ស្រ្តីអនាមិករូបនោះថែមទាំងនិយាយរៀបរាប់ទៀតថា​៖​«ថ្ងៃមួយខ្ញុំបានរួមភេទជាមួយគាត់នៅផ្ទះរបស់គាត់ ក្រោយមកខ្ញុំដឹងថា គាត់បានដំឡើងកាមេរ៉ាដោយសម្ងាត់។ អ្វីដែលកាន់តែអាក្រក់នោះគាត់បានបង្ហាញវីដេអូទៅមិត្តរបស់គាត់ គាត់បាននិយាយថាគាត់មានវីដេអូឃ្លីបរបស់នារីជាច្រើនទៀត»។

នាង​ក៏​អះអាង​ដែរ​ថា បងប្រុស​របស់ Jisoo មាន​ទំនាក់​ទំនង​ជាមួយ​មនុស្ស​ស្រី​ច្រើន​នាក់​ក្នុង​ពេល​តែ​មួយ។ ក្នុង​នោះ​មាន​ស្ត្រី​ម្នាក់​ដែល​គាត់​ទើប​តែ​បាន​ជួប ខណៈ​ប្រពន្ធ​គាត់​មាន​ផ្ទៃពោះ​ក៏​បង្ខំ​នារី​វ័យក្មេង​មួយ​ចំនួន​ឲ្យផ្ញើ​វីដេអូ​សម្ងាត់​នោះផង​ដែរ ។

ស្រ្តីដដែលនោះបានបញ្ចាក់បន្ថែមថា «គាត់ចាត់ទុកស្ត្រីដូចជាប្រដាប់ក្មេងលេងផ្លូវភេទ។ គ្មានការគោរពចំពោះអារម្មណ៍ ឬការយល់ព្រមទេ ខ្ញុំមិនដែលយល់ព្រមទេ ខ្ញុំមិនដឹងថាខ្ញុំត្រូវបានគេថតរូបនោះទេ។ ខ្ញុំជាជនរងគ្រោះ ហើយពេលនេះកំពុងពិចារណាចាត់វិធានការផ្លូវច្បាប់»។

បុរសជាប់ចោទគឺលោក Kim ដែលជាស្គាលថាបងប្រុសបង្កើតរបស់តារាចម្រៀង Jisoo ដែលបច្ចុប្បន្នមានតួនាទីជាប្រធានក្រុមហ៊ុនដែលមើលការខុសត្រូវលើយីហោអាហារបំប៉នរបស់កុមារ Bioom និងជាស្ថាបនិក Blissoo ដែលជាក្រុមហ៊ុនកម្សាន្តដែល Jisoo ជានាយកប្រតិបត្តិ និងជាសិល្បករសំខាន់នៃស្លាកសញ្ញាមួយនេះ។

​ថ្វីដ្បិតតែការ​បង្ហោះ​ដើម​ត្រូវ​បាន​លុប​ចោល​ក៏​ដោយ ប៉ុន្តែ​ខ្លឹមសារ​នោះ​បាន​រីក​រាល​ដាល​យ៉ាង​ឆាប់​រហ័ស​តាម​អ៊ីនធឺណិត និង​បង្ក​ឲ្យ​មាន​ការ​រិះគន់​យ៉ាង​ខ្លាំង។ ភ្លាមៗ ទីភ្នាក់ងាររបស់ Jisoo បានចេញសេចក្តីថ្លែងការណ៍ខ្លីមួយ ដោយនិយាយថា ពួកគេកំពុងពិនិត្យមើលការពិត។

មិនតែប៉ុណ្ណោះលោក Kim ដែលជនសង្ស័យបានឆ្លើយតបយ៉ាងខ្លីទៅកាន់ភ្នាក់ងារកម្សាន្ត Ilgan Sports ដោយនិយាយថា «ការចោទប្រកាន់ទាំងអស់មិនពិតទេ។ ខ្ញុំមានគម្រោងនឹងចាត់វិធានការផ្លូវច្បាប់។ បច្ចុប្បន្នពួកយើងកំពុងពិភាក្សាជាមួយក្រុមផ្លូវច្បាប់ចំពោះបញ្ហាមួយនេះ»៕

អត្ថបទ៖ សាង ស្រីល័ក្ខ

ចុចអាន៖​កូនប្រុស​​​ ​លោក Lee Jae Myung រង​ពិន័យ​ ព្រោះ​ បញ្ចេញមតិអាសអាភាសលើរូបនាង​ Karina ក្រុម aespa

The post បងប្រុស Jisoo រងការចោទប្រកាន់ថា លួចថតវីដេអូសិចជាមួយស្រ្តីម្នាក់ appeared first on Kampuchea Thmey Daily.

