Miss Wisdom Archives - Kampuchea Thmey Daily

ជិន នារីរ័ត្ន ស្នើកូនខ្មែរទាំងអស់គួរសិក្សាស្វែងយល់ពីវប្បធម៌ អរិយធម៌ខ្លួនឯងឲ្យបានច្រើន

Din Thary — Fri, 10 Nov 2023 09:02:22 +0000

បន្ទាប់ពីផ្ទុះការវែកញែកពាក់ព័ន្ធវីដេអូនៃការសម្តែង”របាំព្រះរាជទ្រព្យ” ដែលសម្តែងដោយសិល្ប: ការិនីដ៏ឆ្នើម Kon Ant ស្រាប់តែបវរកញ្ញាលំដាប់រងទី២ នៃកម្មវិធីប្រកួតបវរកញ្ញាឆ្លាតវៃ ឬ Miss Wisdom 2021 កញ្ញា ជិន នារីរ័ត្ន បានចេញមុខស្នើដល់កូនខ្មែរទាំងអស់គួរសិក្សាស្វែងយល់អំពីវប្បធម៌ អរិយធម៌ ខ្លួនឯងឲ្យបានច្រើន។

នៅលើទំព័រហ្វេសប៊ុកអតីតបវរកញ្ញាវ័យក្មេងកញ្ញា ជិន នារីរ័ត្នបានធ្វើការបន្តចែករំលែករូបភាពដោយភ្ជាប់ខ្លឹមសារដូច្នេះថា សូមការអធ្យាស្រ័យទុកជាមុនបើសិនជានាងខ្ញុំនិយាយលើសលួសត្រង់ប្រការណាមួយហើយក៏ជាលើកទីមួយ ដែលនាងខ្ញុំស៊ែដែលទាក់ទងទៅនឹងខមមិនបែបអញ្ចឹង តាមពិតទៅអ្វីដែលនាងខ្ញុំចង់និយាយ គឺចង់ឲ្យកូនខ្មែរទាំងអស់គួរតែសិក្សាស្វែងយល់ អំពីវប្បធម៌ អរិយធម៌ ខ្លួនឯងឲ្យបានច្រើន ។

កញ្ញា ជិន នារីរ័ត្ន បាននិយាយបន្តថា ហើយក៏ដូចជាការលើកឡើងរបស់ពួកគាត់ទាក់ទងនឹងការរាំ របាំនេះអញ្ចឹង នាងខ្ញុំឃើញកូនខ្មែរមួយចំនួនពុំ ទាន់មានការបែងចែកច្បាស់លាស់ថាអ្វីទៅ ជាសំលៀកបំពាក់ខ្មែរ ម៉ូតសក់ខ្មែរក៏ដូចជារបាំរបស់ជាតិយើងផងដែរ(នាង ខ្ញុំលើកឡើងមិនមែនជាអ្នកចេះដឹង ឬក៏ដឹងច្រើននោះទេ តែចង់សូមសំណូមពរឲ្យកូនខ្មែរទាំងអស់គួរតែស្វែងយល់ឲ្យបានច្រើនថា មួយណាជារបស់យើង ហើយមួយណាជារបស់អ្នកជិតខាង។

បវរកញ្ញាលំដាប់រងទី២កម្មវិធីប្រកួតបវរកញ្ញាឆ្លាតវៃ (Miss Wisdo m2021)កញ្ញា ជិន នារីរ័ត្ន បញ្ជាក់បន្ថែមទៀតថា «កុំយករបស់ខ្លួនឯងហើយច្រំថាជារបស់អ្នកដ៏ទៃ ដល់ពេលបាត់បង់ទើបភ្ញាក់ខ្លួនប្រយ័ត្នស្តាយក្រោយ»។ ចំណែកនៅលើទំព័រហ្វេសប៊ុកឈ្មោះ Kon Ant បានលើកឡើងដែរថាកិច្ចការពារបេតិកភណ្ឌ វប្បធម៌ ជាភារកិច្ចរបស់កូនខ្មែរគ្រប់រូប៕

អត្ថបទ៖ ចាន់រ៉ា

The post ជិន នារីរ័ត្ន ស្នើកូនខ្មែរទាំងអស់គួរសិក្សាស្វែងយល់ពីវប្បធម៌ អរិយធម៌ខ្លួនឯងឲ្យបានច្រើន appeared first on Kampuchea Thmey Daily.

Miss Wisdom 2021 ប្រកាសតស៊ូរហូតដល់អាចឈរលើឆាកអន្តជាតិបង្ហាញឱ្យគេដឹងថា ខ្មែរអស្ចារ្យ

Sorn Phanith — Tue, 02 Aug 2022 08:11:59 +0000

កញ្ញា ហុក សារិតុលា ដែលជាម្ចាស់មកុដ Miss Wisdom ឆ្នាំ ២០២១ កន្លងមកបានធ្វើឲ្យអ្នកគាំទ្រ និងទស្សនិកជននាំគ្នាលើកសរសើរមិនដាច់ពីមាត់នូវរូបសម្រស់ដ៏ទាក់ទាញបូករួម និងទេពកោសល្យសមត្ថភាពរបស់នាងថែមទៀត។

បវរកញ្ញា ហុក សារិតុលា ក៏ត្រូវបានគេដឹងថា នាងនឹងក្លាយជាតំណាងរបស់កម្ពុជាដើម្បីចេញទៅប្រកួតនៅក្នុងប្រទេសវៀតណាម។ ប៉ុន្តែសម្រាប់កម្មវិធីប្រកួតសម្រស់ដ៏ធំលំដាប់ពិភពលោក Miss Wisdom World 2021 នៅប្រទេសវៀតណាម ក៏ត្រូវបានពន្យារវិញ ដោយសារតែបញ្ហានៃការរីករាលដាលឆ្លងនៃជំងឺកូវីដ-១៩ ។

