ក្នុងរដូវកាលនេះក្រុម Chelsea នៅតែបន្ដធ្វើមិនបានល្អ ក្រោយប្រកួត៣២លើក ឈ្នះ១៣ ស្មើ៨លើក ចាញ់១១លើក​ មាន៤៧ពិន្ទុ និងឈរនៅលេខ៩។ ទោះបីបរាជ័យយ៉ាងធ្ងន់ធ្ងរកាលពីយប់មិញ ប៉ុន្តែលោក Pochettino គ្រូបង្វឹកក្រុម Chelsea នៅតែមិនបន្ទោសកូនក្រុមនិងដាក់សម្ពោធទេ។ បើមើលតាមស្ថិតិប្រកួតក្រុមម្ចាស់ផ្ទះ Arsenal ពិតជាធ្វើបានល្អ ក្រោយបង្កើតឱកាស​ស៊ុត​​២៧លើក ចំគោលដៅ១០លើក រកបាន៥គ្រាប់ ខណៈក្រុម Chelsea បង្កើតឱកាស​ស៊ុត​​ទី៧លើក ចំគោលដៅ១លើក ហើយមិនអាចរកគ្រាប់បាល់បានទេ។

លោក Pochettino បាននិយាយថា ៖«អាម៉ាស់ទេ? ពាក្យនេះវាអយុត្តិធម៌ក្នុងការពណ៌នាកីឡាកររបស់យើង។ ខ្ញុំនឹងមិន​បន្ទោសកីឡាករទេ។ យើងមិនអាចបន្ទោសលើកីឡករក្មេងៗដែលមកទីនេះ បន្ទាប់ពីមានស្ថានភាពលំបាក ហើយមកដើម្បីតទល់​នឹង​ក្រុម​កំពុងប្រយុទ្ធដើម្បីឈ្នះពានរង្វាន់ Premier League ទេ»។

មុនពេលជួបជាមួយក្រុម Arsenal នៅកីឡដ្ឋាន Emirates ២ប្រកួតចុងរបស់ក្រុម Chelsea ធ្វើបានយ៉ាងល្អ ក្នុងនោះពួកគេចាញ់ក្រុម Man City ក្នុងលទ្ធផល​យ៉ាងតានតឹង ១-០ ក្នុងការប្រកួតវគ្គពាក់កណ្ដាលផ្ដាច់ព្រ័ត្រពានរង្វាន់ FA Cup និងយកឈ្នះក្រុម Everton ៦-០ ក្នុងពានរង្វាន់ Premier League កាលពីអង្គារ៍។

លោក Pochettino បានបន្ថែមថា ៖«យើង​ធ្វើបាន​យ៉ាង​ល្អ​ពេលជួបជាមួយ Manchester City។ វា​ជា​ការ​ប្រកួត​ដ៏​អស្ចារ្យ​មួយ ប៉ុន្តែយើងធ្វើមិនល្អទេនៅ៣ថ្ងៃបន្ទាប់ទៀត នេះប្រហែលមកពីយើងមិនមានស្មារតីល្អគ្រប់គ្រាន់»៕

ប្រែសម្រួល៖ ផា រតនា

The post Pochettino មិនបន្ទោសកូនក្រុមក្រោយចាញ់ Arsenal ធ្ងន់ក appeared first on Kampuchea Thmey Daily.

លោក Mauricio Pochettino គ្រូបង្វឹកក្រុមChelsea បាននិយាយថា៖«ការយល់ឃើញគឺជារឿងមួយហើយក្រុម Chelsea គួរតែស្ថិតក្នុងចំណាត់ថ្នាក់ផ្សេង ប៉ុន្តែសម្រាប់កាលៈទេសៈផ្សេងគ្នា។ យើងមិននៅទីនោះទេ។ អ្វីដែលយើងអាចធ្វើបានសំខាន់បំផុតគឺមានអារម្មណ៍ថាមានទំនួលខុសត្រូវ។ ដូច្នេះការ​យល់​ពីអារម្មណ៏​អ្នក​គាំទ្រ​ពិត​ជា​សំខាន់។ យើង​ចង់​សុំទោសហើយមានអារម្មណ៍ថា ធ្វើខុស តែយើង​ត្រូវ​តស៊ូ​ទាំង​អស់​គ្នា។ បើ​យើង​ចង់​ទទួល​បាន​លទ្ធផល​ល្អ​ទៅ​ថ្ងៃ​អនាគត យើង​ត្រូវ​នៅ​ជាមួយ​គ្នា»។