លោក Aaron Bay-Schuck នាយកប្រតិបត្តិ និងជាសហប្រធាននៃក្រុមហ៊ុន Warner Records បាននិយាយថា «គ្មានអ្វីគួរឲ្យសង្ស័យទេ Jisoo គឺជាតារាដ៏ធំបំផុតមួយនៅក្នុងពិភពលោក ហើយយើងក៏គ្មានការងឿងឆ្ងល់ដែរថា អាជីពទោលរបស់នាងនឹងកាន់តែមានឥទ្ធិពល ថាមពល ចំណង់​ចំណូល​ចិត្ត និង​សិល្បៈ Jisoo នាំ​ឲ្យតន្ត្រី​របស់​នាង​ស្ថិត​ក្នុង​កម្រិត​មួយ​ទៀត។ មិនតែប៉ុណ្ណោះ តន្ត្រីរបស់នាងបានឆ្លងផុតវប្បធម៌ ហើយ Tom Corson (COO និងជាសហប្រធាននៃ Warner Records) ​និងខ្ញុំ រួមជាមួយនឹងក្រុមទាំងមូល​ មានសេចក្តីរំភើបរីករាយដែលបានចូលរួមជាមួយ Jisoo នៅពេលដែលនាងបន្តបង្កើតប្រវត្តិសាស្ត្រ និងលើកទឹកចិត្តមនុស្សរាប់លាននាក់ជុំវិញពិភពលោក`»។

ទន្ទឹមនោះដែរ តារាស្រី​ Jisoo បាននិយាយនៅក្នុងសេចក្តីថ្លែងការណ៍មួយថា «ខ្ញុំរំភើបចំពោះយុគសម័យថ្មីនេះ និងការបន្តដំណើរតន្ត្រីរបស់ខ្ញុំ។ ខ្ញុំមានអារម្មណ៍ថា ខ្ញុំទើបតែចាប់ផ្តើម ហើយខ្ញុំចង់អរគុណ BLINKs សម្រាប់ក្តីស្រលាញ់ និងការគាំទ្ររបស់ពួកគេកន្លងមក»។

Jisoo គឺជាសមាជិកចុងក្រោយក្នុងចំណោមសមាជិក Blackpink បួននាក់ដែលបានចុះហត្ថលេខាលើកិច្ចសន្យាទោលនៅខាងក្រៅក្រុម Kpop ដែលត្រូវបានគេចាត់ទុកថាជាក្រុមចម្រៀងស្រីដែលលក់ដាច់បំផុតទូទាំងពិភពលោក។ នៅឆ្នាំ ២០២៣ Blackpink បានប្រកាសពីការបំបែកខ្លួនពីផលិតកម្ម YG Entertainment ដោយបដិសេធមិនបន្តកុងត្រាជាមួយទីភ្នាក់ងារសម្រាប់ការប្រឹងប្រែងទោលរបស់ពួកគេ៕

អត្ថបទ៖ សាង ស្រីល័ក្ខ

ចុចអាន៖Kim Soo-hyun បដិសេធ​ពាក្យ​ចចាមអារ៉ាមស្នេហា​ជាមួយតួឯកស្រីក្នុងរឿង «Queen of Tears»

The post Jisoo ចុះកុងត្រាជាមួយ Warner Records ត្រៀមចេញអាល់ប៊ុមទោលជាថ្មី appeared first on Kampuchea Thmey Daily.

