បើតាមក្រុមគ្រួសាររបស់លោកបានឲ្យដឹងថា Michael ស្លាប់ដោយសារជំងឺរលាកសួតនៅមន្ទីរពេទ្យ ។ គាត់បានរៀបការជាមួយលោកស្រី Anne Miller នៅឆ្នាំ ១៩៦២ ប៉ុន្តែលែងលះវិញនៅឆ្នាំ ២០០២ និងមានកូនម្នាក់ឈ្មោះ Fergus Gambon ។ ក្រោយមកលោកបានរៀបការជាមួយគូស្នេហ៍ថ្មីឈ្មោះ Philippa Hart និងមានកូនម្នាក់ផងដែរឈ្មោះ Michael Gambon ។

Michael បានចាប់ផ្តើមអាជីពសម្តែងជាមួយ Laurence Olivier ក្នុងនាមជាសមាជិកម្នាក់នៃរោងមហោស្រពជាតិ ។ ក្នុងអាជីពរយៈពេល ៦០ ឆ្នាំរបស់គាត់ Michael ទទួលបានពានរង្វាន់ Olivier Awards ចំនួន ៣, ពានរង្វាន់ Screen Actors Guild Awards ចំនួន ២ និងពានរង្វាន់ BAFTA ចំនួន ៤ ។

គួរបញ្ជាក់ថា តារាសម្ដែងអៀរឡង់-អង់គ្លេសរូបនេះ ត្រូវទស្សនិកជនទូទាំងពិភពលោកស្គាល់ច្រើនតាមរយៈរឿង ​Harry Potter ហើយមានទ្រព្យសម្បត្តិប្រហែល ២០ លានដុល្លារឯណោះ ៕

ប្រែសម្រួល៖ វារី

ប្រភព៖ NBC

ចុចអាន៖ តារាចម្រៀង និងមហាសេដ្ឋី Jimmy Buffett ទទួលមរណភាព

The post តួអង្គនាយកសាលាក្នុងរឿង Harry Potter ទទួលមរណភាពនៅអាយុ ៨២ ឆ្នាំ appeared first on Kampuchea Thmey Daily.

ថ្មីៗនេះគេថតបានសកម្មភាពគូស្នេហ៍ខាងលើកំពុងរុញរទេះទារកនៅក្នុងទីក្រុងញូវយ៉ក បើយោងតាមប្រភពច្បាស់លាស់បានឲ្យដឹងថាតារាស្រីវ័យ ៣៨ ឆ្នាំ Erin ពិតជាទើបសម្រាលកូនពិតមែន ។

យ៉ាងណាក្ដីភេទទារកឬថ្ងៃខែកំណើតមិនបានបញ្ចេញឡើយ ដឹងត្រឹមថាពួកគេកំពុងសប្បាយចិត្តជាខ្លាំងដែលមានសមាជិកគ្រួសារដល់ទៅបីនាក់ ។ លើសពីនេះអ្នកទាំងពីរបានបញ្ចេញអារម្មណ៍ពិតទៅកាន់គ្រួសារនិងមិត្តភ័ក្ដិទៀតផងថា “វាជាពេលវេលាដ៏គួរឱ្យរំភើបមិនគួរឱ្យជឿ” ។

មួយវិញទៀតលោក Daniel Radcliffe អាយុ ៣៣ ឆ្នាំធ្លាប់បកស្រាយថាខ្លួន និង Erin ចុះសម្រុងគ្នាខ្លាំងណាស់ព្រោះពួកគេជាមិត្តល្អនឹងគ្នា ដូច្នេះគ្រួសារតូចរបស់លោកប្រាកដជាពោរពេញដោយក្ដីស្រលាញ់និងទុកចិត្តគ្នាយ៉ាងកក់ក្ដៅជាមិនខាន ៕

ប្រែសម្រួល ៖​ វារី

ចុចអាន ៖ នេះជាស្ថានភាពបច្ចុប្បន្នរបស់តួទាំង ៦ ក្នុងរឿង Harry Potter ក្រោយបញ្ចាំងចប់ ២១ឆ្នាំ

The post តួសម្ដែង Harry Potter ស្វាគមន៍កូនដំបូងជាមួយគូស្នេហ៍ appeared first on Kampuchea Thmey Daily.

