ស្របពេលជាមួយគ្នានោះ ងាកមកចាប់អារម្មណ៍តារាចម្រៀងរ៉េប ឌីជេ ក្តិប ថ្មីៗនេះក៏ទើបតែបានបង្ហាញមុខរៀមច្បង ៤រូប ដែលនាំវិស័យ Hip Hop មកកាន់កម្ពុជាដំបូងគេបង្អស់ធ្វើទស្សនិកជនកាន់តែមានការចាប់អារម្មណ៍ខ្លាំងថែមទៀតចំពោះវិស័យ Hip Hop នៅកម្ពុជា រួមមាន៖

១. DJ Sope គឺជាតារារ៉េបជើងចាស់មួយរូបដែលលោកជាអ្នកដំបូងគេបង្អស់ នាំយកវិស័យ Hip Hop មកកាន់ប្រទេសកម្ពុជាឱ្យមហាជនបានស្គាល់។ លោកគឺបានចាប់ផ្តើមចម្រៀងបែប Hip Hop នៅអំឡុងឆ្នាំ១៩៩០ តាមរយ:ប៉ុស្តិ៍វិទ្យុដែលទស្សនិកជនជំនាន់ពិតជាបានស្គាល់លោកស្រាប់។

២. DJ Sok “Cream” Visal គឺជាស្ថាបនិកផលិតកម្ម KlapYaHandz ដែលជាតន្ត្រីករ Hip Hop ដ៏ល្បីល្បាញម្នាក់នៅកម្ពុជា។ លោកក៏ត្រូវបានគេស្គាល់ផងដែរថា ជា DJ “CASH RULES” ដែលលេងភ្លេងបែប Hip Hop, Soul និង Funk ។ លោកមានស្នាដៃចម្រៀងនៅលើ Apple Music និង Spotify ។

៣. DJ Illest លោកក៏ជាសិល្បករខ្មែរដែលល្បីល្បា ញមួយរូបផងដែរនៅក្នុងវិស័យចម្រៀងHip Hopកា លពីកន្លងទៅ។

៤. DJ KK Tiny Toones លោកក៏មិនខុសគ្នានឹងសិល្បករទាំង ៣រូបខាងលើនោះដែរ ខណ:លោកមានស្នាដៃក្នុងសាងកេរ្តិ៍ឈ្មោះនៅក្នុងវិស័យ Hip Hop ដំបូងគេនៅកម្ពុជាផងដែរ។

គួរកត់សម្គាល់ដែរថា មកដល់បច្ចុប្បន្នវិស័យ Hip Hop កំពុងតែមានសន្ទុះគាំទ្រខ្លាំងនៅក្នុងប្រទេសកម្ពុជា ហើយសព្វថ្ងៃគឺតារាចម្រៀងរ៉េប និងក្រុមចម្រៀងរ៉េបល្បីៗមួយចំនួនក៏បានឈប់ និងខ្លះទៀត បាននិងកំពុងបន្តដំណើរលើវិថីសិល្បៈមកដល់បច្ចុប្បន្ន៕ ដោយ ៖ ចាន់រ៉ា

The post ឌីជេ ក្តិប បង្ហាញមុខអ្នកនាំយកវិស័យ Hip Hop មកកាន់កម្ពុជាដំបូងគេ ៤រូប appeared first on Kampuchea Thmey Daily.

លើសពីនេះទៅទៀត ទស្សនិកជន និងសាធារណជនទាំងអស់ អាចអញ្ជើញចូលរួមទស្សនាដោយសេរី ដែលមានការចូលរួមប្រកួតពីក្រុមរាំជាច្រើនពោរពេញទៅដោយសមត្ថភាព និងទេពកោសល្យ លើចង្វាក់រាំបែប HIP HOP ក្នុងការប្រកួតដណ្ដើមយកជ័យលាភីនេះ ធានាថានឹងមានទស្សនីយភាពប្លែកៗ ចម្លែកអារម្មណ៍ពុំធ្លាប់មានពីមុន។

សម្រាប់ក្រុមឆ្នើមដែលបានជាប់វិញ្ញាសា Breaking ទាំង១០ រួមមានដូចជា (១)Bboy Hout & Bboy Kakada, (២)Bboy Chonie Roc & BGirl Tinie Rawk, (៣)Bboy Frog & Bboy Vee, (៤)Bboy Firebird & Bboy Rattana, (៥)Bboy San & Devid, (៦)BGirl Jinro & Bboy Nob Nob, (៧)Bboy P-Dy & Bboy Sovan, (៨)Bboy Mole & Bboy Bersin, (៩)Bboy Coconut & Bboy Loung, (១០)BGirl Moew & Bboy Energy។ ជាមួយគ្នានេះ ក្រុមឆ្នើមដែលបានជាប់វិញ្ញាសា All Styles  ទាំង១៦ រួមមានដូចជា (១)KIM SIHYUNG & SOVANN, (២)RIHT CHYY & SABI YAA, (៣)JAI Q & KHAN KHAN, (៤)CNASH & REATRE, (៥)WA MA & MA ZHA (៦)LIN & SO THEAROT, (៧)NOB NOB & RATTANA, (៨)FIREBIRD & JOHN, (៩)SEYHA & AVA RUIZ, (១០)DAVID YONG & MOMO, (១១)TRA & LEANG, (១២)PICH & KON NEAK, (១៣)TEN & SAK, (១៤)BING SHUN & YI JIA, (១៥)MINT & KONG, (១៦)VICKY & SELIFY

