នៅក្នុងរូបថតដែល តារាសម្ដែងចិនបានបង្ហោះរូបនាងបានស្លៀករ៉ូបខ្លីបែបយុវវ័យ និងអាវខ្លីដែលបង្ហាញពីចង្កេះស្ដើង និងសូម្បីតែក្បាលពោះរាបស្មើ។ ក្រោយមក នាងស្រាប់តែបានលុបវីដេអូមួយដែលបង្ហាញពីរូបរាង ដោយជំនួសវាដោយរូបភាពមួយទៀត ដោយបង្ហាញតែដៃរបស់នាងប៉ុណ្ណោះ។

សកម្មភាពរបស់តួចិន បានបង្កឲ្យមានភាពចម្រូងចម្រាស ហើយនាងបានទទួលការចំអកពីអ្នកលេងអ៊ីនធឺណិត ដោយសារតែផ្តោតអារម្មណ៍ខ្លាំងពេកលើរូបភាព។ មនុស្សជាច្រើនជឿថា Liu Yifei ផ្សព្វផ្សាយរូបភាពរបស់នរណាម្នាក់ដែលមិនខ្វល់ពីរូបរាងរបស់នាង ដោយស្វែងរកសម្រស់ធម្មជាតិ និងរីករាយនឹងជីវិត។ តាមពិត រូបថតប្រព័ន្ធផ្សព្វផ្សាយរបស់នាងតែងតែត្រូវបានកែសម្រួលយ៉ាងល្អិតល្អន់។ នាងក៏អនុវត្តតាមស្តង់ដារសម្រស់បច្ចុប្បន្ននៃ ស្បែកស្អាត រាងស្លីម និងភាពក្មេងជាងវ័យដែរ។

ទោះជាយ៉ាងណាក៏ដោយ ការកែសម្រួលរូបថតក៏នាំមកនូវបញ្ហាផងដែរ ជាពិសេសនៅពេលដែលរូបភាពពិតរបស់ Liu Yifei ត្រូវបានលេចធ្លាយ។ នៅក្នុងរូបថតពិត ទេពធីតាទេពអប្សរ” បង្ហាញពីជាតិខ្លាញ់លើស ចង្កាមានថ្នក់ និងសញ្ញានៃភាពចាស់នៅលើមុខ។

យោងតាម ​​QQ ការពឹងផ្អែកលើឧបករណ៍កែសម្រួលរូបថតរបស់ Liu Yifei បានបង្កឲ្យមានភាពចម្រូងចម្រាសយ៉ាងខ្លាំងនៅក្នុងការបង្ហាញខ្លួនជាសាធារណៈពីមុន ខណៈពេលដែលអ្នកគាំទ្រមួយចំនួនសរសើរតួឯកស្រីចំពោះសម្រស់ធម្មជាតិ និងសុខភាពល្អប្រសើ ដោយមិនចាំបាច់ដេញតាមរូបរាងស្លីមដែលតារាសម្តែងផ្សេងទៀតពេញចិត្ត និងថែមទាំងរិះគន់តារាផ្សេងទៀត ពួកគេបានកែសម្រួលរូបថតរបស់ Liu Yifei ម្តងហើយម្តងទៀតដើម្បីឱ្យមើលទៅស្គមជាងអ្វីដែលនាងពិតជាមាន៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

Cecilia Cheung នៅតែមានបំណងយកកូន ទោះគ្មានប្ដី និងវ័យជ្រេក៏ដោយ

The post Liu Yifei លុបរូបចោលភ្លាមៗ ក្រោយត្រូវគេចំអកដល់នាង appeared first on Kampuchea Thmey Daily.

មិនត្រឹមតែប៉ុណ្ណោះ ភាពយន្ត «The Tale of Rose» និងតួអង្គស្រី Jiang Xueqiong មានភាពល្បីល្បាញពាសពេញអាស៊ី។ ជាពិសេស តារាស្រីក៏ធ្លាប់ឈ្នះពានរង្វាន់ជាច្រើនពីមុនមកដែរ ដែលធ្វើឲ្យនាងជឿជាក់ថា លើកនេះនាងនឹងឈ្នះពានរង្វាន់ Magnolia Award សម្រាប់តារាស្រីឆ្នើមផងដែរ។

ដូច្នេះហើយ នៅពេលដែលនាងបានលឺព័ត៌មានផ្ទៃក្នុងថា នាងបាត់បង់ពានរង្វាន់ Best Actress Award ដល់តារាស្រីផ្សេង ពេលនោះ Liu Yifei មានអារម្មណ៍រំជួលចិត្ត ហើយសម្រេចចិត្តមិនទៅចូលរួមកម្មវិធី Magnolia Awards ទោះបីជានៅល្ងាចថ្ងៃទី ២៦ ខែមិថុនា នាងបានរំលងកម្មវិធីសម្ពោធហាង LV ក្នុងទីក្រុង Shanghai ដើម្បីចូលរួមរាត្រីដែលផ្តល់កិត្តិយសដល់សិល្បករដែលត្រូវបានតែងតាំងក៏ដោយ។

ប៉ុន្តែវាជាការចាកចេញមួយរំពេចរបស់តារាស្រីវ័យ៣៧ឆ្នាំ ដោយគ្មានហេតុផលច្បាស់លាស់ និងដោយគ្មានការងារមមាញឹក ដែលធ្វើឲ្យនាងរងការរិះគន់ជាច្រើនថ្ងៃក្រោយមក។ នៅយប់ទទួលរង្វាន់ នៅពេលដែលគេដឹងថា Liu Yifei មិនបានបង្ហាញខ្លួន ទស្សនិកជនជាច្រើនបានវាយតម្លៃ នាងថាជាមនុស្សក្រអឺតក្រទម ឆ្មើងឆ្មៃ និងមិនមានចិត្តទូលាយចំពោះក្រុមការងារឬក៏មិត្តរួមអាជីព។ មនុស្សជាច្រើនគិតថាការចាញ់អ្នកចាស់ដែលមានទេពកោសល្យដូចជា Song Jia មិនមែនជារឿងគួរឲ្យខ្មាស់អៀនទេ Liu Yifei អាចអបអរសាទរអ្នកចាស់របស់នាង ហើយបន្តព្យាយាមផលិតខ្សែភាពយន្តល្អៗបន្ថែមទៀត។ ប៉ុន្តែនាងមិនព្រមទះដៃសាទរឡើយ។

