Jessi Archives - Kampuchea Thmey Daily

Jessi រួចផុតពីសំណាញ់ច្បាប់ ក្រោយរកមិនឃើញភ័ស្ដុតាងវាយដំអ្នកគាំទ្រ

សាង ស្រីល័ក្ខ — Fri, 08 Nov 2024 08:46:23 +0000

ស្ថានីយ៍ប៉ូលីស Seoul Gangnam បានបញ្ចប់ការស៊ើបអង្កេតរបស់ខ្លួនលើ Jessi ពាក់ព័ន្ធនឹងឧប្បត្តិហេតុវាយដំអ្នកគាំទ្រ ដែលបានកើតឡើងនាថ្ងៃទី ២៨ ខែកញ្ញា នៅតំប់ន់ Gangnam ទីក្រុងសេអ៊ូល នៅពេលដែលអ្នកគាំទ្រម្នាក់បានចូលទៅជិតរូបនាងដើម្បីថតរូប ប៉ុន្តែត្រូវបានរំលោភបំពានដោយបុរសម្នាក់ដោយគេជឿថា ជាអ្នកស្គាល់គ្នាជិតស្និទ្ធជាមួយតារាចម្រៀងរ៉េប។

យ៉ាងណា ហិង្សានេះត្រូវបានថតជាប់លើកាមេរ៉ា CCTV ក្រោយមកឃ្លិបនោះត្រូវបានចេញផ្សាយជាសាធារណៈដោយ JTBC ។ នាពេលនោះ Jessi ដើរចូលទៅក្រុមដែលវាយដំរួចក៏ដើរចេញធ្វើព្រងើយ ទង្វើរបស់នាងបាននាំឲ្យមនុស្សជាច្រើនរិះគន់ចំពោះការធ្វេសប្រហែស និងគេចពីការទទួលខុសត្រូវក្នុងស្ថានភាពដ៏អាក្រក់។

ក្រោយពេលកើតហេតុនិងរ៉េបប្រចាំប្រទេសកូរ៉េខាងត្បូងរូបនេះ ត្រូវបានជនរងគ្រោះប្តឹងពីបទបំភិតបំភ័យ និងចោទប្រកាន់ថា បានជួយជនសង្ស័យឲ្យរត់គេចខ្លួនយ៉ាងធូររលូង។ ទីក្រោយមក នាងត្រូវចូលខ្លួនទៅសាកសួរនៅប៉ុស្តិ៍ប៉ូលិស Gangnam កាលថ្ងៃទី១៦ ខែតុលា។

ទោះជាយ៉ាងនេះក្តី ការស៊ើបអង្កេតមិនបានរកឃើញភស្តុតាងដែលអាចជឿជាក់បាននៃការជាប់ពាក់ព័ន្ធរបស់ Jessi ក្នុងការរំលោភបំពានពីសំណាក់ក្រុមនាងទេ។ ប៉ូលិសរកមិនឃើញភស្តុតាងនៃការគំរាមកំហែងដល់ជនរងគ្រោះ ឬជួយជនសង្ស័យឱ្យរត់គេចខ្លួននោះទេ។ ដូច្នេះហើយទើបពួកគេសម្រេចមិនបន្តការចោទប្រកាន់លើ Jessi និងឲ្យនាងរួចខ្លួនពីសំណាញ់ច្បាប់។

យ៉ាងណាមិញ ចាប់តាំងពីពាក់ព័ន្ធនឹងអំពើហិង្សាជាក្រុមលើអ្នកគាំទ្រមក ផលិតកម្ម DOD Entertainment របស់តារាចម្រៀងរ៉េបរូបនេះបានបញ្ជាក់ថា Jessi លែងនៅជាមួយក្រុមហ៊ុនទៀតហើយ ត្រឹមតែមួយខែប៉ុណ្ណោះ បន្ទាប់ពីចុះកុងត្រាផ្តាច់មុខជាមួយគ្នាក្នុងនាមជាតារាចម្រៀង។

មិនត្រឹមតែប៉ុណ្ណឹងទេ Jessi ត្រូវបានគេរិះគន់យ៉ាងខ្លាំងចំពោះការដើរចេញពីការវាយប្រហារ ដោយមិនបានការពារអ្នកគាំទ្ររបស់នាង ហើយត្រឡប់ទៅក្រុមដើម្បីផឹកស្រាបន្ទាប់។ ជាងនេះទៅទៀត អ្នកលេងអ៊ីនធឺណិតជាច្រើនបានសម្តែងការខកចិត្តចំពោះនាងនៅពេលដែលនាងអះអាងថា ខ្លួនមិនស្គាល់អ្នកវាយប្រហារ និងបន្តបង្វែរបញ្ហានេះឥតឈប់ឈរ។ ចាប់តាំងពីពេលនោះមក នាងបានប្រឈមមុខនឹងការអត្ថាធិប្បាយព្យាបាទយ៉ាងធ្ងន់ធ្ងរ ជាមួយនឹងមហាជនមួយចំនួនបានបន្សល់ទុកនូវសាររំខាននៅលើប្រព័ន្ធផ្សព្វផ្សាយសង្គមផ្ទាល់ខ្លួន៕

អត្ថបទ៖ សាង ស្រីល័ក្ខ

ចុចអាន៖Jessi សុំការអភ័យទោសពីជនរងគ្រោះដែលរងហិង្សា ក្រោយធ្ងន់ ក ខ្លាំង រឿងកុហកមិនស្គាល់ជនដៃដល់

The post Jessi រួចផុតពីសំណាញ់ច្បាប់ ក្រោយរកមិនឃើញភ័ស្ដុតាងវាយដំអ្នកគាំទ្រ appeared first on Kampuchea Thmey Daily.

