LaLiga Archives - Kampuchea Thmey Daily

ការប្រកួត Laliga Youth ដំបូងនៅកម្ពុជា ចាប់ផ្តើមចុងសប្តាហ៍នេះ ក្រោយរៀបចំ ៤ ប្រទេសនៅអាស៊ាន

chean virakbot — Tue, 02 Dec 2025 08:29:31 +0000

ការប្រកួតកីឡាបាល់ទាត់យុវជន LALIGA Youth Tournament នឹងរៀបចំនៅប្រទេសកម្ពុជាដោយមានរយៈពេល ២ ថ្ងៃនៅទីលានបាល់ទាត់នៃសាកលវិទ្យាល័យ អាមេរិកាំងភ្នំពេញ (AUPP) ក្នុងរាជធានីភ្នំពេញ។

ក្រុមបាល់ទាត់យុវជនកម្ពុជាចំនួន ១៦ នឹងចូលរួមប្រកួតក្នុងកម្មវិធីដែលរៀបចំលើកដំបូងនៅកម្ពុជា បន្ទាប់ពីបានរៀបចំនៅប្រទេសឥណ្ឌូណេស៊ី ម៉ាឡេស៊ី ហ្វីលីពីន និងថៃ។ ក្រុមយុវជនអាយុក្រោម ១២ឆ្នាំ មានចំនួន ៨ ក្រុម និងក្រុមយុវជនអាយុ ១៤ ឆ្នាំ ចំនួន ៨ ក្រុម ដែលនឹងបង្ហាញសមត្ថភាពក្នុងការប្រកួតប្រជែងពិតប្រាកដនៅលើទីលាន។

ព្រឹត្តិការណ៍នេះត្រូវបានចាត់ទុកមានសារសំខាន់សម្រាប់កីឡាករវ័យក្មេងបង្ហាញសមត្ថភាព បង្កើនបទពិសោធ និងជំរុញទឹកចិត្តពួកគេឲ្យកាន់តែស្រឡាញ់បាល់ទាត់ក្នុងការអភិវឌ្ឍខ្លួនឲ្យក្លាយជាកីឡាករអាជីពនាពេលអនាគត។

លោក Iván Codina អ្នកគ្រប់គ្រងកម្មវិធី LALIGA ប្រចាំតំបន់អាស៊ាន បានលើកឡើងថា ៖«នាំយកព្រឹត្តិការណ៍ LALIGA Youth Tournament មកកាន់កម្ពុជាជាលើកដំបូងគឺជាមោទនភាព និងបោះជំហានឆ្ពោះទៅជានិច្ចរបស់យើង។ យើងប្តេជ្ញាគាំទ្រដល់ការអភិវឌ្ឍថ្នាលយុវជនទូទាំងពិភពលោក ហើយកម្មវិធីបែបនេះគឺជួយពង្រឹងប្រព័ន្ធអេកូបាល់ទាត់ឲ្យកាន់តែបើកទូលាយដល់យុវជនដែលមានទេពកោសល្យ»។

ការមកកាន់ទឹកដីកម្ពុជាគឺសហការរៀបចំជាមួយ Elite Soccer Coaching Cambodia ដែលជាអង្គភាពបណ្តុះបណ្តាលថ្នាលយុវជននៅកម្ពុជាដឹកនាំដោយលោក Christopher Grant អគ្គលេខាធិការក្លិបព្រះខ័នរាជស្វាយរៀង និងលោក John McFarlane។ ព្រឹត្តិការណ៍នេះឧបត្ថម្ភគាំទ្រដោយ Bitget, Grab Cambodia, Metfone, Garden City Water Park, និង Cina Travel។

លោក John McFarlane អ្នកគ្រប់គ្រងទូទៅ Elite Soccer Coaching Cambodia បាននិយាយថា ៖«យើងមានមោទនភាពសម្រាប់ការរៀបចំ LALIGA Youth Tournament នៅកម្ពុជា។ ព្រឹត្តិការណ៍នេះជាឱកាសល្អសម្រាប់យុវជនកម្ពុជា»។

