ការប្រកួតលើកទី ១ រវាងកំពូលកីឡាករប្រដាល់សកលទាំង ២ នៅទឹកដី សហរដ្ឋអាមេរិក កាលពីឆ្នាំ ២០១៥ បានបំបែកកំណត់ត្រា ក្លាយជាការប្រកួតមានអ្នកទស្សនាច្រើនបំផុតនៅទូទាំងសកលលោក ហើយជំនួបនោះក៏រកបានចំណូលយ៉ាងច្រើនមហាសាលផងដែរ។ យ៉ាងណា នៅក្នុងការប្រកួតនោះ គឺ Floyd បានយកឈ្នះពិន្ទុ Paquiao យ៉ាងតឹងតែង បន្ទាប់ពីបញ្ចប់ការប្រកួត ១២ ទឹក។

អ្នក​ប្រដាល់​មិន​ដែល​ចាញ់ Floyd និង Pacquiao ត្រូវបានកំណត់ជាផ្លូវការឱ្យជួបគ្នាជាលើកទី ២ ក្នុងការប្រកួតលក្ខណៈអាជីព នៅថ្ងៃទី ១៩ ខែកញ្ញា នៅសង្វៀន Sphere ក្នុងទីក្រុង Las Vegas។ ជំនួបនេះត្រូវបានចាត់ទុកជាការត្រឡប់មកវិញដ៏គួរឱ្យរំភើបបំផុតមួយក្នុងប្រវត្តិសាស្ត្រកីឡាប្រដាល់សកល។ ព័ត៌មានអំពីប្រភេទទម្ងន់ និងចំនួនប្រកួតប៉ុន្មានទឹក មិនទាន់ត្រូវបានប្រកាសនៅឡើយទេ។ ការប្រកួតនេះនឹងផ្សាយបន្តផ្ទាល់ទូទាំងពិភពលោកតាមរយៈ Netflix ហើយនឹងក្លាយជាការប្រកួតប្រដាល់លើកដំបូងបំផុត រៀបចំឡើងនៅសង្វៀន Sphere ដែលជាកន្លែងបំពាក់បច្ចេកវិទ្យាដ៏ទំនើប។

គួរឱ្យដឹង ថា ការប្រកាសនេះបានកើតឡើង បន្ទាប់ពី Floyd ប្រកាសអំពីចេតនាត្រឡប់មកប្រកួតវិញជាលើកទីបួន បន្ទាប់ពីការប្រកួតសម្តែងឆ្នាំ ២០២៦ ជាមួយ Mike Tyson។ ចំណែក Pacquiao វិញបានត្រឡប់ពីការចូលនិវត្តន៍កាលពីខែកក្កដាឆ្នាំមុន ហើយបានប្រកួតស្មើជាមួយម្ចាស់ខ្សែក្រវាត់ WBC Mario Barrios។ ជាមួយគ្នានេះ គាត់មានគម្រោងប្រកួតសម្តែងជាមួយកីឡាករ រុស្ស៊ី Ruslan Provodnikov នៅថ្ងៃទី ១៨ ខែមេសា មួយប្រកួតសិន មុនជួប Floyd នៅខែ កញ្ញា៕

ប្រែសម្រួល៖ សេម កុសល
ប្រភព៖ The Economic Times

The post រំលង​ ១១ ឆ្នាំ ទីបំផុត Pacquiao ទទួលបានឱកាសសងសឹក Floyd ជាផ្លូវការ appeared first on Kampuchea Thmey Daily.

