មែនទែនទៅ តារាស្រីវ័យ៣៥រូបនេះផ្ដើមស្នេហ៍ដំបូងជាមួយនឹងសេដ្ឋី Songkran ដែលជាបុរសពោះម៉ាយកូនមួយនិងជាអតីតស្វាមី Aff Taksaorn ។​​ អំឡុងពេលផ្ដើមស្នេហ៍នាងត្រូវបានទស្សនិកជនរិះគន់ខ្លាំងៗថា ជាជនទី៣ដែលធ្វើឲ្យប្ដីប្រពន្ធគេឈានដល់ការលែងលះគ្នា។ តែនាងបានបកស្រាយថា ពួកគេបែកគ្នាមុនពេលនាងស្រលាញ់គ្នាម្ល៉េះ។

ទោះបីជាកាលណោះ Matt​ ប្រឹងបកស្រាយយកល្អដាក់ខ្លួនយ៉ាងណា តែមនុស្សជាច្រើនក្នុងសង្គមថៃបានចាត់ទុករូបនាងគឺជាមារជ្រែកស្នេហារបស់អ្នកដទៃ។ ចំណែកឯការងារក្នុងវិថីសិល្បៈវិញក៏រាងរលុង ហើយពាណិជ្ជកម្មធំៗក្នងប្រទេសដែលធ្លាប់យកនាងជាអ្នកដើរម៉ូដ ក៏បានរំសាយចោលដោយគ្មានការតវ៉ាច្រើន។

ក្រោយមកចំណងស្នេហ៍៥ឆ្នាំបានប្រេះឆា ដោយបន្សល់ត្រឹមអ្នកស្គាល់គ្នា​ បន្ទាប់ពី Matt ​ចេញមុខប្រាប់​អ្នកសារព័ត៌មានថា​ ពួកគេ​បែកគ្នា​តាំងពីចុង២០២២មកម៉្លេះ។ បើទោះជា​មិនបាន​បញ្ជាក់​ថា​មិនមាន​ភាគីទី៣ ប៉ុន្តែពេលនោះ Songkran ត្រូវមហាជនដឹងថា លោក​កំពុង​តែ​មាន​មិត្តស្រីថ្មីទៅហើយ។

យ៉ាងណាក៏ដោយ បែកគ្នាជាមួយពោះម៉ាយមិនទាន់បានប៉ុន្មានផង នៅដើមឆ្នាំ២០២៣ តារាសម្ដែងកូនកាត់ថៃ-ន័រវេស និងជាកូនទោលនៅក្នុងគ្រួសារ​ ស្រាប់តែពើបប្រទះនឹងរឿងអាស្រូវម្ដងទៀតជាមួយនឹងអតីតមិត្តប្រុស Aum Patcharapa គឺសេដ្ឋី Pook ស្របពេលនោះធ្លាយរូបភាពនាងកៀកកើយជាមួយគ្នាយ៉ាងស្និតរមួត​​ នៅកន្លែងផឹកស៊ីមួយកន្លែង។

កំឡុងដើមឆ្នាំ២០២៣ Matt ​កាន់តែធ្ងន់ជាងរឿងមុនៗទៀត ដោយតំណែងជាតួឯកស្រីប្រចាំប៉ុស្តិ៍លេខ៣ថៃដែលខ្លួនគ្រោងសម្ដែងជាតួស្រី បែរធ្លាក់ទៅលើបវរកញ្ញាចក្រវាល Amanda ទៅវិញ។​ មិនត្រឹមប៉ុណ្ណឹងទេ​ សូម្បីតែប្រេនធំៗក៏សម្រេចដកខ្លួនជាបណ្ដើរៗ ក្រោមហេតុផលផុតកុងត្រា។ ​

លើសពីនេះកេរ្តិ៍ឈ្មោះរបស់នាងត្រូវមនុស្សជាច្រើនសម្រុកចូលទៅបញ្ចេញមតិថារូបនាងជាប់ឈ្មោះជាមនុស្សពូកែដណ្ដើមរបស់អ្នកដទៃប្រចាំប្រទេសថៃ។ បើទោះជា Matt បានបកស្រាយថានាងគ្រាន់តែជាអ្នកស្គាល់គ្នាជាមួយ Pook ប៉ុណ្ណោះ។ ប៉ុន្តែពាក្យសម្ដីនាងប៉ុន្មានម៉ាត់មិនបានធ្វើឲ្យកំហឹងមហាជនស្រាកស្រានឡើយ គេឯងគិតថានាងគឺជាតួមារ ហើយនេះជាមូលហេតុនាងបែកបាកមិត្តប្រុសជាបន្តបន្ទាប់។

