យោងតាមសារព័ត៌មាន Chinatimes បានឲ្យដឹងថា Hyun Bin ទទួលបានការចាប់អារម្មណ៍យ៉ាងខ្លាំងនៅឯការបញ្ចាំងភាពយន្ត Harbin នៅមហោស្រពភាពយន្តអន្តរជាតិ Toronto ឆ្នាំ២០២៤ ដែលជាព្រឹត្តិការណ៍អន្តរជាតិកាលពីថ្ងៃចន្ទ។

នៅពេលដែលត្រូវបានសួរអំពីភរិយារបស់គាត់មានចំពោះអាជីពរបស់គាត់ ក្នុងអំឡុងពេលសម្ភាសន៍លើកម្រាលព្រំក្រហម Hyun Bin បាននិយាយថា «​យើងទាំងពីរគឺជាតារាសម្តែង ដូច្នេះនាងយល់ និងយល់ពីចិត្តខ្ញុំ។ ការយល់ និងការយល់ចិត្តពិតជាមានសារៈសំខាន់ខ្លាំងណាស់។ ខ្ញុំដឹងគុណចំពោះវត្តមានរបស់នាងនៅក្នុងជីវិត​របស់​ខ្ញុំ នាង​លើក​ទឹក​ចិត្ត​ខ្ញុំ​គ្រប់​យ៉ាង​ដែល​ខ្ញុំ​បានធ្វើ»។

ថ្វីដ្បិតតែភរិយាមិនអាចចូលរួមព្រឹត្តិការណ៍នេះជាមួយស្វាមី ដោយសារតែរវល់ថតភាពយន្តថ្មីក៏ពិតមែន។ ប៉ុន្តែការលើកឡើងរបស់ Hyun Bin អំពីប្រពន្ធ បានរីករាលដាលយ៉ាងឆាប់រហ័សនៅលើប្រព័ន្ធផ្សព្វផ្សាយសង្គម ដែលកំពុងពេញនិយមនៅលើ Weibo ស្របពេលដែលអ្នកគាំទ្រសរសើរពីទំនាក់ទំនងរបស់ពួកគេថាស្មោះត្រង់ និងស្រលាញ់គ្នាខ្លាំងលើសអ្វីទាំងអស់។

ក្នុងនោះផងដែរ មានមតិជាច្រើនបានលើកឡើងអំពីគូស្វាមីភរិយានេះថា នៅពេលពួកគេបាន​ឮ​ពាក្យ​ទាំង​នោះ​មាន​អារម្មណ៍​កក់​ក្ដៅណាស់ ហើយក្ដី​ស្រឡាញ់​របស់ Hyun Bin ចំពោះ​ភរិយា​បង្ហាញ​ឲ្យឃើញ​នៅ​លើ​ទឹក​មុខ​ និងពួក​គេ​គឺ​ជា​ការ​ផ្គូផ្គង​គ្នា​យ៉ាង​ល្អ​ឥត​ខ្ចោះ​ទាំង​រូបរាង ទេពកោសល្យ​សម្ដែង និង​កិត្តិនាម។

ដោយឡែក ក្នុងអំឡុងពេលព្រឹត្តិការណ៍ខែកក្កដា Son Ye Jin បានបង្ហាញពីក្តីស្រលាញ់ដ៏ជ្រាលជ្រៅរបស់នាងចំពោះស្វាមីដោយពណ៌នាថា គាត់មានភាពស្មោះត្រង់ ហេតុផល សុភាព និងអាចទុកចិត្តបាន។ នាងក៏​បាន​ចែក​រំលែក​ថា នាង​ធ្លាប់​តស៊ូ​បំបែក​ការងារ​ពី​ជីវិត​ផ្ទាល់​ខ្លួន ដោយក្នុងរយៈពេលពីរឆ្នាំមកនេះ នាងបានផ្តោតទៅលើខ្លួនឯងកាន់តែច្រើន ដោយបានប្រារព្ធព្រឹត្តិការណ៍សំខាន់ៗ ដូចជាអាពាហ៍ពិពាហ៍ ការសម្រាលកូន និងការចិញ្ចឹមកូនប្រុស ដែលនោះជាហេតុផលនាំឲ្យនាងមានសុភមង្គលក្នុងជីវិតសាមញ្ញប្រចាំថ្ងៃ៕

