ទីភ្នាក់ងារនេះក៏បានបញ្ជាក់យ៉ាងច្បាស់ថា «វិធានការផ្លូវច្បាប់កំពុងត្រូវបានពិចារណា។ ពួកយើងនឹងចាត់វិធានការផ្លូវច្បាប់យ៉ាងតឹងរ៉ឹងប្រឆាំងនឹងគ្រប់ទម្រង់នៃការរំលោភលើឯកជនភាព រួមទាំងការចូលមើលផ្ទះរបស់តារាសម្ដែអដោយគ្មានការអនុញ្ញាត ការជ្រៀតចូលទៅក្នុងលំហឯកជន ការតាមដានកាលវិភាគក្រៅផ្លូវការ និងការលេចធ្លាយព័ត៌មានផ្ទាល់ខ្លួន»។

 KINGKONG by Starship Entertainment  ក៏បានបញ្ជាក់បន្ថែមទៀតថា សូម្បីតែការប៉ុនប៉ងដើម្បីទទួលបាន ឬប្រើប្រាស់ព័ត៌មានហោះហើរក៏ត្រូវបានចាត់ទុកថាជាការរំលោភបំពានដែរ។ ការទទួលបានព័ត៌មានលម្អិតអំពីជើងហោះហើរតាមរយៈមធ្យោបាយមិនសមរម្យ ឬឡើងជើងហោះហើរដូចគ្នាដើម្បីទៅជួបសិល្បករអំឡុងពេលនៅក្រៅប្រទេស ឬកាលវិភាគផ្ទាល់ខ្លួនក៏នឹងត្រូវចាត់ទុកជាការរំលោភសិទ្ធិឯកជនផងដែរ”។

សេចក្តីថ្លែងការណ៍បានបន្តទៀតថា អាកប្បកិរិយាបែបនេះគឺជាការបំពានច្បាប់យ៉ាងច្បាស់។ យើងសុំឲ្យមានការយោគយល់ និងកិច្ចសហប្រតិបត្តិការរបស់អ្នកក្នុងការគោរពសុវត្ថិភាព និងសិទ្ធិរបស់សិល្បករ។ ក្រុមហ៊ុនរបស់យើងនឹងបន្តចាត់វិធានការគ្រប់បែបយ៉ាងដើម្បីការពារសិល្បកររបស់យើង។

ដោយឡែក សម្រាប់តារាសម្ដែង Lee Dong Wook នឹងបង្ហាញខ្លួននៅក្នុងរដូវកាលទី២ នៃស៊េរី Disney+ ‘A Shop for Killers ដែលគ្រោងនឹងចេញផ្សាយនៅឆ្នាំក្រោយ៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

បុគ្គលល្បីៗកូរ៉េធ្លាប់មកកម្ពុជា សុទ្ធតែលើកឡើងថា សុវត្ថិភាព និងមានប្រជាជនរីករាយបំផុត

The post ភ្នាក់ងារព្រមានចំណាត់ការផ្លូវច្បាប់ ក្រោយមានអ្នកលុកលុយឯកជនភាព Lee Dong Wook appeared first on Kampuchea Thmey Daily.

តារាសម្ដែង​បាន​សរសើរ​ដំណើរការនៃការរបោះឆ្នោត​ដោយ​និយាយ​ថា វា​កាន់​តែ​ងាយ​ស្រួល មិនពិបាកហត់នឹងតម្រង់ជួរ ហើយក៏មិនចាំបាចរង់ចាំយូរដូចកាលពីអាណត្តិមុនដែរ។

លើសពីនេះ តារាប្រុសវ័យ៤៣ឆ្នាំបានសង្កត់ធ្ងន់លើតម្លៃនៃការទទួលខុសត្រូវរបស់ពលរដ្ឋ។ លោក​បាន​សរសេរ​ថា​ «​ដូច​ដែល​ខ្ញុំ​តែងតែ​និយាយ​ថា ​កុំ​រំលង​ការ​បោះឆ្នោត​ ទោះជា​គ្មាន​អ្នក​ចង់​បោះឆ្នោត​ឲ្យ​ក៏ដោយ​។ ការបោះឆ្នោតគឺនិយាយអំពីការការពារលទ្ធផលអាក្រក់បំផុត។ ប្រសិនបើមិនមានជម្រើសដ៏ល្អបំផុតទេ ចូរជ្រើសរើសអ្វីដែលល្អបំផុតបន្ទាប់។ ប្រសិនបើមិនមានអ្វីដែលល្អបំផុតបន្ទាប់ទេ សូមយកអាក្រក់តិចជាង ដែលមានន័យថា អ្វីគ្រប់យ៉ាងគឺដើម្បីចៀសវាងអាក្រក់បំផុត» ។

