តារាខ្មែរទាំង ២ ដួងដែលតុបតែងខ្លួន​ដើម្បីចូលរួបផ្សព្វផ្សាយ និងអបអរខួបលើកទី២១ របាំព្រះរាជទ្រព្យ​ចុះ​បញ្ជី​បេតិកភណ្ឌ​វប្បធម៌អរូបី​នៃមនុស្សជាតិគឺ កញ្ញា កុយ អេនណា ដែល​ជាបវរកញ្ញាលំដាប់រងទី១ ក្នុងកម្មវិធី Miss Grand Cambodia 2023 និង​ សិល្បការិនី​ដ៏​ឆ្នើម(នាថការី)កញ្ញា សុគា គឹមលាង ហៅ កូនអាន់ ។

ជាមួយគ្នានេះ​ដែរ​តារា​ស្រីកញ្ញា សុគា គឹមលាង ក៏បានបង្ហោះ​វីដេអូ​ភ្ជាប់​ខ្លឹមសារ​បង្កប់​ន័យ​ដូច្នេះថា“ដែនដី ដ៏អាថ៌​កំបាំង​ពួក​ខ្មាំង​តែងតែចង់​លបប្រហារ យើងមើល​អ្នក​លួច​ចម្លង​ខំ​ប្រាប់​អ្នកផង​ថា​ខ្លួន​អស្ចារ្យ​លួច​ប៉ះ​សំណៅ​ដើម​កែង​ប៉ះចិញ្ចើម​យក​ឈាម​មក​ធ្វើអក្ខរា“។

ចំណែកកញ្ញា កុយ អេនណា ក៏បានបង្ហោះខ្លឹម​សារអបអរសាទរខួបលើក ទី២១ របាំព្រះរាជទ្រព្យ​ត្រូវបាន​ចុះក្នុងបញ្ជីបេតិកភណ្ឌវប្បធម៌អរូបីនៃមនុស្សជាតិ។

តាមរយៈ​សកម្មភាព​នេះ​សិល្បការិនី​ខ្មែរទាំង ២ ដួង​ទទួល​បានការកោតសរសើរពី​សំណាក់មហាជនជាច្រើន​ចំពោះការ​ចូលរួម​ផ្សព្វផ្សាយ និង​លើ​តម្កើន​នូវវប្បធម៌-អរិយធម៌ ទៅ​កាន់ពិភពលោកផងដែរ។ «របាំព្រះរាជទ្រព្យ» ត្រូវបាន​ចុះក្នុង​​បញ្ជីជា​សម្បត្តិ​បេតិកភណ្ឌវប្បធម៌​អរូបី​នៃមនុស្សជាតិ​នៅថ្ងៃទី០៧ ខែវិច្ឆិកា ឆ្នាំ២០០៣នៅទីក្រុងអ៉ីស្តង់ប៊ុល ប្រទេសតួកគី។

ប្រាកដណាស់របាំ​ព្រះ​រាជ​ទ្រព្យ​ (English: Royal B allet of Cambodia)ជារបាំ នៃ​ព្រះរាជាណាចក្រកម្ពុជាដែល​មាន​ភាពល្បីល្បាញ​ខាងប្រណិត​ភាព​នៃ​សំលៀកបំពាក់​នៃ​ការតុបតែង​កាយ​បំពាក់​គ្រឿង​មាស ប្រាក់​អម​ទៅដោយក្បាច់រាំ​ដែលមានភាពទន់ភ្លន់ស្រស់ស្អាតគួរជាទីគយគន់​ដែលមើលទៅហាក់ដូចជារបាំរបស់ពពួកទេវៈ ឬ ទេវតា (Devata) ដែលឈានទៅ​រកលំដាប់​ខ្ពស់​របស់​របាំ​ដែលយើង​អាចសន្មត់​បាន​ថាជា​ស្ដេចរបាំ​ ៕

អត្ថបទ៖ ចាន់រ៉ា

The post តារាស្រី ២ ដួង គ្រងឈុតដ៏អស្ចារ្យ អបអរខួបលើកទី ២១ របាំព្រះរាជទ្រព្យ ចុះបញ្ជីបេតិកភណ្ឌវប្បធម៌អរូបី appeared first on Kampuchea Thmey Daily.

