Muay Thai Archives - Kampuchea Thmey Daily

ឆ្នាំនេះ ថៃ ដាក់បញ្ចូល Muay Thai ក្នុងសមយុទ្ធ “ពស់វែកមាស”

Sok Sovann — Mon, 15 Jan 2024 02:09:07 +0000

The Nation ផ្សាយថា រដ្ឋមន្ត្រីក្រសួងការពារជាតិថៃលោក Sutin Klungsang នឹងផ្សព្វផ្សាយសិល្បៈក្បាច់គុន Muay Thai ក្នុងអំឡុងសមយុទ្ធយោធា “ពស់វែកមាស” ឆ្នាំ២០២៤ ដែលគ្រោងប្រព្រឹត្តទៅចាប់ពីថ្ងៃទី២៧ខែកុម្ភៈដល់ថ្ងៃទី១០ខែមីនា នៅតាមតំបន់ជាច្រើនក្នុងប្រទេសថៃ។

(រូបថត៖ Davin Tenbusch)

លោក Jirayu Huangsub អ្នកនាំពាក្យក្រសួងការពារជាតិ បាននិយាយកាលពីថ្ងៃអាទិត្យទី១៤ខែមករាថា លោក Sutin នឹងដាក់បញ្ចូលវប្បធម៌ទៅក្នុងសមយុទ្ធយោធា ហើយ Muay Thai ក៏នឹងស្ថិតក្នុងចំណោមសកម្មភាពរបស់សមយុទ្ធពស់វែកមាសឆ្នាំ២០២៤ដែរ។

លោក Jirayu បន្តថា សមយុទ្ធនេះ ក៏មានដាក់បញ្ចូលនូវសកម្មភាពជាច្រើនទៀតផង រួមមានលំហាត់ហ្វឹកហ្វឺនលើទីលាន វគ្គបណ្តុះបណ្តាលស្តីពីសង្គ្រាមតាមអ៊ីនធឺណិត ជំនួយមនុស្សធម៌ និងការហ្វឹកហ្វឺនឆ្លើយតបនឹងគ្រោះមហន្តរាយ។

(រូបថត៖ Cayce Watson)

មិនត្រឹមប៉ុណ្ណឹង លោក Jirayu អះអាងទៀតថា ឆ្នាំ២០២៤នេះ គឺជាលើកដំបូងក្នុងប្រវត្តិសាស្ត្រដែលសមយុទ្ធពស់វែកមាស នឹងដាក់បញ្ចូលសកម្មភាពទាក់ទងចំណេះដឹងអំពីដែនអវកាស និងប្រតិបត្តិការ។

សូមបញ្ជាក់ ពស់វែកមាស គឺជាសមយុទ្ធដែលកងទ័ពថៃ និងទីបញ្ជាការឥណ្ឌូប៉ាស៊ីហ្វិកសហរដ្ឋអាមេរិក សហការគ្នារៀបចំឡើង ហើយក្នុងឆ្នាំនេះ វាគឺជាសមយុទ្ធលើកទី៤២។

(រូបថត៖ Abigail Clark)

សមយុទ្ធពស់វែកមាស ដែលបង្កើតឡើងដំបូងតាំងពីឆ្នាំ១៩៨២ គឺជាសមយុទ្ធយោធាពហុភាគីដ៏ចំណាស់បំផុតមួយរបស់ពិភពលោក និងធំជាងគេបង្អស់ប្រចាំនៅតំបន់អាស៉ីអាគ្នេយ៍។

ព្រឹត្តិការណ៍នេះនឹងមានប្រទេសចំនួនប្រាំពីរមកចូលរួមក្នុងសមយុទ្ធសង្គ្រាមសំខាន់ៗដូចជាថៃ សហរដ្ឋអាមេរិក សិង្ហបុរី ជប៉ុន ឥណ្ឌូណេស៊ី កូរ៉េខាងត្បូង និងម៉ាឡេស៊ី ខណៈចិន អូស្ត្រាលី និងឥណ្ឌា នឹងចូលរួមក្នុងសមយុទ្ធជំនួយមនុស្សធម៌៕

អត្ថបទ៖ សុខ សុវណ្ណ

ចុចអាន៖ កម្ពុជា និងប្រទេសចំនួន ២៩ទៀត ចូលរួមសមយុទ្ធ “ពស់វែកមាស” នៅថៃ (មានវីដេអូ)

The post ឆ្នាំនេះ ថៃ ដាក់បញ្ចូល Muay Thai ក្នុងសមយុទ្ធ “ពស់វែកមាស” appeared first on Kampuchea Thmey Daily.

