kim soohyun Archives - Kampuchea Thmey Daily

ក្រោយផ្ទុះរឿងកក្រើកឡើងវិញ គ្រួសារតារាស្រី Kim Sae Ron ច្រានចោលការអះអាងរបស់អ្នកលេង Youtube⁩

សាង ស្រីល័ក្ខ — Fri, 11 Apr 2025 04:18:24 +0000

កាលពីពេលថ្មីៗនេះដែរ YouTuber ដ៏ល្បីលោក Lee Jin Ho បានអះអាងថា តារាសម្ដែងកញ្ញា Kim Sae Ron និងតារាសម្ដែង Kim Soo Hyun មិនមានទំនាក់ទំនងស្នេហាមុនការស្លាប់របស់នាង កាលឆ្នាំ២០១៩ ដូចការលើកឡើងនោះទេ។ អ្នកលេងបណ្តាញសង្គមមានឥទ្ធិពលរូបនេះក៏បានចេញវីដេអូដែលបង្ហាញថា ពេលនោះតារាស្រីវ័យក្មេងកំពុងតែមានទំនាក់ទំនងជាមួយបុរសម្នាក់ទៀតទៅវិញ។ ទោះជាយ៉ាងណា ជាការឆ្លើយតប គ្រួសាររបស់អតីតតារាសម្តែងស្រីរូបស្រស់ដែលបានមរណភាពកាលឆ្នាំ២០១៩ បានចេញមុខបដិសេធយ៉ាងដាច់អហង្ការ⁩។

តារាសម្ដែង Kim Sae Ron

យោងតាមសារព័ត៌មាន Sports Kyunghyang កាលពីថ្ងៃទី១០ខែមេសា ក្រុមគ្រួសាររបស់ Kim Sae Ron បានអះអាងថា នៅវេលាម៉ោង ១ ព្រឹក ថ្ងៃទី ២៧ ខែឧសភា ឆ្នាំ ២០១៩ Kim Sae Ron កំពុងចំណាយពេលជាមួយមិត្តស្រី មិនមែនជាបុរសទេ។

ក្រុមគ្រួសាររបស់តារាស្រីវ័យក្មេងបាននិយាយបន្ថែមទៀតថា កំណត់ត្រាពាក់ព័ន្ធនៅតែមាននៅក្នុងទូរសព្ទដៃ ដែល Kim Sae Ron ធ្លាប់ប្រើមុនពេលនាងស្លាប់។ នៅពេលនោះ តួឯកស្រីក្នុងរឿង «The Man from Nowhere» បានទាក់ទងទៅម្ដាយហើយប្រាប់ថា នាងនៅផ្ទះមិត្តភិក្តិស្រីៗប៉ុណ្ណោះ។ នាងក៏បានប្រើកម្មវិធីស្មាតហ្វូនដើម្បីថតវីដេអូក្នុងអំឡុងពេលនោះ ហើយទិន្នន័យទាំងពីរត្រូវបានបង្កើតឡើងនៅម៉ោង១រំលងអធ្រាត្រនៅក្នុងថ្ងៃតែមួយ។

ក្រុមគ្រួសាររបស់នាងបានពន្យល់លម្អិតបន្ថែមទៀតថា តារាស្រីកូរ៉េពេញដោយទេពកោសល្យតាំងពីវ័យក្មេងរូបនេះ កំពុងថតរឿងភាគ «Love Playlist Season 4» ដែលចាក់ផ្សាយចាប់ពីខែមិថុនា ដល់ខែកក្កដា ឆ្នាំ២០១៩ ដែលធ្វើឲ្យនាងទំនងជាមិនបានទាក់ទងជាមួយបុរសណាម្នាក់ជាសាធារណៈក្នុងអំឡុងពេលនោះឡើយ។

ទោះជាយ៉ាងណាក៏ដោយ កាលពីថ្ងៃមុន Lee Jin Ho បានបង្ហោះវីដេអូមួយទៅលើ «Channel YouTube Entertainment Lee Jin Ho» ដោយក្នុងនោះ លោកបាន អះអាងថា Kim Sae Ron ពិតជាមានស្នេហាជាមួយបុរសម្នាក់យ៉ាងអាថ៌កំបាំងពិតមែន។

ម្ចាស់គណនីយូធូបរូបនេះថែមទាំងអះអាងទៀតថា មុខមាត់របស់កញ្ញា Kim Sae Ron មិនត្រូវបានបង្ហាញឲ្យឃើញច្បាស់ទេ ប៉ុន្តែវីដេអូនេះ បានថតដោយមនុស្សជិតស្និទ្ធនឹងនាងប៉ុណ្ណោះ។ ទិន្នន័យដដែល បានបញ្ជាក់ថា វីដេអូថតនៅថ្ងៃទី ២៧ ខែឧសភា ឆ្នាំ២០១៩ ហើយនេះក៏ជាភស្តុតាងដែលថា កញ្ញា Kim Sae Ron និង លោក Kim Soo Hyun កំពុងមានទំនាក់ទំនងជាមួយមនុស្សផ្សេងគ្នាក្នុងពេលតែមួយ។

គាត់ក៏បានចោទប្រកាន់ដែរថា ដោយសារតែកញ្ញា Kim Sae Ron និង លោក Kim Soo Hyun មានទំនាក់ទំនងខុសគ្នារវាងឆ្នាំ ២០១៦ និង ២០១៩ ហើយសាររបស់ភ្នាក់ងារបណ្តាញសង្គមពេញនិយមនៅកូរ៉េខាងត្បូង KakaoTalk និងអក្សរសរសេរដោយដៃដែលនាងបង្កប់ន័យថា នាងណាត់ជួបតួឯកប្រុសក្នុងរឿង «សង្សារខ្ញុំជាមនុស្សភពផ្កាយ» កំឡុងពេលរៀនមធ្យមសិក្សា គឺជារឿងមិនពិត ដែលបង្ហាញថា នាងប្រហែលជាកុហកច្រើនជាង។

