យោងតាមការចុះផ្សាយដោយអ្នកកាសែត អ៉ីតាលី លោក Fabrizio Romano កាលពីថ្ងៃទី ២៨ ខែ ឧសភា ម្សលមិញ បានឱ្យដឹងថា មេធាវីរបស់ De Bruyne កំពុងស្ថិតនៅក្នុងប្រទេស អ៊ីតាលី ដើម្បីដំណើការកិច្ចព្រមព្រៀងឱ្យសម្រេចជាស្ថាពរនៅថ្ងៃនេះ ខណៈឥឡូវនេះការចរចាកំពុងតែបន្ត។

យ៉ាងណា ព័ត៌មានអំពីការផ្ទេរនេះ គឺកាន់តែច្បាស់ថែមទៀត បន្ទាប់ពីប្រធានក្លិបរបស់ Napoli លោក De Laurentiis បានមានប្រសាសន៍កាលពីប៉ុន្មានថ្ងៃមុនថា៖ «ខ្ញុំគិតថា De Bruyne អាចចូលរួមជាមួយពួកយើងឥឡូវនេះ… ខ្ញុំបានប្រាប់គាត់រួចរាល់ហើយ ឱ្យទិញផ្ទះដ៏ស្រស់ស្អាតមួយនៅទីនេះក្នុងទីក្រុង Napoli…»។

គួរបញ្ជាក់ជាថ្មីថា De Bruyne បានសម្រេចចាកចេញពី Man City នៅរដូវកាលនេះហើយ ក្រោយកិច្ចសន្យារបស់គាត់អស់សុពលភាព បន្ទាប់ពីស្នាក់នៅទីនេះបានរយៈពេល ១០ ឆ្នាំ ពោលគឺតាំងពីឆ្នាំ ២០១៥ មក៕

ប្រែសម្រួល៖ សេម កុសល
ប្រភព៖ Fabrizio Romano

The post De Bruyne កំពុងកៀកផ្លាស់ទៅក្លិបគីឡូ UCL មួយ ក្រោយចាកចេញពី Man City appeared first on Kampuchea Thmey Daily.

De Bruyne ដែលបច្ចុប្បន្នមានវ័យ ៣៣ ឆ្នាំ បានចាកចេញពី VFL Wolfsburg មកចូលរួមជាមួយ Man City តាំងពីឆ្នាំ ២០១៥ មកម្ល៉េះ ប៉ុន្តែនៅរដូវក្តៅនេះ គាត់នឹងត្រូវចាកចេញហើយ ក្រោយពេលកិច្ចសន្យារបស់គាត់ នឹងត្រូវបញ្ចប់ត្រឹមថ្ងៃទី ៣០ ខែ មិថុនា ឆ្នាំ ២០២៥។

យ៉ាងណាមិញ គាត់ហាក់មិនទាន់ចង់ចាកចេញពី Man City ដែលជាទ្រនំយូរឆ្នាំរបស់ខ្លួនប៉ុន្មានឡើយ ដោយគាត់អះអាងថា គាត់នៅតែមានសមត្ថភាពគ្រប់គ្រាន់ក្នុងការលេងនៅទីនេះបន្ត ប៉ុន្តែរឿងដែលភ្ញាក់ផ្អើលមួយ ក្នុងរយៈពេល ១ ឆ្នាំពេញនេះ គាត់មិនបានទទួលសំណើបន្តកិច្ចសន្យាថ្មីពីក្លិបទាល់តែសោះ។

ទាក់ទងនឹងរឿងនេះ គាត់បាននិយាយថា៖ «ពេញមួយឆ្នាំនេះ ខ្ញុំមិនបានទទួលសំណើណាមួយពីក្លិបទាល់តែសោះ។ ពួកគេគ្រាន់តែស្ថិតក្នុងការសម្រេចចិត្ត។ ជាក់ស្តែង ខ្ញុំមានការភ្ញាក់ផ្អើលបន្តិចដែរ ប៉ុន្តែខ្ញុំត្រឹមតែទទួលយកវាប៉ុណ្ណោះ។ និយាយដោយស្មោះត្រង់ទៅ ខ្ញុំនៅតែគិតថា ខ្ញុំអាចបញ្ចេញសមត្ថភាពស្ថិតនៅក្នុងកម្រិតនេះ ដូចដែលខ្ញុំកំពុងតែបង្ហាញ ប៉ុន្តែខ្ញុំយល់ថា ក្លិបបានធ្វើការសម្រេចចិត្តរួចរាល់ហើយ»។

ទោះបីជាយ៉ាងណាក៏ដោយ De Bruyne បានប្រកាសជាផ្លូវការរួចរាល់ហើយ ថា ខ្លួននឹងចាកចេញពី Man City នៅដំណាច់រដូវកាលនេះ។ ដូច្នេះនៅរដូវក្តៅនេះ ខ្សែបម្រើសញ្ជាតិ ប៊ែលហ្ស៊ិក នឹងក្លាយជាកីឡាករ ដែលគ្មានតម្លៃខ្លួន៕

ប្រែសម្រួលអត្ថបទ៖ សេម កុសល
ប្រភព៖ BBC

The post De Bruyne ហាក់ចង់នៅបន្ត ខណៈ Man City មិនអើពើបន្ត​កុងត្រាថ្មី appeared first on Kampuchea Thmey Daily.

