Real Madrid បានក្លាយជាក្រុមបាល់ទាត់ដំបូងគេ បានចុះបញ្ជីទទួលបានប្រាក់ចំណូលចំនួន១ពាន់លានដុល្លារ ក្នុងរដូវកាលឆ្នាំ ២០២៣-២៤។ ក្រុមអេស្ប៉ាញមួយនេះបានឈរនៅកំពូលតារាង Deloitte Football Money League ជាក្លិបដែលរកចំណូលបានច្រើនជាងគេលើពិភពលោកជាថ្មីម្តងទៀត។ ក្លិបបានវ៉ាដាច់ក្លិប Manchester City ដើម្បីឡើងមកឈរនៅកំពូលតារាងវិញ។

ការឈ្នះពានរង្វាន់ចំនួន៣ក្នុងរដូវកាលឆ្នាំ២០២៣-២៤ រួមទាំង LaLiga និង Champions League ធ្វើឲ្យមានការកើនឡើងនៃប្រាក់ចំណូលបន្ថែម ស្របពេលការងារជួសជុលនៅកីឡដ្ឋាន Bernabeu បញ្ចប់បាន។

ក្រុមហ៊ុន Deloitte បាននិយាយថា ៖«ប្រាក់ចំណូលប្រចាំថ្ងៃរបស់ Real បានកើនឡើងទ្វេដងដល់២៥៨លានដុល្លារ ក្រោយទទួលបានការឧបត្ថម្ភនៅលើដៃអាវថ្មី និងការកើនឡើងនៃការលក់ទំនិញបានធ្វើឲ្យប្រាក់ចំណូលពាណិជ្ជកម្មមានចំនួន៥០០លានដុល្លារ ការកើនឡើង១៩ភាគរយ»។

ក្រុម Man City ស្ថិតក្នុងចំណាត់ថ្នាក់លេខ២ ក្នុង Money League ជាមួយនឹងប្រាក់ចំណូល៨៧១លានដុល្លារ។ ពូកគេក៏បានបំបែកកំណត់ត្រាប្រាក់ចំណូលផ្ទាល់ខ្លួន ជាក្លិបបាល់ទាត់រកចំណូលបានច្រើនជាងគេក្នុងក្របខ័ណ្ឌ Premier League។

ងាកមកមើលចំណូលរបស់ក្លិបធំផ្សេងៗក៏រកចំណូលបានមិនធម្មតាដែរដូចជាក្រុម Paris St Germain រកចំណូលបាន៨៣៨លានដុល្លារ, Manchester United រកបាន៨០២លានដុល្លារ, Bayern Munich រកបាន៧៩៦លានដុល្លារ ឡើងក្នុងតារាងក្រុមកំពូលទាំង៥រកចំណូលបានច្រើនបំផុត ខណៈក្រុមArsenal រកបាន៧៤៦លានដុល្លារ និងក្រុម Borussia Dortmund ៥៣៤លានដុល្លារ៕

ប្រែសម្រួល៖ ផា រតនា

The post Real Madrid ជាក្រុមដំបូង​គេ​រក​ចំណូល​បាន១ពាន់​លាន​ដុល្លារ​ក្នុង​មួយ​រដូវ​កាល appeared first on Kampuchea Thmey Daily.

ខ្សែបម្រើ Bernardo Silva បាននិយាយចំៗថា ឱកាសរបស់ពួកគេក្នុងការរក្សាតំណែងជើងឯក Premier League គឺអស់ទៅហើយ ក្រោយ Man City ធ្លាក់ទៅចំណាត់ថ្នាក់លេខ៦ មាន៣១ពិន្ទុ បន្ទាប់ពីប្រកួត១៩លើក ឈ្នះ៩ ចាញ់​៦​ និង​ស្មើ៤។

គិតតាំង​ពី​ចុង​ខែ​តុលា​មក Man City បានធ្លាក់​ទម្រង់​លេង​យ៉ាងខ្លាំង។ ពួកគេឈ្នះតែ២លើកប៉ុណ្ណោះ ក្នុងចំណោមការប្រកួត១៤ចុងក្រោយ។ កាន់តែយ៉ាប់ថែមទៀត ពួកគេកំពុងដេញតាមពីក្រោយក្រុមកំពូលតារាងហង្សក្រហម Liverpool​ ចំនួន១៤ពិន្ទុ ខណៈ​ហង្សក្រហមសល់ការប្រកួត១លើកទៀតក្នុងដៃ។