តារាសម្ដែង Kim Soo Hyun

គួរបញ្ចាក់ថា នាពេលកន្លងមក សមាជិកក្រុមគ្រួសាររបស់តារាស្រីធ្លាប់បានលេចមុខនៅលើ YouTube Channel Hoverlab (វិទ្យាស្ថាន Garo Sero Research Institute) ដោយអះអាងថា Kim Sae Ron និង Kim Soo Hyun មានទំនាក់ទំនងស្នេហារយៈពេល៦ឆ្នាំ ចាប់ពីថ្ងៃទី១៩ខែវិច្ឆិកា ឆ្នាំ២០១៥ នៅពេលដែលនាងរៀនថ្នាក់មធ្យមសិក្សាឆ្នាំទី៣ រហូតដល់ថ្ងៃទី៧ ខែកក្កដា ឆ្នាំ ២០២១។ ពួកគេក៏ទាមទារដែរថា បន្ទាប់ពីចាកចេញពីទីភ្នាក់ងារគ្រប់គ្រងតួសម្តែង Gold Medalis នាងស្រាប់តែទទួលបានសំបុត្របញ្ចាក់ឲ្យសងលុយចំនួន ៧០លានវ៉ុន (៤៨២,៣៩៥ ដុល្លារ) ដែលបណ្តាលឲ្យនាងមានទុក្ខ កើតវិបត្តិផ្លូវចិត្តធ្ងន់ធ្ងរ ទើបគេប៉ានស្មានថា នាងសម្លាប់ខ្លួនចំថ្ងៃកំណើតមនុស្សដែលនាងធ្លាប់ស្រលាញ់៕

អត្ថបទ៖ សាង ស្រីល័ក្ខ

ចុចអាន៖ឆ្ងល់ឬអត់! ម្ដេចតួកុនកូរ៉េភាគច្រើន មានទេពកោសល្យសម្ដែងប៉ិនប្រសប់ រកកន្លែងទាស់គ្មាន

The post ក្រោយផ្ទុះរឿងកក្រើកឡើងវិញ គ្រួសារតារាស្រី Kim Sae Ron ច្រានចោលការអះអាងរបស់អ្នកលេង Youtube⁩ appeared first on Kampuchea Thmey Daily.

Kim Soohyun នៅតែមានទំនាក់ទំនងតារា Kpop ២នាក់ ពេលកំពុងស្រឡាញ់គ្នាជាមួយ Kim Sae Ron

Linda — Thu, 27 Mar 2025 07:05:11 +0000

Kim Soo Hyun ត្រូវបានគេរាយការណ៍ថានៅតែមានទំនាក់ទំនង ជាមួយតារាស្រីកំពូលពីរនាក់ពីជំនាន់ទី 2 ដែលជាគូប្រជែងកំឡុងពេលកំពុងមានទំនាក់ទំនងជាមួយនឹង Kim Sae Ron។

ការចោទប្រកាន់ថ្មីបានលេចឡើងជុំវិញតារាសម្តែង Kim Soo Hyun និងអតីតតារាសម្តែងស្រី Kim Sae Ron ដែលយោងទៅតាមអ្នកស្គាល់គ្នារបស់ Kim Sae Ron បានណាត់ជួបអស់រយៈពេល 6 ឆ្នាំដោយចាប់ផ្តើមពីពេលដែល Kim Sae Ron នៅតែជាអនីតិជន។

នៅព្រឹកព្រលឹមថ្ងៃទី 26 ខែមីនា ការថតសំឡេងដែលមានការអត្ថាធិប្បាយដោយមិត្តជិតស្និទ្ធរបស់ Kim Sae Ron ឈ្មោះ ‘A’ ត្រូវបានផ្សព្វផ្សាយជាសាធារណៈដោយ Channel YouTube HOVERLAB ។ យោងតាម ’A’ បានឱ្យដឹងថា Kim Soo Hyun ពិតជាបានណាត់ជួប Kim Sae Ron ខណៈពេលដែលនាងនៅជាអនីតិជន ហើយថែមទាំងបានបោកប្រាស់នាងជាមួយនឹង “ស្រីកំណាន់” ជាច្រើន ដែលបណ្តាលឱ្យតារាសម្តែងស្រីរូបនេះ មានទុក្ខសោកយ៉ាងខ្លាំង។

ឥឡូវនេះការចោទប្រកាន់ថ្មី បានលេចឡើងទាក់ទងនឹងអត្តសញ្ញាណរបស់ “ស្រីកំណាន់” ដែលបានរៀបរាប់នៅក្នុងការថតសំឡេង។ “ស្រីកំណាន់ទាំងពីរ” របស់ Kim Soo Hyun គឺ ‘○○’ និង ‘○○’ ត្រូវបានគេចោទប្រកាន់ថាជាសមាជិកនៃក្រុម Girls ជំនាន់ទី 2 កំពូលទាំងពីរ ហើយតារាទាំងពីរនាក់នេះ ក៏នៅតែសកម្មក្នុងវិស័យកម្សាន្តដែរ។

លើសពីនេះ វាត្រូវបានគេអះអាងថា ‘○○’ និង ‘○○’ ធ្លាប់ជាគូប្រជែងកំពូលនៃជំនាន់ទី 2 ។ ឈ្មោះក្រុមទាំងពីរមាន 4 ព្យាង្គជាភាសាកូរ៉េ (‘○○○○’ និង ‘○○○○’)។ តាមពិតទៅ មានពាក្យចចាមអារ៉ាមទាក់ទងគ្នាជាច្រើនជាមួយ Kim Soo Hyun នាពេលកន្លងមក។

