Mr. Beast ដែលផលិតវីដេអូមួយៗចំណាយប្រាក់អស់រាប់លានដុល្លារនោះធ្លាប់បាននិយាយថា លោកមិនចង់បង្ហោះវីដេអូនៅលើគេហទំព័រប្រព័ន្ធផ្សព្វផ្សាយសង្គមទៀតនោះទេ ដោយសារតែទទួលបានប្រាក់ចំណូលពីការផ្សាយពាណិជ្ជកម្មតិចតួចប៉ុណ្ណោះ ប៉ុន្តែលោកសាក​បង្ហោះ​វីដេអូ​ចាស់ ហើយ​មាន​អ្នក​ចូល​មើល​ជាង ១៥៥ លាន​ដងឯណោះ ។

ចំណូលដ៏កប់ក្ដោងនេះបានកើតឡើង នៅពេលដែលអាជីវកម្មរបស់ X កំពុងធ្លាក់ចុះប្រាក់ចំណូល បើទោះបីជាលោក Elon Musk ដែលជាម្ចាស់ក្រុមហ៊ុន X បានព្យាយាមរកយុទ្ធសាស្រ្តផ្សេងៗដើម្បីជំរុញការចូលរួមនៅលើវេទិកានេះ ចាប់តាំងពីការទិញបានកាលពីខែតុលា ឆ្នាំ២០២២ ក៏ដោយ ប៉ុន្តែ​នៅតែ​ប្រឈមនឹងការ​​ធ្លាក់ចុះប្រាក់ចំណូលពីការផ្សាយពាណិជ្ជកម្មដដែល នៅពេលដែលជម្លោះរបស់លោក Musk ជាមួយអ្នកផ្សាយពាណិជ្ជកម្មជុំវិញបញ្ហាដូចជា ការរិះគន់និងព័ត៌មានមិនពិតបានផ្ទុះឡើង ។

បើទោះបីជាក្រុមហ៊ុននេះកំពុងមានបញ្ហាក៏ដោយ ប៉ុន្តែ MrBeast ថា លោក “ចង់ដឹងចង់ឃើញ” ថាតើគាត់អាចរកប្រាក់ចំណូលពីការផ្សាយពាណិជ្ជកម្មពីវីដេអូរបស់គាត់នៅលើ X ដែរឬទេ ហើយភាពភ្ញាក់ផ្អើលនេះបានកើតឡើង បន្ទាប់ពីលោករកចំណូលបានច្រើនជាងការរំពឹងទុក ។

គួរបញ្ជាក់ផងដែរថា នៅខែវិច្ឆិកា ឆ្នាំ ២០២២ ទស្សនាវដ្ដី Forbes បានប៉ាន់ប្រមាណថា MrBeast រកបាន ៥៤ លានដុល្លារក្នុងមួយឆ្នាំពី​ឆានែល YouTube របស់គាត់ ។ ចាប់តាំងពីពេលនោះមក លោកទទួលបាន Subscriber រាប់លាននាក់នៅលើឆានែលរបស់លោកដែលសរុប ២៣៣ លាននាក់ ខណៈទំហំ​នៃ​ទស្សនិកជន​របស់ MrBeast ​បាន​ជំរុញ​ឲ្យមាន​ភាព​ទាក់ទាញជាខ្លាំងពី​ក្រុមហ៊ុន​នានា​ដែល​សម្លឹង​រកចំណូលពី​វេទិកា​របស់​ពួកគេ ៕

អត្ថបទ ៖ ប៊ុន​ សុភាព

The post MrBeast នឹងចែកប្រាក់ទៅមនុស្ស ១០ នាក់ ក្រោយកើបចំណូលបាន​ពេញដៃពីបណ្ដាញសង្គម X appeared first on Kampuchea Thmey Daily.