Jessi សុំការអភ័យទោសពីជនរងគ្រោះដែលរងហិង្សា ក្រោយធ្ងន់ ក ខ្លាំង រឿងកុហកមិនស្គាល់ជនដៃដល់

សាង ស្រីល័ក្ខ — Thu, 24 Oct 2024 02:51:17 +0000

កាលពីថ្ងៃទី ២៣ ខែតុលា តារាចម្រៀង Jessi បានចេញការសុំទោសមួយផ្សេងទៀត សម្រាប់ភាពចម្រូងចម្រាសនៃការវាយប្រហារលើអ្នកគាំទ្រ។ ក្នុងនោះនាងបានសរសេរសារមួយដោយបង្ហោះសុំការអភ័យទោសនៅលើ Instagram ផ្ទាល់ខ្លួន និងសម្តែងការសោកស្តាយចំពោះការធ្វេសប្រហែសរបស់នាងដែរ។

តាមរយៈ Instagram តារាចម្រៀងកូរ៉េរូបនេះបានសរសេរថា «ជាដំបូងខ្ញុំចង់សុំទោសដោយស្មោះចំពោះជនរងគ្រោះ និងក្រុមគ្រួសារចំពោះគ្រោះថ្នាក់ដែលបណ្តាលមកពីឧបទ្ទវហេតុនេះ ទោះបីជាឧបទ្ទវហេតុនេកើតឡើងពីសកម្មភាពរបស់ខ្ញុំក៏ដោយ ចាប់តាំងពីវាបានកើតឡើងរហូតមកដល់ពេលនេះ ទង្វើខុសឆ្គងរបស់ខ្ញុំ អាកប្បកិរិយា និងការមិនឆ្លើយតបបានធ្វើឲ្យប៉ះពាល់មិនត្រឹមតែជនរងគ្រោះប៉ុណ្ណោះទេ ថែមទាំងមានអ្នកផ្សេងទៀតជាច្រើនផងដែរ ដែលធ្វើឲ្យពួកគេមានអារម្មណ៍មិនសប្បាយចិត្ត»។

នាងបានបន្តថា «ខ្ញុំសោកស្ដាយរាប់ពាន់ដង រាប់ម៉ឺនដង បើខ្ញុំអាចត្រឡប់ទៅពេលនោះវិញ បើគ្រាន់តែបានថតរូបជាមួយជនរងគ្រោះ បើខ្ញុំកាន់តែសកម្មក្នុងការការពារជនរងគ្រោះ បើខ្ញុំបានខលទៅប៉ូលិសភ្លាមៗ បើខ្ញុំបានផ្តល់ការសុំទោសត្រឹមត្រូវ ប្រហែលជាជនរងគ្រោះនឹងមិនរងគ្រោះដល់កម្រិតនេះទេ»។

តារាស្រីវ័យ៣៥ឆ្នាំរូបនេះថែមទាំងបានសម្ដែងការសោកស្ដាយយ៉ាងខ្លាំង ហើយបន្តសុំទោសឥតឈប់ឈរដោយសរសំបុត្រដោយសរសេរថា « ទាំងអស់នេះជាទំនួលខុសត្រូវរបស់ខ្ញុំ។ ខ្ញុំយល់ច្បាស់ថាការអភ័យទោសមិនអាចផ្តល់ដោយពាក្យពីរបីម៉ាត់ទេ។ ទោះបីជាយ៉ាងណាក៏ដោយ ខ្ញុំនឹងខិតខំប្រឹងប្រែងកែកំហុសរបស់ខ្ញុំ និងជួយជនរងគ្រោះឲ្យជាសះស្បើយឡើងវិញ។ ទោះជាវាយឺតពេលហើយក៏ដោយ ប៉ុន្តែខ្ញុំសុំការអភ័យទោសម្តងទៀត ខ្ញុំខុសហើយ»។

គួរបញ្ចាក់ថា Jessi បានជាប់ពាក់ព័ន្ធក្នុងភាពចម្រូងចម្រាសចុងក្រោយបង្អស់ បន្ទាប់ពីឧប្បត្តិហេតុវាយដំដែលបានកើតឡើងកាលពីថ្ងៃទី ២៩ ខែកញ្ញានៅ Apgujeong រហូតធ្លាយជាសាធារណៈ។ នៅពេលនោះ អ្នកគាំទ្ររបស់ Jessi ដែលជាអនីតិជន បានចូលទៅជិតអ្នកសិល្បៈដើម្បីថតរូប ប៉ុន្តែត្រូវបានរំលោភដោយបុរសម្នាក់ដែលជាសមាជិក Jessi ។

មិនត្រឹមតែប៉ុណ្ណឹងទេ Jessi ត្រូវបានគេរិះគន់យ៉ាងខ្លាំងចំពោះការដើរចេញពីការវាយប្រហារ ដោយមិនបានការពារអ្នកគាំទ្ររបស់នាងទាំងអស់ពេលត្រឡប់ទៅក្រុមដើម្បីផឹកស្រាបន្ទាប់មក។ ជាងនេះទៅទៀត អ្នកលេងអ៊ីនធឺណិតជាច្រើនបានសម្តែងការខកចិត្តចំពោះនាងនៅពេលដែលនាងអះអាងថា ខ្លួនមិនស្គាល់អ្នកវាយប្រហារ និងបន្តបង្វែរបញ្ហានេះ។ ចាប់តាំងពីពេលនោះមក Jessi បានប្រឈមមុខនឹងការអត្ថាធិប្បាយព្យាបាទយ៉ាងធ្ងន់ធ្ងរ ជាមួយនឹងមហាជនមួយចំនួនបានបន្សល់ទុកនូវសាររំខាននៅលើប្រព័ន្ធផ្សព្វផ្សាយសង្គមរបស់នាង៕

អត្ថបទ៖ សាង ស្រីល័ក្ខ

ចុចអាន៖Jessi កាន់តែធ្ងន់ក ក្រោយធ្លាយរូបនាង និងជនដៃដល់ជិតស្និទ្ធមិនដូចការអះអាងថាមិនស្គាល់

The post Jessi សុំការអភ័យទោសពីជនរងគ្រោះដែលរងហិង្សា ក្រោយធ្ងន់ ក ខ្លាំង រឿងកុហកមិនស្គាល់ជនដៃដល់ appeared first on Kampuchea Thmey Daily.

