យ៉ាងណា កាលពីពេលថ្មីៗនេះ អ្នកស្រី Rukchanok Srinork សមាជិកសភាដែលមកពីគណបក្ស People’s Party បានចេញមុខបង្ហោះសារមួយនៅលើហ្វេសប៊ុកដោយលើកឡើងពីបញ្ហានេះថា «ជារឿងឆ្កួតបំផុត! ពួកគេកំពុងចែករំលែកព័ត៌មានក្លែងក្លាយច្រើនណាស់ ទោះបីជាតំណភ្ជាប់ទៅកាន់ព័ត៌មាននោះជាគេហទំព័រអាសអាភាសក៏ដោយ»។

មិនតែប៉ុណ្ណោះ សមាជិកសភារូបនេះថែមទាំងជំរុញឲ្យក្រសួងសេដ្ឋកិច្ចឌីជីថល និងសង្គមចាត់វិធានការលើក្រុម Jom Phalang ភ្លាមៗ ខណៈដែលប្រជាជនថៃជាច្រើនបានសម្រុកចែករំលែកដោយជឿថាវាជាការពិត។ ក្រៅពីចែករំលែក អ្នកផ្សេងទៀតកំពុងបង្ហោះព័ត៌មាននៅលើទំព័រហ្វេសប៊ុករបស់ពួកគេផ្ទាល់ ដោយជឿថាវាជាការពិត។

ស្រ្តីវ័យ៣១ឆ្នាំរូបនេះបានបន្តប្រកាសតាមរយៈហ្វេសបុកផ្ទាល់ខ្លួន ដោយដាក់បន្ទុកទៅកាន់​មន្ត្រី​យោធា ដែល​ផ្សព្វផ្សាយ​ព័ត៌មាន​ក្លែងក្លាយ និង​មន្ត្រី​គណបក្ស​នយោបាយ​ដែល​ផ្សព្វផ្សាយ​ព័ត៌មានទាំំងនោះដើម្បី​បង្កើន​ប្រជាប្រិយភាព​របស់​ពួកគេ ​ដែលបាន​បង្ក​គ្រោះថ្នាក់​ដលប្រជាជនថៃ។ នាងក៏បានចោទសួរទៅកាន់មជ្ឈមណ្ឌល​ប្រឆាំង​ព័ត៌មាន​ក្លែងក្លាយ​របស់​ក្រសួង​សេដ្ឋកិច្ច​ឌីជីថល​មាន​តួនាទី​អ្វី ប្រសិនបើ​ពួកគេ​អនុញ្ញាត​ឲ្យ​ព័ត៌មាន​ក្លែងក្លាយ​រាលដាល និង​ប៉ះពាល់​ដល់​ការវិនិច្ឆ័យ​របស់​ប្រជាជន​​ដល់​កម្រិត​នេះ?

ទោះជាយ៉ាងណា រឿងរ៉ាវមូលនិធិរបស់បុគ្គល Jom Phalang នាពេលនេះកំពុងតែផុងជ្រៅទៅៗក្រោមហេតុផលគ្រោងប្ដូរផ្លាស់មូលនិធិផ្សេង ហាក់ចង់ប្រមូលលុយចេញពីមូលនិធិ ឬមិនចងឲ្យពាក់ព័ន្ធ។ យ៉ាងណាមិញ មូលនិធិបុគ្គលរូបនេះក៏កំពុងរងការស៊ើបអង្កេត ពាក់ព័ន្ធនឹងលុយជំនួយពីសប្បុរសជនយកទៅប្រើខុសច្បាប់។ ដំបូងឡើយ គេដាក់ការស្មានថា អាចភាពស្រដៀងទៅនឹងអ្នកនយោបាយប្រើសម្រាប់លាងលុយកខ្វក់ ឬការគេចពន្ធ ដែលគេមិនទាន់អាចសន្មតបានឡើយ៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

Jom Phalang យំសោកស្រណោះខ្លួន ហើយប្រាប់បំណងប្រាថ្នាចុងក្រោយ នៅមុខអ្នកកាសែត

The post នៅថៃកំពុងផ្ទុះព័ត៌មាន Lisa បរិច្ចាគលុយដល់មូលនិធិ Jom Phalang ភ្ជាប់គេហទំព័រអាសអាភាស appeared first on Kampuchea Thmey Daily.

យ៉ាងណា តារាចម្រៀងវ័យ២៨ឆ្នាំរូបនេះ ​បានក្លាយជាចំណុចកណ្តាលនៃរឿងចម្រូងចម្រាសម្តងទៀត នៅពេលដែលឈុតសម្តែងរបស់នាង ត្រូវបានគេវាយតម្លៃថាខ្លីពេក និងហួសហេតុពេកមិនសមនឹងរូបរាងក្នុងនាមជាជនជាតិអាស៊ី។

ក្នុង​វីដេអូ​ដែល​បាន​ល្បី​ពេញ​បណ្ដាញ​សង្គម Lisa បានពាក់អាវពណ៌ក្រហម ជាមួយ​នឹង​ខោ​ខ្លី​ស្ទីល​មាន​គែម​សងខាង។ ការ​រចនា​ម៉ូដ​ខ្លី និង​តឹងខ្លាំងនេះបាន​ធ្វើ​ឲ្យអ្នកគាំទ្រមើលឃើញដល់រាងរៅខាងក្នុងរបស់នាងពីក្រោមឆាកសម្ដែងតែម្ដង។ មិនត្រឹមតែប៉ុណ្ណោះ ខោខ្លីដែលមើលឃើញគូទរបស់នាងសម្រាប់ការសម្ដែងភាគច្រើន បានធ្វើឲ្យទស្សនិកជនជាច្រើន មានអារម្មណ៍មិនសប្បាយចិត្ត និងបង្ហាញថា ពួកគេមិនពេញចិត្តនឹងសំលៀកបំពាក់របស់នាងឡើយ។