អ្វីដែលធ្វើឲ្យអ្នកគាំទ្រកត់សម្គាល់ជាងគេនោះ Jisoo ហាក់ដូចជាមិនបានផ្ដោតទៅលើចម្រៀងប៉ុន្មាននោះទេ ដោយនាងហាក់បីដូចជាស្ងាត់មិនទាន់មានគម្រោងចេញចម្រៀងទោល ឬសកម្មភាពដែលពាក់ព័ន្ធនឹងតន្ត្រីឡើយ។ ដោយឡែក រូបនាងបង្វែរអាជីពទៅផ្ដោតលើការសម្ដែងខ្សែភាពយន្ដ ខុសប្លែកពីសមាជិកទាំង៣នាក់ផ្សេងទៀតដែលស្រឡាញ់តន្ត្រីជាខ្លាំង។

យ៉ាងណាមិញ មានអ្នកគាំទ្រមួយចំនួនបានចូលទៅខមិននៅក្រោមរូបភាពរបស់ Jisoo នៅក្នុងគណនី Instagram របស់នាង ពោរពេញទៅដោយការរិះគន់។ ដោយពួកគេបានខមិនអំពីភាពជោគជ័យនៃការចេញចម្រៀងរបស់សមាជិកដ៏ទៃ ខណៈដែលសមាជិកបងគេ Jisoo ស្ងាត់ជ្រាបតែម្ដង។

នៅក្នុងនោះ មានដូចជា Lisa បានឡើងសម្ដែងនៅ Victoria’s Secret ហើយ Jennie បានឈ្នះពានជាច្រើនជាមួយនឹងបទ Mantra របស់នាង ហើយថ្មីៗនេះ Rosé បានសហការជាមួយ Bruno Mars ចេញចម្រៀងមួយដែលធ្វើឲ្យកក្រើកវិស័យតន្ត្រី។

តួយ៉ាង គណនី BLISSOO NEWS នៅក្នុងកម្មវិធី X (Twitter) បានបង្ហោះនាំពាក្យរបស់ Jisoo ថា សូមឲ្យ Blink ទ្រាំស្ងប់អារម្មណ៍បន្ដិចទៅ នាងកំពុងតែត្រៀមបញ្ចេញសមិទ្ធផលជាច្រើន មានទាំងភាពយន្ដ និងចម្រៀង ហើយបន្ដិចទៀតនឹងពោរពេញទៅដោយចម្រៀងរបស់នាង ពិសេស នាងក៏នឹងត្រឡប់មកវិញជាមួយក្រុមផងដែរ ធានាថាការទន្ទឹងរងចាំរបស់អ្នកគាំទ្រ នឹងមិនខកបំណងនោះទេ៕

ប្រភព៖ Koreaboo

The post ស្ងាត់ពេក Jisoo ត្រូវគេតាមខមិនរិះគន់ ខណៈ៣នាក់ទៀតកំពុងជោគជ័យលើចម្រៀង appeared first on Kampuchea Thmey Daily.

ទន្ទឹមនោះទៀតដែរ វត្តមានរបស់នាងនៅក្នុងព្រឹត្តិការណ៍ គឺជាគន្លឹះក្នុងការជំរុញសេដ្ឋកិច្ចម៉ាកយីហោ យោងទៅតាមប្រព័ន្ធផ្សព្វផ្សាយនិងគេហទំព័រវិភាគម៉ូដ / អ្នកមានឥទ្ធិពល Lefty Jisoo បានជាប់ចំណាត់ថ្នាក់លេខ ១ Influencer នៅ “New York Fashion Week Womenswear SS25” ជាមួយនឹងតម្លៃ ១ លានដុល្លារដែលរកបានប្រព័ន្ធផ្សព្វផ្សាយ (EMV ) ដោយបានជួយ Tommy Hilfiger ធ្លាប់គ្រប់គ្រងបញ្ជីម៉ាកយីហោកំពូលនៅ Fashion Week ជាមួយនឹង ៥៦.៤ លាន EMV ។