ទន្ទឹមនឹងនេះដែរ នៅពេលដែលឈ្មោះ Song Jia ត្រូវបានប្រកាស តារាសម្តែងដែលត្រូវបានតែងតាំងផ្សេងទៀតដូចជា Yan Ni, Ma Yili និង Yang Zi សុទ្ធតែសប្បាយចិត្តសម្រាប់តារារួមជំនាន់ដូចគ្នា ។ រូបភាពផ្ទុយគ្នានេះ ធ្វើឲ្យ Liu Yifei កាន់តែអាម៉ាស់ថែមទៀត។

ទស្សនិកជនជាច្រើនមានអារម្មណ៍ខកចិត្តចំពោះអាកប្បកិរិយារបស់ Liu Yifei ។ គេ​គិត​ថា​រូប​ភាព​ស្រស់​ស្អាត សុភាព និង​មិន​ខ្វល់​របស់​តារា​ស្រី​រូប​នេះ​ ត្រូវ​បាន​គេ​សាង​ឡើង​ទាំង​អស់។ ធម្មជាតិរបស់នាងគឺតែងតែក្រអឺតក្រទមជាងអ្នកដទៃ ដូច្នេះនាងមិនសប្បាយចិត្តទេនៅពេលដែលនាងឃើញអ្នកដទៃប្រសើរជាងនាងទេ។

កាលពីថ្ងៃទី 29 ខែមិថុនា មនុស្សម្នាក់ដែលជាប្រធានគណៈកម្មការរៀបចំកម្មវិធី Magnolia Awards បានធ្វើការបញ្ចេញមតិដូចខាងក្រោមនេះសំដៅទៅលើ Liu Yifei ថា “មានតែការគោរពច្បាប់ទេ ទើបអ្នកនឹងទទួលបានការគោរពពីមិត្តរួមការងារ។ ការជួបជុំនៅកំពូល និងទទួលបានជោគជ័យជាមួយគ្នាគឺមានតម្លៃព្រោះវាត្រូវបានចំណាយដោយការប្រឹងប្រែង ប្រឹងប្រែង ញើស និងទឹកភ្នែក”។

ក្រោយមកអ្នកគាំទ្ររបស់ Liu Yifei បានរិះគន់ពានរង្វាន់នេះថាបានបោកបញ្ឆោតនាង ថែមទាំងទាមទារឱ្យបោះឆ្នោតជាសាធារណៈទៀតផង។ ការ​ដែល Liu Yifei និង​អ្នក​គាំទ្រ​មិន​ពេញ​ចិត្ត​នឹង​ពាន Magnolia Award ទទួល​បាន​ការ​ចំអក។ ជាមួយគ្នានេះដែរ អ្នកគាំទ្ររបស់តារាស្រីចិន មានការព្រួយបារម្ភថា ឧបទ្ទវហេតុនេះនឹងប៉ះពាល់ដល់ការតែងតាំងនាពេលអនាគតរបស់ Liu Yifei ថែមទៀតផង។

យោងតាម ​​QQ នៅក្នុងពានរង្វាន់ទូរទស្សន៍ធំៗចំនួនបីគឺ Feitian, Golden eagle និង Shanghai Television Festival មានតែ Shanghai Television Festival  ប៉ុណ្ណោះដែលមិនគិតពីសញ្ជាតិ ដោយសារ Liu Yifei មានឱកាសត្រូវបានតែងតាំង។ ដោយមានសញ្ជាតិអាមេរិក តារាស្រីរូបនេះប្រាកដជាមិនជាប់ឈ្មោះក្នុងកម្មវិធីពានរង្វាន់ ពីរខាងលើនោះឡើយ។ ដូច្នេះហើយ បន្ទាប់ពី Liu Yifei បានបង្ហាញការប្រឆាំងយ៉ាងមុតមាំរបស់នាងចំពោះលទ្ធផលនៃ Magnolia 2025 ឱកាសរបស់នាងក្នុងការទទួលបានរង្វាន់ធំកាន់តែទាបជាងមុនដែរ៕

អត្ថបទ៖ សាង ស្រីល័ក្ខ

ចុចអាន៖ក្រោយរងការរិះគន់ អ្នកដឹកនាំរឿង «Squid Game» ប្រាប់មូលហេតុនាំឲ្យតួស្លាប់ទាំងអស់

The post មិនទទួលបានពាន Liu Yifei ស្រាប់តែចេញចរិតក្រអឺតក្រទមភ្លាម appeared first on Kampuchea Thmey Daily.