ជាមួយគ្នានេះដែរ សមាជិកគ្រួសារនៃសពលោក Kim Sae Ron ធ្លាប់បានប្រាប់ពីចេតនារបស់ពួកគេក្នុងការធ្វើសន្និសីទសារព័ត៌មាននៅថ្ងៃទី 27 ខែមីនា KST ដើម្បីបង្ហាញថា Kim Soo Hyun បានណាត់ជួប Kim Sae Ron ខណៈដែលនាងនៅជាអនីតិជន៕

ប្រភព៖ allkpop

The post Kim Soohyun នៅតែមានទំនាក់ទំនងតារា Kpop ២នាក់ ពេលកំពុងស្រឡាញ់គ្នាជាមួយ Kim Sae Ron appeared first on Kampuchea Thmey Daily.

អតីតមិត្តប្រុស Kim Sae Ron អះអាងថា Kim Soohyun ស្អាតស្អំ ឯឪពុកម្ដាយនាងទើប ពិសពុល

Linda — Wed, 26 Mar 2025 02:39:06 +0000

យោងតាមរបាយការណ៍របស់ The Fact នៅថ្ងៃទី 25 ខែមីនា អតីតមិត្តប្រុស(មិនមែនជាអតីតស្វាមី) របស់ Kim Sae Ron ត្រូវបានគេស្គាល់ថាជា លោក K បានចេញមុខមកទទួលព័ត៌មានអំពីថ្ងៃចុងក្រោយរបស់ Kim Sae Ron ហើយបានចេញរបាយការណ៍ពិនិត្យការពិត។

លោកបានបញ្ចេញសារឆ្លើយឆ្លងគ្នា ជាមួយ Kim Sae Ron ព្រមទាំងសារដែលលោកបានចោទថាបានទទួលពីស្វាមីដែលអះអាងថាបានរៀបការជាមួយនាង។ លោក K ក៏បានបង្ហាញរូបថតមួយសន្លឹក ដែលបង្ហាញឲ្យឃើញពី Kim Sae Ron ដែលមានរបួសកខ្លួនឯង។

លោក K អះអាងថា ការស្លាប់របស់ Kim Sae Ron មិនពាក់ព័ន្ធនឹង Kim Soo Hyun ហើយបានបញ្ជាក់ពីចេតនារបស់លោកក្នុងការកែតម្រូវព័ត៌មានមិនពិតដើម្បី “ជួយដល់វិញ្ញាណក្ខន្ធ Sae Ron ដែលបានស្លាប់” ដោយអះអាងថា “ផ្នែកនៃការពិតជាច្រើនត្រូវបានបិទបាំង”។

ទាក់ទងនឹងបំណុល 700 លានវ៉ុនដែលបានរាយការណ៍រវាង Kim Sae Ron និងអតីតភ្នាក់ងាររបស់នាងគឺ Gold Medalist គាត់បានបំភ្លឺថាវាគ្រាន់តែជា “ផ្លូវការរបស់ភ្នាក់ងារ” ហើយថា “Kim Sae Ron មិនមានកាតព្វកិច្ចសងប្រាក់ទេ” ។

លោក K បញ្ជាក់ការអះអាងថា Kim Sae Ron បានរៀបការមុនពេលស្លាប់ភ្លាមៗ ដោយបញ្ជាក់ថា «វាជាការពិត»។ លោកបានចែករំលែកសារពី Kim Sae Ron ដែលបង្ហាញថានាងបានជួបនិងរៀបការជាមួយបុរសថ្មី ខណៈនាងនៅមានទំនាក់ទំនងជាមួយលោក K យ៉ាងណាក៏ដោយនាងបានរងនូវការបំពានពាក្យសំដី និងផ្លូវកាយពីប្តីភ្លាមៗបន្ទាប់ពីរៀបការ ហើយក៏បានទាក់ទងទៅលោក K ម្តងទៀត ។

លោក K ក៏បានលើកឡើងពីការពិតដែលគ្រួសាររបស់ Kim Sae Ron មិនបានដឹងអំពីអាពាហ៍ពិពាហ៍របស់នាងដោយនិយាយថា “ពួកគេបានកាត់ផ្តាច់ទំនាក់ទំនងស្ទើរតែទាំងស្រុង” ។

ជាភ័ស្តុតាងនៃភាពព្រងើយកន្តើយរបស់គ្រួសារ គាត់បានលើកឡើងពីការប៉ុនប៉ងធ្វើអត្តឃាតរបស់ Kim Sae Ron កាលពីថ្ងៃទី 1 ខែវិច្ឆិកា ឆ្នាំ 2024។ គាត់បានបញ្ជាក់ថា នាងបានកាត់កដៃរបស់នាង និងតម្រូវឱ្យវះកាត់ជាបន្ទាន់សម្រាប់សរសៃចងដែលរហែក ប៉ុន្តែគ្មានសមាជិកគ្រួសារណាម្នាក់បានទៅជួបនាងនៅក្នុងមន្ទីរពេទ្យនោះទេ។

លោក K និងមន្ត្រីភ្នាក់ងារម្នាក់ត្រូវបានគេរាយការណ៍ថាបានស្នាក់នៅជាមួយនាង ហើយបានបង់ថ្លៃព្យាបាលរបស់នាង។

លោកបានរំឭកថា ពួកគេ «មិនភ្ញាក់ផ្អើលទាល់តែសោះ» ចំពោះស្ថានភាពរបស់ Kim Sae Ron ពេលនាងចេញមក។

