លោក​ស្រី​​ចូល​កាន់​តំណែង​ជំនួស​លោក Thomas Bach ដែល​បាន​កាន់​តំណែង​ប្រធាន​គណៈកម្មាធិការ​អូឡាំពិក​អន្តរជាតិ​តាំង​ពី​ឆ្នាំ​២០១៣។ អតីត​ប្រធានជន​ជាតិ​អាល្លឺម៉ង់​រូប​នេះ​ត្រូវ​បាន​ផ្តល់​តួនាទី​ជា​ប្រធាន​កិត្តិយស​នៃ​គណៈកម្មាធិការ​អូឡាំពិក​អន្តរជាតិ។

លោក​ស្រី Kirsty Coventry បាន​ក្លាយ​ជា​ស្ត្រី​ដំបូង​គេ​បង្អស់​ក្នុង​ការ​កាន់​តំណែង​ជា​ប្រធាន​ស្ថាប័ន​កីឡា​កំពូល​​នៅ​លើ​ពិភព​លោក បន្ទាប់​ពី​ស្ថាប័ន​នេះ​មាន​ប្រធាន​ចំនួន​៩​នាក់​កន្លង​មក​សុទ្ធ​តែ​បុរស​តាំង​ពី​ឆ្នាំ១៨៣៥។ លោក​ស្រី​នឹង​ចូល​កាន់​តំណែង​ផ្លូវ​ការ​ជំនួស​លោក Thomas Bach នៅ​ថ្ងៃទី​២៣ ខែ​មិថុនា ឆ្នាំ​២០២៥។

លោក​ស្រី Kirsty ដែល​មាន​អាយុ​៤១​ឆ្នាំ ជា​កីឡាការិនី​ហែល​ទឹក​ជម្រើស​ជាតិហ្ស៊ីម​​បាវ៉េ​​ដ៏​ឆ្នើម​គិត​ចាប់​តាំង​ពី​ឆ្នាំ​២០០០ រហូត​ដល់ចូល​និវត្តន៍​នៅ​ឆ្នាំ​២០១៦។ ក្នុង​អាជីព​ហែល​ទឹក​រយៈ​ពេល​១៦​ឆ្នាំ លោក​ស្រី​ទទួល​បានមេដាយ​មាស​ចំនួន​២០​គ្រឿង​ពី​ការ​ប្រកួត​កីឡា​អូឡាំពិក កីឡាទ្វីប​អាហ្វ្រិក​ និង​ជើង​ឯក​ហែល​ទឹក​ពិភព​លោក ព្រម​ទាំង​មេដាយ​ប្រាក់ និង​សំរិទ្ធ​ជា​ច្រើន​ទៀត។

ក្រោយ​មក លោក Kirsty បាន​ចូល​ក្រឡូក​ក្នុង​វិស័យ​នយោបាយ​ ហើយ​នៅ​ឆ្នាំ​២០១៩ លោក​ស្រី​ត្រូវ​បាន​តែង​តាំង​ជា​រដ្ឋ​មន្ត្រី​ក្រសួង​យុវជន កីឡា សិល្បៈ និង​កម្សាន្ត ក្រោម​អាណត្តិ​ប្រធានាធិបតី Emmerson Mnangawa។

លោក​ស្រី​បាន​រៀប​ការ​ជា​មួយ​លោក Tyrone Seward និង​មាន​កូន​២​នាក់​សម្រាប់​ជា​ចំណង​ដៃ​អាពាហ៍ពិពាហ៍៕

អត្ថបទ៖ វីរបុត្រ

The post អតី​ត​អ្នក​ហែល​ទឹក Kirsty ក្លាយ​ជា​ស្ត្រី​ទី១​កាន់​តំណែង​​ប្រធានស្ថាប័ន​កីឡា​កំពូល​លើ​លោក appeared first on Kampuchea Thmey Daily.

អគ្គនាយក IOC លោក Christophe De Kepper បានជូនដំណឹងដល់សមាជិក IOC ទាំងអស់​ជុំ​វិញ​ការសម្រេចចិត្តរបស់ក្រុមប្រឹក្សាប្រតិបត្តិក្នុងការដាក់ទណ្ឌកម្ម លោក Sheikh Ahmad ដែលធ្លាប់មានអំណាចលើសំណុំរឿងតុលាការនៅប្រទេសស្វីស។

«ក្រុមប្រឹក្សាប្រតិបត្តិ IOC បានសម្រេចចិត្តបញ្ជាក់ពីភាពធ្ងន់ធ្ងរនៃការរំលោភលើគោលការណ៍សីលធម៌ដោយ​ លោក​ Sheikh​ Ahmad​ Al-Sabah រួមទាំងការក្បត់ពាក្យសម្បថរបស់សមាជិក IOC របស់ខ្លួន​ ក៏ដូចជាភាពធ្ងន់ធ្ងរនៃការខូចខាតដល់កេរ្តិ៍ឈ្មោះរបស់ IOC ដែលបានធ្វើឱ្យប៉ះពាល់ដល់ផលប្រយោជន៍របស់ខ្លួន»។ នេះជាខ្លឹមសារលិខិតដែល លោក De Kepper បានបញ្ចេញកាលពីថ្ងៃទី៣ ខែឧសភា។