យ៉ាងណាមិញ ទោះជាមានរឿងអាស្រូវនិងកេរ្តិ៍ឈ្មោះមិនសូវជាល្អយ៉ាងណាក្ដី នៅឆ្នាំ២០២៤នេះជីវិត Matt Peeranee ប្រែជាពណ៌ផ្កាឈូកវិញដោយសារតែនាងបានជួបគូស្នេហ៍ជាសេដ្ឋីប្រាក់លានគឺលោក Fame Phimdej និងជាកូនប្រុសរបស់លោក Apirat អតីតជំនួយការលេខាធិការអចិន្ត្រៃយ៍នៃទីក្រុងបាងកក។

គូស្នេហ៍មួយនេះស្គាល់គ្នាមិនដល់មួយឆ្នាំទេ​ ប៉ុន្តែខាងប្រុសបានសម្រេចសុំនាងរៀបការយ៉ាងរ៉ូមែនទិក កាលដើមខែមិថុនា និងបានប្រារព្ធពីធីភ្ចាប់ពាក្យកាលពីថ្ងៃទី១១ សីហា ហើយព្រឹត្តិការណ៍​នេះ​ធ្វើ​ឲ្យតារា​ស្រីវ័យ៣៥ឆ្នាំ រួមទាំងម្ដាយនាង ស្រក់​ទឹក​ភ្នែក​ព្រោះ​តែ​សប្បាយ​ចិត្តនិងទិដ្ធភាពដែលប៉ងប្រាថ្នាមកជាយូរ។

ក្រៅ​ពី​គ្រួសារ​ទាំង​ពីរ និង​សាច់​ញាតិ​របស់ Matt និង Fame ចូល​រួម​ជា​សាក្សី។ ក្នុងនោះក៏មានមិត្តភក្តិជិតស្និទ្ធក្នុងវិស័យសិល្បៈរបស់ Matt ចូលរួមអបអរសាទរផងដែរ ដូចជាតារាសម្ដែង Taew Natapohn, Mew Nittha, Mint Chalida និង Chippy Sirin ព្រមទាំងអ្នកដឹកនាំរឿងប្រចាំប៉ុស្តិ៍លេខ ៣ ថៃផងដែរ៕

អត្ថបទ៖ សាង ស្រីល័ក្ខ

ចុចអាន៖ Lisa ​កាន់តែចូលកៀកគ្រួសារមហាសេដ្ឋី Arnault ទោះមិនបញ្ចាក់ទំនាក់ទំនងច្បាស់ការក្ដី

The post ទម្រាំជួបគូពិត Matt រងនូវរឿងអាស្រូវធ្ងន់ ​ក បាត់បង់តំណែងតួឯកស្រីប៉ុស្តិ៍លេខ ៣ ថៃ appeared first on Kampuchea Thmey Daily.

តាមរយៈការចេញផ្សាយពីសារព័ត៌មាន Sanook បានបង្ហោះនូវរូបភាពរបស់អ្នកស្នងមរតកប្រាក់លានប្រចាំប្រទេសថៃ​ គឺលោក Pratarnwong Pok Phornprapha និងតារាស្រី Matt Peranee Kongthai ដែលចាប់តាំងពីរឿងស្នេហាត្រីកោណកើតឡើងនៅឆ្នាំ ២០២៣មក អ្នកទាំងពីរបានឃ្លាតឆ្ងាយពីគ្នាសឹងតែបាត់មុខពីបណ្ដាញសង្គម។

ទោះយ៉ាងណាក៏ដោយ កាលពីថ្ងៃទី២៣ ខែកុម្ភៈ ឆ្នាំ ២០២៤ អ្នកជំនួញប្រុសរូបនេះបានបង្ហាញរូបភាពនៃពេលវេលាដ៏គួរឲ្យស្រលាញ់ជាមួយ Matt ឲ្យអ្នកគាំទ្របានឃើញតាមរយៈ Instagram ផ្ទាល់ខ្លួនរបស់គាត់។ តាមរយៈគណនីផ្ទាល់របស់ Pok បង្ហាញឲ្យឃើញអ្នកទាំងពីរថតរូបជាមួយគ្នានៅភោជនីយដ្ឋានមួយ។ ពេលនោះរូបលោកបាន​លូក​ដៃ​ទៅ​ឱប​ស្មា​របស់​ Matt យ៉ាង​ស្និទ្ធស្នាល ដែលមើល​ទៅ​កក់​ក្ដៅ​ដូច​មិត្តប្រុស​កំពុង​ថត​សែលហ្វី​ជាមួយ​មិត្តស្រី។