កញ្ញា ខ្លឹម ស្រីគា បាន​បញ្ជាក់​ខ្លឹមសារ​ជាមួយ​ការ​ប្រកាស​ឆន្ទៈ​ថា នាង​សុំ​មិន​ពាក់ព័ន្ធ​រឿង​លោក(​អ៊ិន សុ​ភិន​) និយាយ​រឿង MGC ខណៈ​នាង​ឮ​ហើយ​ក៏​ហួសចិត្ត ក្រោយ​យក​ឈ្មោះ​នាង​ទៅ​ចូល​ពាក់ព័ន្ធ​ឲ្យ​គេ​ជេរ​នាង​ទាំង​មិន​បាន​ដឹងឮ​អ្វី​សូម្បី​បន្តិច។

អតីត​បវរកញ្ញា Miss Grand Cambodia 2017 កញ្ញា ខ្លឹម ស្រីគា បាន​និយាយ​ទៀត​ថា «ពូ​លេង តែ​ខ្ញុំ​មិន បាន​លេង​ជាមួយ ខ្ញុំ​មាន​ឈាមជ័រ​ខ្មែរ ក៏​មិន​ថោកទាប​ឲ្យ​គេ​ដៀល​ម្តង​ហើយ​មិន​ចេះ​ចាំ សូម្បីតែ​ឈ្មោះ MGC ក៏​ខ្ញុំ​ឈប់​ប្រើ​តាំងពី​ពេល​មាន​រឿង បើ​ខ្ញុំ​នៅ​គាំទ្រ​ឆ្កែ​សុទ្ធ»។

អតីត​បវរកញ្ញា Miss Grand Cambodia 2017 កាលពី​ថ្មីៗ កន្លងទៅ ធ្លាប់​បាន​ប្រកាស​ឆន្ទៈ​របស់​ខ្លួន​ថា នាង​មិន​គាំទ្រ​ឲ្យ​មាន​កម្មវិធី MGC នៅ​ក្នុង​ប្រទេស​កម្ពុជា​ទៀត​ទេ ខណៈ​អ្នកស្រី អ៊ឹម សុគន្ធា អ្នក​គ្រប់គ្រង​កម្មវិធី Miss Grand Cambodia 2024 ក៏បាន​ប្រកាស​ប្ដេជ្ញា និង​អះអាង​ថា អ្នកនាង​នឹង​ធ្វើ​គ្រប់ យ៉ាង ដើម្បី​បិទ Miss Grand មិន​ឲ្យ​មាន​នៅ​កម្ពុជា​នា​ឆ្នាំក្រោយៗ បន្ត​ទៀត​ឡើយ៕

អត្ថបទ ៖ ចាន់រ៉ា

The post ខ្លឹម ស្រីគា ចេញមុខបដិសេធន៍មិនពាក់ព័ន្ធទិញសិទ្ធិ Miss Grand 2025 ទេ appeared first on Kampuchea Thmey Daily.

រឿងចម្រូងចម្រាសរវាងស្ថាប័ន MGC និង MGI អំពីការដកសិទ្ធិធ្វើជាម្ចាស់ផ្ទះ និងការដកថយពីការប្រកួត Miss Grand International របស់បវរកញ្ញាកម្ពុជា ប៊ី សុធារី បានបង្កជាជម្លោះពាក្យសម្ដីជាច្រើនពីអ្នកលេងបណ្ដាញសង្គមថៃនិងខ្មែរ។ ក្នុងនោះក៏មានតារា បវរកញ្ញា និងប្រជាពលរដ្ឋជាច្រើនគាំទ្រពីសកម្មភាពរបស់ស្ថាប័ន MGC ក្រោយធ្វើការបកស្រាយតាមរយៈសន្និសីទកាសែតស្វែងរកខុសត្រូវនឹងសេចក្ដីពិតជូនប្រទេសជាតិ ខណៈលោក ណាវ៉ាត់ ប្រធាន MGI និងបវរកញ្ញាថៃ នាង Malin បានលើករឿងរ៉ាវមួយចំនួនដែលមិនមែនជាការពិតទម្លាក់កំហុសមកលើកម្ពុជា។

