Grow Under Peace Archives - Kampuchea Thmey Daily

លោក ហ៊ុយ វណ្ណៈ ក្តីស្រមៃត្រឹមជាគ្រូបង្រៀន មុនក្លាយជារដ្ឋលេខាធិការនៅក្រសួងមហាផ្ទៃ

Din Thary — Tue, 06 Jun 2023 04:28:52 +0000

នៅក្នុងបទសម្ភាសកម្មវិធី Grow Under Peace របស់សារព័ត៌មាន«កម្ពុជាថ្មី» លោក ហ៊ុយ វណ្ណៈ បានមានប្រសាសន៍ឱ្យដឹងថា «ខ្ញុំមិនធ្លាប់គិតស្រមៃដល់ថា អាចឈានជើងដើរនៅក្នុងជួររាជរដ្ឋាភិបាលកម្ពុជា និងក្លាយជារដ្ឋលេខាធិការក្រសួងមហាផ្ទៃដូចបច្ចុប្បន្ន ព្រោះពីមុនក្តីស្រមៃតែមួយគត់ ចង់ក្លាយជាគ្រូបង្រៀន»។

ការវិវត្ត និងការរីកចម្រើននៃសង្គម ពីមួយដំណាក់កាល ទៅមួយដំណាក់កាល អាចប្រែក្លាយលោក ហ៊ុយ វណ្ណៈ ឱ្យឈានជើងដើរមកដល់ដូចពេលបច្ចុប្បន្ន។ នៅក្នុងកម្មវិធី Grow Under Peace លោក ហ៊ុយ វណ្ណៈ ដែលសព្វថ្ងៃជារដ្ឋលេខាធិការក្រសួងមហាផ្ទៃ និងជាប្រធានសហភាពសហព័ន្ធសារព័ត៌មានកម្ពុជា (ស.ស.ស.ក) ហើយក៏ជាបញ្ញវន្តខ្មែរមួយរូបដ៏មានសក្ដានុពល ដែលបានបញ្ចប់ការសិក្សាមកពីសហរដ្ឋអាមេរិក បានលើកឡើងថា កម្រងខ្សែជីវិតរបស់លោក តាំងពីដំបូង រហូតមកដល់ពេលបច្ចុប្បន្ននេះ គឺកើតចេញពីការតស៊ូ អត់ធ្មត់ ព្យាយាមជម្នះ នូវគ្រប់បញ្ហាដែលកើតមានចំពោះមុខ។

ជាក់ស្ដែង កំឡុងពេលប្រទេសជាតិស្ថិតនៅក្នុងភាពក្រីក្រ លំបាក លោក ហ៊ុយ វណ្ណៈ បានបង្ហើបថាលោកមិនធ្លាប់ស្រមៃថាបានក្លាយជាថ្នាក់ដឹកនាំមួយរូបធ្វើការនៅក្នុងក្រសួងមហាផ្ទៃ និងបម្រើការងារ នៅក្នុងជួររាជរដ្ឋាភិបាល ឬនៅក្នុងសង្គមនយោបាយនោះទេ ព្រោះតាំងពីនៅយុវវ័យ លោកស្រលាញ់ ស្រមៃ និងចង់ធ្វើជាគ្រូបង្រៀនមួយរួបប៉ុណ្ណោះ។

ត្រង់ចំណុចនេះ លោក រដ្ឋលេខាធិការក្រសួងមហាផ្ទៃបានពន្យល់ថា «តាំងពីតូចនៅពេលដែលខ្ញុំកើតមក ឃើញតែសាលារៀន វត្តអារាម អត់មានឃើញសង្គមសេដ្ឋកិច្ច សង្គមវិទ្យាសាស្ត្រទេ ព្រោះក្រោយពីសម័យប៉ុលពតមកឃើញតែគោ ក្របី វាលស្រែ លោកសង្ឃ គ្រូបង្រៀន ដូច្នេះជម្រើសខ្ញុំនៅពេលមានតែប្រឹងរៀនយកចំណេះធ្វើគ្រូបង្រៀន ហើយបើធ្វើមិនបាន ទៅធ្វើជាកងទ័ព»។

