យោងតាមបទប្បញ្ញត្តិរបស់ក្រសួងសុខាភិបាល ឧស្ម័នឌីអាសូតម៉ូណូអុកស៊ីតអាចប្រើបានតែជាសារធាតុគីមីឧស្សាហកម្ម និងក្នុងការកែច្នៃអាហារប៉ុណ្ណោះ ហើយបច្ចុប្បន្នវាស្ថិតក្នុងដំណាក់កាលស្រាវជ្រាវសម្រាប់ប្រើប្រាស់ក្នុងពេទ្យធ្មេញ ដើម្បីគ្រប់គ្រងការឈឺចាប់ ។

យុវជនជាច្រើនមិនថានៅប្រទេសវៀតណាម ឬប្រទេសណាទេ កំពុងស្រូបឧស្ម័នឌីអាសូតម៉ូណូអុកស៊ីតសម្រាប់គោលបំណងកម្សាន្ត ដោយសារតែឧស្ម័នគ្មានពណ៌នេះអាចបង្កើតអារម្មណ៍ស្រដៀងការស្រវឹងស្រា ។

ក្នុងរយៈពេលប៉ុន្មានឆ្នាំកន្លងមកនេះ បារ ក្លឹបកម្សាន្ត និងភោជនីយដ្ឋាននានាទូទាំងប្រទេសបានលក់ប៉េងប៉ោងផ្ទុកឧស្ម័នឌីអាសូតម៉ូណូអុកស៊ីតយ៉ាងសេរី ។

បើយោងតាមវេជ្ជបណ្ឌិត Nguyen Trung Nguyen បានបកស្រាយថា អ្នកប្រើប្រាស់អាចរងនូវផលប៉ះពាល់រួមមាន វិលមុខ វង្វេងស្មារតី បាត់បង់លំនឹង បាត់ការចងចាំ និងទន់ជើង បណ្ដាលឲ្យដួលជាដើម ។

ទោះបីជាអាជ្ញាធរហាមឃាត់ការប្រើប្រាស់ឧស្ម័នឌីអាសូតម៉ូណូអុកស៊ីតក៏ដោយ ទីផ្សារនៃការលក់ខុសច្បាប់នៅតែមានដដែល ។

ដូច្នេះហើយ ទើបក្រសួងសុខាភិបាលចេញសេចក្តីជូនដំណឹងដល់មន្ទីរសុខាភិបាលរាជធានី-ខេត្ត ឲ្យពង្រឹងការត្រួតពិនិត្យ និងដាក់បទបញ្ជាលើការផលិត ការជួញដូរ រួមទាំងការប្រើប្រាស់ ជាពិសេសចាត់វិធានការយ៉ាងម៉ឺងម៉ាត់ ចំពោះការប្រើប្រាស់ខុស ឬការអនុវត្តមិនត្រឹមត្រូវ ៕

ប្រែសម្រួល៖ វារី

ប្រភព៖ tuoitrenews

ចុចអាន៖ Laughing gas ក្មេងជំទង់ខ្លះ និយមប្រើដើម្បី សប្បាយ តើជាអ្វីឲ្យពិតប្រាកដ?

The post ក្រសួងសុខាភិបាល វៀតណាម បញ្ជាឲ្យទប់ស្កាត់ឧស្ម័នឌីអាសូតម៉ូណូអុកស៊ីត appeared first on Kampuchea Thmey Daily.

អ្វីទៅ​ជា Laughing Gas?

Laughing Gas ឬ Hippy Crack ឬ Nitro Oxide ជា​ឧស្ម័ន​គ្មាន​ពណ៌ ដែល​ជាទូទៅ​ត្រូវ​បាន​ប្រើប្រាស់​សម្រាប់​ការ​រំងាប់​អារម្មណ៍ និង​បំបាត់​ការ​ឈឺចាប់​ទៅ​លើ​អ្នក​ជំងឺ ពិសេស​ប្រើ​ប្រាស់​នៅ​ក្នុង​ទន្តពេទ្យ ឬ​ស្ត្រី​ជិត​សម្រាល​កូន ប៉ុន្តែ​ឧស្ម័ន​នេះ​ក៏​ត្រូវ​បាន​ប្រើប្រាស់​ដើម្បី​ឲ្យ​មាន​អារម្មណ៍​សឺៗ ដូច​ស្រវឹង ឬ​ធ្វើ​ឲ្យ​អារម្មណ៍​សប្បាយ​មួយ​រយៈ​ពេល​ខ្លី។ បើ​និយាយ​ទៅ Laughing Gas ប្រៀប​បាន​ទៅ​នឹង​ថ្នាំ​សណ្ដំ​មួយ ហើយ​វា​ក៏​កំពុង​តែ​ពេញ​និយម​នៅ​ក្នុង​ចំណោម​ក្មេងៗ​វ័យ​ជំទង់​ផង​ដែរ ពិសេស​ក្មេងៗ​និយម​ចូល​ក្លឹប​កម្សាន្ត ឬ​បារ។