អត្ថបទ៖ សាង ស្រីល័ក្ខ

ចុចអាន៖ម៉ាកយីហោបរទេសឆ្លាតខ្លាំង ធ្វើទីផ្សារលើតារា K-pop ដោយសារសម្លឹងឃើញអ្នកគាំទ្រទូទាំងពិភពលោក

The post Hyun Bin ថា ភាពជោគជ័យរបស់លោក គឺមានភរិយានៅពីក្រោយ appeared first on Kampuchea Thmey Daily.

ទន្ទឹមនោះផងដែរ វាត្រូវបានគេជឿថា ផ្ទះដ៏ប្រណិតមួយនេះគឺជាទីតាំងដែល Hyun Bin និង Son Ye Jin ក្រេបទឹកឃ្មុំនិងសំងំរស់នៅទីនេះ ក្នុងរយៈពេល ២ ឆ្នាំចុងក្រោយ។ វាមានបន្ទប់គេង ៤ និងបន្ទប់ទឹក ៤សួនច្បារលើដំបូល ហើយមានទំហំ ៣៣០ម៉ែត្រការ៉េ។

យ៉ាងណាក៏ដោយ ៤ឆ្នាំបន្ទាប់ពីការទិញរបស់ខ្លួន Hyun Bin បានដាក់ Penthouse សម្រាប់លក់ក្នុងតម្លៃ ៧លានវ៉ុន (៥.១ លានដុល្លារ)។ ប្រសិនបើផ្ទះមួយនេះលក់ក្នុងតម្លៃដែលបានស្នើសុំនោះ Hyun Bin នឹងរកចំណេញដល់ទៅ ២.២ ពាន់លានវ៉ុនឯណោះ។

យ៉ាងណាមិញ​ តារាសម្ដែង Hyun Bin និង Son Ye Jin បានរៀបការនៅខែមីនា ឆ្នាំ ២០២២បន្ទាប់ពីពួកគេជួបគ្នាក្នុងរឿង “Crash Landing on you” ។ គូស្នេហ៍ទាំងពីរបានស្វាគមន៍កូនដំបូង​ ដែលជាកូនប្រុសនៅក្នុងខែវិច្ឆិកា ឆ្នាំដដែលផងដែរ៕

អត្ថបទ៖ ​សាង ស្រីល័ក្ខ

ចុចអាន៖តារាកូរ៉េណាខ្លះ ជាប់ចំណាត់ថ្នាក់ជាម៉ូដែលផ្សាយពាណិជ្ជកម្មស៊ីថ្លៃជាងគេ?

The post ​ប្ដីប្រពន្ធ Hyun Bin-Son Ye Jin លក់​ផ្ទះ​ប្រណីត​ក្នុង​តម្លៃ ៥.១លាន​ដុល្លារ appeared first on Kampuchea Thmey Daily.

យោងតាមគេហទំព័រសារព័ត៌មានកូរ៉េ Sports Chosun បានលើកឡើងពីបញ្ហាគូស្នេហ៍ដ៏មានឥទ្ធិពល Son Ye Jin និង Hyun Bin ត្រូវបានបង្ហាញ បន្ទាប់ពីពួកគេបានក្លាយជាប្រធានបទនៃការពិភាក្សានៅលើទូរទស្សន៍ tvN Free Doctor ដោយអ្នកសារព័ត៌មានម្នាក់បានបញ្ជាក់ថា ពេលនេះ លោកចាប់ផ្តើមបើកចិត្តកាន់តែច្រើន។ វាខុសគ្នាទាំង​ស្រុង ក្រោយ​រៀបការ​ជាមួយ Son Ye Jin។