ទន្ទឹមនឹងជម្លោះរវាងថៃនិងខ្មែរលើវិស័យបវរកញ្ញាលើកនេះ ស្រាប់តែអតីត Miss Grand Cambodia ឆ្នាំ ២០២៣ កញ្ញា ភឹម ស្រីណូ ចេញមុខការពារ និងនិយាយចំៗបកទៅឲ្យបវរកញ្ញាថៃ និងស្ថាប័នMGIវិញភ្លាមៗ ដោយមិនក្រែងចិត្តខ្លួនក៏ធ្លាប់បានទៅប្រកួតលើឆាកមួយនេះ។ ការចេញមុខមករបស់ ស្រីណូ បានធ្វើឲ្យប្រជាជនកម្ពុជាសម្ដែងការគាំទ្រ និងពេញចិត្តចំពោះការឈឺឆ្អាលសម្រាប់ប្រទេសជាតិយ៉ាងដូច្នេះ ហើយអតីតបវរកញ្ញារូបនេះក៏ត្រូវបានអ្នកលេងបណ្ដាញសង្គមថៃវាយប្រហារដូចគ្នា ខណៈក៏មាននាង Patcharaporn Chantarapadit Miss Grand Thailand ២០២០ រិះគន់ទៅកាន់ ស្រីណូ វិញដូចគ្នា។ អតីត Miss Grand Thailand ២០២០ រូបនេះ បានបង្ហោះសារឌឺដងផ្លែផ្កាព្រមទាំងវាយប្រហារកញ្ញា ភឹម ស្រីណូ និងអ្នកលេងបណ្ដាញសង្គមខ្មែរចំៗមិនញញើតដៃថែមទៀតផង។

គួររំលឹកថាកាលពីយប់ថ្ងៃទី៧ ខែតុលា ឆ្នាំ ២០២៤ ខាងស្ថាប័ន Miss Grand International ចេញសេចក្ដីប្រកាសដកសិទ្ធិធ្វើជាម្ចាស់ផ្ទះពីកម្ពុជារួមគ្នាជាមួយថៃ ក្រោមហេតុផលមិនធ្វើតាមសង្ដ់ដាកម្មវិធី ហើយស្ថាប័ន Miss Grand Cambodia ក៏បានដកខ្លួនពីការប្រកួតភ្លាមៗដូចគ្នា ព្រមទាំងធ្វើសន្និសីទកាសែតបកស្រាយនៅពីក្រោយរឿងរ៉ាវទាំងអស់នោះផងដែរ៕

The post ភឹម ស្រីណូ ត្រូវអ្នកលេងបណ្ដាញសង្គមថៃតាមវាយប្រហារ ក្នុងនោះក៏មានបវរកញ្ញាថៃឆ្នាំ ២០២០ ផងដែរ appeared first on Kampuchea Thmey Daily.

លោករដ្ឋមន្ត្រីប្រតិភូអមនាយករដ្ឋមន្ត្រី អំពាវនាវដូច្នេះ បន្ទាប់ពីអ្នកសារព័ត៌មានបានចោទសួរនៅក្នុងសន្និសីទសារព័ត៌មានថា នៅក្នុងជំនួបរវាងនាយករដ្ឋមន្ត្រីកម្ពុជា និងថៃ តើមានបានលើករឿងរ៉ាវចម្រូងចម្រាសពាក់ព័ន្ធនឹង Miss Grand ដែលកំពុងកក្រើកបណ្តាញសង្គមដែរឬទេ?