ជាងនេះទៅទៀត ទស្សនិកជនមួយចំនួនជឿថា ឈុតសម្តែងរបស់នាងជាច្រើនមិនស័ក្តិសមសម្រាប់អនីតិជន ហើយមានការព្រួយបារម្ភចំពោះជម្រើសសម្លៀកបំពាក់ដែលកាន់តែមានភាពក្លាហានរបស់តារាស្រីរូបនេះ។ មនុស្ស​ជា​ច្រើន​គិត​ថា​អ្នក​រចនា​ម៉ូដ​បាន​ធ្វើ​ការ​ជ្រើសរើស​មិន​យល់​ព្រម​ហើយ​ដាក់​សិល្បករ​ក្នុង​ស្ថានភាព​ដែល​អាច​មាន​គ្រោះថ្នាក់។ អ្នក​ខ្លះ​ទៀត​និយាយ​ការពារ​ថា​ នេះ​ជា​ស្ទីល​អន្តរជាតិ ហើយ Lisa កំពុង​តែ​តាម​ដាន​រូបភាព​បុគ្គល។

តាមពិតទៅ នេះមិនមែនជាលើកទីមួយទេ ដែលតារាចម្រៀងជនជាតិថៃរូបនេះ បង្ករឿងចម្រូងចម្រាស ដោយសារតែឈុតសម្តែងរបស់នាង។ នៅឯកម្មវិធី Met Gala ឆ្នាំ ២០២៥ នាងបានទាក់ទាញការចាប់អារម្មណ៍ជាមួយនឹងស្ទីលគ្មានខោ ដោយពាក់អាវក្រៅដែលមានចររួមជាមួយនឹងខោ និងស្រោមជើងពណ៌ខ្មៅវែង ដែលបង្ហាញគូទយ៉ាងច្បាស់និងលេចធ្លោពេក។

ជាងនេះទៅទៀតនៅក្នុងកម្មវិធី Coachella 2025 និងឆាកតន្រ្តីទោលជាច្រើនទៀត សមាជិកក្រុម BlackPink តែងតែស្លៀកឈុតខ្លីៗ ឬខោខ្លីរាងត្រីកោណ ដែលបង្កមានប្រតិកម្មចម្រុះ។ ជាពិសេសនោះគឺអ្នកគាំទ្រអាស៊ីដែលមានវប្បធម៌មិនស្លៀកលេចលើលេចក្រោម ឬបញ្ចេញសាច់ពេក។ យ៉ាងណា Lisa មានភាពក្លាហានចាប់តាំងពីបានពង្រីកប្រតិបត្តិការរបស់នាង នៅក្នុងទីផ្សារលោកខាងលិច។ នាងបាន​ប្រកាន់​ខ្ជាប់​នូវ​ម៉ូដ​បែប​នេះ បើ​ទោះ​ជា​រង​ការ​រិះ​គន់​ច្រើន​ដង​ក៏រូបនាងហាកមិនប្ដូរស្ទាយស្លៀកពាក់នេះដាច់ខាត៕

អត្ថបទ៖ សាង ស្រីល័ក្ខ

ចុចអាន៖អស់ពីរឿងអាស្រូវស្រីស្នេហ៍ ឥលូវ ថៃ ផ្ទុះរឿងព្រះសង្ឃប្រើហិង្សាលើកូននេន ផ្អើលចំណុះជើងវត្ត

The post លីអូខ្លីកំប៉ឺតរបស់ Lisa រងភាពចម្រូងចម្រាសជាថ្មីថា ស្លៀកមិនសមរូបជាមនុស្សស្រី appeared first on Kampuchea Thmey Daily.

នៅថ្ងៃទី ១៥ ខែកក្កដា (ម៉ោងក្នុងតំបន់) គណៈកម្មាធិការរៀបចំនៃពានរង្វាន់ Primetime Emmy Awards ប្រចាំឆ្នាំលើកទី ៧៧ បានប្រកាសបញ្ជីឈ្មោះបេក្ខភាពនៅឆ្នាំនេះនៅ Wolf Theatre ទីក្រុង Los Angeles សហរដ្ឋអាមេរិក។

ក្នុងចំណោមនោះមានដូចជា Lisa, Doja Cat និងការសម្តែងកិត្តិយសរបស់ James Bond របស់ Raye នៅ Oscars ឆ្នាំ ២០២៥ ត្រូវបានតែងតាំងពាន Emmy សម្រាប់ក្បាច់រាំឆ្នើមនៅក្នុងកម្មវិធីទូរទស្សន៍ Variety ឬ Reality ។

ដំណឹង​នេះ​បាន​បង្ក​ភាព​ចម្រូងចម្រាស​ក្នុង​សហគមន៍​អនឡាញ។ ខណៈពេលដែលអ្នកគាំទ្រសប្បាយចិត្ត និងរំភើបចំពោះសមិទ្ធផលថ្មីរបស់សមាជិកវ័យក្មេងបំផុតរបស់ BlackPink តែទស្សនិកជនមួយចំនួនទៀតមានការខកចិត្ត។ ពួក​គេ​គិត​ថា​ការ​សម្ដែង​របស់នាងមិន​ពូកែ​ទេ ហើយ​ថែម​ទាំង​ត្រូវ​បាន​គេ​សង្ស័យ​ថា​ ច្រៀងធ្វើម្ហបៗតែប៉ុណ្ណោះ។

ទោះ​ជា​យ៉ាង​ណា មាន​មតិ​ខ្លះ​និយាយ​ថា Lisa ត្រូវ​បាន​គេ​ប្រព្រឹត្ត​ដោយ​ព្យាបាទ។ ពួក​គេ​បាន​ចង្អុល​បង្ហាញ​ថា ការ​សម្តែង​នេះ​មាន​អ្នក​សិល្បៈ​ចំនួន​៣​នាក់ ប៉ុន្តែ​មាន​តែ Lisa ប៉ុណ្ណោះ​ដែល​ត្រូវគេស្អប់​។ លើសពីនេះ ការតែងតាំងនេះពិតជាបានទៅលើអ្នករចនាក្បាច់រាំ Mandy Moore ខណៈដែល Lisa, Doja Cat និង Raye ត្រូវបានគេដាក់ឈ្មោះដោយសារតែពួកគេជាអ្នកសម្ដែងដ៏សំខាន់។