ជាមួយគ្នានេះ យោងតាមប្រភពពីគេហទំព័រ The Sun បានឲ្យដឹងថាតារាសម្តែង Daniel Radcliffe រំភើបខ្លាំង ណាស់ក្នុងការក្លាយជាឪពុកជាលើកដំបូង។ លោកនិងមិត្តស្រី Erin Darke បានចែករំលែកដំណឹងល្អជាមួយសាច់ញាតិ និងមិត្តភ័ក្តិជាយូរមកហើយ ទោះបីមិនបានបង្ហាញជាសាធារណៈក៏ដោយ ។

ទន្ទឹមនឹងនោះ ការប្រកាសបានធ្វើឡើងភ្លាមៗ បន្ទាប់ពីមួយថ្ងៃមុនក្រុមអ្នកលួចថតរូបលោក Daniel Radcliffe ជាមួយមិត្តស្រីក្នុងអំឡុងពេលដើរនៅទីក្រុង New York ដោយរូបថតនោះបង្ហាញក្បាលពោះមិត្តស្រីរបស់លោកដែលកំពុងមានផ្ទៃពោះ ។

យ៉ាងណាមិញ តារាសម្ដែង Daniel Radcliffe បានចាប់ផ្ដើមមានទំនាក់ទំនងស្នេហាជាមួយមិត្តស្រី Erin Darke ក្នុងឆ្នាំ ២០១២ បន្ទាប់ពីបានសម្ដែងរួមគ្នាក្នុងរឿង Kill Your Darlings ដោយអ្នកទាំងពីរបានទំនាក់ទំនងគ្នានិងបានរួមរស់ជាមួយគ្នាអស់រយៈពេល ១០ ឆ្នាំ ៕

ប្រែសម្រួល៖នាងតូច

ចុចអាន៖លេចធ្លាយរូបថត Angelina Jolie ណាត់ជួបជាមួយមហាសេដ្ឋីម្នាក់

The post តួឯកប្រុស Harry Potter អាចនឹងមានកូនដំបូងជាមួយមិត្តស្រី appeared first on Kampuchea Thmey Daily.

តារាស្រី Emma Watson ត្រូវបានទស្សនិកជនស្រឡាញ់គាំទ្រសឹងទូទាំងពិភពលោក ក្រោយចូលរួមសម្ដែងតាមរយៈរឿងភាគ “Harry Potter” កំលុងឆ្នាំ ២០០១-២០១១ ដែលកាលណោះនាងដើរតួជាមេធ្មប់ Hermione ។ ចាប់តាំងពីខ្សែភាពយន្តនេះបានបញ្ចប់ទៅ កេរ្តិ៍ឈ្មោះរបស់ Emma ទទួលបានប្រជាប្រិយភាពយ៉ាងខ្លាំងក្លា ហើយនាងតែងតែបង្ហាញមុខនៅក្នុងឧស្សាហកម្មភាពយន្តអង់គ្លេស និងភាពយន្តហូលីវូដជាបន្តបន្ទាប់។

មិនត្រឹមតែមានសមត្ថភាពសម្តែងប៉ុណ្ណោះទេ តារាស្រីវ័យ ៣២ឆ្នាំរូបនេះ គឺជាតារាម៉ូដែលដ៏ពេញនិយមមួយរូប ថែមទាំងជាថៅកែស្រីនៃក្រុមហ៊ុនម៉ូដលំដាប់ពិភពលោកទៀតផង។ ​ដោយសារពហុជំនាញរបស់នាង ទើបនាងអាចប្រមូលចំណូលបានយ៉ាងក្រាស់ក្រែល រហូតក្លាយជាសេដ្ឋីនី ហើយពេលនេះ Emma Watson មានអ្វីៗគ្រប់យ៉ាងដែលមនុស្សជាច្រើនប្រាថ្នាចង់បាន មិនថាកេរ្តិ៍ឈ្មោះ លុយកាក់ និងជំនួញនោះទេ។