លោក K បាននិយាយអំពីការឈឺចាប់ ដែល Sae Ron ស៊ូទ្រាំព្រោះតែគ្រួសារនាង កាលនាងនៅរស់ ដោយចងចាំថា « Sae Ron តែងតែលំបាកដោយសារគ្រួសារ ហើយចង់រត់ចេញ»។ គាត់បានអះអាងថា នៅពេលដែលគាត់យក Kim Sae Ron មកផ្ទះវិញ បន្ទាប់ពីនាងចេញពីមន្ទីរពេទ្យ ម្តាយបង្កើតរបស់នាង និងមិត្តប្រុសរបស់នាង ក៏មានវត្តមាន ហើយគាត់បានឃើញម្តាយ និងមិត្តប្រុសរបស់នាងណាត់ជួបគ្នាជាច្រើនដង។

លោក K បានសន្និដ្ឋានថា ការស្តីបន្ទោសការស្លាប់របស់ Kim Sae Ron លើទំនាក់ទំនងអតីតកាលរបស់នាងជាមួយ Kim Soo Hyun គឺ “យូរណាស់មកហើយ” ហើយបានលើកឡើងថា ការលើកឡើងពីទំនាក់ទំនងអតីតកាលរបស់ពួកគេ “មិនអាចពន្យល់ដោយគ្មានចេតនា ឬគោលបំណងផ្សេងឡើយ”៕

ប្រភព៖ Knetz

The post អតីតមិត្តប្រុស Kim Sae Ron អះអាងថា Kim Soohyun ស្អាតស្អំ ឯឪពុកម្ដាយនាងទើប ពិសពុល appeared first on Kampuchea Thmey Daily.

ផលិតកម្មរបស់ Kim Soohyun ប្ដឹងទៅគ្រួសារ Kim Sae Ron និង Garo Sero ដែលបញ្ចេញរូបភាព និង បង្កើតរឿងអាស្រូវ

Linda — Fri, 21 Mar 2025 02:11:46 +0000

នៅថ្ងៃទី 20 ខែមីនា ឆ្នាំ 2025 ទីភ្នាក់ងារ GOLD MEDALIST របស់ Kim Soo Hyun បានប្រកាសថា ពួកគេបានប្តឹងឧក្រិដ្ឋកម្មប្រឆាំងនឹងប្រតិបត្តិករនៃវិទ្យាស្ថានស្រាវជ្រាវ Garo Sero និងក្រុមគ្រួសាររបស់ Kim Sae Ron ។

“GOLD MEDALIST ក្នុងនាមជាភ្នាក់ងារគ្រប់គ្រងតារាសម្តែង Kim Soo Hyun បានដាក់ពាក្យបណ្តឹងព្រហ្មទណ្ឌប្រឆាំងនឹង Kim Sae Eui ដែលជាប្រតិបត្តិករនៃ Channel YouTube Garo Sero Research Institute (ហៅកាត់ថា “Garo Sero”) ដែលបានបង្ហោះរូបថតរបស់តារាសម្តែង Kim Soo Hyun ស្លៀកខោក្នុងអំឡុងការផ្សាយផ្ទាល់នៅលើបណ្តាញ YouTube របស់គាត់នៅថ្ងៃនេះ។

ពាក្យបណ្តឹងព្រហ្មទណ្ឌគឺពាក់ព័ន្ធទៅនឹងគ្រួសាររបស់ Kim Sae Ron ។ ជនមិនស្គាល់អត្តសញ្ញាណដែលអះអាងថាជាម្តាយមីងរបស់ Kim Sae Ron ដែលបានចោទប្រកាន់ថាបានផ្តល់រូបថតនេះឲ្យលោកKim Sae Eui នាំឲ្យលោកបង្ហោះរូបនោះ»។

ពាក់ព័ន្ធនឹងរូបនោះ គឺគេសម្ដៅលើរូបថតដែលគេចោទថា Kim Soo Hyun ដោះខោឈរលាងចាននៅផ្ទះ Kim Sae Ron។ យោងតាមក្រុមហ៊ុន ការលាតត្រដាងរូបថតនេះ គឺជាទង្វើនៃការបៀតបៀនផ្លូវភេទ។

“ការចោទប្រកាន់រួមមានការរំលោភលើច្បាប់ស្តីពីករណីពិសេសទាក់ទងនឹងការដាក់ទណ្ឌកម្ម។ល។ នៃឧក្រិដ្ឋកម្មផ្លូវភេទ (ការចែកចាយវីដេអូដែលថតដោយកាមេរ៉ា។ល។)។

ដូចដែលបានបញ្ជាក់នៅក្នុងសេចក្តីថ្លែងការណ៍មុនរបស់យើង GOLD MEDALIST មានការសោកស្ដាយជាខ្លាំងចំពោះមរណភាពរបស់តារាសម្តែង Kim Sae Ron ដែលធ្លាប់ជាភ្នាក់ងាររបស់យើង ហើយយើងបន្តកាន់ទុក្ខចំពោះការបាត់បង់នេះ។

ទោះជាយ៉ាងណាក៏ដោយ រូបថតរបស់តារាសម្ដែង Kim Soo Hyun បានបង្ហោះនៅលើឆានែលយូធូបរបស់ Garo Sero ត្រូវបានថតេះអំឡុងពេលដែល Kim Soo Hyun និង Kim Sae Ron ពេញវ័យ មានទំនាក់ទំនងស្នេហា។ រូបថតនេះមានរូបភាពនៃរាងកាយរបស់ Kim Soo Hyun ដែលអាចបណ្តាលឱ្យគាត់មានការអាម៉ាស់ផ្លូវភេទ ហើយវាគឺជារូបថតដែលមិនគួរបង្ហាញជាសាធារណៈ ឬមិនមានហេតុផលណាមួយដែលត្រូវបង្ហាញនោះទេ។