ការប្រកួតកីឡាករម្ខាងមានគ្នា ៦ នាក់ ក្នុងនោះមានអ្នកចាំទី១នាក់។ ការប្រកួតអាយុ ១២ឆ្នាំ នៅថ្ងៃសៅរ៍ ទី៦ ខែធ្នូ ចាប់ពីម៉ោង ៨ ព្រឹក ដល់ម៉ោង ២រសៀល។ ចំណែកការប្រកួតអាយុ ១៤ ឆ្នាំ នៅថ្ងៃអាទិត្យ ទី៧ ខែធ្នូ ចាប់ពីម៉ោង ៨ ព្រឹក ដល់ ម៉ោង ២រសៀល។

ក្រុមអាយុ ១២ ឆ្នាំ

Boeung Ket Football School
Elite Soccer Coaching
Mate Jr
Petits Bleus
Preah Khan Reach Svay Rieng Football School
Soltilo Familia
World Footballship
Young Elephant

ក្រុមអាយុ ១៤ ឆ្នាំ

CJ Coaching
Elite Soccer Coaching
Happy Football Cambodia Australia
Mate Jr
Next Play
Preah Khan Reach Svay Rieng Football School
Soltilo Familia
World Footballship

អត្ថបទ៖ វីរបុត្រ

The post ការប្រកួត Laliga Youth ដំបូងនៅកម្ពុជា ចាប់ផ្តើមចុងសប្តាហ៍នេះ ក្រោយរៀបចំ ៤ ប្រទេសនៅអាស៊ាន appeared first on Kampuchea Thmey Daily.

យុវជន ១៦ក្រុមនឹងចូលរួមប្រកួតព្រឹត្តិការណ៍ Laliga Youth Tournament នៅកម្ពុជា ខែធ្នូ

chean virakbot — Fri, 21 Nov 2025 02:30:31 +0000

កម្មវិធីប្រកួតបាល់ទាត់កម្រិតយុវជន 2025 LALIGA Youth Tournament Cambodia Edition មានពីរកម្រិតដោយមាន ១៦ ក្រុមចូលរួមប្រកួតរយៈពេល ២ ថ្ងៃគឺនៅថ្ងៃ ៥ ដល់ទី ៦ ខែឆ្នូ ឆ្នាំ២០២៥ នៅទីលានបាល់ទាត់ នៃសាកលវិទ្យាល័យអាមេរិកាំងភ្នំពេញ (AUPP) ក្នុងរាជធានីភ្នំពេញ។

ការប្រកួតត្រូវបានបែងចែកជាពីរកម្រិតអាយុគឺ យុវជនអាយុក្រោម ១២ ឆ្នាំ ដែលមានក្រុមចំនួន ៨ ចូលរួមប្រកួត និងកម្រិតអាយុក្រោម ១៤ ឆ្នាំ មានក្រុមចំនួន ៨ ចូលរួមប្រកួត។

លោក John McFarlane អ្នកគ្រប់ក្រុម Elite Soccer Coaching ដែលជាអ្នករៀបចំកម្មវិធីប្រកួតបានប្រាប់ថា ៖«យើងពិតជារីករាយដែលបានអញ្ជើញសាលាបាល់ទាត់ឲ្យចូលរួមប្រកួត LALIGA Youth Tournament ឆ្នាំ ២០២៥ នៅប្រទេសកម្ពុជា ដែលជាឱកាសដ៏កម្រសម្រាប់កីឡាករវ័យក្មេងបង្ហាញសមត្ថភាពក្នុងការប្រកួតអាជីពពិតប្រាកដមួយ ដែលមានការគាំទ្រពីលីគបាល់អាជីពដ៏ល្បីល្បាញធំបំផុតក្នុងពិភពលោក»។