លើសពីនេះ Jisoo ពិតជាសក្តិសមជាសិល្បករលំដាប់ពិភពលោក គឺជាតារាដែលមានការលើកឡើងច្រើនជាងគេក្នុងអំឡុង New York Fashion Week Spring/Summer 2025 ជាមួយនឹង hashtag របស់នាង #jisooxtommyhilfigerss25 ប្រើប្រាស់ច្រើនជាង ២៤៣,៥៧៩ ដង ដែលខ្ពស់ជាង hashtag សំខាន់នៃព្រឹត្តិការណ៍ធំនៅទីក្រុង New York ។

ក្រៅពី JISOO ដែលជាតារាស្រីរកចំណូលឲ្យ​ Tommy Hilfiger បានច្រើនជាងគេក្នុងនោះផងដែរ អ្នកមានឥទ្ធិពលផ្សេងទៀតសម្រាប់រដូវកាល New York Fashion Week មានដូចជា៖

១. JISOO — ៨ លានដុល្លារ (SS25)

២. Winter — ៥.៤៤លានដុល្លារ (SS25)

៣. Lee Min Ho — ៥.៩១លានដុល្លារ(SS23)

៤. Fourth — ៥.៣៩លានដុល្លារ (SS25)

៥. Gemini — ៥.០៧លានដុល្លារ (SS25)

៦. Kim Kardashian — ៤.២៣លានដុល្លារ (SS23)៕

អត្ថបទ៖ សាង ស្រីល័ក្ខ

ចុចអាន៖មហាជន​កូរ៉េ​ សម្ដែង​ការ​ខក​ចិត្ត​ បន្ទាប់​ពី Baekhyun ត្រូវ​គេ​ឃើញ​ជក់​បារី​

The post Jisoo ក្លាយជា Influencer លេខ១ ក្នុងតម្លៃ ៨ លានដុល្លារ​ ជួយយីហោ Tommy Hilfiger ឡើងខ្ពស់មិនធ្លាប់មាន appeared first on Kampuchea Thmey Daily.

ក្នុងនាមជាអ្នកកាន់តួនាទីជាទូតសុឆន្ទៈពិភពលោក Jisoo បានក្លាយជាតួរអង្គដែលគេទន្ទឹងរង់ចាំបំផុតនៅក្នុងកម្មវិធីបង្ហាញម៉ូដរបស់ផ្ទះម៉ូដបារាំង។ ក្នុងអំឡុងពេលនៃព្រឹត្តិការណ៍ចាប់ផ្តើមនៃការប្រមូល Fall/Winter 2023 – 2024 នៅ Jardin des Tuileries (Paris) តារាចម្រៀងដែលកើតក្នុងឆ្នាំ ១៩៩៥ ​រូបនេះ​ ហាក់ទទួលបាននូវការចាប់អារម្មណ៍ជាមួយនឹងសំលៀកបំពាក់ទាន់សម័យ ពោរពេញដោយពន្លឺពណ៌ស្វាយលំដាប់ខ្ពស់។ រ៉ូប satin ដ៏ទាក់ទាញជាមួយនឹងការរចនាលម្អិតនៅចង្កេះលើដងខ្លួនរបស់នាងធ្វើឲ្យគេនឹកឃើញដល់រូបភាពរបស់ Christian Dior ក្នុងទសវត្សរ៍ឆ្នាំ ១៩៥០ ។ ទាក់​ទង​នឹង​គ្រឿង​បន្ថែម សមាជិក Blackpink ពាក់តិចតួចប៉ុណ្ណោះលើដងខ្លួនរបស់នាងអមដោយកាបូប Lady Dior ធម្មតា។

ទោះបីជាយ៉ាងណា រូបភាពរបស់តារាចម្រៀងស្រីរូបនេះ មិនត្រូវបានមហាជនចាប់អារម្មណ៍ខ្លាំងនោះទេ ហើយថែមទាំងទទួលបានមតិចម្រុះជាច្រើន ដោយសារតែការតុបតែងមុខក្រាស់ និងមានស្រមោលខ្មៅលើមុខមាត់របស់នាងពេក។ មានមតិជាច្រើនថា ការសង្កត់ធ្ងន់លើភ្នែក ក៏ដូចជាស្ទីលសក់ទឹករលកធ្វើឲ្យ Jisoo មើលទៅមានរូបរាងវ័យចំណាស់ជាងរូបភាពធម្មតារបស់នាង។