ការខិតខំពីមួយដំណាក់កាលទៅមួយដំណាក់កាល និងការបើកទូលាយនៃសង្គម លោក ហ៊ុយ វណ្ណៈ អាចមានឱកាសទៅបន្តការសិក្សានៅក្រៅប្រទេស ហើយអាចឱ្យលោកវិវត្តពីគ្រូបង្រៀន មកធ្វើការនៅក្នុងអង្គការសង្គមស៊ីវិល អ្នកស្រាវជ្រាវ មកជាអ្នកនិពន្ធ និងអាចដើរមកដល់ចំណុចមួយដូចពេលបច្ចុប្បន្នក្លាយជារដ្ឋលេខាធិការក្រសួងមហាផ្ទៃ៕

The post លោក ហ៊ុយ វណ្ណៈ ក្តីស្រមៃត្រឹមជាគ្រូបង្រៀន មុនក្លាយជារដ្ឋលេខាធិការនៅក្រសួងមហាផ្ទៃ appeared first on Kampuchea Thmey Daily.

ចង់ក្លាយជាអ្នកបម្រើការលើយន្តហោះ ត្រូវដឹងអ្វីខ្លះពីអាជីពនេះ?

Sophal Tuon — Sat, 01 Oct 2022 02:00:00 +0000

បាហុនិកា ឬអ្នកធ្វើការលើយន្តហោះ ឬហៅជាភាសាអង់គ្លេសថា Fight Attended ត្រូវមានចំណេះដឹងផ្នែកភាសា អត្តចរិត រូបសម្បត្តិសមរម្យ ត្រូវចេះបត់បែន ទាន់សភាពការ រហ័សរហួន ម៉ត់ចត់ ព្យាយាម កម្ពស់ចាប់ពី ១.៦០ម៉ែត្រឡើងទៅ និងត្រូវមានជំនាញសង្រ្គោះបឋមជាដើម។ នេះជាការបញ្ជាក់របស់លោកស្រី ឌឿ សេរីឡែន អតីតអ្នកបម្រើការលើយន្តហោះជាង ១២ ឆ្នាំ និងបច្ចុប្បន្នជា Reservation and Ticketing Executive ក្រុមហ៊ុន Cambodia Angkor air។

លោកស្រី បានបន្តថា បាហុនិការ ត្រូវរៀនពីរបៀបបម្រើភ្ញៀវ និងផ្តោតសំខាន់ទៅលើសុវត្ថិភាពក្នុងការហោះហើរជាចម្បង។ «របៀបបម្រើ គឺត្រូវបម្រើកូនក្មេងមុន ហើយត្រូវបម្រើស្រ្តីមុនបុរស»។

លើសពីនេះទៀត បាហុនិកា ត្រូវបានបណ្តុះបណ្តាលអំពីសុវត្ថភាព និងចំណេះដឹងជួយសង្គ្រោះភ្ញៀវនៅពេលយន្ដហោះកំពុងហោះ ហើយមានបញ្ហា ដូចជា មានភ្លើងឆេះ ឆ្លងកាត់តំបន់ខ្យល់ព្យុះ បាត់បង់សម្ពាធបរិយាកាស (ខ្វះខ្យល់ Oxizen) ។ ពេលមានគ្រោះអាសន្ន អ្នកបើកយន្តហោះ(Leading or Chiefperser) ត្រូវសម្រេចចិត្តចុះចតយន្ដហោះលើទឹក ឬលើគោក ដោយ បាហុនិកា គឺជាអ្នកជួយសង្គ្រោះភ្ញៀវទាំងអស់តាមរបៀប និងតួនាទីរៀងៗខ្លួន។

លោកស្រី បានគូសបញ្ជាក់ទៀតថា ពេលឡើងលើយន្តហោះ បាហុនិកា មានតួនាទីរៀងៗខ្លួន តាមការបែងចែករបស់ប្រធានក្រុមហោះហើរ ឬហៅថា Leading or Chiefperser។

ចំណែកឧបករណ៍ នៅលើយន្តហោះ ដែលគេហៅថា(safety equipments )គឺត្រូវដាក់នៅកន្លែងផ្សេងៗទៅតាមប្រភេទនៃយន្ដហោះ មានដូចជា ATR ,Bo ing , Airbus ទៅតាមសេរីរបស់វា។ ឧបករណ៍សម្រាប់សង្គ្រោះនៅលើយន្ដហោះ(safety equipments) មានដូចជា បំពង់ពន្លត់អាគ្គីភ័យ បំពង់អ៊ុកស៊ីហ្សែន អាវពោង ប្រអប់ថ្នាំ និងខ្សែក្រវ៉ាត់ ជាដើម។ល។

