សំណើរនេះ ត្រូវបានធ្វើឡើងបន្ទាប់ បានសង្កេតឃើញថានាពេលថ្មីៗនេះប្រព័ន្ធផ្សព្វផ្សាយមួយចំនួន ជាពិសេសអ្នកប្រើប្រាស់បណ្តាញសង្គមបានផលិត ផ្សព្វផ្សាយ និងចែកចាយព័ត៌មានពីព្រឹត្តិការណ៍ប្រឡងបវរកញ្ញា និងភាពតានតឹង រវាងក្រុមហ៊ុនទាំងពីរជាបន្តបន្ទាប់។

យោងសេចក្តីថ្លែងការណ៍រួមរបស់(ក.អ.ក) និង(ស.អ.ថ) ចុះថ្ងៃ ថ្ងៃទី១០ ខែតុលា ឆ្នាំ២០២៤ បាន​សម្តែងការព្រួយបារម្ភអំពីការបន្តផ្សព្វផ្សាយមួយចំនួនដែលអាចនឹងឈានដល់ជម្លោះកាន់តែធំ។

ក្នុងកិច្ចខិតខំប្រឹងប្រែងដើម្បីស្វែងរកដំណោះស្រាយ ថ្នាក់ដឹកនាំនៃ ក.អ.ក និង ស.អ.ថ បានបើកកិច្ចប្រជុំបន្ទាន់មួយតាមអនឡាញ នៅថ្ងៃទី១០ ខែតុលា ឆ្នាំ២០២៤ ដើម្បីផ្លាស់ប្តូរព័ត៌មានអំពីហេតុការណ៍ និងស្នើដល់ក្រុមហ៊ុនឯកជនទាំងពីរដោះស្រាយវិវាទរបស់ខ្លួនឱ្យបានលឿនតាមដែលអាចធ្វើទៅបានដើម្បីកុំឱ្យស្ថានការណ៍កាន់តែរីកធំ។

សេចក្តីថ្លែងការណ៍ដដែលសង្ឃឹមថា៖« វិវាទដែលកំពុងកើតមានរវាងក្រុមហ៊ុនឯកជនទាំងពីរនឹងត្រូវបានដោះស្រាយឱ្យបានលឿនតាមដែលអាចធ្វើទៅបានដើម្បីកាត់បន្ថយហានិភ័យនៃស្ថានភាពដែលមិននឹកស្មានដល់ដែលអាចជះឥទ្ធិពលអវិជ្ជមានដល់ទំនាក់ទំនងដ៏យូរអង្វែងរវាងប្រជាពលរដ្ឋ និងប្រទេសយើងទាំងពីរ»។

ជាមួយគ្នានេះ ក.អ.ក និង  ស.អ.ថ អំពាវនាវដល់ប្រព័ន្ធផ្សព្វផ្សាយនៅក្នុងប្រទេសទាំងពីរគួរមានការប្រុងប្រយ័ត្ន ហើយមិនគួរប្រើជម្លោះរវាងក្រុមហ៊ុនឯកជនទាំងពីរ ដើម្បីផលប្រយោជន៍ផ្ទាល់ខ្លួន ឬក្រុមហ៊ុនផ្សព្វផ្សាយរបស់ខ្លួនឡើយ។

តំណាងអ្នកកាសែតទាំងពីរ ក៏បានអំពាវនាវដល់អ្នកប្រើប្រាស់ប្រព័ន្ធផ្សព្វផ្សាយសង្គមនៅក្នុងប្រទេសទាំងពីរ មុនពេលចែករំលែកព័ត៌មានទាក់ទងនឹងជម្លោះខាងលើមេត្តាពិចារណាអំពីផលវិបាកដែលអាចកើតមានដោយសារតែការចែកចាយព័ត៌មាននោះ។