ទោះជាយ៉ាងណាក៏ដោយ នេះ​ក៏មិន​មែន​ជា​លើក​ទី​មួយ​ទេ​ដែល​តួប្រុសក្នុងរឿង «A Shop for Killers» បង្ហាញ​ជំហរ​នយោបាយ​របស់​ខ្លួន។ កាលពីខែធ្នូ ឆ្នាំ ២០២៤ លោកបានបង្ហោះអត្ថបទចម្រៀងដែលមានចំណងជើងថា «Wind Of Change» អមដោយសារក្តីសង្ឃឹមថា និទាឃរដូវនឹងមកដល់។ គាត់ក៏បានសម្តែងការគាំទ្រដល់បាតុករដោយលើកទឹកចិត្តពួកគេឲ្យរឹងមាំ និងចេញទៅយ៉ាងកក់ក្តៅក្នុងអំឡុងពេលបាតុកម្មក្នុងពេលដែលអាកាសធាតុត្រជាក់ខ្លាំង។

ដោយឡែក កាលពីខែមេសាកន្លងទៅ នៅពេលដែលការចោទប្រកាន់លើអតីតប្រធានាធិបតីលោក Yoon Suk-yeol ភ្លាមៗ តារាប្រុស Lee Dong-wook បានបញ្ចេញមតិនៅលើគណនីផ្ទាល់ខ្លួនបែបលេងសើចថា ទីបំផុតនិទាឃរដូវបានមកដល់ហើយ រដូវរងារដូចជាយូរពេកហើយ! ដែលនោះជាសញ្ញានៃការយល់ព្រមរបស់គាត់ចំពោះការផ្លាស់ប្តូរនយោបាយនៅក្នុងប្រទេសកូរ៉េខាងត្បូង៕

អត្ថបទ៖ សាង ស្រីល័ក្ខ

ចុចអាន៖តារាកូរ៉េ៣រូបរងការចោទថា លួចប្រើនិមិត្តសញ្ញានយោបាយ ចំពេលប្រទេសត្រៀមបោះឆ្នោតប្រធានាធិបតី

The post តារាកូរ៉េ Lee Dong-wook ជំរុញអ្នកគាំទ្រ ទៅ​បោះឆ្នោត​​​ប្រធានាធិបតី​​នាពេលខាងមុខ​នេះ​ appeared first on Kampuchea Thmey Daily.

រឿងរាវនេះបានកើតឡើង កាលពីថ្ងៃទី ០៤ ខែមេសា បន្ទាប់ពីតុលាការធម្មនុញ្ញបានសម្រេចជាឯកច្ឆ័ន្ទដកប្រធានាធិបតី Yoon Suk Yeol ចេញពីតំណែង តារាប្រុសវ័យ៤៣ឆ្នាំ បានបង្ហោះសារនៅលើវេទិកាអ្នកគាំទ្រ Bubble ដោយនិយាយថា នៅទីបំផុតលោកមានអារម្មណ៍ដូចជានិទាឃរដូវដ៏អស្ចារ្យមួយ។ រដូវរងាគឺយូរណាស់មកហើយ ។ ក្នុងពេលដែលការអត្ថាធិប្បាយហាក់ដូចជានិយាយអំពីអាកាសធាតុ អ្នកគាំទ្រជាច្រើនបានភ្ជាប់វាទៅនឹងការផ្លាស់ប្តូរនយោបាយ ដោយបកស្រាយថា និទាឃរដូវ ជានិមិត្តរូបនៃការចាប់ផ្តើមថ្មីមួយ។

