យោងតាមរបាយការណ៍ដោយចុះផ្សាយ allkpop កាលពីថ្ងៃទី ៣១ ខែសីហា បានបញ្ចាកថា់ អ្នកទាំងពីរបានទាក់ទងគ្នាពិតមែន ប៉ុន្តែត្រឹមរយៈពេលខ្លីប៉ុណ្ណោះ ពោលគឺពេលវេលានៃការចូលបម្រើយោធារបស់ Jimin ប៉ុន្តែក្រោយមក ពួកគេមិនមានទំនាក់ទំនងជាមួយគ្នាទៀតទេ។

ប្រភព​ដដែលបាន​បញ្ជាក់​ទៀតថា ​ចំពោះវីដេអូ​របស់ Jimin ដែល​ទើប​តែ​បង្ហោះ​ដោយតារាសម្ដែង Song Da Eun ត្រូវ​បាន​ថត​អំឡុង​ពេល​ពួក​គេ​នៅ​ជាមួយ​គ្នា​នោះ គឺកាលពីមុនតែប៉ុណ្ណោះ។

អ្នក​ក្នុង​វិស័យ​ឧស្សាហកម្ម​ម្នាក់​បាន​និយាយ​ថា ពួកគេ​បាន​ចូលរួម​យ៉ាង​ខ្លី​ក្នុង​អតីតកាល។ រូបថត និង​វីដេអូ​ភាគ​ច្រើន​ដែល Song Da Eun បាន​បង្ហោះ​ត្រូវ​បាន​ថត​នៅ​ពេល​នោះ។ ពេលវេលា​ពិត​ប្រាកដ​នៃ​ទំនាក់​ទំនង​របស់​ពួក​គេ​គឺ​មិន​ច្បាស់​លាស់ ប៉ុន្តែ​វា​ប្រាកដ​ថា​ពួក​គេ​មិន​នៅ​ជាមួយ​គ្នា​ឥឡូវ​នេះ​ទេ។ Jimin បាន​ចូល​បម្រើ​យោធា​តាំង​ពី​ឆ្នាំ ២០២៣។

Song Da Eun ធ្លាប់​បាន​បង្ក​ឲ្យមាន​ពាក្យ​ចចាមអារ៉ាម​ណាត់​ជួប​គ្នា​ក្នុង​ឆ្នាំ ២០២២ ដោយ​បង្ហោះ​រូប​ទំនិញ​របស់ BTS និង​ស្រោម​កាស​ត្រចៀក​ដែល​ភ្ជាប់​ជាមួយ Jimin។ ទោះបីជានាងបានបដិសេធពាក្យចចាមអារ៉ាមនេះក្នុងអំឡុងពេលការផ្សាយបន្តផ្ទាល់ ដោយបញ្ជាក់ថានាងមិនមានមិត្តប្រុស នាងបានបញ្ចេញសម្លេងតឹងតែងនៅក្នុងខែមិថុនាដោយនិយាយថា «ព្រោះ​តែ​idol ដែល​អ្នក​ចូលចិត្ត​ស្រលាញ់​ខ្ញុំ មិន​មែន​មាន​ន័យ​ថា​ខ្ញុំ​សម​នឹង​ទទួល​បាន​ការ​ស្អប់​នោះ​ទេ»។

កាលពីថ្មីៗ​នេះ វីដេអូ​ដែល​បង្ហាញ​ពី​ផ្ទះ​របស់សមាជិកក្រុម BTS បាន​ផ្សព្វផ្សាយ​តាម​អ៊ីនធឺណិត ប៉ុន្តែ​ឥឡូវ​ត្រូវ​បាន​គេ​បញ្ជាក់​ថា ​វា​ក៏​ត្រូវ​បាន​ថត​កាល​ពី​មុន​ដែរ។ ប្រសិនបើវីដេអូនេះត្រូវបានចែករំលែកដោយគ្មានការយល់ព្រម វាអាចនឹងជាការបំពានលើភាពឯកជននៅក្រោមច្បាប់របស់ប្រទេសកូរ៉េខាងត្បូងស្តីពីការលើកកម្ពស់ការប្រើប្រាស់បណ្តាញទំនាក់ទំនង និងការការពារព័ត៌មាន ដែលរួមមានការចោទប្រកាន់ដែលអាចកើតមានដូចជាការលុកលុយឯកជនភាព និងការរំលោភលើការសម្ងាត់។ ការផ្តន្ទាទោសអាចអនុវត្តទោសជាប់ពន្ធនាគាររហូតដល់ប្រាំពីរឆ្នាំ។