កីឡាការិនីប្រដាល់ថៃ ១០ រូប កំពុងលេចធ្លោលើសង្វៀនអន្តរជាតិ

សាង ស្រីល័ក្ខ — Wed, 19 Apr 2023 04:00:02 +0000

ប្រដាល់ក្បាច់គុននាបច្ចុប្បន្ននេះកំពុងតែទទួលបានភាពល្បីល្បាញខ្លាំងនៅលើពិភពលោក ខណៈកីឡាការិនីប្រដាល់ក្បាច់គុន Muay Thai ប្រភេទនារីបានបង្ហាញឲ្យពិភពលោកឃើញថា ពួកគេពិតជាអាចប្រកួតលើសង្វៀនអន្តរជាតិដូចបុរសៗដែរ។

ជាក់ស្ដែងខាងក្រោមនេះ គឺជាបញ្ជីឈ្មោះកំពូលអ្នកប្រដាល់ក្បាច់គុនថៃស្រីៗទាំង១០រូបក្នុងប្រទេសថៃ ដែលកំពុងបង្ហាញវត្តមានលើសង្វៀនអន្តរជាតិកន្លងមក។

១ Anissa Meksen

Meksen ត្រូវបានគេចាត់ទុកថាជាអ្នកប្រដាល់ស្ត្រីល្អបំផុតក្នុងពិភពលោក។ នាងធ្លាប់ប្រកួត ១០៣ ឈ្នះ ៥ដង និងផ្ដួលគូប្រកួតឲ្យសន្លប់ ៣៣ ដង។ ក្នុងវ័យ ៣៤ ឆ្នាំ Meksen បានឈ្នះស្ទើរតែគ្រប់ពានទាំងអស់ដែលអ្នកប្រដាល់ Muay Thai អាចឈ្នះ ហើយបច្ចុប្បន្ននាងបានចុះកុងត្រាជាមួយ ONE Championship ។

២ Stamp Fairtex

នៅក្នុងអាជីពប្រដាល់ Stamp ប្រកួត៦៤ដង ឈ្នះ១៧ដង ចាញ់៥ដង។ នាងចាប់ផ្តើមរៀន Muay Thai នៅអាយុ ៥ ឆ្នាំ ហើយផ្តើមប្រកួតប្រជែងមួយឆ្នាំក្រោយមក។ នាងបានឈ្នះពានរង្វាន់ថ្នាក់តំបន់ និងក្នុងតំបន់កាលពីកុមារភាព ហើយនៅទីបំផុតបានផ្លាស់ទៅក្លិប Fairtex នៅអាយុ១៨ឆ្នាំ ដើម្បីពង្រឹងជំនាញបន្ថែមទៀត។ នាងបានចុះកុងត្រាជាមួយ ONE Championship ក្នុងឆ្នាំ ២០១៨ ហើយបានចូលលេងតាំងពីពេលនោះមក។ នាងបានឈ្នះខ្សែក្រវាត់ Atomweight Kickboxing World Title ក្នុងការបង្ហាញខ្លួនលើកដំបូង ហើយទទួលបានសមមូលនឹង Muay Thai ក្នុងការប្រកួតបន្ទាប់របស់នាង។