ទោះបីជាយ៉ាងណាក៏ដោយ អ្នកប្រើប្រាស់អ៊ីនធឺណែតស្តាំនិយមបានសម្រុកបញ្ចេញមតិនៅលើ Instagram របស់ Lee Dong Wook ជាមួយនឹងការបញ្ចេញមតិបែបអវិជ្ជមាន ដោយចោទប្រកាន់តារាប្រុសថា មានភាពលំអៀងផ្នែកនយោបាយ។ ឃ្លាដូចជា ហេតុអ្វីបានជាតារាល្បីៗទាំងអស់សុទ្ធតែប្រកាន់ឆ្វេង?​ អ្នកត្រូវតែជាអ្នកគាំទ្រ Lee Jae Myung តែម្នាក់? ជាមួយគ្នានោះដែរ អ្នក​ប្រើ​ប្រាស់​មួយ​ចំនួន​បាន​ជេរ​ប្រមាថ​តារា​រូប​នេះ​ថា​ មិន​យក​ចិត្ត​ទុក​ដាក់​ចំពោះ​មតិ​សាធារណៈ​ ហើយ​បាន​ចាត់​ទុក​សារ​របស់​គាត់​ថា​ជា​សេចក្តីថ្លែងការណ៍​ពាក់ព័ន្ធនឹងនយោបាយ។

យ៉ាងណា នេះ​ក៏មិន​មែន​ជា​លើក​ទី​មួយ​ទេ ដែល​តួឯកប្រុសកូរ៉េ ចាប់អារម្មណ៍​ខាង​នយោបាយ។ កាលពីឆ្នាំមុន គាត់បានចែករំលែកបទចម្រៀងតវ៉ារបស់ក្រុម Girls’ Generation ក្រោមចំណងជើងថា «Into the New World» ដើម្បីគាំទ្រដល់អ្នកគាំទ្រដែលចូលរួមក្នុងការប្រមូលផ្តុំគាំទ្រការចោទប្រកាន់ ដោយនិយាយថា គាត់គ្រាន់តែចង់លើកទឹកចិត្តពួកគេក្នុងអាកាសធាតុត្រជាក់តែប៉ុណ្ណោះ។

បច្ចុប្បន្ន Lee Dong Wook កំពុងសម្តែងក្នុងរឿងភាគ tvN ‘Divorce Insurance’ ហើយបាននិងកំពុងរក្សាទំនាក់ទំនងយ៉ាងរឹងមាំជាមួយអ្នកគាំទ្ររបស់គាត់ បើទោះបីជាមានការវាយប្រហារតាមអ៊ីនធឺណិតថ្មីៗនេះក៏ដោយ។ អ្នក​គាំទ្រ​ជា​ច្រើន​បាន​ប្រមូល​ផ្តុំ​គ្នា​ពី​ក្រោយលោក ដោយ​សរសើរ​ពី​ការ​បង្ហាញ​សាមគ្គីភាព​ដ៏​ស្មោះស្ម័គ្រ​ផ្ទាល់ខ្លួន៕

អត្ថបទ៖ សាង ស្រីល័ក្ខ

ចុចអាន៖ប៉ូលិសបញ្ចាក់ហេតុផល Mino រួចខ្លួនពីកាព្វកិច្ចយោធាម្ដងទៀត

The post Lee Dong Wook ប្រឈម​ការ​រិះគន់​ ​ពាក់ព័ន្ធ​នយោបាយ​ លោក Yoon Suk Yeol appeared first on Kampuchea Thmey Daily.

បន្ទាប់ពីសម្តែងក្នុងភាពយន្តភាគ Life ក្នុងឆ្នាំ ២០២៨ Lee Dong Wook បានសារភាពថា គាត់មានបទពិសោធន៍ បន្ថែមពីលើការវាយតម្លៃទាបនៃស៊េរីនេះ, គាត់​ក៏​ទទួល​បាន​ការ​បញ្ចេញ​មតិ​ស្អប់​ខ្ពើម ហើយដាក់សម្ពាធលើខ្លួនឯងអំពីការសម្តែងរបស់គាត់ក្នុងរឿងភាគមួយនេះ។

តារាសម្ដែងកូរ៉េខាងត្បូងរូបនេះបានទម្លាយប្រាប់ថា “ខ្ញុំមិនពេញចិត្តនឹងការសម្តែងរបស់ខ្ញុំនៅក្នុងស៊េរីនោះទេ។ វាបានទទួលបានការស្អប់តាមអ៊ីនធឺណិត ហើយរឿងអវិជ្ជមានទាំងអស់ហាក់ដូចជាត្រូវបានតម្រង់មកខ្ញុំ។ រហូត​ដល់​ខ្ញុំ​ចាប់​ផ្ដើម​គិត​ថា​ខ្ញុំ​ត្រូវ​គេស្ដីបន្ទោស និង​មាន​អារម្មណ៍​មិន​ល្អ​ចំពោះ​រឿង​នោះទាល់តែសោះ”។