ក្នុងសន្និសីទសារព័ត៌មាន លោក តាន់ ហ្សង់ហ្វ្រង់ស័រ បានអះអាងថា នៅក្នុងជំនួបទ្វេភាគីរវាងនាយករដ្ឋមន្ត្រីកម្ពុជា និងថៃ ​ក្រៅកិច្ចប្រជុំកំពូលអាស៊ានដែលឡាវធ្វើជាម្ចាស់ផ្ទះ ថ្នាក់ដឹកនាំកម្ពុជា និងថៃមិនបានជជែកពិភាក្សាអំពីករណីវិវាទរឿងMGI នេះឡើយ។ តាមលោករដ្ឋមន្ត្រីប្រតិភូ ថ្នាក់ដឹកនាំទាំងពីរមិនជជែកពិភាក្សាអំពីវិវាទនេះ តែមិនមែនមានន័យថា ថ្នាក់ដឹកនាំមិនដឹងពីរឿងជម្លោះក្រុមហ៊ុនឯកជន និងអ្នកគាំទ្រនេះឡើយ។

លោក តាន់ ហ្សង់ហ្វ្រង់ស័រ សង្កត់ធ្ងន់ដូច្នេះ៖ [ ខ្ញុំហ៊ានអះអាងនៅទីនេះថា ប្រមុខរដ្ឋាភិបាលទាំងពីរមិនបានយករឿងនេះមកជជែកនោះទេ តែមិនមែនបានន័យថាថ្នាក់ដឹកនាំទាំងពីរលោកមិនបានដឹងពីបញ្ហាដែលកំពុងផ្ទះនៅលើហ្វេសប៊ុកនោះទេ។ ]។

ស្របពេលដែលជម្លោះរឿងMGI កំពុងតែផ្ទុះលើបណ្ដាញសង្គម លោកមន្ត្រីជាន់ខ្ពស់ បានលើកឡើងថា បណ្ដាញសង្គមគឺជាទីកន្លែងដែលសង្គ្រាមពាក្យសម្ដីកើតឡើងលឿនរហ័សជាទីបំផុត។

លោករដ្ឋមន្ត្រីប្រតិភូអមនាយករដ្ឋមន្ត្រី បានអំពាវនាវឱ្យប្រើទឡ្ហីករណ៍ និងការពន្យល់បំភ្លឺបែបស្ងប់ស្ងាត់ ជាជាងការប្រើពាក្យសម្ដីអសុរស​ ជេរគ្នា នាំឱ្យរឿងរបស់ក្រុមហ៊ុនឯកជន នាំឱ្យបែកជាអូរហូរជាស្ទឹងយូរថ្ងៃតទៅទៀត បើភាគីណាមួយយករឿងជាតិនិយម មកជជែកកាន់តែជ្រៅ។

តាមលោក តាន់ ហ្សង់ហ្វ្រង់ស័រ ភាគីកម្ពុជា ថៃ ជៀសវាងការជេរគ្នាទៅវិញទៅមក ត្បិតប្រទេសទាំងពីរ ជាប្រទេសដែលមានភូមិផងរបងជាប់គ្នា ដែលត្រូវរួមរស់ជាមួយគ្នារហូតដល់ផែនដីរលាយ៕

The post រដ្ឋមន្ត្រីអមនាយករដ្ឋមន្ត្រី អំពាវនាវឱ្យឈប់ជេរគ្នារឿងMGI ជៀសវាងបែកអូរហូរជាស្ទឹង ទង្គិចដល់រឿងជាតិនិយម appeared first on Kampuchea Thmey Daily.

យ៉ាងមិញ ក្រឡេកមកចាប់អារម្មណ៍ទៅលើ កញ្ញា ប៊ី សុធារី វិញ នាងបានឆក់យកបេះដូងមហាជនខ្មែរ បន្ទាប់ពីនាងបញ្ចេញសម្លេងការពារមុខមាត់ជាតិ មិនទទួលយកការចោទប្រកាន់ខុសទំនងរបស់លោក Nawat នោះឡើយ។ មិនតែប៉ុណ្នោះ តារាស្រីរូបនេះ បានធ្វើឲ្យមហាជនកាន់តែពេញចិត្ត នៅក្នុងថ្ងៃធ្វើសន្និសីទកាសែតបកស្រាយអំពីមូលហេតុដែលនាំឲ្យមានវិវាទក្នុងកម្មវិធី ឈានដល់ថ្នាក់ កម្ពុជា មានការដកខ្លួនចេញ ផ្ដាច់កុងត្រាភ្លាមៗ។