មកទល់ពេលនេះ BigHit Music ដែលជាភ្នាក់ងាររបស់ Jimin មិនទាន់ចេញសេចក្តីថ្លែងការណ៍ជាផ្លូវការនៅឡើយទេ៕

អត្ថបទ៖ សាង ស្រីល័ក្ខ

ចុចអាន៖ដោយសារធ្លាយទំនាក់ទំនងជាមួយ Jimin អាជីព Song Da Eun ត្រូវបំផ្លាញទាំងស្រុង

The post Jimin និង Song Da Eun ពិតជាទាក់ទងគ្នាមែន តែពួកគេបែកគ្នាយូរហើយ appeared first on Kampuchea Thmey Daily.

យ៉ាងណា វីដេអូមួយនោះ ត្រូវបានលុបចេញយ៉ាងឆាប់រហ័ស ប៉ុន្តែវានៅតែអាចរីករាលដាលយ៉ាងទូលំទូលាយ និងក្លាយជាចំណុចកណ្តាលនៃភាពចម្រូងចម្រាសពេញទំហឹងតែម្ដង។

ផ្ទុយពីការព្យាករណ៍ដំបូងដែលថា Song Da Eun នឹងប្រឈមមុខនឹងការរិះគន់ ប៉ុន្តែមតិសាធារណៈបានងាកមកវាយប្រហារ Jimin ទៅវិញ។ អ្នកលេងអ៊ីនធឺណេតជាច្រើនជឿថា តារាប្រុសរូបនេះបាននៅស្ងៀមយូរពេក ទុកឲ្យមិត្តស្រីដែលមានពាក្យចចាមអារ៉ាមរបស់ខ្លួននៅម្នាក់ឯង ដើម្បីប្រឈមមុខនឹងសម្ពាធពីមតិសាធារណៈ ត្រូវគេចំអក បង្ខូចកេរ្តិ៍ និងថែមទាំងជេរប្រមាថលើបណ្តាញសង្គមទៀតផង។

ការអត្ថាធិប្បាយជាបន្តបន្ទាប់បានលេចឡើងនៅលើវេទិកាសម្តែងទាំងការខឹងសម្បារក្នុងន័យខុសៗគ្នាថា អស់ជាច្រើនឆ្នាំហើយ ដែលនាងត្រូវបានគេហៅថាជាអ្នកដើរតាម និងជាអ្នកភូតកុហក ខណៈដែលនាងមិនអាចនិយាយចេញមកបាន ឬពន្យល់ឲ្យគេបានដឹង។ ចំណែកអ្នកផ្សេងទៀតបានបញ្ចេញមតិដែរថា ប្រសិនបើពួកគេពិតជាមានទំនាក់ទំនងស្នេហាមែន Jimin មិនគួរទុកនាងចោលបែបនេះឡើយ ពិតជាគួរឲ្យអាណិតនាងណាស់។

ទន្ទឹមគ្នានោះដែរ ក៏មានមតិខ្លះបាននិយាយផ្ទយពីនេះថា ភាពស្ងៀមស្ងាត់របស់ Jimin គឺជាការមិនគោរពចំពោះអ្នកដ៏ទៃ ថែមទាំងបង្កើនសម្ពាធផ្លូវចិត្តលើ Song Da Eun ទៀតផង។ មតិមួយចំនួនក៏បានរិះគន់យ៉ាងចាស់ដៃទៅលើអ្នកគាំទ្រ BTS ដែលតែងតែវាយប្រហារទៅលើតារាស្រី ខណៈដែល Idol របស់ពួកគេមិនបានចាត់វិធានការណាមួយដើម្បីការពារនាងសូម្បីតែម្ដងណាឡើយ។

យ៉ាងណាមិញ ក្រៅពីការរិះគន់ ក៏នៅតែមានមតិដែលថា ការបង្ហោះវីដេអូឃ្លីបឯកជនរបស់ Song Da Eun ជាសាធារណៈក៏ជាទង្វើដ៏ចម្រូងចម្រាសផងដែរ។ អ្នកគាំទ្ររបស់ Jimin បានសម្តែងការខឹងសម្បារ ដោយនិយាយថា នាងមានចេតនាទាញយកផលប្រយោជន៍ពីជីវិតឯកជនរបស់នាង ដើម្បីទាក់ទាញការចាប់អារម្មណ៍។