កន្លង​មក Lisa បាន​បង្កើត​ប្រវត្តិសាស្ត្រ​ដោយ​ក្លាយ​ជា​សិល្បករ Kpop ដំបូង​គេ​ដែល​បាន​សម្តែង​ក្នុង​កម្មវិធី Oscar ។ បទចម្រៀងដែលនាងសម្តែងគឺ Live and Let Die ដែលជាបទចម្រៀងសម្រាប់ខ្សែភាពយន្ត James Bond ឆ្នាំ 1973 ដែលមានឈ្មោះដូចគ្នា។ Doja Cat បានច្រៀង Diamonds Are Forever (ភាពយន្តឆ្នាំ ១៩៧១) ហើយ Raye បានសម្តែងរឿង Skyfall (ភាពយន្តឆ្នាំ ២០១២)។

នៅពេលដែល Academy of Motion Picture Arts and Sciences (AMPAS) បានប្រកាសព័ត៌មានកាលពីចុងខែកុម្ភៈ Lisa ក៏ត្រូវបានគេសង្ស័យថាទទួលបានឱកាសដ៏ធំនេះផងដែរ ដោយសារឥទ្ធិពលរបស់មិត្តប្រុស Frédéric Arnault ។ អ្នកលេង​អ៊ីនធឺណិត​ក៏​បាន​ចោទ​សួរ​ថា តើ​តារា​ស្រី Kpop អាច​ច្រៀង​ផ្ទាល់​បាន​ឬ​អត់?

នៅពេលដែលពិធីប្រគល់រង្វាន់បានធ្វើឡើងនៅថ្ងៃទី ៣ ខែមីនា Lisa បានក្លាយជាប្រធានបទក្តៅម្តងទៀតនៅលើវេទិកាអនឡាញ។

ទស្សនិកជនបានបញ្ចេញមតិថា សំឡេងរបស់ Rockstar គឺស្រាលជាង Doja Cat និង Raye ។ មិនត្រឹមតែរងការរិះគន់ថា ច្រៀងខ្សោយប៉ុណ្ណោះទេ ប៉ុន្តែកម្លាំងខ្លាំង ក្បាច់រាំរបស់នាង ក៏មិនមានអ្វីពិសេសដែរ។ អ្នក​ខ្លះ​ទៀត​ចោទ​សម្រស់​ថៃ​ថា ​ប្រើមាត់ម្ហបៗតាមបទចម្រៀង ​ព្រោះ​នាង​មិន​ឮ​សំឡេង​ដក​ដង្ហើម​ចេញ​ពី​មីក្រូហ្វូន។ មនុស្សជាច្រើនយល់ស្របនឹងទស្សនៈដែលថា Lisa គួរតែច្រៀងតែក្នុងស្ទូឌីយ៉ូ មិនល្អគ្រប់គ្រាន់ស្មើនឹងសិល្បករអន្តរជាតិល្បីៗ៕

អត្ថបទ៖ សាង ស្រីល័ក្ខ

ចុចអាន៖Selena ជ្រើសរើស​ថ្ងៃ​រៀបការ ​ដោយ​សារ​តែ Taylor Swift

The post ទស្សនិកជនខឹងសម្បារ ហើយថា Lisa មិនសមទទួលពាន Emmy ជាមួយតារាដទៃទេ appeared first on Kampuchea Thmey Daily.

សេចក្តីថ្លែងការណ៍របស់តារាចម្រៀងបានឆ្លើយតបទៅនឹងសំណួរថា ក្នុងនាមជាសិល្បករទោលឥឡូវនេះ ដែលកំពុងផ្សព្វផ្សាយទូទាំងពិភពលោក និងធ្វើដំណើរជុំវិញពិភពលោក តើកន្លែងដែលមានអារម្មណ៍ដូចជាផ្ទះសម្រាប់អ្នកជាងគេ? ថៃ ឬកូរ៉េ? នាពេលនោះ នាង​បាន​ឆ្លើយ​ថា «ខ្ញុំគិត​ថា​ប្រហែល​ជា​កូរ៉េ»។

ក្នុងចំណោមអ្នកលេងអ៊ីនធឺណិតកូរ៉េ ការឆ្លើយតបរបស់នាងទទួលការចាប់អារម្មណ៍ និងការទទួលស្គាល់ជាច្រើន ជាពិសេសមនុស្សជាច្រើនបានកត់សម្គាល់ថា Lisa បច្ចុប្បន្នមានសិទ្ធិស្នាក់នៅអចិន្ត្រៃយ៍ក្នុងប្រទេសកូរ៉េ ដោយផ្តល់ឋានៈស្របច្បាប់របស់នាងជាអ្នករស់នៅតាំងតែពីវ័យមកម្ល៉េះ។

ទោះជាយ៉ាងណាក៏ដោយ អ្វី​ដែល​ធ្វើឲ្យអ្វី​លេង​អ៊ីនធឺណិត​កូរ៉េ​មាន​ការ​ភ្ញាក់​ផ្អើល​ នោះ​គឺ​ប្រតិកម្ម​ពី​អ្នក​គាំទ្រ​ជាជនជាតិថៃមកលើតារាស្រីវ័យ ២៨ឆ្នាំ។ មតិមួយចំនួនបានចេញមកប្រតិកម្មមិនចេញចិត្តនឹងការអត្ថាធិប្បាយរបស់នាងទាល់តែសោះ។