MrBeast ជា YouTuber អាមេរិកដែលមានអ្នក Subscribe ជាង ២០០ លាននាក់ បានបង្ហោះវីដេអូសប្បុរសធម៌សង់អណ្ដូងទឹកស្អាតរបស់គាត់កាលពីថ្ងៃសៅរ៍ ទី៤ ខែវិច្ឆិកា ខណៈអណ្ដូងថ្មីទាំងនោះអាចផ្ដល់ទឹកស្អាតឲ្យមនុស្សដល់ទៅ ៥០០,០០០ នាក់ប្រើប្រាស់នៅក្នុងប្រទេសកាមេរូន, កេនយ៉ា, សូម៉ាលី, អ៊ូហ្គង់ដា និងស៊ីមបាវ៉េ ។

ភ្លាមៗនោះ ស្រាប់តែសកម្មជនដ៏លេចធ្លោឈ្មោះ Boniface Mwangi និងរដ្ឋាភិបាលកេនយ៉ា ចេញមកប្រឆាំងនឹងសកម្មភាពលោក Jimmy ថា “តើយើងគឺជាប្រទេសដែលសុំទានលោកមហាសេដ្ឋីរូបនេះឬ” ប៉ុន្តែ YouTuber រូបនេះមិនខ្វល់នឹងពាក្យសម្ដីនោះសូម្បីតែបន្តិច ។

រីឯមតិកោតសរសើរគឺបានមកពីអ្នកព័ត៌មានម្នាក់ឈ្មោះ Ferdinand Omondi ដោយគាត់បាននិយាយថា “មិនធម្មតាដែល YouTuber ម្នាក់សុខចិត្តជិះយន្ដហោះមកប្រទេសកេនយ៉ា ដើម្បីធ្វើសប្បុរសធម៌លើគម្រោងដែលយើងគួរតែបញ្ចប់យូរណាស់មកហើយ” ។

ក្រៅពីសាងសង់អណ្ដូងទឹក លោក Jimmy ក៏បានបរិច្ចាគសម្ភារៈប្រើប្រាស់ដល់សាលារៀនកេនយ៉ាដូចជា គ្រឿងសង្ហារិមថ្មី បាល់ទាត់ កុំព្យូទ័រ និងក្ដារខៀនជាដើម ។ មិនតែប៉ុណ្ណោះគាត់ថែមទាំងសាងសង់ស្ពានឆ្លងទន្លេ ដើម្បីភ្ជាប់ពីភូមិទៅតំបន់សំខាន់ៗក្នុងតំបន់ផងដែរ ៕

ប្រែសម្រួល៖ វារី

ប្រភព៖ CNN

ចុចអាន៖ Youtuber ដែលធ្លាប់ជួយជនពិការកម្ពុជា ប៊ិះអស់ជីវិតដោយសារយាន Titan

The post MrBeast សង់អណ្តូងទឹកស្អាតចំនួន ១០០ នៅអាហ្រ្វិក ទទួលបានទាំងការសរសើរ និងរិះគន់ appeared first on Kampuchea Thmey Daily.

លោក MrBeast ដែលមានឈ្មោះពិតថា Jimmy Donaldson នឹងរើសបុគ្គលសំណាងម្នាក់ពីបញ្ជីអ្នកតាមដានរបស់ខ្លួននៅលើ Threads ក្នុងរយៈពេល ៤៨ ម៉ោង ។

MrBeast បានបង្ហោះរូបនេះនៅវេលាម៉ោង ៣ ព្រឹកកាលពីថ្ងៃទី០៧ ខែកក្កដា ដើម្បីអបអរសាទរការដាក់ឲ្យប្រើប្រាស់កម្មវិធី Threads ដែលបើកដំណើរការកាលពីថ្ងៃទី០៥ ខែកក្កដា ។

ពេលនេះ MrBeast មានអ្នកតាមដាន ២.២ លាននាក់ហើយ ចំណែកឯចំនួនអ្នកចុច Like វិញមានដល់ទៅ ៦៦១,២០០ នាក់ឯណោះ បើគិតត្រឹមរយៈពេល ៦ ម៉ោង ក្រោយការបង្ហោះ ។

Threads គឺជាកម្មវិធីដែលតភ្ជាប់ពី Instagram ហើយវាមានរបៀបប្រើប្រាស់ស្រដៀង Twitter ប៉ុន្តែត្រូវមហាជនរាប់លាននាក់យល់ឃើញថា មានភាពងាយស្រួលប្រើជាង Twitter ទៅទៀត ។ ដូច្នេះទើបកម្មវិធីខាងលើមានអ្នកប្រើដល់ទៅ ៣៧ លាននាក់ ក្នុងរយៈពេលខ្លីប៉ុណ្ណោះ ។

