តោះ! មកមើលថាតារា​ទាំង​ ៥រូប ​មាន​ការ​ប្រែប្រួលយ៉ាងណាខ្លះ​ក្នុង​រយៈ​ពេល ១៤​ឆ្នាំ​កន្លង​មក​នេះ!

តារាសម្ដែង Lee Min Ho តួ Goo Joon Pyo

ក្រៅ​ពី​ក្លាយ​ជា​តារា​ដ៏ពេញនិយម​ប្រចាំ​ទ្វីប​អាស៊ី លោក Lee Min Ho ក៏បាន​ក្លាយ​ជា​តារា​សម្ដែង​ដែល​ទទួល​បាន​ការ​សាទរ​ខ្ពស់​ ក្នុង​រយៈ​ពេល​ប៉ុន្មាន​ឆ្នាំ ​ចាប់​តាំង​ពី​សម្ដែង​ជាតួ Goo Joon Pyo។ លោកបានដើរតួក្នុងរឿងភាគល្បីជាច្រើនដូចជា រឿង “City Hunter” រឿង “Personal Taste” រឿង “Faith” រឿង “Heirs” និងរឿង “Legend of the Blue Sea” ។

ក្នុងឆ្នាំ២០១១ Lee Min Ho ត្រូវបានគេបញ្ជាក់ថា បានទាក់ទងជាមួយ Park Min Young ដែលជាដៃគូសម្ដែងក្នុងរឿង “City Hunters” ប៉ុន្តែទំនាក់ទំនងនេះមានរយៈពេលមិនដល់មួយឆ្នាំនោះទេ។ ចាប់ពីឆ្នាំ ២០១៥-២០១៧ ទំនាក់ទំនងសាធារណៈរបស់លោកជាមួយតារាស្រី Suzy បានក្លាយជាប្រធានបទដ៏ក្តៅគគុកនៅក្នុងពិភពកម្សាន្ត ប៉ុន្តែរឿងនោះបានស្ងប់ស្ងាត់ទៅវិញ ក្រោយតារាវ័យ ៣៦ឆ្នាំរូបនេះលេចមុខ​ក្នុងរឿង “The King” និងរឿង “Pachinko” ។

បច្ចុប្បន្ន Lee Min Ho ទទួលជោគជ័យទាំងអាជីពសម្ដែង ​និងបង្ហាញម៉ូដ ហើយលោកបានក្លាយម៉ូដែលថតស្ពតឱ្យម៉ាកល្បីៗជាច្រើន ប៉ុន្តែលោកមិនទាន់មានមិត្តស្រីនោះទេ។

តារាសម្ដែង Goo Hye Sun តួ Geum Jan Di

តាមពិតប្រវត្តិរបស់តួឯកស្រីក្នុងរឿងភាគ F4 គឺនាងមិនមែនត្រឹមតែជាតារាសម្តែងប៉ុណ្ណោះទេ ប៉ុន្តែនាងក៏ជាតារាចម្រៀង អ្នកនិពន្ធទំនុកច្រៀង អ្នកដឹកនាំរឿង ផលិតករ និងជាអ្នកនិពន្ធសៀវភៅផងដែរ។ នាងធ្លាប់សរសេរ និងដឹកនាំរឿង “Magic” រឿង “Fragments of Sweet Memories” និងរឿង “Daughter” ។ នៅឆ្នាំ២០១១ នាងបានបង្កើតក្រុមហ៊ុនថតកុនដែលមានឈ្មោះថា Goo Hye Sun Film ហើយ Goo Hye Sun បានក្លាយជាផលិតករ និងនិពន្ធ​បទ​ភ្លេងសម្រាប់រឿង “The Peach Tree” ។ ​ក្នុងឆ្នាំដដែលនាងបាន​បោះពុម្ព​សៀវភៅប្រលោមលោក​ដែល​ផ្អែក​លើ​ភាពយន្ត “The Peach Tree” ពាក់កណ្ដាល និងពាក់កណ្តាលទៀតជាជីវប្រវត្តិរបស់នាង។ ក្រៅពីនោះនាងក៏បានសម្តែងក្នុងរឿង “Take Care of Us” រឿង “Captain” រឿង “Angel Eyes” និងរឿង “Blood” ។

Goo Hye Sun បានរៀបការជាមួយតារាសម្តែង Ahn Jae Hyun ដែលជាសាច់ញាតិរបស់នាង ក្នុងឆ្នាំ២០១៦។ យ៉ាងណាមិញ បច្ចុប្បន្នអ្នកទាំងពីរបានលែងលះគ្នាទៅហើយ។