ឆ្លងកាត់ការប្រកួតចំនួន២៣លើក Chelsea ឈ្នះ៩ ស្មើ៤ ចាញ់១០ រកបានតែ៣១ពិន្ទុប៉ុណ្ណោះ ហើយស្ថិតនៅចំណាត់ថ្នាក់លេខ១១ ក្នុងតារាងពិន្ទុ។ ទោះបីមានកំណែទម្រង់និងចំណាយលុយយ៉ាងច្រើនក្នុងការនាំយកកីឡាករថ្មីៗមករួមក្រុមក៏ដោយ ប៉ុន្តែក្លិបមួយនេះនៅតែធ្វើមិនបានល្អ ខណៈបច្ចុប្បន្នកៅអីរបស់គ្រូបង្វឹកក្រុមតោខៀវកំពុងឡើងកម្ដៅ។

លោក Mauricio Pochettino បានបន្ថែមថា ៖«ពួកយើងមិនស័ក្តិសម​ជាក្រុមមួយដែលល្អក្នុងប្រវត្តិរបស់ក្លិបទេ។ យើងត្រូវទទួលយកវា ហើយព្រមទទួលការរិះគន់ ប៉ុន្តែយើងមិនអាចបោះបង់បានទេ។ យើងត្រូវបន្តធ្វើការ ព្យាយាមផ្លាស់ប្តូរ ធ្វើការសម្រេចចិត្ត ព្យាយាមរកវិធីផ្សេង។ ប្រសិនបើវាមិនដំណើរការតាមរបៀបនេះ យើងត្រូវស្វែងរកដំណោះស្រាយផ្សេងទៀត»៕

ប្រែសម្រួល៖ ផា រតនា
ប្រភព៖ Skysports

The post Pochettino សុំទោសអ្នកគាំទ្រ Chelsea ក្រោយការដឹកនាំក្រុម​មិ​នបានល្អ appeared first on Kampuchea Thmey Daily.

ក្នុងការប្រកួត​ជើងទី២វគ្គពាក់កណ្ដាលផ្ដាច់ព្រ័ត្រពានរង្វាន់ League Cup ក្រុម Chelsea បានវាយបកយកឈ្នះក្រុម Middlesbrough វិញក្នុងលទ្ធផល ៦-១​ បន្ទាប់ពីជើងទី១ ចាញ់ Middlesbrough ដោយ​លទ្ធផល ១-០។ លោក Pochettino ហាក់មិនសូវ​រីក​រាយ​នឹង​ការ​ឡើងទៅដល់វគ្គផ្ដាច់ព្រ័ត្រ​នេះ​ទេ ដោយសារពានរង្វាន់នេះមិនមែន​ជា​គោល​ដៅ​ដែល​ក្លិបនិងលោចង់បាន​ឡើយ។

លោក Pochettino បាននិយាយថា៖«ការងារត្រូវបានបញ្ចប់ ឥឡូវ​ត្រូវគិតអំពីការឈ្នះវគ្គផ្តាច់ព្រ័ត្រ។ បើមើល​មួយជ្រុង​ទៀត ការឈ្នះពាននេះវាមិនសូវសំខាន់ដូច​ការ​ឈ្នះពាន Champions League ឬ​ Premier League​ ទេ។ យើងត្រូវចាប់ឈ្វែង​យល់ និងផ្តល់កិត្តិយសដល់ក្រុម។ វារឿងសំខាន់សម្រាប់ក្លិប​ក្នុងដំណើរការ​ដើម្បីកសាង​ក្រុមថ្មី»។

