នៅពេលដែលកម្មវិធីចាប់ផ្តើមជាមួយនឹងបទចម្រៀង «I Really, Really Love You» លោក Jerry Yan បានយកខ្សែកមួយចេញដោយស្ងាត់ៗ ជាអំណោយដែលលោកបានឲ្យទៅសាន់ឆាយ នៅក្នុងរឿង F4។ គាត់បានព្យួរខ្សែកនោះយ៉ាងស្រាលនៅលើតេឡេស្កុបនៅលើឆាក បន្ទាប់មកបិទភ្នែក ប៉ះកែវយឹត ហើយចាប់ដៃអធិស្ឋាន។ ទស្សនិកជនទាំងមូលបានស្ងាត់ស្ងៀម។

រូបភាពនេះបានបង្កើតឡើងវិញនូវឈុតឆាកបុរាណពីរឿងភាគ ដែលតួអង្គទាំងពីរសម្លឹងមើលផ្កាយជាមួយគ្នា។ នៅក្នុងព្រឹត្តិការណ៍នេះផងដែរ នៅពេលដែលបទភ្លេង “Meteor Rain” ចាក់ ទស្សនិកជនបានច្រៀងតាម។ នៅលើប្រព័ន្ធផ្សព្វផ្សាយសង្គម មនុស្សជាច្រើនបានបង្ហាញពីអារម្មណ៍របស់ពួកគេ ដោយនិយាយថា ពេលវេលានេះគឺជាការចងចាំរួមគ្នារបស់ទស្សនិកជនជំនាន់មួយដែលបានធំឡើងជាមួយរឿង Meteor Garden។

Jerry Yan និង Barbie Hsu បានជួបគ្នានៅឆ្នាំ ២០០១ ខណៈពេលកំពុងចូលរួមក្នុងរឿង Meteor Garden។ អស់រយៈពេលជាច្រើនឆ្នាំក្រោយមក សិល្បករទាំងពីរនាក់បានរក្សាមិត្តភាពជិតស្និទ្ធ។ ពីមុនលោកបានចែករំលែកជាសាធារណៈថា សាន់ឆាយមានឥទ្ធិពលពិសេសលើជីវិតរបស់គាត់ ហើយតែងតែគាំទ្រ និងលើកទឹកចិត្តគាត់ក្នុងអំឡុងពេលលំបាក៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

តួអង្គ តាវ មីងសឺ ទប់ទឹកភ្នែកលែងជាប់ នៅមុខផ្នូរ សាន់ឆាយ

The post តួអង្គ តាវ មីងសឺ កាន់ខ្សែ ក រម្លឹកដល់ សាន់ឆាយ លើឆាកតន្រ្តីទាំងរំជួលចិត្ត appeared first on Kampuchea Thmey Daily.

តារាសម្ដែងវ័យ៤៨ឆ្នាំរូបនេះបានបើកឡាន Tesla របស់គាត់ឆ្លងកាត់ខ្យល់បក់ខ្លាំងនៃព្យុះទីហ្វុង Yang Liu មុនពេលចេញក្រៅ ហើយចាប់ដៃជាមួយ Wang Zhaojie និង Jia Yongjie បានអមដំណើរគាត់ ទៅកាន់ផ្នូររបស់មិត្តរួមអាជីពអស់រយៈកាលដ៏យូរបំផុត។

យ៉ាងណា បើតាមមើលសកម្មភាពរបស់ Jerry Yan គឺហាក់មានសភាពពោរពេញដោយភាពសោកសៅនិងក្ដីអាណិតអាសូរជាពន់ពេក។ ឈរ​នៅ​មុខ​ផ្នូរហាក់តួឯកប្រុសទប់​ទឹក​ភ្នែក​មិន​បាន ហើយ​យំ​ចំ​ពេល​មាន​ខ្យល់​បក់​ខ្លាំង។ ភ្លាំៗនោះ Jia Yongjie បានទះស្មាគាត់តិចៗ បង្កើតជាឈុតឆាកដ៏ខ្លោចចិត្តសម្រាប់អ្នកទស្សនានូវឃ្លិបមួយនោះ។

ការបង្ហាញខ្លួននេះដែរ វាបាននាំយកមកវិញនូវអនុស្សាវរីយ៍ជាច្រើននៃមនោសញ្ចេតនានៅលើកញ្ចក់អេក្រង់រវាងតួ តាវ មីងសឺ និងតួ សាន់ឆាយ នៅក្នុងក្នុងរឿងF4 ដែលបានទាក់ទាញអ្នកទស្សនាពាសពេញអាស៊ី។ ជាពិសេស អ្នកទាំងពីរត្រូវបានមហាជនផ្គូផ្គងជាគូស្នេហ៍ថែមទៀតផង ដែលកាលណោះក្លាយជាការចងចាំដែលអ្នកគាំទ្ររឿងភាគមិនអាចបំភ្លេចបានឡើយ៕

