀងសញ្ជាតិអាមេរិកាំង Beyoncé ត្រូវបានប្រកាសទទួលពានរង្វាន់រហូតដល់ទៅ ៩ ធ្វើឱ្យនាងនិងស្វាមី Jay-Z ឈ្នះរង្វាន់សរុបទាំងអស់ ៨៨ ពានរង្វាន់ និងក្លាយជាសិល្បករ-ការិនីដែលឈ្នះពានរង្វាន់ច្រើនបំផុតក្នុងប្រវត្តិសាស្រ្ត Grammys ។

២. Kim Petras ក្លាយជាស្ត្រីកែភេទដំបូងគេបង្អស់ដែលឈ្នះពាន

ខណៈទទួលពានរង្វាន់សម្រាប់ការសហការជាមួយ Sam Smith តារាចម្រៀងសញ្ជាតិអាល្លឺម៉ង់ Kim Petras វ័យ ៣០ ឆ្នាំបានស្រក់ទឹកភ្នែកព្រោះនាងគឺជាស្ត្រីកែភេទដំបូងគេដែលទទួលពាន Grammy ។

៣. Viola Davis ពានរង្វាន់កម្សាន្តធំៗទាំងបួនរបស់អាមេរិកគឺ Emmy, Grammy, Oscar, និង Tony

Viola Davis ឈ្នះពានដោយសារភាពជោគជ័យទៅលើសៀវភៅ “Finding Me” ដែលនិយាយពីរឿងជីវិតរបស់នាង ។

៤. អ្នកសិល្បៈជប់លៀងគម្របខួប Hip-Hop ៥០ ឆ្នាំ 

ការអបអរខួប Hip-Hop លើកទី ៥០ ត្រូវសម្ដែងជុំគ្នាដោយតារាជាច្រើនឡើងផ្អើលកម្មវិធីរួមមាន Black Thought, Run DMC, LL Cool J, Jazzy Jeff, Salt N Pepa, Rakim, Public Enemy, Ice-T, Method Man, Big Boi, De La Soul, Grandmaster Flash, និង Grandmaster Melle Mel ជាដើម ។

៥. Adele បង្កើតកំណត់ត្រាផ្ទាល់ខ្លួន

តារាចម្រៀងដង្ហើមវែង Adele ឈ្នះពានរង្វាន់ Grammy លើកទី ៤ ចំពោះបទ “Easy on Me” ចំណែកឯពានរង្វាន់មុនៗបីទៀតគឺបានមកពីបទ​ “Someone Like You, Set Fire to the Rain, និង Hello” ។

គួររំលឹកដែរថា Grammys ឆ្នាំ ២០២៣ គឺជាកម្មវិធីប្រគល់រង្វាន់លើកទី ៦៥ ហើយវាមានកំណើតក្នុងវិស័យសិល្បៈតាំងពីថ្ងៃទី០៤ ខែឧសភា ឆ្នាំ១៩៥៩មកម្ល៉េះ ៕

ប្រែសម្រួល ៖ វារី

ចុចអាន ៖ ស្ទះផ្លូវពេក Beyoncé ខកខានទទួលរង្វាន់ក្នុងកម្មវិធី Grammys ២០២៣

ចុចអាន ៖ ម៉ូដសំលៀកបំពាក់ប្លែកៗ របស់តារាល្បីលើកម្រាលព្រំក្រហមក្នុងកម្មវិធី Grammy ២០២៣

The post ព្រឹត្តិការណ៍ប្រចាំប្រវត្តិសាស្ត្រ ៥ ធំៗ ក្នុងកម្មវិធី Grammys ២០២៣ appeared first on Kampuchea Thmey Daily.