តារាចម្រៀងរ៉េបរូបនេះបានធ្វើសេចក្តីថ្លែងការណ៍ នៅក្នុងពិធីបើកគម្រោង Trump Account ដែលជាកម្មវិធីផ្តល់មូលនិធិឥតគិតថ្លៃដល់ទារកទើបនឹងកើត ដើម្បីវិនិយោគលើភាគហ៊ុនក្នុងស្រុក នៅទីក្រុងវ៉ាស៊ីនតោនឌីស៊ី។ នាងបានបញ្ជាក់គោលជំហរផ្ទាល់ខ្លួនថារូបនាងគឺជាអ្នកគាំទ្រលេខមួយរបស់លោកត្រាំ ហើយមិនភ័យខ្លាចចំពោះការរិះគន់ ឬការស្អប់ខ្ពើមណាមួយពីគូប្រជែងរបស់នាងឡើយ។

Nicki បាននិយាយថា «ខ្ញុំកំពុងប្រាប់អ្នកថា ខ្ញុំគឺជាអ្នកគាំទ្រលេខមួយរបស់ប្រធានាធិបតី ហើយនោះនឹងមិនផ្លាស់ប្តូរឡើយ។ ការស្អប់ខ្ពើម ឬពាក្យសម្ដីរបស់អ្នកដទៃមិនប៉ះពាល់ដល់ខ្ញុំទាល់តែសោះ។ តាមពិតទៅ វាជំរុញឲ្យខ្ញុំគាំទ្រគាត់កាន់តែខ្លាំង។ យើងមិនអនុញ្ញាតឲ្យពួកគេធ្វើបាបគាត់ ឬលាបពណ៌គាត់ ហើយរួចផុតពីវាឡើយ។ វានឹងមិនដំណើរការទេ យល់ព្រម? គាត់មានការគាំទ្រយ៉ាងខ្លាំង ហើយព្រះកំពុងមើលថែគាត់»។

ទោះបីជា Nicki Minaj បានប្រកាសនៅឆ្នាំ ២០២០ ថា នាងនឹងមិនចូលរួមក្នុងនយោបាយរបស់លោកត្រាំក៏ដោយ ក៏នាងទើបតែបានក្លាយជាសំឡេងសំខាន់មួយ។ កាលពីខែមុន តារាស្រីបានធ្វើឲ្យមនុស្សគ្រប់គ្នាភ្ញាក់ផ្អើលដោយបានបង្ហាញខ្លួននៅក្នុងព្រឹត្តិការណ៍ Turning Point USA ដោយសរសើរមេដឹកនាំអាមេរិកថា ជាមនុស្សម្នាក់ដែលផ្តល់ក្តីសង្ឃឹមដល់មនុស្សក្នុងការយកឈ្នះលើអំពើអាក្រក់ ហើយកត់សម្គាល់ថាទាំងនាង និងលោកត្រាំ មកពី Queens រដ្ឋញូវយ៉ក។

ប្រធានាធិបតីក៏បានឡើងឆាក និងតបស្នងសេចក្តីស្រឡាញ់របស់តារាចម្រៀងរ៉េបរូបនេះ ដោយសរសើរនាងវិញថា ជា អ្នករ៉េបស្រីដ៏អស្ចារ្យ និងជោគជ័យបំផុតក្នុងប្រវត្តិសាស្ត្រ និងអរគុណនាងចំពោះការបរិច្ចាគរាប់រយរាប់ពាន់ដុល្លាររបស់នាងដល់គម្រោងនេះ។ គាត់ក៏បានប្រាប់នាងដោយលេងសើចថា «ខ្ញុំនឹងទុកក្រចករបស់ខ្ញុំឲ្យវែងព្រោះខ្ញុំស្រឡាញ់វា»៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

ការស្ទង់មតិ៖ ក្មេងជំទង់កូរ៉េខាងត្បូង វក់នឹងល្បែងអនឡាញលើសលប់

The post Nicki Minaj ប្រកាសគំាទ្រត្រាំ មិនខ្វល់អ្នកស្អប់ អ្នកស្រលាញ់ appeared first on Kampuchea Thmey Daily.

នៅថ្ងៃទី១២ ខែវិច្ឆិកា Bebe Rexha បានផ្សាយផ្ទាល់ពី IG ដែលក្នុងនោះ នាងនិងមិត្តភ័ក្ដិម្នាក់ទៀតនាំគ្នានិយាយពីតារារ៉េប Nicki Minaj និង Cardi B ។ អ្នកគាំទ្រធ្លាប់ដឹងរួចមកហើយថា Nicki និង Cardi មិនត្រូវគ្នាឡើយ ដោយសារជម្លោះក្នុងអាជីព ។

ទោះជាយ៉ាងណា Bebe Rexha បានប្រៀបធៀបអ្នកទាំង ២ ដោយមានសីលធម៌ថា Cardi B ជាមនុស្សល្អ គួរឲ្យស្រលាញ់ ប៉ុន្តែ Nicki Minaj ពូកែក្នុងវិស័យចម្រៀងរ៉េបជាង ព្រោះនាងចេះនិពន្ធភ្លេងខ្លួនឯង និងល្បីយូរហើយ ។