តួយ៉ាង កញ្ញា ប៊ី សុធារី បានបោះចោលនូវតំណែងជាបវរកញ្ញា ទាំងមិនស្ដាយអីបន្ដិចសោះ ដែលធ្វើឲ្យអ្នកគាំទ្របង្ហាញការគោរពសរសើរនូវទឹកចិត្តលះបង់ដ៏ល្អមួយនេះ។ រូបនាងក៏បាននិយាយថា នាងនឹងបកទៅគាំទ្រសមិទ្ធផលកម្មវិធីដែលបង្កើតឡើងដោយស្នាដៃខ្មែរវិញម្ដង។

ងាកមកមើលអំពីប្រវត្តិនៃការប្រឡងវិញ បវរកញ្ញារូបនេះ ធ្លាប់ចូលរួមប្រកួតជាច្រើនកម្មវិធី មានធ្លាក់ខ្លះ មានជាប់ខ្លះ រហូតមកដល់តំណែងគ្រងមកុដ Miss Grand Cambodia 2024 នេះ។ កើតនៅក្នុងឆ្នាំ១៩៩៨ កញ្ញា ប៊ី សុធារី បានឈានជើងចូលវិស័យដើរម៉ូដនេះ តាំងពីអាយុ១៤ឆ្នាំមកម្ល៉េះ។

កាលពីឆ្នាំ២០១៤ នៅពេលអាយុ១៦ឆ្នាំ ជាមួយនឹងកម្ពស់ ១ម៉ែត្រ៦៣ សង់ទីម៉ែត្រ នាងបានដាក់ពាក្យប្រឡងដំបូងក្នុងកម្មវិធី Miss Southeast Asia 2014 ដែលនាងបានឈ្នះពានរង្វាន់ Miss Elegance និង Best Evening Gown។ បន្ទាប់មក នាងបានជាប់ចំណាត់ថ្នាក់ទី២ ក្នុងកម្មវិធី Super Model International 2015 ក្រោយមកនាងបានបន្ដដំណើរទៅប្រកួតនៅ កម្មវិធី Miss Cambodia 2016 ហើយក៏បានក្លាយជាម្ចាស់មកុដផងដែរ។

មហិច្ចតារបស់នារីម្នាក់នេះ មិនបញ្ចប់ត្រឹមនេះទេ កញ្ញា ប៊ី សុធារី ត្រូវបានគេជ្រើសឲ្យក្លាយជាបវរកញ្ញាតំណាងប្រទេសកម្ពុជា ក្នុងកម្មវិធី Miss Universe 2017 ហើយរូបនាងក៏ជា បវរកញ្ញាខ្មែរដំបូង ដែលបានចូលរួមប្រកួតនៅក្នុងកម្មវិធីលំដាប់ពិភពលោកមួយនេះ។

បន្ដមកដល់ឆ្នាំ ២០២៣ នារីម្នាក់ដែលមានបទពិសោធន៍ក្នុងការប្រឡងវិស័យបវរកញ្ញា ក៏បានឈ្នះតំណែងជា Miss Charm Cambodia 2023 ឈានទៅដល់ការប្រឡងលើឆាកអន្តរជាតិ ហើយក៏ជាឆ្នាំដំបូង ដែលធ្វើឲ្យកម្ពុជាទទួលបានពានរង្វាន់ Best National Costume ឈុតតំណាងជាតិស្អាតដាច់គេក្នុងចំណោម 38 ប្រទេសមកពីជុំវិញពិភពលោក។

កាត់មកដល់ឆ្នាំ២០២៤នេះ កញ្ញា ប៊ី សុធារី ក៏បានសម្រេចជោគជ័យមួយទៀត ក្នុងដំណើរជាបវរកញ្ញាតំណាងជាតិ Miss Grand Cambodia 2024 ដែលកម្ពុជានឹងធ្វើជាម្ចាស់ផ្ទះ។ ដោយឡែក អ្វីគ្រប់យ៉ាងផ្ទុយស្រឡះ ផ្ទុះរឿងចម្រូងចម្រាស់ដែលធ្វើឲ្យរូបនាងបោះបង់ចោលតំណែងនេះទាំងមិនស្ដាយក្រោយ។

