គោលបំណងនៃជំនួបនេះ គឺដើម្បីផ្លាស់ប្តូរទស្សនៈគ្នាទៅវិញទៅមក ពាក់ព័ន្ធនឹងស្ថានការណ៍បច្ចុប្បន្នរវាងកម្ពុជា និងថៃ។ ក្នុងឱកាសនោះ ភាគីទាំងពីរបានពិភាក្សាផងដែរ អំពីការយកចិត្តទុកដាក់របស់ ICRC លើដំណើរការធ្វើមាតុភូមិនិវត្តន៍របស់វីរកងទ័ពកម្ពុជាចំនួន ១៨ រូប ក៏ដូចជាការបន្តរៀបចំ និងអនុវត្តបេសកកម្មមនុស្សធម៌របស់ ICRC នាពេលអនាគត។

ក្នុងឱកាសនោះ លោក ឧត្តមសេនីយ៍ឯក រ៉ាត់ ដារ៉ារ័ត្ន បានសម្តែងនូវការថ្លែងអំណរគុណយ៉ាងជ្រាលជ្រៅចំពោះគណៈកម្មាធិការអន្តរជាតិនៃកាកបាទក្រហម (ICRC) ដែលបានបំពេញតួនាទីដ៏មានសារៈសំខាន់ ក្នុងការចុះសួរសុខទុក្ខ និងតាមដានយ៉ាងយកចិត្តទុកដាក់លើស្ថានភាពរបស់វីរកងទ័ពកម្ពុជាទាំង ១៨ រូប ក្នុងអំឡុងពេលត្រូវបានឃុំខ្លួននៅប្រទេសថៃអស់រយៈពេល ១៥៥ ថ្ងៃ រហូតដល់ការធ្វើមាតុភូមិនិវត្តន៍ត្រឡប់មកមាតុភូមិវិញដោយសុវត្ថិភាព។

ជំនួបនេះ ភាគីទាំងពីរបានបញ្ជាក់ឡើងវិញអំពីសារៈសំខាន់នៃកិច្ចសហប្រតិបត្តិការយ៉ាងជិតស្និទ្ធ ការគោរពច្បាប់មនុស្សធម៌អន្តរជាតិ និងការប្តេជ្ញារួមគ្នាក្នុងការឆ្លើយតបទៅនឹងតម្រូវការមនុស្សធម៌ ព្រមទាំងការលើកកម្ពស់ស្ថិរភាពនៅតំបន់ដែលរងផលប៉ះពាល់៕

The post កម្ពុជា និង ICRC ផ្លាស់ប្តូរទស្សនៈអំពីស្ថានការណ៍ព្រំដែន និងការពារវីរកងទ័ព appeared first on Kampuchea Thmey Daily.

សារព័ត៌មាន Bernama បានដកស្រង់សេចក្តីថ្លែងការណ៍របស់ ICRC ដែលនិយាយកាលពីថ្ងៃអង្គារទី៩ខែធ្នូឆ្នាំ២០២៥ថា កាតព្វកិច្ចទាំងនេះមានបំណងកំណត់ការបង្កគ្រោះថ្នាក់ដល់ប្រជាជនជាពិសេសការបាត់បង់អាយុជីវិតជនស៊ីវិល និងការខូចខាតដល់ទ្រព្យសម្បត្តិជនស៊ីវិល រួមទាំងហេដ្ឋារចនាសម្ព័ន្ធចាំបាច់ផងដែរ ហើយត្រូវតែអនុញ្ញាតឲ្យអ្នករបួស ទទួលបានរាល់ការថែទាំដែលពួកគេត្រូវការ»។

ស្របពេលជាមួយគ្នានោះ ICRC បញ្ជាក់ថា ខ្លួននឹងបន្តកិច្ចសន្ទនាទ្វេភាគី ជាមួយភាគីទាំងពីរ និងកំពុងតាមដានយ៉ាងដិតដល់នូវផលប៉ះពាល់មនុស្សធម៌ ដែលបង្កដោយការប៉ះទង្គិចគ្នា។

