នៅក្នុង​ការ​ផ្សព្វផ្សាយ​លើហ្វេសប៊ុករបស់រដ្ឋមន្ត្រីក្រសួងវប្បធម៌ សហគមន៍ និងយុវជន ប្រទេសសង្ហិបុរី លោក Edwin Tong បានស្នើកន្លែងអង្គុយនៅ​រដ្ឋ​សភាដើម្បីឲ្យក្រុមគ្រួសារ គ្រូបង្វឹក និង​អត្ដពលិក ទាំងអស់ជាពិសេសម្ចាស់មេដាយ​បាន​ចូលរួម​ដើម្បី​​ឲ្យស័ក្តិ​សមនឹងអ្វីដែលពួកគេបានលះបង់ចំពោះប្រទេសជាតិ។

លោក Edwin Tong បានសរសេរថា ៖«ក្នុង​កិច្ច​ប្រជុំ​រដ្ឋ​សភា​ នា​​ខែតុលា​ខាង​មុខ​ យើងនឹងផ្តល់កិត្តិយសដល់អត្ដពលិកអូឡាំពិក និងប៉ារ៉ាឡាំពិករបស់យើង ដែលបានតំណាងឲ្យសិង្ហបុរីនៅក្នុងទីក្រុងប៉ារីស»។

ប្រទេសសិង្ហបុរីបានបញ្ជូនអត្តពលិកចំនូន២៣នាក់ ទៅប្រកួតលើវិញ្ញាសាកីឡា១១ប្រភេទនៅអូឡាំពិក និង​អត្តពលិក​ប៉ារ៉ាឡាំពិកចំនួន១០នាក់ លើប្រភេទវិញ្ញាសាកីឡាចំនួន៦ប្រភេទ៕

ប្រែសម្រួល៖ ផា រតនា

The post ក្រុមគ្រួសារអត្តពលិកសិង្ហបុរី នឹង​ចូលរួម​ប្រជុំ​រដ្ឋ​សភានៅខែក្រោយ appeared first on Kampuchea Thmey Daily.

ក្រុមបាល់ទះជម្រើសជាតិបារាំង​បាន​ឈ្នះ​មេដាយមាសអូឡាំពិករដូវក្តៅកាលពីឆ្នាំ២០២០​នៅ​ប្រទេសជប៉ុន។ ការប្រកួតអូឡាំពិកឆ្នាំ​នោះ បារាំងមើលទៅ​ទំនង​ដូច​ជា​​មិន​មែន​ក្រុម​ប្រជែងមេដាយមាស​ឡើយ​ ដោយសារ​ពួកគេឈរនៅលេខ៤ក្នុងពូល B បន្ទាប់​ពី​ឆ្លង​កាត់​៥​ប្រកួត គឺ​ឈ្នះ២ និង​ចាញ់៣។ ទោះ​បី​ជា​យ៉ាងការ​ភ្ញាក់​ផ្អើល​បាន​កើត​មាន​ឡើង។ នៅ​វគ្គ៨ក្រុមចុងក្រោយ បារាំង​បានទម្លាក់ក្រុម​ខ្លាំង​ប៉ូឡូញ​ដោយ​​លទ្ធផល ៣-២។ នៅ​វគ្គ​ពាក់​កណ្តាល​ផ្តាច់​ព្រ័ត្រ ​ពួក​គេ​បាន​យក​ឈ្នះ​អាហ្សង់ទីន ៣-០ ដើម្បី​ឡើង​ទៅ​កាន់​វគ្គ​ផ្តាច់​ព្រ័ត្រ។

នៅ​វគ្គផ្ដាច់ព្រ័ត្រ បារាំង​បានយកឈ្នះក្រុម​រុស្ស៊ី ដែលជាអធិរាជបាល់ទះ​ក្នុង​លោក​ ដោយ​លទ្ធផល ៣-២។ នេះ​ជា​មេដាយមាសលើកដំបូង​ក្នុង​ប្រវត្តិ​សាស្ត្រ​ ដែលក្រុម​បាល់ទះ​ជម្រើសជាតិបារាំងបានឈ្នះក្នុង​កីឡាអូឡាំពិក។

ក្នុងព្រឹត្តិការណ៍​កីឡា​អូឡាំពិក​គិត​ចាប់​​តាំងពីឆ្នាំ១៩៦៤មក ក្រុម​បាល់ទះ​ជម្រើស​ជាតិ​បារាំង​​មិនធ្លាប់ឈ្នះមេដាយទេ សូម្បី​តែ​ប្រាក់ ឬ​សំរិទ្ធ ប៉ុន្តែ​នៅ​ឆ្នាំ​២០២០ ពួកគេ​បាន​បំបែកកំណត់​ត្រា​ឈ្នះមេដាយជាលើកដំបូងក្នុងប្រវត្តិសាស្ត្រ​រហូត​ដល់​មេដាយ​មាស​ថែម​ទៀត។