ខ្លឹមសារ​សម្រេច​បាន​បន្ត​ថា ៖«ដូច្នេះហើយ ដើម្បីដាក់ទណ្ឌកម្ម លោក Sheikh Ahmad ដោយការព្យួរសិទ្ធិ​ និងមុខ​ងារ​​ទាំងអស់ដែលទទួលបានពីសមាជិកភាព IOC របស់គាត់សម្រាប់រយៈពេល​១៥​ឆ្នាំ​ ដោយចាប់ផ្តើមពីកាលបរិច្ឆេទនៃការសម្រេចចិត្តដាក់ទណ្ឌកម្មពីមុនដោយក្រុមប្រឹក្សាប្រតិបត្តិរបស់ IOC នៅថ្ងៃទី២៧ ខែកក្កដា ឆ្នាំ២០២៣»។

អតីតអគ្គលេខាធិការអង្គការ OPEC លោក Sheikh Ahmad ត្រូវបាន​រកឃើញ​ទោសក្នុងឆ្នាំ២០២១ នៅប្រទេសស្វីស ពីបទក្លែងបន្លំ និងនីតិវិធីមជ្ឈត្តកម្មក្លែងក្លាយ។ ការសម្រេចនេះត្រូវបានតម្កល់ដោយសាលាឧទ្ធរណ៍ក្រុងហ្សឺណែវ។

លោក Sheikh Ahmed ត្រូវបានហាមឃាត់រយៈពេល៣ឆ្នាំ ក្នុងឆ្នាំ២០២៣ ជុំវិញការជាប់ពាក់ព័ន្ធរបស់លោកនៅក្នុងការបោះឆ្នោតក្រុមប្រឹក្សាអូឡាំពិកអាស៊ី (OCA) បន្ទាប់ពី IOC បានអនុម័តអនុសាសន៍ដែលចេញដោយស្ថាប័នក្រមសីលធម៌របស់ខ្លួន។

លោកក៏បានព្យួរដោយខ្លួនឯងក្នុងនាមជាសមាជិកនៃ IOC បន្ទាប់ពីត្រូវបានកាត់ទោសដោយតុលាការឧក្រិដ្ឋកម្មស្វីសក្នុងឆ្នាំ២០២១ បន្ទាប់មកលោកក៏បានលាលែងពីតំណែងជាប្រធានក្រុមប្រឹក្សាអូឡាំពិកអាស៊ី OCA ផងដែរ។

លោក Sheikh Ahmad ធ្លាប់ជាមនុស្សម្នាក់ដែលមានឥទ្ធិពលបំផុតក្នុងនយោបាយកីឡា ដោយកាន់តំណែងសំខាន់​ៗ​ទាំង​ IOC ក៏ដូចជាស្ថាប័នគ្រប់គ្រងបាល់ទាត់ពិភពលោក FIFA។ លោកត្រូវបានតែងតាំងជារដ្ឋមន្ត្រីការពារជាតិគុយវ៉ែតកាលពីឆ្នាំមុនផងដែរ៕

ប្រែសម្រួល៖ មន្នីរ័ត្ន
ប្រភព៖ Reuters

The post IOC ពិន័យអតីតសមាជិកអូឡាំពិកជាន់ខ្ពស់ Sheikh Ahmad រយៈពេល១៥ឆ្នាំ appeared first on Kampuchea Thmey Daily.

លោក Samaranch បានប្រាប់ EFE នៅគណៈកម្មាធិការអូឡាំពិកអេស្ប៉ាញថា ៖«ខ្ញុំគិតថាយើងបានរកឃើញតុល្យភាពដ៏ឈឺចាប់ ប៉ុន្តែយុត្តិធម៌សម្រាប់ស្ថានភាពរបស់អត្តពលិករុស្ស៊ី និងបេឡារុស្ស»។

សមាជិក IOC បាននិយាយថា ៖«យើងបានគ្រប់គ្រងនៅក្នុងពិភពលោកដែលមានបន្ទាត់រាងប៉ូល ដើម្បីគោរពធម្មនុញ្ញអូឡាំពិករបស់យើង ប៉ុន្តែយើងត្រូវតែទទួលស្គាល់ថាយើងរស់នៅក្នុងពិភពពិត និងស្មុគស្មាញបំផុត»។

អត្តពលិករុស្សី និងបេឡារុស្ស ដែលប្រកួតដោយគ្មាននិមិត្តសញ្ញាជាតិរបស់ពួកគេ និង​ដរាបណាពួកគេមិនបានការពារ​សង្រ្គាមកំពុង​ដំណើរ​ការ​ ឬមានទំនាក់ទំនងជាមួយនឹងយោធា នឹងត្រូវបានអនុញ្ញាតឱ្យប្រកួតប្រជែង​សម្រាប់​តែ​វិញ្ញាសាឯកត្តជនប៉ុណ្ណោះ ខណៈអត្តពលិកមកពីរុស្ស៊ី និងអ៊ុយក្រែនបានប្រតិកម្មអវិជ្ជមានចំពោះទង្វើនេះ។

លោក Samaranch បាននិយាយអំពីជម្លោះរបស់ពិភពលោកថា ៖«ការប្រកួតកីឡាអូឡាំពិកមានការលើកឡើង​ដើម្បីបង្ហាញថាមានវិធីមួយផ្សេងទៀត។ វាមិនសំខាន់ថា វាខុសគ្នាយ៉ាងណានោះទេ ព្រោះការបង្រួបបង្រួមគឺសំខាន់ជាង។ អ្នកអាចប្រកួតប្រជែងគ្នាយ៉ាងស្វិតស្វាញ រួចរស់នៅជាមួយគ្នានៅក្នុងភូមិអូឡាំពិកជាបងប្អូននឹងគ្នាដោយការគោរព»។