សម្រាប់ការប្រកួតកម្រិតអាយុ ១២ឆ្នាំ កីឡាករត្រូវមានកំណើតត្រឹមឆ្នាំ ២០១៣ ចុះក្រោម ហើយការប្រកួតនៅថ្ងៃសៅរ៍ ទី៦ ខែធ្នូ ចាប់ពីម៉ោង ៨ ព្រឹក ដល់ម៉ោង ២រសៀល។

ចំណែកការប្រកួតកម្រិតអាយុ ១៤ ឆ្នាំ កីឡាករត្រូវមានកំណើតត្រឹមឆ្នាំ ២០១១ ហើយការប្រកួតនៅថ្ងៃអាទិត្យ ទី៧ ខែធ្នូ ចាប់ពីម៉ោង ៨ ព្រឹក ដល់ ម៉ោង ២រសៀល។

ការប្រកួតកីឡាករម្ខាងមានគ្នា ៦ នាក់ ក្នុងនោះមានអ្នកចាំទី១នាក់។

ក្រុមចូលរួមប្រកួតកម្រិតអាយុ ១២ ឆ្នាំ

Boeung Ket Football School
Elite Soccer Coaching
Mate Jr
Petits Bleus
Preah Khan Reach Svay Rieng Football School
Soltilo Familia
World Footballship
Young Elephant

ក្រុមចូលរួមប្រកួតកម្រិត ១៤ ឆ្នាំ

CJ Coaching
Elite Soccer Coaching
Happy Football Cambodia Australia
Mate Jr
Next Play
Preah Khan Reach Svay Rieng Football School
Soltilo Familia
World Footballship

អត្ថបទ៖ វីរបុត្រ

The post យុវជន ១៦ក្រុមនឹងចូលរួមប្រកួតព្រឹត្តិការណ៍ Laliga Youth Tournament នៅកម្ពុជា ខែធ្នូ appeared first on Kampuchea Thmey Daily.

Lewandowski និយាយពីគម្រោងចូលនិវត្ដន៍ពីបាល់ទាត់

Pha Rothana — Wed, 20 Nov 2024 04:50:16 +0000

ខ្សែប្រយុទ្ធ Robert Lewandowski របស់ក្លិប Barcelona បានបង្ហាញអារម្មណ៍ពីចូលនិវត្តន៍ បើទោះបច្ចុប្បន្នកំពុងមានទម្រង់លេងយ៉ាងល្អ។

ស្ថិតក្នុងវ័យ៣៦ឆ្នាំ Lewandowski នៅតែបង្ហាញទម្រង់លេងល្អ ដោយកំពុងឈរជាកីឡាករស៊ុតបញ្ចូលទីច្រើនជាងគេនៅ La Liga ក្នុងរដូវកាលនេះ។ រដូវកាលនេះ រូបគេរកបាន១៩គ្រាប់ពីការបង្ហាញខ្លួន១៧ប្រកួត ជាពិសេសជួយឲ្យ Barcelona នៅលើកំពូលតារាងក្នុងពានរង្វាន់ La Liga។

ក្នុងបទសម្ភាសន៍ជាមួយទស្សនាវដ្ដី Forbes កីឡាករ Lewandowski បាននិយាយថា ៖«ខ្ញុំចង់និយាយថាមានតែខ្ញុំម្នាក់ មិនមានអ្នកផ្សេងដឹងថា ពេលណាអាជីពនឹងបញ្ចប់។ ពេលខ្ញុំភ្ញាក់ពីដេក មានអារម្មណ៍អត់ចង់ទៅហ្វឹកហាត់។ នោះជាពេលដំបូងដែលខ្ញុំចាប់ផ្តើមគិតអំពីការចូលនិវត្តន៍។ ខ្ញុំសង្ឃឹមថា គ្រប់យ៉ាងវានៅដូចដើម។ ខ្ញុំមិនមានអារម្មណ៍ឈឺចាប់ទេ ហើយខ្ញុំនៅតែមានអារម្មណ៍ថាខ្ញុំចូលចិត្តទៅហ្វឹកហាត់ជាមួយក្រុមដដែល»។