គិតត្រឹមឆ្នាំ ២០២៣ Nicki Minaj មានទ្រព្យសម្បត្តិប្រហែល ១៥០ លានដុល្លារ ខណៈ Cardi B មានប្រហែល ៨០ លានដុល្លារ តិចជាង Nicki ជិត ២ ដង ។ គួរបញ្ជាក់ថា Nicki Minaj ចូលប្រឡូកវិស័យចម្រៀងរ៉េបតាំងពីអាយុ ១២ ឆ្នាំមកម្ល៉េះ ចំណែកឯ Cardi វិញទើបតែ ចាប់ផ្ដើមនៅឆ្នាំ ២០១៥ ប៉ុណ្ណោះ ៕

ប្រែសម្រួល៖ វារី

ប្រភព៖ TMZ

ចុចអាន៖ ធ្លាប់តែឃើញរ៉េប និងស្លៀកពាក់សិចស៊ី តាមពិត Cardi B ជាមនុស្សអៀនប្រៀនខ្លាំង

The post Bebe Rexha យល់ឃើញថា Nicki Minaj មានសមត្ថភាពជាង Cardi B appeared first on Kampuchea Thmey Daily.

តារារ៉េបរូបនេះត្រូវបានថៅកែហាង Roseark ប្ដឹងផ្ដល់ជុំវិញការចុះកិច្ចសន្យាជាមួយអ្នករចនាម៉ូដ Brett Alan Nelson ដែលអនុញ្ញាតឱ្យនាងពាក់ត្បូងរបស់ក្រុមហ៊ុនសម្រាប់ការបង្ហាញខ្លួនជាសាធារណៈ។

ប្រធានក្រុមហ៊ុនបានអះអាងថា គ្រឿងអលង្ការចំនួន ៦៦គ្រឿងត្រូវបានប្រគល់មកវិញយឺតពេល ហើយក្រវិលមួយឈុត និងចិញ្ចៀនស្លឹកឈើត្រូវបានខូចខាត ពេលសងត្រឡប់មកហាងវិញ។ យោងទៅតាមប្រភពពី TMZ.com បានឱ្យដឹងថា ថៅកែហាង Roseark បានចុះហត្ថលេខាលើកិច្ចសន្យាជាមួយអ្នកច្នៃម៉ូដ Nelson ដែលក្នុងកិច្ចសន្យាចែងថា វត្ថុចាំបាច់ត្រូវតែប្រគល់មកវិញក្នុងពេល ១សប្តាហ៍នៃកម្ចី ហើយប្រសិនមានការខូចខាតណាមួយដែលអាចកើតមាន អ្នកខ្ចីត្រូវបង់សំណងជាដាច់ខាត។

នៅក្នុងពាក្យបណ្ដឹង ពួកគេបានដាក់ពាក្យប្តឹង Minaj និង Nelson ដោយចោទប្រកាន់ថា អ្នកទាំងពីរបានផ្ញើវិក្កយបត្រចំនួន ២៦,២៣៩.៥ ដុល្លារអាមេរិកមកហាង បូកនឹងការប្រាក់ផងដែរ ដើម្បីរ៉ាប់រងការខូចខាតដែលត្រូវបានចោទប្រកាន់ ប៉ុន្តែវាគ្រាន់តែជាវិក្កយបត្រប៉ុណ្ណោះ មិនទាន់ត្រូវបានទូទាត់ជាសាច់ប្រាក់នៅឡើយ។

ចំពោះរឿងនេះ ភាគីខាង Nicki អះអាងថា អលង្ការដែលខ្លួនកម្ចី ត្រូវបានប្រគល់ទៅវិញទាន់ពេល ហើយពុំមានការខូចខាតអ្វីនោះទេ។ ចំណែកមេធាវី Jordan Siev ដែលកំពុងតំណាងឱ្យ Minaj បញ្ជាក់ផងដែរថា តារារូបនេះមិនបានធ្វើអ្វីខុសទេ ហើយគ្រោងនឹងប្ដឹងតបវិញ ព្រោះខាងលោកមានភស្តុតាងដែលអាចបញ្ជាក់បានថា គ្មានគ្រឿងអលង្ការណាមួយត្រូវបានខូចខាតឡើយ ពេលប្រគល់ទៅឱ្យហាងវិញ៕

ប្រែសម្រួល៖ សន្យា

ចុចអាន៖ ម្ដាយមហាសេដ្ឋី Elon Musk នៅតែជាកំពូលតារាម៉ូដែលប្រជែងសម្រស់ជាមួយរលកក្រោយ

The post តារារ៉េប Nicki Minaj រងពាក្យបណ្ដឹងពីបទបំផ្លាញគ្រឿងអលង្ការកម្ចី appeared first on Kampuchea Thmey Daily.