លោក Samaranch បាននិយាយថា IOC មានសុទិដ្ឋិនិយម និងរំភើបយ៉ាងខ្លាំងចំពោះ​ព្រឹត្តិការណ៍​អូឡំាពិកប៉ារីស ប៉ុន្តែដោយស្មារតីទទួលខុសត្រូវ ព្រោះវាជាកិច្ចការដ៏ធំមួយដែល IOC កំពុងព្យាយាមសម្រេច។

លោកបាននិយាយថា ៖«អ្វីគ្រប់យ៉ាងហាក់ដូចជាបង្ហាញថា ទីក្រុងប៉ារីសគឺលើសពីរួចរាល់។ ក្រុមមកពីជុំវិញពិភពលោកកំពុងទន្ទឹងរង់ចាំវា»។

អនុប្រធាន IOC បាននិយាយថា IOC ដឹង “គ្រប់គ្រាន់ហើយ គ្មានអ្វីសោះ” ពាក់​ព័ន្ធ​នឹង​ការព្រួយបារម្ភអំពីសន្តិសុខក្នុង​រយៈ​ពេល​២ សប្តាហ៍នៃ​ដំណើរ​ការ​ប្រកួត៕

ប្រែសម្រួល៖ មន្នីរ័ត្ន
ប្រភព៖ Inside The Games

The post ការទទួលយកអត្តពលិករុស្ស៊ី ប្រកួតអូឡាំពិក២០២៤”តុល្យភាពដ៏ឈឺចាប់តែយុត្តិធម៌” appeared first on Kampuchea Thmey Daily.

ថ្លែងពេលដំណើរទស្សនកិច្ចទៅ​ភូមិអូឡាំពិក ក្នុងរដ្ឋធានី​របស់​ប្រទេស​បារាំង លោក Bach បាននិយាយថា ៖«យើងមិនបានពិភាក្សាអំពីបញ្ហានេះនៅក្នុងកិច្ចប្រជុំក្រុមប្រឹក្សាប្រតិបត្តិ នៅទីក្រុងប៉ារីស ដែលបានបញ្ចប់នៅថ្ងៃនេះ​ទេ»។

លោកបានពន្យល់ថា កិច្ចប្រជុំកំពូលអូឡាំពិកជាមួយ ភាគី​ពាក់​ព័ន្ធ​នឹង​ IOC ទាំង​អស់​​នឹង​ប្រព្រឹត្តទៅនៅទី​ក្រុង​ Lausanne ក្នុងរយៈពេល៣​ថ្ងៃទៀត។ លោកបន្តថា ៖«យើងនឹងសិក្សាពីស្ថានភាពភូមិសាស្ត្រនយោបាយ និងឥទ្ធិពលរបស់វាទៅលើកីឡា»។

លោកបានបន្ថែមថា ៖«យើងនឹងពិចារណាលើការសម្រេចចិត្តថ្មីៗរបស់អង្គការសហប្រជាជាតិលើករណីនេះ ដែលអំពាវនាវឱ្យមានបទឈប់បាញ់របស់​អូឡាំពិក និងគាំទ្រវិធីសាស្រ្តរបស់​ IOC»។

IOC គឺពេញចិត្តចំពោះការចូលរួមរបស់អត្តពលិករុស្ស៊ី ដែលមិនបានគាំទ្រចំពោះការលុកលុយរបស់អ៊ុយក្រែន ដែលមិនមាននៅក្នុងជួរកងទ័ព និងមានឆន្ទៈក្នុងការប្រកួតប្រជែងក្រោមទង់ជាតិអព្យាក្រឹត។

លោក Bach បានសង្គត់ធ្ងន់ថា អាស្រ័យលើអ្វីដែលបានឮនៅក្នុងកិច្ចប្រជុំកំពូលអូឡាំពិកនេះ ក្រុមប្រឹក្សាប្រតិបត្តិរបស់ IOC នឹងធ្វើការសម្រេចចិត្តក្នុងប៉ុន្មានខែខាងមុខនេះ ដែលមានន័យថានៅក្នុងកិច្ចប្រជុំរបស់ខ្លួននៅក្នុងខែមីនា៕

ប្រែសម្រួល៖ មន្នីរ័ត្ន

The post IOC បើកទ្វារជំហរសម្រាប់អត្តពលិករុស្ស៊ី ចូលរួមអូឡាំពិកឆ្នាំ២០២៤ appeared first on Kampuchea Thmey Daily.

លោក Bach បាននិយាយថា ការទទួលស្គាល់របស់ IOC ពីគណៈកម្មាធិការអូឡាំពិកប៉ាឡេស្ទីន ក្នុងឆ្នាំ១៩៩៣ គឺជាភស្តុតាងបញ្ជាក់​ថា “ដំណោះស្រាយរដ្ឋពីរ” គឺអាចធ្វើទៅបាន ខណៈបទឈប់បាញ់រវាងអ៉ីស្រាអែល និងក្រុមហាម៉ាស់ បានឈាន​ដល់ថ្ងៃទី៥ នៅថ្ងៃអង្គារ៍ បន្ទាប់ពីសង្គ្រាម​​បាន​ដំណើរ​ការ​៧​សប្តាហ៍នៅហ្គាហ្សា។