តារាសម្ដែង Kim Hyun Joong តួ Yoon Ji Hoon

អតីតសមាជិកក្រុម SS501 រូបនេះ បានបន្តអាជីពទោលដ៏ជោគជ័យជាមួយនឹងបទចម្រៀង និងអាល់ប៊ុមល្បីៗជាច្រើននៅក្នុងប្រទេសកូរ៉េ និងជប៉ុន ហើយលោកបានសម្តែងក្នុងរឿងភាគជាច្រើនផងដែរដូចជា រឿង “Playful Kiss” រឿង “Inspiring Generation” និងរឿង “Barefoot Friends” ។ ក្រោយសម្ដែងក្នុងរឿង “Playful Kiss” តារាប្រុស Kim Hyun Joong ត្រូវបានទស្សនិកជនស្គាល់យ៉ាងទូលំទូលាយនៅក្នុងប្រទេសជប៉ុន។

មុនឆ្នាំ២០១៦ Kim Hyun Joong ធ្លាប់ផ្ទុះព័ត៌មានស្នេហាជាច្រើនដង ​ប៉ុន្តែទំនាក់ទំនងទាំងនោះត្រូវបានសាបរលាប បន្ទាប់ពីលោកក្លាយជាតួឯកប្រុសក្នុងរឿង “When Time Stopped” ។ នៅខែកុម្ភៈ ឆ្នាំ២០២២ តារាវ័យ ៣៧ឆ្នាំរូបនេះបានប្រកាសនៅក្នុងការប្រគុំតន្ត្រីរបស់លោកថា លោកនឹងរៀបការជាមួយមិត្តស្រីរបស់លោកដែលនាងមិនមែនជាអ្នកសិល្បៈនោះទេ។

តារាសម្ដែង Kim Bum តួ So Yi Jung

តារា​ចម្រៀង និង​សម្ដែង​រូប​នេះ ​បាន​សម្ដែង​ជា​លើក​ដំបូង​ក្នុង​រឿង “High Kick” ហើយបានបន្តធ្វើឱ្យប្រិយមិត្តស្រីៗចោមរោមស្រឡាញ់យ៉ាងច្រើន។ ប្រជាប្រិយភាពរបស់តារាវ័យ ៣៤ឆ្នាំរូបនេះបានរុញច្រានឱ្យលោកដើរតួឯកក្នុងរឿងល្បីៗជាបន្តបន្ទាប់ដូចជារឿង “Boys Over Flowers” រឿង “Dream” រឿង “The Woman Who still Wants To Marry” រឿង “ That Winter” រឿង “The Wind Blows” និងរឿង “Goddess of Fire” ។ ក្នុងឆ្នាំ២០១២ លោកបានចេញអាល់ប៊ុមទោលដំបូង ហើយវាទទួលបានជោគជ័យយ៉ាងខ្លាំងនៅក្នុងប្រទេសជប៉ុន។ ក្នុងឆ្នាំ២០១៣ Kim Bum មានទំនាក់ទំនងស្នេហាជាសាធារណៈជាមួយ Moon Geun Young ដែលជាដៃគូសម្តែងក្នុងរឿង “Goddess of Fire” ហើយពួកគេបែកគ្នាវិញ ក្នុងខែឧសភា ឆ្នាំ២០១៤ ។

ក្រៅពីនោះ លោកក៏បានសម្តែងក្នុងខ្សែភាពយន្តចិនរឿង “Young Detective Dee: Rise of the Sea Dragon” ដែលរឿងនេះបានក្លាយជាភាពយន្តចិនដែលរកចំណូលបានខ្ពស់បំផុតក្នុងឆ្នាំ២០១៣ ហើយនាំឱ្យអាជីពសម្តែងរបស់ Kim Bum នៅលើទឹកដីចិនទទួលបានជោគជ័យយ៉ាងខ្លាំង។ ពេលត្រឡប់ទៅប្រទេសកូរ៉េវិញ ក្នុងឆ្នាំ២០១៥ លោកលេចមុខនៅក្នុងរឿងបែបឃាតកម្មរឿង “Hidden Identity” ។ នៅក្នុងខែមីនា ឆ្នាំ២០១៨ Kim Bum បានណាត់ជួបជាមួយតារាសម្តែង Oh Yeon Seo ប៉ុន្តែប៉ុន្មានខែក្រោយមក ពួកគេបានបែកគ្នា។ ថ្មីៗនេះ Kim Bum បានបង្ហាញខ្លួននៅក្នុងរឿងភាគ “Law School” និងរឿង “Ghost Doctor” ខណៈស្ថានភាពបេះដូងនៅទំនេរនៅឡើយ ។

តារាសម្ដែង Kim Joon តួ Song Woo Bin

Kim Joon បានបង្ហាញខ្លួនជាតារាចម្រៀង និងរ៉េប ក្នុងឆ្នាំ២០០៧ ក្នុងនាមជាសមាជិកក្រុម T-Max ហើយបទចម្រៀងសម្រាប់រឿង F4 ជាសំនៀងរបស់តារាប្រុសរូបនេះ។ ឆ្នាំ ២០១១ ក្រុម T-Max ត្រូវបានរំសាយ ចំណែក Kim Joon បន្តចូលរួមក្នុងរឿងភាគ និងភាពយន្តខ្នាតធំជាច្រើន ជាពិសេសធ្លាប់បង្ហាញខ្លួននៅក្នុងរឿង “Detectives in Trouble” រឿង “Endless Love” និងរឿង “City of the Sun” ។ លោក​បាន​ចូល​បម្រើ​យោធា​ក្នុង​ឆ្នាំ២០១១ រហូត​ដល់​ឆ្នាំ ២០១៣ ហើយបន្ទាប់ពីបញ្ចប់កាតព្វកិច្ចយោធាលោកបានបន្តអាជីព​សម្ដែង និងទទួលជោគជ័យគួរសម។