មកដលពេលនេះ Jimin មិនទាន់ធ្វើអត្ថាធិប្បាយលើភាពចម្រូងចម្រាសនេះទេ ដោយបង្កើតក្តីបារម្ភថាវាអាចប៉ះពាល់ដល់ផែនការត្រលប់មកវិញរបស់ក្រុម BTS ថែមទៀតផង៕

អត្ថបទ៖ សាង ស្រីល័ក្ខ

ចុចអាន៖តារា​ចម្រៀងកូរ៉េម្នាក់ ​កំពុងស្ថិត​ក្រោម​ការ​ស៊ើប​អង្កេត​របស់​ប៉ូលិស ​ពី​បទ​ប្រើ​គ្រឿង​ញៀន​

The post Jimin រងការវាយប្រហារ ​ក្រោយធ្លាយ​វីដេអូ​ណាត់​ជួបជាមួយតារាសម្ដែង Song Da Eun appeared first on Kampuchea Thmey Daily.

នៅថ្ងៃជាមួយគ្នានេះដែរ លោក Lee Jin Ho បានសារភាពថាលោកបានពាក់ព័ន្ធនឹងល្បែងអនឡាញខុសច្បាប់មួយតាំងពីឆ្នាំ២០២០មកម្ល៉េះ ពីមួយថ្ងៃទៅមួយថ្ងៃ បំណុលរបស់លោក កាន់តែកើនឡើងរហូតមិនអាចរកលុយទប់ទល់បាន ហើយខ្លួនក៏បានសុំជំនួយលុយកាក់ពីមនុស្សប៉ុន្មាននាក់។

ជុំវិញការសារភាពចម្លើយរបស់តារាកំប្លែងរូបនេះ សារព័ត៌មាន Ten Asia បានរាយការណ៍ថា ក្នុងឆ្នាំ២០២២ Jin Ho បានសុំខ្ចីលុយពី Jimin ដែលជាសមាជិកក្រុម BTS ចំនួន ​១០០លានវ៉ុន ដែលស្មើនឹង ៧៤០០០ដុល្លារ ដោយយកលេសថា ប្រញាប់ត្រូវការលុយជាបន្ទាន់។

លើសពីនោះ ក្រៅពី Jimin ក៏នៅមានតារាកូរ៉េល្បីៗប៉ុន្មានរូបទៀត ដែលធ្លាក់ខ្លួនជាប់ពាក់ព័ន្ធបំណុលជាមួយលោក Lee Jin Ho នេះ។ ទន្ទឹមនឹងនេះ ក្រោយពីប៉ូលីសធ្វើការស៊ើបអង្កេតដឹងអំពីល្បែងស៊ីសងតាមប្រព័ន្ធអនឡាញខុសច្បាប់នេះ តារាកំប្លែងខាងលើ បានធ្វើការសុំទោសជាសាធារណៈ ហើយនឹងបានសន្យារថានឹងខំរកលុយដើម្បីសងម្ចាស់បំណុលវិញគ្រប់គ្នា៕

ប្រភព៖ allkpop

The post Jimin ចាញ់បោកលុយជិត១លានដុល្លារ ពីតារាកំប្លែងម្នាក់ យកទៅលេងល្បែងខុសច្បាប់ appeared first on Kampuchea Thmey Daily.

ទោះជាយ៉ាងណាក៏ដោយ នៅលើតារាង iTunes របស់សហរដ្ឋអាមេរិក “Who”​ ដំបូងត្រូវប្រឈមមុខនឹងការប្រកួតប្រជែងដែលមិននឹកស្មានដល់ ពីបទចម្រៀងចម្រូងចម្រាសដែលមានចំណងជើងថា “You Missed” ដោយ Tom MacDonald ដែលសំដៅទៅលើការប៉ុនប៉ងធ្វើឃាតនាពេលថ្មីៗនេះ​ លើអតីតប្រធានាធិបតី Donald Trump ។