ការបង្ហោះរូបថតបែបនេះនៅលើបណ្តាញ YouTube គឺច្បាស់ណាស់ជាអំពើឧក្រិដ្ឋ ហើយ Garo Sero បានគំរាមកំហែង Kim Soo Hyun ដោយបញ្ជាក់ពីចេតនារបស់ពួកគេក្នុងការបន្តបញ្ចេញរូបថតស្រដៀងគ្នានេះ។ ដូច្នេះហើយ GOLD MEDALIST គឺគ្មានជម្រើសអ្វីក្រៅពីចាត់វិធានការផ្លូវច្បាប់យ៉ាងខ្លាំងក្លាចំពោះទង្វើបែបនេះ។

សកម្មភាពនៃការចែកចាយ ឬបង្ហាញជាសាធារណៈនូវរូបភាពរាងកាយរបស់បុគ្គលដ៏ទៃ ដែលអាចបង្កឱ្យមានចំណង់ផ្លូវភេទ ឬការអាម៉ាស់ ដោយគ្មានការយល់ព្រមពីសាមីខ្លួន គឺជាបទឧក្រិដ្ឋធ្ងន់ធ្ងរ។ យើងសង្ឃឹមថាសកម្មភាពបែបនេះនឹងមិនកើតឡើងម្តងទៀតទេ។

ជាងនេះទៅទៀត ព័ត៌មានមិនពិតដែលបានផ្សព្វផ្សាយដោយក្រុមគ្រួសារសព Kim Sae Ron និង Garo Sero តាមរយៈការចាក់ផ្សាយ និងបណ្តាញផ្សេងៗ នៅតែបន្តរីករាលដាលយ៉ាងឆាប់រហ័សពាសពេញអ៊ីនធឺណិត ដែលបង្កឱ្យមានពាក្យចចាមអារ៉ាមគ្មានមូលដ្ឋាន។

ដោយសារការគោរពចំពោះការទទួលមរណភាពភ្លាមៗរបស់សព Kim Sae Ron យើងបានបដិសេធមិនចាត់វិធានការផ្លូវច្បាប់ចំពោះក្រុមគ្រួសាររបស់នាងឡើយ។ ទោះជាយ៉ាងណាក៏ដោយ ការចែកចាយរូបថតដែលគ្មានការអនុញ្ញាតដែលមានរូបរាងកាយរបស់តារាសម្ដែង Kim Soo Hyun គឺជាបញ្ហាធ្ងន់ធ្ងរដែលមិនអាចមើលរំលងបាន ហើយដោយសារមានការព្រួយបារម្ភអំពីការប្រព្រឹត្តដដែលៗនាពេលខាងមុខ យើងក៏បានបន្តដាក់ពាក្យបណ្តឹងប្រឆាំងនឹងគ្រួសារ Kim Sae Ron ផងដែរ។

ប្រសិនបើគ្រួសារសព Kim Sae Ron និង Garo Sero នៅតែបន្តផ្សព្វផ្សាយព័ត៌មានមិនពិត នោះយើងនឹងគ្មានជម្រើសអ្វីក្រៅពីចាត់វិធានការផ្លូវច្បាប់យ៉ាងទូលំទូលាយដើម្បីការពារកិត្តិយសរបស់ភ្នាក់ងារ និងតារាសម្តែងរបស់យើង»។

ប្រភព៖ Koreaboo

The post ផលិតកម្មរបស់ Kim Soohyun ប្ដឹងទៅគ្រួសារ Kim Sae Ron និង Garo Sero ដែលបញ្ចេញរូបភាព និង បង្កើតរឿងអាស្រូវ appeared first on Kampuchea Thmey Daily.

Park Hyung Sik ក្លាយជាតារាសម្តែងបានប្រាក់ចំណូលច្រើនគេ ក្រោយ Kim Soo Hyun មានរឿងអាស្រូវស្នេហា

សាង ស្រីល័ក្ខ — Thu, 20 Mar 2025 01:59:20 +0000

Kim Soo Hyun ត្រូវគេរាយការណ៍ថា បានបាត់បង់តំណែងជាតារាសម្ដែងដែលរកចំណូលបានច្រើនបំផុតរបស់ប្រទេសកូរ៉េខាងត្បូង ទៅឲ្យ Park Hyung Sik វិញ ចំពេលមានការចោទប្រកាន់ជុំវិញទំនាក់ទំនងអតីតកាលរបស់លោកជាមួយនឹងតារាសម្ដែង Kim Sae Ron។

តារាសម្ដែង Park Hyung Sik

យោងតាមកាសែត The Korea Times លោក Kim Soo Hyun រកបាន ៥ ពាន់លានវ៉ុន (៣.៤លានដុល្លារអាមេរិក) សម្រាប់រឿងភាគ ១៦ ចុងក្រោយក្រោមចំណងជើងថា «Queen of Tears» ដែលមានន័យថា ៣១២.៥ លានវ៉ុន (២១៤,៣៧៧ ដុល្លារអាមេរិក) ក្នុងមួយភាគ។ ប្រាក់បៀវត្សរ៍របស់គាត់ មានចំនួនច្រើននៃថវិកាផលិតកម្ម ៤០ ពាន់លានវ៉ុនរបស់រឿង។