តារាល្បីទាំងពីរ​ដួង​នេះ បាន​ចូលរួម​​​​​​ក្នុង​ព្រឹត្តិការណ៍​តាំងពិពណ៌គ្រឿងអលង្ការ «Polychroma» លំដាប់ខ្ពស់​​មួយ​ ដែលបានប្រព្រឹត្តទៅនៅទីក្រុង Sicily ប្រទេសអ៊ីតាលី ដោយប្រមូលផ្តុំតារាល្បីៗ​ជាច្រើនមកពីជុំវិញពិភពលោក។ ក្នុងនោះ តារាសម្តែង​ចិន អ្នកនាង Liu Yifei បានទាក់ទាញការចាប់អារម្មណ៍ នៅពេលដែលរូប​នាងបង្ហាញខ្លួនជា​ទូតសុឆន្ទៈ​ឲ្យម៉ាកពិភពលោកមួយនេះ។

តួឯកស្រីក្នុងរឿង «Mulan» បានបង្ហាញខ្លួនដ៏លេចធ្លោក្នុងការរចនាម៉ូដពីម៉ាកសំលៀកបំពាក់ Haute Couture ដ៏ប្រណីត ដោយអ្នករចនា Elie Saab ។ តារា​ចិន​រូប​នេះ​បានស្លៀករ៉ូប​តឹង​វែង​រិបរាងឲ្យ​កាន់តែស្រឡូន​ស្អាតថែម​១កម្រិត​ទៀត​ និង​ស្រោប​ដោយ​ត្បូង​ភ្លឺ​ចែងចាំង ជាមួយ​នឹង​ឈុត​គ្រឿង​អលង្ការ​រួម​ទាំង​ខ្សែ​ក និង​ចិញ្ចៀន​ពីយីហោ Bulgari ទាំងអស់។

មិនតែប៉ុណ្ណោះ Liu Yifei នៅលេងម៉ូដ​សក់​ចង​ឡើងទៅលើ និង​ការ​តុប​តែង​ខ្លួនបែបចាសទុំ ​ជួយ​រក្សា​រូបរាង​កុំ​ឲ្យ​រញ៉េរញ៉ៃ ដែលនោះបានបង្ហាញ​ពី​ទម្រង់​មុខ​ដ៏​ស្រទន់​នៃ​សម្រស់​កើត​ឆ្នាំ ១៩៨៧។ ក្នុង​វ័យ ៣៨ ឆ្នាំ តារា​ស្រី​រូប​នេះ​ ត្រូវ​បាន​គេ​និយាយ​ថា ​នៅ​តែ​រក្សា​ភាព​ក្មេង​ជាង​វ័យ ប្រណី​ត និង​គួរ​ឲ្យ​ទាក់​ទាញ បើធៀបនឹងតារាស្រីរួមជំនាន់ផ្សេងៗទៀត។

​មិន​​ឲ្យ​អន់​ជាង​តារាងចិន ​តារាថៃ​វ័យក្មេងនិង​កំពុង​​ល្បី​​ នាង​​ Lisa វិញ ក៏ទាក់ទាញការចាប់អារម្មណ៍​មិនធម្មតា​​ដែរ ជាមួយនឹងសម្លៀកបំពាក់ដ៏អស្ចារ្យនៅពេលចូលរួមក្នុងព្រឹត្តិការណ៍នេះ។

សមាជិកក្មេងជាងគេរបស់ BLACKPINK បានក្លាយជាចំណាប់អារម្មណ៍ជាមួយនឹងសម្លៀកបំពាក់ដ៏ប្រណីត និងភាពស្រស់ស្អាតរបស់នាង ដែលត្រូវបានគេនិយាយថា ម្ចាស់បទ «Money» មើលទៅដូចព្រះនាង Disney ។ តារាចម្រៀង​ជនជាតិថៃរូបនេះ បាន​ជ្រើសរើស​ម៉ូដ​អាវ​ក្រៅ​ពណ៌​លឿង/ស ពីអ្នករចនា Krikor Jabotian អមដោយខ្សែ​ក​ថ្ម​ដ៏​ភ្លឺ​ចែងចាំង​ដែរ។

យ៉ាងណាមិញ ទាំង Liu Yifei និង Lisa សុទ្ធតែជាតារាពិភពលោកល្បីៗ ដោយត្រូវតម្រូវអង្គុយនៅជួរមុខនៃកម្មវិធីជាមួយនាយកប្រតិបត្តិ លោក Bulgari JC Babin និងភរិយារបស់គាត់។ អ្វីដែលកាន់តែពិសេស ពាក្យគន្លឹះសំខាន់ៗនៃឈ្មោះរបស់តារាទាំងពីរដួង នៅក្នុងព្រឹត្តិការណ៍របស់ Bulgari បច្ចុប្បន្នកំពុង​​ស្ថិតក្នុងការ​ស្វែងរក (search) យ៉ាងក្តៅគគុកនៅក្នុងប្រទេស​ចិន ដែលទាក់ទាញអ្នកទស្សនាយ៉ាងភ្លូកទឹកភ្លូកដី៕

អត្ថបទ៖ សាង ស្រីល័ក្ខ

ចុចអាន៖ឃើញ G-Dragon ស្លៀករញ៉េរញ៉ៃ ពាក់់គ្រឿងអលង្ការស្អេកស្កះ ១តួខ្លួន បើគិតជាលុយចូលខ្ទង់លានដុល្លារ

The post តារាចិន​ Liu Yifei និងថៃ​ Lisa ប្រជែងសម្រស់គ្នា ក្នុងព្រឹត្តិការណ៍​​គ្រឿងអលង្ការ​ពិភពលោក​​ និង​បណ្តាញសង្គម​ appeared first on Kampuchea Thmey Daily.

ចាប់តាំងពីពាក់កណ្តាលខែមេសាមក វីដេអូឃ្លីប​ដែលថតដោយនិស្សិតនៅសកលវិទ្យាល័យ Huainan Normal ក្នុងទីក្រុង Huainan ភាគខាងកើត ខេត្ត Anhui របស់គ្រូបង្រៀនស្រីម្នាក់ឈ្មោះ Yuan Mengmeng ត្រូវបានផ្សព្វ​ផ្សាយ​តាមអ៊ីនធឺណិតយ៉ាងភ្លូកទឹកភ្លូកដី។