កាលពីខែមិថុនា ឆ្នាំ២០១៨ ប្រព័ន្ធផ្សព្វផ្សាយក្នុងស្រុករាយការណ៍ថា ​តារាវ័យ ៣៩រូបនេះ បានរៀបការយ៉ាងសម្ងាត់តាំងពីឆ្នាំ២០១៥ ជាមួយមិត្តស្រីដែលបានទាក់ទងគ្នាតាំងពីមុនលោកចូលវិស័យសិល្បៈ។ ក្រោយរៀបការលោកមានកូនប្រុសម្នាក់ ជាចំណងដៃនៃអាពាហ៍ពិពាហ៍។ ថ្មីៗ​នេះ Kim Joon បាន​សម្ដែងក្នុងរឿង “Evil Empire” និងរឿង “Death Cab” ប៉ុន្តែមិនសូវទទួលបានការពេញនិយមនោះទេ៕

ប្រែសម្រួល៖ សន្យា

ចុចអាន៖ ស្ថានភាពជីវិត សាន់ ឆាយ តួឯកស្រីរឿង F4 តៃវ៉ាន់ ក្រោយចប់ការចាក់ផ្សាយ ២២ឆ្នាំ

The post កន្លងទៅ ១៤ឆ្នាំ នេះជាស្ថានភាពបច្ចុប្បន្ន តួឯកទាំង ៥រូប ក្នុងរឿង F4 កូរ៉េ appeared first on Kampuchea Thmey Daily.

ដូចដែល​ទស្សនិកជនដឹងស្រាប់ និង​កម្រ​ឃើញ Lee Dong Wook ជួបនឹង​ពាក្យចចាមអារ៉ាម ដែលធ្វើឲ្យមនុស្សជាច្រើន​មានការសង្ស័យថា លោកចេះស្រលាញ់មនុស្សស្រីឬអត់ទេ។

យ៉ាងណាមិញ​ទីបំផុតមិត្ត​ជិតស្និទ្ធរបស់ Lee Dong Wook គឺ Kim Bum បាន​ទម្លាយថា Lee Dong Wook មាន​កាលវិភាគ​មមាញឹក​ដែល​គាត់​មិន​មាន​ពេល​ទៅ​ជួបនឹងនរណាម្នាក់ទេ។ Kim Bum បាន​និយាយបន្ថែម​ទៀត​ថា “ជា​ដំបូង Lee Dong Wook រវល់​ពេក​មិន​អាច​ឲ្យ​អ្នក​ណា​ជួប​បាន​ ហើយវាពិបាកសម្រាប់​ខ្ញុំក្នុងការជួបគាត់​ដូចគ្នាផងដែរ។

តារាសម្ដែងប្រុសរូបនេះថែមទាំងបញ្ចាក់ច្បាស់ៗទៀតថា នេះ​មិនមែនជារឿង​បំផ្លើស​នោះទេ ព្រោះជាង២០ ឆ្នាំមកនេះ Lee Dong Wook បានរក្សាកាលវិភាគសម្តែងក្នុងរឿងភាគកូរ៉េ​យ៉ាងតិចមួយ​ក្នុងមួយឆ្នាំ ដោយមិនរាប់បញ្ចូលទាំងពិធីករ និងការងារពាណិជ្ជកម្មទាំងអស់​ដែលលោក​មាន​នោះទេ។

ទោះជាយ៉ាងនេះ​ក្តី តារាសម្តែងដ៏​មមាញឹករូបនេះ មិន​ទាន់​អស់សង្ឃឹមនៅឡើយទេ។​ អ្នកគាំទ្រ​ជាច្រើន​នៅ​តែ​ទន្ទឹង​រង់ចាំ​មើល​ថា តើលោក​នឹងជួបនារី​ណាម្នាក់​ណាដោយចៃដន្យ ហើយ​រៀបការ​មុន​អាយុ ៥០ឆ្នាំក៏ថាបាន៕

ប្រែសម្រួល៖ សាង ស្រីល័ក្ខ

ចុចអាន៖ភាពយន្តសម្ដែងដោយ Lee Junho និង YoonA ទទួលការវាយតម្លៃខ្ពស់នៅវគ្គចុងក្រោយ

The post Kim Bum ទម្លាយមូលហេតុ Lee Dong Wook កម្រឃើញពាក្យចចាមអារ៉ាមទាក់ទងស្នេហា appeared first on Kampuchea Thmey Daily.