មិន​ត្រឹម​តែ​ប៉ុណ្ណោះ Pok ក៏​បាន​បញ្ជាក់​ក្នុង​ចំណង​ជើង​នោះ​ដែរ “ខ្ញុំមិនបានឃើញអ្នកយូរមកហើយ។ ស្វែងរកក្មេងស្រីឲ្យខ្ញុំ Pini​ ហើយលោមកក៏មិនភ្លេចបន្ថែម hashtag បញ្ចាក់ថា ខានកាន់ដៃគ្នាយូរហើយ។

ទោះយ៉ាងណាក៏ដោយ ថ្វីបើរូបភាពនោះបញ្ចាក់ក្នុងន័យបងប្អូនឬមិត្តភាពដែលមានជាមួយគ្នាមកជាយូរឆ្នាំយ៉ាងណាក៏ដោយ ប៉ុន្តែអ្នកទាំងពីចៀសពីការរិះគន់មិនផុតឡើយ។ ការបង្ហាញរូបភាពរបស់ Pok និង Matt អាច​នឹង​ធ្វើ​ឲ្យមនុស្ស​មួយ​ចំនួន​សង្ស័យ​ពី​ទំនាក់ទំនង​របស់​ពួកគេ។ បើទោះជាកន្លងមកគូនេះធ្លាប់ចេញមុខបកស្រាយថា ពួកគេស្គាល់គ្នាមកយូរឆ្នាំហើយ។ ជាពិសេសពួកគេតែងតែបង្ហាញពីពេលវេលាកៀកកើយគ្នាញឹកញាប់ មិនដែលខាននោះទេ។

លើសពីនេះទៀតដែរ Matt តែងតែត្រូវគេភ្ចាប់ជាមួយបុរសម្នាក់នោះម្នាក់នេះដោយចោទនាងថា ជាជនទី៣បំបែកក្ដីស្រលាញ់របស់អ្នកដទៃ។ ក្នុងពេលកាលពីប៉ុន្មានឆ្នាំំ នាងក៏យកបានបេះដូងពោះម៉ាយ Songkran ដែលជាស្វាមីតារាស្រី Aff Taksaorn រហូតផ្អើលពិភពសិល្បៈថៃ៕

អត្ថបទ៖ សាង ស្រីល័ក្ខ

ចុចអាន៖​កំប្លែង​ចិន Jia Ling និងជា​អ្នកដឹកនាំ​រឿង​រក​ចំណូល​ច្រើនជាងគេ បង្ហាញខ្លួនម្ដងនេះដូចមនុស្ស២ផ្សេងគ្នា

The post ត្រឹមរូបមួយសន្លឹកកៀកស្មា Matt ទោះសេដ្ឋីហៃសូ Pok ប្រាប់ថាមិត្ត ក៏គ្មានអ្នកជឿដែរ appeared first on Kampuchea Thmey Daily.

បន្ទាប់ពីចែកផ្លូវគ្នាជាមួយសេដ្ឋីហាយសូរ Matt ឧស្សាហ៍បង្ហោះរូបដើរលេងញឹកញាប់នៅលើបណ្ដាញសង្គម IG ជាពិសេសរូបដើរលេងភាគច្រើនសុទ្ធសឹងសិចស៊ី លេចលើលេចក្រោម ខុសពីពេលមុន នាងពុំសូវបង្ហោះរូបបែបនេះឡើយ។

ជាក់ស្ដែងថ្មីៗនេះ តួឯកស្រីរឿង​ “សង្សារខ្ញុំជាមនុស្សភពផ្កាយ” របស់ថៃ បានបញ្ចេញរូបភាពស្លៀកប៊ីគីនីមួយសន្លឹកយ៉ាងសិចស៊ី នៅឯមាត់សមុទ្រ ខណៈរូបភាពបែបនេះ នាងទើបតែបង្ហោះប៉ុន្មានថ្ងៃមុនប៉ុណ្ណោះ។ យ៉ាងណាមិញ ប្រិយមិត្តរបស់ Matt ហាក់មិនធុញទ្រាន់នឹងការគយគន់សម្រស់របស់នាងឡើយ គ្រាន់តែគេសង្កេតឃើញថា នាងប្លែកពីមុនបន្តិច ដោយមិនសូវបង្ហោះរូបភាពប្រភេទផ្សេង.