ថ្លែងទៅកាន់ Sky Sports កីឡាករ Bernardo Silva បាននិយាយថា ៖«ខ្ញុំ​អាច​និយាយ​បាន​ថា ការប្រជែង​ជើង​ឯក​ Premier League គឺវាមិនអាចទៅរួចនោះទេ ទោះបីនៅក្នុងបាល់ទាត់មិនមានអ្វីដែលមិនអាចទៅរួចក៏ដោយ ប៉ុន្តែឥឡូវនេះ Man City គឺអស់ការប្រជែងដណ្តើមពានហើយ»។

អ្វីដែលកីឡាកររូបនេះផ្ដោតសំខាន់ ធ្វើការណាប្រឹងប្រែងស្វែងរក៣ពិន្ទុពីប្រកួតនៅសល់ ដើម្បីអាចរំកិលឡើងទៅចំណាត់ល្អជាងនេះ ជាពិសេសទទួលបានកៅអីលេងក្នុងពានរង្វាន់លំដាប់កំពូលនៅទ្វីបអឺរ៉ុប។

«ឥឡូវនេះវាគឺជាពេលត្រូវការទទួលយកការពិត។ ខ្ញុំមិនសម្លឹងមើល Liverpool ទេ ព្រោះខ្ញុំកំពុងឈរនៅលេខ៦ ឬ​ទី៧ ក្នុងលីគ។ ខ្ញុំមិនអាចមើល Liverpool ឬ Arsenal ឬអ្វីនោះទេ។ ឥឡូវនេះខ្ញុំកំពុងសម្លឹងមើល ការប្រកួតបន្ទាប់ ព្យាយាម​រក​ឲ្យ​បាន​៣ពិន្ទុ ដើម្បីឈរនៅលេខ៥, លេខ៤ និងលេខ៣»។ កីឡាករ Bernardo Silva បានបន្ដែមបែបនេះ។

ប្រែសម្រួល៖ ផា រតនា

The post Bernardo Silva ថា Man City អស់ឱកាស​ប្រជែងពានលីគក្នុងរដូវកាលនេះ appeared first on Kampuchea Thmey Daily.

ខ្សែបម្រើរឆ្នើមរបស់ក្លិប Man City បានឈ្នះពានរង្វាន់កីឡាករឆ្នើមប្រចាំឆ្នាំរបស់ PFA កាលពីរដូវកាលមុន ធ្លាប់បានផ្ដល់​ឱកាស​ឲ្យពាក់លេខអាវ១០ មុនការមកដល់របស់កីឡាករ Jack Grealish ជាម្ចាស់អាវលេខ១០នាពេលបច្ចុប្បន្នក្រោយផ្លាស់មកពីក្លិប Aston Villa នៅរដូវក្តៅឆ្នាំ២០២១។
 
លេខ៤៧ជាលេខអាវដំបូងបំផុតរបស់កីឡាករ Foden ពាក់លេងនៅក្លិប Man City។ រូបគេបានពាក់​អាវ​លេខ​៤៧​លើកដំបូងការប្រកួតជាមួយក្រុម Citizens ក្នុងឆ្នាំ២០១៧។ ហេតុផលគួរឲ្យរំជួលចិត្តខ្លាំង ធ្វើឲ្យ​រូប​គេ​កាន់តែស្រឡាញ់លេខអាវ៤៧​គឺ ដោយសារជីតារបស់​ខ្លួន​ឈ្មោះ Ronnie បានទទួលមរណភាពនៅពេល​លោក​មានអាយុ៤៧ឆ្នាំ។ កីឡាករអន្តរជាតិអង់គ្លេសរូបនេះបានប្រើប្រាស់លេខអាវ​នេះ​ដើម្បី​ជា​ការគោរពចំពោះជីតារបស់​ខ្លួន។

