ប្រសិនបើអ្នកគាំទ្រដែលតាមដាន​បណ្តាញ​សង្គម​ Instagram ផ្ទាល់របស់នាង ប្រាកដជាដឹងច្បាស់ថា អ្នកមេម៉ាយ​ចាយ​រាង Janie មានជំនឿលើនាគ Naga នៅពេលណាដែលនាងមានពេលទំនេរ និងមានឱកាស ជារឿយៗតែងតែទៅ​វត្តធ្វើបុណ្យ និងបដិបត្តិធម៌ ជាមួយកូនស្រីសំណព្វចិត្ត រួមជាមួយនឹងក្រុមមិត្តភ័ក្តិជិតស្និទ្ធ។ ជាពិសេស​ជំនឿ​​របស់​នាង​​ចំពោះ​នាគ​ដែល​នាង​តែងតែ​បង្ហាញនៅលើគណនីផ្ទាល់នេះ បានធ្វើឲ្យមនុស្សជាច្រើនចាត់ទុកថា នាងជាមនុស្សស្រីដ៏សប្បុរសធម៌ និងគោរពស្រលាញ់ទៅលើសត្វនាគមិនធម្មតាឡើយ។

យ៉ាងណាមិញ កាលពីពេលថ្មីៗនេះ តារាស្រីវ័យ៤៣ឆ្នាំ បានប្រកាសដំណឹងដ៏ធំ ដោយចែករំលែកការបង្ហោះជាមួយនឹងសារសប្បាយរីករាយថា «Janie Tienphosuwan ត្រៀមកោរសក់ហើយ ចូលរៀនព្រះធម៌នៅប្រទេសស្រីលង្កាឆ្នាំនេះ ដើម្បីចូលសាសនាផង និងសិក្សាព្រះធម៌ឲ្យបានពេញលេញ។ បន្ទាប់មក Janie នឹងទៅរាយការណ៍ប្រាប់ Pawatinee (ស្ត្រី​ដែល​ទទួល​ខុស​ត្រូវ​ក្នុង​ការ​ពិនិត្យ​មើល​គុណវុឌ្ឍិ​របស់​ស្ត្រី​ដែល​នឹង​ត្រូវ​តែងតាំង​ជា​ដូនជី) នៃ​ប្រទេស​ស្រីលង្កា ។

តាម​រយៈ​សារ​ខាង​លើ​នេះ ទស្សនិកជន​អាច​មើល​ឃើញ​ពី​ការ​តាំង​ចិត្ត​ដ៏មុតមាំរបស់តារាស្រី Janie ក្នុង​ការ​សិក្សា​ព្រះ​ធម៌​យ៉ាង​ហ្មត់ចត់។ ដោយក្នុងនោះ មានទាំងដំណើរ​ការ​នៃ​ការ​បួស​ជា​ដូនជី ចាប់ផ្តើម​ដោយ​ការ​កោរ​សក់ ព្រមទាំងរាយការណ៍​ទៅ​កាន់អ្នកគ្រប់គ្រង ឬមនុស្សសំខាន់ក្នុងដំណើរការតែងតាំងជាដូនជីនៅប្រទេសស្រីលង្កា។

នៅក្នុងព្រឹត្តិការណ៍នេះផងដែរ អ្នកគាំទ្ររបស់តារាស្រីបានចូលមកបញ្ចេញមតិ និងចូលរួមអបអរសាទរនាង ដែលសម្រេចចិត្តដើរនៅលើវិថីព្រះធម៌ ដែលខ្លួនបានជ្រើសរើសមកជាយូរ។ ប៉ុន្តែ ក៏នៅតែមានមនុស្សជាច្រើនឆ្ងល់ថា ហេតុអ្វីបានជាតួស្រីក្នុងរឿង «Plerng Boon» នៅមិនទាន់រកឃើញស្នេហាពិត ទាំងដែលនាងស្ថិតនៅវ័យជ្រេគួរសម ហើយក៏ជាស្រ្តីដែលរៀបការដល់ទៅ២ដង តែសុទ្ធតែបរាជ័យផ្ទួនៗគ្នា៕