ទស្សនារូបភាពស្លៀកប៊ីគីនីជាច្រើនសន្លឹករបស់ Matt !

ប្រែសម្រួល៖ សន្យា

ចុចអាន៖ ទើបតែដឹង តាមពិត Mai Davika ព្រាត់ប្រាស់ឪពុកអស់ ២២ឆ្នាំហើយ

ចុចអាន៖ លើកនេះ ទស្សនិកជនមិនចាប់អារម្មណ៍រូបសិចស៊ីរបស់ Matt បែរនាំគ្នាផ្ដោតលើដៃបុរសម្នាក់

The post ក្រោយបែកបាក់ស្នេហ៍ Matt បញ្ចេញរូបសិចស៊ីញឹកញាប់ខុសធម្មតា appeared first on Kampuchea Thmey Daily.

ជីវិតរបស់ Matt បច្ចុប្បន្នហាក់មានភាពស្រស់ស្រាយសប្បាយចិត្ត ដោយនាងឧស្សាហ៍នាំខ្លួនឯងដើរលេង ទោះបីជាគេជម្រុញឱ្យសាងទំនាក់ទំនងស្នេហ៍ថ្មី​ នាងតែងតែបដិសេធ និងប្រកាសជាសារធារណៈថា ខ្លួនមិនទាន់ជាប់ជំពាក់បេះដូងជាមួយបុរសណានៅឡើយ។

ប៉ុន្តែទោះបីជា Matt ប្រកាសខ្លួនបែបនេះ ទស្សនិកជននៅមិនទាន់អស់ចិត្តនោះទេ ជាពិសេសក្រោយរូបភាពថ្មីចុងក្រោយរបស់នាងបានចែករំលែកនៅលើបណ្ដាញសង្គម អ្នកគាំទ្រសង្ស័យថា តារាស្រីវ័យ ៣៤ឆ្នាំ មុខតែមានទំនាក់ទំនងស្នេហ៍ថ្មីជាក់ជាមិនខាន។

ក្រៅពីបញ្ចេញសម្រស់យ៉ាង​ឆើតឆាយ​នៅមាត់​ឆ្នេរជាមួយនឹងឈុតប៊ីគីនីប៉ុន្មានសន្លឹក ទស្សនិកជនសង្កេតឃើញរូបភាពនៅក្នុងផ្ទៃទឹកសមុទ្ររបស់ Matt ហាក់​មានភាពផ្អែមល្ហែមជាមួយនឹងបុរសម្នាក់ ដោយសារមានដៃរបស់បុរសបានអង្អែលថ្ពាល់របស់នាង មើលទៅពិតជារ៉ូមែនទិកខ្លាំង។ រូបមួយសន្លឹកនេះធ្វើឱ្យទស្សនិកជនផ្អាកចំណាប់អារម្មណ៍លើភាពហឹររបស់ Matt បែរជានាំគ្នាអន្ទះសារចង់ដឹងដៃបុរសអាថ៌កំបាំងជានរណា តើអាចជាគូស្នេហ៍របស់ Matt ដែរឬទេ?

ប្រែសម្រួល៖ សន្យា

ចុចអាន៖​ បុរសចង់បានបេះដូង Matt គ្រាន់តែមាន ៣ ចំណុចសាមញ្ញប៉ុណ្ណោះ

ចុចអាន៖ ស្ដាប់ចម្លើយសារភាពជនសង្ស័យលូកស្ទាបដើមទ្រូង ឌីជេ ​សូដា មហាជនសម្ដែងការហួសចិត្ត

The post លើកនេះ ទស្សនិកជនមិនចាប់អារម្មណ៍រូបសិចស៊ីរបស់ Matt បែរនាំគ្នាផ្ដោតលើដៃបុរសម្នាក់ appeared first on Kampuchea Thmey Daily.

