iphone 14 Archives - Kampuchea Thmey Daily

ទូរស័ព្ទតម្លៃកប់ៗក្រុមហ៊ុនធំ២ បន្តធ្លាក់ថ្លៃ ខណៈស៊េរីថ្មីត្រៀមបង្ហាញខ្លួន និងមួយទៀតទើបចេញ

Chan Sotheavy — Fri, 08 Sep 2023 12:00:00 +0000

ក្នុងចំណោមទូរស័ព្ទតម្លៃកប់ៗរបស់ក្រុមហ៊ុនម៉ាកធំៗនៅកម្ពុជា រួមមាន s23 Ultra របស់ក្រុមហ៊ុន Samsung; iPhone 14 Pro Max របស់ក្រុមហ៊ុន iPhone; Oppo find X របស់ក្រុមហ៊ុន Oppo និងទូរស័ព្ទកម្រិតខ្ពស់ របស់ក្រុមហ៊ុនទូរស័ព្ទដទៃផ្សេងទៀត កំពុងទម្លាក់តម្លៃរបស់ខ្លួនជាបន្តបន្ទាប់នៅតាមហាងទូរស័ព្ទនីមួយៗ។

ក្នុងចំណោមទូរស័ព្ទតម្លៃកប់ៗទាំងនោះ កម្ពុជាថ្មីសូមលើកយកតែម៉ាកល្បីរបស់កូរ៉េ និងអាមេរិកប៉ុណ្ណោះ រួមមាន Samsung និង iPhone ដែលត្រូវបានគេដឹងថា ជាក្រុមហ៊ុនម៉ាកល្បីខាងផលិតផលបច្ចេកវិទ្យា ពិសេសផ្តោតលើទូរស័ព្ទដៃ ដោយមានការប្រកួតប្រជែងគ្នាខ្លាំងបំផុត។

ជាទូទៅ តម្លៃដែលដាក់ចេញពីក្រុមហ៊ុនទូរស័ព្ទដៃគឺខុសគ្នាពីតម្លៃដាក់លក់ទីផ្សារ ក៏ព្រោះតែត្រូវបញ្ចូលសេវាពន្ធផ្សេងៗ ហេតុនេះ តម្លៃនៃការនាំចូលយកមកលក់បន្តតាមដេប៉ូលក់ទូរស័ព្ទដៃ ក៏ខុសៗគ្នាតិចតួចទៅតាមនោះដែរ តែជាមធ្យម អាចលើសតម្លៃដើមក្រុមហ៊ុន ជាង១០០ដុល្លារ ទៅ ២០០ដុល្លារ (សម្រាប់ការលក់លើទីផ្សារកម្ពុជា)។

យ៉ាងណាមិញ ខណៈពេលដែលម៉ូឌែលថ្មីដែលទើបនឹងចេញ និងមួយទៀតត្រៀមបង្ហាញខ្លួន នៅតាមដេប៉ូ និងក្រុមហ៊ុនចែកចាយទូរស័ព្ទ ចាប់ផ្តើមទម្លាក់តម្លៃប្រហែលជាង ៣០% នៃតម្លៃលក់ដើមឯណោះ។ ឯការលក់ គឺកំណត់តាមកន្លែងលក់ទូរស័ព្ទទាំងនោះ ដោយម៉ូឌែលខ្លះ ចេញភ្លាមលក់ក្នុងតម្លៃជាង ១១០០ដុល្លារ ទៅជិត ២ពាន់ដុល្លារ (តាមប្រភេទទំហំGB) មកនៅត្រឹមជាង ១ពាន់ដុល្លារ ឡើងទៅ ហើយគេរំពឹងថា អាចនឹងបន្តធ្លាក់ថ្លៃបន្ថែមទៀត ពិសេសក្រោយថ្ងៃចេញម៉ូឌែលថ្មីរបស់ក្រុមហ៊ុន Apple តែម្តង។

១. iPhone 14 Pro Max
ម៉ូឌែលនេះ ជាទូរស័ព្ទដែលមានសមត្ថភាពខ្លាំងបំផុតរបស់ Apple ដោយបំពាក់បច្ចេកវិទ្យាទំនើបៗ ទាំងអេក្រង់ដែលមានកាមេរ៉ាទំលុះអេក្រង់ ឯកម្លាំងម៉ាស៊ីនវិញក៏ខ្លាំង មានដាក់បន្ទះឈីប A16 Bionic ខ្នាត 4nm និងចំណុចពិសេសៗជាច្រើនទៀត។ iPhone 14 Pro Max បានចេញលក់លើទីផ្សារនៅអំឡុងខែកញ្ញា ឆ្នាំ២០២២ ដោយដាក់លក់នៅតាមដេប៉ូលក់ ក្នុងតម្លៃប្រហាក់ប្រហែលគ្នាប្រមាណជាង ១៥០០ដុល្លារ ។