អត្ថបទ៖ សាង ស្រីល័ក្ខ

ចុចអាន៖ជួបទុក្ខផ្ទួនៗមែនពិត តួព្រះនាងត្រចៀកកាំ នៅតែរឹងមាំផ្លូវចិត្ត ប្រឹងរស់ដោះស្រាយបញ្ហាតែម្នាកឯង

The post តារាថៃ Janie បួសជាដូនជីនៅស្រីលង្កា ត្រៀមសិក្សាព្រះធម៌កាន់តែជ្រាលជ្រៅជាងនេះ appeared first on Kampuchea Thmey Daily.

យ៉ាងណាក៏ដោយ តាមរយៈរូបភាពប៉ុន្មានសន្លឹករបស់តួថៃរូបនេះបង្ហោះ បែរជាទទួលរងនូវការរិះគន់មិនសំចៃពីសំណាកមនុស្សមួយក្រុមថា នាងប្រាកដជាមានជំងឺមិន​ឃ្លាន​អាហារ ដែល​មើល​ទៅ​មិន​ល្អ​ទាល់​តែ​សោះ។ ជាពិសេសអ្នកលេងអ់ីនណេតដដែលបានចោទសួរទៅកាន់រូបនាងថា ហេតុអ្វីនាង​ភាព​ក្លាហាន​ក្នុង​ការ​បង្ហោះ​រូបភាព​មាន​តែ​ឆ្អឹងដណ្តប់ស្បែកបែបនេះ?

ទន្ទឹមនឹងមានអ្នកបង្អាប់រូបរាងមេម៉ាយចាយរាង ក៏មានហ្វេនៗជាច្រើនបានចូលមកលើកទឹកចិត្តដល់ Janie វិញថា ថ្វីដ្បិតតែថានាងមានអាយុជ្រេមែនពិត ប៉ុន្តែមុខមាត់ដ៏គួរឲ្យស្រលាញ់និង​ក្មេងជាងវ័យនេះសបញ្ចាក់ថា ពេលវេលាមិនអាចកែសម្រស់នាងបានពិតមែន។ ជាពិសេស ពីមួយថ្ងៃទៅមួយថ្ងៃតារាស្រីយើងកាន់តែក្មេងជាងវ័យ ទោះជាមិនតុបតែងខ្លួនក៏ដោយ។

យ៉ាងណាមិញ ក៏មិនមែនជាលើកទីមួយទេដែលមានអ្នកចូលទៅបញ្ចេញមតិអាក្រក់ៗរិះគន់រូបរាងតួកឯកស្រីថៃរូបនេះ កន្លងមកឲ្យតែនាងបង្ហោះរាងរៅច្បាស់ៗ ដឹងតែថាមានអ្នកនិយាយនូវសម្ដីអាក្រក់ៗទាក់ទិននឹងរាងកាយស្គមសល់តែឆ្អឹងជាដើម។

លើសពីនេះទៀត Janie ​ក៏ធ្លាប់បកស្រាយអំពីរូបរាងស្គមស្គាំងតាមរយៈពិធីករប្រុសដ៏ល្បីប្រចាំប្រទេសថៃ​ លោក WOODY ដោយទទួលស្គាល់ថា នាងពិតបានស្រកទំងន់អស់ជាង៩គីឡូមែន។ ព្រោះ​កាល​នៅ​ជា​តួ​ឯកស្រី ​គឺ​ត្រូវរក្សា​សមាមាត្រ​ក្នុងនាមជាតារាសម្ដែង។ ប៉ុន្តែពេលនេះ នាងក្លាយជាតារាបង្ហាញម៉ូដឲ្យផលិតផល ដូច្នះត្រូវតម្រូវតាមទីផ្សារការងារវិញ។