លោក Pochettino បាន​បន្ថែម​ថា ការឈានដល់វគ្គផ្តាច់ព្រ័ត្រជានេះ​ជា​លើកទឹកចិត្ត​​មួយ​ដល់​កីឡាករវ័យក្មេង​​ដែលភាគច្រើនមិនទាន់មានបទពិសោធលេងនៅវគ្គផ្តាច់ព្រ័ត្រ​ក្នុង​ការប្រកួត​សំខាន់​ៗ​។

បច្ចុប្បន្នក្រុម Chelsea នៅតែធ្វើមិនល្អ​​​ក្នុង​លីគ​ Premier League ដោយពួកគេកំពុងឈរ​លេខ៩ តាម​រយៈ​ការ​ប្រកួត២១លើក ឈ្នះ៩ ស្មើ៤ ចាញ់៨ មាន៣១ពិន្ទុ។ បើលទ្ធផល​នៅ​តែ​បន្តបែបនេះ ក្លិប​​អាច​នឹងប្រឈម​​អវត្តមាន​ពី​ពានរង្វាន់កំពូលទាំង៣​នៅ​អឺរ៉ុប ដូច​រដូវកាលមុន ហើយកៅអី​របស់​លោក Pochettino ក៏​កាន់​តែ​ក្តៅ៕

ប្រែសម្រួល៖ ផា រតនា
ប្រភព៖ BBC

The post Pochettino មិនសូវរីករាយ ក្រោយជួយ Chelsea ឡើងវគ្គផ្ដាច់ព្រ័ត្រ League Cup appeared first on Kampuchea Thmey Daily.

ក្នុងសន្នីសទីសារព័ត៌មានក្រោយបញ្ចប់ការប្រកួតលោក Mauricio Pochettino និយាយថា​​​​​​​៖«ខ្ញុំ​ត្រូវ​ការ​សុំទោសអាជ្ញាកណ្តាល​លោក Anthony និង​មន្ត្រី​ទី​​៤​ក្នុងទីលាន។ ពេលនោះ ខ្ញុំមានអារម្មណ៍ថា ប្រហែលជា Raheem Sterling អាចឆ្លងផុត ហើយអាចរកគ្រាប់ទី៥។ នៅពេលការប្រកួតបញ្ចប់ ខ្ញុំបានចូលទីលានហើយស្រែកថាដាក់អាជ្ញា​កណ្ដាលថា ស្អី….? អ្នកដឹងទេ តើមានអ្វីកើតឡើង? ហេតុ​អ្វី​បាន​ជាបញ្ចប់សកម្មភាពនេះនៅ​ក្នុង​ពេល​នេះទៅវិញ»។

លោក Pochettino បានបន្ថែមថា៖«ខ្ញុំសមនឹងទទួលបានការពិន័យនេះ ដោយសារ​ខ្ញុំបានឆ្លងកាត់ដែនកំណត់ ដូច្នេះខ្ញុំចង់សុំទោស ព្រោះវាមិនមែនជារូបភាពល្អសម្រាប់ខ្ញុំ និងវិស័យបាល់ទាត់ទេ ចំពោះអាកប្បកិរិយាបែបនេះ។ ខ្ញុំ​ក៏​ចង់​សុំទោសលោក​ Pep ផងដែរ ព្រោះ​ខ្ញុំ​មិន​បាន​ជួប​ និងចាប់ដៃគាត់នៅពេលនោះ»។

លោក Pep Guardiola គ្រូបង្វឹកក្លិប Manchester City បាននិយាយថា៖«វាគ្មានបញ្ហាទេ ហើយវាក៏មិនមែនជាបញ្ហាដែរ។ ខ្ញុំមិនចង់និយាយអ្វីច្រើនទេ។ រឿងទាំងអស់វាបានបញ្ចប់ហើយ។ ពេលខ្លះអារម្មណ៍បែបនេះក៏ធ្លាប់កើតឡើងចំពោះខ្ញុំដែរ ដូច្នេះវាមិនអីទេសម្រាប់ខ្ញុំ»។