អ្នកខ្លះបាននិយាយឲ្យនាងនូវពាក្យសម្ដីមិនគម្បីជាច្រើនថា ពួកគេសង្ឃឹមថា Lisa នឹងត្រលប់មកប្រទេសថៃវិញ ហើយក្លាយជានាយករដ្ឋមន្ត្រី ប៉ុន្តែសុបិននោះត្រូវបានបំផ្លាញ ដោយសារេរូបនាងបានចាត់ទុកកូររ៉េជាផ្ទះជាងទឹកដីថៃ។ អ្នកផ្សេងទៀតបាននិយាយដែរថា ថ្វីដ្បិតតែ ប្រទេស​កូរ៉េ​បានធ្វើឲ្យ Lisa ល្បីល្បាញមានកេរ្តិ៍ឈ្មោះ ទូទាំងពិភពលោក។ ប៉ុន្តែ យើងគ្រាន់តែទទួលបានផលប្រយោជន៍ដោយប្រយោល ព្រោះនាងជាជនជាតិថៃ។ នៅពេលដែល Lisa សម្រេចបានអ្វីមួយ មនុស្សដែលមិនស្គាល់នាងនឹងសម្លឹងមើលនាង ហើយគ្រាន់តែដឹងថានាងជាជនជាតិថៃ។ ប្រសិនបើ Lisa មិនបានទៅកូរ៉េ ហើយស្នាក់នៅក្នុងប្រទេសថៃទេ នាងប្រហែលជាបានបញ្ចប់ក្នុងក្រុម BNK48 របស់ថៃប៉ុណ្ណោះ។

ថ្វីដ្បិតពាក្យសម្ដីរបស់ក្រុម BLACKPINK កំពុងផ្ទុះចម្រូងចម្រាសយ៉ាងណាក្ដី ក្នុងនោះផងដែរក៏មានមតិខ្លះបានលើកឡើងដោយគាំទ្រនាងថា បើនាងថា ខ្លួនតំណាងឲ្យថៃ វាអាចនឹងក្លាយទៅជាការច្រានចោលការរួមចំណែករបស់ YG និងជនជាតិកូរ៉េ ដូច្នេះនាងត្រូវតែប្រុងប្រយ័ត្នរាល់ការនិយាយស្ដី។ ជាពិសេសថែមទៀត បើនាងមិនបានទៅកូរ៉េទេ នាងនឹងមិនក្លាយជាលំដាប់ពិភពលោកដូចសព្វថ្ងៃនេះទេ។ លើសពីនេះ Lisa ធំឡើង និងចំណាយពេលភាគច្រើនក្នុងជីវិតរបស់​នាងនៅប្រទេសកូរ៉េ ដូច្នេះវាសមហេតុសមផលដែលនាងឆ្លើយថា ប្រទេសកូរ៉េជាផ្ទះរបស់នាង ហើយក៏មិនមែនជារឿងចម្លែកនោះដែរ៕

អត្ថបទ៖ សាង ស្រីល័ក្ខ

ចុចអាន៖បណ្ដើរគ្នាស្អិតរមួតបេះមិនចេញ V និង Park Bo Gum ត្រូវគេប្រដូចថា ជាគូស្នេហ៍ BL

The post ជនជាតិថៃប្រតិកម្មនឹងសម្ដី Lisa ថា «កូរ៉េដូចជាផ្ទះ មានសុវត្ថិភាពជាងប្រទេសថៃ» appeared first on Kampuchea Thmey Daily.

មិនត្រឹមប៉ុណ្ណឹងទេ កសិករសង្ឃឹមថា ឥទ្ធិពលអន្តរជាតិរបស់តារាចម្រៀងវ័យ២៨ឆ្នាំរូបនេះអាចបង្កើនការនាំចេញផ្លែឈើដែលធ្វើឲ្យផលិតផលថៃកាន់តែចង់បាននៅទូទាំងពិភពលោក ជាពិសេសទីផ្សារថ្មី។ ពួកគេជឿថា អំណាចទន់ (Soft Power) របស់នាង អាចដោះស្រាយបញ្ហានានា ដូចជា ការពន្យារពេល​នៃ​ការ​បំពេញ​បែបបទ​​គយ និងកង្វះកម្លាំងពលកម្ម ដែលជំរុញការប្រកួតប្រជែងទាំងមូលនៃឧស្សាហកម្មផ្លែឈើថៃ។

ខាងក្រោមនេះ គឺជាកត្តាចម្បងដែលសមាជិកក្រុម BLACKPINK បានក្លាយជាក្តីសង្ឃឹមដ៏ធំ និងការមើលឃើញយ៉ាងសំខាន់ចំពោះទីផ្សារផ្លែទុរេន និងផ្លែឈើរបស់ប្រទេសថៃ នៅលើ​ទីផ្សារ​អន្តរជាតិ​៖

១. កិត្តិនាមសកល និងឥទ្ធពលឬអំណាច​ទន់​ (Soft Power)

Lisa គឺជាតារាថៃល្បីឈ្មោះមួយរូបដែលមានការទទួលស្គាល់ និងមានឥទ្ធិពលបំផុតនៅទូទាំងពិភពលោក ដោយមានការតាមដានយ៉ាងច្រើននៅទូទាំងអាស៊ី បស្ចិមប្រទេស និងជាពិសេសប្រទេសចិន ដែលជាអ្នកនាំចូលផ្លែឈើថៃដ៏សំខាន់។ វត្តមានរបស់នាងក្នុងនាមជារូបតំណាង បានពង្រីកថាមពលទន់ (Soft Power) ដល់វប្បធម៌របស់ប្រទេសថៃ ដោយជួយធ្វើឲ្យផលិតផល ដូចជាផ្លែទុរេន មើលទៅមានតម្លៃថ្លៃជាង និងគួរឲ្យចង់បានបំផុត។

ទន្ទឹមគ្នានោះដែរ ប្រទេស និងម៉ាកនានាតែងតែប្រើប្រាស់ឥទ្ធិពលតារាល្បី ដើម្បីលើកកម្ពស់ការនាំចេញ ហើយ Lisa កំពុងធ្វើយ៉ាងមានប្រសិទ្ធភាពសម្រាប់វិស័យកសិកម្មថៃ។