អ្នកសារព័ត៌មានប្រចាំទូរទស្សន៍ tvN បានបកស្រាយយ៉ាងលម្អិតថា “ពីមុន Hyun Bin ជាមនុស្សស្ងប់ស្ងាត់ ប៉ុន្តែឥឡូវនេះគាត់បានផ្លាស់ប្តូរ។ នៅឆ្នាំ ២០១៧ គាត់ស្ទើរតែមិនចេញទៅញ៉ាំអាហារជាមួយអ្នកដទៃទេ ឬប្រសិនបើបង្ហាញខ្លួននៅក្នុងពិធីជប់លៀង គាត់នឹងចាកចេញយ៉ាងលឿនដោយគ្មានការជួបជុំជាមួយញាតិមិត្តណាម្នាក់ឡើយ។ ប៉ុន្តែដល់ពេលថតរឿង Confidential Assignment 2 ក្នុងឆ្នាំ ២០២២ Hyun Bin ចាប់ផ្តើមបើកចិត្តកាន់តែច្រើន លោកប្រែជាមាន​ទំនាក់​ទំនង​កាន់​តែ​ច្រើន​ជាមួយ​អ្នក​រាល់​គ្នា”។

យ៉ាងណាក៏ដោយ ការផ្លាស់ប្ដូរបុគ្គលិកលក្ខណៈរបស់តួឯកប្រុសក្នុងរឿង “Crash Landing on you” បានក្លាយជាការជជែកតៗគ្នាពីមួយទៅមួយពាសពេញទឹកដីនៃប្រទេសកូរ៉េ។ អ្វីដែលកាន់តែចាប់អារម្មណ៍បំផុតនោះគឺអ្នកគាំទ្រជាច្រើនបានបញ្ចេញមតិថា​​ ការប្ដូរអត្តចរិតរបស់លោក ធ្វើឲ្យតារាប្រុសរូបនេះកាន់តែមានជីវិតស្រស់បំព្រងជាងមុន។

លើសពីនេះទៀតដែរ មហាជនសុទ្ធតែយល់ស្របលើការប្ដូរចរិតនេះជាការប្ដូរមកប្រសើរ ព្រោះមនុស្សយើងរស់នៅត្រូវចេះប្រាស្រ័យទាក់ទងរាប់ញាតិ មិនមែនធ្វើខ្លួនមានតែឯង ហើយយកលេសថាមកពីអត្តចរិតកំណើតនោះទេ។ ការចុះចូលជាមួយនឹងអ្នកដទៃមិនមែនមានន័យថា យើងរណបគេ ឬអែបអបគេទេ។ ប៉ុន្តែជាការរាប់អានជិតខាង ឬមិត្តភក្តិក្នុងសង្គម ប្រសិនបើយើងមានបញ្ហា ថ្វីបើពួកគេមិនអាចជួយយើងបានច្រើនយ៉ាងណាក្ដី ប៉ុន្តែឲ្យតែគេមានទឹកចិត្តនោះជាការ​ប្រសើរបំផុតហើយ៕

អត្ថបទ៖ សាង ស្រីល័ក្ខ

ចុចអាន៖ក្រោយដឹងថា Lisa បង្កើតទីភ្នាក់ងារផ្ទាល់ខ្លួន មហាជនកូរ៉េសម្រុកចូលបញ្ចេញមតិព្រាត

The post ប្រព័ន្ធផ្សព្វផ្សាយកូរ៉េសុទ្ធតែថា Hyun Bin ផ្លាស់ប្ដូរចរិតខុសឆ្ងាយ ក្រោយ​រៀប​ការជាមួយ Son Ye Jin appeared first on Kampuchea Thmey Daily.