អតីតអ្នកបម្រើកាលើយន្តហោះជាង ១២ឆ្នាំ លោកស្រី សេរីឡែន បានឱ្យដឹងថា បាហុនិកាតម្រូវឱ្យបញ្ចប់សញ្ញាបត្របាក់ឌុបជាបឋម និងត្រូវចេះភាសាអង់គ្លេសជាចម្បង បើចេះច្រើនភាសា កាន់តែមានអទិភាព។

មុនទទួលភារកិច្ច ប្រធានក្រុមហ៊ុន នឹងធ្វើការបណ្តុះបណ្តាលបាហុនិកា ដូចជា ផ្នែកសេវាកម្ម តុបតែងមុខ របៀបដើរ អង្គុយ សើច ញញឹម ការសម្លឹង ឬក្រឡែកមើលភ្ញៀវ និងការញ៉ាំ ជាដើម៕

The post ចង់ក្លាយជាអ្នកបម្រើការលើយន្តហោះ ត្រូវដឹងអ្វីខ្លះពីអាជីពនេះ? appeared first on Kampuchea Thmey Daily.

មកដឹងប្រាក់បៀវត្សអ្នកបម្រើការលើយន្តហោះនៅកម្ពុជា

Sophal Tuon — Thu, 29 Sep 2022 03:07:57 +0000

បាហុនិកា ដែលគេនិយាយសាមញ្ញថា អ្នកបម្រើលើយន្តហោះ និងភាសាអង់គ្លេសថា Fight Attended គឺជាអ្នកជំនាញទទួលខុសត្រូវក្នុងការងារ ធានាសុវត្ថិភាព និងផាសុកភាព របស់អ្នកដំណើរនៅលើយន្តហោះ។ ពួកគេផ្តល់សេវាកម្មអតិថិជនជាអទិភាព ក្នុងពេលមុនការធ្វើដំណើរ កំពុងធ្វើដំណើរ និងនៅចុងបញ្ចប់នៃការធ្វើដំណើរនីមួយៗ។ ក្រៅពីការងារ ស្វាគមន៍អតិថិជន ពិនិត្យសំបុត្រ និងអមដំណើរទៅកាន់កន្លែងអង្គុយ បាហុនិកា មានភារកិច្ចរៀបចំ បម្រើភេសជ្ជៈ និងអាហារដល់អ្នកដំណើរ បង្ហាញព័ត៌មានអំពីឧបករណ៍សង្គ្រោះបន្ទាន់ និងផ្តល់ការណែនាំត្រួតពិនិត្យ ផ្សេងៗទៀតអំឡុងពេលហោះហើរ។

តួនាទីការងារជាអ្នកបម្រើការលើយន្តហោះនេះ មានយុវជន យុវនារីជាច្រើនកំពុងសម្លឹងមើល និងមានចំណាប់អារម្មណ៍ ចង់ក្លាយខ្លួនជា Fight Attended។ មុននឹងស្រមៃក្លាយជាបុគ្គលិកបម្រើការលើយន្តហោះ សូមមកដឹងប្រាក់បៀវត្សជាមុនសិន។

លោកស្រី ឌឿ សេរីឡែន អតីតអ្នកបម្រើការលើយន្តហោះជាង ១២ ឆ្នាំ ហើយបច្ចុប្បន្នជា Reservation and Ticketing Executive នៅក្រុមហ៊ុនអាកាសចរណ៍ Cambodia Angkor air បានឱ្យដឹងថា ប្រាក់ខែអ្នកបម្រើការនៅលើយន្តហោះចន្លោះពី ៥០០ដុល្លារ ទៅ ៩០០ដុល្លារ នៅពេលបច្ចុប្បន្ន ដោយមិនទាន់គិតប្រាក់ឧបត្ថម្ភ (flight allowance) ផ្សេងៗទៀត។

