នេះជាផ្ទះតែមួយគត់របស់ Marilyn Monroe ដែលមិនធ្លាប់មាន នៅទីក្រុង Los Angeles ប៉ុន្តែត្រូវបានគេគ្រោងនឹងកម្ទេចចោលដោយម្ចាស់ថ្មី ។

ការដាក់ពាក្យសុំអនុញ្ញាតឱ្យរុះរើ ត្រូវបានអនុម័តដោយនាយកដ្ឋានអគារ និងសុវត្ថិភាពទីក្រុង Los Angeles កាលពីថ្ងៃអង្គារ ទី៥ ខែសីហា ។

ផ្ទះនេះត្រូវគេទិញបន្តកាលពីខែមុនក្នុងតម្លៃ ៨,៣៥ លានដុល្លារ ខណៈ Monroe បានទិញវាក្នុងតម្លៃ ៧៧,៥០០ ដុល្លារ កាលពីខែកុម្ភៈឆ្នាំ ១៩៦២ ។

ដល់ពីថ្ងៃទី៥ ខែសីហា តារាភាពយន្ដរូបនេះ ត្រូវបានគេប្រទះឃើញដេកអាក្រាតកាយលើគ្រែ ជាមួយដៃម្ខាងកាន់ទូរស័ព្ទ និងដបថ្នាំគ្រាប់ទទេ រាយប៉ាយពេញបន្ទប់ ។

ដូច្នេះការស្លាប់របស់ Monroe ត្រូវបានសន្និដ្ឋានថា ជាការប្រើថ្នាំជ្រុល និង “ប្រហែលជាការធ្វើអត្តឃាត” ៕

ប្រែសម្រួល៖ វារី

ប្រភព៖ people

ចុចអាន៖ ផ្ទះតារាចម្រៀងអាមេរិកមួយរូប កំពុងដាក់លក់ក្នុងតម្លៃជាង ៤០ លានដុល្លារ

ចុចអាន៖ ផ្ទះលំហែតម្លៃជិត ១៥ លានដុល្លារ របស់ Kourtney Kardashian ត្រូវព្យុះកម្ទេច

The post ផ្ទះដែល Marilyn Monroe ស្លាប់ នឹងត្រូវរុះរើដោយម្ចាស់ថ្មី appeared first on Kampuchea Thmey Daily.

នេះក៏ដូច​សុភាសិតមួយពោលថា “ទូកទៅកំពង់នៅ” ជាក់ស្ដែង Marilyn Monroe នៅតែជា Idol ដ៏លេចធ្លោមួយរូបរបស់មនុស្សជុំវិញពិភពលោក​​ សូម្បី​តែ​កំពូល​តារា​ល្បីៗជំនាន់ក្រោយ ក៏​ស្រលាញ់​ពេញចិត្ត​នាងដែរ ឥលូវយើងមកដឹងពីការពិតខ្លះៗ​ក្នុងជីវិតរបស់ Marilyn ដូចខាងក្រោមនេះ ៖

១. Marilyn Monroe មិនមែន​ជា​ឈ្មោះ​កំណើត​របស់​នាង​ទេ

ឈ្មោះ “Marilyn Monroe” ជា​ឈ្មោះ​ដ៏​ល្បីល្បាញ​​ដែលមហាជនធ្លាប់ស្គាល់​កន្លងមក។ ការ​ពិត​តារា​សម្ដែង​រូបនេះ​ត្រូវ​គេ​ផ្លាស់ប្ដូរ​ឈ្មោះ​ឲ្យ​តាំង​ពី​ថ្ងៃ​ចូល​សិល្បៈ​ដំបូងមកម្ល៉េះ ឈ្មោះ​ពិត​របស់​នាង​គឺ “Norma Jeane Mortenson”។

២. មាន​ពាក្យ​ចចាមអារ៉ាម​ថា Albert Einstein ធ្លាប់​ជា​គូស្នេហ៍​របស់​នាង

ក្នុងអំឡុងឆ្នាំ១៩៤០ តារា​សម្ដែង Shelley Winters ដែលរស់នៅផ្ទះជាមួយ Marilyn Monroe បញ្ជាក់​ក្នុង​ជីវប្រវត្តិ​របស់​នាង​ថា Monroe ធ្លាប់និយាយ​បង្ហើប​អំពី​សម្ពន្ធភាព​ជាមួយ​នឹង​មនុស្ស​ឆ្លាត​ម្នាក់។