Pacquiao អាយុ ៤៧ ឆ្នាំ បានបញ្ចប់ការចូលនិវត្តន៍រយៈពេល ៤ ឆ្នាំរបស់ខ្លួន ដោយឡើងប្រកួតឡើងវិញ ជាមួយម្ចាស់ខ្សែក្រវាត់ WBC ប្រភេទ welterweight កីឡាករ Mario Barrios កាលពីខែ កក្កដា ឆ្នាំ ២០២៥ បានបញ្ចប់ទៅដោយស្មើគ្នា។ ទោះបីជា Pacquiao បានអំពាវនាវឲ្យការប្រកួតនោះធ្វើឡើងវិញម្តងទៀតក៏ដោយ ក៏ម្ចាស់ខ្សែក្រវាត់ពិភពលោក ៨ ខ្សែរូបនេះ បានប្តូរទិសដៅមកចូលរួមការប្រកួតលក្ខណៈពិព័រណ៌ជំនួសវិញ។

មុនការប្រកួតទល់នឹងអ្នកប្រដាល់ រស្ស៊ី វ័យ ៤២ ឆ្នាំ ដែលធ្លាប់ប្រកាសចូលនិវត្តន៍រួចម្តងដែរកាលពីឆ្នាំ ២០១៦ កីឡាករ Pacquiao បាននិយាយដូច្នេះ ថា៖ «ការគាំទ្រពីប្រទេសរបស់ខ្ញុំ និងអ្នកគាំទ្ររបស់ខ្ញុំនៅជុំវិញពិភពលោក វាបានជួយបន្តជម្រុញនូវឆន្ទៈរបស់ខ្ញុំ។ ខ្ញុំកំពុងត្រឡប់មកវិញ ដើម្បីផ្តល់ឱ្យពួកគេនូវការវ៉ៃដ៏អស្ចារ្យ។ ខ្ញុំបានត្រៀមខ្លួនរួចរាល់ហើយ។ ការត្រឡប់ទៅ Las Vegas ជាថ្មី ពិតជាមានអត្ថន័យធំធេងណាស់សម្រាប់ខ្ញុំ»។

គួរបញ្ជាក់ជាថ្មី ថា ការប្រកួតរវាងអ្នកប្រដាល់ជើងចាស់ទាំង ២ នឹងធ្វើឡើងនៅទីក្រុង Las Vegas នាថ្ងៃទី ១៨ ខែ មេសា ឆ្នាំ ២០២៦ ដោយការប្រកួតធ្វើឡើងលក្ខណៈពិព័រណ៍ ប្រកួតចំនួន ១០ ទឹក៕

ប្រែសម្រួល៖ សេម កុសល
ប្រភព៖ BBC

The post ស្តេចប្រដាល់ ហ្វីលីពីន Pacquiao នឹងឡើងសង្វៀនជាថ្មីជួបកីឡាករ​រុស្ស៊ី Provodnikov appeared first on Kampuchea Thmey Daily.

ថ្លែងប្រាប់អ្នកសារព័ត៌មានកាលពីថ្ងៃ ពុធ ទី ២៩ ខែ តុលា កន្លងទៅ លោក​ Pacquiao បានបង្ហើប ថា៖ «ឥឡូវនេះ ពួកយើងបានចរចាគ្នាយ៉ាងច្រើន អំពីការប្រកួតបន្ទាប់របស់ខ្ញុំ។ វាអាចមានលទ្ធភាពប្រកួតគ្នាម្តងទៀតជាមួយ Floyd Mayweather។ មានការចរចាច្រើន ដែលកំពុងដំណើការ។ ខ្ញុំកំពុងរង់ចាំការចរចាចុងក្រោយ»។

តាមការបង្ហើបរបស់ស្តេចប្រដាល់ ហ្វីលីពីន វ័យ ៤៦ ឆ្នាំខាងលើ គឺបច្ចុប្បន្ន កំពុងតែចរចាអំពីការប្រកួតបន្ទាប់របស់គាត់ ដែលអាចកើតឡើងនៅឆ្នាំក្រោយ។ តាមការបង្ហើបនេះដែរ គឺកំពូលអ្នកប្រដាល់ អាមេរិក Floyd Mayweather ដែលបានឈ្នះលោកដោយពិន្ទុកាលពីឆ្នាំ ២០១៥ កំពុងក្លាយជាបេក្ខភាព ដែលអាចជួបលោកនៅឆ្នាំក្រោយ ប៉ុន្តែអ្វីៗមិនទាន់សម្រេចនៅឡើយទេ ដោយសារមានការចរចាច្រើនដំណាក់កាល។