ថ្វីត្បិតនាងជាមនុស្សដែលមានទ្រព្យសម្បត្តិមហាសាល យោងតាមប្រព័ន្ធផ្សព្វផ្សាយ នាងមិនមែនជាមនុស្សសម្ភារនិយមឡើយ។ នាងមិនប្រើរថយន្តទំនើបៗ មិនទិញទំនិញថ្លៃៗ ឬប្រឹងស្រវាទិញផ្ទះវីឡាប្រណីតនោះទេ ផ្ទុយទៅវិញនាងបែរជាមានវត្តមាននៅក្នុងកម្មវិធីសប្បុរសធម៌នានា គួរឱ្យសើរសើរជាទីបំផុត៕

ប្រែសម្រួល៖ សន្យា

ចុចអាន៖ ព្រះជន្មទើបតែ ៧វស្សា ព្រះនាងម្ចាស់ប្រទេសវេលស៍ ក្លាយជាក្មេងស្រីមានទ្រព្យសម្បត្តិច្រើនជាងគេបំផុតលើលោក

ចុចអាន៖ នេះជាស្ថានភាពបច្ចុប្បន្នរបស់តួទាំង ៦ ក្នុងរឿង Harry Potter ក្រោយបញ្ចាំងចប់ ២១ឆ្នាំ

The post ក្រោយបញ្ចាំងចប់ ២១ឆ្នាំ តួស្រីរឿង “Harry Potter” ពេលនេះក្លាយជាសេដ្ឋីនីវ័យក្មេង appeared first on Kampuchea Thmey Daily.

ខាងក្រោមជាស្ថានភាពបច្ចុប្បន្នរបស់ពួកគេ!

Daniel Radcliffe តួ ​Harry Potter

Daniel Radcliffe ជា​ឈ្មោះ​ដែល​ទទួល​បាន​ការ​ចាប់​អារម្មណ៍​ខ្លាំង​បំផុត​ពេល​សម្ដែង​ជា​តួ​ឯក​ក្នុង​រឿង​ភាគ​ Harry Potter។ ភ្លាមៗបន្ទាប់ពីវគ្គទី១បានចេញផ្សាយ កេរ្តិ៍ឈ្មោះរបស់តារាសម្តែងរូបនេះឡើងស្រឺតៗ រហូតជាប់នៅក្នុងបញ្ជីតារាសម្តែងវ័យក្រោម ៣០ឆ្នាំ ដែលមានប្រាក់ចំណូលខ្ពស់បំផុត។

មនុស្សជាច្រើនបានទស្សន៍ទាយថា Daniel Radcliffeនឹងក្លាយជាតារាដ៏ជោគជ័យបំផុតបន្ទាប់ពីបញ្ចប់រឿង។ ប៉ុន្តែមិនដូច្នោះទេ អាជីពរបស់លោកប្រឈមនឹងការលំបាកជាច្រើន ដោយសារតែតួអង្គធ្មប់វ័យក្មេងនៅរឿង Harry Potter ធ្វើឱ្យគ្រប់គ្នាដក់ជាប់នឹងចរិតរបសលោក បណ្ដាលឱ្យតារាប្រុសរូបនេះ ពិបាកដកខ្លួនពីរូបភាពនោះ ហើយស្វែងរករូបភាពថ្មីសម្រាប់ខ្លួនយ៉ាងពិបាក។

មកទល់នឹងបច្ចុប្បន្ន Daniel Radcliffe បានសម្ដែងនៅក្នុងខ្សែភាពយន្តថ្មីៗជាច្រើន ប៉ុន្តែលោកមិនសូវមានប្រជាប្រិយភាពប៉ុន្មាននោះទេ។ យ៉ាងណាមិញ ចំពោះរឿងស្នេហាលោកបានធ្វើឲ្យមហាជនជាច្រើនកោតសរសើរជាមួយនឹងស្នេហាដ៏ផ្អែមល្ហែមជាងមួយទសវត្សរ៍ជាមួយតារាសម្តែង Erin Darke ។