តារាសម្ដែងរៀមច្បងរូបនេះក៏បានបញ្ចាក់ទៀតថា នាងអត់ខ្វល់អ្នករិះគន់នាងថាជាមនុស្សចម្លែកឡើយ។ មិនមែននាងមិនដឹងទេថា មានមនុស្សចូលមកបញ្ចេញមតិយោបល់មានទាំងអ្នកព្រួយបារម្ភនិងរិះគន់នោះ។ ប៉ុន្តែនាងនៅតែអរគុណដល់អ្នកគាំទ្រ ដែលទទួលយកនាងមិនថានាងផ្លាស់ប្ដូរបែបណាឡើយ៕

អត្ថបទ៖ សាង​​ ស្រីល័ក្ខ

ចុចអាន៖អតីត​តារា​ម៉ូ​ដែលម្នាក់ស្រែកសុំជំនួយ ក្រោយសារធាតុ​ចាក់បំពេញ​ផ្ទៃមុខ​ធ្វើទុក្ខខ្លាំង

The post មេម៉ាយចាយរាង Janie បង្អួត​ប៊ីគីនីទៅហ្វេន បែរត្រូវគេរិះគន់ស្គមកំព្រឹងដូចខ្មោច appeared first on Kampuchea Thmey Daily.

មិនឲ្យមហាជនមានមន្ទិលសង្ស័យយូរទេ តារាសម្ដែងស្រីរាងស្វែង Janie បានធ្វើការពន្យល់ពីមូលហេតុដែលរូបនាងនៅសុខៗស្រាប់តែលេចមុខធ្វើឲ្យក្រុមហ៊ុនផ្សេងបែបនេះ។ នាងបាន​លាតត្រដាង​ពី​មូលហេតុ ដោយទម្លាយ​ថាមួយ​រយៈ នេះនាងទទួលបានការងារឯករាជ្យ​​ជាងមុន ប៉ុន្តែយ៉ាងណាខ្លួននៅតែ​ស្រលាញ់​ប៉ុស្ដិ៍​លេខ​៣​ដដែល ហើយ​ត្រៀម​ខ្លួន​ធ្វើ​ការ​ជាមួយ​គ្នា​ជានិច្ច។ ជាពិសេសនាងថានៅតែធ្វើការជាមួយលោកស្រី Pinkamol Maleenont ទោះជាមានការងារថ្មីចូលមកក៏ដោយ​។​ ទៅថ្ងៃខាងមុខ បើប៉ុស្តិ៍​លេខ​៣មានព្រឹត្តិការណ៍បាល់ទាត់ឬអ្វីក៏ដោយនាងនឹង​ត្រឡប់​ទៅ​កាន់​ប៉ុស្តិ៍​វិញដដែល។

មិនត្រឹមតែប៉ុណ្ណឹងទេ តារាស្រីកូនមួយរាងនៅតែស្អាតរូបនេះថែមទាំងព្រលយទៀតថា កម្មវិធី​របស់ប៉ុស្តិ៍លេខ 7HD បាន​ធ្វើ​ឲ្យរូបនាងកាន់តែមាន​ទំនុក​ចិត្ត​លើ​ខ្លួន​នាង​កាន់​តែ​ខ្លាំង។ នាងថា អតីតកាល​ប្រៀប​ដូច​ជា​បទ​ពិសោធន៍​មួយ​ដែល ធ្វើឲ្យយើងមិន​ទាន់​ស្គាល់​ខ្លួន​ឯង ១០០%។ នៅពេលដែលយើងធ្វើអ្វីមួយដែលថ្មី ហើយវាធ្វើឲ្យនាងកាន់តែមានទំនុកចិត្តលើអ្វីដែលនាងបានធ្វើ និងនិយាយ។ ដូច្នេះ​កាលដែលនាងមកកាន់កម្មវិធីក្រៅពីប៉ុស្តិ៍លេខ៣ វាប្រៀបដូចជាការងារថ្មីមួយដែលឲ្យនាងស្កាល់មនុស្សជាច្រើនផងដែរ។