គួរឱ្យដឹងថា Pacquiao ធ្លាប់បានប្រកាសចូលនិវត្តន៍ពីអាជីពជាកីឡាករប្រដាល់រួចម្តងហើយ បន្ទាប់ពីគាត់ប្រកួតលើកចុងក្រោយ បរាជ័យក្រោមថ្វីដៃកីឡាករសញ្ជាតិ គុយបា Yordenis Ugas នៅរដ្ឋ Las Vegas ទឹកដី សហរដ្ឋ​អាមេរិក ប៉ុន្តែនៅឆ្នាំ ២០២៥ លោក​បានសម្រេចចិត្តវិលឡើងសង្វៀនឡើងវិញ ដោយប្រកួតស្មើជាមួយ Mario Barrios ហើយក្រោយការប្រកួតនេះបញ្ចប់ គាត់បានបង្ហើបពីផែនការរបស់គាត់ថា នឹងត្រៀមឡើងប្រកួតលក្ខណៈអាជីពឡើងវិញ នាពេលអនាគតជាបន្តបន្ទាប់ទៀត៕

ប្រែសម្រួល៖ សេម កុសល
ប្រភព៖ ESPN

The post កក្រើកហើយ! Pacquiao បង្ហើបថា ខ្លួនអាចនឹងជួបសងសឹក Floyd នៅឆ្នាំក្រោយ appeared first on Kampuchea Thmey Daily.

ថ្លែងប្រាប់អ្នកសារព័ត៌មានកាលពីពេលថ្មីៗនេះ អ្នកប្រដាល់វ័យ ៤៦ ឆ្នាំបានបញ្ជាក់ថា៖ «គាត់នឹងឡើងសង្វៀនម្តងទៀតនៅឆ្នាំនេះក្នុងខែ ធ្នូ»។ ទោះបីជាយ៉ាងណា Pacquiao មិនទាន់បានបញ្ជាក់ថា ដៃគូរបស់គាត់ជានរណានៅឡើយទេ ប៉ុន្តែតាមតម្រុយខ្លះៗ បច្ចុប្បន្នមានកីឡាករ ២ នាក់ ដែលអាចជួបកីឡាករម្ចាស់ខ្សែក្រវាត់ពិភពលោក ១២ ខ្សែរូបនេះ ក្នុងនោះមានអតីតដៃគូចាស់ Mario Barrios និងកីឡាករអាមេរិកវ័យ ២៩ ឆ្នាំ Rolando Romero។

គួរឱ្យដឹងថា Pacquiao ធ្លាប់បានប្រកាសចូលនិវត្តន៍ពីអាជីពជាកីឡាករប្រដាល់រួចម្តងហើយ បន្ទាប់ពីគាត់ប្រកួតលើកចុងក្រោយ បរាជ័យក្រោមថ្វីដៃកីឡាករសញ្ជាតិ គុយបា Yordenis Ugas នៅរដ្ឋ Las Vegas ទឹកដី សហរដ្ឋអាមេរិក ប៉ុន្តែនៅឆ្នាំ ២០២៥ លោក​បានសម្រេចចិត្តវិលឡើងសង្វៀនឡើងវិញ ដោយប្រកួតស្មើជាមួយ Mario Barrios ហើយក្រោយការប្រកួតនេះបញ្ចប់ គាត់បានបង្ហើបពីផែនការរបស់គាត់ថា នឹងត្រៀមឡើងប្រកួតលក្ខណៈអាជីពឡើងវិញ នាពេលអនាគតជាបន្តបន្ទាប់ទៀត៕

ប្រែសម្រួល៖ សេម កុសល
ប្រភព៖ YB

The post កក្រើកទៀត! ស្តេចប្រដាល់ ហ្វីលីពីន Pacquiao ប្រកាសឡើងសង្វៀនម្តងទៀតចុងឆ្នាំនេះ appeared first on Kampuchea Thmey Daily.