យ៉ាងណាមិញកិច្ចសន្យារបស់ជាមួយ Barcelona មានសុពលភាពដល់ឆ្នាំ២០២៦ ជាមួយនឹងជម្រើសបន្តកិច្ចសន្យាមួយឆ្នាំទៀត។ ប៉ុន្តែ Barcelona បានត្រៀមស្វែងរកខ្សែប្រយុទ្ធថ្មី ដើម្បីជំនួសខ្សែប្រយុទ្ធសញ្ជាតិប៉ូឡូញរូបនេះ។

កីឡាករ Lewandowski បានបន្ថែមថា ៖ស្ថិតក្នុងវ័យបច្ចប្បន្ននេះ ខ្ញុំដឹងថាឆាប់ៗនេះ អាចនឹងប្រហែលជា២ឬ៣ឆ្នាំទៀត តែខ្ញុំក៏មិនដឹងច្បាស់ដែរ តែវានឹងត្រូវដល់ពេលបញ្ចប់ក្នុងថ្ងៃណាមួយ»៕

ប្រែសម្រួល៖ ផា រតនា

The post Lewandowski និយាយពីគម្រោងចូលនិវត្ដន៍ពីបាល់ទាត់ appeared first on Kampuchea Thmey Daily.

Llorente យកពេលព្យាបាលរបួសទៅជួយជនរងគ្រោះនៅទីក្រុង Valencia

Pha Rothana — Fri, 08 Nov 2024 07:08:18 +0000

កីឡាករ Marcos Llorente របស់ក្លិប Atlético de Madrid បានធ្វើដំណើទៅទីក្រុង Valencia ដើម្បីជួយអ្នករងពីផលប៉ះពាល់ដោយព្យុះ DANA ។

ខ្សែបម្រើ Marcos Llorente បានធ្វើជាគំរូសង្គមក្នុងការរួមគ្នាក្នុងការងារមនុស្សធម៍ដើម្បីជួយជនរងគ្រោះដែលរងផលប៉ះពាល់ដោយព្យុះ DANA ទោះបីជាកំពុងសម្រាកព្យាបាលរបួសសាច់ដុំ។ ការអនុញ្ញាតពីក្លិប Atlético Madrid បានសម្រួលដល់ Llorente ឆ្លៀតឱកាសទៅធ្វើរឿងមានប្រយោជន៍ដល់សង្គម។

រូបគេបានបបួលលោកឪពុកនិងមិត្តភ័ក្តិរបស់ខ្លួន ធ្វើដំណើរដោយរថយន្ត២គ្រឿង ជាមួយនឹងម៉ាស៊ីនសម្អាតធូលីជិត៤០០គ្រឿង ដែលក្នុងម៉ាសុីនបោកគក់នីមួយៗមានតម្លៃប្រហែល៤៦០ដុល្លារ ដើម្បីធ្វើដំណើរទៅកាន់ជុំវិញតំបន់ Mestalla ។

នៅក្នុងសេចក្តីថ្លែងការណ៍មួយ កីឡាករ Llorente បានលើកឡើងថា ៖«ក្លិបបានអនុញ្ញាតឲ្យពួកយើងទៅ ដូច្នេះនៅព្រឹកនេះនៅម៉ោង៥ យើងបានចាកចេញជាមួយរថយន្ថ២គ្រឿង ដោយមានម៉ាសុីនសម្អាតធូលីម៉ាក់ Kärchers»។

កាយវិការរបស់ Marcos Llorente ត្រូវបានប្រជាជនក្នុងទីក្រុង Valencia កោតសរសើរយ៉ាងខ្លាំង ហើយបានសម្តែងការដឹងគុណចំពោះវត្តមានរបស់គេនិងបង្ហាញការគាំទ្ររបស់ដល់ខ្សែបម្រើរូបនេះយ៉ាងខ្លាំង៕

ប្រែសម្រួល៖ ផា រតនា

The post Llorente យកពេលព្យាបាលរបួសទៅជួយជនរងគ្រោះនៅទីក្រុង Valencia appeared first on Kampuchea Thmey Daily.