ប៉ុន្តែនៅក្នុងវេននៃព្រឹត្តិការណ៍ដ៏គួរឲ្យភ្ញាក់ផ្អើល “Who”​ បានកើនឡើងនៅក្នុងប្រជាប្រិយភាពដោយទម្លាក់ “You Missed” និងទទួលបានចំណាត់ថ្នាក់លេខ១​ ការអភិវឌ្ឍន៍នេះបានធ្វើឲ្យអ្នកគាំទ្ររីករាយ ដោយអ្នកលេងអ៊ីនធឺណេតកូរ៉េជាច្រើនចូលទៅបញ្ចេញមតិបែបកំប្លែង និងអស់សំណើចយ៉ាងខ្លាំង ដែលអតីតប្រធានាធិបតីអាមរិក Donald Trump ក៏បង្ហាញវត្តមាននៅក្នុងតន្ត្រីផងដែរ។

លើសពីនេះ បទចម្រៀងដែលរៀបរាប់ពីការធ្វើឃាតលោក Trum បានទម្លាក់បទចម្រៀងរបស់សមាជិកក្រុម BTS ដោយជាប់លេខ១ នេះគឺជារឿងអស្ចារ្យមិនធ្លាប់មា​នឡើយ។​​ ប៉ុន្តែនៅលើ iTunes របស់សហរដ្ឋអាមេរិកបទចម្រៀងពីរនេះកំពុងប្រដេញគ្នាសម្បើមណាស់ ខណៈពេលនេះទស្សនិករួមទាំងអ្នកគាំទ្រទូទាំងពិភពលោក កំពុងរង់ចាំមើលបន្តទៀតថា តើរវាងអ្នកទាំងពីរ អ្នកណានឹងទម្លាក់អ្នកណាម្ដងទៀត៕

អត្ថបទ៖ សាង ស្រីល័ក្ខ

ចុចអាន៖Adidas ដក Bella Hadid ចេញពីពាណិជ្ជកម្ម ក្រោយរងការរិះគន់យ៉ាងចាស់ដៃពី អ៊ីស្រាអែល

The post ចម្រៀង “Who” របស់ Jimin វ៉ាដាច់បទនិយាយពីរឿងធ្វើឃាតលោក Trump appeared first on Kampuchea Thmey Daily.

ចំណាត់ថ្នាក់ត្រូវបានកំណត់តាមរយៈការវិភាគនៃការចូលរួមរបស់អ្នកប្រើប្រាស់ ការគ្របដណ្តប់ប្រព័ន្ធផ្សព្វផ្សាយ អន្តរកម្ម និងសន្ទស្សន៍ ក្នុងចំណោមតារាប្រុសស្រីចំនួន ១,៥៩០រូប ដោយប្រើទិន្នន័យធំដែលប្រមូលចាប់ពីថ្ងៃទី២០ ខែមិថុនាដល់ថ្ងៃទី២០ ខែកក្កដា ឆ្នាំ២០២៣។

ក្នុងនោះតារាកូរ៉េ ៥រូប ដែលទទួលចំណាត់ខ្ពស់ជាងគេរួមមាន៖

១. Jungkook

សមាជិកក្រុម BTS រូបនេះ បានឈរនៅលើកំពូលតារាងក្នុងខែនេះ ជាមួយនឹងការស្វែងរកចំនួន ៤,៤៨៤,៦៣៩ដង ដែលធ្វើឱ្យកេរ្តិ៍ឈ្មោះរបស់ Jungkook កើនឡើង ១១.២៤% ។ ក្នុងនោះពាក្យដែលគេស្វែងរកពីតារាប្រុសរូបនេះមានដូចជា Seven, YouTube, solo, outstanding, record, និងពាក្យ hit ។

២. Jisoo

សមាជិកក្រុម BLACKPINK រូបនេះវិញ បានឈរនៅណាត់ថ្នាក់លេខ ២ ជាមួយនឹងការស្វែងរកចំនួន ៣,៦៩៦,៣២០ ដង ដែលវាធ្វើឱ្យប្រជាប្រិយភាពរបស់នាងកើនឡើង ៥.៣៤% ។

៣. Jimin

ទន្ទឹមនឹងនេះ Jimin សមាជិកក្រុម BTS បានជាប់ចំណាត់ថ្នាក់លេខ ៣ សម្រាប់ខែនេះជាមួយការស្វែងរកចំនួន ៣,២៥៩,២៥៧ ដង។