ក្នុងព្រឹត្តិការណ៍អូឡាំពិកឆ្នាំ២០២៤ បារាំង​ត្រូវ​ធ្វើ​ការធ្ងន់​ ក្នុងនាម​ជា​ក្រុម​ការពារ​មេដាយមាសឆ្នាំចាស់។ ទោះបីឆ្នាំនេះមិន​មាន​រុស្ស៊ី​ ប៉ុន្តែ​ក្រុម​ខ្លាំង​ៗ​លំដាប់​ពិភព​លោក​ជា​ច្រើន​ទៀត​ជា​ឧបសគ្គ​ធំ​សម្រាប់​ម្ចាស់​ផ្ទះ​មាន​ដូច​ជា ប៉ូឡូញ ប្រេស៊ីល​ ជប៉ុន និងសហរដ្ឋអាមេរិក​ជា​ដើម។

អូឡាំពិក​ឆ្នាំ២០២៤​នេះមាន​ការ​កែរូបមន្ត​ប្រកួត​ថ្មី បើប្រៀបធៀប​នឹង​កីឡាអូឡាំពិក៩លើកចុងក្រោយ។ ការប្រកួត​ត្រូវចែងចែកជា៣ពូល ក្នុង១ពូលមាន៤ក្រុម ហើយក្រុមលេខ១ និងលេខ២ ក្នុងពូលនីមួយៗ​ឡើង​ទៅ​វគ្គ​៨​ក្រុម​ចុង​ក្រោយ ហើយ​២​ក្រុម​ទៀត​​ជា​​ក្រុម​លេខ៣​ល្អបំផុតក្នុងពូល​ក៏​បាន​ឡើង​​វគ្គ​បន្ត​ដែរ។ ក្នុង​នាម​ជា​ម្ចាស់​ផ្ទះ បារាំង​ ស្ថិត​នៅ​ក្នុង​ពូល A ដោយ​ស្វ័យ​ប្រវត្តិ៕

អត្ថបទ៖ ផា រតនា

The post ក្រុមបាល់ទះបារាំងត្រៀមការពារមេដាយមាសអូឡាំពិកលើទឹកដីខ្លួន appeared first on Kampuchea Thmey Daily.

វីរបុរសបាល់ទាត់អាហ្សង់ទីន ដែលត្រូវបានគេចាត់ទុកថាជាកីឡាករល្អបំផុត បានឈ្នះពានរង្វាន់ FIFA World Cup នៅប្រទេសកាតារ កាលពីឆ្នាំមុន និងមានមេដាយមាសអូឡាំពិក ពីទីក្រុងប៉េកាំងឆ្នាំ២០០៨។

ការប្រកួតកីឡាបាល់ទាត់បុរស ជារឿយៗមិនសូវជាមានកីឡាកល្អៗបំផុតចូលរួមនោះទេ ព្រោះវាជាការប្រកួតអាយុក្រោម២៣ឆ្នាំដែលមានកីឡាករលើស៣នាក់ប៉ុណ្ណោះដែលត្រូវបានអនុញ្ញាត ហើយជាធម្មតាក្លិបកំពូលៗក៏មានការស្ទាក់ស្ទើរក្នុងការអនុញ្ញាតសមាជិកក្រុមរបស់ពួកគេចូលរួមផងដែរ។

ទោះបីជាយ៉ាងណាក៏ដោយ លោក Bach ដែលបច្ចុប្បន្នកំពុង​ធ្វើ​ទស្សនកិច្ច​ប្រទេសអាហ្សង់ទីន មានបំណងចង់ឃើញតារាឆ្នើមរូបនេះបង្ហាញខ្លួននៅទីក្រុងប៉ារីស ជាមួយនឹងកីឡាករធំៗផ្សេងទៀតដូចជាខ្សែប្រយុទ្ធបារាំង Kylian Mbappé ជាដើម។

កីឡាករ Messi វ័យ ៣៦ឆ្នាំ ពេលនេះកំពុងលេងនៅសហរដ្ឋអាមេរិក ឱ្យក្លិប Inter Miami បន្ទាប់ពីអាជីពក្លិបដ៏ត្រចះត្រចង់នៅទ្វីបអឺរ៉ុប ដែលគេបានស៊ុតបញ្ចូលទីបាន ៦៧២គ្រាប់សម្រាប់ក្លិប Barcelona ។

Messi ស្គាល់រដ្ឋធានីបារាំងយ៉ាងច្បាស់ បន្ទាប់ពីលេងឱ្យ Paris Saint-Germain ក្រោយចំណាយពេលជាងពីរទសវត្សរ៍នៅប្រទេសអេស្ប៉ាញ។

លោក Bach បាននិយាយទៅកាន់អ្នកយកព័ត៌មានអាហ្សង់ទីនថា ៖«វាពិតជាអស្ចារ្យណាស់ ប្រសិនបើគាត់អាចនៅទីនេះ។ ការប្រកួតគឺជាមហិច្ឆតាសម្រាប់តារាបាល់ទាត់ជាច្រើនដូចជា Mbappé ជាដើម។ សម្រាប់ Lionel Messi មានន័យថា មានឱកាសចារក្នុងប្រវត្តិសាស្ត្រម្តងទៀត។ គាត់អាចជាកីឡាករតែម្នាក់គត់ក្នុងប្រវត្តិសាស្ត្រដែលបានមេដាយមាស ២លើក និង World Cup ១លើក»។ 