ការចេញសេចក្តីថ្លែងការណ៍រួមភ្ជាប់ជាមួយនឹងការអំពាវនាវនេះ បន្ទាប់ភាគីក្រុមហ៊ុនទាំងពីរខាងលើ ទោះបានសម្រេចចែកផ្លូវគ្នាដើររៀងខ្លួន ពោលបានផ្តាច់កុងត្រាទទួលសិទ្ធិក្នុងការផលិតកម្មវិធីបវរកញ្ញាក៏ដោយ ប៉ុន្តែម្ចាស់ក្រុមហ៊ុនទាំងពីរបានបន្តបង្ហោះសារឌឺដងឆ្លើយឆ្លើងទៅវិញទៅមកនៅលើបណ្តាញសង្គមនានា។ សកម្មភាពទាំងនេះ ត្រូវបានក្លិបអ្នក​កាសែតទាំងពីរខាងលើ សម្តែងការព្រួយបារម្ភដែលអាចឈានដល់ជម្លោះជាតិសាសន៍ ទើបស្នើឱ្យបញ្ចប់ជម្លោះឱ្យបានលឿន៕

The post ក្លិបអ្នកកាសែតកម្ពុជា-ថៃ ស្នើឱ្យ MGI និង MGC បញ្ចប់វិវាទឱ្យបានលឿន កុំឱ្យស្ថានការណ៍កាន់តែធំ   appeared first on Kampuchea Thmey Daily.

កញ្ញា ខ្លឹម ស្រីគា បាននិយាយថា ក្រោយបិទការ Live កាលពីយប់មិញហើយ ឮថា មានអ្នកចង់ទិញសិទ្ធិ Miss Grand 2025 មករៀបចំប្រកួតបន្តនៅកម្ពុជា ខ្លួនពិតជាមានអារម្មណ៍ខឹងខ្លាំងណាស់។ ជុំវិញរឿងរ៉ាវនេះ កញ្ញាថា បើមានមែននោះ ខ្លួននឹងចេញមកពន្លះឲ្យភ្លឺភ្នែកតែម្តង ព្រោះគេកំពុងមើលងាយមកលើប្រជាជនខ្មែរ។

ខ្លឹម ស្រីគា បានបញ្ជាក់ថា កញ្ញាមិនគាំទ្រឱ្យមានកម្មវិធី MGC នៅស្រុកខ្មែរទៀតទេ ក៏ព្រោះតែគេមេីលងាយកម្ពុជាណាស់​ ម៉្យាងកញ្ញាយល់ឃើញថា បេីទោះជាទៅប្រកួតទៀត ក៏នៅតែគេមិនឱ្យតម្លៃដែរ។

ដោយឡែក ជុំវិញរឿងរ៉ាវដែលលេចឮថា មានអ្នកចង់ទិញសិទ្ធិ Miss Grand 2025 អតីតបវរកញ្ញា MGC 2017 រូបនេះ បានសម្តែងការខឹងសម្បារជាខ្លាំង និងសង្កត់ធ្ងន់ថា បេីបុគ្គលនោះនៅតែមិនភ្លឺភ្នែកទៀត​ ខ្លួននឹង Live តិះដៀលតែម្តង។

យ៉ាងណាមិញ ខ្លឹម ស្រីគា ក៏បន្ថែមដែរថា “ទោះខ្ញុំក្រ​ ក៏មិនចង់បានលុយអ្នកឯង ៥០០០ដុល្លារ ហ្នឹងដែរ​ ព្រោះគេមិនមែនជាន់ឈ្លី​បុគ្គល​ តែគេជាន់ឈ្លីមួយប្រទេស” ។

គួរជម្រាបថាអ្នកស្រី អុឹម សុគន្ធា អ្នកគ្រប់គ្រងកម្មវិធី Miss Grand Cambodia 2024 ក៏បានប្រកាសប្តេជ្ញានឹងអះអាងថា អ្នកខ្លួននឹងធ្វើគ្រប់យ៉ាងដើម្បីបិទ Miss Grand មិនឲ្យមាននៅកម្ពុជានាឆ្នាំក្រោយៗបន្តទៀតឡើយ៕ អត្ថបទ៖ ចាន់រ៉ា

The post MGC 2017 ខ្លឹម ស្រីគា ប្រកាសឆន្ទ:មិនគាំទ្រឲ្យមានកម្មវិធី Miss Grand នៅកម្ពុជាទៀតទេ appeared first on Kampuchea Thmey Daily.