លោកស្រី បញ្ជាក់ថា ចំពោះប្រាក់ឧបត្ថម្ភគិតជាម៉ោង ទៅតាមក្រុមហ៊ុននីមួយៗ។ ឧទាហរណ៍ថា ការហោះហើរពីភ្នំពេញទៅបាងកកប្រទេសថៃ ក្រុមហ៊ុនខ្លះផ្តល់ជូនបាហុនិកាមួយម៉ោង ៣ដុល្លារ ឬ ៣.៥ដុល្លារ និងខ្លះទៀតអាចលើសនេះ។ ដោយឡែកពីភ្នំពេញទៅកូឡាឡាំពួ អាចទទួលបានប្រាក់ឧបត្ថម្ភបន្ថែមពី ៦ដុល្លារ ទៅ ៩ដុល្លារ ឬ ២០ដុល្លារ ទៅ ៣០ដុល្លារ សម្រាប់ប្រាក់ឧបត្ថម្ភគេងយប់ (night stop) ទៅតាមក្រុមហ៊ុនផ្សេងៗគ្នា។

អ្នកជំនាញបម្រើការលើយន្តហោះ បានលើកឡើងថា យុវជន និងយុវនារីដែលពេញចិត្តនឹងវិស័យការងារជាអ្នកបម្រើការលើយន្តហោះ ត្រូវតែមានរូបសម្បត្តិសមរម្យ ទេពកោសល្យសិល្បៈនៃការនិយាយ និងទំនាក់ទំនងជាមួយអ្នកដំណើរ។

គន្លឹះសំខាន់ផ្សេងទៀត គឺចំណេះដឹងផ្នែកភាសាបរទេស គឺអាចជួយដល់យុវជន យុវនារី ចាប់បានឱកាសការងារជាអ្នកបម្រើការលើយន្តហោះ ជាពិសេសមានភាពងាយស្រួលក្នុងការទំនាក់ទំនងជាមួយអ្នកដំណើរបរទេស៕

The post មកដឹងប្រាក់បៀវត្សអ្នកបម្រើការលើយន្តហោះនៅកម្ពុជា appeared first on Kampuchea Thmey Daily.

មកស្គាល់ស្រ្តីមួយរូប បម្រើការងារលើយន្តហោះជាង ១២ឆ្នាំ

Sophal Tuon — Wed, 28 Sep 2022 06:57:35 +0000

មានវ័យជាង ៥០ឆ្នាំ លោកស្រី ឌឿ សេរីឡែន មានបទពិសោធន៍ការងារលើយន្តហោះ ឬហៅថា បាហុនិកាជាង ១២ឆ្នាំ ដោយចាប់ផ្តើមពីឆ្នាំ ១៩៩៥-២០០៧។ លោកស្រី ធ្លាប់បម្រើការងារឱ្យក្រុមហ៊ុនអាកាសចរណ៍ក្នុងស្រុក ដូចជា ក្រុមហ៊ុន Royal air Cambodge, Mekong air, Royal Khmer airlines និងបច្ចុប្បន្នក្រុមហ៊ុន Cambodia Angkor air។

ក្នុងតួនាទីបច្ចុប្បន្នជា Reservation and Ticketing Executive លោកស្រី ឌឿ សេរីឡែន បានរំលឹកថា មូលហេតុដែលមានឱកាសបានចូលធ្វើការងារក្នុងផ្នែកនេះ ដោយសារ លោកស្រី ធ្លាប់មានបទពិសោធន៍ជាអ្នកធ្វើការផ្នែកសេវាកម្មនៅសណ្ឋាគារទំនើបមួយនៅក្នុងក្រុងភ្នំពេញ។

លោកស្រី សេរីឡែន បានថ្លែងដូច្នេះថា« ជំនាញនេះត្រូវការចំណេះដឹងផ្នែកភាសាអង់គ្លេស តែដំបូងឡើយ ខ្ញុំមិនសូវចេះ គឺមានចំណេះតែភាសាបារាំងខ្លះប៉ុណ្ណោះ។ ក្រោយដាក់ពាក្យជាប់ ក្រុមហ៊ុនបានបញ្ជូនខ្ញុំ ទៅសិក្សានៅប្រទេសម៉ាឡេស៊ីចំនួនបីខែ ផ្នែកសេវាកម្ម តុបតែងមុខ របៀបដើរ អង្គុយ សើច ញញឹម ការសម្លឹង ឬក្រឡែកមើលភ្ញៀវ និងការញ៉ាំ»។

លោកស្រីបញ្ជាក់ទៀតថា ផ្នែកបាហុនិកា ឬអ្នកធ្វើការលើយន្តហោះ ឬហៅជាភាសាអង់គ្លេសថា Fight Attended ត្រូវការចំណេះដឹងផ្នែកភាសា អត្តចរិត ត្រូវចេះបត់បែន ទាន់សភាពការ រហ័សរហួន ម៉ត់ចត់ ព្យាយាម និងត្រូវមានជំនាញសង្រ្គោះបឋមជាដើម។

តើបាហុនិកា ត្រូវធ្វើអ្វីខ្លះមុនពេល កំពុងធ្វើដំណើរ និងក្រោយពេលហោះហើរ?