Foden ក៏មានស្នាមសាក់លេខ៤៧ នៅខាងក្រោយត្រចៀកខាងស្តាំរបស់​ខ្លួន​​ថែម​ទៀត​ ដើម្បីបង្ហាញពីក្ដីស្រឡាញ់និងការគោរពដល់ជីតា។ លោកតា Ronnie ជាអ្នកគាំទ្រស្មោះស្មគ្រ័របស់ក្លិប Man City ហើយ​លោក​ពិតជាមានមោទនភាពយ៉ាងខ្លាំង ចំពោះស្នាដៃរបស់ចៅប្រុស​ ក្នុងវ័យអាយុត្រឹមតែ២៤ឆ្នាំទទួលបានជោគជ័យយ៉ាងខ្លាំងក្នុងអាជីពបាល់ទាត់។ កីឡាករ Foden ទទួលបានឱកាសផ្លាស់ប្តូរលេខអាវ នៅពេលខ្សែប្រយុទ្ធ Sergio Aguero បានចាកចេញពីក្លិបនៅក្នុងឆ្នាំ២០២១ ប៉ុន្តែបានសម្រេចចិត្តមិនទទួលយកលេខថ្មីទេ​​។

កីឡាករ Phil Foden បាននិយាយថា ៖«ខ្ញុំបានគិតអំពីរឿងនេះដែរ។ អាវលេខ១០គឺជាលេខដ៏ធំនៅក្នុងក្លិប ប៉ុន្តែខ្ញុំមានរឿងរ៉ាវចងចាំជាច្រើនជាមួយនឹងលេខ៤៧។ ខ្ញុំចង់បង្កើតកេរ្តិ៍ដំណែលផ្ទាល់ខ្លួនរបស់ខ្ញុំ ហើយរក្សាលេខនោះ»។ កីឡាករ​បានឆ្លើយបែបនេះនៅពេល​សួរពាក់ព័ន្ធ​នឹង​អាវលេខ១០ នៅទំនេរ ក្រោយ Aguero ចាកចេញ៕

អត្ថបទ៖ ផា រតនា

The post លេខ៤៧ពិតជាមានន័យខ្លាំងសម្រាប់កីឡាករ Foden នៅ​ក្លិប Man City appeared first on Kampuchea Thmey Daily.

ស្ទើរមិនគួរឲ្យជឿក្នុងការប្រកួតយប់មិញ ក្រុមម្ចាស់ផ្ទះ Man City បានបើកការនាំមុខមុន ១-០ នៅនាទី៣៦ ប៉ុន្តែត្រូវបានក្រុមភ្ញៀវ Man Utd វាយបកយកឈ្នះនៅចុងវគ្គទី២ ក្រោយចាយពេលត្រឹមតែ៣​នាទី​ប៉ុណ្ណោះ បន្ទាប់ពីខ្សែបម្រើ Bruno Fernandes ស៊ុតពិន័យ​១១​ម៉ែត្រ​បាន​សម្រេច​នៅ​​នាទី​៨៨ និងកីឡាករ​ Amad Diallo ស៊ុត​ចូល​នៅនាទី៩០។

ខ្សែ​បម្រើ Bernardo Silva បាននិយាយថា ៖«ថ្ងៃនេះនៅនាទីចុងក្រោយ យើងលេងដូចយុវជនអាយុក្រោម១៥ឆ្នាំ។ យើងមិនចង់ឱ្យវាកើតឡើងទេ។ វា​ជា​ការ​ខកចិត្ត​បន្តិច ពី​​ព្រោះបើ​ក្រឡេក​ទៅ​មើល​ការ​ប្រកួត​នេះ ខ្ញុំ​គិត​ថា​ មាន​ក្រុម​តែ​មួយ​គត់​ដែល​អាច​ឈ្នះ​ការ​ប្រកួត ប៉ុន្តែ​នៅ​ទី​បំផុត​យើង​ចាញ់»។

ចំពោះស្ថិតិការប្រកួត១១លើកចុងក្រោយរបស់ក្លិប Manchester City ពួកគេឈ្នះ១ ស្មើ២ ចាញ់៨លើក។ នេះជាកំណត់ត្រា​អាក្រក់បំផុតរបស់លោក Pep Guardiola ក្នុងអាជីពជាគ្រូបង្វឹក។ បច្ចុប្បន្ន Man City បានធ្លាក់មកលេខរៀងទី៥ ក្នុងតារាងពិន្ទុពានរង្វាន់ Premier League ក្រោយប្រកួត១៦លើក ឈ្នះ៨ ស្មើ៣ ចាញ់៥ មាន២៧ពិន្ទុ តាម​ពីក្រោយក្រុមកំពូលតារាង Liverpool ចំនួន៩ពិន្ទុ។

ចំណែក​នៅ​​តារាងពិន្ទុក្របខណ្ឌ UEFA Champions League ក្លិប Man City កំពុងឈរនៅលេខ២២ ក្រោយប្រកួត៦លើក ឈ្នះ២ ស្មើ២ ចាញ់២ មាន៨ពិន្ទុ នៅជិតតំបន់ត្រូវជាកាត់ចោល៕

ប្រែសម្រួល៖ ផា រតនា

The post Bernardo ថា Man City លេងដូចកូន​ក្មេងក្នុង​ប៉ុន្មាននាទីចុងក្រោយ appeared first on Kampuchea Thmey Daily.