Jessi កាន់តែធ្ងន់ក ក្រោយធ្លាយរូបនាង និងជនដៃដល់ជិតស្និទ្ធមិនដូចការអះអាងថាមិនស្គាល់

សាង ស្រីល័ក្ខ — Sat, 19 Oct 2024 02:34:55 +0000

រូបថតដែលបញ្ជាក់ពីទំនាក់ទំនងជិតស្និទ្ធរវាង Koala ដែលជាជនដៃដល់ម្នាក់ក្នុងការវាយប្រហារលើអ្នកគាំទ្រ និងរូបJessi ផ្ទាល់បានលេចចេញ និងកំពុងរីករាលដាលយ៉ាងរហ័សតាមអ៊ីនធឺណិត បង្កឲ្យការជជែកវែកញែកពីមហាជន។

រូបថតដែលរួមមាន Koala មួយរូប (ឈ្មោះពិត Heo Jae Won អាយុ ៣៥ ឆ្នាំ) ដាក់ដៃលើស្មា Jessi និងថើប ក្បាលរបស់នាងហើយមួយទៀតនាងជិះលើខ្នងបុរសនោះ ត្រូវបានបង្ហាញនៅថ្ងៃទី ១៨ខែតុលា ហើយបានរីករាលដាលយ៉ាងឆាប់រហ័សនៅក្នុងសហគមន៍អនឡាញ។ រូបថតទាំងនេះត្រូវគេបញ្ជាក់ថាបានបង្ហោះដោយ Koala នៅលើ Instagram ផ្ទាល់ខ្លួនរបស់គាត់។

Koala ត្រូវបានគេកំណត់អត្តសញ្ញាណថាជាបុគ្គលម្នាក់ក្នុងចំណោមបុគ្គលដែលបានធ្វើបាបអ្នកគាំទ្រអនីតិជនម្នាក់នៅពេលដែលសមាជិកសមាជិកក្រុមរបស់ Jessi ជាបុរសជនជាតិចិនបានវាយប្រហារអ្នកគាំទ្រ។ Koala ត្រូវគេចោទប្រកាន់ថាបានចូលរួមក្នុងការវាយប្រហារលើជនរងគ្រោះ។ បន្ទាប់ពីអត្តសញ្ញាណរបស់គាត់ត្រូវបានបង្ហាញ Koala បានលុបការបង្ហោះរបស់គាត់ទាំងអស់នៅលើ Instagram ភ្លាមៗដោយឥតបង្អង់យូរឡើយ។

ការវាយប្រហារលើអ្នកគាំទ្របានកើតឡើងនៅព្រឹកព្រលឹមថ្ងៃទី ២៨ ខែសីហា នៅតាមដងផ្លូវក្នុងក្រុង Apgujeong-dong ក្រុង Gangnam ទីក្រុងសេអ៊ូល។ អ្នកគាំទ្រប្រុសដែលជាអនីតិជនបានសុំថតរូប Jessi ប៉ុន្តែត្រូវបានបុរសជនជាតិចិនម្នាក់មកពីក្រុមរបស់ Jessi វាយដំធ្វើបាបគេ។ Koala ដែលជាផ្នែកមួយនៃអ្នកចូលរួមនោះបានរាយការណ៍ថាបានបញ្ឈប់ជនរងគ្រោះ ដាល់គាត់ចំពោះ និងវាយក្បាលគាត់។

ចាប់តាំងពីពេលនោះមក ជនរងគ្រោះបានដាក់ពាក្យបណ្តឹងប្រឆាំងនឹងមនុស្សចំនួន ៤ នាក់ រួមមាន Jessi, Koala និងបុរសជនជាតិចិន ដោយចោទប្រកាន់ពួកគេពីបទវាយដំ និងបទចោទប្រកាន់ផ្សេងទៀត។

Koala ធ្លាប់ធ្វើការជាអ្នកផលិតបទចម្រៀងល្បីៗជាច្រើនរបស់ Jessi រួមមាន “Nunu Nana” “Cold Blooded” និង “What Type of X” ។ ទំនាក់ទំនងជិតស្និទ្ធរបស់ពួកគេត្រូវបានបញ្ជាក់បន្ថែមទៀតដោយការចូលរួមរបស់ Jessi ក្នុងនាមជាសិល្បករដែលមានលក្ខណៈពិសេសនៅលើបទចម្រៀង ‘RSVP’ របស់ Koala កាលពីឆ្នាំមុន។

មានការអះអាងផងដែរថា Koala មានទំនាក់ទំនងជាមួយក្រុមក្មេងទំនើង។ អ្នកផ្តល់ព័ត៌មានអនាមិកម្នាក់បានចោទប្រកាន់នៅក្នុងបទសម្ភាសន៍ជាមួយ ប្រធានឧក្រិដ្ឋកម្ម របស់ JTBC ថា Koala អាចជាសមាជិកនៃក្រុមក្មេងទំនើងកូរ៉េ-អាមេរិក Korean Outlaws នៅទីក្រុង Los Angeles ។ ប្រភពបានអះអាងថា ស្នាមសាក់របស់ Koala មានឈ្មោះថា KOS ជាអក្សរកាត់សម្រាប់ឈ្មោះក្រុមក្មេងទំនើង។ ទោះជាយ៉ាងណា អ្នកតំណាងរបស់ Jessi បានបដិសេធមិនដឹងថា Koala ជាប់ពាក់ព័ន្ធនឹងក្រុមក្មេងទំនើងទេ។