៣. ដើមឡើយ​នាង​ត្រូវ​សម្ដែង​ជា Holly Golightly ក្នុង​រឿង Breakfast at Tiffany’s

កាលណោះ Monroe គឺជាតួដំបូង​ដែលអ្នកនិពន្ធ Truman Capote រើសឲ្យដើរតួ ប៉ុន្តែក្រោយមក​គេ​ក៏​ផ្លាស់ប្ដូរ​តួ​ឲ្យ​ទៅ Audrey Hepburn វិញ។

៤. នាង​ធ្លាប់​ជឿ​ថា​តារា​សម្ដែង Clark Gable ជា​ឪពុក​បង្កើត

តាមនាងចាំ ម្ដាយរបស់ Monroe មានរូបថតព្យួរជញ្ជាំងដែលជារូបថត​មនុស្សប្រុសគាត់​ធ្លាប់​ទាក់ទង​ជាមួយ មនុស្សប្រុសនោះមានពុកមាត់​ស្ដើង​ដូច Clark Gable បេះបិទ។ កាលណោះ​ម្ដាយ​នាង​មិន​ព្រម​ប្រាប់​ឈ្មោះ​របស់​គាត់​ ទៅ​នាង​ឡើយ មកដល់ឆ្នាំ ១៩៣៥ Monroe ក៏ទៅមើល​កុន​រឿង China Seas ដែលសម្ដែងដោយ Gable និង Jean Harlow តាំងពីពេលនោះមក Gable បាន​ក្លាយ​ជា​បុរស​ដែល​នាង​ស្មាន​ថា​ជា​ឪពុក​បង្កើត។

៥. Monroe ត្រូវ​គេ​ដេរ​ភ្ជាប់​សាច់​ជាមួយ​រ៉ូប​អង្កាំ​របស់​នាង​ឲ្យ​ឃើញ​រឹប​សាច់​ស្អាត

ពេល Monroe ឈានជើងឡើងឆាក​នៅឧទ្យាន Madison Square ដើម្បី​ច្រៀង​ជូនពរ​ថ្ងៃ​ខួប​កំណើត​សម្រាប់​ប្រធានាធិបតេយ្យក្នុងខែឧសភា ទី១៩ ឆ្នាំ១៩៦២ នាង​ហែក​រោម​សត្វ​ចេញ​ពី​ស្មា​ធ្វើ​ឲ្យ​អ្នក​ទស្សនា​ចំហ​មាត់​គ្រប់គ្នាដោយសារ​ពួកគេ​គិត​ថា​នាង​ស្រាត។ ក្រោយមក Adlai Stevenson និយាយថា “ខ្ញុំគិតថាខ្ញុំមិនដែរឃើញនរណា​ស្អាតដល់ Marilyn Monroe ទេ នាងស្លៀក​រ៉ូបអង្កាំ​ពណ៌​សាច់ ​ប៉ុន្តែខ្ញុំមិនបានឃើញអង្កាំនោះឡើយ”។ ថ្មីៗនេះគេល្បីរឿង Kim Kardashian យករ៉ូប​នោះម​កស្លៀក​ក្នុង​កម្មវិធី Met Gala ២០២២ ជាមួយ Pete Davidson​ គូស្នេហ៍ចាស់របស់​នាងទៀតផង។

៦. ម្ដាយ​របស់​នាងត្រូវគេចាត់ទុកជាអ្នកជំងឺវិកលចរិក

ជំងឺផ្លូវចិត្តប្រៀបដូចជាជំងឺតពូជក្នុងគ្រួសារ Monroe លោកយាយខាងម្ដាយនាងក៏សម្លាប់ខ្លួន ចំណែកឯម្ដាយរបស់នាងក៏ត្រូវចូល​ពេទ្យ​វិកលចរិក។ បន្ទាប់ពី Monroe ស្លាប់ទៅ ម្ដាយរបស់​នាង​មិន​ស្គាល់​ឈ្មោះ Marilyn Monroe ទៀតឡើយ។