តាំងពីដើមរដូវកាល លោក Pep Guardiola ​បានរៀបចំផែនការ សម្រាប់រដូវកាលនេះរួចរាល់ហើយ។ រដូវកាលនេះគឺពេលវេលាចុងក្រោយរបស់​លោក​នៅជាមួយក្លិប Manchester City។ នេះ​បើ​យោង​តាម​ការ​ផ្សាយ​របស់​ Mail Sport កាលពីខែឧសភា។

ក្លិប Manchester City មានការ​ព្រួយបារម្ភយ៉ាងខ្លាំង ប្រសិនបើបុរសសញ្ជាតិអេស្ប៉ាញវ័យ៥៣ឆ្នាំរូបនេះចាកចេញ។ ជាមួយគ្នានោះ ពួកគេបានខិតខំប្រឹងប្រែង ដើម្បីបញ្ចុះបញ្ចូល​លោក​ឲ្យបន្តស្នាក់នៅដើម្បីជួយក្លិប ហើយកត្ដាសំខាន់មួយទៀតគឺទំនាក់ទំនងរបស់​លោក​ជាមួយប្រធានលោក Khaldoon Al Mubarak ជាកត្តារួមចំណែកក្នុងការសម្រេចចិត្តស្នាក់នៅបន្ដ។

លោក Pep Guardiola បាននិយាយថា ៖«តាំងពីដើមរដូវកាលមក ខ្ញុំបានគិតច្រើន។ ខ្ញុំបានគិតថា រដូវកាលនេះ គួរតែ​ចុងក្រោយ។ ប៉ុន្តែ​ដោយ​មាន​​បញ្ហា​​កាល​ពី​ខែ​មុន ខ្ញុំ​មាន​អារម្មណ៍​ថា ​ពេល​នេះ​មិន​មែន​ជា​ពេល​ត្រូវ​ចាកចេញ​ទេ។ ខ្ញុំមិនអាចធ្វើឲ្យក្លិបធ្លាក់ចុះទេ។ ខ្ញុំមានអារម្មណ៍ថា ខ្ញុំមិនអាចចាកចេញឥឡូវនេះបាន​ឡើយ​។ ប្រហែល​ជា​ការ​បរាជ័យ​ទាំង​៤លើក ​ជា​មូលហេតុ​​​ធ្វើ​ឲ្យ​ខ្ញុំ​មាន​អារម្មណ៍​ថា​ខ្ញុំ​មិន​អាច​ចាកចេញ​បាន​ទេ»។

បន្ទាប់​ពី​លោក​បាន​បន្ត​កុង​ត្រា​ថ្មី ​ក្លិប Man City បាន​ចាញ់​លើក​ទី​៥​ ដែល​បាន​ក្លាយ​ជាកំណត់ត្រា​អាក្រក់​បំផុត​មិន​ធ្លាប់​មាន​ក្នុង​អាជីព​ជា​គ្រូ​បង្វឹក​របស់​លោក Pep។ ចំពោះការប្រកួតចាញ់​៥​លើក​គឺ​ចាញ់​ Tottenham Hotspur, Bournemouth និង Brighton នៅលីគ​ Premier League, ចាញ់ Sporting ៤-១ នៅ UEFA Champions League និងបានធ្លាក់ចេញពីពាន Carabao Cup ក្រោយចាញ់ Tottenham Hotspurs៕

ប្រែសម្រួល៖ ផា រតនា

The post ទើប​បន្តកុងត្រា​ថ្មី លោក Pep មាន​ស្ថិតិអាក្រក់បំផុត​៥​ប្រកួត​ចុង​ក្រោយ appeared first on Kampuchea Thmey Daily.