ប៉ុន្តែឥលូវនេះ iPhone 14 Pro Max នៅសល់តម្លៃចន្លោះជាង ១០០០ដុល្លារស្តើងប៉ុណ្ណោះ ដោយផ្អែកតាមការដាក់លក់របស់ដេប៉ូលក់ទូរស័ព្ទដៃ ទៅតាមកម្មវិធីផ្តល់ជូនពិសេសរបស់ហាងនីមួយៗ ក្នុងតម្លៃខុសៗគ្នា។ ជាក់ស្តែង បើតាមតម្លៃ iPhone 14 Pro Max នៅហាងទូរស័ព្ទនីកា គឺនៅសល់ត្រឹម $1070 – $1170។

២. s23 Ultra
សម្រាប់អ្នកនិយមដេញស៊េរីទូរស័ព្ទ ប្រាកដជាស្គាល់ច្បាស់នូវសមត្ថភាពរបស់វា ព្រោះម៉ូឌែលមួយនេះជាទូរស័ព្ទ Flagship កម្រិតកំពូលរបស់ក្រុមហ៊ុន Samsung ដោយបំពាក់មកជាមួយ Hardware ទំនេីបខ្ពស់ៗ ពិសេសកម្លាំងម៉ាស៊ីនខ្លាំងកប់ Qualcomm Snapdragon 8 Gen2 For Galaxy ដែលជាការផលិតពិសេស សម្រាប់ s23 Ultra ។

s23 Ultra បានចេញលក់លើទីផ្សារនៅអំឡុងខែកុម្ភៈ ឆ្នាំ២០២៣ ក្នុងតម្លៃប្រហែលជាង ១៤០០ដុល្លារ តែឥលូវ ស្មាតហ្វូនម៉ូឌែលនេះ នៅសល់តម្លៃចន្លោះជាង ១០០០ដុល្លារស្តើង ឬក្រោមនេះប៉ុណ្ណោះ បន្ទាប់ពីម៉ូឌែលកប់មួយទៀតរបស់ក្រុមហ៊ុននេះ Galaxy Z Fold5 បានបញ្ចេញនៅក្នុងខែសីហា ឆ្នាំ២០២៣។

The post ទូរស័ព្ទតម្លៃកប់ៗក្រុមហ៊ុនធំ២ បន្តធ្លាក់ថ្លៃ ខណៈស៊េរីថ្មីត្រៀមបង្ហាញខ្លួន និងមួយទៀតទើបចេញ appeared first on Kampuchea Thmey Daily.

ប្តីប្រពន្ធឥណ្ឌា លក់កូនអាយុ៨ខែ យកលុយទិញ iPhone 14

Sok Sovann — Sat, 05 Aug 2023 08:14:01 +0000

ប្រព័ន្ធផ្សព្វផ្សាយឥណ្ឌា បានរាយការណ៍ពីហេតុការណ៍ដ៏គួរឲ្យភ្ញាក់ផ្អើលមួយ ពាក់ព័ន្ធនឹងទារកអាយុប្រាំបីខែម្នាក់ ដែលត្រូវបានឪពុកម្តាយលក់ឲ្យគេ ដើម្បីយកលុយទៅទិញទូរស័ព្ទ iPhone 14។

លោក Jadef និងលោកស្រី Stee មកពីរដ្ឋ West Bengal នៃប្រទេសឥណ្ឌា ស្រឡាញ់ទូរស័ព្ទ iPhone 14 ខ្លាំងណាស់ ថ្វីបើមានបញ្ហាហិរញ្ញវត្ថុ ព្រោះតែប្រាក់ចំណូលតិចក៏ដោយ។

ពួកគេចាប់ផ្តើមធ្វើឲ្យគ្រប់គ្នាសង្ស័យ ដោយតែពួកគេបានបង្ហោះរូបភាពក្នុងបណ្តាញសង្គម Instagram បង្ហាញពីជីវិតយ៉ាងស៊ីវិល័យ។

ការផ្លាស់ប្តូរជីវិតក្នុងរយៈពេលយ៉ាងខ្លីនេះ និងការបាត់ខ្លួនដ៏អាថ៌កំបាំងរបស់កូនអាយុប្រាំបីខែ បានធ្វើអ្នកជិតខាងសង្ស័យកាន់តែខ្លាំងឡើងៗ ដោយគេមានចម្ងង់ថា តើពួកគេមានប្រាក់ពីណាយកទៅទិញទូរស័ព្ទ iPhone ដែលមានតម្លៃជាង១២០០ដុល្លារ។