គួរបញ្ជាក់ថា Threads ដំណើរការនៅក្នុងប្រទេសជាង ១០០ ហើយ បូករួមទាំងចក្រភពអង់គ្លេសផងដែរ ខណៈប្រទេសនៅអឺរ៉ុបមួយចំនួនផ្សេងទៀតមិនទាន់ហ៊ានប្រើឡើយ ព្រោះមិនទាន់ទុកចិត្តកម្មវិធីនេះទេ ៕

ប្រែសម្រួល៖ វារី

ចុចអាន៖ ត្រឹមពេល ៤ ម៉ោង កម្មវិធី Threads មានអ្នកចូលប្រើប្រាស់ដល់ខ្ទង់លាននាក់

The post MrBeast ប្រកាសឲ្យឡាន Tesla ដល់អ្នក Follow នៅលើ Threads appeared first on Kampuchea Thmey Daily.

Threads គឺជាបណ្ដាញសង្គមថ្មីដែលមានលក្ខណៈស្រដៀងនឹង Twitter និងដាក់ឲ្យប្រើប្រាស់ជាផ្លូវការ កាលពីថ្ងៃទី០៥ ខែកក្កដា ។

MrBeast ដែលមានឈ្មោះពិតថា Jimmy Donaldson និងជាសេដ្ឋីមានប្រាក់ ៥០០ លានដុល្លារ ទទួលបានអ្នកតាមដាន ១ លាននាក់ត្រឹមម៉ោង ៨ និង ៤២ នាទីប៉ុណ្ណោះកាលពីយប់ថ្ងៃទី០៧ ខែកក្កដា ។

នៅក្នុងកម្មវិធី Threads នោះដែរ Youtuber រូបនេះ បានដាក់ជីវប្រវត្តិថា “អនាគតនាយកប្រតិបត្តិ Threads” ហើយក្រោយពីការបង្ហោះចំនួន ៣ ដងសោះ MrBeast ក៏ទទួលបានអ្នកតាមដាន ១ លាននាក់តែម្ដង ។

ការបង្ហោះលើកទី ១ លោកសរសេរថា “ដូច្នេះ យូរប៉ុណ្ណាទៀតទើបយើងនឹងញៀន App Threads នេះ?” ។ ចំណែកការបង្ហោះលើកទី ២ សរសេរថា “ចុច like ផុសនេះហើយ តើ Mark Zuckerberg គួរតែងតាំងខ្ញុំជានាយកប្រតិបត្តិដែរឬទេ” ខណៈការបង្ហោះទី៣ គឺ “ខ្ញុំមានអារម្មណ៍ថាកំពុងក្បត់ Twitter ដោយសារតែការប្រើប្រាស់ App នេះ” ។

ជាការពិតណាស់ Threads មានអ្នកប្រើប្រាស់ជាង ៣០ លាននាក់ហើយ ដោយសារតែវាងាយស្រួលប្រើប្រាស់ ពោលយើងគ្រាន់តែភ្ជាប់ជាមួយ Instagram ដែលកំពុងមានអ្នកប្រើប្រាស់ដល់ទៅ ២ ពាន់លាននាក់ឯណោះ ៕

ប្រែសម្រួល៖ វារី

ប្រភព៖ Guinnessworldrecords

ចុចអាន៖ ត្រឹមពេល ៤ ម៉ោង កម្មវិធី Threads មានអ្នកចូលប្រើប្រាស់ដល់ខ្ទង់លាននាក់

ចុចអាន៖ Youtuber ដែលធ្លាប់ជួយជនពិការកម្ពុជា ប៊ិះអស់ជីវិតដោយសារយាន Titan

The post MrBeast ជាមនុស្សដំបូងគេមានអ្នកតាមដានលើកម្មវិធី Threads មួយលាននាក់ appeared first on Kampuchea Thmey Daily.