កីឡាករ Zinchenko ដែល​មាន​ដើម​កំណើត​នៅ​តំបន់​ Zhytomyr ជាយុវជនរបស់ក្រុម Youth Sporitve School Karpatiya ជាមួយគ្រូបង្វឹកដំបូងលោក Serhiy Boretskyi។ ក្រោយមក រូប​គេ​បានផ្លាស់ទៅក្រុម FC Monolit Illichivsk និង Shakhtar Donetsk ជាកន្លែងដែល​បានក្លាយជាប្រធានក្រុមយុវជន។ នៅថ្ងៃទី៩ ខែធ្នូ ឆ្នាំ២០១៣ រូប​គេ​បានបញ្ចូលទីបានមួយគ្រាប់ក្នុងលទ្ធផលស្មើ ១-១ ជាមួយ Manchester United ក្នុងការប្រកួត UEFA Youth League ២០១៣-១៤។

កាលពីអាយុ៦ឆ្នាំ Zinchenko ជាកីឡាករក្មេង​ និងតូចជាងគេ​ក្នុង​ចំណោម​​យុវជន​ផ្សេង​ៗ​ទៀត ប៉ុន្តែរូបគេបានព្យាយាមធ្វើឲ្យអ្នកគ្រប់គ្នាចាប់អារម្មណ៍​។ ការខិត​ខំប្រឹង​ប្រែង​របស់គេមិនទទួលបានជោគជ័យ​ឡើយ។ យ៉ាងណាមិញ​Zinchenko មិនបានបោះបង់ក្ដីស្រមៃខ្លួន​ឡើយ។ មួយ​ឆ្នាំ​ក្រោយ​មក​ រូបគេបានត្រឡប់​មកវិញ​ជាមួយភាពរឹងមាំ និងតាំងចិត្ត​​ធំ​មែន​ទែន។ ទោះ​បី​ជា​យ៉ាង​ណា ការវិលត្រឡប់មកវិញរបស់គេមិន​បាន​សម្រេច​ដូច​បំណង​ទៀត។

ការប្រកួតនោះ Zinchenko ​បាន​ប៉ះ​​បាល់តិចតួចប៉ុណ្ណោះ​ ហើយ​ពេល​ទៅផ្ទះ​វិញ​​បាន​ត្អូញត្អែរ​ប្រាប់​ម្តាយ​ថា ក្មេង​ប្រុសផ្សេងទៀតមិនបានបញ្ចូលបាល់ឲ្យ​ខ្លួន​លេង​ទេ។ ក្រោយជួបរឿងបែបនេះអ្នកស្រី Irina ជាម្ដាយបានប្រាប់ថា ប្រសិនបើពួកគេមិនបញ្ចូលបាល់ឲ្យកូន ចូលកូនរត់ទៅ​រក​បាល់​ដោយ​ខ្លួន​ឯង។

បរាជ័យដំបូងនោះ បានក្លាយជាបទពិសោធ​មួយសម្រាប់ Zinchenko ក្នុងកីឡាបាល់ទាត់ដែលបាន​ផ្លាស់​ប្តូរ​ខ្សែការពាររូបដែលមាន​ឱកាស​លេងនៅលីគកំពូលអង់គ្លេស។ បច្ចុប្បន្នកំពុងលេងឲ្យក្លិបកាំភ្លើងធំ Arsenal និង​ធ្លាប់​បាន​ជាប់ជម្រើសជាតិអ៊ុយក្រែន​តាំង​ពី​កម្រិត​យុវជន​ រហូតដល់​ក្រុម​ធំ។

កីឡាករ Oleksandr Zinchenko បានរៀបរាប់រឿងរ៉ាវធ្លាប់ឆ្លងកាត់ពីក្មេងថា ៖«ពេលខ្ញុំបើកភ្នែក ខ្ញុំតែងតែពិចារណា​ពី​ចម្ងាយពីទីក្រុង Radomyshl មកកាន់ស្រុកកំណើតរបស់ខ្ញុំ​នៅភាគខាងជើងអ៊ុយក្រែន។ យើងមិនមានសម្ភារច្រើនទេក្នុងការហ្វឹកហាត់។ យើងហ្វឹកហាត់តែ២ដងក្នុងមួយសប្តាហ៍សម្រាប់ការប្រកួត១លើក ហើយនេះមិនមែនជាវិធីដើម្បីក្លាយជាកីឡាករអាជីពនោះទេ។ យ៉ាង​ណា វា​ជាភាពរីករាយមួយ​ ដែល​បាន​ជំរុញ​ឲ្យ​ខ្ញុំ​ព្យាយាម​ហ្វឹក​ហាត់​ខ្លួន​ឯង​បន្ថែម​ទៀត»៕


ប្រែសម្រួល៖ ផា រតនា

The post Zinchenko ទម្លាយ​រឿង​មួយ​កាលពីក្មេង ស្ទើរមិនជឿខ្លួនអាចមានថ្ងៃនេះ appeared first on Kampuchea Thmey Daily.