លោក​ Pep បានបញ្ជាក់បែបនេះក្រោយពីមានអ្នកសារព័ត៌មាន​បាន​សួរ​លោក ក្រោយលោក Pochettino គ្រូបង្វឹក Chelsea មិនបាន​ចាប់ដៃគ្នាក្រោយ​ការប្រកួត៕

ប្រែសម្រួល៖ ផា រតនា
ប្រភព៖ Mirror

The post លោក Pochettino សុំទោសអាជ្ញាកណ្តាលនិង Guardiola ចំពោះកំហុសអចេតនា appeared first on Kampuchea Thmey Daily.

បន្ទាប់ពីការបណ្តេញលោក Solskjaer កាលពីព្រឹកថ្ងៃអាទិត្យ ពេលនេះ Man Utd កំពុងស្វែងរកអ្នកចាត់ការទីប្រាំ ចាប់តាំងពីលោក Ferguson ចូលនិវត្តន៍។

គ្រូបង្វឹកសញ្ជាតិន័រវេសរូបនេះ ត្រូវបានបញ្ចប់តួនាទី បន្ទាប់ពីបិសាចក្រហមចាញ់ Watford យ៉ាងអាម៉ាស់ក្នុងលទ្ធផល ៤-១។

លោក Ferguson នៅតែមានឥទ្ធិពលនៅ Old Trafford និងជាតួអង្គដ៏សំខាន់ក្នុងការនាំយកខ្សែប្រយុទ្ធ Cristiano Ronaldo ត្រឡប់មកវិញហើយបុរសញ្ជាតិស្កុតឡែនរូបនេះ កំពុងសម្លឹងឃើញអ្នកដែលមានសមត្ថភាពស្រោចស្រង់ Man Utd បាន។

ដោយសារតែបច្ចុប្បន្ន លោក Zinedine Zidane ត្រូវបានគេមើលឃើញថា នឹងចូលរួមជាមួយ PSG, នេះនឹងអនុញ្ញាតឲ្យអតីតគ្រូបង្វឹកក្លិបមាន់ខ្នាយមាស Tottenham លោក Pochettino អាចមកដឹកនាំ Man Utd បាន។

បុរសសញ្ជាតិអាហ្សង់ទីនរូបនេះ ​ស្ថិត​ក្នុង​បញ្ជី​ឈ្មោះ​អ្នកចាត់ការទាំង​ប្រាំ​ដែល​ស្ថិតនៅមុខព្រួញមកកាន់ទឹកដី Old Trafford ដែលក្នុងនោះ​រួម​មាន Ralf Rangnick, Erik ten Hag, Brendan Rodgers និង Zidane។

វីរបុរសរបស់បិសាចក្រហមបានសរសើរលោក Pochettino ជាសាធារណៈកាលពីខែមេសា ឆ្នាំ ២០១៦ ដោយប្រាប់អ្នកសារព័ត៌មានថា “អ្នកចាត់ការរូបនេះ ពិតជាអស្ចារ្យណាស់។ Spurs មានកំណត់ត្រាអ្នកចាត់ការមិនល្អ គ្មានអ្វីគួរឲ្យសង្ស័យទេអំពីរឿងនោះ ប៉ុន្តែក្មេងម្នាក់នេះមានភាពស្ងប់ស្ងាត់។ អ្នកមិនដែលឃើញគាត់ច្របូកច្របល់ទេ ហើយរបៀបលេងជាក្រុមរបស់គាត់គឺបង្ហាញពីការងារដែលគាត់កំពុងធ្វើ”៕

ប្រែសម្រួល៖ Vann Vann

ប្រភព៖ Daily Star

ចុចអាន៖ ទីបំផុត Man Utd បណ្ដេញលោក Solskjaer ចេញពីតំណែងហើយ

The post គ្រូតា Sir Alex ចង់បានម្នាក់នេះ មកដឹកនាំ Man Utd បន្ទាប់ពី Solskjaer appeared first on Kampuchea Thmey Daily.