MrBeast ឬលោក Jimmy Donaldson គឺជា Youtuber ដែលមានទ្រព្យសម្បត្តិជាង ៥០០ លានដុល្លារ នៅវ័យ ២៥ ឆ្នាំប៉ុណ្ណោះ ។  គាត់ធ្លាប់បង្ហោះវីដេអូជួយជនពិការកម្ពុជាក្នុងថ្ងៃទី ៧ ឧសភា ឆ្នាំ២០២៣ ។

តាមរយៈវីដេអូនោះ MrBeast បញ្ជាក់ថាខ្លួន បានបរិច្ចាគជើងសប្បនិម្មិតសម្រាប់ជនពិការកម្ពុជា ២,០០០ នាក់ ។ វីដេអូនេះទៀតសោត បានបង្ហាញពីស្រ្តីកម្ពុជា ២ នាក់ដែលបានទទួលអវយវៈសិប្បនិម្មិត ហើយបង្ហាញក្តីសង្ឃឹមថាពួកគេនឹងទទួលការអប់រំ និងការងារកាន់តែប្រសើរនាពេលអនាគត ។

កាលពីថ្ងៃអាទិត្យ ទី២៥ MrBeast បានបង្ហោះនៅក្នុងបណ្ដាញសង្គម Twitter ថា “ខ្ញុំត្រូវបានគេអញ្ជើញជិះយានជ្រមុជទឹក Titan តាំងពីដើមខែមកម្ល៉េះ តែខ្ញុំឆ្លើយថា ទេ ហើយវាគួរឲ្យខ្លាចណាស់ ប្រសិនបើខ្ញុំពិតជាមានវត្តមាននៅក្នុងយាននោះមែន” ។

គួររំលឹកថា អ្នកទាំង ៥ ដែលស្លាប់ក្នុងយានជ្រមុជទឹក Titan មានដូចជា ម្ចាស់យានផ្ទាល់តែម្ដងគឺលោក Stockton Rush មហាសេដ្ឋីអង់គ្លេស Hamish Harding មហាសេដ្ឋីប៉ាគីស្ថាន Shahzada Dawood រួមទាំងកូនប្រុស ១៩ ឆ្នាំ Suleman Dawood និងអ្នកជំនាញ Titanic ជនជាតិបារាំង Paul-Henri Nargeolet ។ ពួកគេសុទ្ធតែតម្រូវឲ្យទិញសំបុត្រតម្លៃ ២៥០,០០០ ដុល្លារ និងចុះហត្ថលេខាលើលើលិខិតស្ម័គ្រស្លាប់សិន មុនជិះយានរបស់ក្រុមហ៊ុន OceanGate ទៀតផង ៕

ប្រែសម្រួល៖ វារី

ប្រភព៖ dailymail

ចុចអាន៖ តាមការពិត អ្នកដំណើរត្រូវចុះហត្ថលេខាលើលិខិតស្ម័គ្រស្លាប់សិន មុនជិះយានរបស់ក្រុមហ៊ុន OceanGate 

The post Youtuber ដែលធ្លាប់ជួយជនពិការកម្ពុជា ប៊ិះអស់ជីវិតដោយសារយាន Titan appeared first on Kampuchea Thmey Daily.

កាលពីខែតុលា កន្លងទៅ MrBeast បានប្រកាសបង្កើតឡើងវិញនូវឈុតឆាក និងហ្គេមទាំង ៦វគ្គ ដែលមាននៅក្នុងខ្សែភាពយន្ត Squid Games ដើម្បីផលិតវីដេអូ YouTube ចេញផ្សាយលើឆានែលរបស់ខ្លួន។ បេក្ខជន-បេក្ខនារីចំនួន ៤៥៦នាក់នឹងចូលរួមប្រកួតប្រជែងពិតៗ ដើម្បីដណ្តើមយករង្វាន់ធំនូវទឹកប្រាក់ចំនួន ៤៥៦,០០០ ដុល្លារអាមេរិក។

ភាពខុសគ្នារវាង “MrBeast Game” និង “Squid Game” គឺ ការប្រកួតរបស់ MrBeast គ្មានការស្លាប់ពិតប្រាកដឡើយ ដោយគ្រាន់តែធ្វើជាស្លាប់ក្លែងក្លាយ ដើម្បីលេងសើចប៉ុណ្ណោះ។ ក្រោយប្រកាស មានមនុស្សជាច្រើនបានចូលរួមលេងហ្គេមនេះ និងត្រូវបានថតជាវីដេអូផ្សាយលើឆានែល MrBeast។