៤. Lisa

ចំណែក Lisa សមាជិកក្រុម BLACKPINK បានជាប់ចំណាត់ថ្នាក់ទី៤ ជាមួយនឹងការស្វែងរកចំនួន ៣,២២៥,៥០៨ ដង ខណៈប្រជាប្រិយភាពកើនឡើងដល់ ១០៦.៧២% ។

៥. YoonA

ចំណាត់ទី៥បានទៅលើ YoonA សមាជិកក្រុម Girls’ Generation ដោយអ្នកស្វែងរកឈ្មោះនាងមានចំនួន ២,៩០៤,៤៦៤ដង។ ​ទោះបីអ្នកស្វែងហាក់មានចំនួនតិចជាងគេក្ដី ប៉ុន្តែបើនិយាយពីភាពល្បីល្បាញ តារាស្រីរូបនេះកើនឡើងដល់ទៅ ១៦៧.១៧% ឯណោះ៕

ប្រែសម្រួល៖ សន្យា

ចុចអាន៖ ចេញផ្សាយ ១០ថ្ងៃ បទ “Seven” របស់ Jungkook បំបែកកំណត់ត្រាថ្មីមួយ

The post តារាកូរ៉េ ៥រូប មានអ្នកស្វែងរកច្រើនបំផុត ក្នុងខែនេះ appeared first on Kampuchea Thmey Daily.

តួយ៉ាងតារា K-pop ដ៏ល្បីល្បាញ Jimin សមាជិកនៃក្រុមចម្រៀង BTS តែងតែមានទម្លាប់មួយដែលខុសសមាជិកដទៃ នៅពេលធ្វើដំណើរម្ដងៗ ដែលទម្លាប់នោះគឺតារាប្រុសរូបនេះ តែងតែដាក់ម៉ាសបិទមុខ តាមខ្លួន មិនថាទៅជិតឆ្ងាយ។

ថ្មីៗនេះ ទស្សនាវដ្ដី ​Vogue បានចេញវីដេអូមួយដែលលាតត្រដាងពីទម្លាប់របស់ Jimin ថា រាល់ពេលចេញដំណើរក្រៅប្រទេស ឬចូលរួមប្រគំតន្ត្រីក្នុងប្រទេសក្ដី ​លោកមិនភ្លេចដាក់ម៉ាសទៅជាមួយនោះទេ ខណៈសាមីខ្លួនទម្លាយថា មូលហេតុដែលដាក់ម៉ាសទៅតាមជានិច្ច ព្រោះចង់ផ្ដល់សំណើមដល់ស្បែកមុខឱ្យស្រស់ថ្លា មុនបង្ហាញខ្លួនជាសាធារណៈ ព្រមទាំងដើម្បីការពារស្បែកមុនពេលចូលគេង៕

ប្រែសម្រួល៖ សន្យា

ចុចអាន៖ សារព័ត៌មាន CNN រងពាក្យរិះគន់ពីអ្នកគាំទ្រ ក្រោយបណ្ដុះបង្អាប់សមាជិក BTS

ចុចអាន៖ ភាពយន្តខ្នាតធំរបស់ Weir ចាក់បញ្ចាំងថ្ងៃដំបូង រកចំណូលបានជាង ៩លានបាត

The post របស់ម្យ៉ាង Jimin មិនអាចអត់បាន រាល់ពេលធ្វើដំណើរ មិនថាជិតឆ្ងាយ appeared first on Kampuchea Thmey Daily.

កាលពីពេលថ្មីៗនេះ FACE បានចុះផ្សាយថា Jimin ទទួលបានភាពជោគជ័យយ៉ាងខ្លាំងជាមួយនឹងអាល់ប៊ុមទោលដំបូងរបស់លោក ហើយថែមទាំងបានបង្កើតប្រវត្តិសាស្ត្រជាតារាកូរ៉េដំបូងគេដែលទទួលបានចំណាត់ថ្នាក់លេខមួយនៅលើតារា Billboard ជាមួយនឹងបទ “Like Crazy” ។