លោក Simeone ថា កីឡាករញុះញង់អ្នកគាំទ្រឲ្យមានកំហឹងគួរតែពិន័យ

Pha Rothana — Mon, 30 Sep 2024 04:03:45 +0000

ការប្រកួតសប្ដាហ៍ទី៨ លីគកំពូលអេស្ប៉ាញ LaLiga រវាងក្រុម Atletico Madrid និងង Real Madrid ត្រូវបានផ្អាកអស់រយៈពេលជាង២០នាទី ក្រោយអ្នកគាំទ្របានគប់វត្ថុផ្សេងៗទៅលើទីលាន។

អ្នកចាត់ការក្រុម Atletico Madrid លោក Diego Simeone បាននិយាយថា អ្នកគាំទ្រដែលបានគប់វត្ថុទៅលើទីលាន បណ្តាលឲ្យការប្រកួតត្រូវបានផ្អាកអស់រយៈពេលជាង២០នាទីគួរតែត្រូវបានពិន័យ។ ចំពោះកីឡាករដែលបានធ្វើសកម្មភាពបែបឌឺដង និងបញ្ឆេះកំហឹងដល់អ្នកគាំទ្រ ក៏គួរតែទទួលបានការពិន័យដូចគ្នា។

រឿងរ៉ាវនេះបានកើតឡើងនៅពេលកីឡាករ Eder Militao របស់ Real Madrid បានធ្វើអបអរការស៊ុតបញ្ចូលទីរបស់ខ្លួននៅនាទី៦៤ នៅពីមុខកន្លែងអ្នកគាំទ្ររបស់ Atletico Madrid ពេលនោះអ្នកគាំទ្រមានទីតាំងអង្គុយនៅផ្នែកខាងក្រោមបានគប់វត្ថុចូលទីលានសំដៅទៅកាន់អ្នកចាំទី Thibaut Courtois។

លោក Diego Simeone បាននិយាយថា ៖«តាមគំនិតខ្ញុំ អ្នកដែលប្រព្រឹត្តឧប្បត្តិហេតុគួរតែត្រូវបានដាក់ទណ្ឌកម្មពីក្លិប។ យើងមិនត្រូវការប្រភេទមនុស្សទាំងនេះទេ។ យើងត្រូវការមនុស្សដែលរួមដំណើរជាមួយយើង និងគាំទ្រយើង។ ចំពោះអ្នកដែលគប់ដែកកេសចូលទីលាន គួរតែត្រូវបានដាក់ទណ្ឌកម្ម ហើយចំពោះអ្នកដែលបង្កឲ្យមានហេតុការនេះក៏ត្រូវដាក់ទណ្ឌកម្មដែរ»។

ក្លិប Atletico Madrid បានចេញសេចក្តីថ្លែងការណ៍ផ្លូវការមួយនៅព្រឹកព្រលឹមថ្ងៃចន្ទ ដោយបានលើកឡើងថា ពួកគេបានកំណត់អត្តសញ្ញាណអ្នកគាំទ្រម្នាក់រួចហើយ ដែលបានគប់វត្ថុផ្សេងៗលើទីលាន ហើយកំពុងធ្វើការជាមួយប៉ូលិសដើម្បីកំណត់អត្តសញ្ញាណអ្នកផ្សេងទៀត ដែលនឹងត្រូវទទួលវិន័យ៕

ប្រែសម្រួល៖ ផា រតនា

The post លោក Simeone ថា កីឡាករញុះញង់អ្នកគាំទ្រឲ្យមានកំហឹងគួរតែពិន័យ appeared first on Kampuchea Thmey Daily.