២. ការផ្សព្វផ្សាយផ្លែឈើថៃដោយផ្ទាល់

កាលពីកន្លងមក ម្ចាស់បទ «Rockstar» រូបនេះ ធ្លាប់បានចែករំលែកដោយបើកចំហនូវក្តីស្រលាញ់របស់នាងយ៉ាងធំធេងចំពោះផ្លែឈើថៃ រួមទាំងទុរេន ស្វាយ និងអាហារដែលចូលចិត្តក្នុងស្រុកផ្សេងទៀតនៅក្នុងបទសម្ភាសន៍ និងការបង្ហាញខ្លួនតាមប្រព័ន្ធផ្សព្វផ្សាយជាច្រើន។

នៅពេលដែលអ្នកគាំទ្រឃើញនាងញ៉ាំ ឬគាំទ្រផ្លែឈើថៃ វាបង្កើនតម្លៃនៃការយល់ឃើញ និងការចង់បាននៃផលិតផលទាំងនេះ។ ជាឧទាហរណ៍ នៅក្នុងប្រទេសចិន, កូរ៉េ, សិង្ហបុរី និងអាមេរិក ឥទ្ធិពលដោយប្រយោលរបស់ Lisa បានធ្វើឲ្យផ្លែទុរេនថៃកាន់តែពេញនិយមក្នុងចំណោមអ្នកទិញវ័យក្មេង និងអ្នកគាំទ្រ K-pop ទូទាំងពិភពលោក។

៣. ឥទ្ធិពលទីផ្សារ និងម៉ាកយីហោ

ភ្នាក់ងាររដ្ឋាភិបាលថៃ ក៏ដូចជាក្រសួងពាណិជ្ជកម្ម និងអ្នកនាំចេញមានទំនាក់ទំនងជាយុទ្ធសាស្ត្រ បានប្រើ Lisa ជា រូបតំណាង ជាមួយនឹងការនាំចេញថាមពលទន់ Soft Power របស់ថៃ រួមមាន ផលិតផលកសិកម្ម (ផ្លែឈើដូចជា ទុរេន មង្ឃុត ស្វាយទុំ និងសាម៉ាវ), ទេសចរណ៍ និងផ្សព្វផ្សាយវប្បធម៌, ម៉ាកយីហោថៃដែលមានគុណភាពខ្ពស់ (OTOP)។

វិធីសាស្រ្តទាំងនេះបានជួយ បែងចែកផ្លែឈើថៃពីដៃគូប្រកួតប្រជែងដូចជាវៀតណាម ឬម៉ាឡេស៊ី។ ជាពិសេស អ្នកទិញបាន​​ដាក់​ទុរេន​ថៃ​ ជា​ផលិតផល​ពិសេស មិន​ត្រឹម​តែ​ជា​ទំនិញ​កសិកម្ម​ប៉ុណ្ណោះ​ទេ។

៤. ជំរុញការលក់ និង ចំណាប់អារម្មណ៍ទីផ្សារ

ដោយសារតែកិត្តិនាមរបស់តារាស្រីជាសកល ដូច្នេះហើយក្រុមហ៊ុននាំចេញផ្លែឈើថៃ បានឃើញតម្រូវការកើនឡើង ជាពិសេសនៅក្នុងប្រទេសចិន និងកូរ៉េ សម្រាប់ផ្លែទុរេន និងផ្លែឈើត្រូពិចផ្សេងទៀត។ អ្នកលក់រាយ និងកម្មវិធី​ពាណិជ្ជកម្មអេឡិចត្រូនិកនៅអាស៊ីបានផ្សព្វផ្សាយផ្លែទុរេនថៃ ជាមួយនឹងយុទ្ធនាការតាមប្រធានបទ Lisa ដោយទាក់ទាញការចាប់អារម្មណ៍ពីអ្នកប្រើប្រាស់ទូទាំងពិភពលោក។

៥. និមិត្តសញ្ញានៃការជឿទុកចិត្ត

លើសពីនេះទៀតដែរ តារាចម្រៀងប្រចាំក្រុម BLACKPINK បានក្លាយជារូបតំណាងនៃភាពទុកចិត្ត ពីបណ្ដាអ្នកគាំទ្រដែលនិយមធ្វើតម្រាប់តាម។ ជាឧទាហរណ៍ កាលពីប៉ុន្មានឆ្នាំមុន នាងបានបង្ហោះនូវមុខម្ហូប​អាហារថៃជាច្រើននៅលើគណនីផ្ទាល់ខ្លួន ដែលនោះបានក្លាយជាអាហារពេញនិយម និងនិន្នាការសម្រាប់អ្នកប្រើប្រាស់អន្តរជាតិសម្រុកទិញតាមយ៉ាងគគ្រឹកគគ្រេង។

​ជាមួយគ្នា​នេះ​​ Lisa មិនត្រឹមជាតារានិងតំណាងវប្បធម៌នៃ​ប្រទេសថៃប៉ុណ្ណោះ​ទេ នាង​ក៏​ក្លាយជាកំពូលសិល្បករដែលបង្កើត​សម្លេង និងក្តីសង្ឃឹមថ្មីសម្រាប់កសិករថៃ ដោយជួយផ្លាស់ប្តូរភាពយល់ឃើញពីផលិតផលដូចជា ទុរេន ឲ្យក្លាយជាផលិតផលមានតម្លៃខ្ពស់ដែលត្រូវការពីទីផ្សារសកល៕

អត្ថបទ៖ សាង ស្រីល័ក្ខ

ចុចអាន៖កសិករ​ថៃ​ស្នើនាយករដ្ឋមន្ត្រី​ ជ្រើស​រើសតារា K-pop​ ​​ជួយផ្សព្វផ្សាយ​ផ្លែ​ឈើ​ថៃ​ក្នុង​​ទីផ្សា​រ​ពិភពលោក

The post កត្តា​គន្លឹះ​៥យ៉ាង​ ដែល Lisa អាចនាំទុរេន និងផ្លែឈើថៃឱ្យល្បី​លើ​ទីផ្សារពិភពលោក appeared first on Kampuchea Thmey Daily.