ជាមួយការប្រើប្រាស់រូបមន្ដថ្មី UEFA Champions League រដូវកាលនេះ ក្រុមចូលរួមប្រកួតបានកើនឡើងដល់៣៦ក្រុម។ ក្រុមនីមួយៗនឹងលេងការប្រកួតចំនួន៨ប្រកួតទល់នឹងគូប្រកួតចំនួន៨ផ្សេងគ្នា គឺ​ការប្រកួតក្នុងដី​៤លើក និង​ក្រៅដី៤លើក។ ក្រុមកំពូលទាំង៨នឹងឡើងទៅកាន់វគ្គ១៦ក្រុមចុងក្រោយ ខណៈក្រុមលេខ៩ដល់លេខ២៤នឹងត្រូវប្រកួតវគ្គជម្រុញ២លើក​ទៀត​ ដើម្បីរកក្រុមចំនួន៨ទៀត​ឡើង​វគ្គ​បន្ត។

យោងតាមការគណនា ក្លិប Man City ជាក្លិបមានភាគរយ​ខ្ពស់​ជាងគេរហូតដល់២៥.៣%ក្នុងការឈ្នះពាន UEFA Champions League រដូវកាលនេះ។ ក្រុមរបស់លោក Pep Guardiola មាន​ឱកាស​៩៥.២% ក្នុងការឆ្លងទៅវគ្គ១៦ក្រុមចុងក្រោយ ហើយមាន​ឱកាស​៧៣.៨% ឆ្លងទៅវគ្គ៨ក្រុមចុងក្រោយ មានឱកាស​៥៥% ឡើងដល់វគ្គពាក់កណ្តាលផ្តាច់ព្រ័ត្រ ហើយមាន​ឱកាស​៣៩.៩% ឡើងដល់វគ្គផ្តាច់ព្រ័ត្រ និងមាន​ឱកាស​ឈ្នះពានរង្វាន់ UEFA Champions League ចំនួន២៥.៣%។ ការប្រកួតវគ្គផ្ដាច់ព្រ័ត្រពានរង្វាន់ UEFA Champions League នៅកីឡដ្ឋាន Allianz Arena ទីក្រុង Munich ប្រទេស​អាល្លឺម៉ង់​ នៅថ្ងៃទី៣១ ខែឧសភា ឆ្នាំ២០២៥។

ការប្រកួតវគ្គសន្សំពិន្ទុ Man City នឹងត្រូវជួបជាមួយ Inter Milan, Club Brugge, Feyenoord និង Sparta Prague ក្នុងដីខ្លួន ហើយទៅសួរសុខទុក្ខ PSG, Juventus, Sporting Lisbon និង Slovan Bratislava នៅក្រៅដី។ បន្ទាប់ពីក្រុម Man City ក្រុមដែលមានភាគរយខ្ពស់​ក្នុង​ការ​ឈ្នះពាន​ UEFA Champions League គឺ Real Madrid មាន​៣១.៦%​​ ឡើងដល់វគ្គផ្ដាច់ព្រ័ត្រ និង​មានឱកាសឈ្នះ​ជើង​ឯក​១៨.២%៕

ប្រែសម្រួល៖ ផា រតនា

The post ការ​វិភាគបង្ហាញ​ថា Man City មាន%​ខ្ពស់ជាងគេក្នុងការឈ្នះ​ជើង​ឯក UCL ២០២៤-២៥ appeared first on Kampuchea Thmey Daily.