សម្រាប់ការប្រៀបធៀប តារាកូរ៉េជើងចាស់ផ្សេងទៀត រកចំណូលបានតិចជាងច្រើនក្នុងមួយវគ្គ។ យោងតាម South China Morning Post តារាប្រុស Hyun Bin រកបាន ៨៤,០០០ ដុល្លារអាមេរិកក្នុងមួយភាគ បន្ទាប់មក So Ji Sub និង Jo In Sung ទទួលបាន ៦៧,០០០ ដុល្លារ, Lee Min Ho ៦២,០០០ ដុល្លារអាមេរិក និង Lee Seung Gi ទទួលបាន ៥៩,០០០ ដុល្លារ។

ដោយដកស្រង់ពី N Entertainments, India Times បានបង្ហាញថា Park Hyung Sik បានវ៉ាដាច់ Kim Soo Hyun ជាតារាសម្តែងដែលមានប្រាក់ខែខ្ពស់បំផុតនៅក្នុងប្រទេសកូរ៉េ។ គាត់ត្រូវបានគេរាយការណ៍ថារកបាន ៥០០ លានវ៉ុនក្នុងមួយភាគសម្រាប់រឿង «Doctor Slump» ឆ្នាំ ២០២៤ របស់គាត់ដែលស្មើនឹង ៨ ពាន់លានវ៉ុន (៥.5៥ លានដុល្លារអាមេរិក) សម្រាប់រឿងភាគ ១៦ ។ មិនតែប៉ុណ្ណោះ Park Hyung Sik ក៏បានចរចាតម្លៃខ្ពស់ជាងនេះសម្រាប់គម្រោងរបស់គាត់ “Buried Hearts” នាពេលខាងមុខ ទោះបីជាចំនួនពិតប្រាកដមិនត្រូវបានបង្ហាញក៏ដោយ។

នៅអាយុ ៣៤ ឆ្នាំ Park Hyung Sik បានបង្ហាញខ្លួនជាលើកដំបូងជាសមាជិកនៃក្រុម K-pop ZE:A ក្នុងឆ្នាំ ២០១០ មុនពេលផ្លាស់ប្តូរទៅជាការសម្ដែង។ គាត់ទទួលបានការទទួលស្គាល់ជាមួយនឹងតួនាទីរបស់គាត់នៅក្នុងរឿង “The Heirs” ឆ្នាំ ២០១៣ ហើយបានលេចធ្លោជាមួយនឹងរឿងភាគល្បីៗដូចជា “Strong Girl Bong Soon”, “Suits” និង “Our Blooming Youth” ។

យ៉ាងណាមិញ កេរ្តិ៍ឈ្មោះរបស់ Kim Soo Hyun បានទទួលរងនូវការចោទប្រកាន់អំពីទំនាក់ទំនងអតីតកាលជាមួយ Kim Sae Ron ដែលទទួលមរណភាពនៅអាយុ ២៥ ឆ្នាំ។ កាលពីថ្ងៃទី ១០ ខែមីនា Channel YouTube Hoverlab ដែលត្គេស្គាល់ថា Garo Sero Institute បានចាក់ផ្សាយបទសម្ភាសន៍ជាមួយស្ត្រីម្នាក់អះអាងថាជាម្តាយមីង Kim Sae Ron ។ នាងបានចោទប្រកាន់ថា លោកមានទំនាក់ទំនងស្នេហាជាមួយតារាស្រី តាំងពីនាងមានអាយុ ១៥ ឆ្នាំ។

គ្រួសាររបស់ Kim Sae Ron បានអះអាងបន្ថែមថា អ្នកទាំងពីរមានទំនាក់ទំនងស្នេហារយៈពេល ៦ ឆ្នាំ ហើយក្រោយមក Kim Soo Hyun បានបង្ខំនាងឲ្យសង ៧០០លានវ៉ុន (៤៨១,៦២៦ ដុល្លារអាមេរិក) ដែលជាបន្ទុកហិរញ្ញវត្ថុដែលពួកគេនិយាយថាបានរួមចំណែកដល់ការតស៊ូរបស់នាងមុនពេលនាងស្លាប់។ ភាពចម្រូងចម្រាសនេះបានធ្វើឲ្យប៉ះពាល់ដល់អាជីពរបស់ Kim រួចជាស្រេច ដែលនាំឲ្យមានការធ្លាក់ចុះនៃរូបភាពសាធារណៈ ការបាត់បង់ម៉ាកយីហោ និងអ្នកតាមដានប្រព័ន្ធផ្សព្វផ្សាយសង្គម៕

តារាសម្ដែង Kim Soo Hyun

អត្ថបទ៖ សាង ស្រីល័ក្ខ

ចុចអាន៖ផ្ទុះចម្រូងចម្រាស Park Seo Joon ត្រូវគេភ្ចាប់រឿងអាស្រូវជាមួយ Kim Soo Hyun

The post Park Hyung Sik ក្លាយជាតារាសម្តែងបានប្រាក់ចំណូលច្រើនគេ ក្រោយ Kim Soo Hyun មានរឿងអាស្រូវស្នេហា appeared first on Kampuchea Thmey Daily.

ម្ដាយ Kim Sae Ron បានទាមទារ៧ចំណុចពី Kim Soohyun បើមិនចង់ឲ្យគាត់ប្ដឹង

Linda — Tue, 18 Mar 2025 07:04:14 +0000

ម្តាយរបស់ Kim Sae Ron បានទាមទារ 7 ចំណុចទៅកាន់ Kim Soo Hyun និង Gold Medalist ក្រុមហ៊ុនរបស់គាត់នៅក្នុងសេចក្តីថ្លែងការណ៍ថ្មី។

1. យើងចង់ឱ្យ Kim Soo Hyun ទទួលស្គាល់ថា ខ្លួនពិតជាបានទាក់ទងជាមួយ Kim Sae Ron តាំងពីនាងនៅមិនទាន់ពេញវ័យ ក៏ដូចជាការសុំទោសជាសាធារណៈ។