៧. Monroe ត្រូវក្លែងខ្លួនដើម្បីគេចពីអ្នកប្រមាញ់រូបថត

ដើម្បីកុំឲ្យគេ​ចំណាំ​នាង​បាន Monroe ក្លែងខ្លួន​ជា​ឈ្មោះ Zelda Zonk ដោយ​ការ​ពាក់​សក់​ពណ៌​ខ្មៅ​ជាមួយ​នឹង​វែនតា​ខ្មៅ។

៨. អ្នកអាចរក​ទិញ​ក្រែម​ក្រហមរបស់នាងក្នុង Amazon

ក្រែមនោះមានឈ្មោះថា “Max Factor’s vibrant” គេលក់វានៅក្នុងទ្វីបអឺរ៉ុបនិងវេបសាយ Amazon។

៩. ផ្ទះរបស់នាងមានប្រព័ន្ធចាប់សម្លេងពីរដ្ឋាភិបាល

ឧបករណ៍ស្រូបសម្លេងមានទំហំប៉ុនគ្រាប់អង្ករមួយ ត្រូវបង្កប់ក្នុងផ្ទះរបស់តារាស្រីមួយរូបនេះ ដើម្បីលួចស្ដាប់​ការសន្ទនារបស់នាង រួមទាំងការ​សន្ទនា​ក្នុងថ្ងៃដែលនាងស្លាប់។ ទស្សនាវដ្ដី Vanity Fair ធ្វើការ​រាយការណ៍​ថា Paris Theodore បានឮអំពីជម្លោះរវាង Robert Kennedy និង Monroe នៅថ្ងៃ​ដែលនាង​បាត់បង់​ជីវិត។

១០. Frank Sinatra ជូនកាដូកូនឆ្កែមួយឲ្យ Monroe

លោក Frank Sinatra ដែលគេជឿថាជាគូស្នេហ៍របស់នាងមួយរូបដែរ បានជូនកាដូកូនឆ្កែពូជស្រម៉ូវមួយឲ្យទៅ Monroe ប៉ុន្តែមិនមែនជាកាដូក្នុងថ្ងៃសំខាន់នោះទេ​ គាត់គ្រាន់តែចង់ឲ្យនាងមានមិត្តភក្តិមួយទៀតតែប៉ុណ្ណោះ។ Monroe ដាក់ឈ្មោះឲ្យកូនឆ្កែនោះថា Mafia ហៅកាត់ថា Maf ក្រោយមកមានការដេញថ្លៃក្នុងឆ្នាំ ១៩៩៩ រូប Maf ពីរសន្លឹកគេឲ្យតម្លៃដល់ទៅជាង ២២ម៉ឺនដុល្លារឯណោះ គិតៗទៅម្ចាស់ក៏ល្បី ឆ្កែក៏ល្បីដូចម្ចាស់ដែរ។

បន្ទាប់ពីដឹងរឿងរ៉ាវខ្លះៗរបស់កំពូលតារាល្បីឆ្លងសតវត្សរូបនេះហើយ តើប្រិយមិត្តយល់យ៉ាងណាដែរ ចំពោះជីវិតគ្មានសេរីភាពបែបនេះ?

ប្រែសម្រួលដោយ៖ វារី

ចុចអាន៖បុគ្គល ៧ រូប ជាប់ឈ្មោះមានឥទ្ធិពល នៃពិភពម៉ូដប្លែកៗ រហូតមកដល់សព្វថ្ងៃនេះ

ចុចអាន៖រឿងរ៉ាវចាក់ស្រេះ របស់ Hermès Birkin មុនក្លាយជាកាបូបប្រេន លំដាប់ពិភពលោក

The post ការពិត ១០ យ៉ាងពី Marilyn តារាហូលីវូដជើងចាស់ នៅតែល្បី ទោះសល់ត្រឹមឈ្មោះ appeared first on Kampuchea Thmey Daily.