បើទោះបីជាយ៉ាងណាក្ដី រូបនាងបាននិយាយថា គោលដៅរបស់ខ្លួន មិនមែនត្រឹមតែក្លាយជាម្ចាស់មកុដនោះទេ ប៉ុន្ដែគោលបំណងធំជាងគេនោះគឺ ចង់ឲ្យពិភពលោក ស្គាល់ប្រទេសកម្ពុជា នាងមិនបានធ្វើដើម្បីខ្លួនឯង គឺនាងធ្វើដើម្បីជាតិសាសន៍របស់នាង។

ក្រៅពីការងារជាអ្នកដើរម៉ូត រូបនាង ក៏មានទេពកោសល្យសិល្បៈជាច្រើនទៀត ដូចជា ការសម្ដែងជាដើម ដែលនាងបានប្រលោកទៅក្នុងវិស័យភាពយន្ដខ្មែរ ហើយនាងក៏ជាតារាសម្ដែងដ៏ឆ្នើមមួយរូបផងដែរ៕

The post ទម្រាំបានគ្រងមកុដ កញ្ញា ប៊ី សុធារី ឆ្លងកាត់ការប្រឡងបវរកញ្ញាសឹងតែគ្រប់កម្មវិធី ចុងក្រោយមានបញ្ហាទៀត appeared first on Kampuchea Thmey Daily.

មុខក្លាយជាអគ្គនាយិកា ក្រុមហ៊ុនគ្រឿងសម្អាង HK7 Co,Ltd អ្នកស្រី អុឹម សុគន្ធា ធ្លាប់ធ្វើជាតារាសម្ដែង តារាបង្ហាញម៉ូត និងជាពិធីការិនី អំឡុងឆ្នាំ២០០៧ ដែលពេលនោះអ្នកស្រីទទួលបានការគាំទ្រជាខ្លាំងពីបណ្ដាលអ្នកគាំទ្រដោយបូករួមជាមួយសម្រស់ដ៏ស្រស់ស្អាតនិងសមត្ថភាពរបស់អ្នកស្រី។ ទន្ទឹមនឹងសន្ទុះគាំទ្រពីទស្សនិកជន អ្នកស្រីក៏ត្រូវបានផលិតកម្មសាន់ដេ ចាប់ដៃគូសម្ដែងជាមួយលោក គង់ រ៉ាយុទ្ធ នៅក្នុងបទចម្រៀងជាច្រើនរហូតអ្នកទាំងពីរបង្កើតជាចំណងស្នេហារួចមកក៏ភ្ជាប់ពាក្យស្ងាត់ៗ។ នៅឆ្នាំ ២០១២ អ្នកស្រី អុឹម សុគន្ធា និង លោក គង់ រ៉ាយុទ្ធ បានសម្រេចចិត្តចូលរោងការ នៅថ្ងៃទី១២ ខែមករា ក្រោយទំនាក់ទំនងស្នេហាអស់រយៈពេលជាច្រើនឆ្នាំ ហើយអ្នកទាំងពីរក៏បានបន្សល់ទុកចំណងដៃកូនប្រុសម្នាក់ និងស្រីម្នាក់។

ក្រោយរៀបការចូលគ្រួសាររបស់ លោក គង់ រ៉ាយុទ្ធ អតីតតារាសម្ដែង ដែលត្រូវជាម្ចាស់ហាងលក់សម្លៀកបំពាក់ «រ៉ាយុទ្ធហ្វេសហ្សិន» និងជាអនុប្រធាននាយកដ្ឋាននគរបាលប្រឆាំងបទល្មើសសេដ្ឋកិច្ច អ្នកស្រី អុឹម សុគន្ធា ក៏បានក្លាយជាបងថ្លៃរបស់តារាចម្រៀងស្រីពីរនាក់ទៀត គឺអ្នកនាង ផាន់ ម៉ូនីកា និងអ្នកនាង អេនជី។