៣ Wondergirl Fairtex

មានឈ្មោះដើម Nat Jaroonsak នាងគឺជាតារារះម្នាក់ក្នុងកម្មវិធី ONE Championship ដោយបានហ្វឹកហាត់តាំងពីអាយុ៦ឆ្នាំជាមួយឪពុក ហើយទីបំផុតបានផ្លាស់ទៅក្លឹប Fairtex ដ៏ល្បីល្បាញលើពិភពលោក។ នាងមានការប្រកួតជាង៥០ដងក្រោមខ្សែក្រវាត់ និងបានឈ្នះខ្សែក្រវាត់ Muay Thai មួយចំនួន។ កម្លាំងបច្ចេកទេសដ៏ផ្ទុះមួយនៅក្នុងសង្វៀន Fairtex បានឈ្នះការប្រកួតចំនួនបីក្នុងចំណោមការប្រកួតចំនួនបួនរបស់នាងក្រោមបដារបស់ ONE Championship។ នាងក៏បានទទួលជ័យជម្នះក្នុងការប្រកួត MMA លើកដំបូងផងដែរ។

៤ Loma Lookboonmee

Loma គឺជាអ្នកប្រដាល់ស្រីដ៏ឆ្នើម ហើយជាអ្នកមានបទពិសោធន៍បំផុតជាមួយនឹងការប្រកួត Muay Thai ជាង ២០០ដងក្រោមខ្សែក្រវាត់របស់នាង។ ក្នុងរយៈពេលជាច្រើនឆ្នាំនាងឈ្នះមេដាយមាសមួយចំនួននៅក្នុងព្រឹត្តិការណ៍ IMFA World Championships ។ Loma បានប្តូរទៅក្បាច់គុនចម្រុះក្នុងឆ្នាំ ២០១៨ ដោយចុះហត្ថលេខាជាមួយ Ultimate Fighting Championship ក្នុងឆ្នាំ ២០១៩។ នាងបានឈ្នះការប្រកួតចំនួន ៤ដងក្នុងចំណោម ៦ ដង ហើយបច្ចុប្បន្នកំពុងជាប់ចំណាត់ថ្នាក់លេខ ១៨នៅក្នុងអាជីពរបស់នាង។

៥ Allycia Rodrigues

Allycia បានចាប់ផ្តើមហ្វឹកហាត់នៅ Muay Thai ក្នុងប្រទេសប្រេស៊ីល មុនពេលផ្លាស់ទៅថៃដើម្បីហ្វឹកហាត់ជាមួយក្លិប Phuket Fight ។ នាងបានឈ្នះខ្សែក្រវាត់ពណ៌ផ្កាឈូកអយុធ្យាឆ្នាំ ២០១៩ ដោយយកឈ្នះម្ចាស់ជើងឯក១២សម័យកាល Thananchanok Kaewsamrit ។ Allycia បានប្រកួតនៅ Glory បន្ទាប់ពីផ្លាស់ទៅថៃ ប៉ុន្តែនៅទីបំផុតនាងបានចុះកុងត្រាជាមួយ ONE Championship ។ នាងបានប្រឈមមុខនឹងអ្នកប្រដាល់ស្រីកំពូលម្នាក់ទៀតគឺ Stamp Fairtex ក្នុងការបង្ហាញខ្លួនលើកដំបូងដោយទទួលបានជ័យជម្នះ រហូតជាប់ឈ្មោះជាអ្នកប្រដាល់ស្រីដ៏ឆ្នើមម្នាក់ក្នុងចំណោមអ្នកប្រដាល់ Muay Thai ។

៦ Sawsing Sor Sopit

កើតនៅ Sing Buri ប្រទេសថៃ Sawsing គឺជាអ្នកប្រដាល់ស្រីម្នាក់ក្នុងចំណោមអ្នកប្រដាល់ស្រីដែលតុបតែងខ្លួនស្អាតៗលើសង្វៀន។ នាងចាប់ផ្តើមហ្វឹកហាត់យឺត បើធៀបនឹងអ្នកប្រដាល់ជាច្រើននៅអាយុ៩ឆ្នាំ ប៉ុន្តែនោះមិនបានបញ្ឈប់នាងពីការក្លាយជាអ្នកប្រយុទ្ធដ៏ល្អបំផុតនោះទេ។ Sawsing បានឈ្នះជើងឯកពិភពលោកលើកដំបូងក្នុងឆ្នាំ ២០១០ ហើយនាងឈ្នះពាន Muay Thai ព្រមទាំងថ្នាក់ជាតិផងដែរ។