យ៉ាងណាមិញ បន្ទាប់ពីធ្លាយរឿងរ៉ាវប្រើហិសង្សា Jessi បានបង្ហាញខ្លួននៅប៉ុស្តិ៍ប៉ូលិស Gangnam នៅល្ងាចថ្ងៃទី ១៦ ខែតុលាវេលាម៉ោង ១០:០៥ ល្ងាចសម្រាប់ការស៊ើបអង្កេតរយៈពេល ៦ ម៉ោងហើយបានត្រលប់មកផ្ទះវិញនៅម៉ោង ៤:៣០ ព្រឹកនៅព្រឹកបន្ទាប់។ មុនពេលការស៊ើបអង្កេត នាងបានប្រាប់ ‘Newsis’ នៅក្នុងបទសម្ភាសន៍មួយថា “ខ្ញុំបានឃើញជនល្មើស (បុរសជនជាតិចិន) ជាលើកដំបូងនៅថ្ងៃនោះ។ ខ្ញុំពិតជាសោកស្តាយចំពោះជនរងគ្រោះ ខ្ញុំសង្ឃឹមថាជនល្មើសត្រូវបានចាប់ខ្លួន និងផ្តន្ទាទោសឆាប់ៗនេះ៕

អត្ថបទ៖ សាង ស្រីល័ក្ខ

ចុចអាន៖Jessi ចែកផ្លូវជាមួយភ្នាក់ងារ DOD ចំពេលមានជម្លោះវាយប្រហារអ្នកគាំទ្រ

The post Jessi កាន់តែធ្ងន់ក ក្រោយធ្លាយរូបនាង និងជនដៃដល់ជិតស្និទ្ធមិនដូចការអះអាងថាមិនស្គាល់ appeared first on Kampuchea Thmey Daily.

Jessi ចែកផ្លូវជាមួយភ្នាក់ងារ DOD ចំពេលមានជម្លោះវាយប្រហារអ្នកគាំទ្រ

សាង ស្រីល័ក្ខ — Fri, 18 Oct 2024 09:27:25 +0000

នៅថ្ងៃទី ១៨ ខែតុលា ផលិតកម្ម DOD Entertainment របស់តារាចម្រៀងរ៉េបរូបនេះបានបញ្ជាក់ថា Jessi លែងនៅជាមួយក្រុមហ៊ុនទៀតហើយ ត្រឹមតែមួយខែប៉ុណ្ណោះ បន្ទាប់ពីចុះកុងត្រាផ្តាច់មុខជាមួយគ្នាក្នុងនាមជាតារាចម្រៀង។

DOD Entertainment បាននិយាយថា “ជាថ្មីម្តងទៀត យើងសូមអភ័យទោសចំពោះឧបទ្ទវហេតុអកុសលនាពេលថ្មីៗនេះ ដែលបង្កឲ្យមានការព្រួយបារម្ភក្នុងចំណោមអ្នកគាំទ្រ។ បន្ទាប់ពីពិភាក្សាជាច្រើនជាមួយ Jessi អំពីសកម្មភាពអនាគតរបស់នាង ពួកយើងបានព្រមព្រៀងគ្នាទៅវិញទៅមកក្នុងការបញ្ចប់កិច្ចសន្យាផ្តាច់មុខរបស់នាងនៅថ្ងៃទី ១៨ ខែតុលា ឆ្នាំ ២០២៤។ ទោះបីជាពេលវេលាជាមួយពួកយើងគឺខ្លី យើងដឹងគុណចំពោះពេលវេលាដែល Jessi បានចំណាយជាមួយយើង ហើយនឹងបន្តគាំទ្រដោយស្មោះនូវកិច្ចខិតខំប្រឹងប្រែងនាពេលអនាគតរបស់នាង។

ដូចដែលបានរាយការណ៍ពីមុនមក អ្នកគាំទ្រម្នាក់ដែលជាអនីតិជនបានទៅជួបក្រុមរបស់ Jessi ដើម្បីសុំថតរូប ប៉ុន្តែត្រូវបានបុរសក្នុងក្រុមរបស់ Jessi វាយធ្វើបាបនៅព្រឹកព្រលឹមថ្ងៃទី ២៩ ខែកញ្ញា នៅទីក្រុង Apgujeong-dong Gangnam ។ វីដេអូ CCTV បានបង្ហាញឲ្យឃើញពីក្រុមរបស់ Jessi ព្យាយាមបញ្ឈប់អ្នកវាយប្រហារ A ប៉ុន្តែ Jessi បានចាកចេញពីកន្លែងកើតហេតុភ្លាមៗ ដោយធ្វើឲ្យមានការសង្ស័យថា នាងមិនអើពើនឹងការវាយប្រហាររបស់អ្នកគាំទ្រដោយសមាជិកនៃសមាជិកក្រុមរបស់នាង។ តារារ៉េបបានអះអាងទៀតនាង មិនមានមិត្តភាពជាមួយជនល្មើសដែលត្រូវបានគេចោទថាជាមិត្តភ័ក្តិជនជាតិចិនរបស់មិត្តជិតស្និទ្ធរបស់ Jessi។ ចាប់តាំងពីពេលនោះមក Jessi បានសុំទោសចំពោះឧបទ្ទវហេតុនេះ និងបានចូលរួមការសាកសួរប៉ូលិស ប៉ុន្តែអ្នកលេងអ៊ីនធឺណិតនៅតែមានការឆ្លើយតបអវិជ្ជមានអំពីវិធីដែលតារារ៉េបរូបនេះដោះស្រាយឧបទ្ទវហេតុនេះ។