បន្ទាប់ពីបញ្ចប់ជីវិតសិល្បៈទាំងស្រុង អ្នកស្រីនិងសាមី បានចាប់ផ្ដើមប្រកបមុខជំនួញជាច្រើននៅក្នុងដៃហើយដោយការខិតខំតស៊ូបូករួមជាមួយសំណាងមកដល់ទៀតនោះ អាជីវកម្មរបបរកស៊ីកាន់តែរីកចម្រើនពីមួយថ្ងៃទៅមួយថ្ងៃ បានធ្វើឲ្យអ្នកស្រី អុឹម សុគន្ធា បង្កើតប្រេន HK7 ផ្ទុះទីផ្សារក្នុងវិស័យអនឡាញ។ នៅឆ្នាំ២០២៣ ក្រោយពីជោគជ័យលើវិស័យលក់ផលិតផលសម្រស់ អ្នកស្រី អុឹម សុគន្ធា ក៏បានទិញសិទ្ធិប្រកួតកម្មវិធី Miss Grand Cambodia ហើយបានជ្រើសយកកញ្ញា ភឹម ស្រីនោ ជាម្ចាស់មកុដតំណាងឲ្យកម្ពុជាជាឆ្នាំដំបូងទៅប្រកួតនៅឆាកអន្តរជាតិ ចំណែកឯនៅឆ្នាំនេះវិញកម្មវិធីក៏បានជ្រើសយកកញ្ញា ប៊ី សុធារី ជាម្ចាស់កមុដតំណាងឲ្យកម្ពុជា តែជាអកុសលខាងស្ថាប័ន Miss Grand International ដកសិទ្ធិធ្វើជាម្ចាស់ផ្ទះភ្លាមៗក្រោមហេតុផលគ្មានស្ដង់ដា ក្រោយកម្ពុជាក្លាយខ្លួនជាម្ចាស់ផ្ទះរួមគ្នាជាមួយប្រទេសថៃ។ មកដល់ពេលនេះ អ្នកស្រី អុឹម សុគន្ធា ក៏ដូចជាកញ្ញា ប៊ី សុធារី បានដកខ្លួនពីការប្រកួត នឹងធ្វើសន្និសីទកាសែតបកស្រាយជុំវិញរឿងរ៉ាវចម្រូងចម្រាសជាមួយ MGI រួចហើយ៕

The post តើ អ្នកស្រី អុឹម សុគន្ធា មានប្រវត្តិយ៉ាងណាមុនក្លាយជាម្ចាស់ Miss Grand Cambodia? appeared first on Kampuchea Thmey Daily.

បន្ទាប់ពីមានរឿងចម្រូងចម្រាសរវាងម្ចាស់ MGC និងMGI ពាក់ព័ន្ធជាមួយការធ្វើមិនតាមស្ដង់ដារបស់កម្មវិធីដែលបានគ្រោងទុក។ ទន្ទឹមនឹងនោះ ម្ចាស់ Miss Grand International លោក ណាវ៉ាត់ បានដកសិទ្ធិភ្លាមៗក្រោយមានរឿងទាំងអស់នោះកើតឡើង ដែលបង្កជា Drama រវាងប្រជាជនថៃនិងខ្មែរ។ លើសពីនោះ ក្រោយពីការដកសិទ្ធិធ្វើជាម្ចាស់ផ្ទះពីកម្ពុជា ម្ចាស់ MGI បាននាំបេក្ខភាពប្រលងទៅប្រទេសថៃភ្លាមៗ ហើយក៏បានបង្កើតជារឿងរ៉ាវជាច្រើននៅព្រលានយន្តហោះ ជាពិសេសបវរកញ្ញាថៃ Malin បានចោទប្រកាន់ប្រទេសកម្ពុជាថាគ្មានសុវត្ថិភាព និងផ្ដល់អាហារមិនល្អទៅកាន់បេក្ខភាពប្រលងកម្មវិធី Miss Grand International។ ម៉្យាងវិញទៀត តាមរយៈ Story របស់លោក ណាវ៉ាត់ បានដាក់រូបភាពរួមជាមួយវីដេអូ ក្រុមការងារ​យំឱបគ្នាជាមួយបវរកញ្ញាថៃ​ អមជាមួយខ្លឹមសារថា ពួកគេរងសម្ពាធតាំងពីវិនាទីដំបូងរហូតពេលចាកចេញមកប្រទេសថៃវិញ។