យ៉ាងណាមិញ កាល​ដែលតារាស្រីរូបនេះ អាចចំណាយប្រាក់យ៉ាងច្រើន វិនិយោគលើវិស័យ​អចលនទ្រព្យ ដើម្បី​មើល​ថែ​កូន​តូចៗ ធ្វើឲ្យ​មហាជន​មាន​ការ​ភ្ញាក់ផ្អើល​ជាខ្លាំង ខណៈគេដឹងថា Son Ye Jin បានចុះកិច្ចសន្យាទិញ-លក់ផ្ទះនេះកាលពីឆ្នាំមុន ហើយទើប​តែ​បញ្ចប់​ការ​ទូទាត់នៅចុងខែឧសភាឆ្នាំនេះ។ ផ្ទះនេះមានផ្ទៃដី ២៧៨ ម៉ែត្រ និងរួមបញ្ចូលពីរជាន់ បន្ទប់​ក្រោមដី​មួយ។ អចលនទ្រព្យនេះគ្រាន់តែដើរប្រហែល២ នាទីទៅកាន់រថភ្លើងក្រោមដី ហើយមាន​ទីតាំង​ស្ថិតនៅក្នុងទីតាំង​ល្អ​បំផុត។

ទោះយ៉ាងណា មិនមែនជារឿងចម្លែកនោះទេសម្រាប់តួឯកស្រីក្នុងរឿង “Crash Landing on You”ចាយលុយរាប់លាបដុល្លារបែបនេះ។ នេះក៏ដោយសារតែមនុស្សគ្រប់គ្នាសុទ្ធតែដឹងថាតម្លៃនៃការថតរឿងរបស់ Son Ye Jin គឺប្រហែល ១០០ លានវ៉ុន ក្នុង​មួយភាគឯនោះ។ ប្រាក់ចំណូល​របស់នាង​ក៏បានមកពីកិច្ចសន្យាជា​តំណាង​ម៉ាកយីហោ ការផ្សាយពាណិជ្ជកម្ម​គ្រឿងសម្អាង ម៉ូដ​សំលៀកបំពាក់ និងទឹកដោះគោទារកដែលមានចំនួនច្រើនជារៀងរាល់ឆ្នាំផងដែរ។

សូមជម្រាបដែរថា​ Son Ye Jin សម្រាល​កូន​កាល​ពី​ចុង​ខែ​ធ្នូ​ឆ្នាំ​មុន ដែល​នៅ​ពេល​នេះ​គ្រប់​ព័ត៌មាន​ទាក់​ទង​នឹង​នាង និង​ស្វាមី​បាន​ទាក់​ទាញ​ការ​ចាប់​អារម្មណ៍​ជា​ពិសេស​ពី​ប្រព័ន្ធ​ផ្សព្វផ្សាយ។ ដូច​ឪពុកម្តាយ​ល្បីៗជាច្រើននៅក្នុងប្រព័ន្ធ showbiz ដែរ Hyun Bin និង Son Ye Jin ជ្រើសរើស​ការពារ​កូន​របស់ពួកគេដោយសំងាត់។

ជាក់ស្ដែង ក្នុងកិច្ចសម្ភាសន៍មួយ ស្វាមីរបស់តារាស្រីរូបនេះ មិនអាចលាក់បាំងអារម្មណ៍​រំភើបរបស់ខ្លួន​ឡើយ នៅពេលនិយាយអំពីមុខកូនប្រុសរបស់ខ្លួន។ លើសពីនេះ Hyun Bin គិតថាលោកមានទំនួលខុសត្រូវច្រើនជាងពេលដែលនៅលីវដោយបញ្ចាក់ថា “បច្ចុប្បន្ន ទំនួលខុសត្រូវនៅ​លើស្មារបស់ខ្ញុំគឺធំ​ជាងពីមុន។ ក្នុងនាមជាអ្នករកស៊ីចិញ្ចឹមគ្រួសារ ខ្ញុំត្រូវធ្វើអ្វីៗគ្រប់យ៉ាង​ឲ្យ​បាន​ល្អ ដើម្បី​ក្លាយ​ជា​គំរូ​ដ៏​ល្អ​សម្រាប់កូន”៕

ប្រែសម្រួល៖ សាង ស្រីល័ក្ខ

ចុចអាន៖អ្នកគាំទ្រមានការសង្ស័យ Lisa សមាជិក Black pink ណាត់ជួប Park Bo Gum

The post Son Ye Jin ហ៊ានចាយលុយ ១៩ លានដុល្លារ ទិញផ្ទះសម្រាប់មើលថែកូនប៉ុណ្ណោះ appeared first on Kampuchea Thmey Daily.