ដោយឡែក ងាកមកកាន់តារាចិន Dilraba ក៏បានជ្រើសយកឈុតពណ៌ស្វាយបែបស៊ីវល័យពី Dior Pre-Fall 2023 collection មិនខុសគ្នាពីសមាជិក្រុមនោះទេ។ ចូលរួមក្នុងព្រឹត្តិការណ៍បង្ហាញម៉ូតនៃមហោស្រពភាពយន្តអន្តរជាតិទីក្រុងសៀងហៃឆ្នាំ ២០២៣ តារាស្រីរូបនេះក៏បានបង្ហាញពីរូបភាពរបស់នារីទាន់សម័យអមជាមួយគ្រឿងលម្អមាសពណ៌សរបស់ Rose Dior Bagatelle ។ តាម​ការ​ប៉ាន់​ស្មាន​ថា គ្រឿង​អលង្ការ​ទាំង​មូល​មាន​តម្លៃ​សរុប​រាប់ម៉ឺនដុល្លារឯណោះ។

ស្រដៀងនឹងស្ថានភាពរបស់ Jisoo ដែរ Dilraba ក៏ទទួលបានមតិជាច្រើនផងដែរ ដោយសារតែរូបថតរបស់នាងបង្ហាញពី ឆ្អឹងដងកំបិតលេចធ្លោពេកលើដងខ្លួន វាបានធ្វើឲ្យប៉ះពាល់ដល់យុវវ័យក្នុងប្រទេសចិន។ ជាក់ស្តែង ទស្សនិកជនជាច្រើនជឿថា ការស្រកទម្ងន់ខ្លាំងពេក ធ្វើឲ្យតារាស្រីរូបនេះ ស្គមស្គាំង និងគ្មានជីវិត។ នៅពេលនោះ ពាក្យគន្លឹះ ឆ្អឹងដងកំបិតរបស់នាង បានជាប់ចំណាត់ថ្នាក់កំពូល ២ ដែលកំពុងស្វែងរកដោយជិតមួយលានដងថែមទៀតផង៕

អត្ថបទ៖ សាង ស្រីល័ក្ខ

ចុចអាន៖ស្លៀកឈុត​ពណ៌​ស្វាយ​ដូច​គ្នា Jisoo និង Dilraba ត្រូវគេប្រៀបធៀបសម្រស់គ្នា

The post ស្លៀកឈុត​ពណ៌​ស្វាយ​ដូច​គ្នា Jisoo និង Dilraba ត្រូវគេប្រៀបធៀបសម្រស់គ្នា appeared first on Kampuchea Thmey Daily.

នៅក្នុងយុទ្ធនាការនេះ Jisoo បង្ហាញមុខក្នុងរ៉ូបពណ៌ផ្កាឈូកភ្លឺ និងតុបតែងដោយបូផ្កាពណ៌ខ្មៅយ៉ាងស្រស់ឆើតឆាយ។ ការ​តុបតែង​ខ្លួន​របស់​នាង​រួម​មាន​ការ​ផាត់​ភ្នែក​ស្រាលៗ និង​បបូរមាត់ស៊ីជំពូ​រលោងយ៉ាង​ល្អ​ឥត​ខ្ចោះ​ ជាមួយ​នឹងក្រុមពណ៌​ផ្កាឈូក​ផ្សេងទៀត។

នៅពេលនោះ Jisoo បានបង្កើតប្រវត្តិសាស្ត្រ ដោយក្លាយជាតន្ត្រីករដំបូងគេក្លាយជាមុខមាត់នៃការថតរូបខ្លួនឯង ខណៈដែលយីហោនេះធ្លាប់ធ្វើការភាគច្រើនជាមួយតារាម៉ូដែលដូចជា Emily Ratajkowski, Gigi Hadid, Irina Shayk និង Bella Hadid ។