សេចក្តីថ្លែងការណ៍របស់ ICRC កើតឡើងចំពេល សហរដ្ឋអាមេរិក ក៏ជំរុញឲ្យ​បញ្ឈប់​ជា​បន្ទាន់​នូវ​អរិភាព និង​ត្រឡប់​ទៅ​រក​វិធានការ​ដែល​មាន​ចែង​ក្នុង​កិច្ចព្រមព្រៀងសន្តិភាព​ទីក្រុងគូឡាឡាំពួ ថ្ងៃទី២៦ ខែតុលាវិញផងដែរ។

រដ្ឋមន្ត្រីការបរទេសអាមេរិក Marco Rubio និយាយថា៖ «អាមេរិក​ព្រួយ​បារម្ភខ្លាំងណាស់ បន្ទាប់ពីការ​ប្រយុទ្ធ​គ្នាផ្ទុះឡើងជាថ្មី ​នៅទីតាំង​មួយចំនួនតាម​បណ្តោយ​ព្រំដែន​កម្ពុជា-ថៃ បណ្តាលឲ្យមានការ​ស្លាប់មនុស្ស​និង​របួសជាច្រើននាក់»។

លោកបន្តថា៖ «យើងសូមជំរុញយ៉ាងមុតមាំឲ្យបញ្ឈប់ជាបន្ទាន់នូវអរិភាព ហើយការពារជនស៊ីវិល ដោយភាគីទាំងសងខាងត្រូវត្រឡប់ទៅរកវិធានការបន្ធូរបន្ថយភាពតានតឹង ដែលមានចែងក្នុងកិច្ចព្រមព្រៀងសន្តិភាពទីក្រុងគូឡាឡាំពួថ្ងៃទី២៦ ខែតុលា ឆ្នាំ២០២៥ ដែលចុះហត្ថលេខាដោយនាយករដ្ឋមន្ត្រីកម្ពុជា និងថៃ និងធ្វើជាសាក្សីដោយប្រធានាធិបតីអាមេរិក ដូណាល់ ត្រាំ និងនាយករដ្ឋមន្ត្រីម៉ាឡេស៊ី អាន់វ៉ា អ៊ីប្រាហ៊ីម»។

សូមជម្រាបជាថ្មី ថៃបានបើកការបាញ់ប្រហារនិងទម្លាក់គ្រាប់បែក ដើម្បីឈ្លានពានបូរណភាពទឹកដីកម្ពុជា កាលពីថ្ងៃទី០៨ ខែធ្នូ ឆ្នាំ២០២៥ ខណៈកម្ពុជាបានប្រើសិទ្ធិការពារខ្លួន ការពារអធិបតេយ្យភាពជាតិ តបតទៅវិញ៕

អត្ថបទ៖ សុខ សុវណ្ណ

The post ICRC អំពាវនាវឲ្យភាគីពាក់ព័ន្ធក្នុងជម្លោះកម្ពុជា-ថៃ គោរពច្បាប់មនុស្សធម៌អន្តរជាតិ appeared first on Kampuchea Thmey Daily.

លោកស្រី Dena Fisher បានបញ្ជាក់ថា បើទោះបីជាបេសកកម្មរបស់អង្គការ ICRC នៅកម្ពុជា នឹងមាន​ការកាត់បន្ថយមួយចំនួននៅឆ្នាំ ២០២៤ នេះក៏ដោយ ប៉ុន្តែ អង្គការ ICRC នៅតែបន្តប្ដេជ្ញាចិត្តខ្ពស់ក្នុងការជួយជ្រោមជ្រែងដល់វិស័យពន្ធនាគារ​ និងការស្ដារទំនាក់ទំនងរវាងក្រុមគ្រួសារ និងជនជាប់ឃុំបន្តទៀត ដោយមានកិច្ចសហការពីកាកបាទក្រហមកម្ពុជាផងដែរ។ បន្ថែមពីនេះ លោកស្រីប្រធានបេសកកម្ម​ ICRC ក៏បានជម្រាប លោក ស សុខា នូវសេចក្ដីថ្លែងអំណរគុណចំពោះការផ្ដល់កិច្ចសហប្រតិបត្តិការយ៉ាងល្អពីក្រសួងមហាផ្ទៃ​ និងបានគូសបញ្ជាក់ថា ជំនួយ និងការជ្រោមជ្រែងដែលអង្គការ ICRC បានផ្ដល់ជូនក្រសួងមហាផ្ទៃ ក្នុងរយៈពេលប្រមាណ ៣០ឆ្នាំ កន្លងមកនេះ គឺមានគោលដៅកែលម្អជាបន្តបន្ទាប់នូវលក្ខខណ្ឌនៃការឃុំខ្លួននៅក្នុងពន្ធនាគារ។ ​​