អត្ថបទ៖ សាង ស្រីល័ក្ខ

ចុចអាន៖តួសម្តែង​ តាវ មីងសឺ  ស្រាប់តែរម្លឹកឈ្មោះ នាង​សាន់​ឆាយ​ ជាមនុស្សសំខាន់ក្នុងជីវិត​លោក​

The post តួអង្គ តាវ មីងសឺ ទប់ទឹកភ្នែកលែងជាប់ នៅមុខផ្នូរ សាន់ឆាយ appeared first on Kampuchea Thmey Daily.

តារាសម្តែងវ័យ៤៨ឆ្នាំ បាននិយាយថា រហូតមកដល់បច្ចុប្បន្ននេះ Barbie នៅតែហៅឈ្មោះលោកថា តាវ មីងសឺ  ដែលជាឈ្មោះតួអង្គនៅក្នុងភាពយន្ត «Meteor Garden ឬ ស្នេហាបួនដួង» ។ ជារឿយៗ នាង​តែង​តែ​ជា​មនុស្ស​សំខាន់ ហើយ​មិន​ដែល​អវត្តមាន​ក្នុង​ជីវិត​របស់​លោក​ម្ដងណាឡើយ។

តួ F4 តៃវ៉ាន់រូបនេះថែមទាំំងបញ្ជាក់​ទៀតថា «នៅពេលណាដែលខ្ញុំជួបការលំបាក ខ្ញុំបានទូរស័ព្ទទៅនាង ហើយនិយាយរាប់ម៉ោង រហូតដល់ព្រឹកព្រលឹមក៏មាន។ នាងតែងតែលើកទឹកចិត្តខ្ញុំ ផ្តល់ទំនុកចិត្ត និងកម្លាំងឲ្យខ្ញុំជានិច្ច»។

យ៉ាងណាក៏ដោយ នៅពេលពេល​សរសេរ​សារ​នេះតារាសម្ដែង Jerry ​ថា ​គាត់​តែងតែគិត​ពី​នាង​មុន​ចូល​គេង ហើយចាត់ទុកសាន់ឆាយគឺជាគ្រូបង្រៀន តែងតែជួយពេលគាត់មានអារម្មណ៍ថាជាប់គាំងក្នុងជីវិត។ មានរឿងល្អៗជាច្រើនអំពីនាង ប៉ុន្តែដោយសារគាត់មិនពូកែក្នុងការបញ្ចេញមតិ ទើបមិនដឹងថាត្រូវសរសេរយ៉ាងដូចម្ដេច។ ជាចុងក្រោយ លោកក៏បានថ្លែងអំណរគុណដល់មិត្តចាស់ និងជូនពរនាងជួបតែសេចក្តីសុខគ្រប់ប្រការ។ ជាពិសេសសូមឲ្យនាងទៅកាន់ទីស្ងប់សុខ។

នៅក្រោមការបង្ហោះរបស់ Jerry អ្នកគាំទ្រជាច្រើនបានបញ្ចេញមតិថា បាត់ Barbie តែចំណងមិត្តភាពរបស់លោកនៅតែមានចំពោះនាងជារៀងរហូត។ ក្នុងនោះដែរ ក៏មានការចាប់អារម្មណ៍ពីមិត្តភាពរយៈពេល ២៤ ឆ្នាំរបស់តារាទាំងពីរ ទោះជាម្នាក់បានទទួលមរណភាព តែម្នាក់ទៀតនៅតែទុកការចងចាំនេះតែម្នាក់ឯង។ ទន្ទឹមនោះដែរ ទង្វើរបស់តួ តាវ មីងសឺ  ក៏ត្រូវបានគេជឿថា លោកធ្វើនេះគឺដើម្បីការពារកេរ្តិ៍ឈ្មោះរបស់មិត្តចាស់ ខណៈដែលកាលពីពេលថ្មីៗនេះ នាងត្រូវគេអូសទាញចូលទៅក្នុងរឿងអាស្រូវជាបន្តបន្ទាប់ រវាងអតីតស្វាមី Wang Xiaofei និងភរិយាថ្មីរបស់គាត់។