តាមរយៈវីដេអូ​មួយដែលមានអ្នកចូលទស្សនាដល់ទៅ៧លានដង នៅ​លើ​​​ថ្នាល​បច្ចេកវិទ្យា​ (Platform) តែ​មួយ​ បានបង្ហាញឲ្យឃើញអំពីសកម្មភាពរបស់អ្នកគ្រូស្រីស្អាតកំពុង​បង្រៀនកូនសិស្សរបស់នាង ​នូវ​មុខវិជ្ជាតក្កវិជ្ជាយ៉ាងម៉ត់ចត់បំផុត។ ប៉ុន្តែអ្វីដែលធ្វើឲ្យអ្នកទស្សនាជាច្រើនចាប់ភ្លឹក​នាពេល​នោះ គឺសម្រស់ដ៏ស្រស់សោភារបស់អ្នកគ្រូ​ទៅវិញទេ ដែលស្រដៀងទៅនឹងតារាល្បីរបស់ចិន គឺ នាង​​ Liu Yifei។

មិនត្រឹមតែប៉ុណ្ណឹងទេ សូម្បីតែកូនសិស្ស​ក្នុង​ថ្នាក់​របស់អ្នកគ្រូ Yuan Mengmeng ក៏បានពណ៌នាអំពីសម្រស់អ្នក​គ្រូ​របស់​ពួកគេ​ថា បើមិនប្រាប់ឲ្យដឹងទេ ពួកគេអាចនឹងគិតថាអ្នកគ្រូជាប់សាច់ឈាមជាមួយតារាសម្ដែង Liu Yifei ជាក់ជាមិនខានឡើយ។

ដោយសារតែអ្នកគ្រូជនជាតិចិនរូបនេះ មាន​កម្ពស់ខ្ពស់ និង​រាង​ស្តើង​ខ្ពស់​ ហើយ​មាន​ស្បែក​សរលោង​​។ ដូច្នេះហើយ ទើបសិស្ស​របស់​នាង​បាន​និយាយដូចៗគ្នា​ថា មុខមាត់​របស់អ្នកគ្រូ Yuan គឺ​ដូច​ជា Liu Yifei ឯ​ច្រមុះ​ក៏​មាន​រាង​មូលដូចគ្នា​ដែរ។

ដោយឡែក នៅលើគេហទំព័រប្រព័ន្ធផ្សព្វផ្សាយសង្គមចិន សូម្បីតែកូនសិស្សដែលបានរៀនជាមួយអ្នកគ្រូក៏ចូលទៅបញ្ចេញមតិលើកសរសើរអំពីសម្រស់ថា មានមុខមាត់ដូចតារាល្បីបេះដាក់។ អ្នកផ្សេងទៀតក៏ចូលរួមយោបល់ស្របគ្នាដែរថា ពួកគេចាប់អារម្មណ៍នឹងមុខវិជ្ជាតក្កវិជ្ជា ដោយសារការបង្រៀនរបស់អ្នកគ្រូ ព្រមទាំងសម្រស់ដ៏លេចធ្លោរបស់គាត់ផងដែរ៕

អត្ថបទ៖ សាង ស្រីល័ក្ខ

ចុចអាន៖តារាចិន​ល្បី​​អាក្រក់​​ខាង​រំលោភច្រើន​ករណី​ លោក Kris Wu ប្រឈមនឹងរឿងក្ដីក្ដាំ​​បន្ថែម​ទៀត​

The post ​អ្នក​គ្រូបង្រៀនចិនម្នាក់ ក្លាយជាបុគ្គលល្បីមិនដឹងខ្លួន ព្រោះ​មុខមាត់​ស្រដៀង​​ Liu Yifei ពេក​ appeared first on Kampuchea Thmey Daily.

បន្ទាប់ពីអាជីព​សំដែង​របស់​​នាង​​កាន់តែ​ជោគជ័យជាបន្តបន្ទាប់​នោះ​ មាន​ជាអាថ៌ ការ​សម្តែង​​ក្នុង​ខ្សែភាពយន្ត​រឿង​ល្បីៗ ដូច​ជា​Meet Yourself, A Dream of Splendor ហិង The Tale of Rose ជាដើម តារាចិនវ័យ៣៧ឆ្នាំ គ្រោងនឹងវិលត្រលប់មកសម្ដែងភាពយន្តវិញ ជាមួយនឹងរឿងភាគប្រវត្តិសាស្ត្រថ្មីមួយផ្សេងទៀត។

តួឯកប្រុសកំពុងត្រូវគេពិចារណារវាង Zhang Ruoyun និង Zhu Yilong ដែលធ្វើឲ្យគម្រោងនេះកាន់តែមាន​ភាព​ទាក់​ទាញ​ថែម​​ទៀត​​។ ​​ខណៈពេលដែលគម្រោង​ភាព​យន្តថ្មី​មិនទាន់ត្រូវបានប្រកាសជាផ្លូវការ​ផង​​នោះ សញ្ជាតិអាមេរិករបស់តារាសម្ដែងរូបស្រស់​នេះ​ ស្រាប់តែក្លាយជាចំណុចសំខាន់នៃការរិះគន់ នៅក្នុងបរិបទនៃសង្គ្រាមពាណិជ្ជកម្មរវាងសហរដ្ឋ​អាមេរិក និងចិនដែលកំពុងកើនឡើងយ៉ាងក្ដៅគគុក។

យោងតាមសារព័ត៌មាន Sinchew បន្ទាប់ពីប្រធានាធិបតីអាមេរិកលោក ដូណាល់ ត្រាំ បានប្រកាសយកពន្ធរហូតដល់ ១៤៥% លើទំនិញនាំចូលពីប្រទេសចិន ភ្លាមៗចិនបានឆ្លើយតបជាមួយនឹងពន្ធចំនួន​១២៥%។ ប៉ុន្តែ ​រដ្ឋបាល​របស់​ប្រធានាធិបតី​ ដូណាល់ ត្រាំ នៅតែបន្តគំរាមដាក់ពន្ធរហូតដល់​២៤៥% លើទំនិញចិន​ដែលនាំចូល​ទៅ​អាមេរិក ដោយសារ​សកម្មភាពសងសឹករបស់ចិន។