ក្នុងតួនាទីជាអ្នកធ្វើការលើយន្តហោះ មុនចេញដំណើរ បាហុនិកា ត្រូវត្រៀមខ្លួនរួចជាស្រេច នូវសម្ភារៈចាំបាច់មួយចំនួន ដូចជាសៀវភៅ Menu អំពីការហោះហើរ បន្ទាប់មកត្រូវរៀបចំទឹក ភេសជ្ជៈ និងចំណីអាហារសម្រាប់ភ្ញៀវ។ ពេលកំពុងហោះហើរ កិច្ចការងារដំបូង គឺត្រូវទន្ទិញឱ្យចាំអំពីសុវត្ថិភាព(Safety) និងផាសុកភាពជូនភ្ញៀវ ពោលគឺ បាហុនិកា យល់ច្បាស់ពីដំណោះស្រាយនៅពេលដែលជួបបញ្ហាអ្វីមួយពេលកំពុងធ្វើដំណើរ។ ពេលយន្តហោះឡើងផុតដី នៅនឹងថ្កល់ បាហុនិកា ចាប់ផ្តើមផ្តល់សេវាកម្មជូនភ្ញៀវ ដូចជា បម្រើទឹកភេជ្ជៈ និងចំណីអាហារ។ ក្រោយពេលផ្តល់សេវាកម្មជូនភ្ញៀវហើយ ត្រូវដើរត្រួតពិនិត្យអំពីតម្រូវការផ្សេងៗទៀត ដែលភ្ញៀវត្រូវការ ដូចជា ទឹក ឬភេសជ្ជៈ ពោលគឺពុំមានពេលសម្រាកនោះទេ ពេលយន្តហោះចេញដំណើរ។ នេះគឺជាការលើកឡើងរបស់លោកស្រី ឌឿ សេរីឡែន។

លោកស្រី បានបន្តថា« យន្តហោះអាចមានគ្រោះថ្នាក់ ពេលកំពុងឡើង និងពេលចុះ។ ដូច្នេះពេលរៀបចំឡើង បាហុនិកា ត្រូវតែធានាសុវត្ថិភាពដល់ភ្ញៀវឱ្យបានម៉ត់ចត់ និងពេលរៀបចុះ ត្រូវត្រួតពិនិត្យជាថ្មីម្តងទៀត ដើម្បីសុវត្ថិភាព។ ពេលដែលភ្ញៀវចុះពីយន្តហោះអស់ហើយ ត្រូវដើរត្រួតពិនិត្យម្តងទៀត ដើម្បីដឹងថា តើមានអីវ៉ាន់ភ្ញៀវភ្លេចឬយ៉ាងណា»។

ប៉ុន្តែទោះយ៉ាងណា លោកស្រី សេរីឡែន បានគូសបញ្ជាក់ថា អាជីពជាបាហុនិកាបច្ចុប្បន្ន មិនសូវហត់នឿយដូចពីមុននោះទេ ពោលគឺកាត់បន្ថយការបម្រើសេវាកម្មជាច្រើន ដោយសព្វថ្ងៃការធ្វើដំណើររយៈចម្ងាយជិត គឺពុំមានសេវាកម្មចំណីអាហារច្រើនប៉ុន្មានទេ គឺមានត្រឹមភេជ្ជៈ និងអាហារសម្រន់តិចតួចប៉ុណ្ណោះ។

លោកស្រី មើលឃើញថា មានតែអាជីពនេះទេ ដែលអាចដើរបានច្រើនប្រទេស និងរៀនសូត្របានច្រើនពីទំនៀបទំលាប់ប្រពៃណីរបស់ប្រទេសនានា។