៧ Janet Todd

ស្ត្រីរូបនេះបានរកឃើញ Muay Thai ក្នុងវ័យ ២០ ឆ្នាំ ប៉ុន្តែក៏មិនបានបញ្ឈប់នាងពីការឈ្នះមេដាយមាសនៅក្នុងព្រឹត្តិការណ៍ IFMA Pan American Championship នោះទេ។ ដោយសារសមត្ថភាពរបស់ Todd ទីបំផុតនាងចុះហត្ថលេខាជាមួយ ONE Championship ជាកន្លែងដែលនាងបានប្រកួតជាមួយ Stamp Fairtex សម្រាប់ខ្សែក្រវាត់ Muay Thai Atomweight របស់កម្មវិធីផ្សព្វផ្សាយ។

៨ Tiffany Van Soest

មិនដូចអ្នកប្រដាល់ស្រីផ្សេងទេ នាងបានចាប់ផ្ដើមជាមួយក្លិបការ៉ាតតេ Shorin-Ryu ជាកន្លែងដែលនាងទទួលបានខ្សែក្រវ៉ាត់ខ្មៅកម្រិតទីពីរ។ ក្រោយមកនាងប្តូរទៅហ្វឹកហាត់ Muay Thai នៅអាយុ ១៨ ឆ្នាំ ហើយបានឈ្នះជើងឯក និងជើងឯកពិភពលោកជាច្រើនយ៉ាងឆាប់រហ័សដូចជាខ្សែក្រវាត់ WBC Muay Thai Super Bantamweight និង Glory Women’s Super Bantamweight title។ នាងគឺជាអ្នកប្រដាល់ប្រកួតប្រដាល់គុនថៃ និងប្រដាល់សេរី។

៩ Iman Barlow

ជាមួយនឹងជ័យជម្នះជាង ៩៦ ដងក្នុងការប្រកួត ១០៦ដង មានមនុស្សតិចណាស់ដែលមិនយល់ស្របនឹង Barlow ដែលស្ថិតនៅក្នុងបញ្ជីរបស់នេះ។ ការហ្វឹកហាត់របស់ Barlow ចាប់ផ្ដើមតាំងពីអាយុ ៥ឆ្នាំ ក្រោមការណែនាំពីម្ដាយរបស់នាង ដែលជាអ្នកប្រដាល់ថៃ។ នាងធ្លាប់ឈ្នះខ្សែក្រវាត់ភាគច្រើនដែលអ្នកប្រដាល់ស្រ្ដីម្នាក់អាចឈ្នះ និងឈ្នះជើងឯក Muay Thai Addict League World ទំងន់៥៥ kg ក្នុងការប្រកួតចុងក្រោយរបស់នាង។

១០ Sylvie Von Duuglas-Ittu

Sylvie មានកិត្តិយសក្នុងការប្រដាល់ច្រើនជាងជនបរទេសដទៃទៀតនៅក្នុងប្រវត្តិសាស្ត្រប្រដាល់ Muay Thai នៅក្នុងប្រទេសថៃ ជាមួយនឹងការប្រកួតជាង ២៦៩ ដង។ នាងបានចាប់ផ្ដើមហ្វឹកហាត់ប្រដាល់ក្បាច់គុនថៃក្នុងឆ្នាំ ២០០៨ នៅអាយុ២០ឆ្នាំ រហូតជាប់ចិត្តដោយផ្លាស់ទៅប្រទេសថៃភ្លាមៗ។ បន្ទាប់ពីរកឃើញកីឡាមួយនេះ នាងក៏មានឈ្មោះចូលរួមប្រកួតតាំងពីពេលនោះមក ដោយមានការប្រកួតជាង៥ដងក្នុងឆ្នាំ២០២២។ បច្ចុប្បន្ននាងកំពុងស្ថិតក្នុងការឈ្នះការប្រកួតចំនួន ១៥ ដង ដោយការទទួលជ័យជម្នះចំនួន ៨ លើក។ ក្រោយៗមក នាងបានចងក្រងជាឯកសារអំពីដំណើររបស់នាងតាំងពីដើមមក ហើយបានសរសេរអត្ថបទរាប់មិនអស់អំពី Muay Thai៕