ទោះបីជាយ៉ាងណាក៏ដោយ សារព័ត៌មាន The Straitstimes រាយការណ៍ថា, នៅពេលគេសួរថាតើកូនប្រុសពួកគេនៅឯណា? ប្តីប្រពន្ធមួយគូនេះហាក់មិនសប្បាយចិត្តសោះ ហើយអះអាងថា បានទុកកូនឲ្យនៅជាមួយសាច់ញាតិ។

ដោយមិនជឿ អ្នកជិតខាងបានជូនដំណឹងទៅប៉ូលិស, ជាលទ្ធផលប៉ូលិសបានចាប់ខ្លួនប្រពន្ធឈ្មោះ Stee ខណៈប្តីឈ្មោះ Jadef កំពុងគេចខ្លួន។ ប្រពន្ធសារភាពថា នាងពិតជាបានលក់កូនដើម្បីទិញទូរស័ព្ទ iPhone 14 មែន ហើយថែមទាំងចង់លក់កូនស្រីអាយុប្រាំពីរឆ្នាំផងដែរ។

គួរបញ្ជាក់ថា នេះមិនមែនជាលើកដំបូងទេដែលឪពុកម្តាយលក់កូនដើម្បីប្រាក់។ កាលពី៣ឆ្នាំមុននៅប្រទេសចិន បុរសម្នាក់ បានលក់កូនប្រុសទើបនឹងកើត ឲ្យអ្នកទិញតាមអ៊ីនធឺណិតក្នុងតម្លៃ២២៩៤៦ដុល្លារ ព្រោះតែឪពុកអត់ការងារធ្វើ ហើយគ្មានប្រាក់អំឡុងវិបត្តិជំងឺរាតត្បាតកូវីដ១៩៕

ប្រែសម្រួល៖ Vann Vann

ប្រភព៖ THAIGER

ចុចអាន៖ iPhone 14 ទើបចេញក្តៅៗ មានមុខងារពិសេសៗ

The post ប្តីប្រពន្ធឥណ្ឌា លក់កូនអាយុ៨ខែ យកលុយទិញ iPhone 14 appeared first on Kampuchea Thmey Daily.

មកដល់ហើយ…. iPhone 14 ផ្លូវការ មានលក់ហើយ នៅ iOne ចាប់ពីថ្ងៃនេះតទៅហើយ

Sorn Phanith — Thu, 29 Sep 2022 08:05:01 +0000

ទីបំផុតក្រុមហ៊ុន iOne ដែលជាក្រុមហ៊ុន ទទួលបានសិទ្ធិលក់ផលិតផល Apple ដែលមានធានាត្រឹមត្រូវស្របច្បាប់ នៅក្នុងទីផ្សារប្រទេកម្ពុជា បានដាក់លក់ជាផ្លូវការហើយនូវទូរស័ព្ទ iPhone ម៉ូដែលថ្មីរបស់ Apple គឺ iPhone 14, iPhone 14 Pro និង iPhone 14 Pro Max ដែលជាទូរស័ព្ទដែលកំពុងមានការគាំទ្រច្រើនខ្លាំងពីសំណាក់អតិថិជន ដែលនិយមប្រើប្រាស់ទូរស័ព្ទ iPhone របស់ក្រុមហ៊ុន Apple នៅពាសពេញពិភពលោក ក៏ដូចជាក្នុងព្រះរាជាណាចក្រកម្ពុជា។

កាលពីព្រឹកថ្ងៃទី ២៨ ខែកញ្ញា ឆ្នាំ ២០២២ កន្លងទៅ iOne ក៏បានរៀបចំផ្តល់ជូននូវទូរស័ព្ទសម្រាប់អតិថិជនធ្វើការកុម្ម៉ង់ទុកជាមុននូវម៉ូដែលទាំងបីខាងលើ ក្នុងសប្តាហ៏មុននេះនៅគ្រប់សាខារបស់ iOne ទាំងអស់។ ដោយឡែកម៉ូដែល iPhone 14 Plus និងមកដល់ជាផ្លូវការក្រោយគេ គឺនៅក្នុងខែតុលា ឆ្នាំ ២០២២ ខាងមុខ។

ដូចនេះអតិថិជនដែលមានបំណងជាវទូរស័ព្ទ iPhone 14, iPhone 14 Pro, iPhone 14 Pro max ឬបង់រំលស់ ជាមួយអត្រាការប្រាក់ទាប ក៏ដូចជាមានបំណងចង់ឃើញរូបរាងផ្ទាល់ អតិថិជនអាចអញ្ជើញទៅសាខាណាមួយរបស់ iOne ចាប់ពីថ្ងៃផ្សាយដំណឹងនេះតទៅ។ បញ្ជាក់គ្រប់ផលិតផលសុទ្ធតែងមានធានាត្រឹមត្រូវផ្លូវការ ពី Apple។