រាប់ចាប់តាំងពីការចេញផ្សាយលើកដំបូងនៅថ្ងៃទី ២៤ ខែវិច្ឆិកា វីដេអូរបស់ MrBeast មានអ្នកចូលមើលជាង ១២៤ លានដង ក្នុងរយៈពេល ៦ថ្ងៃ ខណៈ Squid Game មានអ្នកចូលទស្សនាប្រមាណ ១១៤លានដង  ក្នុងរយៈពេល ៣០ ថ្ងៃដំបូង។

ដោយសារទទួលបានប្រជាប្រិយភាពខ្លាំងក្លា MrBeast ​Game ទទួលបានទាំងការសរសើរ និងការរិះគន់ព្រមៗគ្នា។

មតិរិះគន់បានលើកឡើងថា ក្នុង​នាម​ជា​ផ្នែក​មួយ​នៃ​ប្រព័ន្ធ​ផ្សព្វផ្សាយ ការលេងហ្គេមបែបនេះ ពិតជាខុស​ឆ្គងខ្លាំងណាស់ ព្រោះនេះមិនគ្រាន់តែជាសារប្រឆាំងនឹងមូលធននិយមប៉ុណ្ណោះទេ តែជាការកម្សាន្តដែលស្ដែងពីសណ្ដានចិត្តមនុស្សអាក្រក់ ដើម្បីប្រជែងយកប្រាក់សុទ្ធសម្រាប់ការសប្បាយរបស់ខ្លួន។ ក្រុមអ្នករិះគន់បន្ថែមថា ការផលិតវីដេអូនេះឡើង ​ក៏ជាការរំលោភបំពានលើវីដេអូដើមផងដែរ។

យ៉ាងណាមិញ អ្នកបង្កើតមាតិកា (Content Creator) អ្នកកាសែត និងអ្នកគាំទ្រ Squid Game មួយចំនួន បែរជាយល់ខុសពីនោះ ដោយពួកគេសុទ្ធតែបញ្ចេញមតិគាំទ្រ និងលើកឡើងដូចៗគ្នាថា ការផលិតវីដេអូរបស់ MrBeast អាចជួយផ្សព្វផ្សាយខ្សែភាពយន្ត Squid Game ឱ្យ​កាន់តែល្បីខ្លាំងឡើង។

ស្របជាមួយគ្នាដែរ ការប្រៀបធៀបចំនួនអ្នកចូលទស្សនាវីដេអូ MrBeast Game និង Squid Game គឺជាការប្រៀបធៀបខុសគ្នាស្រឡះ ប្រៀបដូចផ្លែប៉ោម និងផ្លែក្រូចអ៊ីចឹង។ MrBeast Game ជាវីដេអូនៅលើយូធ្យូប ដែលអ្នកទស្សនាអាចចូលមើលដោយសេរី ខណៈ Squid Game ជាស៊េរីភាគ ដែលអ្នកទស្សនាអាចចូលមើលបានដោយការបង់ប្រាក់។ ដូច្នេះ បើនិយាយថា MrBeast Game ល្បីជាង Squid Game ជារឿងមិនសមហេតុផលឡើយ៕

ប្រែសម្រួល៖ ​សន្យា

ចុចអាន៖ កំហុសឆ្គងទាំង ៩ ក្នុងរឿង “Squid Game” គ្មានអ្នកចាប់អារម្មណ៍ទាល់តែសោះ

ចុចអាន៖ Kim Joo Ryeong តួស្រី Squid Game បញ្ចេញ​រូបភាព​សិចស៊ី ៤សន្លឹកលើទស្សនាវដ្ដី សម្រាប់ខែថ្មី

The post “Squid Game” របស់ MrBeast ធ្វើឲ្យអ្នកគាំទ្រ និងអ្នករិះគន់ ជជែកគ្នាបែកផ្សែង appeared first on Kampuchea Thmey Daily.