លោក Bach បាននិយាយក្នុង​កិច្ចប្រជុំកំពូលនៅទីក្រុងប៉ារីស​ថា​ ៖«ទាក់ទង​​ អ៉ីស្រាអែល​-ប៉ាឡេស្ទីន យើងមានអត្ថប្រយោជន៍មួយក្នុងការដោះស្រាយស្ថានភាពនេះ ពីព្រោះយើងមាននៅក្នុងចលនាអូឡាំពិក។ អ្វីដែលអ្នកចង់ហៅនៅក្នុងពិភពនយោបាយថា ដំណោះស្រាយរដ្ឋទាំងពីរ»។

គណៈកម្មាធិការអូឡាំពិកប៉ាឡេស្ទីនបានបង្ហាញខ្លួនជាលើកដំបូងនៅក្នុងព្រឹត្តិការណ៍កីឡាឆ្នាំ១៩៩៦ នៅទីក្រុងអាត្លង់តា បន្ទាប់ពីកិច្ចព្រមព្រៀង​បានចុះហត្ថលេខាកាលពី​៣ឆ្នាំមុនរវាងអ៉ីស្រាអែល និងអង្គការរំដោះប៉ាឡេស្ទីន។

លោក Bach បានបន្ថែមថា ៖«ស្ថានភាពនេះទុកឱ្យយើងមានឱកាសនិយាយជាមួយសហគមន៍ទាំងពីរ» ដោយគូសបញ្ជាក់ថា ស្ថាប័នអូឡាំពិកមាន «ទំនាក់ទំនងផ្ទាល់» ជាមួយគណៈកម្មាធិការអូឡាំពិក​ជាតិទាំងពីរ។

ការអត្ថាធិប្បាយរបស់លោក Bach បានកើតឡើងនៅពេល​បទឈប់បាញ់ដ៏ផុយស្រួយរវាងអ៉ីស្រាអែល និងក្រុមហាម៉ាស់ បានធ្វើឡើងរយៈពេល​៥​ថ្ងៃ បន្ទាប់ពីកិច្ចព្រមព្រៀងត្រូវបានពង្រីកដើម្បីអនុញ្ញាតឱ្យមានការដោះលែងចំណាប់ខ្មាំងអ៉ីស្រាអែលបន្ថែមទៀត និងអ្នកទោសប៉ាឡេស្ទីន៕

ប្រែសម្រួល៖ មន្នីរ័ត្ន
ប្រភព៖ AFP

The post ប្រមុខ IOC និយាយ​ថា កីឡាផ្តល់ក្តីសង្ឃឹមសន្តិភាពដល់អ៊ីស្រាអែល និងប៉ាឡេស្ទីន appeared first on Kampuchea Thmey Daily.

ក្រុមប្រឹក្សា​ប្រតិបត្តិ​របស់ IOC បាន​ប្រកាស​នៅ​ថ្ងៃនេះ​ថា អត្តពលិក​ដែល​បង្ហាញ​ការ​គាំទ្រ​ចំពោះ​សង្គ្រាម​នៅ​អ៊ុយក្រែន គួរតែ​ត្រូវបាន​ហាមឃាត់​ដោយ​សហព័ន្ធ​អន្តរជាតិ ហើយ​ថា​ប្រទេស​រុស្ស៊ី​នឹងមិន​អនុញ្ញាត​ឲ្យ​ចូលរួម​ប្រកួត​ក្នុង​ព្រឹត្តិការណ៍​ជា​ក្រុម ក្នុង​ព្រឹត្តិការណ៍​កីឡា​អូឡាំពិក​ឆ្នាំក្រោយ​នៅ​ទីក្រុង​ប៉ារីស​ឡើយ​។

ដើម្បី​ទប់ស្កាត់​មនោសញ្ចេតនា​គាំទ្រ​សង្គ្រាម​នៅ​ក្នុង​ព្រឹត្តិការណ៍​នានា វា​ក៏បាន​ជំរុញ​អ្នក​រៀបចំ​ឲ្យ​ផ្អាក​អត្ត​ព​លិ​ក​ដែល​ប្រមាថ​ពី​ការប្រកួត​នា​ពេល​អនាគត​។ ជាងនេះទៅទៀត អត្ត​ព​លិ​ក​ដែល​ជាប់​កិច្ចសន្យា​ជាមួយ​យោធា​រុស្ស៊ី ឬ​បេឡា​រុស ឬ​ភ្នាក់ងារ​សន្តិសុខ​ជាតិ ត្រូវ​បានកំណត់​នឹងត្រូវ​បាន​រារាំង​មិន​ឲ្យ​ចូលរួម​ប្រកួត​ក្នុង​ព្រឹត្តិការណ៍​អន្តរជាតិ​ឡើយ​។

លោក Pozdnyakov ដែលជា​អតីត​ម្ចាស់​មេដាយមាស​អូឡាំពិក ៤ សម័យកាល នៅក្នុង​កីឡា​គុន​ដាវ​កាលពី​ឆ្នាំមុន បាន​លើកទឹកចិត្ត​អត្ត​ព​លិ​ក​រុស្ស៊ី ឲ្យប្រយុទ្ធ​ក្នុង​សង្គ្រាម​ប្រឆាំង​នឹង​អ៊ុយ​ក្រែ​ន។