គូស្នេហ៍ Son Ye Jin និង Hyun Bin បាន​រៀប​ការ​ កាលពីថ្ងៃទី៣១ ខែមីនា ឆ្នាំ២០២២ បន្ទាប់​ពី​បាន​ទាក់​ទង​គ្នា​ជិត​២​ឆ្នាំ ខណៈបច្ចុប្បន្នពួកគេមានកូនប្រុសម្នាក់ ដែលបានសម្រាលកាលពីខែវិច្ឆិកា ឆ្នាំដដែល។

មួយឬពីរសប្ដាហ៍មុន ស្រាប់តែលេចឮពាក្យចចាមអារ៉ាមថា ប្ដីប្រពន្ធអ្នកទាំងពីរបានលែងលះគ្នា ប៉ុន្តែភ្លាមៗ តារាសម្តែង Hyun Bin បានប្រកាសច្រានចោលនៅពាក្យចចាមអារ៉ាមមិនពិតថា ពួកគេសម្រេចចិត្តលែងលះគ្នា ដែលនេះជាព័ត៌មានក្លែងក្លាយធ្វើឲ្យលោក និងភរិយាមិនសប្បាយចិត្តនោះទេ។

ទោះបីចេញមុខបដិសេធបែបនេះក្ដី ដំណឹងនៃការលែងលះនៅតែបន្តចែករំលែក រហូតមកដល់ថ្ងៃនេះ Son Ye Jin បានបង្ហោះរូបនៅលើផេកផ្ទាល់ខ្លួនរបស់នាង ដែលវាជាថ្ងៃខួបអាពាហ៍ពិពាហ៍មួយឆ្នាំជាមួយស្វាមី ហើយទទួលបានការចាប់អារម្មណ៍ពីទស្សនិកជនយ៉ាងច្រើន។

គេ​អាច​មើល​ឃើញ​ថា គូស្នេហ៍​មួយគូ​នេះ​កំពុង​តែ​រីករាយជាមួយគ្រួសារតូចយ៉ាងខ្លាំង ប្រៀបដូចថ្ងៃនេះជាថ្ងៃរៀប​​មង្គលការដំបូងអ៊ីចឹង​។ រូបភាពមួយសន្លឹករបស់ពួកគេធ្វើឱ្យពាក្យចចាមអារ៉ាមមិនពិតដែលថា គ្រួសាររបស់ Son Ye Jin – Hyun Bin បែកបាក់គ្នា បានចាប់ផ្ដើមរលុបទៅវិញ៕

ប្រែសម្រួល៖ សន្យា

ចុចអាន៖ ក្រោយមានពាក្យចចាមអារ៉ាមលែងលះប្តីប្រពន្ធ Hyun Bin ព្រមានចាត់វិធានការតាមផ្លូវច្បាប់

ចុចអាន៖ IU ប្រកាសប្ដូរឈ្មោះ កុំឱ្យទស្សនិកជនភ័ន្តច្រឡំ

The post ប្ដីប្រពន្ធ Bin-Jin បង្ហោះរូបគូ អបអរខួបអាពាហ៍៍ពិពាហ៍មួយឆ្នាំ លុបបំបាត់ពាក្យចចាមអារ៉ាមលែងលះ appeared first on Kampuchea Thmey Daily.

យ៉ាងណាមិញរូបរាងថ្មីរបស់ Hyun Bin គឺត្រូវតុបតែងស៊ីនឹងរឿង “The Point Men” សម្តែងដោយ Hwang Jung Min និងលោកផ្ទាល់។ ទន្ទឹមនោះ លោកក៏បានចេញផ្សាយផ្ទាំងរូបភាព និងឈុតខ្លីៗជាផ្លូវការដំបូង ហើយ​​បញ្ជាក់​ពីកាលបរិច្ឆេទ​ចេញ​ផ្សាយ​ដោយ​គ្រោង​នឹង​ចាក់​បញ្ចាំង នៅ​ថ្ងៃទី ១៨ ខែមករា ឆ្នាំ ២០២៣។