តារាស្រីវ័យ ៣៩ឆ្នាំរូបនេះ បានអះអាងថា Nosy ដែលមានឈ្មោះពិត Marley Green បានចែករំលែកវីដេអូមួយកាលពីថ្ងៃចន្ទ ទី១២ ខែកញ្ញា ដែលនៅក្នុងវីដេអូននោះ Nosy បានចោទប្រកាន់នាងថា នាងជាតារាចម្រៀងដែលប្រើប្រាស់គ្រឿងញៀន។ ការប្រើប្រាស់ពាក្យពេជន៍របស់អ្នកសរសេរប្លុករូបនោះ ធ្វើឱ្យ Nicki Minaj ផ្ទុះកំហឹង និងដាក់ពាក្យបណ្ដឹងភ្លាមៗ។

មេធាវីរបស់ Nicki គឺលោក Judd Burstein បានប្រាប់អ្នកសារព័ត៌មានថា សម្ដីរបស់ Marley Green គឺជាសម្ដីមិនគួរនិយាយ វាមិនត្រឹមតែមិនសមរម្យនោះទេ ថែមធ្វើឱ្យប៉ះពាល់កិត្តិយសរបស់ Nicki យ៉ាងខ្លាំង មិនថានោះជាកំហុសអចេតនាក៏ដោយ។

ស្របពេលជាមួយគ្នាដែរ អ្នកសរសេរប្លុករូបនោះបានប្រកាសតតាំងជាមួយ Nicki Minaj និងថាខ្លួនមិនខ្លាចនោះទេ ហើយថែមទាំងប្រកាសឱ្យ Nicki ដាក់ពាក្យប្ដឹងតាមចិត្តទៀងផង៕

ប្រែសម្រួល៖ សន្យា

ចុចអាន៖ ល្បីថា តួឯកប្រុសក្នុងរឿង “កប៉ាល់ Titanic” លួចទាក់ទងស្នេហាជាមួយតារាបង្ហាញម៉ូដ Gigi Hadid

ចុចអាន៖ ជនរងគ្រោះក្នុងឧបទ្ទវហេតុធ្លាក់ LED អាចទទួលបានសំណង ៥លានដុល្លារ

The post Nicki Minaj ខឹងសម្បារលើអ្នកសរសេរប្លុកម្នាក់ រឿងបរិហារកេរ្ត៍នាងថាជាមនុស្សញៀនថ្នាំ appeared first on Kampuchea Thmey Daily.

ទោះជាយ៉ាងណាក៏ដោយ Nicki បាន LIVE បន្តផ្ទាល់នៅលើគណនី Instagram របស់នាង ដោយច្រានចោលការអះអាងនេះថា​ ជាការប៉ុនប៉ងមួយ ក្នុងចំណោមការប៉ុនប៉ងជាច្រើន ដើម្បីបង្ខូចឈ្មោះរបស់នាង។

រឿង​នេះ​បាន​ចាប់​ផ្ដើម​នៅ​ពេល​ដែល​អតីត​ជំនួយការ​ បាន​ចាប់​ផ្ដើម​បង្ហោះសារចោទ​ប្រកាន់​នាង​ជា​បន្តបន្ទាប់​នៅលើគណនី Instagram ឈ្មោះថា katemiller_7  ក្នុងនោះនាងបានសរសេរថា “ខ្ញុំជាអតីតជំនួយការ Onika ដែលនាងបានបណ្តេញចេញ ដោយគ្មានភស្តុតាងនៃការក្លែងបន្លំជាមួយ គណនីធនាគាររបស់នាង។

នាងបានទម្លាយថា Nicki បានចំណាយប្រាក់ចំនួន ៧៥,០០០ ដុល្លារសម្រាប់បទចម្រៀងថ្មីរបស់នាង ដែលមានចំណងជើងថា “Freaky Girl”ពួកគេបានចោទប្រកាន់បន្ថែមទៀតថា Nicki ជំពាក់ពន្ធ ដែលមិនទាន់បានបង់ប្រាក់ចំនួន ១៧៣ លានដុល្លារតាំងពីឆ្នាំ២០១៦ មកម្លេះ។

បន្ថែមពីលើនោះ នាងបានសរសេររៀបរាប់ពីអត្តចរិតនិងអាកប្បកិរិយាមិនល្អរបស់ Nicki Minaj ជាពិសេសរឿងផ្ទាល់ខ្លួនរបស់នាង និងទំនាក់ទំនងជាមួយសិល្បករផ្សេងទៀតដូចជា Ariana Grande, Megan Thee Stallion និង Doja Cat ៕

ប្រែសម្រួល៖ នាងតូច

ចុចអាន៖Lady Gaga តស៊ូសម្តែងក្នុងក្លឹប ក្លាយជាតារាចម្រៀងស្រីល្បីលើសកលលោក

​

The post Nicki ​ឆ្លើយតបភ្លាមៗ ក្រោយ​រងការ​ចោទ​ប្រកាន់​ពីអតីត​ជំនួយការរបស់នាង appeared first on Kampuchea Thmey Daily.