Emma Watson តួ Hermione Granger

បើ​ធៀប​នឹង​តួ​សម្តែង​ក្នុង​រឿង Emma Watson ត្រូវ​បាន​គេ​ចាត់​ទុក​ជា​ឈ្មោះ​ដែល​ទទួល​បាន​ជោគជ័យខ្លាំង​បំផុត​។ នៅពេលនាងសម្ដែងក្នុងរឿង Harry Potter នាងគឺជាតារាសម្តែងក្មេងជាងគេ។ បន្ទាប់ពី ២១ឆ្នាំកន្លងផុតទៅ ពេលនេះ Emma Watson ក្លាយជាតារាសម្ដែងអាជីព និងជោគជ័យក្នុងវិស័យម៉ូដផងដែរ។

មិនត្រឹមតែប៉ុណ្ណោះ បច្ចុប្បន្ន Emma គឺជាសកម្មភាពជនមនុស្សធម៌ និងជាឯកអគ្គរដ្ឋទូតសុច្ឆន្ទៈរបស់អង្គការសហប្រជាជាតិទៀតផង។ កាលពីឆ្នាំ ២០២០ កន្លងទៅ នាងក៏ត្រូវបានតែងតាំងជាក្រុមប្រឹក្សាភិបាលនៃក្រុមហ៊ុនម៉ាកល្បីៗដូចជា Gucci, Louis Vuitton, Fendi, Marc Jacobs និង Celiné​ ជាដើម។

Rupert Grint តួ Ron Weasley

តួអង្គ Ron Weasley បានទទួលការស្រឡាញ់យ៉ាងច្រើនពីទស្សនិកជន ចំពោះរឿងស្នេហាជាមួយ Hermione Granger ។ បច្ចុប្បន្ននេះ Rupert មានជីវិតដ៏សប្បាយរីករាយជាមួយភរិយានាង Georgia Groome និងមានកូនស្រីម្នាក់ផងដែរ។

ដូចតារារួមសម្ដែង Daniel Radcliffe ដែរ Rubert ក៏មិនអាចយកឈ្នះលើស្រមោលតួអង្គ Ron Weasley ដែរ។ ដូច្នេះហើយ ទើបបុរស​រូប​នេះ​ជ្រើស​រើស​ធ្វើ​ជំនួញ​ជា​ជាង​បន្ត​វិថី​សម្ដែង។ លោកបើកក្រុមហ៊ុនវិនិយោគដ៏ធំមួយ ដែលវាមានលំហូរសាច់ប្រាក់ប្រហែល ២១លានផោន។ ក្រៅ​ពី​នេះ លោក​ក៏​ជា “ស្តេច” ក្នុង​​វិនិយោគ​អចលន​ទ្រព្យ​ដែល​មាន​តម្លៃ​ប៉ាន់ស្មាន ៣៦លាន​ផោន។

Tom Felton តួ Draco Malfoy

ក្រៅ​ពី​តួ​ឯក​ប្រុស​ក្នុង​រឿង Harry Potter លោក Draco Malfoy ក៏​ជា​ឈ្មោះ​ដែល​គេ​ពេញ​ចិត្ត​ចំពោះ​រូបរាង​ដ៏សង្ហា​។ Tom Felton ធ្លាប់ត្រូវបាននារីវ័យក្មេងជាច្រើនលួចស្រឡាញ់ដោយសារតែសម្រស់ស្រស់សង្ហា និងសម្បុររបស់លោក។ ទោះ​ជា​យ៉ាង​ណា​ពេល​ពេញ​វ័យ តារា​សម្ដែង​រូប​នេះ​មើល​ទៅ​ចាស់​ជាង​វ័យខ្លាំង។

ក្រោយសម្ដែងក្នុងរឿង Harry Potter លោកបន្តបង្ហាញមុខក្នុងខ្សែភាពយន្តមួយចំនួន ហើយទទួលបានភាពជោគជ័យគួរឱ្យកត់សម្គាល់។ មិន​ត្រឹម​តែ​ប៉ុណ្ណោះ Tom Felton ក៏​បានប្រឡូកក្នុង​វិស័យ​តន្ត្រី ដោយតារា​សម្ដែង​ជនជាតិ​អង់គ្លេស​រូប​នេះ​បាន​បង្ហាញ​ខ្លួន​ក្នុង MV របស់ James Arthur ហើយ​ក៏​បាន​ចេញ​អាល់ប៊ុម​ផ្ទាល់​ខ្លួន​មួយ​ចំនួន​ផង​ដែរ។