តារាសម្ដែងស្រីរូបនេះបាន​បង្ហោះរូបភាពក្នុង IG story របស់នាងក្ដៅៗ ក្នុងឈុតហែលងូតទឹក​នៅលើទូកកណ្តាលសមុទ្រ។ ក្នុង​ព្រឹត្តិការណ៍​នេះអ្នកគាំទ្រសុទ្ធតែបញ្ចេញមតិថា ​ស្អាត​ទាំង​មនុស្ស​ទាំង​ទិដ្ឋភាព​ខាងក្រោយ។​ ចំណែកស្បែក​របស់នាងពេល​ត្រូវ​ពន្លឺ​ថ្ងៃ​ក៏សរលោងស្អាតរកកន្លែងទាស់មិនឃើញឡើយ។

ក្នុងនោះក៏មានអ្នកបញ្ចេញមតិស្របថា តាំងតែប្រេះឆាជាមួយមិត្តប្រុសអ្នកជំនួញហៃសូមក នាងរិតតែស្អាតខ្លាំងឡើង និងតែងតែបញ្ចេញនូវភាពសិចស៊ីមិនសូវខ្វល់ខ្វាយពីជីវិតដូចពីមុនទេ។

លើសពីនេះទៀត ជីវិត Matt Peeranee ហាក់បង្ហាញពីសេរីភាពពេញលេញនឹងការដើរកម្សាន្តញឹកញាប់ ទាំងក្នុងនិងក្រៅប្រទេសគួរឲ្យក់សម្គាល់ខ្លាំងផងដែរ៕

ប្រែសម្រួល៖ សាង ស្រីល័ក្ខ

ចុចអាន៖ប៉ូលិសកាត់ទោស Ice និងមនុស្ស ៣១នាក់ផ្សេងទៀតនៅសប្ដាហ៍ក្រោយ

The post Matt បញ្ចេញសម្រស់ឆើតឆាយលើផ្ទៃសមុទ្រ appeared first on Kampuchea Thmey Daily.

បន្ទាប់ពីប្រកាសខ្លួននៅទំនេរ ទស្សនិកជនជាច្រើនតែងតែតាមសួរនាំ Matt តើពេលណានាងព្រមសាងទំនាក់ទំនងថ្មី ហើយក៏ចង់ខ្លាំងផងដែរថា តើបុរសប្រភេទណាដែលនាងប៉ងជាគូអនាគត?

ឆ្លើយតបទៅនឹងចម្ងល់ទាំងនេះ ​តារាស្រីវ័យ ៣៤ឆ្នាំ បានចេញមុខផ្ដល់បទសម្ភាសន៍ក្នុង​កម្មវិធី WOODY FM ថា បច្ចុប្បន្នខ្លួននៅមិនទាន់គិតគូចង់បានអ្នកស្អំបេះដូងនៅឡើយ ប៉ុន្តែនាងមានបុរសក្នុងក្ដីស្រមៃរបស់នាងចង់ប្រាប់អ្នកគាំទ្រ។ តាមពិតបុគ្គលិកលក្ខណៈបុរសដែលអាចក្លាយជាគូអនាគតរបស់ Matt គ្រាន់តែមាន ៣ចំណុចយ៉ាងសាមញ្ញ​ប៉ុណ្ណោះគឺ គាត់ជាមនុស្សមានរបៀបរៀបរយពោលគឺចេះរៀបចំខ្លួន ឆ្លាត និងជាមនុស្សចាស់ទុំអាចដឹកនាំនាងបាន។

ដោយឡែកចំពោះចម្ងល់ដែលថា ពេលណានាងនឹងទទួលយកអ្នកថ្មី Matt នៅតែប្រកែកថាមិនទាន់គិត ព្រោះខ្លាចខកចិត្តដូចពេលមុន៕

ប្រែសម្រួល៖ សន្យា

ចុចអាន៖ Matt បង្អួតជីវិតរីករាយ ក្រោយបែកផ្លូវជាមួយពោះម៉ាយ ​Songkran

ចុចអាន៖ ឌីជេ សូដា ឆ្លើយតបនឹងមតិផ្លែផ្កាថា នាងស្លៀកពាក់សិចស៊ីពេក ទើបគេហ៊ានស្ទាបដើមទ្រូង

The post បុរសចង់បានបេះដូង Matt គ្រាន់តែមាន ៣ ចំណុចសាមញ្ញប៉ុណ្ណោះ appeared first on Kampuchea Thmey Daily.