ទោះបីជារូបនាងបានបកស្រាយលម្អិតទាក់ទិននឹងវត្តមានខ្លួណលេចមុខក្នុងប៉ុស្តិ៍លេខ៧យ៉ាងណាក្ដី។ ប៉ុន្តែងាកទៅកាន់ទស្សនិកជនជាច្រើននៅតែមានមន្ទិលសង្ស័យថា​ នាងអាចប្ដូរទ្រនំចាកចេញពីប៉ុស្តិ៍លេខ៣ហើយ។ គ្រាន់តែតារាស្រីរៀមច្បងយើងពុំចង់បកស្រាយឲ្យច្បាស់ការតែប៉ុណ្ណោះ។ ដោយហេតុថា​ ទំនាក់ទំនងរវាងនាងនិងប៉ុស្តិ៍លេខ៣ គឺនៅតែដដែលប៉ុណ្ណោះ៕

អត្ថបទ៖ សាង ស្រីល័ក្ខ

ចុចអាន៖​មិនស្មានថា Aum ងប់ងុលនឹងតារាប្រុសចិនមួយរូប ទាល់ស្ដាប់សំឡេងគេទើបគេងលក់

The post ធ្វើការឲ្យប៉ុស្ដិ៍លេខ ៣ ថៃសុខៗ បែរលេចមុខ Janie នៅប៉ុស្ដិ៍លេខ ៧ យ៉ាងរំភើយ appeared first on Kampuchea Thmey Daily.

តាមរយៈ Instagram ផ្ទាល់ខ្លួនរបស់រូបនាង​ Janie ស្លៀក​ឈុត​ទេវតា​បង្ហាញ​រាង និង​ចង្កេះ​ដ៏​ល្អ​ឥត​ខ្ចោះ​ អមជាមួយនឹងស្លាបពណ៌សភ្លឺចាំងរឹតតែបង្កើតភាពឆើតឆាយទ្វេដងផងដែរ។​​ ជាមួយគ្នានោះដែរ តារាសម្ដែងថៃរូបនេះបានសរសេរ​​ចំណង​ជើង​ជាភាសាអង់គ្លេសថា «Universe show me how good it gets ដែលមានន័យថា សកលលោក បង្ហាញខ្ញុំពីរបៀបដែលវាទទួលបាន​»។

ទន្ទឹមនោះដែរ អ្នកគាំទ្ររួមទាំងហាជន​ជា​ច្រើន​ ក៏​បញ្ចេញ​មតិ​ដូច​គ្នា​ថា Janie​ពិតដូចគេថាមិនខុសមែនកាន់តែមានជ្រេកាន់តែស្រស់ស្អាតលើសមុនទៀត។ អ្វីដែលពិសេសនាពេលនេះពួកគេមិនអាចបែងចែកបានថាតើនាងជាមនុស្សឬជាទេវតានោះទេ។

ទោះបីជាយ៉ាងណាក៏ដោយ ក៏មិនមែនជាលើកទីមួយដែលតារាស្រីរៀមច្បងរូបនេះបង្ហោះរូបភាពសិចស៊ីបង្អួតរូបរាងទៅកាន់ភ្នែកសាធារណជនដែរ។​ កាលពីឆ្នាំ២០២៣ ជារឿយៗ នាងតែងតែបង្ហោះនូវរូបភាពស្រើបស្រាលខ្លាំងទាំងស្រាតននោលគកក៏មាន​ ហើយតាមរយៈរូបភាពខាងលើនេះ វាត្រឹមជារូបមួយដ៏សាមញ្ញប៉ុណ្ណោះ​ សម្រាប់អ្នកម្ដាយកូនមួយ៕

អត្ថបទ៖ សាង ស្រីល័ក្ខ

ចុចអាន៖ដោយសារនឹកកូនស្រីខ្លាំង ស្ត្រី ថៃ បោះដៃអោបកូនតាមកាំមេរ៉ាសុវត្ថិភាព ខណៈអ្នកទស្សនាយំគ្រប់គ្នា

The post Janie បង្អួតសម្រស់លើឆាក Miss Grand ខេត្ត Saraburi ខណៈគេសរសើរស្អាតខ្លាំងក្នុងវ័យ ៤២ឆ្នាំ​ appeared first on Kampuchea Thmey Daily.