គួរបញ្ចាក់ដែរថា Jerry Yan កើតនៅឆ្នាំ ១៩៧៧ ហើយបានលេចមុខក្នុងរឿងភាគល្បីៗជាច្រើនដូចជា «Meteor Garden, The Hospital, Hot Shot ជាដើម។ ទាំង Jerry Yan និង Barbie អ្នកទាំងពីរធ្លាប់បានសហការគ្នាលើរឿងភាគតៃវ៉ាន់មួយក្រោមចំណងជើងថា «Meteor Garden ឬ ស្នេហាបួនដួង» ដែលចាក់ផ្សាយកាលពីកំឡុងឆ្នាំ ២០០១។ ស៊េរីនេះ បាននាំឲ្យសិល្បករទាំងពីរកាន់តែមានឈ្មោះល្បីល្បាញក្នុងបញ្ជីតារាលំដាប់ A និងធ្វើឲ្យពួកគេមានទស្សនិកជនស្រលាញពេញចិត្តទូទាំងទឹកដីអាស៊ី៕

អត្ថបទ៖ សាង ស្រីល័ក្ខ

ចុចអាន៖ជាលើកដំបូង មហាជនបានឃើញមុខមាត់ពិត របស់កូនស្រី នាង​សាន់ឆាយ

The post តួសម្តែង​ តាវ មីងសឺ  ស្រាប់តែរម្លឹកឈ្មោះ នាង​សាន់​ឆាយ​ ជាមនុស្សសំខាន់ក្នុងជីវិត​លោក​ appeared first on Kampuchea Thmey Daily.

តារាសម្ដែងជើងចាស់ Jerry Yan បានសរសេរសារទៅកាន់តារាស្រី Barbie ថា “ខ្ញុំពិតជារីករាយណាស់ដែលបានជួបអ្នក។ នៅពេលដែលអ្នករស់នៅក្នុងជីវិតដ៏មានសេរីភាពដូចជាកូនក្មេង អ្នកតែងតែនិយាយថា ត្រូវចាត់ទុករាល់ថ្ងៃឲ្យដូចជាថ្ងៃចុងក្រោយនៃជីវិត ហើយធ្វើរឿងឲ្យបានច្រើន។ ពេលនេះ យកពេលវេលារបស់អ្នក ហើយទៅតាមសម្រួលចុះ។ ចាប់ពីថ្ងៃនេះតទៅ នៅពិភពលោកផ្សេង អ្នកមានពេលវេលាស្ងប់ស្ងាត់ ដោយមិនមានអ្វីមករំខានហើយ។”

គួរបញ្ជាក់ផងដែរថា Jerry Yan គឺជាតារាសម្ដែងប្រុសដ៏មានប្រជាប្រិយភាពខ្លាំងនៅក្នុងរឿង F4 ដែលដើរតួឯក តោ មិញស៉ឺ ជាមួយតួស្រី សាន់ ឆាយ ដែលសម្ដែងដោយ Barbie Hsu នេះឯង។ តាមរយៈសាររបស់ Jerry បានឲ្យដឹងថា អ្នកទាំងពីរនៅតែមានមិត្តភាពជាមួយគ្នា បើទោះបីជាមិនបានជួបមុខគ្នាទៀតក៏ដោយចុះ៕

The post តោ មិញស៊ឺ ដៃគូចាស់ បង្ហាញអារម្មណ៍រន្ធត់ចិត្ត ចំពោះការស្លាប់របស់ តួអង្គសាន់ ឆាយ appeared first on Kampuchea Thmey Daily.

យ៉ាងណាក៏ដោយ​ កាលពីពេលថ្មីៗនេះផងដែរ តាវ មីងសឺ ឬតួប្រុស F4 ត្រូវទស្សនិកជនជាច្រើនលើកមករឭកឡើងវិញនូវតួលេខរបស់ Jerry Yan​ កាលពីថ្ងៃទី ០១ ខែមករា ឆ្នាំ ២០២៤​ ខណៈដែលពេលនេះលោកបានឈានចូលអាយុ ៤៧ឆ្នាំហើយ។ ប៉ុន្តែភាពស្រស់សង្ហារបស់តារាតៃវ៉ាន់ នៅតែបញ្ចេញពន្លឺចែងចាំង ទាក់ដួងចិត្តអ្នកគាំទ្រស្រីៗនៅអាស៊ី។

ត្បិតតែ​អាយុរាងជ្រេក៏ពិតមែន​ ប៉ុន្តែបើក្រឡេកមើលអាជីពការងាររបស់អតីតតួ តាវ មីងសឺ វិញ ដូចដែលប្រិយមិត្តបានដឹងស្រាប់ហើយថា លោករកពេលសម្រាកគ្មានជាមួយការងារសិល្បៈ។ ថ្វីបើពេលពេលវេលាកន្លងផុតទៅយ៉ាងណាក៏ដោយ តែភាពស្រស់សង្ហាសាច់តឹងណែនរបស់តួអង្គប្រុសរូបនេះ​ តែងតែទាក់ទាញអ្នកទស្សនាទូទាំងពិភពលោកជានិច្ច។