Laughing Gas ដែល​ប្រើ​ដើម្បី​សប្បាយ​ខុស​វេជ្ជបញ្ជា​ពេទ្យ ភាគ​ច្រើន​គឺ​ដាក់​នៅ​ក្នុង​ប៉ោងៗ រួច​យើង​បឺត​ឧស្ម័ន​នេះ​ចេញ​ពី​ប៉ោងៗ​ចូល​ទៅ​ក្នុង​ខ្លួន។ ដោយ​សារ​តែ​វា​ដូច​នឹង​ថ្នាំ​សណ្ដំ ក្រោយ​ប្រើ​ក្មេងៗ​អាច​មាន​អារម្មណ៍​ដូច​ជា៖

• សប្បាយ​រីករាយ
• សើច​កក្អឹក
• ស្រាល​ក្បាល
• អារម្មណ៍​ធូរ​ស្រាល

បើ​និយាយ​កាន់​តែ​ស្រួល​ស្ដាប់ គឺ​ធ្វើ​ឲ្យ​អ្នកប្រើ​​មាន​អារម្មណ៍រីករាយ​ខ្លាំង ហើយ​ដោយ​សារ​តែ​អាការៈ​ទាំង​នេះ​ហើយ ទើប​វា​បាន​ឈ្មោះ​ថា Laughing Gas ។ ត្បិត​តែ​វា​ជា​ថ្នាំ​សណ្ដំ ជួយ​បន្ធូរ​អារម្មណ៍​​ឲ្យ​បាន​ធូរ​ស្រាល​មួយ​រយៈ​ពេល​ខ្លី​មែន ប៉ុន្តែ​ក៏​ផ្ដល់​គ្រោះ​ថ្នាក់​ដល់​សុខភាពដែរ​បើ​ប្រើ​ដោយ​គ្មាន​វេជ្ជបញ្ជា​ត្រឹម​ត្រូវ។ ផល​ប៉ះពាល់​ដែល​មិន​​គួរ​មើល​រំលង​​រួម​មាន៖

• ឈឺ​ក្បាល ចង្អោរ
• សម្ពាធ​ឈាម​ធ្លាក់​ចុះ
• សន្លប់
• គាំង​បេះដូង
• បាត់​បង់​អុកស៊ីសែន​​ធ្ងន់ធ្ងរ
• ខ្វះ​វីតាមីន B12 ឬ​​ស្លេកស្លាំង
• ខូច​ខាត​ដល់​សរសៃ​ប្រសាទ។

ចំណាំ៖ ក្នុង​ករណី​ដែល​អ្នកប្រើ​ប្រាស់​​បឺត ឬ​ប្រើ​ប្រាស់ Laughing Gas ញឹក​ញាប់ ឬ​ក្នុង​រយៈ​ពេល​យូរ​នោះ​អាច​បណ្ដាល​ឲ្យ​កើត​ជំងឺ​បាក់ទឹកចិត្ត សមត្ថភាព​ចងចាំ​ចុះ​ខ្សោយ និង​ប្រព័ន្ធ​ភាព​ស៊ាំ​មិន​រឹងមាំ​ជាដើម៕

អត្ថបទផ្ដល់ដោយ៖ Hello Krupet

ចុចអាន៖ទើបគ្រប់ការ ត្រូវញ៉ាំអាហារពិសេសៗទាំងនេះ

ចុចអាន៖ជាឪពុកម្ដាយ គួរចែកឲ្យដាច់ភាពខុសគ្នា រវាងក្មេងជំទង់ និង ជិតជំទង់

The post Laughing gas ក្មេងជំទង់ខ្លះ និយមប្រើដើម្បី សប្បាយ តើជាអ្វីឲ្យពិតប្រាកដ? appeared first on Kampuchea Thmey Daily.