លើសពីនេះទៀតដែរ តារាប្រុសវ័យ ៤២ឆ្នាំរូបនេះ បាននិយាយបន្តទៀតថា “ខ្ញុំមិនដែលនិយាយរឿងនេះទេ ប៉ុន្តែខ្ញុំកំពុងគិតយ៉ាងខ្លាំងអំពីការចូលនិវត្តន៍ និងការផ្លាស់ទៅប្រទេសផ្សេងជំនួសវិញ ហើយផ្តោតសំខាន់លើការហាត់ប្រាណ ប៉ុន្តែ​ការ​ទៅ​កន្លែង​ហាត់ប្រាណ​មិនបាន​ធ្វើឲ្យ​សុខភាព​ផ្លូវចិត្ត​របស់ខ្ញុំ​ប្រសើរឡើង​ទេ នៅពេល​នោះ​មាន Gong Yoo ដែល​បាន​ផ្លាស់ប្តូរ​អ្វីៗ​ទាំងអស់​របស់ខ្ញុំនាពេលនោះ។

គាត់បានបន្តលើកទឹកចិត្តខ្ញុំឲ្យចេញមក។ ដូច្នេះ ខ្ញុំ​បាន​ចេញ​ទៅក្រៅជាមួយគាត់ តែគាត់ក៏មិនបានសួរខ្ញុំពីកង្វល់របស់ខ្ញុំទេ។ យើងមានការសន្ទនាធម្មតា បន្ទាប់​ពី​និយាយ​ពី​រឿង​សាមញ្ញ ខ្ញុំ​ដឹង​ថា​នេះ​ជា​កន្លែង​របស់​ខ្ញុំ។ នេះជាកន្លែងដែលខ្ញុំគួរតែនៅ។ បន្ទាប់​មក ខ្ញុំ​ចាប់​ផ្ដើម​ចេញ​ទៅ​ក្រៅ​កាន់​តែ​ច្រើន​ឡើង។

ទោះយ៉ាងណាក៏ដោយ បន្ទាប់ពីទស្សនិកជនបានស្ដាប់នូវការទម្លាយរបស់តួប្រុសក្នុងរឿង “Guardian: The Lonely and Great God” រួចមកម្នាក់ៗសុទ្ធតែយល់ស្របដូចគ្នាថា នៅពេលនោះ ប្រសិនបើ Gong Yoo មិនចូលមក Lee Dong Wook ប្រហែល​ជា​បោះបង់​ចោល​មុន​ពេល​សម្ដែង ហើយបានទទួលជោគជ័យក្នុងរឿងភាគផ្សេងទៀតដូចជា Tale of the Nine Tailed, Strangers From Hell និង A Shop for Killers មកទល់សព្វថ្ងៃនេះទេ៕

អត្ថបទ៖ សាង ស្រីល័ក្ខ

ចុចអាន៖ តារា​ម៉ូដែល​ម្នាក់​ប្រាប់​ថា​ ថត​រូបជាមួយ Rose ដូចទាញប្រជាប្រិយភាពឲ្យកាន់តែល្បី

The post Lee Dong Wook ទម្លាយថា ប្ដូរចិត្តលាឈប់ពីអាជីពសម្ដែងដោយ​សារ Gong Yoo appeared first on Kampuchea Thmey Daily.

ដូចដែល​ទស្សនិកជនដឹងស្រាប់ និង​កម្រ​ឃើញ Lee Dong Wook ជួបនឹង​ពាក្យចចាមអារ៉ាម ដែលធ្វើឲ្យមនុស្សជាច្រើន​មានការសង្ស័យថា លោកចេះស្រលាញ់មនុស្សស្រីឬអត់ទេ។

យ៉ាងណាមិញ​ទីបំផុតមិត្ត​ជិតស្និទ្ធរបស់ Lee Dong Wook គឺ Kim Bum បាន​ទម្លាយថា Lee Dong Wook មាន​កាលវិភាគ​មមាញឹក​ដែល​គាត់​មិន​មាន​ពេល​ទៅ​ជួបនឹងនរណាម្នាក់ទេ។ Kim Bum បាន​និយាយបន្ថែម​ទៀត​ថា “ជា​ដំបូង Lee Dong Wook រវល់​ពេក​មិន​អាច​ឲ្យ​អ្នក​ណា​ជួប​បាន​ ហើយវាពិបាកសម្រាប់​ខ្ញុំក្នុងការជួបគាត់​ដូចគ្នាផងដែរ។