ចៅ​ក្រមមួយ​រូប​ឲ្យ​ពិន្ទុ ១១៥ ទល់ ១១៣ ទៅ​កីឡាករ​អាមេរិក Barrios ជា​អ្នក​ឈ្នះ ប៉ុន្តែ​ចៅ​ក្រម​២​រូប​ឲ្យ​ពិន្ទុ ១១៤ទល់ ១១៤ ដូច​គ្នា​ឲ្យ​អ្នក​ទាំង​ពីរ​ស្មើ​គ្នា ដូច្នេះ​​អ្នក​ទាំង​ពីរ​ស្មើ​គ្នា។ ទោះ​បី​ជា​យ៉ាង​ណា កីឡាករ​អាមេរិកជា​ម្ចាស់​ខ្សែ​ក្រវាត់​​នៅ​តែ​រក្សា​ខ្សែ​ក្រវាត់​របស់​ខ្លួន​ដដែល។

អ្វី​ដែល​គួរ​ឲ្យ​សរសើរ​គឺ​កីឡាករ​ហ្វីលីពីន Manny Pacquiao អាយុ​៤៦​ឆ្នាំ មិន​បាន​ឡើង​ប្រកួត​អាជីព​អស់​រយៈ​ពេល​ជា​ច្រើន​ឆ្នាំ​ហើយ ប៉ុន្តែ​នៅ​តែ​អាច​ប្រកួត​អាជីព​​រយៈ​ដល់​ ១២​ទឹក​បាន​ពេញ​យ៉ាង​ល្អ។ កីឡាករ​អាមេរិក Mario Barrios អាយុ ៣៤ ឆ្នាំ​ពេញ​កម្លាំង​ល្អ និង​​ជា​ម្ចាស់​ខ្សែ​ក្រវាត់​មិន​អាច​យក​ឈ្នះ​ខ្លាំង​ចាស់​កំពូល​អ្នក​ប្រដាល់ហ្វីលីពីន​បាន​ឡើយ។

កីឡាករ Mario Barrios បាន​ប្រកួត​ចំនួន ៣២ ដង ឈ្នះ ២៩​ដង ស្មើ ១​ដង និង​ចាញ់ ២​ដង ខណៈ Manny Pacquiao ប្រកួត ៧២​ដង ឈ្នះ ​៦២​ដង ស្មើ ៣​ដង និង​ចាញ់ ៨​ដង៕

អត្ថបទ៖ វីរបុត្រ

The post គួរ​ឲ្យ​សរសើរ​អាយុ​ ៤៦​ឆ្នាំ Pacquiao ស្មើ​ម្ចាស់​ខ្សែ​ក្រវាត់ Barrios ក្រោយ​ប្រកួត​១២​ទឹក​ពេញ appeared first on Kampuchea Thmey Daily.

ការវិលត្រឡប់មកលើកនេះ ជាឱកាសមួយសម្រាប់បង្កើតប្រវត្តិសាស្ត្រថ្មីម្តងទៀត។

ក្នុងការវិលត្រឡប់មកកាន់សង្វៀនប្រដាល់លើកនេះ លោក Manny Pacquiao នឹងធ្វើការប្រកួតជាមួយ លោក Mario Barrios កីឡាករជនជាតិម៉ិកស៊ិក-អាមេរិក អាយុ ២៩ឆ្នាំ ដែលជាម្ចាស់ខ្សែក្រវាត់ WBC ប្រភេទ Welterweight។ 

ក្នុងកិច្ចសម្ភាសន៍នៅថ្ងៃសន្និសិទកាសែត លោក Mario Barrios ក៏បាននិយាយថា៖ គេបានត្រៀមខ្លួនរួចសម្រាប់ការប្រកួតនេះ និងមិនស្ទាក់ស្ទើរក្នុងការប្រឈមមុខជាមួយនឹង លោក Manny Pacquiao ដែលជាស្តេចប្រដាល់ជើងចាស់បំផុតម្នាក់នៅអាស៊ីនោះទេ។