ក្រោយពីមាននរឿងទាំងអស់នេះ អ្នកស្រី អុឹម សុគន្ធា និងស្ថាប័នក៏បានរៀបចំសន្និសីទកាសែតបកស្រាយរាល់ការលើកឡើងរបស់លោក ណាវ៉ាត់​​​ ព្រមទាំងបវរកញ្ញាថៃ Malin ផងដែរ។ មុនពេលធ្វើសន្និសីទកាសែត កញ្ញា ពេជ្រ វត្តីសារ៉ាវឌ្ឍី ដែលជា Miss Grand Cambodia ២០២២ បានចេញសារសំឡេងថា នាងកំពុងរៀបចំត្រៀមព័ស្ដុតាង និងឯកសារដើម្បីធ្វើសន្និសីទកាសែត ប៉ុន្តែនាព្រឹកមិញនេះ គេមិនបានឃើញវត្តមានកញ្ញានោះឡើយ។ តែភ្លាមៗនោះនាងក៏បានចេញមកស្រាយថា នាងគ្រាន់តែជាអតីតបវរកញ្ញាកម្ពុជា និងជាលំដាប់រងទី៥ Miss Grand International ២០២២ បានត្រឹមរៀបចំគម្រោងនិងកិច្ចការងារផ្សេងសម្រាប់កម្ពុជាដែលធ្វើជាម្ចាស់ផ្ទះ អាចថាជា Team work តែប៉ុណ្ណោះ ណាមួយនាងមិនបាននៅក្នុងហេតុការណ៍នោះទេ។

បន្ថែមពីលើនោះ មានបវរកញ្ញា និងតារាខ្មែរជាច្រើនបានចេញមុខសម្ដែងការមិនពេញចិត្តចំពោះរឿងរ៉ាវទាំងអស់នេះ ព្រមទាំងមានបេក្ខភាព Miss Grand Cambodia ជាច្រើននាក់បានលុបឈ្មោះជា Miss Grand ចោល។ ភ្លាមៗរឿងចម្រូងចម្រាសកំពុងតែក្ដៅ ស្រាប់តែ គណនីស្ថាប័ន Instagram Miss Grand International បានចុច Unfollow គណនី Instagram កញ្ញា ពេជ្រ វត្តីសារ៉ាវឌ្ឍី តែនាងនៅមិនទាន់លុបតំណាងជា Miss Grand Cambodia ២០២២ និងជាលំដាប់រងទី៥ Miss Grand International ឆ្នាំ ២០២២ លើ Instagram​ ទេ៕

The post Miss Grand International បាន Unfollow គណនី Instagram ពេជ្រ វត្តីសារ៉ាវឌ្ឍី appeared first on Kampuchea Thmey Daily.

ម្ចាស់ Miss Grand Cambodia បានបញ្ជាក់ច្បាស់ៗក្នុងការធ្វើសន្និសីទកាសែតនៅព្រឹកនេះ ខ្លួនចំណាយលុយអស់ជិត ១០មុឺនដុល្លារគ្រាន់តែការរៀបចំធ្វើជាម្ចាស់ផ្ទះប៉ុន្មានថ្ងៃនេះ តែបែរជាស្ថាប័ន MGI ណាវ៉ាត់ ដកសិទ្ធិធ្វើជាម្ចាស់ផ្ទះភ្លាមៗពីកម្ពុជាក្រោមហេតុផល Unprofessional។

ការលើកឡើងនេះ ក្រោយមានរឿងរឿងចម្រូងចម្រាសជាមួយ MGI មិនគោរពតាមកិច្ចព្រមព្រៀងធ្វើជាម្ចាស់ផ្ទះ និងដកសិទ្ធិធ្វើជាម្ចាស់ផ្ទះហើយទៅធ្វើនៅប្រទេសថៃភ្លាមៗ ដោយមិនទុកមុខមាត់ឲ្យកម្ពុជា៕

The post ចាយជិត ១០មុឺនដុល្លារ គ្រាន់តែធ្វើជាម្ចាស់ផ្ទះ MGI ប៉ុន្មានថ្ងៃ appeared first on Kampuchea Thmey Daily.