តាមរយៈគណនី Instagram​ ផ្ទាល់របស់តារាសម្ដែងរៀមច្បង Janie បានតែបង្ហោះរូបភាពជាច្រើនសន្លឹក ក្នុងសម្លៀកបំពាក់ពណ៌ក្រែមដ៏ស៊ិចស៊ី​ ខណៈដែលកាយវិការរបស់នាងនីមួយៗបង្ហាញខ្លួនអេនអន ស្ទីលសិចស៊ីមិនចោលឡើយ។

អ្វីដែលកាន់តែចាប់អារម្មណ៍ខ្លាំងបំផុតនោះគឺជារាងរៅរបស់ Janie កាន់តែស្គមស្គាំងជាងមុនទ្វេរដង ចំណែកឯឆ្អឹងជំនីរអាចមើលឃើញយ៉ាងច្បាស់។ ជាពិសេសនោះទៀតសោត បើប្រៀបធៀបគ្នាទៅសម្រស់របស់នាងនិងអាយុហាក់មិនស៊ីត្រួតគ្នាទាល់តែសោះ។​ ស្របពេលដែលអាយុរបស់តារាសម្ដែង Janie​ ឈានចូល៤២ឆ្នាំទៅហើយ ប៉ុន្តែរូបរាងរបស់នាងនៅតែស្វែលស្អាត​ មិនថមថយទៅតាមអាយុទាល់តែសោះ។

តាមរយៈរូបភាពច្រើនសន្លឹកក្នុងព្រឹត្តិការណ៍នេះផងដែរ បានធ្វើឲ្យអ្នកគាំទ្រជាច្រើនសម្រុកចូលទៅបញ្ចេញមតិសរសើរលើនាងយ៉ាងភ្លូកទឹកភ្លូកដី រួមទាំងតារាស្រី Ploy Chermarn ក៏បាន Comment ថា ស្អាតពេកមិនដឹងថាគួរសរសើរយ៉ាងម៉េចផង!”

ថ្វីបើយ៉ាងណាក៏ដោយ នេះក៏មិនមែនជាលើកទីមួយសម្រាប់នាងក្នុងការហ៊ានបញ្ចេញឈុតស្រើបស្រាលបែបនេះជាសាធារណៈដែរ កាលពីថ្ងៃបុណ្យនៃក្ដីស្រលាញ់ Janie ​ធ្លាប់បានបង្ហោះឈុតស្រាតគ្មានសល់រំលេចរូបរាងផ្អើលអស់អ្នកសិល្បៈថៃនិងមហាជនជាច្រើន។ ប៉ុន្តែ ទោះជាកាលណោះជាឈុតស្រាតអស់គ្មានសល់សំលៀកបំពាក់ក៏ពិតមែន ប៉ុន្តែអ្នកគាំទ្រនាងនៅតែពេញចិត្តការបង្ហោះរូបភាពសិចស៊ីបែបនេះជាសាធារណដដែល។

លើសពីនេះទៀត មហាជនបានសម្រុកគាំទ្រនិងបញ្ចេញមតិសរសើរនូវរាងរៅរបស់ Janie ថាស្អាតខ្លាំង បើទោះបីជារូបនាងមានកូនហើយក្ដី។ ក្នុងនោះមានមតិមួយចំនួនបានពោលពាក្យបែបលេបខាយថា Valentine’s day ឆ្នាំនេះនាងវ៉ាជែងលើសគេទៀតហើយ។ បើនិយាយរឿងហ៊ានបញ្ចេញសាច់ ឥលូវនាងស៊ីដាច់គេ ហើយថែមទាំងជាប់ឈ្មោះជាតារាស្រីមានរាងស្អាតថែមទៀតផង។