“The Point Men” និយាយអំពីអ្នកការទូត និងភ្នាក់ងារ NIS (National Intelligence Service) ដែលធ្វើដំណើរទៅ​កាន់​ប្រទេស​អាហ្វហ្គានីស្ថាន ដើម្បីជួយ​ប្រជាជន​កូរ៉េ​ដែល​បាន​ក្លាយ​ជា​ចំណាប់ខ្មាំង​របស់ពួកតាលីបង់នៅក្នុងករណីចាប់ជំរិតដ៏អាក្រក់បំផុត។ ផ្ទាំងរូបភាពទាំងពីរបានចាប់យកបរិយាកាសនៃវាលរហោស្ថានអាហ្វហ្គានីស្ថាន ដែលជាកន្លែងដែលខ្សែភាពយន្តត្រូវ​បានកំណត់។ រូបភាពទីមួយចាប់យកទិដ្ឋភាព​ដែលបង្ហាញពីភាព​បន្ទាន់​នៃ​ការចរចា​ដ៏​គ្រោះថ្នាក់​នៅក្នុងទឹកដីដែលមិនធ្លាប់ស្គាល់។ រូបភាពទី ២ បង្ហាញពីរូបបញ្ឈររបស់ Hwang Jung Min អ្នក​ការទូត​ដែល​មាន​ជំនាញ​ក្នុងការចរចា​និង Hyun Bin ភ្នាក់ងារ NIS នៅវាលខ្សាច់។

ខ្សែភាពយន្តនេះបានធ្វើអ្នកគាំទ្រទន្ទឹងរង់ចាំថា តើអ្នកទាំងពីរនឹងប្រថុយជីវិតរបស់ពួកគេយ៉ាងដូចម្តេចដើម្បីជួយសង្គ្រោះចំណាប់ខ្មាំង។ ពី​ផ្ទាំង​រូបភាព​ដែល​បាន​ចេញ​ផ្សាយ​ និង​ Trailer ភាពយន្ត​នេះ ​ត្រូវ​តែ​និយាយ​ថា Hyun Bin មក​ក្នុង​រូបរាង​ថ្មី​ប្លែក​មិន​ធម្មតាមានពុកមាត់ពុកចង្កា ប៉ុន្តែ​មិន​ថា​តារាប្រុសរូបនេះ​មាន​រូបរាង​បែប​ណា ​ក៏​គាត់​សង្ហាទាក់ភ្នែកស្រីៗដដែល៕

ប្រែសម្រួល៖ សាង ស្រីល័ក្ខ

ចុចអាន៖Jennie ក្លាយជាសិល្បការិនីមានពាណិជ្ជកម្មច្រើនបំផុតក្នុងឆ្នាំ ២០២២

The post ហ្វេនភ្ញាក់ផ្អើល ក្រោយឃើញ Hyun Bin បង្ហាញរូបរាងមានពុកចង្កាក្រាស់មើលមិនស្គាល់ appeared first on Kampuchea Thmey Daily.

កាលពីពេលថ្មីៗនេះ ភ្នាក់ងារ​របស់ Son Ye Jin បាន​បញ្ចេញ​រូបថត​នៃ​បរិយាកាស​មង្គលការ​របស់​គូស្នេហ៍​នេះ​ជាផ្លូវការ​​ រហូត​ត្រូវ​អ្នកគាំទ្រ​ប្រដូច​ នឹង​រឿង​ដែល​ពួកគេ​បាន​សម្ដែង ​នៃ​ភាគបញ្ចប់​ពោរពេញ​ដោយ​យ៉ាង​សុភមង្គល ​យ៉ាង​ដូច្នោះ។

សូមទស្សនារូបភាពត្រជាក់ភ្នែកខាងក្រោម៖

ប្រែសម្រួល៖ សាង ស្រីល័ក្ខ

ចុចអាន៖អាពាហ៍ពិពាហ៍តួឯកក្នុងរឿង “ Crash Landing on You “ មាន ៤ ចំណុចដែលគេចាប់អារម្មណ៍ខ្លាំងបំផុត

ចុចអាន៖បង្ហាញមុខតារា ៥ រូប ល្បីក្នុងវិស័យ K-pop ដោយសារឪពុកម្តាយ ជាបុគ្គលមានឥទ្ធិពលខ្លាំង

The post ទស្សនារូបថតអាពាហ៍ពិពាហ៍តួឯក ” Crash Landing On You” ខណៈនេះ ចេញជាផ្លូវ​ការហើយ appeared first on Kampuchea Thmey Daily.