ដោយសារតែការខកខានក្នុងការចេញទៅប្រកួតលើឆាកអន្តរជាតិ ដែលគិតមកដល់ពេលនេះមានរយ´ពេល ១ ឆ្នាំនោះ បវរកញ្ញា ហុក សារិតុលា បានបង្ហោះសារសុំការលើកទឹកចិត្តដោយសង្ឃឹមថា មហាជននៅតែគាំទ្រ និងមិនភ្លេចនាងទេ។ កញ្ញា ហុក សារិតុលា បានរៀបរាប់ថា ១ ឆ្នាំ នៃការទទួលតំណែងបរវកញ្ញាវៃឆ្លាតនៃកម្ពុជារបស់នាងខ្ញុំ ហុក សារិតុលា ខ្ញុំសង្ឃឹមថាអ្នកទាំងអស់គ្នាមិនបំភ្លេចក្មេងស្រីម្នាក់នេះទេ។

កញ្ញាបានលើកឡើងដោយភាពជឿជាក់ទៀតថាខ្ញុំនឹងតស៊ូមិនចុះចាញ់រហូតដល់ថ្ងៃណាមួយ ខ្ញុំអាចឈរលើឆាកអន្តជាតិបង្ហាញឱ្យគេដឹងថា ខ្មែរអស្ចារ្យ ដើរតាមក្ដីស្រមៃរហូតដល់អ្នកសម្រេចវាបាន។ហើយនាងខ្ញុំ គឺមានតែម្រាមដៃដប់អរគុណទៅដល់បណ្ដាអ្នកគាំទ្រខ្ញុំទាំងអស់ ដែលតែងតែលើកទឹកចិត្តផ្ដល់កម្លាំងចិត្តឱ្យខ្ញុំកន្លងមក៕

អត្ថបទ៖ ចាន់រ៉ា

The post Miss Wisdom 2021 ប្រកាសតស៊ូរហូតដល់អាចឈរលើឆាកអន្តជាតិបង្ហាញឱ្យគេដឹងថា ខ្មែរអស្ចារ្យ appeared first on Kampuchea Thmey Daily.

ម្ចាស់មកុដMiss Wisdom២០២១តំណាងកម្ពុជាត្រៀមចេញទៅប្រកួតនៅវៀតណាម

deth leng — Mon, 02 Aug 2021 02:29:37 +0000

បន្ទាប់ពីបញ្ចប់ការប្រកួតដ៏ស្វិតស្វាញកម្មវិធីប្រកួតបវរកញ្ញាឆ្លាតវៃ (Miss Wisdom 2021) បានរកឃើញម្ចាស់មកុដជាផ្លូវការហើយ ដោយកញ្ញាឯកមកពីខេត្តបាត់ដំបងជាអ្នកគ្រងមកុដដ៏អស្ចារ្យនេះ។

នាងក៏នឹងក្លាយជាតំណាងរបស់កម្ពុជា ទៅប្រកួតនៅក្នុងប្រទេសវៀតណាមនាពេលខាងមុខផងដែរ។
កញ្ញាឯកដែលទទួលបានចំណាត់ថ្នាក់លេខ១ឬ ជាម្ចាស់មកុដនេះគឺកញ្ញា ហុក សារិតុលា អាយុ១៩ ឆ្នាំ កម្ពស់១.៧០ និងទម្ងន់៤៩គីឡូក្រាម។

នាងបានឈ្នះមកុដដោយសារតែពូកែឆ្លើយសំណួរជាភាសាអង់គ្លេស និងដោយសារតែនាងក្លាហាននិងភាពស្រស់ស្អាត។ ជ័យជម្នះរបស់នាង ក៏កើតចេញពីការប្រឹងប្រែងដ៏ស្វិតស្វាញតាំងពីដំណាក់កាលដំបូងរហូតដល់វគ្គចុងបញ្ចប់ផងដែរ។

នេះជាកម្មវិធីដែលទទួលសិទ្ធិរៀបចំដោយក្រុមហ៊ុនមហាហង្ស ក្រោមការរៀបចំរបស់លោក អ៊ិន សុភិន ដែលជាអ្នករៀបចំការប្រកួត Miss Grand Cambodia កាលពីឆ្នាំ២០២០ កន្លងទៅ។

លោកក៏នឹងគ្រោងយកបេក្ខនារីជាអ្នកឈ្នះនេះចេញទៅប្រកួតនៅវៀតណាមផងដែរ ប្រសិនបើនាងគោរពតាមលក្ខណ្ឌដែលគ្មានការដោះដូរ៕

ដោយៈចាន់រ៉ា

The post ម្ចាស់មកុដMiss Wisdom២០២១តំណាងកម្ពុជាត្រៀមចេញទៅប្រកួតនៅវៀតណាម appeared first on Kampuchea Thmey Daily.

Miss Wisdom Archives - Kampuchea Thmey Daily

ជិន នារីរ័ត្ន ស្នើកូនខ្មែរទាំងអស់គួរសិក្សាស្វែងយល់ពីវប្បធម៌ អរិយធម៌ខ្លួនឯងឲ្យបានច្រើន

Miss Wisdom 2021 ប្រកាសតស៊ូរហូតដល់អាចឈរលើឆាកអន្តជាតិបង្ហាញឱ្យគេដឹងថា ខ្មែរអស្ចារ្យ

ម្ចាស់មកុដ​Miss Wisdom​២០២១​តំណាងកម្ពុជាត្រៀមចេញទៅប្រកួតនៅវៀតណាម

ម្ចាស់មកុដMiss Wisdom២០២១តំណាងកម្ពុជាត្រៀមចេញទៅប្រកួតនៅវៀតណាម