យ៉ាងណាមិញ ក្រឡេកមកមើលជីវិតឯកជនរបស់តួឯកស្រីនិយមដើរតួឆ្នាសឆ្នើមរូបនេះវិញ មួយរយៈធំមកនេះទស្សនិកជននៅតែលេចឮពាក្យចចាមអារ៉ាម ទាក់ទងនឹងការលែងលះជាមួយស្វាមីវ័យក្មេង ស្របពេលដែលគូស្វាមីភរិយាមិនទាន់ចេញមុខបកស្រាយនូវឡើយទេ។ ប៉ុន្តែពួកគេម្នាក់ៗបែរជាបង្ហោះរូបធម្មតាលើគណនីផ្ទាល់ខ្លួនរៀងៗខ្លួន ដោយបញ្ចាក់ថាមិនខ្វល់នឹងការបកស្រាយជូនអ្នកគាំទ្រសោះឡើយ៕

អត្ថបទ៖ សាង ស្រីល័ក្ខ

ចុចអាន៖កូនស្រីបង្កើត Brad Pitt បង្ហាញចេតនាប្រឆាំងកូនចិញ្ចឹម Pax Thien ចង់ឲ្យគ្រួសារជុំគ្នាវិញ

The post Janie បញ្ចេញឈុតសិចស៊ីម្ដងទៀត ទោះបីជាអាយុជ្រេក៏លែងខ្វល់ appeared first on Kampuchea Thmey Daily.

ថ្វីបើយ៉ាងនេះក្ដី ចំពេលមានពាក្យចចាមអារ៉ាមជាច្រើន ទាំង Janie និង Mickey មិនទាន់ចេញមុខផ្តល់បទសម្ភាសណាមួយជុំវិញរឿងនេះនៅឡើយទេ ខណៈដែលភាគីស្វាមីនៅតែរស់នៅក្នុងជីវិតធម្មតា ដោយផ្តោតសំខាន់លើសុខភាព និងកូនស្រីតែម្នាក់ប៉ុណ្ណោះ។ ប៉ុន្តែថ្មីៗនេះ ​តាមរយៈ IG Stories , លោកបានឆ្លើយសំណួររបស់អ្នកលេងអ៊ីនធឺណិតអំពីបញ្ហាសុខភាពផ្សេងៗ រហូតមាន​អ្នក​គាំទ្រ​ជា​ច្រើនបាន​ចូល​មក​សួរ​នាំបញ្ហាគ្រួសារ​ បន្ទាប់ពីឃើញមានរូបភាពមិនប្រក្រតីជាច្រើន។

ទោះយ៉ាងណាក៏ដោយ លោកបានមិនបានឆ្លើយតបលើសលស់ទៅកាន់អ្នកគាំទ្រ ពីបញ្ហាគ្រួសារសូម្បីតែបន្តិចណាឡើយ។ លើសពីនេះ Mickey នៅតែចែករំលែកនូវនាទីនៃការធ្វើម្ហូបដែលមានសុខភាពល្អសម្រាប់មហាជនបានឃើញជាដដែល។ ចំណែក​រឿង​ពាក្យ​ចចាមអារ៉ាម​លែងលះ​បញ្ចប់​ជីវិត​អាពាហ៍ពិពាហ៍​៦​ឆ្នាំ​នោះ តើ​ការពិត​យ៉ាង​ណា​នោះ ទស្សនិកជនមានតែត្រូវ​រង់ចាំ​ស្តាប់​ចម្លើយ​ពី​គូស្នេហ៍ចេញមុខប៉ុណ្ណោះ។

ម្យ៉ាងវិញទៀត Janie មិនទាន់ចេញមុខបកស្រាយអ្វីបន្ថែម ទាក់ទងនឹងពាក្យចចាមអារ៉ាមអំពីការលែងលះរវាងខ្លួន និងស្វាមីវ័យក្មេងរបស់នាង Mickey ដូចគ្នា។ ដូច្នេះហើយ វាធ្វើឲ្យពាក្យចចាមអារ៉ាមអំពីការលែងលះបញ្ចប់អាពាហ៍ពិពាហ៍រយៈពេល ៦ឆ្នាំរបស់ Janie និង Mickey នៅតែមិនច្បាស់លាស់ទាល់តែសោះ។