ការបេ្តជ្ញានេះ គឺស្របពេលដែលប៉ុន្មានថ្ងៃនេះ មានផ្ទុះនូវរឿងរ៉ាវដ៏ក្តៅគគុក បន្ទាប់ពីមើលឃើញនូវទង្វើរបស់អ្នកគ្រប់គ្រងកម្មវិធី Miss Grand International 2024 គឺលោក Nawat និងបវរកញ្ញាថៃនាង Lin Malin ដែលមិនឲ្យតម្លៃនិងមើលងាយប្រជាជនកម្ពុជា ថែមទាំងដកសិទ្ធិកម្ពុជាធ្វើជាម្ចាស់ផ្ទះ MGI 2024 ទៀតផង។

ក្នុងនាមជាកូនខ្មែរកញ្ញា ប៊ី សុធារី បានបង្ហាញឆន្ទ:រ បស់ខ្លួនថាខ្ញុំបានកើត និងរស់នៅលើទឹកដីមួយនេះក្រោមឈ្មោះថាជនជាតិខ្មែរប្រជាជនកម្ពុជា ខ្ញុំធំធាត់ឡើងជាមួយនឹងការអប់រំពីប្រទេសមួយនេះប្រទេសមួយនេះបានផ្ដល់ជីវិតចំណេះដឹង និងប្រាក់ចំណូលដល់ខ្ញុំនិងគ្រួសារខ្ញុំ ។

បវរកញ្ញា ប៊ី សុធារី បានបញ្ជាក់ទៀតថា ដូច្នេះហើយ ខ្លួនមានសិទ្ធិក្នុងការក្រោកឈរការពារប្រទេសមួយនេះ ការពារកន្លែងដែលនាងរស់នៅ ប្រទេសនាង គឺត្រូវតែទទួលបានភាពស្អាតស្អំមកវិញ។

សូមបញ្ជាក់ថា ក្រោយកើតមានរឿងរ៉ាវចម្រូវចម្រាស់ដកសិទ្ធិកម្ពុជាធ្វើជាម្ចាស់ផ្ទះ MGI 2024 កញ្ញា ប៊ី សុធារី ដែលជាបវរ កញ្ញាតំណាងកម្ពុជាក្នុងការដណ្តើមមកុដភ្លាមៗនោះបានប្រកាសផ្តាច់ខ្លួនពីការប្រកួតកម្មវិធីមួយនេះ៕ អត្ថបទ៖ ចាន់រ៉ា

The post ប៊ី សុធារី ប្តេជ្ញាទាមទារភាពស្អាតស្អំដើម្បីអ្នកគាំទ្រ និងពលរដ្ឋកម្ពុជា appeared first on Kampuchea Thmey Daily.

ទាក់ទងនឹងរឿងដែលកំពុងផ្ទុះក្លាយជាប្រធានដ៏ក្តៅនេះដែរ អ្នកនាង ទេព បូព្រឹក្ស ក៏បានបញ្ចេញទស្សន:ថា ក្នុងកាលៈទេសៈនេះ កុំបាច់ខ្វល់ពីមនុស្សដែលមើលឃើញតែពីប្រយោជន៍ និងបំបាក់មុខជាតិសាសន៍ខ្លួនឯង គប្បី ពួតដៃគ្នាជ្រោមជ្រែងគ្នាជាឈាមក្នុងសាច់ ជាមួយនឹងស្មារតីរួបរួម។

ជុំវិញរឿងរ៉ាវនៃការលើកឡើងនេះ គឺបន្ទាប់ពីលោក អុិន សុភិន អតីតអ្នករៀបចំកម្មវិធី Miss Grand បានទាក់ទងទៅកាន់លោក Nawat ស្របពេលដែលផ្ទុះរឿងចម្រូងចម្រាស់នៃការដកសិទ្ធិកម្ពុជា ជាម្ចាស់ផ្ទះរៀបចំកម្មវិធី MGI 2024 ។ តួយ៉ាង ក្នុងរឿងរ៉ាវនេះ លោក អុិន សុភិន បញ្ជាក់ដែរថា កាលដែលលោកទាក់ទងទៅលោក Nawat និងយកអាសារម្ចាស់ស្ថាប័នរូបនោះ គឺក្នុងនាមជាមិត្តភក្តិប៉ុណ្ណោះ និងមិនបានដឹងថា រឿងរ៉ាវសុីជម្រៅយ៉ាងណានោះទេ។