ក្រុមកីឡាកររបស់ Chelsea មានតម្លៃសរុប១.៣៩ពាន់លានដុល្លារ ដោយផ្អែកលើការគណនាលើចំនួនទឹកប្រាក់ដែលពួកគេចំណាយលើការទិញកីឡាករ។ ចំណាត់ថ្នាក់លេខ២គឺ Manchester United ដែលមានទឹកប្រាក់សរុប១.១៥ ពាន់លានដុល្លារ និងលេខ៣ Man City មានទឹកសរុប១.១២ ពាន់លានដុល្លារ។ សារព័ត៌មាន Daily Mail បានរាយការណ៍ថា ការសិក្សានេះត្រូវបានធ្វើឡើងដោយផ្អែកលើចំនួនប្រាក់ដែលក្លិបបានចំណាយលើការទិញកីឡាករ រួមទាំងការផ្ទេរអចិន្ត្រៃយ៍ និងការដាក់ឲ្យកីឡាករខ្ចីជើងផងដែរ។

ចាប់តាំងពីមហាសេដ្ឋីអាមេរិក Todd Boehly និងក្រុមហ៊ុន Clearlake Capital បានចូលកាន់កាប់ក្លិប Chelsea ក្នុងខែឧសភា ឆ្នាំ២០២២ ក្លិបបានចំណាយទឹកប្រាក់ជិត១.៦ពាន់លានដុល្លារលើការទិញកីឡាករ។ ពួកគេបាននាំយកកីឡាករចំនួន៤០នាក់ និងលក់ចេញវិញ៣៨នាក់ ។ ទោះជាយ៉ាងណាក៏ដោយ ដោយសារគ្រូបង្វឹកថ្មី Enzo Maresca ចង់កាត់បន្ថយចំនួនកីឡាករនៅក្នុង​ក្រុមឲ្យនៅសល់កីឡាករប្រហែល២១នាក់ ប៉ុន្តែក្លិប Chelsea មិនអាចរកក្លិបថ្មីឲ្យពួកគេបានទេ មុនពេលទីផ្សារដោះដូរកីឡាកររដូវក្តៅឆ្នាំ២០២៤បានបិទ។

ក្លិប Man Utd ក៏​ចំណាយ​ប្រាក់​យ៉ាង​ច្រើន​ បន្ទាប់​ពី​ប្រធាន​កីឡា​ថ្មី​មក​ដល់។ ពួកគេបានទិញ Lenny Yoro, Manuel Ugarte, Matthijs de Ligt និង Noussair Mazraoui នៅរដូវក្តៅនេះក្នុងតម្លៃជាង២៦៣លានដុល្លារ។ Man City មិនបានចំណាយច្រើនដូចគូប្រជែងទាំង២​ទេ ប៉ុន្តែនៅតែរក្សាតម្លៃជាក្រុមមានកីឡាករសរុបខ្ពស់ដោយសារពួកនៅតែរក្សាទុកតារាឆ្នើមរបស់ពួកគេនៅជាមួយ។

ខាងក្រោមនេះជាក្លិបកំពូលទាំង១០ ដែល​ក្រុមកីឡាករមានតម្លៃខ្លួនសរុបថ្លៃជាងគេលើពិភពលោក៖

១. Chelsea មានតម្លៃកីឡាករសរុប ១.៣៩ ពាន់លានដុល្លារ

២. Man United មានតម្លៃកីឡាករសរុប ១.១៥ ពាន់លានដុល្លារ

៣. Man City មានតម្លៃកីឡាករសរុប ១.១២ ពាន់លានដុល្លារ

៤. Arsenal មានតម្លៃកីឡាករសរុប ៨៨៣ លានដុល្លារ

៥. Tottenham មានតម្លៃកីឡាករសរុប ៨៧១ លានដុល្លារ

៦. PSG មានតម្លៃកីឡាករសរុប ៨៥៤ លានដុល្លារ

៧. Liverpool មានតម្លៃកីឡាករសរុប ៨១៣ លានដុល្លារ

៨. Real Madrid មានតម្លៃកីឡាករសរុប ៧៩៦ លានដុល្លារ

៩. Newcastle មានតម្លៃកីឡាករសរុប ៧៥៥ លានដុល្លារ

១០. Juventus មានតម្លៃកីឡាករសរុប ៦៩៣ លានដុល្លារ

ប្រែសម្រួល៖ ផា រតនា

The post Chelsea ជាក្រុមមានកីឡាករសរុបថ្លៃជាងគេបំផុតនៅលើពិភពលោក appeared first on Kampuchea Thmey Daily.