ទោះជាយ៉ាងណាក៏ដោយ ឥឡូវនេះ Jisoo សម្រេចបាននូវភាពអស្ចារ្យមួយទៀតដែលបង្ហាញពីឥទ្ធិពលជាសាកលរបស់នាងដោយការថតរូបខ្លួនឯង ទទួលបាននូវទឹកប្រាក់ ២.៧ លានដុល្លារក្នុងតម្លៃផលប៉ះពាល់ប្រព័ន្ធផ្សព្វផ្សាយ (MIV) ក្នុងរយៈពេលត្រឹមតែ ៤៨ ម៉ោងដំបូងបន្ទាប់ពីការប្រកាសពីភាពជាដៃគូប្រកបដោយផ្លែផ្កានេះ។

លើសពីនេះ យោងតាមទិន្នន័យពី Launchmetrics ការបង្ហោះ Instagram ផ្លូវការរបស់ Self-Portrait ប្រមូលបាន ៥៩០,០០០ ដុល្លារ នៅក្នុង MIV អរគុណដល់ Jisoo ថែមទៀតផង៕

អត្ថបទ៖ សាង ស្រីល័ក្ខ

ចុចអាន៖Dispatch ​បង្ហាញព័ស្តុតាង​ថា So Hee និង Jun Yeol ​ពិតជាជួប​គ្នាពេល​នៅ​ Hawaii មែន

The post ត្រឹម២ថ្ងៃរូបភាព Jisoo តែឯង រកចំណូលជាង ២.៧ លានដុល្លារ appeared first on Kampuchea Thmey Daily.

ក្នុងនោះផងដែរ កាសែត The Times of India បានកត់សម្គាល់ថា របាយការណ៍ពីប្រព័ន្ធផ្សព្វផ្សាយកូរ៉េខាងត្បូងកាលពីថ្ងៃអង្គារបានបង្ហាញថា តារា K-pop បានជ្រើសរើសអង្គការ Save the Children ដែលជាអង្គការមិនមែនរដ្ឋាភិបាលជាអ្នកទទួលអំណោយរបស់នាង។

ប៉ុស្តិ៍ YouTube របស់ Jisoo ដែលនាងបានចាប់ផ្តើមនៅខែវិច្ឆិកា ឆ្នាំ ២០២២ បានទាក់ទាញអ្នកជាវច្រើនជាង ៤.៩ លាននាក់ ដោយសារខ្លឹមសារទាក់ទាញរបស់នាង ដែលផ្តល់នូវការមើលចូលទៅក្នុងជីវិតរបស់នាង។​​ ចំណែកអង្គការ Save the Children ដែលជាអង្គការដែលមានប្រវត្តិតាំងពីឆ្នាំ ១៩១៩ បានដឹកនាំក្នុងកិច្ចខិតខំប្រឹងប្រែងដើម្បីបង្កើនជីវិតរបស់កុមារនៅជុំវិញពិភពលោក ដោយផ្តោតលើការអប់រំ ការថែទាំសុខភាព និងគំនិតផ្តួចផ្តើមកែលម្អសេដ្ឋកិច្ច អង្គការមានគោលបំណងធានាបាននូវអនាគតដ៏ល្អប្រសើរសម្រាប់កុមារដែលត្រូវការជំនួយ។

ដោយឡែក Korea JoongAng Daily បានរាយការណ៍កាលពីខែមុនថា សិល្បកររូបនេះបានបង្កើតភ្នាក់ងារផ្ទាល់ខ្លួន BLISSOO ដើម្បីគ្រប់គ្រងសកម្មភាពទោលរបស់នាង។ ជំហាននេះគឺជាផ្នែកមួយនៃនិន្នាការក្នុងចំណោមសមាជិក Blackpink ដើម្បីគ្រប់គ្រងលើផ្នែកសិល្បៈ និងអាជីវកម្មផ្ទាល់ខ្លួនរបស់ពួកគេ ដោយ Jennie បានបង្កើត ODD ATELIER (OA) និង Lisa បង្កើត LLOUD បន្ទាប់ពីកិច្ចសន្យារបស់ពួកគេជាមួយ YG Entertainment បានបញ្ចប់៕

អត្ថបទ៖ សាង ស្រីល័ក្ខ

ចុចអាន៖ភ្នាក់ងារទាំងពីរឆ្លើយផាំងៗទៅវិញ ក្រោយឮដំណឹងថា Han So Hee និង Ryu Jun Yeol មានស្នេហា

The post Jisoo សន្យារកប្រាក់ពី YouTube មកផ្គត់ផ្គង់ដល់គម្រោងដាំដើមកោងកាងនៅ វៀតណាម appeared first on Kampuchea Thmey Daily.