Robert Pattinson តួ Cedric Diggory

កំលុងពេល Robert Pattinson ដើរតួជាតួឯកក្នុងរឿង Harry Potter លោកទទួលបាការគាំទ្រមិនស្ទើរនោះទេ ហើយក្រោយ​សម្ដែង​ជាតួ Cedric Diggory លោកកាន់តែ​ធ្វើ​ឲ្យ​មនុស្ស​ជា​ច្រើនពេញ​ចិត្ត​ពេញថ្លើម។ លោកទទួលបានការសរសើរចំពោះសមត្ថភាពសម្តែងដ៏ពូកែ និងបានជាប់ជាតារាកិត្តិយស ឬ “The Future Star of Britain” នៅក្នុងកាសែត Times Online ផងដែរ។

ក្រៅពី Emma Watson លោក Robert Pattinson គឺជាតារាប្រុសដ៏ជោគជ័យបំផុតម្នាក់។ បន្ទាប់ពី Harry Potter លោកបានដើរតួក្នុងរឿង Twilight ហើយភ្លាមៗនោះមានភាពល្បីល្បាញរហូតក្លាយជាតារាជាប់ក្នុងបញ្ជី A របស់ហូលីវូដ។ តារាប្រុសរូបនេះកាន់តែល្បីល្បាញ បន្ទាប់ពីដើរតួជា Batman ក្នុងរឿង The Batman ។

យ៉ាងណាមិញ ជីវិតស្នេហារបស់តារាប្រុសរូបនេះ មានភាពចម្រូងចម្រាសច្រើន ផ្ទុយពីអាជីពសិល្បៈដ៏ត្រចះត្រចង់របស់លោក។

Bonnie Wright តួ Ginny Weasley

តួ Ginny Weasley ជាតួមានរឿងរ៉ាវស្នេហាដ៏ស្រស់ស្អាតជាមួយ Harry Potter ។ ពេលនោះនាងក៏ទទួលជោគជ័យខ្លាំងដែរ។ យ៉ាងណាមិញ បន្ទាប់ពី Harry Potter ចប់ទៅ Bonnie ​មិន​បាន​ចូល​រួម​ក្នុង​គម្រោង​ភាពយន្ត​ច្រើន​នោះទេ ប៉ុន្តែ​ភាពយន្ត​ដែល​ចេញ​ផ្សាយ​របស់​នាង​សុទ្ធ​តែ​ទទួល​បានការគាំទ្រ។

បច្ចុប្បន្នតារា​ស្រី​រូប​នេះ​ បានក្លាយជាជា​អ្នក​និពន្ធ​ និង​ជា​អ្នក​ដឹក​នាំរឿងម្នាក់។ នាងបានបង្កើតក្រុមហ៊ុនផ្ទាល់ខ្លួននៅហូលីវូដ ហើយថ្មីៗ​កន្លងទៅនេះ Bonnie Wright បាន​ប្រកាស​នូវ​ដំណឹង​ល្អ​មួយ ដោយ​នាង​បានរៀប​ការ​ជាមួយ​អ្នក​ថត​រឿងលោក Andrew Lococo៕

ប្រែសម្រួល៖ សន្យា

ចុចអាន៖ ២១ ឆ្នាំកន្លងផុតទៅហើយ តើសមាជិកក្រុម F4 ចិន- តៃវ៉ាន់ បច្ចុប្បន្នចាប់អាជីពអ្វីខ្លះ?

ចុចអាន៖ ក្រោយសម្ដែងភាពយន្តរបស់ Disney តារាស្រី ៤រូបនេះ ត្រូវគេចាត់ទុកជា “ព្រះនាង” ក្នុងជីវិតពិត

The post នេះជាស្ថានភាពបច្ចុប្បន្នរបស់តួទាំង ៦ ក្នុងរឿង Harry Potter ក្រោយបញ្ចាំងចប់ ២១ឆ្នាំ appeared first on Kampuchea Thmey Daily.