ទោះបីជាបញ្ហាសេដ្ឋកិច្ច​​​នាំ​ទៅដល់​​ផលប៉ះពាល់នៃសង្រ្គាមពន្ធ បានរីករាលដាលដល់ឧស្សាហកម្មកម្សាន្ត ធ្វើតារាឆ្នើម​ស្រី​ដ៏ស្រស់​ប្រិមប្រិយ​​ ក្លាយជាប្រធានបទនៃការរិះគន់ ចំពោះការមានសញ្ជាតិអាមេរិក។

នៅលើបណ្តាញសង្គមចិន អ្នកលេងអ៊ីនធឺណិតជាច្រើនបានចំអកឲ្យ​​តារា​រូប​នេះ​​យ៉ាងចាស់ដៃថា ជនជាតិអាមេរិកត្រូវបង់ពន្ធ១២៥% លើប្រាក់ខែរបស់ពួកគេ ប្រសិនបើអាមេរិកមិនអនុញ្ញាតឲ្យពួកគេសម្តែងក្នុងខ្សែភាពយន្ត នោះម្នាក់ៗនឹងត្រឡប់ទៅផ្ទះដើម្បីរកលុយវិញ តួយ៉ាងតារាស្រី Liu Yifei កាន់សញ្ជាតិអាមេរិក តើនាងមិនត្រូវបង់ពន្ធនៅប្រទេសចិនទេ?

ទន្ទឹម​នឹង​រលក​នៃ​ការ​រិះគន់ ក៏​មាន​​មនុស្ស​ជា​ច្រើន​បាន​និយាយ​ការពារតារាសម្ដែងស្រីនិយមក្បាច់គុនយ៉ាងមាំទាំ​នេះ​ដែរ​ថា អ្នកខ្លះរិះគន់នាងដោយសារតែ​ការ​កាន់​សញ្ជាតិ​​របស់នាងមានភាពលម្អៀង និងអយុត្តិធម៌ពេក។ តើអ្នកយល់ទេថា ពន្ធដារ មានន័យយ៉ាងម៉េច? មិនមែនថាឲ្យតែមនុស្សគ្រប់គ្នាស្អប់ជនបរទេសទេ គឺអ្នកស្អប់ស្ត្រីជោគជ័យដូចជា Liu Yifei ទេ។ គ្រប់គ្នាសម្រុកចំអកឡកឡឺយ បញ្ឈឺ​ចិត្ត​ ហើយជេរនាងខ្លាំងៗថា នាងមិនមែនជនជាតិចិន​ទេ​ តើនេះមិនហៅថា លំអៀងភេទសម្រាប់មនុស្សស្រីម្នាក់ដែលរស់នៅបរទេសតែម្នាក់ឯងមែនទេ?

ទោះបីជាបែបនេះក្ដី ដូចដែលទស្សនិកជននិងអ្នកគាំទ្រសុទ្ធតែដឹងហើយថា តារាស្រីរូបនេះកើតនៅឆ្នាំ ១៩៨៧ នៅទីក្រុង Wuhan ខេត្ត Hubei ។ ក្រោយមក នៅឆ្នាំ១៩៩៧ នាងបាន​ទៅ​តាមម្តាយទៅ​ទីក្រុង​ញូវយ៉ក បន្ទាប់ពីម្តាយលែងលះ និង​រៀបការជាមួយមេធាវីជនជាតិចិននៅអាមេរិក ដែលនោះបានធ្វើឲ្យ Liu Yifei ក្លាយជាពលរដ្ឋអាមេរិកស្របច្បាប់។ ក្នុងឆ្នាំ២០០២ តួសម្តែង​​ស្រី​រូប​នេះ​ បាន​វិលត្រលប់មកកាន់ទឹកដីកំណើតវិញ ដើម្បីសិក្សានៅសាលា Beijing Film Academy រួចចូលប្រឡូកក្នុងវិស័យកម្សាន្ត រហូតទទួលបានល្បីល្បាញយ៉ាងឆាប់រហ័ស ដោយត្រូវគេដាក់ឈ្មោះថា «តារាស្រីនៃទេពអប្សរ» ។

រហូត​មក​ដល់​ពេល​នេះ សញ្ជាតិ​អាមេរិក​​​​តែងតែ​ក្លាយ​ជា​ប្រធាន​បទ​ចម្រូងចម្រាស​គ្រប់​ពេល​ដែល​ឈ្មោះ Liu Yifei ត្រូវ​បាន​គេ​លើក​ឡើង។ ទោះបីជានាងមិនដែលបានធ្វើសេចក្តីថ្លែងការណ៍នយោបាយណាមួយ និងបានរស់នៅ និងធ្វើការនៅក្នុងប្រទេសចិនអស់រយៈពេលជាង ២០ឆ្នាំក៏ដោយ ប៉ុន្តែតារាស្រីមុខស្រទន់មាន​មន្តស្នេហ៍​រូប​នេះ​នៅតែត្រូវគេត្រួតពិនិត្យជានិច្ចរាល់ពេលដែលនាងធ្វើការផ្លាស់ប្តូរថ្មីៗនៅក្នុងវិស័យភាពយន្ត។

យាងណាមិញ មកដល់​បច្ចុប្បន្ននេះ ភាគីរបស់​អ្នកស្រី​ Liu Yifei នៅតែរក្សាររក្សាភាពស្ងៀមស្ងាត់ចំពោះការវាយប្រហារ និងពាក្យចចាមអារ៉ាមទាក់ទងនឹងគោលនយោបាយពន្ធ។ អ្នកគាំទ្រនៅតែរង់ចាំយ៉ាងអន្ទះសារសម្រាប់ការបញ្ជាក់​ពីការចូលរួមរបស់នាងនៅក្នុងរឿងភាគប្រវត្តិសាស្រ្ត ដែលជាគម្រោងមួយដែលរំពឹងថា នឹងបន្តភាពជោគជ័យ​កាន់​តែ​ខ្លាំងក្លា ប្រសិនបើមានវត្តមានតារាស្រី​ឆ្នើម​​​រូប​នេះ​​ចូលរួម៕