ក្រោយប្រកាសភាពជោគជ័យនេះ ប្រព័ន្ធផ្សព្វផ្សាយទាំងកូរ៉េ និងអន្តរជាតិបានចែករំលែកការអបអរសាទរចំពោះភាពសមិទ្ធិផលរបស់ Jimin ខណៈ CNN បាន​រង​ការ​រិះគន់​យ៉ាង​ចាស់​ដៃពីអ្នកគាំទ្រក្រុម BTS បន្ទាប់ពីសារព័ត៌មាននេះបង្ហោះសារមួយឃ្លានៅលើបណ្ដាញ Twitter ។

សារព័ត៌មាន CNN បានសរសេរថា “សមាជិក​ក្រុម BTS មួយចំនួន​បាន​ចេញអាល់ប៊ុម​​ទោល ប៉ុន្តែ​គ្មាន​នរណា​ជោគជ័យ​ដូច Jimin នោះទេ។”

សំណេរមួយឃ្លានេះ ធ្វើអ្នកគាំទ្រសម្ដែងការមិនពេញចិត្ត រហូតមានអ្នកខ្លះខឹងសម្បារទៀតផង ព្រោះពួកគេចាត់ទុកវាជាការបណ្ដុះបង្អាប់ និងមិនគោរពសមាជិក BTS ដទៃទៀត ហើយថាវាជាសំណេរ​ដែលបញ្ឆេះ​សមាជិកទាំងអស់ឱ្យថ្នាំងថ្នាក់នឹង​គ្នា៕

ប្រែសម្រួល៖ សន្យា

ចុចអាន៖ ផលិតករភាពយន្ត “You Have Done Well” បដិសេធរឿង IU ស៊ីថ្លៃខ្លួនខ្ទង់លានដុល្លារ

ចុចអាន៖ តារាចម្រៀងកូរ៉េ Bana ចែករំលែកថា ខ្លួនធ្លាប់បដិសេធរៀបការជាមួយព្រះអង្គម្ចាស់ថៃ

The post សារព័ត៌មាន CNN រងពាក្យរិះគន់ពីអ្នកគាំទ្រ ក្រោយបណ្ដុះបង្អាប់សមាជិក BTS appeared first on Kampuchea Thmey Daily.

បទ “Like Crazy” ពីអាល់ប៊ុមទោលដំបូងរបស់ Jimin បានជះឥទ្ធិពលមិនធ្លាប់មានពីមុនមក និងមិននឹកស្មានដល់លើឧស្សាហកម្មកម្សាន្តកូរ៉េ បន្ទាប់ពីបទនេះឈរនៅលំដាប់ថ្នាក់ទី១ នៅលើតារាង Billboard 100 ដែលវាបាននាំឱ្យលោកក្លាយជាសិល្បករទោលរបស់កូរ៉េខាងត្បូងដំបូងបំផុតនៃប្រវត្តិសាស្ត្រនេះ។

បន្ទាប់ពីព័ត៌មានបានផ្សព្វផ្សាយ Jimin បានចេញមុខថ្លែងអំណរគុណដល់អ្នកគាំទ្រ និងចែករំលែកអារម្មណ៍ត្រេកអរចំពោះសមិទ្ធិផលប្រវត្តិសាស្ត្រមួយនេះ។ ជាមួយគ្នាដែរ ARMYs បាននាំគ្នាចូលទៅសាទរដល់សមាជិក BTS រូបនេះយ៉ាងសន្ធឹកសន្ធាប់។

យោងតាមរបាយការណ៍មួយនៅក្នុងប្រទេសកូរ៉េ សមិទ្ធផលដ៏ធំរបស់ Jimin បានជះឥទ្ធិពលគួរឱ្យភ្ញាក់ផ្អើលដល់ឧស្សាហកម្មកម្សាន្តកូរ៉េ ជាពិសេសភាគហ៊ុនក្រុមហ៊ុនបានកើនតម្លៃគួរឱ្យកត់សម្គាល់៕

ប្រែសម្រួល៖ សន្យា

ចុចអាន៖ Suga សមាជិក BTS នឹងសហការជាមួយ IU ក្នុងបទចម្រៀងថ្មី

ចុចអាន៖ សមាជិកក្រុមចម្រៀងកូរ៉េ Treasure ត្រូវអណ្ដាតភ្លើងឆាបឆេះពេលប្រគំតន្ត្រីនៅថៃ

The post Jimin ជាតារាកូរ៉េដំបូងគេ ដែលបង្កើតប្រវត្តិសាស្ត្រលើតារាង Billboard appeared first on Kampuchea Thmey Daily.