នៅក្នុងកិច្ចសន្ទនានោះ De Bruyne មិនបានស្ទាក់ស្ទើរក្នុងការឆ្លើយនោះទេ ដោយរូបគេបាននិយាយថា ៖«ខ្ញុំប្រហែលជានិយាយថា Ronaldo ព្រោះគាត់គឺជាខ្សែប្រយុទ្ធម្នាក់។ Messi គឺជាកីឡាករអ្នកនាំលេង។ ចំណែកខ្ញុំក៏ជាកីឡាករអ្នកនាំលេង ដូច្នេះអ្នកគួរតែឱ្យខ្សែប្រយុទ្ធម្នាក់មកលេងជាមួយខ្ញុំ»។

តាមរយៈពាក្យសម្តីរបស់ De Bruyne មានន័យថា ដោយសារគាត់ជាកីឡាករលេងក្នុងតួនាទីជាអ្នកនាំលេង ហើយចំណែក Messi ក៏ជាអ្នកនាំលេងដូចគ្នា ដូច្នេះហើយទើបគាត់មិនជ្រើសរើសយកខ្សែប្រយុទ្ធសញ្ជាតិ អាហ្សង់ទីន វ័យ ៣៧ឆ្នាំ។ គាត់សម្រេចចិត្តជ្រើសរើសយក Ronaldo ​ដែលជាជាខ្សែប្រយុទ្ធប្រអប់។

យ៉ាងណា ការលើកឡើងនេះ គឺ De Bruyne បាននិយាយតាំងពីឆ្នាំ ២០២៣ មកម្ល៉េះ ប៉ុន្តែថ្មីៗនេះរូបគេទើបតែបានប្រកាសជាផ្លូវការ ថានឹងចាកចេញពី Man City នៅដំណាច់រដូវកាល ២០២៤-២០២៥ នេះ។ បច្ចុប្បន្នមានក្លិបជាច្រើន កំពុងចង់បានគេ ដូចជា Inter Miami, ក្លិបលីគ MLS ផ្សេងទៀត និងមានក្លិប Al-Nassr នៅលីគ អារ៉ាប៊ីសាអ៊ូឌីតជាដើម។

រឿងនេះក៏អាចជាការចាប់អារម្មណ៍ផងដែរ អំពីការសម្រេចចិត្តរបស់ខ្សែបម្រើសញ្ជាតិ ប៊ែលហ្ស៊ិក វ័យ ៣៣ ឆ្នាំ ថាតើរូបគេនឹងជ្រើសរើសទៅលេងនៅក្លិបណា ស្របពេលនៅ Inter Miami មាន Messi ចំណែកនៅ Al-Nassr មាន Ronaldo៕

ប្រែសម្រួលអត្ថបទ៖ សេម កុសល
ប្រភព៖ Sportbible

The post De Bruyne បដិសេធ Messi ជ្រើសរើស Ronaldo ជាកីឡាករខ្លួនចង់លេងជាមួយបំផុត appeared first on Kampuchea Thmey Daily.

យោងតាមការចុះផ្សាយដោយសារព័ត៌មាន The Athletic បានឱ្យដឹងថា ក្លិប Inter Miami របស់លោក David Beckham គឺទទួលបានសិទ្ធិ​ពិសេស ក្នុងការចរចាជាមួយ​កីឡាករ​ De Bruyne នៅទីផ្សារដោះដូរកីឡាកររដូវក្តៅខាងមុខ។ មានន័យថា ក្លិបមានមូលដ្ឋាននៅរដ្ឋ ផ្លរីដា មួយនេះ គឺមានសិទ្ធិពេញលេញ ក្នុងការចរចាលក្ខខណ្ឌផ្សេងៗជាមួយ De Bruyne មុនក្លិបដទៃទៀតនៅក្នុងលីគ MLS។

កាលពីពេលថ្មីៗនេះ De Bruyne បានប្រកាសជាផ្លូវការហើយ អំពីការចាកចេញពី Man City នៅដំណាច់រដូវកាលនេះ បន្ទាប់ពីរូបគេស្នាក់នៅទីនេះអស់រយៈពេល ១០ ឆ្នាំ ពោលគឺតាំងពីឆ្នាំ ២០១៥។ ដូច្នេះនៅរដូវក្តៅខាងមុខ ខ្សែបម្រើសញ្ជាតិ ប៊ែលហ្ស៊ិក វ័យ ៣៣ ឆ្នាំ នឹងក្លាយជាកីឡាករ ដែលគ្មានតម្លៃខ្លួន។

ក្រៅពីក្លិប Inter Miami និងក្លិបមួយចំនួនទៀតនៅលីគ MLS ក៏មានក្លិបនៅលីគជាច្រើន ដែលកំពុងចង់បាន De Bruyne ផងដែរ ដូចជាក្លិបនៅលីគ Saudi Pro League និងក្លិបនៅលីគតួកគី៕

ប្រែសម្រួលអត្ថបទ៖ សេម កុសល
ប្រភព៖ GOAL

The post Miami ទទួលបានសិទ្ធិ​ពិសេសក្នុងការចរចាយក De Bruyne មកចាប់ដៃជាមួយ Messi appeared first on Kampuchea Thmey Daily.