អត្ថបទ៖ សាង ស្រីល័ក្ខ

ចុចអាន៖តារាថៃ Tono ​ដែល​ប្រឈម​រឿងអាស្រូវស្នេហា​ដ៏ក្តៅ​គគុក​ មានតម្លៃខ្លួន​មិនធម្មតា​​

The post ​សញ្ជាតិអាមេរិក​របស់​តារា​​ស្រីចិន​ដ៏​ឆ្នើម​ Liu Yifei ក្លា​យ​ជាផ្ទាំង​ស៊ីប ​ក្នុង​ជម្លោះ​​ពន្ធ​អាមេរិកនិងចិន ​ appeared first on Kampuchea Thmey Daily.

យ៉ាងណា ពាក្យចចាមអារ៉ាមនេះមានប្រភពមកពីការពិតដែលថាកាលពីថ្ងៃទី ០៨ ខែមីនា Yu Chengdong បានបង្ហោះឡានមួយនិងផ្កាកុលាបពណ៌លឿងជាច្រើននៅលើទំព័រផ្ទាល់ខ្លួនរបស់គាត់។ គាត់បានសរសេរថា «ផ្កាកុលាបពណ៌លឿងតំណាងឲ្យសេរីភាព និងភាពក្លាហាន។ រីករាយទិវាសិទ្ធនារី!»

ភ្លាមៗនោះ Liu Yifei ស្រាប់តែចូឡទៅចុចឡាចបង្ហាញការចូលចិត្តនៅការបង្ហោះនេះ។ អ្នក​ទាំង​ពីរ​ក៏​បាន​តាម​គ្នា​តាម​បណ្ដាញ​សង្គម Weibo ថែមទៀតផង។

ផ្កាកុលាបពណ៌លឿងគឺជានិមិត្តសញ្ញានៅពេលសំដៅទៅលើ Liu Yifei ។ នៅក្នុងរឿង Rose Storyដែលនាងសម្ដែងជាតួឯកស្រី។ ជារឿយៗត្រូវបានគេចាត់ទុកថាជាផ្កាកុលាបពណ៌លឿងដែលមានមោទនភាព និងរឹងមាំ។ តារា​ស្រី​រូប​នេះ​ក៏​តែង​បង្ហោះ​រូប​ជាមួយ​ផ្កា​កុលាប​ពណ៌​លឿង​លើ​បណ្ដាញ​សង្គម​ជា​ប្រចាំ។ ដូច្នេះហើយ​ទើប​មាន​ពាក្យចចាមអារ៉ាម​ជាច្រើន​និយាយថា នាង​កំពុង​មាន​ស្នេហា​ជាមួយ​អ្នកជំនួញ​ម្នាក់​ក្នុង​វ័យ​៦០​ឆ្នាំ​។

មិនតែប៉ុណ្ណោះ នៅ​រសៀល​ថ្ងៃ​ទី១២ខែ​មីនា អ្នកជំនួញដដែលបាន​បដិសេធ​ថា​មាន​ស្នេហា​ជាមួយ Liu Yifei។ លោក​ថា​លោក​មិន​ដែល​បាន​ជួប​តារា​ស្រី​រូប​នេះ​ទេ ដូច្នេះ​មិន​មាន​រឿង​ណាត់​ជួប​គ្នា​នោះ​ទេ។ ការបង្ហោះរថយន្ត និងផ្កាកុលាបពណ៌លឿង ត្រូវបានគេនិយាយថា ជាការបង្ហាញអំពីកិច្ចសហប្រតិបត្តិការនាពេលខាងមុខ រវាងមនុស្សស្រីម្នាក់ទៀតនៅក្នុងក្រុមហ៊ុន Huawei Group ទេ។

Liu Yifei កើតនៅឆ្នាំ ១៩៨៧ និងជាតារាស្រីដ៏ល្បីបំផុតម្នាក់នៅក្នុងកម្មវិធីកម្សាន្តរបស់ចិន។ នាងបានចូលរួមក្នុងការងារដ៏ពេញនិយមជាច្រើនរហូតទទួលបានភាពល្បីល្បាញជាសកល។ ក្នុង​រយៈពេល​ជាច្រើន​ឆ្នាំ​នៃ​ការងារ​សិល្បៈ បាន​ណាត់​ជួប​ជា​សាធារណៈ​តែ​ម្នាក់​គត់​គឺ​តារា​សម្ដែង​កូរ៉េ Song Seung-Heon។

ក្នុងឆ្នាំ ២០១៥ គូស្នេហ៍មួយគូនេះ បានស្រលាញ់គ្នា បន្ទាប់ពីបានរួមសម្តែងក្នុងរឿង Third Love ។ នៅឆ្នាំ ២០១៨ ភាគីទាំងពីរបានបញ្ជាក់ពីការបែកបាក់របស់ពួកគេដោយសារតែការងាររវល់។ យ៉ាងណាកាលពីពេលថ្មីៗនេះ តារាចិនស្រាប់តែមាន​ពាក្យ​ចចាមអារ៉ាម​ថា​កំពុង​ទាក់ទង​ជាមួយ Li Xian ប៉ុន្តែ​អ្នកសិល្បៈ​ទាំងពីរ​នៅ​ស្ងៀម​មិន​ឆ្លើយតប​៕

អត្ថបទ៖ សាង ស្រីល័ក្ខ

ចុចអាន៖ធ្លាយពាក្យចចាមអារ៉ាមថា Zheng Shuang សម្រាលកូនខែក្រោយ រស់នៅអាមេរិកដូចទាសក

The post ធ្លាយពាក្យចចាមអារ៉ាមថា Liu Yifei លួចទាក់ទងជាមួយអ្នកជំនួញចាស់ជាងនាង១៨ឆ្នាំ appeared first on Kampuchea Thmey Daily.