លោក Simeone ថា ការនាំយក Gallagher មករួមក្រុមជារឿងត្រឹមត្រូវបំផុត

Pha Rothana — Mon, 16 Sep 2024 10:01:48 +0000

លោក Diego Simeone គ្រូបង្វឹកក្លិប Atletico Madrid ចាត់ទុកការនាំយកខ្សែបម្រើអង់គ្លេស Conor Gallagher មកចូលរួមបានក្លាយជាសក្តានុពលក្នុងរដូវកាលថ្មី។

កីឡាករ Conor Gallagher បានស៊ុតបញ្ចូលទីគ្រាប់បាល់ដំបូងនៅក្នុងក្របខណ្ឌ LaLiga ក្នុងជ័យជម្នះ ៣-០ លើក្រុម Valencia កាលពីថ្ងៃអាទិត្យ ហើយជួយឲ្យក្រុម Atletico Madrid ឡើងមកឈរលេខ២ ក្នុងតារាងពិន្ទុពានរង្វាន់ LaLiga។

លោក Diego Simeone បាននិយាយថា ៖«Gallagher បានមកជាមួយទីនេះជាមួយភាពរីករាយយ៉ាងខ្លាំង។ យើងត្រូវការកីឡាករប្រភេទនេះ នៅក្នុងតំបន់បម្រើ ជាពិសេសគាត់ធ្វើឲ្យក្រុមយើងកាន់ប្រសើរជាងមុន។ គាត់តែងតែប្រឹងអស់ពីសមត្ថភាពក្នុងគ្រប់គ្រងស្ថានភាពក្នុងការប្រកួត»។

លោក Diego Simeone គ្រូបង្វឹកក្រុម Atletico Madrid បានពេញចិត្តយ៉ាងខ្លាំងចំពោះទម្រង់លេងរបស់ខ្សែប្រយុទ្ធចំណូលថ្មី Alvarez ដែលនាំយកមកក្នុងរដូវថ្មីនេះ។ ខ្សែប្រយុទ្ធ Alvarez បានស៊ុតបញ្ចូលទីនៅនាទី៩៣ ជាគ្រាប់បាល់ដំបូងរបស់គាត់ក្នុងក្របខ័ណ្ឌកំពូលរបស់អេស្ប៉ាញក្រោយចាកចេញពីក្រុម Manchester City។

គ្រូបង្វឹករបស់ Atletico បានបន្ថែមថា ក្នុងតំបន់ការពារកាន់តែរឹងមាំក្រោយនាំយកខ្សែការពារ Robin Le Normand មកចូលរួម។ គិតត្រឹមសប្ដាហ៍ទី៥ ក្នុងពានរង្វាន់ LaLiga ក្រុម Atletico Madrid កំពុងឈរនៅលេខ២ ក្នុងតារាងពិន្ទុ ក្រោយប្រកួត៥លើក ឈ្នះ៣ ស្មើ២ មាន១១ពិន្ទុ៕

ប្រែសម្រួល៖ ផា រតនា

The post លោក Simeone ថា ការនាំយក Gallagher មករួមក្រុមជារឿងត្រឹមត្រូវបំផុត appeared first on Kampuchea Thmey Daily.

គ្រូបង្វឹកក្លិប Girona ប្រាប់កូនក្រុមបំភ្លេចរឿងនៅរដូវកាលមុន

Pha Rothana — Mon, 26 Aug 2024 05:01:52 +0000

ក្នុងរដូវកាលថ្មីនេះក្លិប Girona ធ្វើមិនបានល្អទេ ក្រោយប្រកួត២លើកមិនទាន់អាចស្វែងរកជ័យជម្នះឡើយ។ បច្ចុប្បន្នពួកគេកំពុងឈរនៅលេខ១៨ ក្នុងតារាងពិន្ទុក្នុងពានរង្វាន់ LaLiga។