ទន្ទឹមនោះ​ ផលិតកម្ម VAST Entertainment និង MS Team Entertainment ដែលគ្រប់គ្រងអ្នកទាំងពីរ បាន​បង្ហាញ​រូបថត​នៅ​ថ្ងៃរៀបការរបស់ពួកគេ ​​អម​ជាមួយ​ខេបសិនថា​ ” ពិធី​នេះ​ធ្វើឡើង​ជា​លក្ខណៈ​ឯកជន ដោយសារស្ថានភាពជំងឺកូវីដ។ អាស្រ័យហេតុនេះ យើងខ្ញុំ​សុំ​ការយោគយល់ ពីគ្រប់គ្នា”។

យ៉ាងណាមិញ ​ក្នុង​ពិធី​រៀបការ​របស់តួឯកប្រុស-ស្រីក្នុងរឿង ” Crash Landing on You” នេះ ​គេ​សំគាល់​ឃើញ​ចំនុច​ធំៗ​ជា​ច្រើន​ដូចជា ៖

១ រ៉ូប​កូន​ក្រមុំ​បាន​ពី​ម៉ាកល្បីៗ​លើពិភពលោក

រ៉ូប​កូនក្រមុំ​ដែលស្លៀក​ ធ្វើ​​ឲ្យ​គេ​ចាប់អារម្មណ៍​ភ្លាម​ៗ ទាំង​រ៉ូប​គ្មាន​ដៃ​ គឺជារ៉ូបនៅ​ក្នុង​ពិធី​បង្ហាញ​ម៉ូត Summer Spring 2022 របស់ Elie Saab និង​រ៉ូប​បិទ​ស្មា​នៃ Vera Wang’s Spring 2020 – Camillia collection សុទ្ធតែ​ជា​រ៉ូប​លំដាប់​អភិជន​មិន​ធម្មតា។

២ រក្សាភាព​ឯកជន​ជាចម្បង

ដើម្បី​ភាព​ឯកជន និង​សុវត្ថិភាព អ្នក​ទទួល​កាត​អញ្ជើញ​ក្នុង​ពីធី​នេះ ​គឺ​មាន​ត្រឹមតែ ២០០-៣០០ នាក់​ប៉ុណ្ណោះ ​ដែល​ត្រូវ​បាន​អនុញ្ញាត​ឲ្យ​ចូលរួម​ក្នុង​ពិធីមង្គលការ​។ យានជំនិះ​ចូលនិង​ចេញ​ពី​តំបន់​ ត្រូវ​បាន​ហាម​ឃាត់​យ៉ាង​តឹងរ៉ឹង ​ហើយ​អ្នក​ដែល​ទទួល​កាត​អញ្ជើញ​ ត្រូវមាន​អ្នក​គ្រប់គ្រង​ផ្ទាល់ខ្លួន ​ឬ​អ្នក​នៅ​ក្នុង​បន្ទុក​មើល​ថែរ​ និងថែមទាំង​ស្ថិត​ក្នុង​តំបន់​ដាច់​ដោយឡែក ដើម្បី​ការពារ​ការ​លេច​ធ្លាយ​រូបថត​ក្នុង​ពិធី​មង្គលការ។