ចំណែក លោក ស សុខា រដ្ឋមន្ត្រី​ក្រសួងមហាផ្ទៃ​ ក៏​បានថ្លែងអំណរគុណយ៉ាងជ្រាលជ្រៅចំពោះកិច្ចខិតខំប្រឹងប្រែង​របស់អង្គការ ICRC ក្នុងការជួយជ្រោមជ្រែងប្រទេសកម្ពុជា នៅក្នុងកិច្ចការមនុស្សធម៌ជាច្រើននៅក្នុងពេលអតីតកាល និងជាពិសេស ការយកចិត្តទុកដាក់ក្នុងកិច្ចការងារពន្ធនាគារ និងការស្ដារនីតិសម្បទា នាពេលបច្ចុប្បន្ន។ លោករដ្ឋមន្រ្តី ក៏បានវាយតម្លៃខ្ពស់​ចំពោះកិច្ចសហប្រតិបត្តិការ ​ដ៏រឹងមាំក្នុងវិស័យពន្ធនាគារ​រវាង​ក្រសួងមហាផ្ទៃជាមួយអង្គការ ICRC ដែលបាន​ចាប់ផ្ដើមតាំងពីឆ្នាំ ១៩៩៣ រហូតដល់បច្ចុប្បន្ន​។​

លោករដ្ឋមន្ត្រីក្រសួងមហាផ្ទៃ​ ក៏បានគូសបញ្ជាក់ អំពីកិច្ចខិតខំប្រឹងប្រឹងរបស់រាជរដ្ឋាភិបាលកម្ពុជា ជាពិសេស កិច្ចខិតខំប្រឹងប្រែងរបស់ក្រសួងមហាផ្ទៃ ក្នុងការកាត់បន្ថយស្ថានភាពចង្អៀតណែនក្នុងពន្ធនាគារ រួមមាន ដំណោះស្រាយចំពោះមុខ និងចក្ខុវិស័យនាពេលអនាគត និងការកែលម្អលក្ខខណ្ឌឃុំខ្លួនរបស់ជនជាប់ឃុំនៅក្នុងពន្ធនាគារ ​រួមមាន ការថែរក្សាសុខមាលភាពរបស់ជនជាប់ឃុំ និងការរក្សាទំនាក់ទំនងរបស់ជនជាប់ឃុំជាមួយក្រុមគ្រួសារ។ ​

ដោយឈរលើសមិទ្ធិផលនៃកិច្ចសហប្រតិបត្តិការប្រមាណ​ ៣០ឆ្នាំ​ រវាងក្រសួងមហាផ្ទៃកម្ពជា​ និងគណៈកម្មាធិការកាកបាទក្រហមអន្តរជាតិ​ លោក ស​ សុខា​ និងលោកស្រី Dena Fisher បានឯកភាពបន្តការប្ដេជ្ញាចិត្តក្នុងភាពជាដៃគូដ៏រឹងមាំនេះ​ សំដៅកែលម្អបន្ថែមទៀតលើកិច្ចការដែលបានធ្វើក្នុងពេលកន្លងមក៕

The post កាកបាទក្រហមអន្តរជាតិ ប្រកាសប្តេជ្ញាបន្ត​ជួយ​ជ្រោមជ្រែងវិស័យពន្ធនាគារនៅកម្ពុជា appeared first on Kampuchea Thmey Daily.