គ្រូបង្វឹកក្លិប Girona លោក Michel បានប្រាប់បានប្រាប់កូនក្រុមខ្លួនថា ត្រូវតែបំភ្លេចចោលទាំងអស់ អំពីការបញ្ចប់ចំណាត់ថ្នាក់លេខ៣កាលពីរដូវកាលមុន LaLiga ។ លោកចង់ឲ្យកូនក្រុមផ្ដោចលើការប្រកួតក្នុងរដូវកាលថ្មី បន្ទាប់ពីពួកគេទើបតែចាញ់ ក្រុម Atletico Madrid ក្នុងលទ្ធផល ៣-០ កាលពីថ្ងៃអាទិត្យ។ រដូវកាលមុនជាពេលវេលាល្អបំផុតរបស់ក្លិប Girona បន្ទាប់ពីពួកគេបញ្ចាប់នៅចំណាត់ថ្នាក់លេខ៣។

លោក Michel បាននិយាយថា ៖«នោះគឺជាបញ្ហាប្រឈមមួយក្នុងនាមជាគ្រូបង្វឹក។ គ្មាននរណាម្នាក់អាចគិតថាគោលដៅរបស់យើងគឺបញ្ចប់ទីនៅលេខ៣ម្តងទៀតនោះទេ។ យើងតែងតែត្រូវបានគេប្រៀបធៀប ប៉ុន្តែវាច្បាស់ណាស់សម្រាប់យើងជាក្រុមដែលត្រូវធ្វើការដោយឯង។ យើងត្រូវបន្តរីកចម្រើន។ យើងមានមោទនភាព ហើយយើងចង់ធ្វើឲ្យកាន់តែប្រសើរជាងឆ្នាំមុន»។

ទោះបីលទ្ធផល២ប្រកួតដំបូងធ្វើមិនបានល្អ ប៉ុន្តែគ្រូបង្វឹកក្លិប Girona លោក Michel នៅតែរំពឹងក្រុមខ្លួននឹងអាចកែប្រែហើយធ្វើបានល្អវិញ។

លោក Michel បានបន្ថែមថា ៖«ខ្ញុំមិនមើលលទ្ធផលខ្លាំងពេកទេ ប៉ុន្តែយើងត្រូវតែលេងឲ្យលឿនជាងមុនក្នុងការប្រកួត ហើយយើងត្រូវតែធ្វើឲ្យល្អ»៕

ប្រែសម្រួល៖ ផា រតនា

The post គ្រូបង្វឹកក្លិប Girona ប្រាប់កូនក្រុមបំភ្លេចរឿងនៅរដូវកាលមុន appeared first on Kampuchea Thmey Daily.

Pedri ចង់ឲ្យ Williams ចូលរួមក្រុម Barcelona ជាមួយខ្លួន

Pha Rothana — Thu, 04 Jul 2024 08:32:34 +0000

ខ្សែបម្រើ Pedri ចង់ឲ្យមិតរួមជាតិអេស្ប៉ាញ Nico Williams ចូលរួមជាមួយក្លិប Barcelona បន្ទាប់ពីឃើញការបង្ហាញទម្រង់របស់រូបគេបានយ៉ាងល្អក្នុងព្រឹត្តិការណ៍អឺរ៉ូ។

ខ្សែប្រយុទ្ធស្លាប Nico Williams ធ្វើបានយ៉ាងល្អក្នុងព្រឹត្ដិការណ៍អឺរ៉ូឆ្នាំនេះ គិតត្រឹមការប្រកួតវគ្គ១៦ក្រុមចុងក្រោយ រូបគេលេងបាន២៣៥នាទី ស៊ុតបញ្ចូលទី១គ្រាប់ បញ្ចួនបាល់ឲ្យមិត្តរួមក្រុម១គ្រាប់។ បន្ទាប់ពីសហការគ្នានៅលើទីលានបានយ៉ាងល្អរហូតត្រូវបានកីឡាករ Pedri យល់ឃើញថា Williams ពិតជាមានទេពកោសល្យ។ រូបគេពិតជាស័ក្តិសមចូលរួម Barcelona ហើយវានឹងក្លាយជារឿងដ៏អស្ចារ្យប្រសិនបើវាកើតឡើង។