ចំណែករឿងនៃការទិញសិទ្ធិ Miss Grand លោក អុិន សុភិន បញ្ជាក់ថា “បើគាត់លក់ឲ្យខ្ញុំ ខ្ញុំមានសិទ្ធិទិញយក ព្រោះនេះជាសិទ្ធិរបស់ខ្ញុំ ប៉ុន្តែខ្ញុំក៏មិនបានទិញយកនោះដែរ“។

យ៉ាងណាមិញ ដើម្បីជម្រះមន្ទិលរបស់មហាជនជុំវិញរឿងរ៉ាវនេះ តាមរយៈសំណេរលើបណ្តាញទំនាក់ទំនងសង្គម នៅព្រឹកថ្ងៃនេះ លោក អុិន សុភិន បានបញ្ជាក់ជំហរថា ដាច់ខាតលោកមិនយក Miss Grand ចូលប្រទេសវិញឡើយ។ ក្នុងនោះ លោកលើកឡើងដែរថា តែអ្វីដែលលោកខ្លាច គឺND2023/2024 គេមកលួងទទួលយកវិញ ហើយបើសិនមានទទួលយកវិញ លោកស្នើរឱ្យប្រជាជនកម្ពុជា និងអ្នកគាំទ្រកាត់ក្ដីតាមការគួរ៕ អត្ថបទ៖ ចាន់រ៉ា

The post ទេព បូព្រឹក្ស ស្នើឲ្យខ្មែរគ្រប់រូបគួរពួតដៃជ្រោមជ្រែងគ្នាមានស្មារតីរួបរួម appeared first on Kampuchea Thmey Daily.

ទោះបីជាយ៉ាងណា ខណៈពេលដែលកម្មវិធីប្រឡងកញ្ញាឯកដ៏អស្ចារ្យនៃកម្ពុជាឆ្នាំ២០២៤ បាននិងកំពុងដំណើរការនេះដែរ ស្រាប់តែមានការបង្ហើបតម្លៃមកុដពីសំណាក់អ្នកគ្រប់គ្រងស្ថាប័ន Miss Grand Cambodia គឺអ្នកនាង អ៊ឹម សុគន្ធា បានឱ្យដឹងថា តម្លៃមកុដឆ្នាំនេះ អាចមានតម្លៃខ្ទង់ ១លានដុល្លារ សម្រាប់បំពាក់បេក្ខភាពដែលដណ្តើមបានជ័យជំនះឆ្នាំនេះ។

អ្នកនាង អ៊ឹម សុគន្ធា ដែលជាអ្នកគ្រប់គ្រងស្ថាប័ន Miss Grand Cambodia បានបង្ហោះនៅលើទំព័រហ្វេសប៊ុករបស់ខ្លួនដោយបង្ហាញខ្លឹមសារថា “Princess Alanka ប្រាប់ថាឆ្នាំនេះសុំមកុដ Miss Grand Cambodia 2024 មិនសូវថ្លៃប៉ុន្មានទេត្រឹមតែ 1M$”។ ដំណឹងនេះ បានធ្វើឱ្យអ្នកគាំទ្រមួយចំនួនបានបង្ហាញការអបអរសាទរចំពោះម្ចាស់ជ័យលាភីគ្រងមកុដ នៅឆ្នាំនេះ ផងដែរ។

ថ្វីត្បិតមានការបង្ហើបពីតម្លៃម្កុដដែលចំណាយខ្ទង់លានដុល្លារ បែបនេះក្តី ប៉ុន្តែគេនៅមិនទាន់ដឹងទេថាតើបេក្ខភាពរូបណា នឹងអាចមានសមត្ថភាព និងទេពកោសល្យដណ្តើមបានក្លាយជាម្ចាស់មកុដ Miss Grand Cambodia 2024 នៅឡើយទេ ដូច្នេះមានតែការរង់ចាំតាមដានលទ្ធផល នៃការប្រកួតផ្លូវការក្នុងវគ្គផ្តាច់ព្រ័ត្រនាពេលឆាប់ៗខាងមុខនេះ៕

អត្ថបទ ៖ ចាន់រ៉ា

The post អ្នកគ្រប់គ្រង MGC បង្ហើប មកុដឆ្នាំនេះ មានតម្លៃខ្ទង់ ១ លានដុល្លារ appeared first on Kampuchea Thmey Daily.