មិនត្រឹមតែបានបន្សល់ទុកនូវសញ្ញាណរបស់នាងជាមួយនឹងការបោះ​ជំហានយ៉ាងវែង​នៅលើវិថី​សិល្បៈ​ប៉ុណ្ណោះ​ទេ ប៉ុន្តែ​នាងក៏ចាប់ភ្នែក​ផលិតករផងដែរ ដោយសារតែបទពិសោធន៍ សមរភូមិ​ពិត​របស់​នាង​នៅ​ក្នុង​គម្រោង​ភាពយន្ត និង​ទូរទស្សន៍​ជាបន្តបន្ទាប់​តាំងពីក្មេង។ បន្ថែមពីលើ​ជំនាញ​សម្ដែង​ដ៏ឆ្នើមរបស់​កូនស្រី Johnny Depp ជាពិសេសពិន្ទុ​នៅចំពោះ​មុខអ្នកទស្សនា ជាមួយ​នឹង​រូបរាង​ទាក់ទាញ​ភ្នែកមហាជន។

យ៉ាងណាមិញ បើប្រៀបធៀបនឹងរូបរាងបច្ចុប្បន្ន និងអតីតកាល អ្នកនិយម​លេងអ៊ីនធឺណេត​បាន​និយាយ​ថា តារា​ស្រី​រូប​នេះ​បាន​កែសម្ផស្ស​ ជាពិសេសនៅ​តំបន់​ច្រមុះ បបូរមាត់ ចង្កា និង​ថ្ពាល់។

ចម្លើយ​ចំពោះ​សំណួរ​ថា តើ​មុខ​របស់​តារា​ស្រី​រូប​នេះពិតជាប្រើ​បច្ចេកវិជ្ជា​វះកាត់​កែ​សម្ផស្ស​ឬ​អត់​នោះ​នៅ​តែ​ជា​អាថ៌កំបាំង។ អ្នកគាំទ្រជាច្រើននៃគ្រួសារ Deep គិតថា​មូលហេតុ​ដែល​នាងមានរូបរាង​ចម្លែក​នៅពេលនេះ អាចមកពី​ឥទ្ធិពល​នៃភាពពេញវ័យ។ លើស​ពី​នេះ សហគមន៍​អនឡាញ​ក៏​ចង្អុល​ទៅ​ហ្សែន​លេចធ្លោ​ពី​ឪពុកម្ដាយ ធ្វើឲ្យ​​ Lily-Rose Depp កាន់តែ​មាន​ភាព​ស្មុគស្មាញពិបាកស្មានណាស់។

នៅក្នុងបទសម្ភាសន៍ជាមួយ ELLE ក្នុងឆ្នាំ ២០១៨ Lily-Rose បានចែករំលែកដោយត្រង់ថា ដំណើរឆ្ពោះទៅកាន់ម្ចាស់ និងថែរក្សាស្បែករបស់នាងបាន​ចាប់ផ្តើម​តាំងពីនាងនៅ​ក្មេង។ នាង​បាន​បង្ហើប​ថា “ខ្ញុំ​គិត​ថា អ្នក​គួរ​តែ​ចាប់ផ្តើម​ថែរក្សា​ស្បែក​របស់​អ្នក​ក្នុង​វ័យ​ជំទង់។ ស្បែកនឹងអរគុណអ្នកនាពេលអនាគត។ ខ្ញុំបាន​ធ្វើការ​លើការថែរក្សាស្បែករបស់ខ្ញុំតាំងពីខ្ញុំអាយុ ១៤ឬ១៥ ឆ្នាំ។ ខ្ញុំ​ចូល​ចិត្ត​រក្សា​អ្វី​ដែល​សាមញ្ញ”។

បន្ថែមពីនេះសិល្បករស្រីបាននិយាយទៀតថា “ខ្ញុំគិតថាយើងទាំងអស់គ្នាមានលក្ខណៈប្លែកពីគេ ដែលយើងមាន​អារម្មណ៍​ថាគ្មាននរណាម្នាក់អាច​កាន់កាប់បានក្រៅពីយើង បើទោះបីជាអ្នក​កំពុងធ្វើការ​ជាមួយអ្នករចនាម៉ូដដែលអ្នកចូលចិត្តហើយល្បីល្បាញជុំវិញពិភពលោកក៏ដោយ។ សម្រាប់មនុស្សខ្លះវាអាចជាចិញ្ចើម សម្រាប់ខ្ញុំវាគឺជាបបូរមាត់ទាំងនេះ។ គ្មាន​នរណា​ដឹង​ច្បាស់​ថា​ខ្ញុំ​ចង់​បាន​អ្វី​ក្រៅ​ពី​ខ្លួន​ខ្ញុំ​ផ្ទាល់”។