លើសពីនេះទៀតសោត ទោះបីជារឿងភាគ Meteor Garden បានបញ្ចប់ទៅជិត២៣ឆ្នាំហើយក្ដី ប៉ុន្តែ Jerry នៅតែរក្សាតំណែងជាតួឯកប្រុសជាមួយតារាសម្ដែងចិនស្រករក្រោយ Xu Ruohan ដែលមានអាយុ២១ ឆ្នាំ។​ ខ្សែរឿងមនោសញ្ចេតនា មួយនេះបានកែសម្រួលពីសៀវភៅមួយក្បាល ទទួលបានការចាប់អារម្មណ៍យ៉ាងខ្លាំងពីទស្សនិកជន និងអ្នកលេង​អ៊ីនធឺណែត ដោយមនុស្សជាច្រើននិយាយថា Jerry នៅតែជា Idol នាពេលបច្ចុប្បន្ននេះដដែល៕

អត្ថបទ៖ សាង ស្រីល័ក្ខ

ចុចអាន៖បាត់មុខជិត ២០ ឆ្នាំ តួឯកស្រីរឿង “អ្នកប្រមាញ់ទីក្រុង”សល់ប្រាក់ប៉ុន្មានក្នុងដៃនាពេលនេះ?

The post អាយុក្បែរ ៥០ឆ្នាំ តែសម្រស់តួ តាវ មីងសឺ នៅតែឆក់យកដួងចិត្តទស្សនិកជនស្រីៗ appeared first on Kampuchea Thmey Daily.

នៅក្នុងព្រឹត្តិការណ៍ប្រព័ន្ធផ្សព្វផ្សាយក្នុងប្រទេសចិន លោក Jerry ត្រូវបានសួរអំពីរបៀបដែល​គាត់រក្សាសន្តិភាព និងតុល្យភាពផ្លូវចិត្តជាពិសេសពាក់ព័ន្ធនឹងសម្រស់ក្មេងវ័យរបស់លោក។ តារា​ឆ្លើយប្រុសរូបនេះបានឆ្លើយ​តបថា “វាសាមញ្ញណាស់សម្រាប់ខ្ញុំ ពីព្រោះជាទម្លាប់​ខ្ញុំ​មិន​ប្រើ​ទូរស័ព្ទ​ទាល់តែ​សោះ។ ខ្ញុំ​គិត​ថា ទូរស័ព្ទ​មាន​គុណសម្បត្តិ និង​គុណវិបត្តិ​របស់​វា។ ក្នុង​ពេល​បច្ចុប្បន្ន​នេះ មាន​ព័ត៌មាន​លើស​ចំណុះ ហើយ​អ្នក​ទទួល​បានព័ត៌មានច្រើន​ពី​ពិភព​ខាង​ក្រៅ។ ខ្ញុំ​មាន​អារម្មណ៍​ថា​ពេលខ្លះ រឿងទាំងនេះ​អាច​រំខាន​ដល់​ល្បឿន​ដែល​អ្នក​រស់នៅ​យ៉ាង​ងាយស្រួល។ ដូច្នេះ ខ្ញុំ​កម្រ​ប្រើ​ទូរស័ព្ទ​ណាស់ ហើយ​ខ្ញុំ​មិន​អាន​ព័ត៌មាន​ប្រភេទ​ណា​សម្រាប់​កម្សាន្ត​ទេ”។

យ៉ាងណាមិញ​ក្រោយ​ទស្សនិកជន​ដែលជាអ្នកគាំទ្រតួឯកប្រុសក្នុងរឿង F4 បានដឹង​ចម្លើយ​រួច​ហើយ​ពួកគេ​សឹង​មិន​នឹកស្មាន​ថា Jerry Yan ពិតជាកំពូលតារាមាន​ទម្លាប់ល្អ​ក្នុងខ្លួន។ ដែលនេះ​ធ្វើ​ឲ្យ​លោក​មាន​សន្តិភាព​ផ្លូវ​ចិត្ត​ ហើយ​សម្រស់ក៏កាន់តែក្មេងជាងមុនថែមទៀត។​ តាមពិត​អាថ៌កំបាំង​នៅ​ជិត​បង្កើយ​សោះ! ជាមួយគ្នានេះដែរ កាលពីឆ្នាំមុន Jerry ថែមទាំងបានទស្សនារឿង Meteor Garden ឆ្នាំ២០០១ សម្រាប់កម្មវិធីចម្រុះ ដោយអ្នកគាំទ្រនិយាយថាគាត់​នៅតែមើលទៅដូចគាត់កាលពី ២ ទសវត្សរ៍មុនណាស់។