តារាល្បីទាំងពីរ​ដួង​នេះ បាន​ចូលរួម​​​​​​ក្នុង​ព្រឹត្តិការណ៍​តាំងពិពណ៌គ្រឿងអលង្ការ «Polychroma» លំដាប់ខ្ពស់​​មួយ​ ដែលបានប្រព្រឹត្តទៅនៅទីក្រុង Sicily ប្រទេសអ៊ីតាលី ដោយប្រមូលផ្តុំតារាល្បីៗ​ជាច្រើនមកពីជុំវិញពិភពលោក។ ក្នុងនោះ តារាសម្តែង​ចិន អ្នកនាង Liu Yifei បានទាក់ទាញការចាប់អារម្មណ៍ នៅពេលដែលរូប​នាងបង្ហាញខ្លួនជា​ទូតសុឆន្ទៈ​ឲ្យម៉ាកពិភពលោកមួយនេះ។

តួឯកស្រីក្នុងរឿង «Mulan» បានបង្ហាញខ្លួនដ៏លេចធ្លោក្នុងការរចនាម៉ូដពីម៉ាកសំលៀកបំពាក់ Haute Couture ដ៏ប្រណីត ដោយអ្នករចនា Elie Saab ។ តារា​ចិន​រូប​នេះ​បានស្លៀករ៉ូប​តឹង​វែង​រិបរាងឲ្យ​កាន់តែស្រឡូន​ស្អាតថែម​១កម្រិត​ទៀត​ និង​ស្រោប​ដោយ​ត្បូង​ភ្លឺ​ចែងចាំង ជាមួយ​នឹង​ឈុត​គ្រឿង​អលង្ការ​រួម​ទាំង​ខ្សែ​ក និង​ចិញ្ចៀន​ពីយីហោ Bulgari ទាំងអស់។

មិនតែប៉ុណ្ណោះ Liu Yifei នៅលេងម៉ូដ​សក់​ចង​ឡើងទៅលើ និង​ការ​តុប​តែង​ខ្លួនបែបចាសទុំ ​ជួយ​រក្សា​រូបរាង​កុំ​ឲ្យ​រញ៉េរញ៉ៃ ដែលនោះបានបង្ហាញ​ពី​ទម្រង់​មុខ​ដ៏​ស្រទន់​នៃ​សម្រស់​កើត​ឆ្នាំ ១៩៨៧។ ក្នុង​វ័យ ៣៨ ឆ្នាំ តារា​ស្រី​រូប​នេះ​ ត្រូវ​បាន​គេ​និយាយ​ថា ​នៅ​តែ​រក្សា​ភាព​ក្មេង​ជាង​វ័យ ប្រណី​ត និង​គួរ​ឲ្យ​ទាក់​ទាញ បើធៀបនឹងតារាស្រីរួមជំនាន់ផ្សេងៗទៀត។

​មិន​​ឲ្យ​អន់​ជាង​តារាងចិន ​តារាថៃ​វ័យក្មេងនិង​កំពុង​​ល្បី​​ នាង​​ Lisa វិញ ក៏ទាក់ទាញការចាប់អារម្មណ៍​មិនធម្មតា​​ដែរ ជាមួយនឹងសម្លៀកបំពាក់ដ៏អស្ចារ្យនៅពេលចូលរួមក្នុងព្រឹត្តិការណ៍នេះ។

សមាជិកក្មេងជាងគេរបស់ BLACKPINK បានក្លាយជាចំណាប់អារម្មណ៍ជាមួយនឹងសម្លៀកបំពាក់ដ៏ប្រណីត និងភាពស្រស់ស្អាតរបស់នាង ដែលត្រូវបានគេនិយាយថា ម្ចាស់បទ «Money» មើលទៅដូចព្រះនាង Disney ។ តារាចម្រៀង​ជនជាតិថៃរូបនេះ បាន​ជ្រើសរើស​ម៉ូដ​អាវ​ក្រៅ​ពណ៌​លឿង/ស ពីអ្នករចនា Krikor Jabotian អមដោយខ្សែ​ក​ថ្ម​ដ៏​ភ្លឺ​ចែងចាំង​ដែរ។

យ៉ាងណាមិញ ទាំង Liu Yifei និង Lisa សុទ្ធតែជាតារាពិភពលោកល្បីៗ ដោយត្រូវតម្រូវអង្គុយនៅជួរមុខនៃកម្មវិធីជាមួយនាយកប្រតិបត្តិ លោក Bulgari JC Babin និងភរិយារបស់គាត់។ អ្វីដែលកាន់តែពិសេស ពាក្យគន្លឹះសំខាន់ៗនៃឈ្មោះរបស់តារាទាំងពីរដួង នៅក្នុងព្រឹត្តិការណ៍របស់ Bulgari បច្ចុប្បន្នកំពុង​​ស្ថិតក្នុងការ​ស្វែងរក (search) យ៉ាងក្តៅគគុកនៅក្នុងប្រទេស​ចិន ដែលទាក់ទាញអ្នកទស្សនាយ៉ាងភ្លូកទឹកភ្លូកដី៕

អត្ថបទ៖ សាង ស្រីល័ក្ខ

ចុចអាន៖ឃើញ G-Dragon ស្លៀករញ៉េរញ៉ៃ ពាក់់គ្រឿងអលង្ការស្អេកស្កះ ១តួខ្លួន បើគិតជាលុយចូលខ្ទង់លានដុល្លារ

The post តារាចិន​ Liu Yifei និងថៃ​ Lisa ប្រជែងសម្រស់គ្នា ក្នុងព្រឹត្តិការណ៍​​គ្រឿងអលង្ការ​ពិភពលោក​​ និង​បណ្តាញសង្គម​ appeared first on Kampuchea Thmey Daily.