«​ជំហរ​ដែល​បានប្រកាស​នៅថ្ងៃនេះ​ស្តីពី​ការមិន​ឲ្យ​ចូល​រួម​ក្នុងការ​ប្រកួត​អន្តរជាតិ​របស់​អត្ត​ព​លិ​ក​រុស្ស៊ី​ដែល​បាន​ចុះឈ្មោះ​ក្នុង​ជួរ​យោធា និង​ភ្នាក់ងារ​អនុវត្ត​ច្បាប់ ឬ​មាន​ទំនាក់ទំនង​តាម​កិច្ចសន្យា​ជាមួយ​ពួកគេ គឺ​មិនមែន​គ្រាន់តែ​ជា​ជំពូក​មួយ​ផ្សេងទៀត​នៅក្នុង​បញ្ជី នៃ​ទណ្ឌកម្ម​រើសអើង​សរុប​ដែល​បាន​បញ្ជាក់​នាពេល​ថ្មីៗ​នេះ​ទេ​។ យើង​ជឿ​ថា លក្ខណៈ​វិនិច្ឆ័យ​នេះ​ជា​មូលដ្ឋាន​សម្រាប់​ជម្លោះផ្ទៃក្នុង​ក្នុង​កីឡា​រុស្ស៊ី​។ វា​មាន​គោលដៅ​ផ្ទាល់​ក្នុង​ការ​បំបែក​សហគមន៍​របស់​អត្ត​ព​លិ​ក​រុស្ស៊ី ដោយ​បែងចែក​ពួកគេ​ទៅជា​អាច​ទទួលយកបាន និង​នៅសល់​»​។

«​ការសម្រេចចិត្ត​នេះ​គឺជា​រឿង​ហួសហេតុ គោលការណ៍​មូលដ្ឋាន នៃ​ធម្មនុញ្ញ​អូឡាំពិក ត្រូវបាន​បំពាន​។ ROC នឹង​បន្ត​ទំនាក់ទំនង​ជាមួយ​សហ​សេ​វិក​មកពី Lausanne​។ ប៉ារ៉ាម៉ែត្រ​ដែល​បានប្រកាស​គឺ​ពិតជា​មិនអាច​ទទួលយកបាន​នោះទេ​»​។ លោក​ប្រធាន ROC ដដែល​បាន​បន្ថែម​។​

IOC ក៏បាន​ប្រកាស​ដែរ​ថា ទណ្ឌកម្ម​ដែល​បាន​ដាក់​ក្នុង​ខែ​កុម្ភៈ ឆ្នាំ ២០២២ ក្រោយ​ការ​ឈ្លានពាន​របស់​រុស្ស៊ី មក​លើ​អ៊ុយ​ក្រែ​ន គួរតែ​នៅ​ដដែល​។

ទាំងនោះ​រួមមាន​ការ​ប្រកួត​កីឡា​អន្តរជាតិ មិនគួរ​ត្រូវ​បានរៀបចំ​ក្នុងប្រទេស​ទាំងពីរ គ្មាន​និមិត្តសញ្ញា​ជាតិ​ណា​ដែល​គួរ​បង្ហាញ ហើយក៏​មិនត្រូវ​ទទួលយក​ការប្រកួត​របស់​រដ្ឋាភិបាល ឬ​មន្ត្រី​រដ្ឋ​ក្នុង​ព្រឹត្តិការណ៍​នោះ​ដែរ​។

អនុសាសន៍​ចុងក្រោយ​ដែល Pozdynakov បាន​យក​បញ្ហា​ទាក់ទង​នឹង​កីឡា​ជា​ក្រុម និង​ព្រឹត្តិការណ៍​ក្រុម​ក្នុង​កីឡា​ជា​លក្ខណៈ​ឯកត្តជន។ វា​ចែងថា “​ក្រុម​អត្ត​ព​លិ​ក​ដែលមាន​លិខិតឆ្លងដែន​រុស្ស៊ី ឬ​បេឡា​រុស មិនអាច​ត្រូវបាន​គេ​ពិចារណា​បានទេ​”។

អតីត​រដ្ឋមន្ត្រី​កីឡា​របស់​រុស្ស៊ី និង​ជា​ម្ចាស់​មេដាយ​មាស​កីឡា​ហុក​គី លើ​ទឹកកក​អូឡាំពិក ២ សម័យកាល លោក Viacheslav Fetisov បាន​ចូលរួម​ក្នុង​ការ​ថ្កោលទោស​ចំពោះ​ការ​សម្រេច​ចិត្ត​របស់ IOC ផង​ដែរ៕

ប្រភព ៖ insidethegames.biz

អត្ថបទ ៖ មន្នីរ័ត្ន

The post ប្រធានអូឡាំពិករុស្ស៊ី ច្រានចោលអនុសាសន៍ចុងក្រោយរបស់ IOC ស្ដីពីរុស្ស៊ី និងបេឡារុស ថាជា”រឿងហួសហេតុ” appeared first on Kampuchea Thmey Daily.

IOC ក៏បាន​ណែនាំ​ផង​ដែរ​នូវ​ការ​ហាមប្រាម​លើ​អត្ត​ព​លិ​ក​ដែល​ជាប់កិច្ចសន្យា​ជាមួយ​យោធា​រុស្ស៊ី ឬ​បេឡារុស ឬ​ភ្នាក់ងារ​សន្តិសុខ​ជាតិ​។ រុស្សី និង​បេឡារុស ក៏​ត្រូវបាន​ហាមឃាត់​មិន​ឲ្យ​ចូលរួម​ក្នុង​កីឡា​ជា​ក្រុម ដូចជា​បាល់ទះ​ជាដើម​។

