តួយ៉ាង អ្នកតាមដានវិស័យបវរកញ្ញា និងស្រលាញ់គាំទ្រវិស័យនេះ រំពឹងថា បេក្ខភាពកូនកាត់អាមេរិក សុីដនី ម៉ារិទ្ធ នឹងក្លាយជាម្ចាស់មកុដថ្មី Miss Planet International 2025 ដោយសាររូបសម្រស់ សមត្ថភាពលេចធ្លោ និងភាពច្នៃប្រឌិតរបស់នាងលើវេទិកាអន្តរជាតិដែលបានបង្ហាញកន្លងមក។

ចំពោះដំណើរការនៃកម្មវិធី Miss Planet International លើកទី៥ គឺប្រព្រឹត្តធ្វើតាំងពីថ្ងៃទី០៥ ខែមីនា ឆ្នាំ២០២៦មក ដោយបេក្ខភាពបវរកញ្ញាទាំងអស់ បានទៅកាន់កន្លែងនានាក្នុងទីក្រុងភ្នំពេញ និងខេត្តសៀមរាបដើម្បីទស្សនកិច្ច និងថតរូបក្នុងឈុតប្រពៃណីខ្មែរលើទឹកដីអង្គផងដែរ។ ក្នុងសកម្មភាពមួយចំនួន ក៏មានការចូលរួមពីម្ចាស់មកុដឆ្នាំចាស់ MPI 2024 បវរកញ្ញា Mahra Lutfi ផងដែរ។

យ៉ាងណា ក្នុងដំណើរការនៃកម្មវិធីប្រកួតសម្រសនេះ អ្នកគាំទ្រវិស័យបវរកញ្ញានៅកម្ពុជា បានបង្ហាញការពេញចិត្តខ្លាំងចំពោះបេក្ខភាពបវរកញ្ញាកូនកាត់អាមេរិក សុីដនី ម៉ារិទ្ធ ពិសេសរូបសម្រស់របស់កញ្ញាក្នុងឈុតតំណាងជាតិដ៏ប្រណិត “ទេពអប្សរព្រះបុរមវិស្ណុលោក” ដែលឆ្លុះបញ្ចាំងឆ្លុះឱ្យឃើញនូវដួងព្រលឹងជាតិខ្មែរដ៏ល្អផូរផង់។

កម្មវិធី Miss Planet International គឺជាការប្រកួតសម្រស់អន្តរជាតិ ដែលផ្តោតលើការផ្សព្វផ្សាយការអភិរក្សបរិស្ថាន និងការអភិវឌ្ឍប្រកបដោយចីរភាពសម្រាប់ភពផែនដី។ កម្មវិធីនេះ ក៏ជាវេទិកាដ៏សំខាន់សម្រាប់បវរកញ្ញាពីប្រទេសនានា ក្នុងការបង្ហាញសមត្ថភាព សម្រស់ និងគម្រោងសង្គមនៅលើឆាកអន្តរជាតិ៕

The post បវរកញ្ញាភពផែនដី ២០២៥ ឈានដល់វគ្គផ្តាច់ព្រ័ត្រហើយ ខណៈគេរំពឹងថា សុីដនី ម៉ារិទ្ធ នឹងបានតំណែងម្ចាស់មកុដ appeared first on Kampuchea Thmey Daily.

គិតមកដល់ពេលនេះគឺមានរយៈពេល ៥ថ្ងៃហើយដែលកម្មវិធីប្រកួតសម្រស់អន្តរជាតិ Miss Planet International លើកទី៥ បានដំណើរការប្រកួតជាផ្លូវការ ដោយបេក្ខភាពបវរកញ្ញាតំណាងប្រទេសនីមួយៗជុំវិញពិភពលោក បានមកដល់កម្ពុជា និងចាប់ផ្ដើមចូលរួមប្រកួតតាំងពីថ្ងៃទី០៥ ខែមីនា ឆ្នាំ២០២៦ ។