ការចុះផ្សាយរបស់​កាសែតបាងកកប៉ុស្តិ៍ បានគូសបញ្ចាក់ថា ដោយសារតែភាពល្បីល្បាញជាសកលរបស់សមាជិកក្រុម Blackpink អាចបើកទីផ្សារថ្មីសម្រាប់ការនាំចេញផ្លែឈើរបស់ប្រទេសថៃ ជាពិសេសលើសពីប្រទេសចិន​ដែល​ជាទីផ្សារ​មានស្រាប់។ ដូចនេះ​​ហើយ​ទើប​ពួកគេបានស្នើដល់នាយករដ្ឋមន្ត្រី ក្នុងកំឡុងពេលដំណើរទស្សនកិច្ចរបស់​លោកស្រី​ ទៅកាន់ខេត្ត​ចន្ទ​បុរី ឬ​ច​ន្ថា​បូ​រី (Chanthaburi) កាលពីថ្ងៃសៅរ៍។

ក្រុមកសិករ បាននិយាយបន្ថែមថា ដោយមានការគាំទ្រពីរដ្ឋាភិបាលទាំងស្រុង ពួកគេជឿថា ឥទ្ធិពលអន្តរជាតិរបស់ Lisa អាចបង្កើនការនាំចេញផ្លែឈើរបស់ប្រទេសថៃ ដែលអាចរកចំណូលបានជាង ៥០០ពាន់លានបាត (១៥ ពាន់​លានដុល្លារ) ក្នុង​មួយឆ្នាំ បើធៀបនឹង ២០០ទៅ ៣០០ ពាន់លានបាតនាពេលបច្ចុប្បន្ន។

ក្នុង​ជំនួបជាមួយនាយករដ្ឋមន្ត្រី កសិករក៏បានជំរុញ​​ការ​ត្រួតពិនិត្យ​គយឲ្យបានលឿននៅតាមច្រកព្រំដែន ដែលការនាំចេញ ប្រឈមនឹងការពន្យារពេលរហូតដល់១២ថ្ងៃ។ កសិករ​នាំចេញ​បានស្នើសុំបទប្បញ្ញត្តិច្បាស់លាស់ជាងមុន ដើម្បីទប់ស្កាត់ការប្រមូលផលទុរេនមិនទាន់គ្រប់ខែ ដែលធ្វើឲ្យប៉ះពាល់ទាំងទម្ងន់ និងគុណភាព ដោយជំរុញឲ្យក្រសួងកសិកម្ម និងអាជ្ញាធរខេត្តអនុវត្តស្តង់ដារតឹងរ៉ឹងជាងនេះ។

លើសពីនេះទៀត សូម្បីតែកង្វះ​កម្លាំង​ពលកម្ម​ក៏ជា​បញ្ហា​សំខាន់​មួយ​ទៀតដែរ។ កសិករ​បាន​ស្នើ​ឲ្យ​ពន្យារ​ការ​អនុញ្ញាត​ការងារ​សម្រាប់​ពលករ​ចំណាក​ស្រុក និង​អនុញ្ញាត​ឲ្យ​ពួកគេ​ផ្លាស់ប្តូរ​ទីលំនៅ​រវាង​ខេត្ត​នានា​សម្រាប់​ការងារ។ ពួកគេក៏បានស្នើសុំមូលនិធិសំណងចំនួន ១០០លានបាត សម្រាប់កសិករដាំទុរេន និងអ្នកស្រុកដែលរងផលប៉ះពាល់ដោយការ​លុក​លុយ​របស់ដំរីព្រៃផងដែរ។

ជាការឆ្លើយតប នាយករដ្ឋមន្ត្រីថៃ បាននិយាយថា រដ្ឋាភិបាលកំពុងសហការជាមួយក្រុមហ៊ុននានា ដើម្បីទិញផលិត​ផល​លើស និងកាត់បន្ថយកាកសំណល់ផ្សេងៗ។ លោកស្រី​ បាន​សន្យា​ថា ​នឹង​សម្រួល​ដល់​ដំណើរការ​នាំ​ចេញ ហើយ​ថែមទាំង​សង្កត់ធ្ងន់ថា នឹង​ណែនាំ​ក្រសួង​ការងារ​ឲ្យដោះស្រាយ​កង្វះ​កម្លាំង​ពលកម្ម​ក្នុង​វិស័យ​កសិកម្ម។

យ៉ាងណាមិញ ជាផ្នែកមួយនៃដំណើរទស្សនកិច្ចរបស់​នាយករដ្ឋមន្ត្រី​ដែល​ជា​កូនស្រីពៅរបស់​លោកថាក់ស៊ីន ក៏បានទៅទស្សនាស្តង់ពិព័រណ៍ដែលដំណើរការដោយក្រុម Young Smart Farmer ជាកន្លែងលក់ទុរេនតាមរយៈការផ្សាយផ្ទាល់។ គាត់ក៏បានចូលរួមក្នុងកិច្ចខិតខំប្រឹងប្រែងដើម្បីគ្រប់គ្រងសំណល់គីមីនៅក្នុងផ្លែទុរេន និងបានចូលរួមក្នុងព្រឹត្តិការណ៍កាត់ផ្លែធូរេនផងដែរ៕

អត្ថបទ៖ សាង ស្រីល័ក្ខ

ចុចអាន៖តួឯកស្រីថៃ​ក្នុងរឿង «បេះដូងអ្នកសង្គ្រោះ» ​ប្រកាស​ក្ដែងៗ​ថា លែងជួយជ្រោមជ្រែងឪពុក

The post កសិករ​ថៃ​ស្នើនាយករដ្ឋមន្ត្រី​ ជ្រើស​រើសតារា K-pop​ ​​ជួយផ្សព្វផ្សាយ​ផ្លែ​ឈើ​ថៃ​ក្នុង​​ទីផ្សា​រ​ពិភពលោក appeared first on Kampuchea Thmey Daily.