បន្ទាប់​ពីថ្ងៃ​ដំបូង នៃ​កិច្ចប្រជុំ​រយៈពេល​បី​ថ្ងៃ​របស់​ក្រុមប្រឹក្សា​ប្រតិបត្តិ ប្រធាន IOC លោក Thomas Bach បាន​អះអាង​ថា ស្ថាប័ន​គ្រប់គ្រង​នៅតែ​កំពុង​ពិចារណា​លើ​ការ​ដាក់​បញ្ចូល​រុស្ស៊ី និង​បេឡារុស នៅ​ក្នុង​ព្រឹត្តិការណ៍​កីឡា​អូឡាំពិក​ឆ្នាំក្រោយ​នៅ​ទីក្រុង​ប៉ារីស​។

លោក Bach បាន​អះអាង​ថា វា​មិន​សមស្រប​ទេ​ក្នុង​ការ​ផ្តល់​ពេលវេលា​សម្រាប់​ការ​សម្រេចចិត្ត​លើ​បញ្ហា​ដែល​បានបញ្ជាក់​ជាច្រើន​ដង​ថា ក្រុមប្រឹក្សា​ប្រតិបត្តិ IOC មិនទាន់បាន​ពិភាក្សា​អំពី​ទីក្រុង​ប៉ារីស ឆ្នាំ ២០២៤ នៅឡើយ​ទេ ប៉ុន្តែ​គ្រាន់តែ​ជា “​ការវិលត្រឡប់​ទៅកាន់​កីឡា​អន្តរជាតិ​” ប៉ុណ្ណោះ​។

ទោះបីជា​យ៉ាងណាក៏ដោយ លោក​មាន​ភាព​ម៉ឺងម៉ាត់​នៅ​ក្នុង​អនុសាសន៍​របស់​ខ្លួន​ថា អត្តពលិក​ណា​ដែល​បង្ហាញ​ដោយ​បើកចំហ​នូវ​សាមគ្គីភាព​ជាមួយ​រុស្ស៊ី និង​សង្គ្រាម​នៅក្នុង​ប្រទេស​អ៊ុយ​ក្រែ​ន មិនគួរ​ត្រូវ​បាន​អនុញ្ញាត​ឲ្យ​ចូលរួម​ប្រកួត​នោះ​ទេ។

នៅ​ក្រោម​លក្ខខណ្ឌ​ដែល​ចេញផ្សាយ​ដោយ IOC និយមន័យ នៃ​កីឡា​ជា​ក្រុម និង​ព្រឹត្តិការណ៍​ជា​ក្រុម​គួរតែ​អនុវត្ត​តាម​បទប្បញ្ញត្តិ​ផ្ទាល់​របស់​សហព័ន្ធ​អន្តរជាតិ។

នៅ​ឯ​ព្រឹត្តិការណ៍​កីឡា​អូឡាំពិក ឆ្នាំ ២០២០ ដែល​រៀបចំ​ឡើងវិញ​នៅ​ទីក្រុង​តូ​ក្យូ ប្រទេស​រុស្ស៊ី បាន​ឈ្នះ​មេដាយ​ចំនួន ២១ គ្រឿង ក្នុង​កីឡា​ជា​ក្រុម និង​ព្រឹត្តិការណ៍​នានា រួម​ទាំង​មេដាយ​មាស​ចំនួន ៧ គ្រឿង​ផង​ដែរ។

លោក Bach បាន​និយាយថា “​ក្រុមប្រឹក្សា​ប្រតិបត្តិ​របស់ IOC ថ្ងៃនេះ​ចេញ​ជូន​សហព័ន្ធ​អន្តរជាតិ និង​អ្នក​រៀបចំ​ព្រឹត្តិការណ៍​កីឡា​អន្តរជាតិ អនុសាសន៍​ដូច​ខាងក្រោម ៖

១.អត្ត​ព​លិ​ក​ដែលមាន​លិខិតឆ្លងដែន​រុស្ស៊ី ឬ​បេឡារុស ត្រូវតែ​បំពេញ​តែ​អត្ត​ព​លិ​ក​អព្យាក្រឹត​ប៉ុណ្ណោះ។

២.អត្ត​ព​លិ​ក​ជា​ក្រុម​ដែលមាន​លិខិតឆ្លងដែន​រុស្សី ឬ​បេឡារុស មិន​អាច​ពិចារណា​បានទេ។

៣.អត្ត​ព​លិ​ក​ដែល​គាំទ្រ​សង្គ្រាម​យ៉ាងសកម្ម​មិនអាច​ប្រកួតប្រជែង​បានទេ​។

៤.អ្នក​ដែល​គាំទ្រ​យ៉ាងសកម្ម​សង្គ្រាម​មិន​អាច​ចូល​បានទេ។

ប្រសិន​បើ​សហព័ន្ធ​អន្តរជាតិ​ធ្វើតាម​អនុសាសន៍​ទាំងនេះ វា​នឹង​កាត់ផ្ដាច់​ឱកាស​មេដាយ​របស់​រុស្ស៊ី។

នៅ​ទីក្រុង​តូ​ក្យូ ឆ្នាំ ២០២០ គណៈកម្មាធិការ​អូឡាំពិក​រុស្ស៊ី ដណ្ដើម​បាន​មេដាយ​ចំនួន ៧១ គ្រឿង ត្រលប់​ទៅផ្ទះ ដែល​ជា​លទ្ធផល​ល្អ​បំផុត​សម្រាប់​ក្រុម​អត្តពលិក​មក​ពី​ប្រទេស​នេះ ចាប់​តាំងពី​ទីក្រុង​អាថែន ឆ្នាំ ២០០៤ ដែល​ប្រទេស​នេះ​ឈ្នះ​បាន ៩០ គ្រឿង។

