ទោះបីទើបតែលេចមុខល្បីឈ្មោះ Lil Nas X ជាតារាដែលត្រូវបានចាត់ចូលជាបុគ្គលមានឥទ្ធិពលបំផុតលើអ៊ិនធរណេតកាលពីឆ្នាំ ២០១៩ និងជាសេដ្ឋីវ័យក្មេងផងដែរ។ ក្រៅពីនោះ លោកបានទុកមេរៀនជីវិតសំខាន់ៗ ៣ សម្រាប់មហាជនពិចារណា ជាពិសេសអ្នកសិល្បៈដូចរូបលោក។

១. ស្វែងរកអ្វីដែលជាខ្លួនឯង៖ ក្នុងនាមជាអ្នកសិល្បៈម្នាក់ Lil Nas X មិនដែលនៅនឹងមួយកន្លែងឡើយ ពោលគឺតារារូបនេះតែងតែព្យាយាមរិះរកអ្វីថ្មីមកបម្រើទស្សនិកជនជានិច្ច។ ហេតុអ្វី ទើបតែមានវ័យ ២១ ​ឆ្នាំ តែលោកអាចដណ្ដើមបានឈ្មោះជាតារាមានឥទ្ធិពលមួយរូបនៅក្នុងសង្គម និងពិភពអនឡាញ? នេះក៏ព្រោះតារារ៉េបរូបនេះរមែងសន្សំបទពិសោធន៍អ្នកដើរមុនៗ ​មកឆ្លុះបញ្ចាំងពីខ្លួនឯង ហើយអភិវឌ្ឍរសជាតិថ្មីសម្រាប់មហាជន។

២. មិនបញ្ឈប់ការរៀនសូត្រ៖ ត្បិតតែម្ចាស់បទ “Old Town Road” បានសាងកេរ្តិ៍ឈ្មោះ ពាសពេញពិភពលោកទៅហើយក៏ដោយ តែលោកនៅតែចាត់ទុកការរៀនសូត្រជាចំណុចចម្បងដែរ។ មិនថាយើងមានទ្រព្យច្រើនយ៉ាងណា ឋានៈធំប៉ុណ្ណា ឬល្បីបែបណាក៏ដោយ  ការរៀនសូត្រនៅតែត្រូវបន្តពេញមួយជីវិត និងចាំបាច់សម្រាប់គ្រប់គ្នា។ Lil Nas X ពោលដូច្នេះថា “កុំឈប់រៀនអ្វីថ្មី ឬពង្រឹងជំនាញដែលអ្នកមានរួចហើយ ​នោះអ្នកមិននឹងដើរក្រោយគេឡើយ”។

៣. សុភមង្គលពិត មិនអាចទិញដោយលុយទេ៖ ជាតារាមានទ្រព្យស្ដុកស្ដម្ភក៏ពិតមែន ប៉ុន្តែសិល្បករវ័យក្មេងរូបនេះ ពុំធ្លាប់ចាត់ទុកប្រាក់ជាវត្ថុទីមួយ ឬប្រឹងរកវាដើម្បីទៅទិញសេចក្ដីសុខពិតរបស់លោកឡើយ។ លោកតែងតែរំឮកជារឿយៗថា លុយមិនអាចទិញសុភមង្គលរបស់យើងទេ។ លោកបាននិយាយដូច្នេះ “អ្នកត្រូវតែឆ្លាតយល់ឲ្យបានពីភាពខុសគ្នារវាងសុភមង្គលមួយឆាវ និងសេចក្តីសុខពិតក្នុងរយៈពេលវែង បើពុំនោះអ្នកនឹងហក់លោតរហូតដល់ចាស់ នៅតែមិនអាចចាប់បានអ្វីទាំងអស់”៕

ប្រែសម្រួល៖ សន្យា

ប្រភព៖ Wealthy Gorilla

ចុចអាន៖ Lil Nas X ឈ្នះពានផ្ទួនៗ ក្រោយបញ្ចេញបទ “Old Town Road”

ចុចអាន៖ ហេតុអ្វី Billie Eilish ក្លាយជាតារាស្រីមានប្រជាប្រិយភាពក្មេងបំផុត?

The post ត្បិតតែជាតារារ៉េបវ័យក្មេង Lil Nas X ទុកមេរៀនជីវិត ៣ នេះសម្រាប់មហាជនគួរពិចារណា appeared first on Kampuchea Thmey Daily.