គួររម្លឹកថា គោលបំណងនៃកម្មវិធីប្រកួតរាំចង្វាក់បែប HIP HOP នេះ គឺចង់ឱ្យប្រជាជនខ្មែរយល់កាន់តែច្បាស់អំពីការរាំចង្វាក់ HIP HOP ក៏ដូចជាលើកទឹកចិត្តដល់យុវជនដែលមានជំនាញផ្នែកសិល្បៈរាំបែប HIP HOP  អាចមានកន្លែងបញ្ចេញនូវសមត្ថភាព និងទេពកោសល្យដែលខ្លួនមាន ជាពិសេស គឺអាចផ្ដល់ឱកាសដល់ពួកគេក្នុងអាជីបជាសិល្បករ រាំចង្វាក់ HIP HOP ថែមទៀតផង។

សូមបញ្ជាក់ថា កម្មវិធីប្រកួតរាំចង្វាក់បែប HIP HOP នេះទទួលបានការឧបត្ថម្ភ និងគាំទ្រពី ក្លិបបាល់ទាត់ ព្រះខ័នរាជស្វាយរៀង, ក្រុមហ៊ុនឧបត្ថម្ភ HeliStar Cambodia និងសហការផ្សព្វផ្សាយពីស្ថានីយទូរទស្សន៍ BTV ៕

The post ក្រុមរាំឆ្នើម ២៦ក្រុម ដែលប្រកួតរាំ HIP HOP នឹងត្រៀមប្រកួតម្ចាស់ជើងឯករដូវកាលទី១ នៅថ្ងៃទី២៨ appeared first on Kampuchea Thmey Daily.

សូមកុំឱ្យឱកាសដ៏ល្អមួយនេះកន្លងផុតទៅឱ្យសោះ ជាពិសេសបេក្ខជន ដែលមានទេពកោសល្យ និងជំនាញផ្នែកសិល្បៈរាំបែប Hip Hop អាចចាប់ដៃគ្នាជាក្រុម (០២នាក់) អាចដាក់ពាក្យចុះឈ្មោះចូលរួមដើម្បីបញ្ចេញសមត្ថភាព ដ៏អស្ចារ្យរបស់ខ្លួន ដើម្បីមានឱកាសក្លាយជាសិល្បករផ្នែករាំដ៏ល្បីល្បាញ ក្នុងវិស័យរាំចង្វាក់ Hip Hop នៅក្នុងប្រទេស ក៏ដូចជាឆាកអន្តរជាតិ។

គួរឱ្យដឹងថា ការប្រកួតរាំចង្វាក់បែប Hip Hop ក្នុងរដូវកាលទី ១នេះ មានវិញ្ញាសាធំៗ ចំនួន០២​  រួមមាន៖  Break Dance និងAll Styles។ ក្នុងនោះក្រុមដែលបានប្រកួតជាប់ជ័យលាភីលេខ១ នឹងទទួលបានប្រាក់រង្វាន់ចំនួន ៥០០ដុល្លារ និងពានរង្វាន់ចំនួន ១។ ចំណែក ក្រុមដែលប្រកួតជាប់ជ័យលាភីលេខ២ នឹងទទួលបានប្រាក់រង្វាន់ចំនួន ២៥០ដុល្លារ និងក្រុមដែលប្រកួតជាប់ជ័យលាភីលេខ ៣ នឹងទទួលបានប្រាក់រង្វាន់ចំនួន ១៥០ដុល្លារ។

កាន់តែពិសេស បេក្ខជនអាចមានឱកាសទទួលបានការណែនាំបន្ថែមពី គណៈកម្មការដែលពោលពេញទៅដោយទេពកោសល្យ និងសមត្ថភាព លើវិស័យការរាំចង្វាក់ HIP HOP ។ គណៈកម្មការ មានចំនួន ៣រូប អញ្ជើញមកពីប្រទេសផ្សេងៗដូចជា ទី១.លោក Smoke មកពីសហរដ្ឋអាមេរិក  ទី២. លោក Black Four មកពីប្រទេសវៀតណាម និងទី៣ កញ្ញា Nailaa នៅប្រទេសកម្ពុជាផ្ទាល់តែម្ដង។