ទោះជាយ៉ាងណាក៏ដោយ ដើម្បីចៀសវាងការចាប់អារម្មណ៍ពីកាសែត paparazzi និងបញ្ឆេះពាក្យចចាមអារ៉ាមកាន់តែរន្ទឺទ្វេរដង អ្នកទាំងពីរបានចៀសវាងការបង្ហាញកាយវិការស្និទ្ធស្នាលណាមួយជាសាធារណៈ។ ជំនួយការផ្ទាល់ខ្លួនរបស់ តារាស្រី ក៏បានអមដំណើរជាមួយពួកគេក្នុងអំឡុងពេលចេញទៅក្រៅ ដើម្បីរក្សារឿងមិនល្អនេះកើតឡើង។

ទោះបីជាមានការជជែកគ្នាតាមអនឡាញក៏ដោយ Sohu បានច្រានចោលការអះអាងនេះថាគ្មានមូលដ្ឋាន និងមិនមានការបញ្ជាក់។ ស្របពេលដែល ប្រព័ន្ធផ្សព្វផ្សាយចិន 163 ក៏បានច្រានចោលនូវលទ្ធភាពដែល Chen Jinfei រៀបការជាមួយកូនចិញ្ចឹមឬមិត្តស្រីរបស់គាត់ផងដែរ។

លោក Chen Jinfei មានកូនប្រុសម្នាក់រស់នៅក្នុងជីវិតឯកជននៅសហរដ្ឋអាមេរិក តាមសេចក្តីរាយការណ៍ គាត់បានផ្តល់អាទិភាពដល់ការអភិវឌ្ឍន៍របស់កូនប្រុស ហើយគ្រោងទុកទ្រព្យសម្បត្តិទាំងស្រុងទៅកូណ។ វាមិនទំនងដែលរូបលោក នឹងចាត់វិធានការណាមួយដែលអាចប៉ះពាល់ដល់សិទ្ធិមរតករបស់កូនប្រុសនោះទេ។

ដ្បិតតែ នាពេលកន្លងមក Chen Jinfei ធ្លាប់ស្រលាញ់គ្នាជាសាធារណៈចំពោះតារាសម្តែង Yang Tai Yu មែនពិត ប៉ុន្តែគាត់បានជ្រើសរើសមិនចុះសំបុត្រអាពាហ៍ពិពាហ៍ណាមួយឡើយ ដោយសង្កត់ធ្ងន់លើការប្តេជ្ញាចិត្តផ្ទាល់ខ្លួន ក្នុងការការពារកេរ្តិ៍ដំណែលគ្រួសារ។

ដោយឡែក​ សម្រាប់ Liu Yifei ប្រព័ន្ធផ្សព្វផ្សាយចិននៅតែបន្តអះអាងថា ទំនាក់ទំនងរបស់នាងជាមួយសេដ្ធីរូបនេះគឺពាក់ព័ន្ធអាជីព និងគ្រួសារតែប៉ុណ្ណោះ។ Chen Jinfei បាននិយាយជាសាធារណៈថា គាត់គឺជាមិត្តជិតស្និទ្ធនឹងម្តាយរបស់តារាស្រី ហើយយកនាងមកចិញ្ចឹមនៅពេលនាងមានអាយុត្រឹមតែ៥ ឆ្នាំប៉ុណ្ណោះ។

Chen Jinfei គឺជាអ្នកជំនួញដ៏ឆ្លាតម្នាក់ ដែលបម្រើការជាអគ្គនាយកនៃក្រុមហ៊ុន Beijing Tong San Investment Group និងមានទ្រព្យសម្បត្តិក្នុងបញ្ជី Forbes ចំនួន ៨.៤ ពាន់លានដុល្លារ។ នៅពេលមួយ គាត់បានជាប់ចំណាត់ថ្នាក់ទី២៣ ក្នុងចំណោមបុគ្គលដែលមានបំផុតរបស់ប្រទេសចិន។ ទំនាក់ទំនងដ៏ជ្រាលជ្រៅរបស់គាត់ចំពោះឧស្សាហកម្មកម្សាន្ត រួមមានការទិញក្រុមហ៊ុនកម្សាន្តដ៏លេចធ្លោ ដែលធ្វើឲ្យគាត់ក្លាយជាបុគ្គលដ៏មានឥទ្ធិពលនៅក្នុងវិស័យនេះ។ ចំណែកតារាស្រី បានទទួលផលប្រយោជន៍យ៉ាងច្រើនពីឥទ្ធិពលរបស់លោក ក្នុងពេលដែលនាងចូល​ប្រឡូក​ក្នុង​ផលិតកម្ម​ធំៗ​នៅ​អាយុ ១៥ ឬ១៦ ឆ្នាំ មុន​នឹង​បង្កើត​កេរ្តិ៍ឈ្មោះផ្ទាល់ខ្លួន។

មិនតែប៉ុណ្ណោះ Chen Jinfei ក៏ត្រូវគេរាយការណ៍បន្ថែមទៀតថា បានបង្កើតក្រុមហ៊ុនកម្សាន្តឯកជនមួយផ្តាច់មុខសម្រាប់ Liu Yifei ដោយជួយសម្រួលដល់ការឈានទៅរកហូលីវូដ។ ការគាំទ្រនេះបានអនុញ្ញាតឲ្យនាងសហការជាមួយតារាដូចជា Jackie Chan, Jet Li, Chow Yun Fat, Leon Lai និង Louis Koo ៕

អត្ថបទ៖ សាង ស្រីល័ក្ខ

ចុចអាន៖Zhao Lusi បដិសេធ​រឿងបាក់ទឹកចិត្ត​ថា ជាការសម្ដែងក្នុងនាមជនរងគ្រោះ

The post ​ធ្លាយពាក្យ​ចចាមអារ៉ាម​ថា Liu Yifei រៀបការជាមួយឪពុកចិញ្ចឹមស្ងាត់ៗ appeared first on Kampuchea Thmey Daily.