បើតាមលោកស្រី សេរីឡែន ការងារជាបាហុនិកាល្អ សម្រាប់យុវជនជំនាន់ក្រោយ ស្របពេលដែលរាជរដ្ឋាភិបាល បានពង្រីកព្រលានយន្តហោះជាច្រើននៅក្នុងប្រទេសកម្ពុជា។

អ្នកធ្វើការនៅលើយន្តហោះ មិនបន្តការងារក្នុង Office ទេ ពោលគឺក្រោយពេលហោះហើរត្រូវសម្រាកនៅផ្ទះ។ នេះជាការបន្ថែមរបស់លោកស្រី ឌឿ សេរីឡែន។

ដើម្បីលម្អិតអំពីអាជីពនេះ កាន់តែច្បាស់សូមរង់ចាំទស្សនាកម្មវិធី Grow Under Peace របស់កម្ពុជាថ្មី ផ្សាយថ្ងៃទី ៣០ ខែកញ្ញា ឆ្នាំ ២០២២ វេលាម៉ោង ១១:៤០ នាទី៕

The post មកស្គាល់ស្រ្តីមួយរូប បម្រើការងារលើយន្តហោះជាង ១២ឆ្នាំ appeared first on Kampuchea Thmey Daily.

ឧកញ៉ា ប៉ិច បូឡែន លើកឡើង ៣ចំណុចសំខាន់ៗ ដើម្បីឲ្យមុខជំនួញមួយ មានភាពរីកចំរើន

sopheak khoun — Fri, 28 Jan 2022 05:08:44 +0000

កម្មវិធី Grow Under Peace ក្នុងសប្ដាហ៍នេះ បានរៀបចំវីដេអូអំពីប្រវត្តិខ្លះៗ របស់លោកឧកញ៉ា ប៉ិច បូឡែន អគ្គនាយកក្រុមហ៊ុន វេសឡាញ អេឌ្យូខេសិនគ្រុប ខូអិលធីឌី និងជាប្រធានសហព័ន្ធសេវាអប់រំនៅកម្ពុជា។ លោកឧកញ៉ា ប៉ិច បូឡែន គឺជាសហគ្រិនជោគជ័យមួយរូប ក្នុងវិស័យអប់រំនៅកម្ពុជា ដោយលោកបានចាប់ផ្ដើមមុខជំនួញនេះ ក្នុងឆ្នាំ ២០០៨។

បើតាមលោក ឧកញ៉ា ប៉ិច បូឡែន ដើម្បីមានភាពរីកចំរើន ក្នុងមុខជំនួញណាមួយ គឺយើងត្រូវមានទឹកចិត្តស្រលាញ់, ត្រូវមានចំណេះជំនាញលើមុខជំនួញនោះ, និងត្រូវមានសមត្ថភាពកសាងក្រុមការងារ ផងដែរ៕

ជាបន្តសូមទស្សនាវីដេអូ ដូចតទៅ!

The post ឧកញ៉ា ប៉ិច បូឡែន លើកឡើង ៣ចំណុចសំខាន់ៗ ដើម្បីឲ្យមុខជំនួញមួយ មានភាពរីកចំរើន appeared first on Kampuchea Thmey Daily.

ជាកូនកសិករ ពេលរៀនស្នាក់នៅក្នុងវត្ត និងធ្លាប់ធ្វើការងាររោងចក្រ តែលោក សុក្រិត្យ តស៊ូរហូតបើកក្រុមហ៊ុនមួយដោយខ្លួនឯង

sopheak khoun — Mon, 10 Jan 2022 03:03:43 +0000

កម្មវិធី GROW UNDER PEACE កាលពីសប្ដាហ៍មុននេះ ក្រុមការងារសារព័ត៌មានកម្ពុជាថ្មី បានផលិតវីដេអូអំពីប្រវត្តិការងារ និងបទពិសោធន៍ខ្លះៗ របស់លោក រិន សុក្រិត្យ នាយកប្រតិបត្តិក្រុមហ៊ុនសុក្រិត្យនិងពិភារ ខសមេធិក ឯ.ក។ ទម្រាំមកដល់ពេលនេះ លោក រិន សុក្រិត្យ បានតស៊ូ និងជំនះឧបសគ្គជាច្រើន ដោយលោកជាកូនអ្នកកសិករ ធ្លាប់ស្នាក់នៅក្នុងវត្ត ដើម្បីបានបន្តការសិក្សា ព្រមទាំងធ្លាប់ធ្វើការនៅក្នុងរោងចក្រ ផងដែរ៕

ជាបន្តសូមទស្សនាវីដេអូ ដូចខាងក្រោម៖

The post ជាកូនកសិករ ពេលរៀនស្នាក់នៅក្នុងវត្ត និងធ្លាប់ធ្វើការងាររោងចក្រ តែលោក សុក្រិត្យ តស៊ូរហូតបើកក្រុមហ៊ុនមួយដោយខ្លួនឯង appeared first on Kampuchea Thmey Daily.