2. ពីភ្នាក់ងារ Gold Medalist យើងខ្ញុំស្នើសុំការសុំទោសជាផ្លូវការចំពោះការក្លែងបន្លំប្រព័ន្ធផ្សព្វផ្សាយក្នុងរយៈពេល 3 ឆ្នាំចុងក្រោយនេះ ដែលពួកគេអះអាងថាអ្នកទាំងពីរមិនដែលណាត់ជួប ហើយម្តងទៀតនៅពេលដែលពួកគេបានបញ្ជាក់កាលពីប៉ុន្មាន ថ្ងៃមុនថាពួកគេមិនដែលមានទំនាក់ទំនងស្នេហាផងដែរ។

Kim Sae Ron និងម្ដាយ

3.សូមទទួលស្គាល់ការចូលរួមចំណែករបស់ Kim Sae Ron ក្នុងនាមជាសមាជិកស្ថាបនិករបស់ក្រុមហ៊ុន និងសូមអភ័យទោសចំពោះបញ្ហានោះ។

4. ទទួលស្គាល់ និងសុំទោសជាសាធារណៈចំពោះការផ្ញើសេចក្តីជូនដំណឹងផ្លូវច្បាប់ទាមទារសំណង ₩700 លានវ៉ុន (ប្រហែល 482,000 ដុល្លារ) ពី Kim Sae Ron ។

5. ហេតុផលដែល Kim Soo Hyun មិនត្រូវបានលើកឡើងនៅក្នុងសេចក្តីថ្លែងការណ៍ផ្លូវការរបស់យើងគឺ ផ្តោតទៅនឹងការព្រមានប្រឆាំងនឹង Lee Jin Ho និងអ្នករាយការណ៍ព័ត៌មានមិនពិតតាមអ៊ីនធឺណិត។ គ្រួសាររបស់យើងមិនចង់បានអ្វីពីលោក Kim Soohyun ឬទីភ្នាក់ងារនោះទេ ក្រៅពីការសុំទោសជាផ្លូវការ។

6. ដើម្បីបញ្ជាក់ភាពមិនពិតដែលត្រូវបានផ្សព្វផ្សាយដោយ Lee Jin Ho ពួកយើងគ្មានជម្រើសអ្វីក្រៅពីនិយាយថា Sae Ron មានទំនាក់ទំនងស្នេហាជាមួយ Kim Soo Hyun ។ វាជាស្ថានភាពមិនអាចជៀសរួចដែលតម្រូវឱ្យបង្ហាញរូបថតរបស់ Kim Soo Hyun ។ យើងសង្ឃឹមថាអ្នកគ្រប់គ្នាអាចផ្តល់យោគយល់ចំពោះចំណុចនេះ។

7. បណ្តឹងផ្លូវច្បាប់ប្រឆាំងនឹង Lee Jin Ho នឹងត្រូវដាក់នៅសប្តាហ៍ក្រោយ។ យើងសង្ឃឹមសម្រាប់ការសុំទោសជាសាធារណៈដោយស្មោះពីគាត់។ បន្ថែមពីលើនេះ គួរតែមានការសុំទោសសម្រាប់ការហៅទូរសព្ទមកក្រោយពិធីបុណ្យសព។

Screenshot

The post ម្ដាយ Kim Sae Ron បានទាមទារ៧ចំណុចពី Kim Soohyun បើមិនចង់ឲ្យគាត់ប្ដឹង appeared first on Kampuchea Thmey Daily.

ហេតុផលពិតប្រាកដ ដែល Kim Soohyun មិនបានចូលរួមបុណ្យសព Kim Sae Ron

Linda — Tue, 18 Mar 2025 06:47:37 +0000

មនុស្សជាច្រើន ឆ្ងល់ថាហេតុអ្វីបានជា Kim Soo Hyun មិនចូលរួមពិធីបុណ្យសពអតីតមិត្តស្រីរបស់គាត់ ជាពិសេសនៅពេលដែលតារាល្បីៗផ្សេងទៀតដូចជា Han So Hee និង Won Bin មានវត្តមានដើម្បីគោរពវិញ្ញាណក្ខនសព។ ការអវត្តមានរបស់លោកនាំឱ្យមានការរិះគន់ ដោយមានអ្នកខ្លះចោទថាលោកមានភាពព្រងើយកន្តើយ និងចិត្តត្រជាក់ចំពោះការស្លាប់របស់នាងខណៈដែលពួកគេធ្លាប់ទាក់ទងគ្នាដល់ទៅ6ឆ្នាំ។

យ៉ាងណាមិញ កាលពីពេលថ្មីៗនេះ ប្រភពជិតស្និទ្ធមួយបានបង្ហើបប្រាប់ប្រព័ន្ធផ្សព្វផ្សាយថា Kim Soo Hyun ចង់ចូលរួមជាខ្លាំង និងមានការសោកស្ដាយយ៉ាងខ្លាំ ងចំពោះការស្លាប់ភ្លាមៗរបស់ Kim Sae Ron។ ទោះជាយ៉ាងណាក៏ដោយ អ្នកគ្រប់គ្រង និងបុគ្គលិករបស់គាត់ បានណែនាំគាត់ឱ្យផ្ញើផ្កាពិធីបុណ្យសពជំនួសវិញ។

ចាប់តាំងពីទំនាក់ទំនងអតីតកាលរបស់ពួកគេមិនត្រូវបានបង្ហាញជាសាធារណៈ វត្តមានដ៏រំជួលចិត្តរបស់គាត់នៅក្នុងពិធីបុណ្យសពអាចបង្កឱ្យមានពាក្យចចាមអារ៉ាមនៅលើបណ្តាញសង្គម ជាពិសេសជាមួយនឹងវត្តមានរបស់ paparazzi ជាច្រើន។ ពិធីបុណ្យសពមិនមែនជាព្រឹត្តិការណ៍ឯកជនទេ ដែលបង្កការលំបាកក្នុងការជៀសវាងការត្រួតពិនិត្យជាសាធារណៈ៕

ប្រភព៖ Kpoplove95.com

The post ហេតុផលពិតប្រាកដ ដែល Kim Soohyun មិនបានចូលរួមបុណ្យសព Kim Sae Ron appeared first on Kampuchea Thmey Daily.