ប្រែសម្រួល៖ សាង ស្រីល័ក្ខ

ចុចអាន៖លោក ប្រាយុទ្ធ សម្ដែងក្ដីរីករាយចំពោះ “ប្រដាល់ Muay Thai” ដែលទទួលស្គាល់លើឆាកអន្តរជាតិដោយ អាមេរិក

The post កីឡាការិនីប្រដាល់ថៃ ១០ រូប កំពុងលេចធ្លោលើសង្វៀនអន្តរជាតិ appeared first on Kampuchea Thmey Daily.

ទីបំផុត លោក ប្រាយុទ្ធ ចេញមុខនិយាយអំពី Muay Thai និង Kun Khmer

Sok Sovann — Tue, 31 Jan 2023 09:16:26 +0000

នាយករដ្ឋមន្ត្រីថៃលោក ប្រាយុទ្ធ ចាន់អូចា បានអំពាវនាវឲ្យបញ្ចប់ការឈ្លោះប្រកែកគ្នាដែលគ្មានន័យ ជុំវិញថាតើកីឡាប្រដាល់គួរត្រូវបានហៅថា Muay Thai ឬ Kun Khmer។

លោក ប្រាយុទ្ធ បាននិយាយបែបនេះ អំឡុងដំណើរទស្សនកិច្ច ដែលរៀបចំដោយក្រសួងវប្បធម៌នៅអគារ Santi Maitree នៃវិមានរដ្ឋាភិបាល ដើម្បីផ្សព្វផ្សាយជាសាធារណៈ នូវទិវា Muay Thai ដែលនឹងប្រព្រឹត្តទៅនៅថ្ងៃទី៦ខែកុម្ភៈ។

លោក ប្រាយុទ្ធ និយាយថា “Muay Thai គឺជាផ្នែកមួយនៃវប្បធម៌ថៃជាយូរមកហើយ ហើយយើងមានមោទកភាពចំពោះ Muay Thai។ ប៉ុន្តែមិនចាំបាច់ឡើយសម្រាប់យើង ដើម្បីទៅឈ្លោះជាមួយនរណាម្នាក់។ គ្មាននរណាម្នាក់អាចយកអ្វីដែលជារបស់យើងបាននោះទេ។ រឿងនេះមិនគួរក្លាយជាជម្លោះឡើយ។ ចូរយើងបញ្ចប់ការឈ្លោះប្រកែកគ្នាទៅ”។

លោកបន្តថា “មានការប្រកែកគ្នាអំពីឈ្មោះនៅលើប្រព័ន្ធផ្សព្វផ្សាយសង្គម។ ការធ្វើបែបនោះគឺគ្មានន័យទេ យើងដឹងថាអ្វីជាអ្វីហើយ”។

គួរបញ្ជាក់ថា ជម្លោះពាក់ព័ន្ធនឹងការប្រើឈ្មោះកីឡា បានផ្ទុះឡើង មុនព្រឹត្តិការណ៍កីឡាអាស៊ីអាគ្នេយ៍ ដែលប្រទេសកម្ពុជាធ្វើជាម្ចាស់ផ្ទះ នៅខែឧសភា៕

ប្រែសម្រួល៖ Vann Vann

ប្រភព៖ Bangkok Post

ចុចអាន៖ លោក ប្រាយុទ្ធ អំពាវ ឲ្យ ឈប់ ឈ្លោះ គ្នាអត់ ប្រយោជន៍ រឿង «គុន ខ្មែរ» និង «មួយ ថៃ»

The post ទីបំផុត លោក ប្រាយុទ្ធ ចេញមុខនិយាយអំពី Muay Thai និង Kun Khmer appeared first on Kampuchea Thmey Daily.