យ៉ាងណាមិញ កាលពីថ្ងៃទី ១៦ ខែតុលា តារាចម្រៀងកូរ៉េ Jessi បានឆ្លងកាត់ការសាកសួររបស់ប៉ូលិសដើម្បីស៊ើបអង្កេតជនល្មើសដែលបានវាយប្រហារអ្នកគាំទ្ររបស់នាង។ ដូចដែលបានរាយការណ៍ពីមុនមក អ្នកគាំទ្រម្នាក់ដែលសុំរូបថតជាមួយ ត្រូវបានសមាជិកម្នាក់នៃអ្នករួមដំណើររបស់នាងធ្វើបាបយ៉ាងដំណំ៕

អត្ថបទ៖ សាង ស្រីល័ក្ខ

ចុចអាន៖J-Hope ជាសមាជិកទី២ ដែលបញ្ចប់កាព្វកិច្ចយោធាចប់សព្វគ្រប់

The post Jessi ចែកផ្លូវជាមួយភ្នាក់ងារ DOD ចំពេលមានជម្លោះវាយប្រហារអ្នកគាំទ្រ appeared first on Kampuchea Thmey Daily.

Jessi ត្រូវប៉ូលិសដោះលែងមកវិញ ក្រោយសួរចម្លើយអស់ ៦ ម៉ោង ពាក់ព័ន្ធនឹងហិង្សា

សាង ស្រីល័ក្ខ — Thu, 17 Oct 2024 09:27:47 +0000

នៅថ្ងៃទី ១៦ ខែតុលា តារាចម្រៀងកូរ៉េ Jessi បានឆ្លងកាត់ការសាកសួររបស់ប៉ូលិសដើម្បីស៊ើបអង្កេតជនល្មើសដែលបានវាយប្រហារអ្នកគាំទ្ររបស់នាង។ ដូចដែលបានរាយការណ៍ពីមុនមក អ្នកគាំទ្រម្នាក់ដែលសុំរូបថតជាមួយ ត្រូវបានសមាជិកម្នាក់នៃអ្នករួមដំណើររបស់នាងធ្វើបាបយ៉ាងដំណំ។

ប៉ុន្តែវាហាក់បីដូចជាមិនមែនជាលើកទីមួយទេ ដែលសមាជិករបស់ Jessi វាយដំអ្នកផ្សេង នៅថ្ងៃទី ១៦ ខែតុលា Crime Chief របស់ JTBC បានបង្ហាញពីជនរងគ្រោះនៃករណីវាយដំឆ្នាំ ២០១៣ ដែលទាក់ទងនឹង Jessi នៅក្នុងក្លឹបមួយនៅ Itaewon ទីក្រុងសេអ៊ូល។៣

នៅក្នុងខែឧសភា ឆ្នាំ២០១៣ Jessi ត្រូវបានចោទប្រកាន់ពីបទរំលោភលើស្ត្រីជនជាតិអាមេរិកដើមកំណើតកូរ៉េម្នាក់នៅក្នុងបន្ទប់ទឹកក្នុងក្លឹបមួយក្នុង Itaewon ។ ជនរងគ្រោះបានដាក់ពាក្យប្តឹង Jessi និងមិត្តភក្តិពីរនាក់របស់នាងពីបទវាយដំ។ ក្រោយមក Jessi បានអះអាងថា នាងមិនបានចូលរួមក្នុងការវាយដំនោះទេ ហើយនាងគ្រាន់តែព្យាយាមបំបែកការប្រយុទ្ធប៉ុណ្ណោះ។ ទោះយ៉ាងណា នារីរងគ្រោះមិនយល់ស្របទេ ដោយនិយាយថា មានហេតុផលផ្សេងពីក្រោយការសម្រេចចិត្តទម្លាក់ចោលរឿងនេះ។

ជនរងគ្រោះបាននិយាយថា កាលពីពេលនោះ «ខ្ញុំបានជួប Jessi និងមិត្តភ័ក្តិរបស់នាងនៅឯបន្ទប់ទឹករបស់ក្លឹប ដែលពួកគេបានបង្កជម្លោះដោយមិនសមហេតុផល ហើយចាប់ផ្តើមលោតមកលើខ្ញុំ នៅពេលដែលខ្ញុំប្រាប់ពួកគេឲ្យចូលទៅមុន ពួកគេព្យាយាមរុញក្បាលខ្ញុំចូលទៅក្នុងបង្គន់ បន្ទាប់ពីចាប់បានកាបូបរបស់ខ្ញុំទៅឆ្ងាយ ពួកគេនិយាយថា ខ្ញុំអាចយកវាមកវិញបាន ប្រសិនបើខ្ញុំសុំទោសដោយលុតជង្គង់នៅលើឥដ្ឋ»។

ចំពោះមូលហេតុដែលនាងទម្លាក់ការចោទប្រកាន់នោះ នាងបានបន្ថែមថា «ឧប្បត្តិហេតុនេះបានកើតឡើងនៅពេលដែលនាងខ្ញុំគ្រោងនឹងត្រឡប់មកធ្វើការនៅសហរដ្ឋអាមេរិកវិញ ហើយខ្ញុំបានរៀបចំផែនការរួចហើយ ដូចជាការទិញសំបុត្រយន្តហោះ។ វានឹងចំណាយពេលប្រហែលមួយឆ្នាំសម្រាប់ករណីនេះត្រូវបានសម្រេច ហើយខ្ញុំមិនអាចចាកចេញពីប្រទេសក្នុងពេលដែលករណីនេះកំពុងបន្ត ដូច្នេះខ្ញុំគ្មានជម្រើសអ្វីក្រៅពីទម្លាក់ករណីនេះចោលទេ»។

បន្ទាប់មកនាងបាននិយាយថាមិត្តរបស់នាងដែលបានវាយដំខ្ញុំត្រឡប់ទៅសហរដ្ឋអាមេរិកវិញហើយវាដូចគ្នានៅក្នុងករណីថ្មីៗនេះពីរបៀបដែលនាងនិយាយថាជនល្មើសត្រឡប់ទៅប្រទេសចិនវិញ។ ប្រសិនបើមិនមានវីដេអូ CCTV ទេ Jessi នឹងនិយាយថានាងមិនពាក់ព័ន្ធដដែល។