លក្ខន្តិកៈក្នុងការចូលរួមប្រកួត បេក្ខភាពក្រុម ទាំង២៥ រាជធានី/ខេត្ត ត្រូវតែមានសមាជិក ០២នាក់ មិនថាជាក្រុមសិល្បៈមហាជនក្ដី អ្នកជំនាញក្ដី អ្នកដែលកំពុងសិក្សារៀនសូត្រក្នុងសាលាសិល្បៈ អ្នកដែលនៅតាមអង្គការ សមាគមសិល្បៈនានា ដែលមានទេពកោសល្យសិល្បៈ ក្នុងចង្វាក់រាំ Break dance ឬ all styles ។ បេក្ខភាពក្រុមត្រូវផ្ញើវីដេអូសម្តែងរបស់ខ្លួន យ៉ាងតិច ៣០វិនាទី មកកាន់ប្រអប់សារ ទំព័រហ្វេសបុក (Facebook) Sela Pak ឬតេឡេក្រាម (Telegram)របស់កម្មវិធី តាមរយៈលេខទូរសព្ទ៖ 096 981 5253 /012 612 290។ សូមបញ្ជាក់ថា ជនបរទេសក៏អាចចូលរួមប្រកួតបានផងដែរ។

ជាថ្មីម្ដងទៀត លោក Slick ដែលជាអ្នករៀបចំកម្មវិធីនេះឡើង ដើម្បីជួយផ្ស​ព្វផ្សា​យ​ និងផ្ដល់ឱកាសដល់បង/ប្អូនយុវជន ដែលមានសមត្ថភាពក្នុងការរាំចង្វាក់បែប Hip Hop អាចបញ្ចេញនូវទេពកោសល្យដែលខ្លួនមានទៅកាន់មហាជន និងឱ្យពួកគាត់ទទួលបាននូវឱកាសទីផ្សារសម្រាប់​ខ្លួនឯងផងដែរ៕

The post ឱកាសមកដល់ហើយ! កម្មវិធីប្រកួតរាំបែបចង្វាក់ HIP HOP ដ៏ធំនៅកម្ពុជា ប្រកាសបើកទទួលពាក្យហើយ appeared first on Kampuchea Thmey Daily.

ដោយសង្កេតឃើញមួយរយ:ចុងក្រោយនេះ មានតារាចម្រៀងខ្មែរមួយចំនួនបានធ្វើការតែងនិពន្ធច្រៀងបទចម្រៀង ឬស្នាដៃសិល្បៈដែលមានខ្លឹមសារគ្រោតគ្រាត អសុរោះ មិនសមរម្យមានលក្ខណ:ឌឺដងគ្នា ក្រសួងវប្បធម៌ឱ្យញ្ឈប់ជាបន្ទាន់និងលុបចោលនូវរាល់ស្នាដៃអវិជ្ជមានដែលបង្ហោះផ្សព្វផ្សាយក្នុងបណ្តាញសង្គមនាពេលកន្លងមក។

យ៉ាងណា ស្របពេលដែលវិស័យតន្រ្តីចង្វាក់ Hip Hop កំពុងមានការប្រកួតប្រជែង ឌីជេ ក្តិប បានលើកឡើងពីទស្សន:របស់ខ្លួនថា នេះជាយុគសម័យនៃតន្រ្តីចង្វាក់ Hip Hop ទោះចង់ឃាត់ក៏ឃាត់មិនឈ្នះដែរ (សូមទានជ្រាប)។

តារាចម្រៀងរ៉េបលោក ចាន់ សំណាង ហៅឌីជេ ក្តិប បានបញ្ជាក់ទៀតថា អ្វីសំខាន់សូមផ្ដាំទៅអ្នកចម្រៀងផង កុំចេះលូកមាត់ចេះដឹងរឿងរបស់អ្នក Rap ប្រយ័ត្នអ្នក Rap ដាក់ឱ្យល្បីឈ្មោះក្នុងបទចម្រៀងតកូនតចៅទៅ (គ្រាន់តែប្រាប់យកបុណ្យទេ)។ ការលើកឡើងរបស់ឌីជេ ក្តិប ខាងលើនេះ គេមិនដឹងទេថាលោកចង់សំដៅអ្វីឱ្យប្រាកដឡើយ។

គួរបញ្ជាក់ថា តារាចម្រៀងរ៉េបលោក ចាន់ សំណាង ហៅឌីជេ ក្តិប ទោះកន្លងមកហាក់ឃ្លាតឆ្ងាយពីវិស័យសិល្ប: ប៉ុន្តែមួយរយ:ចុងក្រោយនេះ លោកបានវិលចាប់ផ្តើមជីវិតអាជីពសិល្ប:ឡើងវិញ ជាក្តីរំពឹងក្រសោបបានមកវិញនូវការគាំទ្រពីទស្សនិកជន។ចំណែកឯអ្នកគាំទ្រវិញនៅតែងបង្ហាញបំណងចង់ឃើញលោកចេញបទចម្រៀងស្នាដៃថ្មីៗដើម្បីបម្រើអារម្មណ៍ទស្សនិកជន៕ អត្ថបទ៖ ចាន់រ៉ា

The post ឌីជេ ក្តិប យល់ថា យុគសម័យនៃតន្រ្តីចង្វាក់ Hip Hop ទោះចង់ឃាត់ក៏ឃាត់មិនឈ្នះដែរ appeared first on Kampuchea Thmey Daily.