ជាក់ស្តែងមកដល់ថ្ងៃទី១០ ខែមីនានេះ កម្មវិធី MPI ក៏បានរៀបចំឱ្យបេក្ខភាពបវរកញ្ញាទាំងអស់ទៅកាន់ខេត្តសៀមរាបដើម្បីបន្តដើរទស្សនកិច្ច និងថតរូបក្នុងឈុតប្រពៃណីខ្មែរ លើទឹកដីអង្គផងដែរ។ ដោយឡែក ចំពោះម្ចាស់មកុដឆ្នាំចាស់ MPI 2024 គឺកញ្ញា Mahra Lutfi ក៏ត្រូវអញ្ជើញមកកាន់កម្ពុជា ដើម្បីចូលរួមជាមួយបេក្ខភាពបវរកញ្ញាព្រមទាំងត្រៀមផ្ទេរមកុដក្នុងថ្ងៃផ្ដាច់ព្រ័ត្រ។

កញ្ញា Mahra Lutfi ម្ចាស់មកុដ MPI 2024 កាលពីប៉ុន្មានថ្ងៃមុនបានធ្វើឱ្យអ្នកគាំទ្រវិស័យបវរកញ្ញាកម្ពុជា ហាក់មានក្ដីបារម្ភថា នាងនឹងអាចខកខានក្នុការម កកាន់កម្ពុជាដើម្បីចូលរួមកម្មវិធីផ្ទេរមកុដ Miss Planet International 2024 ក្រោយទទួលដំណឹងថា ខាងប្រទេសអារ៉ាប់រួមបានប្រកាសផ្អាកដំណើរការព្រលានយន្តហោះជាបណ្ដោះអាសន្តដោយសារបញ្ហាសង្គ្រាម។

ទោះយ៉ាងណា នៅលើហ្វេសប៊ុកកម្មវីធី Miss Planet International ធ្លាប់បានប្រកាសជូនដំណឹងដែរថា Miss Planet International 2024 កញ្ញា Mahra Lutfi នឹងមិនមានវត្តមានចូលរួមក្នុងកម្មវិធី MPI ដើម្បីផ្ទេរមកុដឡើយដោយសារតែស្ថានភាពប្រទេសរបស់នាង។

ដោយឡែកមកដល់ពេលនេះ លើហ្វេសប៊ុកផេក Miss Planet International បានប្រកាសជាថ្មី ដោយបង្ហាញការស្វាគមន៍ចំពោះ កញ្ញា Mahra Lutfi ម្ចាស់មកុដ MPI 2024 ដែលនឹងចេញដំណើរមកកាន់កម្ពុជា ដើម្បីចូលរួមកម្មវិធី MPI ៕ ដោយ: ចាន់រ៉ា

The post ក្រោយលេចឭថាខកខាន! ទីបំផុត ម្ចាស់មកុដ Miss Planet 2024 នឹងធ្វើដំណើរមកកម្ពុជាដើម្បីផ្ទេរមកុដ appeared first on Kampuchea Thmey Daily.

ឆ្នាំ២០២៦នេះ គឺជាលើកទី៥ នៃដំណើរការកម្មវិធី Miss Planet International ជាកម្មវិធីប្រលងប្រជែងសម្រស់និងសមត្ថភាពបង្កើតឡើងដោយកូនខ្មែរ ខណៈកំពុងរៀបចំធ្វើលើទឹកដីកម្ពុជា។

តាមរយៈសារ អ្នកនាង សោម សារ៉ាពេជ្រ បានទទូចសាធារណជន ពិសេសអ្នកតាមដានវិស័យបវរកញ្ញា ដោយសុំឱ្យចំណាយថវិកាខ្លះ ដើម្បីទិញសំបុត្រចូលមើល Miss Planet International ថ្ងៃ១៣ និង ថ្ងៃ១៥ ឱ្យបានកុះករ។ អ្នកនាងបន្តថា យើងធ្លាប់ចំណាយលុយទៅទិញសំបុត្រគាំទ្រគេច្រើនហើយ បើចង់បានដូចគេ គួរគប្បីហ៊ានចំណាយទិញសំបុត្រចូលទស្សនាដែរ។

ការសំណូមពរនេះ អ្នកនាង សោម សារ៉ាពេជ្រ ផ្តោតទៅលើការទិញសំបុត្រចូលទស្សនការប្រកួតវគ្គបឋមនិងឈុតតំណាងជាតិ ព្រមទាំងវគ្គផ្តាច់ព្រ័ត្រកម្មវិធីបវរកញ្ញាភពផែនដី លើកទី៥។