តើច្បាប់អាចនឹងដាក់ទោសទៅលើ Kim Soohyun បែបណាខ្លះ?

Linda — Mon, 17 Mar 2025 02:05:35 +0000

តារាសម្តែង Kim Soo Hyun បានសារភាពនៅក្នុងសេចក្តីថ្លែងការណ៍ផ្លូវការ ដែលបានចែករំលែកតាមរយៈ GOLD MEDALIST ថាគាត់ពិតជាមានទំនាក់ទំនងជាមួយតារាសម្តែង Kim Sae Ron ពិតមែន ទោះបីជាគាត់បានអះអាងថាទំនាក់ទំនងស្នេហាមានរយៈពេលពីរដូវក្តៅឆ្នាំ 2019 ដល់រដូវស្លឹកឈើជ្រុះឆ្នាំ 2020 នៅពេលដែលតារាស្រីរូបនេះ ពេញវ័យ។

យ៉ាងណាមិញ “ភស្តុតាង” ទាំងអស់ដូចដែលបានបង្ហាញតាមរយៈបណ្តាញ YouTube វិទ្យាស្ថានស្រាវជ្រាវ Garosero គឺខុសស្រឡះពីការបកស្រាយ។ ចំពេលមានភាពមិនស្របគ្នានៅក្នុងពេលវេលានៃទំនាក់ទំនង មេធាវីបានថ្លឹងថ្លែងដើម្បីពិចារណាថាតើ Kim Soo Hyun នឹងប្រឈមមុខនឹងផលវិបាកផ្លូវច្បាប់បែបណា ប្រសិនបើគេបានដឹងថាគាត់បានទាក់ទង Kim Sae Ron កាលពីនាងនៅជាអនីតិជន។

យោងតាមច្បាប់បច្ចុប្បន្ន ដែលបានកែសម្រួលក្នុងខែឧសភា ឆ្នាំ 2020 ការចូលរួមក្នុងសកម្មភាពផ្លូវភេទ ឬភាពស្និទ្ធស្នាលខាងរាងកាយជាមួយអនីតិជនដែលមានអាយុក្រោម 16 ឆ្នាំ ទោះបីជាមានការយល់ព្រមក៏ដោយ អាចជាការរំលោភតាមច្បាប់ ឬការរំលោភបំពានផ្លូវភេទ។ ទោះយ៉ាងណាក៏ដោយ មុនពេលវិសោធនកម្មឆ្នាំ 2020 ច្បាប់នេះអនុវត្តចំពោះអនីតិជនដែលមានអាយុក្រោម 13 ឆ្នាំ មិនមែនក្រោម 16 ឆ្នាំទេ។

Lee Go Eun បានពន្យល់ថា កំណែចាស់នៃច្បាប់ដែលបានធ្វើវិសោធនកម្មនៅឆ្នាំ 2020 នឹងអនុវត្ត (ចាប់តាំងពីទំនាក់ទំនងនៅក្នុងសំណួរបានចាប់ផ្តើមនៅក្នុងឆ្នាំ 2015) ដូច្នេះហើយ “ក្មេងអាយុ 15 ឆ្នាំនឹងមិនស្ថិតនៅក្រោមនិយមន័យនៃអនីតិជនក្នុងករណីរំលោភច្បាប់ទេ … “។

ចាប់តាំងពីតារាស្រី Kim Sae Ron មានអាយុ ១៥ ឆ្នាំនៅពេលនោះ (ក្នុងឆ្នាំ២០១៥) ច្បាប់ចាស់នឹងអនុវត្ត។ នៅក្រោមច្បាប់នោះ ការចោទប្រកាន់ព្រហ្មទណ្ឌចំពោះការរំលោភ ឬប្រព្រឹត្តមិនត្រឹមត្រូវតាមច្បាប់តម្រូវឱ្យអនីតិជនមានអាយុក្រោម 13 ឆ្នាំ។ ការពិតដែលថាពួកគេនៅក្នុងទំនាក់ទំនងតែមួយនឹងមិនគ្រប់គ្រាន់សម្រាប់ការកាត់ទោសនោះទេ។ ដោយសារច្បាប់មុនអនុវត្តក្នុងករណីនេះ ក្មេងអាយុ 15 ឆ្នាំនឹងមិនស្ថិតនៅក្រោមនិយមន័យនៃការរំលោភតាមច្បាប់ឡើយ។

ដូច្នេះ វានឹងពិបាកក្នុងការបង្កើតការទទួលខុសត្រូវព្រហ្មទណ្ឌក្រោមក្របខណ្ឌច្បាប់បច្ចុប្បន្ន លុះត្រាតែមានភស្តុតាងជាក់ស្តែងនៃអំពើផ្លូវភេទ។ ការមានទំនាក់ទំនងជាមួយអនីតិជន គឺមិនគ្រប់គ្រាន់ក្នុងការចោទប្រកាន់ Kim Soo Hyun ក្រោមច្បាប់ចាស់នោះទេ។

The post តើច្បាប់អាចនឹងដាក់ទោសទៅលើ Kim Soohyun បែបណាខ្លះ? appeared first on Kampuchea Thmey Daily.