មួយរយៈចុងក្រោយនេះ Matt តែងតែចែករំលែកសកម្មភាពប្រចាំរបស់នាងទៅកាន់អ្នកគាំទ្រជាញឹកញាប់ ជាមួយការបង្ហោះឃ្លីបរាំលេង និងសកម្មភាពហាត់កីឡា ដែលវាកំពុងបង្ហាញថា ទោះបីជានាងបែកបាក់ស្នេហ៍ ប៉ុន្តែនាងនៅតែអាចចំណាយជីវិតសុភមង្គលបានតែម្នាក់ឯង។

តួយ៉ាងគេឧស្សាហ៍ឃើញ Matt ដើរកម្សាន្តទាំងក្នុងនិងក្រៅប្រទេស ព្រមទាំងចំណាយពេលហាត់កីឡាជាច្រើនប្រភេទ ជាមួយមិត្តភក្តិរបស់នាង។ ​ថ្មីៗនេះផងដែរ តារាសម្ដែងរូបនេះទើបបង្ហោះវីដេអូនរាំ Cover ជាមួយមិត្តភក្តិក្នុងរង្វង់សិល្បៈម្នាក់ រហូតអាចទាក់ទាញទស្សនិកជនឱ្យចូលទស្សនារាប់ម៉ឺននាក់៕

ប្រែសម្រួល៖ សន្យា

ចុចអាន៖ ក្រោយបែកពី Matt គេសង្ស័យពោះម៉ាយ Songkran លួចទាក់ទងតារាស្រីវ័យក្មេងម្នាក់

ចុចអាន៖ តារាស្រី ៥រូប ត្រូវទស្សនិកជនពោលសរសើរលើការស្លៀកពាក់សមសួន

ចុចអាន៖ មុនទម្លាក់អាល់ប៊ុមទោល V បង្ហាញខ្លួនលើក្របទស្សនាវដ្ដី ៣​ ផ្សេងគ្នា ក្នុងពេលតែមួយ

The post Matt បង្អួតជីវិតរីករាយ ក្រោយបែកផ្លូវជាមួយពោះម៉ាយ ​Songkran appeared first on Kampuchea Thmey Daily.

យ៉ាងណាមិញ​ ដោយព័ត៌មាន​​របស់អ្នកទាំងពីរលេច​ឡើងលើ​បណ្ដាញ​សង្គម​ញឹកញាប់។ នៅទីបំផុត Matt Peeranee ទើបតែចេញមុខប្រកាសពីទំនាក់ទំនងរបស់នាងជាមួយតារាប្រុស​រួមទ្រនំ​ជាមួយ​គ្នា​ថា “អ្នក​រាល់​គ្នា​គ្រាន់​តែ​ជា​មិត្ត​ភក្តិ​និង​បងប្អូន​បង្កើត​ប៉ុណ្ណោះ។ ពេល​នេះ​ខ្ញុំ​មិន​ទាន់​ត្រៀម​ខ្លួន​មាន​ស្នេហា​ថ្មី​ទេ។ ផ្តោតលើពេលវេលា ក្នុងការធ្វើការងារ និងធ្វើឲ្យ​ជីវិតកាន់តែរីករាយ ខ្ញុំសូមសារភាពថា​ ខ្លាចខកចិត្តក្នុងស្នេហា ធ្វើឲ្យ​ខ្ញុំចង់នៅលីវឥឡូវនេះ”។

ទោះយ៉ាងណាក៏ដោយ ចំពោះអ្នកគាំទ្រ នៅតែទទូចចង់ឲ្យ Great Warintorn បង្កើតឱកាសនិងបង្កើតទំនាក់ទំនង ជាមួយ Matt ដោយសារតែឃើញគូនេះតែងបង្ហាញភាពស្និទ្ធស្នាលគ្នាខ្លាំង។ លើសពីនេះទៀតទំនាក់ទំនងរបស់អ្នកទាំងពីរកាន់តែបង្កើត​អាថ៌កំបាំងបើទោះបីជា​ Matt ចេញមុខនិយាយថានាងទុក Great ជាបងប្រុសម្នាក់ដែលតែងតែផ្តល់ដំបូន្មាន និងលើកទឹកចិត្តគ្រប់បញ្ហាក៏ដោយ។ ប៉ុន្តែទៅមុខទៀត មហាជនជាច្រើនមានតែរង់ចាំមើលភាគបន្តទៀតប៉ុណ្ណោះ៕

ប្រែសម្រួល៖ សាង ស្រីល័ក្ខ

ចុចអាន៖២ ឈុតរបស់ Mai Davika ក្នុងព្រឹត្តិការណ៍ Bulgari នៅកោះបាលី

The post ក្រោយត្រូវគេចាប់គូជាមួយ Great តារាសម្ដែង Matt ថា នាងខ្លាចខកចិត្តម្ដងទៀត appeared first on Kampuchea Thmey Daily.