ការប្រកួតវគ្គបឋម និងឈុតតំណាងជាតិ នឹងប្រព្រឹត្តទៅនៅថ្ងៃទី១៣ ខែមីនា និងវគ្គផ្តាច់ព្រ័ត្រនៅថ្ងៃទី១៥ ខែមីនាឆ្នាំ២០២៦។ ម្យ៉ាងទៀតកាលពីថ្ងៃទី០៥ និងទី ០៦កន្លងទៅនេះ បេក្ខភាពបវរកញ្ញាប្រមាណជាង៥០ ប្រទេសបានធ្វើដំណើរមកដល់ប្រទេសកម្ពុជា ខណៈការប្រកួតនឹងចាប់ផ្តើមពីថ្ងៃទី៧ ដល់ថ្ងៃទី១៦ ខែមីនា ឆ្នាំ២០២៦៕ ដោយ ៖ ចាន់រ៉ា

The post សោម សារ៉ាពេជ្រ ទទូចឱ្យទិញសំបុត្រគាំទ្រកម្មវិធីបវរកញ្ញាភពផែនដី លើកទី៥ ឱ្យផុសផុល ខណៈកម្ពុជាជាម្ចាស់ផ្ទះ appeared first on Kampuchea Thmey Daily.

ស្របពេលនេះដែរគេឃើញមានមហាជនអ្នកគាំទ្រកម្ពុជាបង្ហាញការសប្បាយចិត្ដដែលពួកគាត់បានមកដល់ប្រទេសរបស់យេីងហេីយយេីងទទួលស្វាគមន៍ពួកគាត់យ៉ាងមានភាពកក់ក្ដៅបំផុត ខណ:បេក្ខភាព Miss Planet International ទាំងនោះសម្តែងអារម្មណ៍រំភើបនិងសប្បាយចិត្តផងដែរ។

ប្រាកដណាស់សម្រាប់កម្មវិធីអន្តរជាតិ Miss Planet International ឆ្នាំនេះ បានចាប់ផ្ដើមដំណើរការចូលកងប្រកួតចាប់ពីថ្ងៃទី០៥ ដល់ទី ១៦ ខែមីនា ឆ្នាំ២០២៦ លើទឹកដីកម្ពុជា ខណ:បេក្ខភាពបវរកញ្ញាតំនណាងប្រទេសនីមួយៗជាច្រើនប្រទេសជុំវិញពិភពលោកបានមកដល់ទឹកដីកម្ពុជាហើយ។

ដោយឡែក ងាកមើលបវរកញ្ញាកម្ពុជាកញ្ញាស៊ីដនី ម៉ារិទ្ធ វិញ ពេលនេះដែរ ក៏បានរៀបចំខ្លួនរួចជាស្រេចដើម្បីចូលរួមការប្រកួតកម្មវិធី MPI ជាមួយបេក្ខភាពបវរកញ្ញាមកពីប្រទេសដទៃទៀត ដែលបានធ្វើដំណើរមកដល់ទឹកដីកម្ពុជាដើម្បីចូលរួមប្រកួតផងដែរ៕ ដោយ: ចាន់រ៉ា

The post បេក្ខភាពបវរកញ្ញា Miss Planet International បានមកដល់កម្ពុជាហើយ ដេីម្បីត្រៀមប្រកួត appeared first on Kampuchea Thmey Daily.

បើទោះបីមិនទទួលជ័យជម្នះ តែ ខន សុវណ្ណសូនីតា បានឆក់យកបេះដូងមហាជន ដោយសារតែការខិតខំប្រឹងប្រែងរបស់ខ្លួន។ ខណៈសាធារណជនដែលជាអ្នកតាមដានវិស័យបវរកញ្ញា សុទ្ធតែជ្រាបហើយថា ការចូលរួមប្រកួតរបស់បវរកញ្ញាតំណាងកម្ពុជារូបនេះ គឺជាការជំនួសកញ្ញា ម្ចាស់មកុដ MPC ដេត ស្រីនាឌ ដែលពហិការមិនចូលរួម ហើយតម្រូវឱ្យលំដាប់រងទី១ ត្រូវជំនួសភ្លាមៗ ដោយបានត្រៀមខ្លួនមុនការប្រកួតត្រឹមប៉ុន្មានម៉ោងប៉ុណ្ណោះ។