នៅក្នុងកម្មវិធី Met Gala ឆ្នាំ ២០២៥ នាង Lisa បានក្លាយជាចំណុចកណ្តាលនៃការចាប់អារម្មណ៍ជាមួយនឹងសម្លៀកបំពាក់ដ៏ក្លាហាន។ នាង​បានពាក់អាវពណ៌ខ្មៅដែលជាការ​ការ​រចនា​ដ៏​គួរ​ឲ្យចាប់​អារម្មណ៍​របស់​ក្រុមហ៊ុន Louis Vuitton (LV) អមដោយខ្សែ​ក្រវាត់​ខ្សែ​ក្រវាត់​​គុជពណ៌សមួយនៅត្រង់ចង្កេះ។ ជាមួយនឹងស្ទីលកំពុងតែពេញនិយម តារាស្រីក៏មិនស្ទាក់ស្ទើរក្នុងការជ្រើសរើសបញ្ចេញល្វែងក្រោម ស្លៀកតែខោក្នុង បង្ហាញគូទនិងត្រគៀករីកសាយដ៏ទាក់ទាញ ដែលនោះបានបង្កឲ្យមានមតិចម្រុះពីសាធារណជន និងពិភពម៉ូដយ៉ាងឆាប់រហ័សនៅលើប្រព័ន្ធផ្សព្វផ្សាយ។

ទស្សនិកជនមួយចំនួនបានសម្តែងការសរសើរដោយនិយាយថា នាងមើលទៅស្រស់ស្អាត និងទាន់សម័យក្នុងតួនាទីជាទូតសុឆន្ទៈរបស់យីហោ LV។ មនុស្សជាច្រើនគិតថាសម្លៀកបំពាក់នេះសិចស៊ីពេក បង្ហាញឲ្យឃើញរាងរៅច្បាស់ៗពេក ជាពិសេសធ្វើឲ្យខូចតម្លៃស្រ្តី និងនាំឲ្យមានការស្លៀកពាក់តាមនាង ក្នុងទំនោរមិនសមរម្យតាមដងផ្លូវសាធារណៈ។

ទោះជាយ៉ាងណាក៏ដោយ នេះក៏មិនមែនជាលើកទីមួយទេដែល Lisa ស្លៀកឈុតបង្ហាញគូទកណ្ដាលវាលបែបនេះ។ កន្លងមក តារាថៃវ័យ២៨ឆ្នាំ តែងតែជ្រើសរើសសំលៀកបំពាក់លេចកេរ្តិ៍ខ្មាស់ និងសិចស៊ីហួសហេតុ រាល់ពេលចេញសម្តែងលើឆាក ឬបង្ហាញមុខក្នុងកម្មវិធីនានា ដើម្បីទាក់ទាញការចាប់អារម្មណ៍ពីភ្នែកអ្នកទស្សនា។

រម្លឹកទៅកាន់ឆាក Coachelle 2025 ម្ចាស់បទ «MONEY» បានតុបតែងខ្លួនក្នុងរូបរាងជាសត្វនាគពណ៌ប្រាក់ដ៏ទាក់ទាញ។ កាលណោះ នាង​បាន​សម្ដែង​បទ​ចម្រៀង​ដោយ​មាន​ស្មារតី​ជានារី​ខ្លាំង រួម​ជាមួយ​ក្បាច់​រាំ​ដ៏​ក្ដៅ​គគុក និង​វត្តមាន​លើ​ឆាក​ដែល​មាន​ទំនុក​ចិត្តលើសអ្នកណាៗទាំងអស់។

ទស្សនិកជនជាច្រើនតែងនិយមឃើញថា កាលនៅច្រៀងរួមក្រុម នាងលេងត្រឹមស្ទាយធម្មតា ឬមិនសូវជាលេចលើលេចក្រោមពេកដែរ។ ប៉ុន្តែ បន្ទាប់ពីហក់ចូលទីផ្សារលោកខាងលិចជាផ្លូវការ ស្ទីលម៉ូដសម្លៀកបំពាក់របស់សមាជិកក្រុម BLACKPINK កាន់តែមានភាពរឹងមាំ និងក្លាហានជាងមុនទ្វេដង។

លើសពីនេះ រូបភាព​មួយ​សន្លឹក​របស់ Lisa កាលពីប៉ុន្មានឆ្នាំមុននៅតែ​ល្បី​ល្បាញពេញ​អ៊ីនធឺណិតមិនសាបទៅណាឡើយ។ នៅក្នុងរូបថតនោះ តារាស្រីបានស្លៀកសម្លៀកបំពាក់ពណ៌ខ្មៅរិបរាងកាយ បង្ហាញរាងកាយច្បាស់ៗ ចាប់ពីត្រគាកដល់កំភួនជើង ។ សម្លៀកបំពាក់របស់នាងមួយឈុតនេះ ក៏បង្កឲ្យមានភាពចម្រូងចម្រាសជាច្រើន ដោយសារតែនាងនៅតែជាតារា K-pop ដែលមានអ្នកគាំទ្រវ័យក្មេងយ៉ាងច្រើន ជម្រើសសម្លៀកបំពាក់នេះគឺមិនសមរម្យទាំងស្រុង ហើយក៏អាចធ្វើឲ្យហ្វេនៗមានទំនោរស្លៀកពាក់តាមអាយដល់ពួកគេដែរ៕

អត្ថបទ៖ សាង ស្រីល័ក្ខ

ចុចអាន៖តារា K-pop ៥ដួង​ សាង​អាជីទោល​ដ៏ជោគជ័យ​និង​ ​មានទំហំទ្រព្យ​សម្បត្តិ​ម្នាក់ៗដូច​សេដ្ឋី

The post បង្ហាញខ្លួនលើកណា ឈុតសម្លៀក​បំពាក់​របស់ Lisa ទាក់​ទាញ់​ការរិះគន់​ថា សិចស៊ីពេកនាំឲ្យខូចតម្លៃស្រ្តី appeared first on Kampuchea Thmey Daily.