សូមជម្រាបជូនថា តារាសម្ដែង​ Janie Tienphosuwan​​ និងស្វាមី Mickey Alapach បានសម្រេចចិត្តចូលរោងការនៅថ្ងៃទី១៩ ខែតុលា ក្រោមការសាទរយ៉ាងព្រោងព្រាតពីសំណាក់អ្នកគាំទ្រនិងមិត្តរួមអាជីព។ មកទល់ពេលនេះជីវិតអាពាហ៍ពិពាហ៍របស់អ្នកទាំងពីរមានរយៈពេល ៦ឆ្នាំ ព្រមទាំងបន្សល់កូនស្រីម្នាក់ជាចំណងដៃថែមទៀតផង៕

អត្ថបទ៖​ សាង ​ស្រីល័ក្ខ

ចុចអាន៖បាត់មុខយូរ តារាកំប្លែងថៃ Chusi ធ្លាក់ខ្លួនដេកតាមវត្តអារាម

The post ស្វាមី Janie បង្ហោះរូបធម្មតា ទោះផ្ទុះពាក្យចចាមអារ៉ាមលែងលះភរិយាស្ងាត់ៗ appeared first on Kampuchea Thmey Daily.

​បើទោះបីជាឈានដល់អាយុ៤២ឆ្នាំហើយក្ដី​ ប៉ុន្តែតារាសម្ដែងនិងម៉ូដែលរូបនេះនៅតែទាក់ទាញសម្រស់និងត្រូវគេដាក់រហស្សនាម​ថា ជាអ្នក​ម្ដាយ​មានមុខ​ក្មេងជាងវ័យ។ អ្វីដែលជាទីចាប់អារម្មណ៍ខ្លាំងរបស់មហាជននោះគឺជារូបភាពធ្វើលិខិតឆ្លងដែនដែលនាងបង្ហោះតាមរយៈ Instagram ផ្ទាល់ខ្លួន ជាមួយនឹងចំណងជើងបែបលេបខាយថា “ការពិនិត្យមើលការធ្វើលិខិតឆ្លងដែនថ្ងៃនេះ”។

យ៉ាងនេះក្ដី ភ្លាមៗនោះដែរ ​អ្នក​លេង​អ៊ីនធឺណិតជាច្រើន​បាន​សម្រុក​ចែកចាយ​រូបថត​ខាង​មុខដោយបង្ហាញពីមុខដ៏ល្អឥតខ្ចោះរបស់ស្ត្រីអាយុ ៤២ ឆ្នាំ ស្រស់ស្អាត និងល្អឥតខ្ចោះគ្រប់ទំហំ ដោយមិនចាំបាច់ពឹងផ្អែកលើកម្មវិធីកែរូបថតបន្ថែមនោះទេ។​

លើសពីនេះទៀតដែរ ទស្សនិកជនជាច្រើនបានចូលទៅបញ្ចេញមតិសរសើរលើសម្រស់របស់នាងយ៉ាងព្រោងព្រាត។ ក្នុងនោះម្នាក់ៗបានលើកថា ​រូបថត​លិខិតឆ្លងដែន​ឯណាស្អាត​ម្ល៉េះ? Janie ​ស្លៀកពាក់​ធម្មតា​សោះ នាង​ស្អាត​ណាស់ទៅហើយ។ ជាពិសេសពេលនេះ ក៏ជាអ្នកម្ដាយកូនមួយទៀតបើក្រឡេកមើលសម្រស់វ៉ាដាច់ក្រមុំទៅហើយ៕

អត្ថបទ៖ សាង ស្រីល័ក្ខ

ចុចអាន៖Lee Min-ho ធ្វើឲ្យ Bella អៀនខ្មាសនឹងរូបរាងរបស់លោក ក្រោយឃើញមុខគ្នាផ្ទាល់

The post រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ appeared first on Kampuchea Thmey Daily.