ដោយហេតុនេះ មហាជនបានបញ្ចេញកោតសរសើរចំពោះ ខន សុវណ្ណសូនីតា ដែលខំប្រឹងអស់ពីសមត្ថភាព ក្នុងនាមជាម្ចាស់ផ្ទះនៃកម្មវិធី ដោយមានមតិភាគច្រើនលើកឡើងថា ទោះនាងមានពេលខ្លីបំផុត មិនបានសូម្បីតែដើរសមឆាក តែការបង្ហាញរបស់បវរកញ្ញារូបនេះនៅលើឆាកប្រកួត ពិតជាធ្វើបានល្អគួរឱ្យសរសើរ។

គួរឱ្យដឹងដែរថា ក្នុងការប្រកួតផ្តាច់ព្រ័ត្រ្ត Miss Planet International 2024 ម្ចាស់មកុដ បានទៅលើបវរកញ្ញាប្រទេសអារ៉ាប់រួម ខណៈលំដាប់រងទី ១ បានទៅលើបវរកញ្ញាលុចសំបួ, លំដាប់រងទី២ បានទៅលើបវរកញ្ញាថៃ, លំដាប់រងទី៣ បានទៅលើបវរកញ្ញាអ៊ុយក្រែន, លំដាប់រងទី៤ បានទៅលើបវរកញ្ញាហ្វីលីពីន; លំដាប់រងទី៥ បានទៅលើបវរកញ្ញាសហរដ្ឋអាមេរិក និងលំដាប់រងទី៦ បានទៅលើបវរកញ្ញាស៊ុយអែត។ ក្រៅពីនេះ នៅមានបវរកញ្ញាឥណ្ឌូនេស៊ី ដែលយកបានតំណែងគ្រងមកុដ Miss Planet Angel International 2024 ផងដែរ៕

The post មហាជនស្ញប់ស្ញែងសមត្ថភាព ខន សុវណ្ណសូនីតា ទោះត្រៀមខ្លួនត្រឹមប៉ុន្មានម៉ោងមុនប្រកួត តែធ្វើបានល្អ appeared first on Kampuchea Thmey Daily.

បើតាមការជូនដំណឹងរបស់អ្នកគ្រប់គ្រងកម្មវិធី Miss Planet Cambodia បញ្ជាក់ថា មូលហេតុដែលកញ្ញា ដេត ស្រីនាឌ មិនចូលរួមនៅវគ្គផ្តាច់ព្រ័ត្រនេះ ក៏ព្រោះតែមានបញ្ហាសុខភាព សម្រាកនៅមន្ទីពេទ្យមិនអាចចូលរួមប្រកួតបាន។

យ៉ាងណាមិញ ទោះបីជាមានការបញ្ជាក់ពីមូលហេតុនៃការមិនចូលរួមរបស់បវរកញ្ញា ដេត ស្រីនាឌ ក៏មហាជននៅតែមានចម្ងល់ថា ប្រសិនបើមានបញ្ហាសុខភាព ហេតុអ្វីប្រកាសថា ពហិការមិនចូលរួមទៅវិញ ដែលន័យនេះហាក់ផ្ទុយស្រឡះពីមូលហេតុពិតប្រាកដ។

គួររំលឹកថា កញ្ញា ដេត ស្រីនាឌ ជាម្ចាស់មកុដ Miss Grand Cambodia 2019 តែកាលណោះ បានខកឱកាសតំណាងកម្ពុជា ចេញទៅប្រកួតលើឆាកអន្តរជាតិ (នៅប្រទេសវេណេហ៊្សូអេឡា) ដោយសារតែអ្នកគ្រប់គ្រងរបស់បវរកញ្ញារូបនេះ បារម្ភពីសុវត្ថិភាព ខណៈគ្រានោះ ប្រទេសដែលរៀបចំកម្មវិធីប្រកួត កំពុងមានបញ្ហាអសន្តិសុខ។