មិន​ត្រឹម​តែ​ប៉ុណ្ណោះ សម្រស់កើតឆ្នាំ ១៩៩៩ ក៏ធ្វើឲ្យអ្នកគាំទ្រ​ភាន់​ភ្នែក​ជាច្រើនដង ដោយសារការ​ប្រែប្រួលខុសប្រក្រតី ដែលលេចចេញនៅលើបបូរមាត់ រាល់ពេលបង្ហាញមុខ​ជា​សាធារណៈ។ ដើម្បីរក្សារាងកាយ​ស្តង់ដារ និងសម្រស់ស្អាតនៅលើអេក្រង់ នាងបានកំណត់អាទិភាពលើការ​ទទួលទានអាហារដែលមាន​សុខភាពល្អ ស្របជាមួយនឹង​លំហាត់ដែល​បង្កើន​សុខភាព៕

ប្រែសម្រួល៖ សាង ស្រីល័ក្ខ

ចុចអាន៖បង្ហាញខ្លួនលើកនេះ Lily-Rose Depp រងភាព​ចម្រូងចម្រាស​ថា​កែសម្ផស្ស​

The post បង្ហាញខ្លួនលើកនេះ Lily-Rose Depp រងភាព​ចម្រូងចម្រាស​ថាលួច​កែសម្ផស្ស​ appeared first on Kampuchea Thmey Daily.

នៅក្នុងបទសម្ភាសន៍ជាមួយក្នុង Apple តារាចម្រៀង The Weeknd បានរៀបរាប់ពីសហការតារាស្រី ទាំងពីរនាក់នៅក្នុងរឿង The Idol ដោយ Jennie សមាជិកក្រុម BLACKPINK និងតារាសម្តែង Lily-Rose Depp ។ ជាពិសេស តារាចម្រៀងប្រុសរូបនេះ បានផ្តល់ការសរសើរជាច្រើនដល់តារាទាំងពីរ និងភាពស្អិតរមួតរបស់តួសម្តែងក្នុងខ្សែភាពយន្ត ។

ជាពិសេសនៅពេលដែលនិយាយដល់ Jennie តារាចម្រៀង The Weeknd បាននិយាយថាសមាជិក ក្រុម BLACKPINK ម្នាក់នេះគឺជាតួអង្គចាំបាច់សម្រាប់ខ្សែភាពយន្ត ព្រោះនាងគឺជាមនុស្សម្នាក់ដែល “ស្គាល់ពិភពកម្សាន្តមួយនេះច្បាស់ ហើយ Jennie និងសិល្បករជាច្រើនដូចជាខ្ញុំមិនមែនជាតួសម្តែងដំបូងឡើយ យើងយល់ពីពិភពលោកនេះ និងយល់ពីតួអង្គទាំងនេះ។ យើងទាំងពីរនាក់បានទាញយកទិដ្ឋភាពនេះ។ ខ្ញុំគិតថា Jennie បានធ្វើការងារដ៏អស្ចារ្យសម្រាប់រឿងភាគនេះ ហើយខ្ញុំពិតជា មានមោទនភាពចំពោះនាង ។

ទោះជាយ៉ាងណាក៏ដោយ The Weeknd ក៏បាននិយាយផងដែរថា”គាត់មានមោទនភាពបំផុតចំពោះសហជាមួយ Lily-Rose Depp ដែលនាងអាចច្រៀងរាំបាន។ ជាពិសេសពេលយើងថតរឿង យើងមានឈុតជាច្រើនដែលថតនៅផ្ទះខ្ញុំ ហើយយើងមានស្ទូឌីយ៉ូនៅបន្ទប់ក្រោមដី។ បន្ទាប់ពីថតអស់ជាច្រើនម៉ោង ពួកយើងក៏ចុះទៅស្ទូឌីយោម្តងទៀត បំផុសគំនិតនិងបង្កើតតន្ត្រីរួមគ្នា”។

យ៉ាងណាមិញ នាពេលបច្ចុប្បន្ននេះរឿងភាគ The Idol នៅតែជាប្រធានបទដ៏ក្តៅគគុកនៃការចាប់អារម្មណ៍ពីសំណាក់ទស្សនិកជនជុំវិញពិភពលោក ជាមួយនឹងមតិចម្រុះ។ ថ្វីត្បិតតែទើបតែចេញវគ្គដំបូងក៏ដោយ ប៉ុន្តែ The Idol បានទទួលការរិះគន់ជាច្រើន ដោយថារឿងភាគនេះមានឈុតក្តៅសាច់ច្រើនពេក ដែលធ្វើឲ្យភាពយន្តនេះមានភាពរកាំរកូសសម្រាប់ទស្សនិកជន ៕