តាមរយៈការចុះផ្សាយដោយសារព័ត៌មានកម្សាន្តរបស់ថៃ Sanook បានបង្ហោះរូបភាពរបស់អ្នកម្ដាយកូនមួយ​ Janie Tienphosuwan ក្នុងឈុតននោលគកបែបកូនភ្លោះ ក្នុងអត្ថន័យដែលនាងចង់បង្ហាញក្ដីស្រលាញ់របស់នាងដល់មនុស្សគ្រប់គ្នា។

ទន្ទឹមនឹងនោះទៀតសោតតារាស្រីវ័យ៤២ឆ្នាំរូបនេះ បានសរសេរសំណេរដើម្បីអបអរទិវានៃក្ដីស្រលាញ់ថា “សម្រាប់ថ្ងៃបុណ្យនៃសេចក្តីស្រលាញ់ឆ្នាំនេះ Jane ចង់ផ្តល់ក្តីស្រលាញ់ដល់ខ្លួនឯង។ រាល់ពេលដែលយើងជួបឧបសគ្គ ឬពាក្យសម្តីដែលធ្វើឲ្យបេះដូងយើងឈឺចាប់ មនុស្សដែលនៅក្បែរយើងពិតប្រាកដគឺខ្លួនយើងផ្ទាល់។ Jane ចង់ប្រាប់អ្នកទាំងអស់គ្នាថា កុំភ្លេចអរគុណខ្លួនឯងនៅថ្ងៃដ៏ល្អ ហើយ​ដើម្បី​លួង​លោម​ខ្លួន​ឯង​ក្នុង​ថ្ងៃ​អាក្រក់ផងដែរ។ ព្រោះ​នៅ​ទី​បំផុត​មិន​ថា​ជួប​រឿង​លំបាក​យ៉ាង​ណា​ក្នុង​ជីវិត ការស្រលាញ់ខ្លួនឯងនឹងនាំយើងឆ្លងកាត់អ្វីទាំងអស់។ វាជាអ្វីដែលយើងគួរស្រលាញ់បំផុត។ សូម​ឱប​ខ្លួនឯងនៅថ្ងៃនេះឲ្យ​តឹងណែនបំផុត! រីករាយ​ថ្ងៃបុណ្យ​នៃ​សេចក្តី​ស្រលាញ់អ្នកទាំងអស់គ្នា”។

ទោះយ៉ាងណាក៏ដោយ ទស្សនិកជនជាច្រើនដែលនិយមតាមដាន Janie កន្លងមក​​ ក្រោយបានទស្សនានូវរូបភាពរបស់នាងបង្ហោះលើបណ្ដាញសង្គមអ៉ិនធើណេត ម្នាក់ៗស្ទើរដាច់ផ្ងារសារជាថ្មីម្ដងទៀតសឹងមិននឹកស្មានថា ឥលូវនាងហ៊ានដល់ម្លឹងសោះ។ ថ្វីបើជាឈុតស្រាតអស់គ្មានសល់សំលៀកបំពាក់ក៏ពិតមែន ប៉ុន្តែអ្នកគាំទ្រនាងនៅតែពេញចិត្តការបង្ហោះរូបភាពសិចស៊ីបែបនេះជាសាធារណដដែល។

លើសពីនេះទៀត មហាជនបានសម្រុកគាំទ្រនិងបញ្ចេញមតិសរសើរនូវរាងរៅរបស់ Janie ថាស្អាតខ្លាំង បើទោះបីជារូបនាងមានកូនហើយក្ដី។ ក្នុងនោះមានមតិមួយចំនួនបានពោលពាក្យបែបលេបខាយថា Valentine’s day ឆ្នាំនេះនាងវ៉ាជែងលើសគេទៀតហើយ។ បើនិយាយរឿងហ៊ានបញ្ចេញសាច់ ឥលូវនាងស៊ីដាច់គេ ហើយថែមទាំងជាប់ឈ្មោះជាតារាស្រីមានរាងស្អាតថែមទៀតផង៕

អត្ថបទ៖ សាង ស្រីល័ក្ខ

ចុចអាន៖គូស្នេហ៍ខុសវ័យ Aff-Nonkul បង្ហោះរូបស្វាគមន៍ថ្ងៃបុណ្យនៃសេចក្តីស្រលាញ់

The post ទិវា​ក្តី​ស្រឡាញ់ឆ្នាំនេះ Janie ដាក់ឈុតស្រាត​អបអរមួយទំហឹង appeared first on Kampuchea Thmey Daily.