តារាសម្ដែងប្រុសរូបនេះថែមទាំងបញ្ចាក់ច្បាស់ៗទៀតថា នេះ​មិនមែនជារឿង​បំផ្លើស​នោះទេ ព្រោះជាង២០ ឆ្នាំមកនេះ Lee Dong Wook បានរក្សាកាលវិភាគសម្តែងក្នុងរឿងភាគកូរ៉េ​យ៉ាងតិចមួយ​ក្នុងមួយឆ្នាំ ដោយមិនរាប់បញ្ចូលទាំងពិធីករ និងការងារពាណិជ្ជកម្មទាំងអស់​ដែលលោក​មាន​នោះទេ។

ទោះជាយ៉ាងនេះ​ក្តី តារាសម្តែងដ៏​មមាញឹករូបនេះ មិន​ទាន់​អស់សង្ឃឹមនៅឡើយទេ។​ អ្នកគាំទ្រ​ជាច្រើន​នៅ​តែ​ទន្ទឹង​រង់ចាំ​មើល​ថា តើលោក​នឹងជួបនារី​ណាម្នាក់​ណាដោយចៃដន្យ ហើយ​រៀបការ​មុន​អាយុ ៥០ឆ្នាំក៏ថាបាន៕

ប្រែសម្រួល៖ សាង ស្រីល័ក្ខ

ចុចអាន៖ភាពយន្តសម្ដែងដោយ Lee Junho និង YoonA ទទួលការវាយតម្លៃខ្ពស់នៅវគ្គចុងក្រោយ

The post Kim Bum ទម្លាយមូលហេតុ Lee Dong Wook កម្រឃើញពាក្យចចាមអារ៉ាមទាក់ទងស្នេហា appeared first on Kampuchea Thmey Daily.

ថ្មីៗនេះ អ្នកនិយមលេងអ៊ីនធឺរណិតនាំគ្នាវែកញែករឿង Lee Dong Wook មានកូនប្រុសម្នាក់ ​ក្រោយពេលរូបភាពប្រលែងលេងជាមួយកូនក្មេងច្រើនសន្លឹករបស់តារាវ័យ ៤១ឆ្នាំរូបនេះ បានបន្តចែកចាយពាសពេញបណ្ដាញសង្គម។

បន្ទាប់ពីរូបថតត្រូវបានចែករំលែក អ្នកនិយមលេងអ៊ីនធឺរណិតគ្រប់ទីកន្លែងបានចោទសួរអំពីទំនាក់ទំនងរវាង Lee Dong Wook និងក្មេងប្រុសតូច ដោយទស្សនិកជនរាប់សិបនាក់បានដាក់ការសង្ស័យថា លោកបានរៀបការជាសម្ងាត់ជាយូរមកហើយ។

មិនយូរប៉ុន្មាន អ្នកគាំទ្ររបស់ Lee Dong Wook ចេញមុខទម្លាយការពិតថា រូបថតទាំងនោះជារូបក្រោយឆាក ពេលលោកកំពុងសម្ដែងរឿងភាគថ្មីប៉ុណ្ណោះ។ ក្រោយទទួលបានការអះអាងនេះ អ្នកគាំទ្រមួយចំនួនបានផ្ដល់ការជឿជាក់ ខណៈមួយចំនួនទៀតនៅមិនទាន់ជឿនោះទេ ដោយពួកគេចង់ឱ្យសាមីខ្លួនចេញមុខបកស្រាយដោយផ្ទាល់៕

ប្រែសម្រួល៖ សន្យា

ចុចអាន៖ Netflix គ្រោងចេញផ្សាយភាពយន្តអំពីតារាសម្ដែង Sulli ដើម្បីគោរពដល់​វិញ្ញាណក្ខន្ធនាង

ចុចអាន៖ ក្រោយសារភាពស្នេហ៍ James Ma បណ្ដើរ Rinrada ដើរលេងសមុទ្រយ៉ាងរ៉ូមែនទិក

The post លេចឮពាក្យចចាមអារ៉ាមថា Lee Dong Wook លួចរៀបការស្ងាត់ៗ និងមានកូនប្រុសម្នាក់ appeared first on Kampuchea Thmey Daily.