Lil Nas X មានឈ្មោះពិត Montero Lamar Hill កើតនៅថ្ងៃទី ៩ ខែមេសា ឆ្នាំ ១៩៩៩ នៅក្រុង Atlanta រដ្ឋ Georgia ។ ឪពុកម្តាយបានលែងលះគ្នានៅពេលលោកមានអាយុ ៦ ឆ្នាំ ហើយលោកបានរស់នៅក្នុងគម្រោងលំនៅដ្ឋានរបស់រដ្ឋដែលឈ្មោះថា Bankhead Courts ជាមួយម្តាយនិងជីដូន។

អាជីពជាអ្នកសិល្បៈ

Lil Nas X ជាបុគ្គលដែលមាននិស្ស័យជាមួយសិល្បៈតាំងពីក្មេង ដោយលោកចេះលេងត្រែចាប់ពីរៀនថ្នាក់ទី ៤ មកម្ល៉េះ។

នៅឆ្នាំ ២០១៨ Lil Nas X បានចេញបទចម្រៀងបែបជនបទចំណងជើងថា “Old Town Road” ។ បទនេះផ្ទុះខ្លាំងនៅដើមឆ្នាំ ២០១៩ តាមរយៈកម្មវិធីបណ្តាញសង្គម TikTok។  “Old Town Road” ជាប់ជាបទចម្រៀងបែបស្រុកស្រែមានអ្នកស្ដាប់ច្រើនជាងគេទី ១៩ ក្នុងចំណោមបទពេញនិយមបំផុតទាំង ១០០ នៅលើតារាង Billboard ព្រមទាំងជាប់ជាបទ Hip Hop ល្បីបំផុតលំដាប់ទី ៣៦ ផងដែរ។

នៅថ្ងៃទី ១៦ ខែមេសាឆ្នាំ ២០១៩ ​“Old Town Road”  ត្រូវបានប្រកាសជាបទបំបែកឯតទគ្គកម្មមានស្ដាប់ច្រើនបំផុតត្រឹមតែមួយសប្តាហ៍ក្នុងចំនួន ១៤៣ លានស្ទ្រីម  វាយផ្ដួលបទ “In My Feelings” របស់រាតារ៉េប Drake ដែលមានស្ដាប់ ១១៦,២ លានស្ទ្រីមកាលពីឆ្នាំ ២០១៨។

មិនត្រឹមតែប៉ុណ្ណោះ ​Lil Nas X ជាសិល្បករដែលបានឈ្នះពានរង្វាន់ច្រើនជាងគេ នៅក្នុងកម្មវិធីប្រគល់ពានរង្វាន់ Annual Grammy Awards (AGA) ប្រចាំឆ្នាំលើកទី ៦២។ លោកទទួលបានពានរង្វាន់ វីដេអូចម្រៀងល្អបំផុត (Best Music Video) និងពានរង្វាន់ការសម្តែងល្អបំផុត (Best Performance) ។ រីឯបទ ​“Old Town Road” បានធ្វើឱ្យតារាជនជាតិអាមេរិករូបនេះទទួលបានពានរង្វាន់ MTV វីដេអូចម្រៀងចំនួនពីររួមមាន បទចម្រៀងល្អប្រចាំឆ្នាំ និងពានរង្វាន់តន្ត្រីអាមេរិកាំងផ្ដោតលើចម្រៀងបែបរ៉េបឬហ៊ីបហប។

ជាអ្នកចម្រៀងផង និងជាអ្នកនិពន្ធផង តារាវ័យ​២១ឆ្នាំរូបនេះ ជាសិល្បករ LGBTQ ដំបូងគេនិងតែមួយគត់ដែលឈ្នះពានរង្វាន់ CMA ពីសមាគមតន្រ្តីស្រុកស្រែ។ ក្រៅពីនោះលោកជាប់ ជាម្នាក់ក្នុងចំណោមមនុស្ស ២៥ នាក់ដែលមានឥទ្ធិពលបំផុតនៅលើអ៊ីនធរណិតក្នុងឆ្នាំ ២០១៩ ៕

ប្រែសម្រួល៖ សន្យា

ប្រភព៖ Wealthy Gorilla

ចុចអាន៖ ៦ យ៉ាងពី Darci Lynne ម្ចាស់ជ័យលាភី “America’s Got Talent” រដូវកាលទី ១២

ចុចអាន៖ ខុស​ជំនាន់ ២៣ ឆ្នាំ​ក៏​គ្មាន​បញ្ហា! មិត្ត​ស្រី Leonardo DiCaprio ប្រកាន់​ជំហរ​ការពារ​ស្នេហា​ខ្លួន​​ដោយ​មិន​ខ្វល់​សម្ដី​រិះគន់

The post Lil Nas X ឈ្នះពានផ្ទួនៗ ក្រោយបញ្ចេញបទ “Old Town Road” appeared first on Kampuchea Thmey Daily.