ដូចដែលមហាជនបានស្គាល់ហើយថា អ្នកផលិតមាតិការូបនេះក៏មានបើកជាបណ្ណាល័យ និងផ្តល់កន្លែងស្នាក់សម្រាប់សិស្សដែលខ្វះលទ្ធភាព ដើម្បីរួមចំណែកកក្នុងចលនាជំរុញធនធានមនុស្សកម្ពុជាផងដែរ។ ឯការប្រតិកម្ម គឺបន្ទាប់ពីមានអាណាព្យាបាលទាក់ទងសួររកកូន និងដោយសារតែមួយរយៈនេះ ប្រធានបទដែលផ្ទុះការវែកញែកពេញបណ្តាញទំនាក់ទំនងសង្គម គឺរឿងក្លឹបកម្សាន្តមួយកន្លែង សម្បូរដោយយុវ័យក្មេងៗដែលទំនងនៅវ័យត្រឹមនិស្សិតនៅឡើយ ហើយហាក់កំពុងបង្កើតគំរូនៃសង្គមយុវវ័យមួយដែលយកការសប្បាយធំជាងការដុះខាត់ខ្លួន។

ក្នុងន័យនេះ Rick KH គោប្រាក់ ចង់សំដៅដល់វ័យនេះ គឺស្ថិតក្រោមការគ្រប់គ្រង និងជាបន្ទុកអាណាព្យាបាលនៅឡើយ ពុំគួរណាប្រើថវិកាដែលពួកគាត់ខំប្រឹងយ៉ាងហត់នឿយ ទៅភ្លើតភ្លើនសប្បាយតាមវិធីនេះឡើយ។ ម៉្យាងវិញទៀត ការសប្បាយអារម្មណ៍នៅតាមក្លឹបកម្សាន្ត ជាអ្វីដែលយុវ័យមិនគួរចូលរួមឡើយ ព្រោះក្លឹបកម្សាន្តមិនមែនតែជាកន្លែងរាំនិងស្តាប់ចម្រៀងកម្សាន្តទេ តែក៏ផ្តោតសំខាន់លើសេវាកម្មភេសជ្ជៈគ្រឿងស្រវឹងផងដែរ។

ទន្ទឹមនឹងការលើកឡើងនេះ លោកក៏សង្កត់ធ្ងន់ដល់សិស្សនិស្សិតដែលស្នាក់នៅកន្លែងដែលផ្តល់ឱ្យផងដែរថា ដាច់ខាត លោកពុំអនុញ្ញាតចំពោះក្មេងដែលចូលរួមសកម្មភាពខាងលើឡើយ ព្រោះលោកមានបំណងចង់ជំរុញអ្នកជំនាន់ក្រោយកម្ពុជា ក្លាយជាធនធានមនុស្សដ៏មានតម្លៃ យកពេលទៅក្រេបជញ្ជក់ចំណេះដឹង ជាជាងការបំផ្លាញសុខភាព និងស្មារតី តាមរយៈការផឹកសុីតាមក្លឹបកម្សាន្ត។

The post គោប្រាក់ ដាស់តឿនក្មេងៗ កុំភ្លើតភ្លើនបង្ហិនលុយគ្រួសារទៅចម្រើនក្លឹបកម្សាន្ត ខណៈជាវ័យស្វាធ្យាយរៀនសូត្រ appeared first on Kampuchea Thmey Daily.

ការស្នើសុំនេះ ធ្វើឡើងស្របពេលដែលមហាជនកំពុងផ្ទុះការខឹងសម្បារនឹងអ្នកផលិតមាតិកា ដែលសាធារណជនស្គាល់ទូទៅថា ជាអ្នកផលិតវីដេអូផ្សព្វផ្សាយផលិតសម្រស់មួយរូប ទាក់ទងនឹងការ Prank ជាមួយនឹងកុមារីលក់សណ្តែកដី។

ដោយមើលឃើញសកម្មភាពនេះ Rick KH គោប្រាក់ បានស្នើរសុំ និងលើកឡើងថា “មិនមែនសុទ្ធតែអ្នកក្រ ចង់បានលុយទេ“។ លោកថា កន្លងមកធ្លាប់មានអ្នកយកលុយឱ្យមនុស្សចាស់ ប៉ុន្តែមុននឹងទទួលបាន Prank គាត់តក់ស្លុតស្ទើរគាំងបេះដូង ទើបជូនលុយគាត់តាមក្រោយ។ សូមស្តាប់វីដេអូលើកឡើងលម្អិត៖

គួរជម្រាបដែរថា គ្រាន់តែការស្នើសុំកុំឱ្យមានការផលិតមាតិកាប្រភេទនេះ ស្រាប់តែមានបុគ្គលម្នាក់ចេញមកប្រតិកម្មនឹង Rick KH គោប្រាក់ ដោយតិះដៀលនូវពាក្យពេចន៍មិនសមរម្យ រហូតក្លាយជារឿងរើងអើងភេទថែមទៀត។

យ៉ាងណា ជុំវិញរឿងរ៉ាវនេះ មហាជនបានចេញមកសម្តែងការហួសចិត្តនឹងបុគ្គលដែលប្រមាថលើ Rick KH ខណៈអ្នកផលិតមាតិកាដទៃផ្សេងទៀត ពិសេសអ្នកដែលជាអ្នកស្រលាញ់ភេទដូចគ្នា ចេញមកប្រតិកម្មលើបុគ្គលរូបនោះផងដែរ។

សូមជម្រាបថា Rick KH ជាអ្នកផលិតមាតិកាមួយរូប ដែលតែងតែចែករំលែកចំណេះដឹងជាច្រើនតាមរយៈវីដេអូស្រាវជ្រាវបុរាណវិទ្យា និងវីដេអូកម្សាន្តនានានៅលើបណ្ដាញសង្គម។ លោកជាបុគ្គលដែលពោរពេញដោយចំណេះដឹងផ្នែកអក្សរសាស្ត្រខ្មែរ ភាសាអន្តរជាតិ និងវោហាសាស្ត្រ ហើយរាល់វីដេអូដែល Rick Kh បង្ហោះលើបណ្តាញទំនាក់ទំនងសង្គម មានអ្នកចូលមើលច្រើន។

តួយ៉ាង វីដេអូទាំងអស់ដែលបង្កើតដោយ Rick Kh គឺជាការចែករំលែកវីដេអូទាក់ទងនឹងប្រាសាទ អក្សរសាស្ត្រ សារមន្ទីរជាតិ និងកន្លែងកម្សាន្តជាច្រើនទៀត សម្រាប់ប្រជាជនកម្ពុជាបានស្គាល់ និងស្វែងយល់។ លោកក៏ជាអ្នកដែលតែងតែចែករំលែក និងចូលរួមក្នុងសកម្មភាពមនុស្សធម៌ផ្សេងៗ ដូចជាការជួយសហគមន៍មនុស្សចាស់ ការជួយជនក្រីក្រ កុមារកំព្រា មន្ទីរពេទ្យ ក៏ដូចជាសាលារៀននៅតំបន់ដាច់ស្រយាលផងដែរ៕

The post Rick Kh ស្នើអ្នកផលិតមាតិកា ដែលចូលចិត្ត Prank បែបតក់ស្លុត ដាក់ក្មេងឬមនុស្សចាស់ បញ្ឈប់ទង្វើខ្លួន appeared first on Kampuchea Thmey Daily.