ប្រែសម្រួល៖នាងងតូច

ចុចអាន៖YG ប្រកាសម្តងទៀត កុងត្រារបស់ G-Dragon ផុតកំណត់ហើយ

The post The Weeknd សរសើរចំពោះការសម្តែងរបស់ Jennie និង Lily-Rose Depp ក្នុងរឿង “The Idol” appeared first on Kampuchea Thmey Daily.

នៅក្នុងបទសម្ភាសន៍ជាមួយទស្សនាវដ្តី iD តារាសម្តែង Lily-Rose Depp បានចែករំលែកអំពីបទពិសោធន៍របស់នាងដែលរស់នៅក្រោមក្រសែភ្នែកទស្សនិកជនទាំងអស់ តាំងពីនាងនៅក្មេងដោយសារតែនាងជាកូនរបស់ Johnny Depp ។ ដូច្នោះហើយកុមារភាពរបស់នាងមិនអាច “ធម្មតា” ដូចជាមិត្តភក្តិរបស់នាងទេ។

Lily-Rose Depp បាននិយាយឲ្យដឹងថា “ខ្ញុំប្រយ័ត្ននឹងការសន្ទនាបែបនេះណាស់ ខ្ញុំគិតថាឪពុកម្តាយរបស់ខ្ញុំបានប្រឹងប្រែងអស់ពីសមត្ថភាពដើម្បីផ្តល់ឱ្យខ្ញុំនូវជីវិតធម្មតាបំផុត។ ប៉ុន្តែទោះជាយ៉ាងណា ជីវិតកុមារភាពរបស់ខ្ញុំនៅតែមិនធម្មតា ខ្ញុំដឹងថាកុមារភាពរបស់ខ្ញុំមិនដូចអ្នកដទៃទេ»។ នាងបានបន្ថែមទៀតថា “ប៉ុន្តែទន្ទឹមនឹងនោះ ខ្ញុំនៅតែរកវិធីធ្វើឱ្យខ្លួនឯងសុខស្រួល។ ខ្ញុំពិតជាសំណាងណាស់ដែលបាននៅក្បែរមនុស្សធម្មតា ឱ្យតម្លៃលើជីវិតពិត ហើយនោះជាហេតុផលតែមួយគត់។

នៅក្នុងបទសម្ភាសផងដែរ Lily-Rose បានសារភាពថានាងជារឿយៗធ្លាក់ក្នុងភាពភ័យស្លន់ស្លោ ដោយសារតែការយកចិត្តទុកដាក់និងការត្រួតពិនិត្យមិនចេះចប់ពីសាធារណជន។ សូម្បីតែ Lily-Rose ក៏មិនអាចធំឡើងដូចក្មេងជំទង់ធម្មតាដទៃទៀតដែរ ដោយសារឪពុករបស់នាងជាតារាល្បី។

ជាមួយគ្នានេះ នាពេលបច្ចុប្បន្ន Lily-Rose Depp គឺជាតារាសម្តែងវ័យក្មេងដ៏លេចធ្លោមួយរូប និងកំពុងទទួលបានការចាប់អារម្មណ៍ពីសំណាក់សាធារណជន។ នៅក្នុងឆ្នាំ ២០២៣ នាងកំពុងចូលរួមក្នុងគម្រោងធំដំបូងក្នុងអាជីពរបស់នាងដូចជារឿង The Idol ដោយគម្រោងភាពយន្ដនេះមានភាពទាក់ទាញការចាប់អារម្មណ៍ពីទស្សនិកជននៅពេលប្រមូលផ្តុំនូវតារាល្បីរួមមាន The Weeknd, Jennie សមាជិកក្រុម BLACKPINK, តារាចម្រៀងប្រុស Troye Sivan ជាដើម ៕

ប្រែសម្រួល៖នាងតូច

ចុចអាន៖តើខួរក្បាលលោក Albert Einstein ត្រូវអ្នកវិទ្យាសាស្ត្រសិក្សាយ៉ាងដូចម្តេច ?

The post កូនស្រីរបស់ Johnny Depp បើកចំហអំពីជីវិតនៅកុមារភាពមិនធម្មតា appeared first on Kampuchea Thmey Daily.