៣ ប្រមូលផ្តុំ​សិល្បករ​ល្បីៗ​ទូទាំង​ប្រទេស​កូរ៉េ

កាត​អញ្ជើញ​ដែលផ្តល់​ឲ្យ​​ភ្ញៀវ​មក​ចូលរួម​ក្នុង​ពិធីមង្គលការ ត្រូវបាន​រចនាឡើង​ដោយ​ពណ៌​សរលោង ហើយបោះត្រាលើត្បូងមរកតមាស ជាមួយនឹងអក្សរ ‘binjin 2022’ ដែលជាអក្សរកាត់របស់ Hyun Bin និង Son Ye Jin ។Kjung Hoon, Ji Jin Hee, Kim Sun Ah, Ha Ji Won, Lee Yeon Hee និង Im Yoon Ah ត្រូវបានផ្តល់កិត្តិយសនៅលើ ចំណែកខាងកូនកំលោះ Song Yoon Ah, Lee Min Jung, Uhm Ji Won, Oh Yoon Ah. Hong Hyo Jin និង Jung Hae In ត្រូវ​បាន​ចុះ​ក្នុង​បញ្ជី​ជា​ភ្ញៀវ​នៅ​ខាង​កូនក្រមុំ។ លើសពីនេះ​ក្រុមនៅពីក្រោយឆាក​ ដែល​ធ្វើការជា​មួយ​កូនក្រមុំ​និង​កូន​កំលោះ ទាំង​ការ​ចរចា និង​ស៊េរី​រឿង Crash Landing on You ក៏ត្រូវបានអញ្ជើញផងដែរ។ ដូច្នេះ​ហើយ ទើប​មាន​តារា​ល្បី​មួយ​ចំនួន​ មិន​អាច​ទៅ​ចូលរួម​កម្មវិធី​ដោយ​ខ្លួនឯង​បាន​។

៤ បទចម្រៀងជូនពរគូស្វាមីភរិយាថ្មីសុទ្ធជាបទរបស់តារាល្បីៗ

បទចម្រៀង​ដែល​ត្រូវបកស្រាយ​ក្នុងពិធី​ ត្រូវ​ច្រៀង​ដោយ Gommie និង Kim Bum Soo និងបទមួយទៀតគឺ “I Give You My Heart” របស់ IU ដោយ Gommie ដឹកនាំ​បទចម្រៀង​ក្នុង​រឿង Crash Landing on You ដែល Hyun Bin និង Son Ye Jin ច្រៀងបទថ្មី ហើយ​មាន​តារា​សម្ដែង​ល្បី Jang Dong Gun ជា​មិត្ត​ជិតស្និទ្ធ​របស់ Hyun Bin ទទួលបន្ទុក​ថ្លែងសុន្ទរកថា​អបអរសាទរ​ក្នុង​ពិធី​នេះ។ យោង​តាម​សារព័ត៌មាន Star News បានឲ្យដឹងថាគូស្នេហ៍ថ្មីថ្មោងនេះ ​មិន​ទៅ​ក្រេប​ទឹកឃ្មុំ​ភ្លាមៗ​ទេ បន្ទាប់ពី​រៀបការ។ ប៉ុន្តែគេ​រំពឹងថា​ អ្នក​ទាំងពីរ​នឹង​ចំណាយ​ពេល​ចុង​សប្ដាហ៍​ដំបូង​របស់ពួកគេ ​ទៅ​នៅផ្ទះថ្មីវិញ៕

ប្រែសម្រួល៖ សាង ស្រីល័ក្ខ

ចុចអាន៖ភោជនីយដ្ឋានមួយនៅ ថៃ លក់ដាច់ខ្លាំង បន្ទាប់ពី Lisa ចូលទៅញ៉ាំអាហារនៅទីនោះរួច (មានវីដេអូ)

ចុចអាន៖បង្ហាញមុខតារា ៥ រូប ល្បីក្នុងវិស័យ K-pop ដោយសារឪពុកម្តាយ ជាបុគ្គលមានឥទ្ធិពលខ្លាំង

The post អាពាហ៍ពិពាហ៍តួឯកក្នុងរឿង “ Crash Landing on You “ មាន ៤ ចំណុចដែលគេចាប់អារម្មណ៍ខ្លាំងបំផុត appeared first on Kampuchea Thmey Daily.