ដោយឡែក ក្រោយបាត់មុខប្រមាណជា ៥ឆ្នាំ បវរកញ្ញារូបស្រស់នេះ បានវិលមកប្រឡូកវិស័យបវរកញ្ញាជាថ្មី ក្នុងកម្មវិធី Miss Planet Cambodia 2024 ដោយទទួលបានស្វាគមន៍ និងគាំទ្រច្រើនផងដែរពីសាធារណជន។ ប៉ុន្តែនៅពេលដែលថ្ងៃប្រកួតផ្តាច់ព្រ័ត្រ Miss Planet lnternational 2024 កាន់តែកៀកមកដល់ បវរកញ្ញារូបនេះ បែរជាប្រកាសមិនចូលរួមជាថ្មីម្តងទៀត និងមិនបានបញ្ចាក់មូលហេតុពិតប្រាកដនោះឡើយ។ ឯការសម្រេចចិត្តរបស់បវរកញ្ញារូបនេះ បានធ្វើឱ្យសាធារណជន ពិសេសអ្នកគាំទ្ររូបនាង សម្តែងការមិនពេញចិត្តជាខ្លាំង៕

The post លំដាប់រងទី១ ខន សុវណ្ណសុនីតា ជាអ្នកតំណាងកម្ពុជា បន្តប្រកួត Miss Planet lnternational ជំនួស ដេត ស្រីនាឌ appeared first on Kampuchea Thmey Daily.

តាមរយៈគណនីហ្វេសប៊ុកផ្ទាល់ខ្លួន បវរកញ្ញារូបនេះ បានរៀបរាប់ថា “ជម្រាបសួរប្រជាជនកម្ពុជា នាងខ្ញុំ ដេត ស្រីនាឌ ជា​បវរកញ្ញា​ភព​ផែន​ដី​ប្រចាំប្រទេសកម្ពុជា​ Miss Planet Cambodia 2024 បានសម្រេចចិត្តថា ធ្វើពហិការ មិនចូលរួមប្រគួត Miss Planet lnternational 2024 នេះបន្តទៀតទេ នៅ​ថ្ងៃ​ទី​ ២៧ ខែ​វិច្ឆិកា​ ឆ្នាំ២០២៤ នាងខ្ញុំសូមអរគុណដល់ ពុកម៉ែ បង ប្អូន លោកយាយ លោកតា ជាទីស្រលាញ់ទាំងអស់ ដែលតែងតែគាំទ្រ និងផ្ដល់នូវកម្លាំងចិត្តមកឱ្យរូបនាងខ្ញុំ តាំងពីដើមរហូតមកដល់ចំណុចមួយនេះ នាងខ្ញុំសូម​គោរព​អរគុណប្រជាជនកម្ពុជា” ។

គួររំលឹកថា កញ្ញា ដេត ស្រីនាឌ ជាម្ចាស់មកុដ Miss Grand Cambodia 2019 តែកាលណោះ បានខកឱកាសតំណាងកម្ពុជា ចេញទៅប្រកួតលើឆាកអន្តរជាតិ (នៅប្រទេសវេណេហ៊្សូអេឡា) ដោយសារតែអ្នកគ្រប់គ្រងរបស់បវរកញ្ញារូបនេះ បារម្ភពីសុវត្ថិភាព ខណៈគ្រានោះ ប្រទេសដែលរៀបចំកម្មវិធីប្រកួត កំពុងមានបញ្ហាអសន្តិសុខ។

ក្រោយបាត់មុខប្រមាណជា ៥ឆ្នាំ បវរកញ្ញារូបស្រស់នេះ បានវិលមកប្រឡូកវិស័យបវរកញ្ញាជាថ្មី ក្នុងកម្មវិធី Miss Planet Cambodia 2024 ដោយទទួលបានស្វាគមន៍ និងគាំទ្រច្រើនផងដែរពីសាធារណជន។ ប៉ុន្តែនៅពេលដែល ថ្ងៃប្រកួត Miss Planet lnternational 2024 កាន់តែកៀកមកដល់ Miss Planet Cambodia រូបនេះ បែរជាប្រកាស ធ្វើពហិការមិនចូលរួម ខណៈជុំវិញនៃការសម្រេចចិត្តនេះ នាងក៏មិនបានបញ្ជាក់លម្អិតពីមូលហេតុនៃការធ្វើពហិការមិនចូលរួមនោះឡើយ។