កីឡាករ Kevin De Bruyne គឺជាគោលដៅរបស់ក្រុម Al-Ittihad នៅលីគអារ៉ាប៊ីសាអ៊ូឌីត​ក្នុងឆ្នាំនេះ ហើយមានព័ត៌មានជាច្រើនបានចុះផ្សាយរូបគេនឹងចាកចេញពីក្លិប Man City។ ពេលនេះលោក Pep Guardiola បានចេញមុខបដិសេធ និង​បញ្ជាក់​ថា ខ្សែបម្រើវ័យ៣៣ឆ្នាំ De Bruyne នៅសល់កិច្ចសន្យាមួយរដូវកាលទៀតជាមួយ​ក្លិប Man City។

លោក Pep Guardiola បាននិយាយថា ៖«Kevin មិនចាកចេញទេ។ ប្រសិនបើនរណាម្នាក់ចាកចេញ យើងនឹងនិយាយអំពីរឿងនោះ»។

សម្រាប់រដូវកាលថ្មី លោក Pep មិនមានការដោះដូរកីឡាករក្នុងក្រុមច្រើនទេ ដោយសារ​បច្ចុប្បន្នកម្រិតគុណភាពនិងសមត្ថភាពរបស់កូនក្រុម​ល្អ​ស្រាប់៕

ប្រែសម្រួល៖ ផា រតនា

The post លោក Pep ចេញមុខបញ្ជាក់ De Bruyne បន្ដស្នាក់នៅ Man City appeared first on Kampuchea Thmey Daily.

លោក Pep Guardiola គ្រូបង្វឹករបស់ក្រុម Manchester City បាន​ប្រាប់ថា ទំនាក់ទំនងរបស់លោក​ជាមួយកីឡាករ Kevin De Bruyne គឺនៅល្អធម្មតា ទោះបីជាកីឡាករសញ្ជាតិបែលហ្ស៊ិករូបនេះមិនសប្បាយចិត្តដែលត្រូវបានប្តូរចេញទល់នឹង Liverpool កាលចុងសប្តាហ៍​កន្លង​ទៅ។ ខ្សែបម្រើ De Bruyne ជាចំណែកមួយក្នុងការបង្កើតគ្រាប់បាល់ទី១ ក្រោយបញ្ចូនបាល់ឲ្យខ្សែការពារ John Stones ស៊ុតបញ្ចូលទីពីការទាត់បាល់ជ្រុង ប៉ុន្តែ​ខ្សែបម្រើ​រូបនេះ​ត្រូវបាន​ប្ដូរចេញ​ដោយការប្រកួត​នៅសល់​ជាង២០នាទី​ទៀត​។

ខ្សែបម្រើ De Bruyne បង្ហាញការខកចិត្តយ៉ាងខ្លាំងចំពោះការសម្រេចចិត្តរបស់លោក Guardiola បន្ទាប់ពីត្រូវបានប្ដូរចេញ។ បន្ទាប់ពីអង្គុយក្នុងកៅអីបម្រុងក្នុងអំឡុងពេលនោះគេមើលឃើញថា លោក Pep កំពុងពិភាក្សារឿងជាច្រើនជាមួយកីឡាករវ័យ៣២ឆ្នាំ។

លោក Pep Guardiola បាននិយាយថា ៖«នោះជាការល្អ នោះ​ជា​ការ​ល្អ។ គាត់​នឹង​មាន​ឱកាសបន្ទាប់​ ដើម្បី​បញ្ជាក់​ថា​ខ្ញុំ​ខុស​ប៉ុណ្ណា។ ដូច្នេះ​ពេល​ក្រោយ​គាត់​នឹង​មានឱកាស។ យើងត្រូវការកីឡាករដែលមានបាល់ ហើយនឹងរក្សាវា។ វាមិនមែនគ្រាន់តែលេងដាក់សម្ពាធតែមួយមុខទេ។ វាមិនមែនជាការលេងបែបនេះទេ។ នោះហើយជាមូលហេតុដែល Mateo ពិតជាល្អជាមួយនឹងរឿងនោះ ខណៈ Bernardo Silva និង Phil Foden ត្រូវបានដាក់លេងក្នុងទីតាំងកណ្តាល»។

«ចំពោះទំនាក់ទំនងរបស់លោក និងខ្សែបម្រើ Kevin De Bruyne ​គ្មាន​​បញ្ហា​អ្វី​ទេ។ មិន​អី​ទេ ហើយពួកយើងមិនមានរឿងអីទេ»។ លោក Pep Guardiola បានបន្ថែម៕

ប្រែសម្រួល៖ ផា រតនា
ប្រភព៖ Eurosport

The post Pep ថា ទំនាក់ទំនងខ្លួនជាមួយ Kevin De Bruyne នៅល្អធម្មតា appeared first on Kampuchea Thmey Daily.