សូមរម្លឹកថាបច្ចុប្បន្ននេះ Jerry សម្ដែងក្នុងរឿង Xia Hua ជាមួយតារាសម្ដែងចិន Xu Ruohan ដែលមានអាយុ២១ ឆ្នាំ។​ ខ្សែរឿងមនោសញ្ចេតនា ដែលត្រូវបានកែសម្រួលពីសៀវភៅមួយក្បាល ទទួលបានការចាប់អារម្មណ៍យ៉ាងខ្លាំងពីទស្សនិកជន និងអ្នកនិយមលេង​អ៊ីនធឺណែត ដោយមនុស្សជាច្រើននិយាយថា Jerry នៅតែជា Idol នាពេលបច្ចុប្បន្ននេះ៕

ប្រែសម្រួល៖ សាង ស្រីល័ក្ខ

ចុចអាន៖អាយុក្បែរ ៥០ ឆ្នាំ តែអតីតតួឯកប្រុស F4 តៃវ៉ាន់ នៅតែមាំទាំដូចប្រុសកំលោះ

ចុចអាន៖បាត់មុខឈប់សម្ដែង តាមពិតតួសិចស៊ី Shu Qi មានជំងឺអាឡ័កស៊ីធ្ងន់ធ្ងរ

The post អតីតតួឯកប្រុស តាវ មីងសឺ ថា ដើម្បីមានតុល្យភាពផ្លូវចិត្ត លោកមិនដែលប្រើទូរស័ព្ទទេ appeared first on Kampuchea Thmey Daily.

ជាក់ស្ដែង​កាលពីថ្ងៃទី ២១ ខែកុម្ភៈ កន្លងទៅនេះ Jerry បានបង្ហោះ​រូបភាព​ខ្លួនឯង និងសរសេរ Caption ថា គាត់ចូលចិត្តរាល់ថ្ងៃនោះគឺ Xiaohan ហើយរូបភាពប៉ុន្មានសន្លឹកនេះក៏បានទាក់ទាញអ្នកគាំទ្រជាច្រើនចូលមកបញ្ចេញមតិ​ថារូបលោកពិតជាសង្ហា​ខ្លាំង​ណាស់។ លើស​ពី​នេះ​ទៅ​ទៀត អ្នកខ្លះថែមទាំងថា លោក​នៅ​តែ​មើល​ទៅ​ក្មេង មិនដូចមនុស្សអាយុក្បែរ៥០ឆ្នាំ សូម្បីតែបន្តិចណា។

Jerry ជា​តារា​ចម្រៀង​ប្រុស​តៃវ៉ាន់ និងជាសមាជិកនៃក្រុម Four ក្រោយមកឈ្មោះ​ត្រូវបានប្តូរ​ទៅជា JVKV ។ លោកក៏ត្រូវបានគេស្គាល់យ៉ាង​ច្បាស់ថា ជាតួឯកប្រុសក្នុងរឿង Meteor Garden ក្នុងឆ្នាំ២០០១ ដោយសម្ដែងជាតួ Dao Ming Shi បើទោះបីជា ២២ ឆ្នាំ​បាន​កន្លង​ផុតទៅ​ជាមួយ​នឹង​តួនាទី​បែប​នេះ​ក្ដី ប៉ុន្តែ​ភាព​សង្ហារ​បស់​តារា​ប្រុស​រូបនេះ​មិន​បាន​ថយ​ចុះ​សូម្បី​តែ​បន្តិច​ណា​ឡើយ។ ជាងនេះទៅទៀត ក្នុងតំណែងជាតួឯក តារា​ចម្រៀង​ប្រុស​តៃវ៉ាន់​ Jerry នៅតែអាចដើរតួជាមួយក្មេងស្រីៗស្រករក្រោយ ដោយពុំមានការពិបាកសោះឡើយ៕

ចុចអាន៖បាត់មុខឈប់សម្ដែង តាមពិតតួសិចស៊ី Shu Qi មានជំងឺអាឡ័កស៊ីធ្ងន់ធ្ងរ

The post អាយុក្បែរ ៥០ ឆ្នាំ តែអតីតតួឯកប្រុស F4 តៃវ៉ាន់ នៅតែមាំទាំដូចប្រុសកំលោះ appeared first on Kampuchea Thmey Daily.