វ័យខុសគ្នាពិតមែន គាត់ទាំងពីរសុទ្ធតែជាកំពួលកីឡាប្រដាល់លំដាប់ពិភពលោកដូចគ្នា។ ចង់ដឹងថាតើ ខ្លាចាស់ និងកូនតោក្មេង ម្នាក់ណានឹងទទួលបានជ័យជំនះនៅក្នុងការប្រកួតនេះ សូមកុំភ្លេចធ្វើការរង់ចាំ ការផ្សាយផ្ទាល់នៅកម្ពុជា ឧបត្ថម្ភផ្តាច់មុខដោយ ក្រុមហ៊ុន ហនុមាន ប៊ែវើរីជីស នៅលើកញ្ចក់ទូរទស្សន៍ ហង្សមាស HDTV រស្មីហង្សមាស HDTV និងតាម ប្រព័ន្ធទូរទស្សន៍ផ្កាយរណបឌីជីថលទំនើបDTH UHD នៅថ្ងៃអាទិត្យ ទី២០ ខែកក្កដា ឆ្នាំ២០២៥​ វេលាម៉ោង ៨:០០ នាទីព្រឹកតទៅ។

សូមកុំខកខាន! ព្រោះនេះជាព្រឹត្តិការណ៍ប្រដាល់សកលលំដាប់ពិភពលោកដ៏ធំមួយ ដែលអ្នកគាំទ្រកីឡាប្រដាល់មិនគួររំលងឡើយ។

The post ក្រុមហ៊ុន ហនុមាន ប៊ែវើរីជីស ឧត្ថម្ភផ្តាច់មុខ ការផ្សាយបន្តផ្ទាល់ លើកញ្ចក់ទូរទស្សន៍​ ហង្សមាសHDTV ​ និងរស្មីហង្សមាស HDTV ពីមហាព្រឹត្តិការណ៍ប្រដាល់សកល កម្រិតពិភពលោក Manny Pacquiao ប្រកួតជាមួយ Mario Barrios! appeared first on Kampuchea Thmey Daily.

Pacquiao ធ្លាប់បានប្រកាសចូលនិវត្តន៍ពីអាជីពជាកីឡាករប្រដាល់រួចម្តងហើយ បន្ទាប់ពីគាត់ប្រកួតលើកចុងក្រោយ បរាជ័យក្រោមថ្វីដៃកីឡាករសញ្ជាតិ គុយបា Yordenis Ugas នៅរដ្ឋ Las Vegas ទឹកដី សហរដ្ឋអាមេរិក។

យ៉ាងណា ពេលនេះមានតម្រុយថា អ្នកប្រដាល់សញ្ជាតិ ហ្វីលីពីន វ័យ ៤៦ ឆ្នាំ នឹងត្រូវឡើងសង្វៀនឡើងវិញ បន្ទាប់ពីអវត្តមានពីសង្វៀនប្រដាល់អស់រយៈពេល ៤ ឆ្នាំ ដោយប្រកួតដណ្តើមខ្សែក្រវាត់ពិភពលោក WBC ទល់នឹងអ្នកប្រដាល់ អាមេរិក វ័យ ២៩ ឆ្នាំ Mario Barrios នៅថ្ងៃទី ១៩ ខែ កក្កដា ឆ្នាំ ២០២៥ នៅ អាមេរិក។

បន្ទាប់ពីប្រកាសចូលនិវត្តន៍ Pacquiao ក៏ធ្លាប់បានឡើងសង្វៀនចំនួន ២ លើកផងដែរ គឺនៅឆ្នាំ ២០២២ និងកាលពីពេលថ្មីៗនេះនៅអំឡុងខែ កក្កដា ឆ្នាំ ២០២៤ ប៉ុន្តែការប្រកួតទាំង ២ នេះ គឺពុំត្រូវបានគេចាត់ទុកជាការប្រកួតផ្លូវការឡើយ ដោយសារការប្រកួតទាំងនេះគ្រាន់តែជាការប្រកួតលក្ខណៈពិពណ៌ប៉ុណ្ណោះ។

សូមបញ្ជាក់ថា Pacquiao មានកំណត់ត្រាប្រកួតចំនួន ៧២ ដង ឈ្នះ ៦២ ដង ចាញ់ ៨ ដង និងស្មើ ២ ដង។ ចំណែក Mario Barrios ធ្លាប់ឡើងសង្វៀនបានចំនួន ៣២ ដង ក្នុងនោះឈ្នះ ២៩ ដង ចាញ់ ២ ដង និងស្មើ ១ ដង៕

ប្រែសម្រួល៖ សេម កុសល
ប្រភព៖ INDEPENDENT

The post Pacquiao នឹងវិលចូលសង្វៀនវិញ ដោយដណ្តើមខ្សែក្រវាត់ WBC ទល់កីឡាករ Mario Barrios appeared first on Kampuchea Thmey Daily.