កីឡាករ Pedri បាននិយាយថា ៖«Nico Williams នឹងក្លាយជាការចុះហត្ថលេខាដ៏អស្ចារ្យសម្រាប់ពួកយើងនៅ Barcelona។ វាពិតជារឿងមិនគួរឲ្យជឿ។ គាត់ជាកីឡាករដែលបង្ហាញសមត្ថភាពឲ្យពួកឃើញច្បាស់ហើយ។ ខ្ញុំសង្ឃឹមថាគាត់អាចចូលរួមជាមួយយើង។ ប៉ុន្តែយើងមិននិយាយអំពីរឿងនេះច្រើនលើសពីនេះទេ»។

យ៉ាងណាមិញអ្វីៗមិនទាន់អាចកំណត់បាននៅឡើយ ប៉ុន្តែអ្នកគាំទ្រក្រុម Barcelona ពិតជាសប្បាយចិត្ត ប្រសិនបើរឿងនេះកើត។ រូបគេជាខ្សែប្រយុទ្ធស្លាបស្ដាំយ៉ាងល្អជាដៃគូសហការបានយ៉ាងល្អជាមួយ ខ្សែប្រយុទ្ធស្លាបខ្សែឆ្វេង Lamine Yamal វ័យ១៧ឆ្នាំ។ បច្ចុប្បន្នកីឡាករ Nico Williams មានវ័យ២១ឆ្នាំ ជាសមាជិករបស់ក្រុម Athletic Bilbao នៅលីគកំពូលក្នុងប្រទេសអេស្ប៉ាញ៕

ប្រែសម្រួល៖ ផា រតនា

The post Pedri ចង់ឲ្យ Williams ចូលរួមក្រុម Barcelona ជាមួយខ្លួន appeared first on Kampuchea Thmey Daily.

LaLiga Archives - Kampuchea Thmey Daily

ការប្រកួត​ Laliga Youth ដំបូងនៅ​​​កម្ពុជា ចាប់​ផ្តើម​ចុង​សប្តាហ៍​នេះ​ ក្រោយ​រៀបចំ​ ៤​ ប្រទេស​នៅ​អាស៊ាន

យុវជន ១៦​ក្រុម​នឹង​ចូល​រួម​ប្រកួត​ព្រឹត្តិការណ៍ Laliga Youth Tournament នៅ​កម្ពុជា ​ខែ​ធ្នូ​

Lewandowski និយាយពីគម្រោងចូលនិវត្ដន៍ពីបាល់ទាត់

Llorente យកពេល​ព្យាបាលរបួសទៅជួយជនរងគ្រោះនៅទីក្រុង Valencia

លោក Simeone ​ថា កីឡាករ​ញុះញង់​អ្នក​គាំទ្រ​ឲ្យមានកំហឹងគួរ​តែ​ពិន័យ

លោក Simeone ថា ការនាំយក Gallagher មករួមក្រុមជារឿងត្រឹមត្រូវបំផុត

គ្រូបង្វឹកក្លិប Girona ប្រាប់កូនក្រុមបំភ្លេចរឿងនៅរដូវកាលមុន

Pedri ចង់ឲ្យ Williams ចូលរួមក្រុម Barcelona ជាមួយខ្លួន

ការប្រកួត Laliga Youth ដំបូងនៅកម្ពុជា ចាប់ផ្តើមចុងសប្តាហ៍នេះ ក្រោយរៀបចំ ៤ ប្រទេសនៅអាស៊ាន

យុវជន ១៦ក្រុមនឹងចូលរួមប្រកួតព្រឹត្តិការណ៍ Laliga Youth Tournament នៅកម្ពុជា ខែធ្នូ

Llorente យកពេលព្យាបាលរបួសទៅជួយជនរងគ្រោះនៅទីក្រុង Valencia

លោក Simeone ថា កីឡាករញុះញង់អ្នកគាំទ្រឲ្យមានកំហឹងគួរតែពិន័យ