ឧប្បត្តិហេតុនេះបានចាប់ផ្តើមនៅពេលដែល Liu Yifei ត្រូវបានថតដោយសម្ងាត់ដើរជុំវិញផ្សារទំនើបមួយក្នុងទីក្រុងប៉េកាំង ។ នៅពេលដែលរូបភាពនេះបានរីករាលដាលនៅលើអ៊ីនធឺណិត ខោដែលនាងពាក់ដែលមានតម្លៃ ១,៥៩៥ យន់ (២២០) ត្រូវបានអ្នកគាំទ្រស្វែងរកដោយធ្វើឲ្យផលិតផលនេះជាប់ក្នុងបញ្ជីស្វែងរករបស់ Taobao ។

ក្រោយមក ម៉ាកយីហោម៉ូដសម្លៀកបំពាក់របស់ចិន Le Fame បានឆ្លៀតយកឱកាសនេះភ្លាមៗ ដោយប្រើរូបថតច្បាស់លាស់ដើម្បីផ្សព្វផ្សាយ ដោយដាក់ស្លាកថា ប្រភេទដូចគ្នាទៅនឹង Liu Yifei និងលក់ផលិតផលចំនួន ៣ពាន់ម៉ូដ ។ បន្ទាប់មក ពួកគេបានបន្តដាក់ស្លាកផលិតផលផ្សេងទៀតដែលតារាសម្ដែងស្រីបានប្រើស្រដៀងគ្នា ដោយទទួលបានការលក់ខ្ពស់បំផុត។

យ៉ាងណា កាលពីថ្ងៃទី ២៦ ខែមករា ប្រធានបទមួយក៏បានផ្សាយដែរថា នារីម្នាក់ត្រូវបានបណ្តេញចេញដោយសារការអត្ថាធិប្បាយថា Liu Yifei រាងធាត់បន្តិច ដូច្នេះអ្នកស្លៀកវាស្អាតជាងនាងទៀត។ បានឡើងយ៉ាងលឿនទៅកាន់ទីតាំងស្វែងរកកំពូលនៅលើ Weibo ដោយទាក់ទាញការចាប់អារម្មណ៍ និងការជជែកដេញដោលពីសហគមន៍អនឡាញ។

ក្រោយមក យីហោបានឆ្លើយតបទៅនឹងការអត្ថាធិប្បាយរបស់បុគ្គលិកថា Liu Yifei រាងតូចច្រឡឹង ហើយបានប្រកាសថាបុគ្គលិកនោះត្រូវបានបណ្តេញចេញ ដោយសារតែបុគ្គលិកនៃហាង Le Fame Nanjing ប្រើប្រាស់គណនីបណ្តាញសង្គមផ្ទាល់ខ្លួន (Lefame Nanjing – Anna) ដើម្បីបង្ហោះសេចក្តីថ្លែងការណ៍មិនសមរម្យ អាកប្បកិរិយានេះបានបំពានយ៉ាងធ្ងន់ធ្ងរលើគោលការណ៍សេវាកម្ម និងបទប្បញ្ញត្តិនៅក្នុងសៀវភៅណែនាំបុគ្គលិករបស់ក្រុមហ៊ុន។

ក្រុមហ៊ុនបានសម្រេចចិត្តបញ្ចប់កិច្ចសន្យាការងារជាមួយបុគ្គលិកនេះ។ សង្ឃឹមថាបុគ្គលិកក្រុមហ៊ុនទាំងអស់នឹងយករឿងនេះធ្វើជាមេរៀន ដោយប្រកាន់ខ្ជាប់នូវគោលការណ៍សេវាកម្ម ការគោរព និងស្មោះត្រង់ ចំពោះអតិថិជនទាំងអស់ ហើយមិនធ្វើឲ្យមានការខកចិត្តចំពោះទំនុកចិត្តរបស់អតិថិជនម្នាក់ៗឡើយ។

យីហោបន្ទាប់មកបានបង្ហោះលិខិតសុំទោសនៅលើវេទិកាប្រព័ន្ធផ្សព្វផ្សាយសង្គមផ្ទាល់ខ្លួនរបស់ខ្លួន​ ចំពោះការអត្ថាធិប្បាយមិនសមរម្យ ដែលធ្វើឡើងដោយបុគ្គលិករបស់ក្រុមហ៊ុនថា តាមរយៈឧប្បត្តិហេតុនេះ យើងដឹងយ៉ាងជ្រាលជ្រៅអំពីសារៈសំខាន់នៃក្រមសីលធម៌ និងអាកប្បកិរិយារបស់បុគ្គលិក។​ ក្រុមហ៊ុនប្តេជ្ញាពង្រឹងការបណ្តុះបណ្តាល និងលើកកម្ពស់ការយល់ដឹងអំពីក្រមសីលធម៌ ជំនាញវិជ្ជាជីវៈ ក៏ដូចជាស្មារតីសេវាកម្មសម្រាប់បុគ្គលិកទាំងអស់៕

អត្ថបទ៖ សាង ស្រីល័ក្ខ

ចុចអាន៖មូលហេតុពិត Huang Xiaoming និង Angelababy លែងលះ ទោះគូស្នេហ៍មិនបានទម្លាយក្ដី

The post បុគ្គលិកស្រីម្នាក់ ត្រូវ​បណ្តេញ​ចេញ​ពីការងារ ក្រោយ​រិះគន់​ Liu Yifei ធាត់ appeared first on Kampuchea Thmey Daily.