យ៉ាងណាមិញ កីឡា​ការិនី​គុន​ដាវ Sofya Velikaya ដែល​បាន​ឈ្នះ​មេដាយ​មាស និង​ប្រាក់ ក្នុង​កីឡា​ជា​ក្រុម​នៅ​ព្រឹត្តិការណ៍​បុគ្គល​នៅ​ទីក្រុង​តូ​ក្យូ គឺជា​មេ​កងកម្លាំង​ប្រដាប់​អាវុធ នាង​បាន​បញ្ជាក់​រួច​ហើយ​ថា នាង​នឹងមិន​ចូលរួម​ប្រកួត​ក្នុង​ព្រឹត្តិការណ៍​អូឡាំពិក​ដោយ​គ្មាន​ទង់ជាតិ និង​ភ្លេងជាតិ​របស់​រុស្ស៊ី​ឡើយ​។

IOC បាន​ព្រមាន អត្ត​ព​លិ​ក និង​បុគ្គលិក​គាំទ្រ​របស់​ពួកគេ​ត្រូវតែ​បដិសេធ​ពី​សកម្មភាព ឬ​ការ​ប្រាស្រ័យ​ទាក់ទង​ជាមួយ​និមិត្តសញ្ញា​ជាតិ​របស់​រុស្ស៊ី ឬ​បេឡារុស នៅ​គ្រប់​ការ​ប្រកួត​ទាំងអស់។ ដើម្បី​អនុវត្ត​ច្បាប់​នេះ ស្ថាប័ន​ពាក់ព័ន្ធ​ត្រូវ​ចាត់វិធានការ​តឹងរ៉ឹង៕

ប្រភព ៖ insidethegames.biz

អត្ថបទ ៖ មន្នីរ័ត្ន

The post អត្តពលិកឯកត្តជនរបស់ រុស្សី នឹងអនុញ្ញាតឲ្យចូលរួមប្រកួតអូឡាំពិក ២០២៤ លើកលែងតែអ្នកដែលគាំទ្រសង្គ្រាម appeared first on Kampuchea Thmey Daily.

អង្គការ​នេះ​ធ្លាប់​បាន​ប្រកាស​ថា ខ្លួន​កំពុង​ស្វែងរក​មធ្យោបាយ​ដើម្បី​ស្តារ​ប្រទេស​ទាំងពីរ​ឲ្យ​ក្លាយ​ទៅ​ជា​កីឡា​អន្តរជាតិ​ឡើងវិញ បន្ទាប់ពី​បាន​ផ្តល់​អនុសាសន៍​ពីមុន​ថា​ពួកគេ​ត្រូវ​បាន​ហាមឃាត់​ដោយសារ​តែ​ការ​លុកលុយ​លើ​ប្រទេស​អ៊ុយ​ក្រែ​ន​។ ជា​លទ្ធផល IOC បាន​ធ្វើការ​ប្រជុំ​ពិភាក្សា​ជា​បន្តបន្ទាប់​ជាមួយ​គណៈកម្មាធិការ​ជាតិ​អូឡាំពិក សហព័ន្ធ​អន្តរជាតិ តំណាង​អត្ត​ព​លិ​ក និង​សមាជិក​របស់ខ្លួន​។

ការពិភាក្សា​ផ្តោតលើ​ប្រធានបទ “​សាមគ្គីភាព​ជាមួយ​អ៊ុយ​ក្រែ​ន ការ​ដាក់​ទណ្ឌកម្ម​ប្រឆាំង​នឹង​រុស្ស៊ី និង​​បេឡារុស និង​ស្ថានភាព​អត្តពលិក​មក​ពី​ប្រទេស​ទាំងនេះ​”​។

នៅក្នុង​ការផ្លាស់ប្តូរ​ជំហរ​របស់ខ្លួន​លើ​បញ្ហា​បែកបាក់ IOC បានផ្តល់​យោបល់​ថា ប្រសិនបើ​រុស្ស៊ី និង​បេឡារុស ត្រឡប់មកវិញ វា​នឹង​ស្ថិត​នៅ​ក្រោម “​លក្ខខណ្ឌ​ដ៏​តឹងរ៉ឹង​” នៃ​អព្យាក្រឹតភាព។

ប្រធាន IOC លោក Thomas Bach បាន​ការពារ​ការសម្រេច​ចិត្ត​ក្នុងការ​ស្វែងរក​ការវិលត្រឡប់​របស់​អត្តពលិក​រុស្ស៊ី និង​​បេឡារុស ដោយ​ទទូច​ថា វា​មាន “​ការទទួលខុសត្រូវ​ចំ​ពោះ​សិទ្ធិមនុស្ស និង​ធម្មនុញ្ញ​អូឡាំពិក​”​។

សំណើ​មួយ​ដែល​ត្រូវបាន​ស្នើ​ឡើង​គឺ​អត្តពលិក​រុស្ស៊ី និង​បេឡារុស ដែល​ប្រកួតប្រជែង​ក្នុងការ​ប្រកួត​នៅ​អាស៊ី បានផ្តល់​ការ​រឹតបន្តឹង​ការធ្វើដំណើរ និង​ការ​ប្រឆាំងនឹង​ការចូលរួម​របស់​ពួកគេ​នៅ​អឺរ៉ុប​។

សហព័ន្ធ​អន្តរជាតិ (IFs) និង​សមាគម​កីឡា​អូឡាំពិក​ទ្វីប​ភាគច្រើន​បាន​ឈរ​ដោយ Bach និង IOC ក្នុង​ការ​គាំទ្រ​ការសម្រេចចិត្ត​របស់​ពួកគេ មិនមែន​សុទ្ធ​តែមាន​ទស្សនៈ​ដូចគ្នា​នោះទេ​។