ជាមួយនឹងការសម្រេចចិត្តរបស់បវរកញ្ញារូបនេះ មិនត្រឹមតែធ្វើឱ្យសាធារណជន ពិសេសអ្នកគាំទ្រនាងមិនពេញចិត្តនោះទេ ក៏បានធ្វើឱ្យអ្នកជំនួញផលិតផលសម្រស់ល្បីឈ្មោះម្នាក់ ដែលគេស្គាល់ថា ម៉ែរួយ សម្តែងការខកចិត្តផងដែរ ដោយសរសេរថា “ឯណាទៅមុខមាត់ប្រទេស ខកចិត្តជាខ្លាំង ថ្ងៃចុងក្រោយហេតុអីបានមិនស៊ូរដើម្បីប្រទេសជាតិ”។

យ៉ាងណាមិញ ក្រោយការប្រកាសដកខ្លួនមិនបន្តការប្រកួតកម្មវិធី Miss Planet International របស់បវរកញ្ញារូបនេះ ជាង ១ម៉ោង ក៏លេចឮដំណឹងថា រកឃើញអ្នកជំនួសនាង ដើម្បីបន្តការប្រកួតរួចហើយ ប៉ុន្តែមិនមានការអះអាងពីវត្តមានជាក់លាក់របស់បវរកញ្ញាជំនួសរូបនោះឡើយ៕

The post ដេត ស្រីនាឌ រងការរិះគន់ ក្រោយប្រកាសធ្វើពហិការ មិនចូលរួម Miss Planet lnternational 2024 appeared first on Kampuchea Thmey Daily.

នៅខែវិច្ឆិកាខាងមុននេះ ប្រទេសកម្ពុជានឹងធ្វើជាម្ចាស់ផ្ទះ Miss Planet International ម្ដងទៀត ដែលត្រៀមទទួលបេក្ខភាពមកពីជាង 70 ប្រទេស ដើម្បីប្រកួតយកមកុដ។ មិនត្រឹមតែជាបវរកញ្ញាតំណាងប្រទេសប៉ុណ្ណោះ បេក្ខនារីស្រស់ស្អាតទាំង 10 នេះ ក៏មានអ្នកតាមដាននៅលើគណនី Instagram យ៉ាងច្រើនគួរឲ្យកត់សំគាល់។

តស់! មកស្គាល់បេក្ខនារីតំណាងប្រទេសទាំង១០ដែលមានអ្នក Follower ច្រើនជាងគេនៅលើគណនី Instagram

1. ប្រទេស UAE (United Arab Emirates) កញ្ញា Mahra Lutfi មានអ្នក Followers ចំនួន 9.9M

2. ប្រទេស Moldova កញ្ញា Daria Ko មានអ្នក Followers ចំនួន 441K

3. ប្រទេស Morocco កញ្ញា Souhaila Abdou Jager មានអ្នក Followers ចំនួន 324K

4. ប្រទេស Paraguay កញ្ញា Michelle Chase មានអ្នក Followers ចំនួន 139K

5. ប្រទេស Cambodia កញ្ញា ដេត ស្រីនាត មានអ្នក Followers ចំនួន 127K

6. ប្រទេស Italy កញ្ញា Katarine R. Giuberti មានអ្នក Followers ចំនួន 110K

7. ប្រទេស Tunisia កញ្ញា Juiliee មានអ្នក Followers ចំនួន 65.4K

8. ប្រទេស Thailand កញ្ញា Dinsorsee-Panida Kernjinda មានអ្នក Followers ចំនួន 50.7K

9. ប្រទេស Singapore កញ្ញា Jesseca Long មានអ្នក Followers ចំនួន 50.7K

10. ប្រទេស Canada កញ្ញា Eleonora Abakumova មានអ្នក Followers ចំនួន 46.2K

គួររំលឹកថា នេះជាលើកទី៤ សម្រាប់កម្ពុជាធ្វើជាម្ចាស់ផ្ទះក្នុងការរៀបចំកម្មវិធី Miss Planet International តាំងពីឆ្នាំ ២០១៩ រហូតមកដល់ឆ្នាំ ២០២៤ ហើយកម្មវិធីនឹងប្រារព្ធឡើងនៅថ្ងៃទី១៩ ដល់ថ្ងៃទី ២៤ ខែវិច្ឆិកានាពេលខាងមុខ៕

The post បេក្ខនារីមានឥទ្ធិពលលើ Instagram ទាំង ១០ របស់ MPI ដែលមានអ្នក Follower ច្រើន appeared first on Kampuchea Thmey Daily.