លោក Bach បានបន្តទៀតថា ៖«ខ្ញុំមិនចង់ជ្រៀតជ្រែកក្នុងការសម្រេចចិត្តរបស់គ្រូបង្វឹកនោះទេ ប៉ុន្តែវាជាឱកាសដ៏ល្អសម្រាប់ Messi។ ប្រសិនបើគាត់លេង អាហ្សង់ទីននឹងមានឱកាសខ្ពស់ក្នុងការឈ្នះមេដាយមាស។ វាពិតជាអស្ចារ្យសម្រាប់បាល់ទាត់ និងកីឡាអូឡាំពិក»។

គួររម្លឹក​ថា លោក Javier Mascherano គ្រូបង្វឹកក្រុមអូឡាំពិករបស់ប្រទេសអាហ្សង់ទីនបានសារភាពកាលពីខែមុនថា លោកចង់មាន Messi នៅក្នុងក្រុមរបស់លោក។

ក្រុមដែលធ្លាប់ឈ្នះមេដាយមាសអូឡាំពិក ២ដង ក្នុងនោះរួមបញ្ចូល Messi ធ្លាប់ជួយឱ្យឈ្នះម្ដងនៅ​ប៉េកាំង​ ឆ្នាំ​២០០៨​ មិន​ទាន់​បានកក់កៅអីសម្រាប់ Paris 2024 នៅឡើយទេ ហើយនឹងត្រូវឆ្លងកាត់ការប្រកួតជម្រុះប្រចាំទ្វីបអាមេរិកខាងត្បូង ដែលគ្រោងធ្វើនៅប្រទេសវេណេស៊ុយអេឡាក្នុងខែមករា និងកុម្ភៈ ខាងមុខ៕

ប្រែសម្រួល៖ មន្នីរ័ត្ន
ប្រភព៖ infobae.com

The post មេកីឡាអូឡាំពិកអំពាវនាវ Messi លេងឱ្យអាហ្សង់ទីន នៅអូឡាំពិក ឆ្នាំ២០២៤ ជាលើកចុងក្រោយ appeared first on Kampuchea Thmey Daily.

កីឡាថ្មី៥ប្រភេទដែលត្រូវបាន IOC អនុម័តជាផ្លូវការកាលពីសប្តាហ៍មុនគឺ softball, cricket, flag football, lacrosse និង squash ដែលចូលជាធរមានក្នុងការប្រកួតកីឡាអូឡាំពិក ឆ្នាំ២០២៨ ដែលទីក្រុងឡូស អេនជឺឡេស សហរដ្ឋអាមេរិក ធ្វើជាម្ចាស់ផ្ទះ។

កីឡា«មួយថៃ» និង«ឃីកបុកស៊ីង» មិនត្រូវបានគណៈកម្មាធិការអូឡាំពិកអន្តរជាតិអនុម័តទទួលឡើយ។ 

ប្រទេសថៃបានប្រឹងប្រែងជាច្រើនឆ្នាំមកហើយដើម្បីដាក់បញ្ចូល«Muay Thai»ក្នុងកីឡាអូឡាំពិក។ អាជ្ញាធរកីឡាថៃ និងមូលនិធិអភិវឌ្ឍកីឡាជាតិថៃបានរៀបចំការឧបត្ថម្ភគាំទ្រទាំងស្រុង និងបង្កើតអនុគណៈកម្មការដើម្បីជួយដល់គណៈកម្មាធិការអូឡាំពិកអន្តរជាតិដែលធ្វើយ៉ាងណាដើម្បីឲ្យបានចូលនៅឆ្នាំ២០២៨។ ក្នុងនោះថៃបានត្រៀមបណ្តុះបណ្តាល វគ្គបណ្តុះបណ្តាល សិក្ខាសាលា និងគ្រោងចុះអនុស្សរណៈនៃការយោគយល់ជាមួយទីភ្នាក់ងារជាច្រើនដើម្បីឲ្យសម្រេចបានលទ្ធផល។

ទោះបីជាយ៉ាងណា មិនមែនមានន័យថា រលាយសូន្យត្រឹមឆ្នាំ២០២៨ឡើយ ថៃនៅតែមានឱកាសក្នុងការបញ្ចូលក្បាច់គុន​ក្នុងព្រឹត្តិការណ៍ពិភពលោកដែលធ្វើឡើងរាល់៤ឆ្នាំម្តងនាពេលអនាគត៕

អត្ថបទ៖ វីរបុត្រ

The post IOC អនុម័តកីឡាថ្មី៥ប្រភេទ បដិសេធ«មួយថៃ» និង«ឃីកបុកស៊ីង»សម្រាប់អូឡាំពិក២០២៨ appeared first on Kampuchea Thmey Daily.