​ការ​ប្រកួត​សកល​កាល​ពី​ថ្ងៃ​អាទិត្យ ទី​២៨ ខែ​កក្កដា ឆ្នាំ​២០២៤ នៅ​ប្រទេស​ជប៉ុន​មាន​​​​តែ​៣​ទឹក​​ប៉ុណ្ណោះ ប៉ុន្តែ​បង្ហាញ​​ឃើញ​យ៉ាង​ច្បាស់​ពី​កណ្តាប់​ដៃ​របស់​​ម្ចាស់​ខ្សែ​ក្រវាត់​ពិភព​លោក​៨​ស្ថាប័ន​ Manny Pacquiao ចេញ​ចំ​គោល​ដៅ​បាន​ល្អ ប៉ុន្តែ​កីឡាករ​វ័យ​ក្មេង​ជប៉ុន​ Rukiya Anpo ដែល​ជា​អតីត​​ជើង​ឯក​ឃីក​បុក​ស៊ីង​ពិភព​លោក​មានការ​គ្រប់​គ្រង​ស្ថានភាព​ប្រកួត​បាន​ប្រសើរ​ជាង​ដោយ​សារ​កម្លាំង​ស៊ុហ្វ​ល្អ និង​កម្ពស់​ខ្ពស់​ជាង​ទេ។

ការ​ប្រកួត​ធ្វើ​ឡើង​នៅ​សង្វៀន​ដ៏​ល្បី​ប្រចាំ​ប្រទេស​ជប៉ុន Saitama Super Arena មាន​អ្នក​គាំទ្រ​ចូល​ទស្សនា​ផ្ទាល់​ពេញ​សង្វៀន​តែ​ម្តង។ ក្រោយ​បញ្ចប់​ការ​ប្រកួត​៣​ទឹក​ដ៏​ទាក់​ទាញ លទ្ធផល​ត្រូវ​បាន​គេ​ដឹង​ថា ស្មើ​គ្នា ប៉ុន្តែ​មិន​បាន​ប្រកាស​ជា​ផ្លូវ​ការ​នៅ​តាម​ការ​ផ្សាយ​ផ្ទាល់​ឡើយ​​។

តាម​ការ​ផ្សាយ​របស់ Thesportsrush ​ការ​ប្រកួត​​ជា​មួយ​ Yordenis Ugas បុរស​ហ្វីលីពីន​វ័យ​៤៥​ឆ្នាំ​​ទទួល​បានតម្លៃ​ខ្លួន​ប្រមាណ​៥​លាន​ដុល្លារ​អាមេរិក ប៉ុន្តែលោក​ទទួល​បាន​តម្លៃ​ខ្លួន​ច្រើន​ជាង​នេះ​សម្រាប់​ការ​ប្រកួត​ជា​មួយ​កីឡាករ​ជប៉ុន​ Rukiya Anpo កាល​ពី​ម្សិល​មិញ​។ ក្រៅ​ពី​តម្លៃ​ខ្លួន លោក​ក៏​​​ទទួល​បាន​បន្ថែម​ទៀត​ពី​ការ​​​លក់​សិទ្ធិ​​ផ្សព្វផ្សាយ​ទូទាំង​ពិភព​លោក (PPV) និង​​ម្ចាស់​ឧបត្ថម្ភ​ជា​ច្រើន​ទៀត​នោះ៕

អត្ថបទ៖ វីរបុត្រ

The post ម្សិល​មិញ Pacquiao ទទួលបានប្រាក់​ច្រើន​ជាង​ប្រកួត​ជា​មួយ Ugas appeared first on Kampuchea Thmey Daily.