ជាមួយគ្នានោះថែមទៀត ក្រោយកិច្ចសន្យាជាមួយផលិតកម្ម YG បានបញ្ចាក់ថា​សកម្មភាពក្រុមនៅតែបន្ត ខណៈដែលសកម្មភាពទោលគឺលែងមានទៀត។ អ្នកទាំងបួនក៏លែងមានសកម្មភាពជាក្រុម ក្នុងពេលដែល Jennie ប្រកាសបង្កើតក្រុមហ៊ុនផ្ទាល់ខ្លួន, Lisa​ និង Rose ត្រូវពង្រឹងការងារនៅក្រៅប្រទេស ចំណែកឯ Jisoo ត្រូវស្ថិតនៅក្រោមការមើលថែពីបងប្រុសវិញ។

ទោះយ៉ាងណាក៏ដោយ កាលពីថ្ងៃទី០៣ ខែមករា ដើម្បីជម្រះ​ដំណឹង​​​បែក​បាក់របស់ក្រុម BLACKPINK សមាជិកទាំង ៣ បានជូនពរថ្ងៃខួបកំណើតរបស់ Jisoo ដោយអ្នកដំបូងគេបង្អស់គឺ Jennie បានប្រារព្ធខួបកំណើតរបស់ Jisoo តាមរយៈការបង្ហោះរូបភាពនៅលើបណ្ដាញសង្គមរបស់នាងជាមួយនឹងសារថា “រីករាយថ្ងៃកំណើតមិត្តសម្លាញ់”, Lisa និង Rose ក៏មិនខកខានក្នុងការជូនពរបងស្រីធំរបស់ក្រុមនេះ ឲ្យរីករាយថ្ងៃកំណើតផងដែរ។

ប្រការនេះ​បានធ្វើ​ឲ្យ​អ្នក​គាំទ្រ​ទូទាំងពិភពលោក ញញឹម​ដោយ​ក្ដី​រីករាយហើយក៏រាងធូរចិត្តជាងមុន កាលបើដឹងថាពួកគេនៅតែស្រលាញ់គ្នានិងស្និតស្នាលដដែល។ ទោះបីជាសមាជិកក្រុម BLACKPINK នឹងមិនបន្តកុងត្រាផ្ទាល់ខ្លួនជាមួយ YG Entertainment ក៏ដោយ ប៉ុន្តែមិត្តភាពរបស់ពួកគេមិនផ្លាស់ប្តូរឡើយ។

សូមបញ្ចាក់ជាថ្មីម្ដងទៀតថា សមាជិកក្រុម BLACKPINK ទាំងអស់បានសម្រេចចិត្តមិនបន្តកិច្ចសន្យាផ្ទាល់ខ្លួនជាមួយផលិតកម្ម YG Entertainment ។ ពួកគេមានសេរីភាពក្នុងការបន្តការងារទោលក្រោមតំណាងផ្សេងៗ ហើយបើទោះជាមិនបានបន្តកិច្ចសន្យាទោលក៏ពិតមែន​ ប៉ុន្តែសកម្មភាពក្រុមនៅតែបន្ត ដរាបណាកាលវិភាគអ្នកទាំងបួនសមស្របជាមួយគ្នា៕

អត្ថបទ៖ សាង ស្រីល័ក្ខ

ចុចអាន៖Lisa បង្អួតឈុតប៊ីគីនីពណ៌លឿងនៅសមុទ្រ ស្វាគមន៍ដើមឆ្នាំថ្មី

The post ជម្រះដំណឹង​​​បែក​បាក់របស់ BLACKPINK សមាជិកទាំង ៣ ជូនពរថ្ងៃកំណើត Jisoo appeared first on Kampuchea Thmey Daily.