សម្រាប់ព័ត៌មានលម្អិត ក៏ដូចជាមើលផ្ទាល់នូវផលិតផលដាក់តាំងបង្ហាញ អតិថិជនអាចទៅកាន់សាខាទាំងពីររបស់ iOne ដូចខាងក្រោម៖

iOne សែនសុខ៖ ជាន់ទី ១ ផ្សារទំនើប អ៊ីអនម៉លសែនសុខស៊ីធី ផ្លូវ ១០០៣ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ទូរស័ព្ទលេខ៖ ០២៣ ៩៩៣១៦១។

iOne សុធារស៖ ជាន់ទី ១ ផ្សារទំនើបអ៊ីអនភ្នំពេញ ផ្លូវ សុធារស សង្កាត់ទន្លេបាសាក់ ខណ្ឌចំការមន រាជធានីភ្នំពេញ ទូរស័ព្ទលេខ៖ ០២៣ ៩៩៣១៨១៕

The post មកដល់ហើយ…. iPhone 14 ផ្លូវការ មានលក់ហើយ នៅ iOne ចាប់ពីថ្ងៃនេះតទៅហើយ appeared first on Kampuchea Thmey Daily.

iPhone 14 ទើបចេញក្តៅៗ មានមុខងារពិសេសៗ

Sok Sovann — Thu, 08 Sep 2022 00:59:51 +0000

ក្នុងការធ្វើបទបង្ហាញរយៈពេល ៩០ នាទីនៅទីស្នាក់ការកណ្តាលរបស់ក្រុមហ៊ុនក្នុងរដ្ឋកាលីហ្វ័រញ៉ា ក្រុមហ៊ុន Apple បានបង្ហាញស្មាតហ្វូនស៊េរីថ្មីកាលពីថ្ងៃពុធទី០៧ខែកញ្ញា ដែលមានតម្លៃប្រហាក់ប្រហែលនឹងម៉ូដែលមុនផងដែរ។

លក្ខណៈពិសេសរបស់ iPhone 14 ថ្មីរួមមាន ថ្មកាន់បានយូរជាងមុន និងសមត្ថភាពថតរូបថ្មី (ultra wide) និងការកំណត់ពន្លឺតិច។

iPhone 14 និង iPhone 14 Plus

ទូរស័ព្ទនេះ ក៏មានមុខងារ “SOS សង្គ្រោះបន្ទាន់” ដើម្បីបើកការផ្ញើសារទៅកាន់សេវាសង្គ្រោះបន្ទាន់នៅពេលដែលស្ថិតនៅកន្លែងគ្មាន Wifi ផងដែរ។

ទោះបីជាយ៉ាងណាក៏ដោយ Apple នៅតែរក្សាក្បាលឆកដដែលសម្រាប់ iPhone 14 និង iPhone 14 Plus។

iPhone 14 Plus មានអេក្រង់ទំហំធំ ៦.៧ អ៊ីញ ដែលផ្តល់នូវបទពិសោធន៍កាន់តែប្រសើរនៅពេលលេងហ្គេម ឬមើលវីដេអូ។

ម៉ូដែលទាំង២ គឺប្រើប្រាស់ឈីប A15 Bionic ប៉ុន្តែបានដករន្ធដាក់ស៊ីម ទៅប្រើ eSIM វិញ។

ចំពោះកាមេរ៉ា, Iphone 14 មានកាមេរ៉ា ទំហំដល់ 48MP ភ្ជាប់មុខងារ Stabilization ជួយទប់លំនឹងពេលថតវីដេអូបានខ្លាំងជាងមុនទៀត ឯកាមេរ៉ាមុខមានទំហំ 12MP f/1.5។

ងាកមកមើល iPhone 14 Pro និង iPhone Pro Max វិញ, ម៉ូដែលទាំង២នេះ មិនមានឆកទេ តែជំនួសមកវិញដោយការរចនាថ្មីដែលគេឲ្យឈ្មោះថា Dynamic Island។

ម៉ូដែលទាំង២ ប្រើប្រាស់ឈីប A16 Bionic 4nm និងបំពាក់កាមេរ៉ា 48MP។

ចំពោះតម្លៃ iPhone 14 Pro គឺ ៩៩៩ដុល្លារ ហើយសម្រាប់ម៉ូដែល iPhone 14 Pro Max មានតម្លៃ ១៩៩៩ដុល្លារ (ទាំងនេះគឺជាតម្លៃនៅស្រុកក្រៅ)៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ Apple ដំឡើងថ្លៃទូរសព្ទ iPhone ជិតមួយភាគប្រាំ នៅ ជប៉ុន

The post iPhone 14 ទើបចេញក្តៅៗ មានមុខងារពិសេសៗ appeared first on Kampuchea Thmey Daily.