កត្តាអ្វីខ្លះដែលនាំកញ្ញា ម៉ៅ សាលីន ហៅ Dav ជោគជ័យលើជំនួញផលិតនំ? (មានវីដេអូ)

sopheak khoun — Mon, 27 Dec 2021 07:30:29 +0000

កញ្ញា ម៉ៅ សាលីន មានឈ្មោះក្រៅថា Dav ជាសហគ្រិនវ័យក្មេងមួយរូប កំពុងជោគជ័យលើវិថីជំនួញ ខាងវិស័យចំណីអាហារ នោះគឺការផលិតនំ។ កាលពីថ្ងៃសុក្រកន្លងទៅនេះ កម្មវិធី GROW UNDER PEACE បានផលិតវីដេអូ អំពីប្រវត្តិការងារ និងបទពិសោធន៍ខ្លះៗ របស់កញ្ញា Dav ដែលរហូតមកដល់ពេលនេះ មានមុខជំនួញចំនួន ៥នៅក្នុងដៃ។ កញ្ញា ម៉ៅ សាលីន ដែលទើបតែមានអាយុ ២១ឆ្នាំ បាននិយាយថា កញ្ញាពិតជាមានក្ដីរំភើបជាមួយខ្លួនឯង ដែលឈានមកដល់ចំណុចនេះ ដោយអាចមានមុខជំនួញផ្ទាល់ខ្លួន និងអាចចែករំលែកចំណេះដឹងខ្លះៗ ដល់អ្នកដទៃទៀត៕

សូមទស្សនាវីដេអូ ដូចខាងក្រោម៖

The post កត្តាអ្វីខ្លះដែលនាំកញ្ញា ម៉ៅ សាលីន ហៅ Dav ជោគជ័យលើជំនួញផលិតនំ? (មានវីដេអូ) appeared first on Kampuchea Thmey Daily.

ចូលចិត្ត រៀន អនុវត្តផ្ទាល់លើការងារគ្រប់គ្រង នាំឲ្យលោកស្រី ហុង រដ្ឋា វិវត្តន៍ខ្លួនជា CEO មួយរូប (មានវីដេអូ)

sopheak khoun — Thu, 23 Dec 2021 03:31:56 +0000

កម្មវិធី GROW UNDER PEACE កាលពីសប្ដាហ៍មុន សារព័ត៌មានកម្ពុជាថ្មី បានផលិតវីដេអូអំពីប្រវត្តិខ្លះៗ របស់លោកស្រី ហុង រដ្ឋា នាយិកាប្រតិបត្តិ (CEO) មន្ទីរសម្ភពរ៉ូស។ លោកស្រី ហុង រដ្ឋា បាននិយាយថា ជំនាញគ្រប់គ្រងធនធានមនុស្ស គឺជាជំនាញមួយដែលលោកស្រី ស្រលាញ់ចូលចិត្តតាំងពីដំបូង ហើយបន្ទាប់ពីរៀនចប់ គឺលោកស្រី បានអនុវត្តលើការងារនេះជាបន្តបន្ទាប់ រហូតធ្វើឲ្យលោកស្រី បានក្លាយជាខ្លួននាយិកាប្រតិបត្តិ (CEO) មួយរូប មកដល់ពេលបច្ចុប្បន្ននេះ៕

សូមទស្សនាវីដេអូ ដូចខាងក្រោម៖

The post ចូលចិត្ត រៀន អនុវត្តផ្ទាល់លើការងារគ្រប់គ្រង នាំឲ្យលោកស្រី ហុង រដ្ឋា វិវត្តន៍ខ្លួនជា CEO មួយរូប (មានវីដេអូ) appeared first on Kampuchea Thmey Daily.