ទន្ទឹមនឹងនេះ ប៉ុស្តិ៍ប៉ូលិស Gangnam ក្នុងទីក្រុងសេអ៊ូល បានហៅ Jessi មកធ្វើជាចុងចោទ។ ថ្វីដ្បិតតែ Jessi មិនមែនជាជនល្មើសនៃការវាយប្រហារក៏ដោយ ក៏នាងត្រូវបានគេហៅចូលក្នុងនាមជាចុងចោទ បន្ទាប់ពីជនរងគ្រោះបានប្តឹងនាង។ នាងត្រូវបានដោះលែងនៅព្រឹកព្រលឹមថ្ងៃទី១៧ តុលា បន្ទាប់ពីប្រមាណ៦ម៉ោង ៕

អត្ថបទ៖ សាង ស្រីល័ក្ខ

ចុចអាន៖Han So Hee ត្រូវគេចោទប្រកាន់ថា បង្កើតគណនីក្លែងក្លាយ តាមឌឺដង Hyeri

The post Jessi ត្រូវប៉ូលិសដោះលែងមកវិញ ក្រោយសួរចម្លើយអស់ ៦ ម៉ោង ពាក់ព័ន្ធនឹងហិង្សា appeared first on Kampuchea Thmey Daily.

ម្ចាស់បទ “ZOOM” លេងខ្លួនសិចស៊ីមួយចាស់ដៃ លើទឹកដី សិង្ហបុរី

សាង ស្រីល័ក្ខ — Tue, 27 Aug 2024 04:30:28 +0000

កាលពីថ្ងៃទី ២៥ តារាចម្រៀងកូរ៉េ Jessi បានចែករំលែកការបង្ហោះនៅលើ Instagram របស់នាងផ្ទាល់អមដោយរូបថតជាមួយ caption ថា “Singapore, thank you for make me feel special. I love you.”។

តាមរយៈរូបភាពដែលម្ចាស់បទដ៏ល្បីល្បាញ ZOOM បានបង្ហាញពីការចូលរួមក្នុងការប្រគំតន្ត្រី Waterbomb ក្នុងប្រទេសសិង្ហបុរី។ នាងបានស្លៀកសម្លៀកបំពាក់ពណ៌សាច់ ស្ទើតែអាក្រាតកាយ ដែលបង្ហាញរូបរាងខ្លួនយ៉ាងក្លាហាន ទាក់ទាញភ្នែកមហាជននិងទស្សនិកជនជាច្រើនក្រឡេកមើលមករូបនាង។

ទន្ទឹមនឹងនេះដែរ Jessi បានចែកផ្លូវជាមួយ More Vision ដែលជាស្លាកសញ្ញាដែលដឹកនាំដោយ Jay Park កាលពីដើមឆ្នាំនេះក្នុងខែមករា ហើយចាប់តាំងពីពេលនោះមកបានបន្តផ្លូវឯករាជ្យ។ ទោះបីជាចាកចេញពីទីភ្នាក់ងារនេះក៏ដោយ នាងបានសម្តែងជាសិល្បករនៅក្នុងបទចម្រៀងថ្មីរបស់ Jay Park “Xtra McNasty” ដែលបានចេញផ្សាយកាលពីថ្ងៃទី២៦ ខែកក្កដា ដែលទទួលបានការចាប់អារម្មណ៍យ៉ាងខ្លាំង៕

អត្ថបទ៖ សាង ស្រីល័ក្ខ

ចុចអាន៖បង្ហាញមុខនៅប៉ុស្តិ៍ប៉ូលិស Suga អោនមុខសុំទោសសាធារណជន ចំពោះកំហុសដែលខ្លួនបង្កឡើង

The post ម្ចាស់បទ “ZOOM” លេងខ្លួនសិចស៊ីមួយចាស់ដៃ លើទឹកដី សិង្ហបុរី appeared first on Kampuchea Thmey Daily.

Jessi នាំអ្នកទស្សនាបើកភ្នែកធំៗ ក្រោយស្លៀកឈុតសិចស៊ីក្នុងព្រឹត្តិការណ៍ Dolce & Gabbana

សាង ស្រីល័ក្ខ — Sat, 03 Jun 2023 04:50:00 +0000

កាលពីពេលថ្មីៗនេះ តារារ៉េបស្រីដ៏ល្បី Jessica Ho បានវាយលុកលើសហគមន៍អនឡាញកូរ៉េម្តងទៀត ជាមួយនឹងការបង្ហាញឈុតដ៏ក្តៅគគុកក្នុងសំលៀកបំពាក់សិចស៊ី និងស្ដើងខ្លាំង។

ជាក់ស្តែង Jessi ទើបតែបានចូលរួមព្រឹត្តិការណ៍ពិសេសមួយរបស់ម៉ាក Dolce & Gabbana នៅទីក្រុងសេអ៊ូល កាលពីថ្ងៃទី ៣១ ខែឧសភា ក្នុងនាមជាភ្ញៀវកិត្តិយស។ ក្នុងពិធីសម្ពោធខ្សែកាបូបថ្មីដែលមានស្លាកសញ្ញា DG របស់យីហោអ៊ីតាលី នាងស្ទើរតែធ្វើឲ្យគ្រប់គ្នាមានវត្តមានសំដែងការហួសចិត្តបន្តិច នៅពេលដែលស្លៀកពាក់សិចស៊ីខ្លាំងពេក។