ស្ថាប័ន​កីឡាអត្តពលកម្ម​ពិភពលោក ដែល​ជា​ស្ថាប័ន​សំខាន់​មួយ​នៅ​ក្នុង​ចលនា​អូឡាំពិក បាន​ប្រកាស​កាលពីដើម​សប្ដាហ៍​នេះ​ថា ខ្លួន​នឹង​រក្សា​ការ​ហាមឃាត់​លើ​ប្រទេស​រុស្ស៊ី និង​បេឡារុស សម្រាប់ “​អនាគត​ដ៏​ខ្លី​ខាងមុខ​”។ លើស​ពី​អង្គការ​កីឡា រដ្ឋាភិបាល​បាន​សម្ដែង​ការ​ព្រួយបារម្ភ​ជាមួយ​នឹង​ផែនការ​របស់ IOC។

ក្រុម​ប្រទេស​ចំនួន ៣៥ រួមទាំង​ម្ចាស់ផ្ទះ​បារាំង ដែល​រៀបចំ​អូឡាំពិក​ទីក្រុង​ប៉ារីស ឆ្នាំ ២០២៤ បាន​ជំរុញ​ឲ្យ​ស្ថាប័ន​គ្រប់គ្រង​កីឡា​ពិភពលោក បញ្ជាក់​ពី​និយមន័យ​អព្យាក្រឹតភាព​របស់​ខ្លួន ខណៈ​អ៊ុយ​ក្រែ​ន បាន​គំរាមកំហែង​ដឹកនាំ​ការ​ធ្វើ​ពហិការ​កីឡា​នៅ​ឆ្នាំក្រោយ​។

IOC បាន​និយាយ​នៅក្នុង​ការឆ្លើយតប​ទៅនឹង​សំណួរ និង​ចម្លើយ​កាលពី​សប្ដាហ៍​មុន​ថា “​ការ​គំរាមកំហែង​ដល់​ការធ្វើ​ពហិការ​កីឡា​អូឡាំពិក ដែល​គណៈកម្មាធិការ​អូឡាំពិក (NOC) នៃ​ប្រទេស​អ៊ុយ​ក្រែ​ន កំពុង​ពិចារណា​នាពេលនេះ វា​ផ្ទុយ​នឹង​មូលដ្ឋានគ្រឹះ នៃ​ចលនា​អូឡាំពិក និង​គោលការណ៍​ដែល​វា​តំណាង​ឲ្យ។ ការធ្វើ​ពហិការ​គឺជា​ការរំលោភ​លើ​ធម្មនុញ្ញ​អូឡាំពិក ដែល​តម្រូវ​ឲ្យ NOCs ទាំងអស់​ចូលរួម​ក្នុងការ​ប្រកួត​កីឡា​អូឡាំពិក​ដោយ​ការបញ្ជូន​អត្ត​ព​លិ​ក​។ ដូចដែល​ប្រវត្តិសាស្ត្រ​បានបង្ហាញ ការធ្វើ​ពហិការ​ពីមុនៗ មិនបាន​ឈានដល់​ការ​បញ្ចប់​នយោបាយ​របស់​ពួកគេ​ទេ ហើយ​គ្រាន់តែ​ដាក់ទណ្ឌកម្ម​អត្ត​ព​លិ​ក​ដែល​ធ្វើ​ពហិការ NOCs ប៉ុណ្ណោះ​”។

ក្រុម​អ្នក​រិះគន់​អះអាងថា អត្ត​ព​លិ​ក​រុស្ស៊ី និង​បេឡារុស នឹង​ត្រូវ​បាន​ប្រើប្រាស់​សម្រាប់​គោលបំណង​នយោបាយ​ដោយ​ប្រទេស​ទាំងពីរ ដែល IOC ទទូច​ថា នឹង​នៅតែ​ត្រូវ​បាន​ដាក់ទណ្ឌកម្ម​តាមរយៈ​ការ​ហាមឃាត់​លើ​និមិត្តសញ្ញា​ជាតិ និង​ការ​ធ្វើជា​ម្ចាស់ផ្ទះ​រៀបចំ​ព្រឹត្តិការណ៍​អន្តរជាតិ​ណាមួយ​។

ការពិភាក្សា​អំពី​ប្រទេស​រុស្ស៊ី និង​បេឡារុស ត្រូវ​បាន​គេ​រំពឹង​ថា នឹង​គ្របដណ្ដប់​លើ​ការ​ជជែក​ពិភាក្សា​នៅ​ក្នុង​កិច្ចប្រជុំ ប៉ុន្តែ​ចំណុច​សំខាន់​មួយទៀត​នៅ​ក្នុង​របៀបវារៈ​គឺ “​ម្ចាស់ផ្ទះ​នា​ពេល​អនាគត​សម្រាប់​កីឡា​អូឡាំពិក​រដូវរងា​”៕

ប្រភព ៖ insidethegames.biz

អត្ថបទ ៖ មន្នីរ័ត្ន

The post រឿងរ៉ាវអត្តពលិករុស្ស៊ី និងបេឡារុស ត្រូវបានដាក់ចូលជាធរមានលើរបៀបវារៈ កិច្ចប្រជុំគណៈកម្មាធិការអូឡាំពិកអន្តរជាតិ appeared first on Kampuchea Thmey Daily.