មិនត្រឹមតែមានការចាប់អារម្មណ៍ដោយពណ៌ផ្ទៃខាងក្រោយថ្លានោះទេ សំលៀកបំពាក់របស់នាងក៏ធ្វើឲ្យអ្នកទស្សនា បើកភ្នែកធំៗដោយស្ទីលប្លែក និងទាក់ទាញខ្លាំងរបស់នាង។

ទោះយ៉ាងណាក៏ដោយ ឆ្លើយតបទៅនឹងការរំពឹងទុករបស់អ្នកគាំទ្រ តារាចម្រៀងកើតឆ្នាំ១៩៨៨ ក៏បានអាប់ដេតរូបភាពក្តៅគគុកនេះ ចុងក្រោយបំផុតនៅលើទំព័រ Instagram ផ្ទាល់ខ្លួនរបស់នាង។

ដោយឡែកនៅក្នុងសហគមន៍អនឡាញ មានទាំងការសរសើរសម្រស់នាងជាច្រើនចំពោះរូបភាពរបស់ Jessi នៃព្រឹត្តិការណ៍នេះ។ ទស្សនិកជនជាច្រើនបានបញ្ចេញមតិសរសើរ និងសរសើរពីស្តង់ដារនិងរាងកាយរលោងរបស់នាងថា “នាងជាទេពធីតា”, “ព្រោះនាងជា Jessi ទើបនាងអាចស្លៀកស្ទីលបែបនោះបាន”, “មានតែ Jessi ទេ សម្រាប់អ្នកផ្សេងអាចមិនហ៊ានស្លៀកសំលៀកបំពាក់សិចស៊ីបែបនេះទេ” ៕

ប្រែសម្រួល៖ សាង ស្រីល័ក្ខ

ចុចអាន៖Jennie បញ្ចេញឈុតចម្លែក ក្នុងកម្មវិធី Chanel

The post Jessi នាំអ្នកទស្សនាបើកភ្នែកធំៗ ក្រោយស្លៀកឈុតសិចស៊ីក្នុងព្រឹត្តិការណ៍ Dolce & Gabbana appeared first on Kampuchea Thmey Daily.

ម្ចាស់បទ “ZOOM” ប្រើពេល ១៥ ឆ្នាំ ទើបមានកេរ្តិ៍ឈ្មោះល្បីល្បាញដូចថ្ងៃនេះ

សាង ស្រីល័ក្ខ — Sat, 03 Dec 2022 03:00:00 +0000

Jessi ជាតារាចម្រៀង និងរ៉េបសញ្ជាតិកូរ៉េ-អាមេរិក ដែលមានក្ដីសុបិនចង់ធ្វើឲ្យធំក្នុងឧស្សាហកម្មតន្ត្រីកូរ៉េ។ ដោយហេតុផលនេះហើយ ទើបនាងសម្រេចចិត្តចាកចេញពីស្រុកកំណើតនៅសហរដ្ឋអាមេរិក ទៅកូរ៉េខាងត្បូងនៅអាយុ ១៥ឆ្នាំ។

តារាកូរ៉េខាងត្បូងនេះ កើតថ្ងៃទី ១៧ ខែធ្នូ ឆ្នាំ ១៩៨៨ នៅទីក្រុងញូវយ៉ក ធំធាត់នៅរដ្ឋ New Jersey។ កាលនៅក្មេង Jessi មានសម្បុរមិនសូវសទេ ពេលទៅរៀន ក្មេងៗដទៃរើសអើងនាងថា ជាក្មេងអាស៊ីមិនចូលចំណោមគេ រហូតធ្វើឲ្យនាងពិបាករស់នៅ ទីនោះ។ Jessi តែងសម្ងំនៅក្នុងបន្ទប់តែម្នាក់ឯងក្រោយត្រលប់មកពីរៀនវិញ ហើយភាពស្ងប់ស្ងាត់បានធ្វើឲ្យនាងបែកគំនិតចាប់ផ្ដើមរៀនសរសេរចម្រៀង រៀនខាងតន្ត្រី រហូតរកឃើញទេពកោសល្យខ្លួនឯងនៅអាយុ ១៥ឆ្នាំ និងសម្រេចមករស់នៅកូរ៉េខាងត្បូងវិញ។

ដំបូងឡើយ នាងចូលរួមក្នុងកម្មវិធីកម្សាន្ត SM ដោយបានឆ្លងផុតការប្រឡងចម្រៀងរួចហើយ។ ប៉ុន្តែសិល្បករដែលប្រាថ្នាចង់បានយល់ថា តន្ត្រី SM មិនត្រូវនឹងស្ទីលរបស់នាងទេ។ ក្នុងឆ្នាំ ២០០៥ Jessi បានបង្ហាញខ្លួនជាលើកដំបូងនៅក្នុងឧស្សាហកម្មតន្ត្រី។ នាងបានចេញអាល់ប៊ុមទោល Get Up ក្រោមផលិតកម្ម Doremi Records និងចេញអាល់ប៊ុមទោលទីពីរ The Rebirth ក្នុងឆ្នាំ ២០០៩។ ទោះជាយ៉ាងណា ការចេញផ្សាយដំបូងទាំងពីរនេះមិនទទួលបានជោគជ័យជាដុំកំភួននោះទេ។ Rapper រូបនេះថែមទាំងត្រូវដេកក្នុងសូណា ព្រោះនាងមិនមានលុយគ្រប់គ្រាន់ ដើម្បីជួលកន្លែងស្នាក់នៅនោះទេ។

នៅទីបំផុត នាងត្រូវសម្រាកពីតន្ត្រីមួយរយៈធំ ហើយត្រឡប់ទៅសហរដ្ឋអាមេរិកវិញទាំងបង្ខំចិត្ត។ ក្រោយមកក្នុងឆ្នាំ ២០១៤ Jessi បានវិលត្រឡប់មកឧស្សាហកម្មតន្ត្រីវិញ។ នាងបានចុះហត្ថលេខាជាមួយ YMC Entertainment ហើយក្លាយជាផ្នែកមួយនៃក្រុមចម្រៀងហ៊ីបហប Lucky J. ជាមួយនឹងក្រុម នាងបានចេញបទចម្រៀង Can Your Hear Me។ តារាកូរ៉េរូបនេះ ចាប់ផ្ដើមទទួលបានការទទួលស្គាល់នៅពេលដែលនាងបានចូលរួមក្នុង Unpretty Rapstar នាឆ្នាំ ២០១៥។

បន្ទាប់ពីនោះ នាងត្រូវបានគេអញ្ជើញឲ្យចូលរួមក្នុងកម្មវិធី Who’s Your Mama របស់ JYP និងវីដេអូចម្រៀងផ្សេងៗ។ បទនេះបានជាប់កំពូលតារាងតន្ត្រីកូរ៉េទាំ៩ ដោយជោគជ័យ។ បន្ទាប់ពីកេរ្តិ៍ឈ្មោះថ្មីមានភាពរសើបខ្លាំង Jessi បានចេញបទចម្រៀងទោលដំបូងរបស់នាងឈ្មោះ Ssenunni នៅក្នុងខែកញ្ញា ២០១៥ ។ បន្ទាប់មកនាងចេញបទចម្រៀងជាច្រើនទៀតដែលរួមមាន Gucci (២០១៧) និង Down (២០១៨) នៅក្រោមផលិតកម្ម YMC Entertainment ។ ក្រោយចប់បញ្ចប់កុងត្រាជាមួយ YMC Rapstar រូបនេះបានចុងកុងត្រាជាមួយ P Nation ក្នុងខែមករា ឆ្នាំ ២០១៩ ដែលជាផលិតកម្មរបស់តារាចម្រៀង PSY ជាមួយនឹងស្លាកសញ្ញាថ្មី នាងបានចេញបទចម្រៀង Who Dat B ។ បទចម្រៀងនេះគឺជាជោគជ័យផ្នែកពាណិជ្ជកម្ម និងឈរនៅលេខ៨ នៅលើតារាងលក់ចម្រៀងឌីជីថលពិភពលោក។

Jessi ក៏មាន EP ដែលមានចំណងជើងថា Nuna ដែលបានចេញផ្សាយនៅខែកក្កដា ឆ្នាំ ២០២០។ Nunu បានឡើងដល់កំពូលលេខ២ នៅលើ Gaon Digital Chart ជាមួយនឹងបទចម្រៀងនេះទទួលបានចំណាត់ថ្នាក់កំពូលទាំង១០ដំបូងរបស់នាង ក្នុងនាមជាសិល្បករទោល។ Nunu Nana ក៏ជាបទចម្រៀងទោលដែលមានចំណាត់ថ្នាក់ខ្ពស់បំផុតរបស់នាងផងដែរ។ ដោយឡែកបទថ្មីមួយទៀត ដែលធ្វើឲ្យហ្វេនស្គាល់ពីភាពជោគជ័យរបស់ Jessi កាន់តែខ្លាំងលើសមុនគឺ ZOOM ដែលចេញកាលពីខែមេសា ក្នុងឆ្នាំ ២០២២៕

ប្រែសម្រួល៖ សាង ស្រីល័ក្ខ

ចុចអាន៖លេចឮខ្សែប្រយុទ្ធលេខ ៩ Cho Gue-sung មានទំនាក់ទំនងស្នេហាជាមួយតារាម៉ូដែលម្នាក់

The post ម្ចាស់បទ “ZOOM” ប្រើពេល ១៥ ឆ្នាំ ទើបមានកេរ្តិ៍ឈ្មោះល្បីល្បាញដូចថ្ងៃនេះ appeared first on Kampuchea Thmey Daily.

Jessi Archives - Kampuchea Thmey Daily

Jessi រួចផុតពីសំណាញ់ច្បាប់ ក្រោយរកមិនឃើញភ័ស្ដុតាងវាយដំអ្នកគាំទ្រ

Jessi សុំការអភ័យទោសពីជនរងគ្រោះ​ដែលរងហិង្សា ក្រោយធ្ងន់ ក ខ្លាំង រឿងកុហកមិនស្គាល់ជនដៃដល់

Jessi កាន់តែធ្ងន់ក ក្រោយធ្លាយរូបនាង និងជនដៃដល់ជិតស្និទ្ធមិនដូចការអះអាងថាមិនស្គាល់

Jessi ចែកផ្លូវជាមួយភ្នាក់ងារ DOD ចំពេលមានជម្លោះវាយប្រហារអ្នកគាំទ្រ

Jessi ​ត្រូវប៉ូលិសដោះលែង​មកវិញ ក្រោយ​​សួរ​ចម្លើយអស់ ៦ ម៉ោង ពាក់ព័ន្ធនឹងហិង្សា

ម្ចាស់បទ “ZOOM” លេងខ្លួនសិចស៊ីមួយចាស់ដៃ លើទឹកដី សិង្ហបុរី

Jessi នាំអ្នកទស្សនាបើកភ្នែកធំៗ ក្រោយស្លៀកឈុតសិចស៊ីក្នុងព្រឹត្តិការណ៍ Dolce & Gabbana

ម្ចាស់បទ “ZOOM” ប្រើពេល ១៥ ឆ្នាំ ទើបមានកេរ្តិ៍ឈ្មោះល្បីល្បាញដូចថ្ងៃនេះ

Jessi សុំការអភ័យទោសពីជនរងគ្រោះដែលរងហិង្សា ក្រោយធ្ងន់ ក ខ្លាំង រឿងកុហកមិនស្គាល់ជនដៃដល់

Jessi ត្រូវប៉ូលិសដោះលែងមកវិញ ក្រោយសួរចម្លើយអស់ ៦ ម៉ោង ពាក់ព័ន្ធនឹងហិង្សា