Panasonic Archives - Kampuchea Thmey Daily

ក្រុមហ៊ុន Panasonic ផ្តល់វង្វាន់អាហារូបករណ៌ទៅដល់សិស្សឆ្នើមនៅប្រទេសកម្ពុជា

Joly Heng — Fri, 17 Jan 2025 08:35:15 +0000

ក្រុមហ៊ុន Panasonic Cambodia បានផ្តល់អាហារូបករណ៌ដល់និស្សិតឆ្នើមចំនួន៩រូប នៃវិទ្យាស្ថានបច្ចេកវិទ្យាកម្ពុជា (ITC) សាកលវិទ្យាល័យភូមិន្ទវិចិត្រសិល្បៈ (RUFA) វិទ្យាស្ថានជាតិបណ្តុះបណ្តាលបច្ចេកទេស (NTTI) និង BELTEI International University នៃប្រទេសកម្ពុជា។

កម្មវិធីនេះត្រូវបានបង្កើតឡើងជាផ្នែកមួយនៃគំនិតផ្តួចផ្តើម នៃកម្មវិធី Panasonic Scholarship Asia ដែលផ្តល់ជំនួយហិរញ្ញវត្ថុ ជំនួយអភិវឌ្ឍន៍ និងឱកាសកម្មសិក្សាដល់និស្សិតឆ្នើមមកពីសាកលវិទ្យាល័យក្នុងស្រុក និងសាលាបណ្តុះបណ្តាលវិជ្ជាជីវៈក្នុងប្រទេសកម្ពុជា។

និស្សិតជាប់អាហារូបករណ៌ជាមួយថ្នាក់ដឹកនាំនៃក្រុមហ៊ុន Panasonic និងភ្ញៀវកិត្តិយស

ចាប់តាំងពីឆ្នាំ 2019 មក កម្មវិធីអាហារូបករណ៌របស់ Panasonic បានគាំទ្រដល់និស្សិតកម្ពុជាជាច្រើនក្នុងការបន្តគោលដៅសិក្សា និងវិជ្ជាជីវៈរបស់ពួកគេ។ កម្មវិធីនេះសង្កត់ធ្ងន់ទៅលើឧត្តមភាពសិក្សា និងបទពិសោធន៍ជាក់ស្តែង ដោយទទួលបាននូវឱកាសចុះកម្មសិក្សាជាមួយក្រុមហ៊ុន Panasonic ផ្ទាល់ ដើម្បី ឱ្យសិស្សមាននូវជំនាញ និងចំណេះដឹងដ៏មានតម្លៃ។ វិធីសាស្រ្តរួមនេះធានាថា សិស្សនិស្សិតនឹងត្រូវបានរៀបចំយ៉ាងល្អ ដើម្បីក្លាយជាអ្នកដឹកនាំនាពេលអនាគតក្នុងវិស័យរបស់ពួកគេ។ លើសពីនេះ និស្សិតបញ្ចប់ការសិក្សាចូលរួមជាមួយបណ្តាញអតីតនិស្សិតដ៏រស់រវើក ដែលផ្តល់ឱកាសបង្កើតបណ្តាញជាមួយអ្នកប្រាជ្ញអន្តរជាតិ និងការទទួលបានធនធានអភិវឌ្ឍអាជីព ដូចជាសិក្ខាសាលា ជាដើម។

លោក Hisakazu Maeda អគ្គនាយកប្រចាំប្រទេសនៃក្រុមហ៊ុន Panasonic Cambodia ស្វាគមន៏ភ្ញៀវកិត្តិយសនិងអ្នកចូលរួម

លោក Hisakazu Maeda អគ្គនាយកប្រចាំប្រទេសនៃក្រុមហ៊ុន Panasonic Cambodia បានស្វាគមន៍យ៉ាងកក់ក្តៅចំពោះភ្ញៀវកិត្តិយស និងបានថ្លែងអំណរគុណយ៉ាងជ្រាលជ្រៅចំពោះអ្នកចូលរួមទាំងអស់។ លោកបានគូសបញ្ជាក់បន្ថែមអំពីគោលការណ៍បង្កើតរបស់ក្រុមហ៊ុន Panasonic ដែលបង្កើតឡើងដោយ Konosuke Matsushita ដោយសង្កត់ធ្ងន់ទៅលើការយកចិត្តទុកដាក់របស់ក្រុមហ៊ុនក្នុងការចិញ្ចឹមបីបាច់ធនធានមនុស្សសម្រាប់អនាគត។ លោកបានបញ្ជាក់ជាថ្មីពីការប្តេជ្ញាចិត្តរបស់ Panasonic ក្នុងការអភិវឌ្ឍអ្នកដឹកនាំនាពេលអនាគត និងការកសាងអនាគតដ៏ត្រចះត្រចង់។

លោក Naoyuki Tada ប្រធានផ្នែកទទួលបន្ទុកនៅក្រៅប្រទេស នាយកដ្ឋានពលរដ្ឋសាជីវកម្មនៃសាជីវកម្ម Panasonic Corporation ប្រទេសជប៉ុនបានថ្លែងសុន្ទរកថា

លោក Naoyuki Tada ប្រធានផ្នែកទទួលបន្ទុកនៅក្រៅប្រទេស នាយកដ្ឋានពលរដ្ឋសាជីវកម្មនៃសាជីវកម្ម Panasonic Corporation ប្រទេសជប៉ុនបានលើកឡើងនៅក្នុងសុន្ទរកថារបស់លោកថា កម្មវិធី Panasonic Scholarship Asia គឺជាគំនិតផ្តួចផ្តើមដ៏សំខាន់មួយរបស់ Panasonic នៅទូទាំងពិភពលោក ដែលស្ថិតនៅក្រោមសសរស្តម្ភ “ការអភិវឌ្ឍន៍ធនធានមនុស្ស” ។ ចាប់តាំងពីការចាប់ផ្តើមរបស់ខ្លួននៅក្នុងឆ្នាំ 1998 កម្មវិធីនេះត្រូវបានធ្វើឡើងនៅក្នុងប្រទេសចំនួន 12 ផ្សេងៗគ្នានៅទូទាំងពិភពលោក ហើយបានផ្តល់អាហារូបករណ៍ដល់សិស្សជាង 1,400 នាក់ហើយមកទល់ពេលនេះ។

លោក សយ ទី នាយករងនៃវិទ្យាស្ថានបច្ចេកវិទ្យាកម្ពុជា (ITC) សម្តែងនូវអំណរគុណចំពោះ ក្រុមហ៊ុន Panasonic

លោក សយ ទី នាយករងនៃវិទ្យាស្ថានបច្ចេកវិទ្យាកម្ពុជា (ITC) រួមជាមួយនឹងនិស្សិតទទួលអាហារូបករណ៌កាលពីឆ្នាំមុន បានសម្តែងនូវអំណរគុណចំពោះ ក្រុមហ៊ុន Panasonic សម្រាប់ឱកាសដ៏មានតម្លៃដែលបានផ្តល់តាមរយៈកម្មវិធីអាហារូបករណ៌ Panasonic និងបានទទួលស្គាល់ពីសារៈសំខាន់ដែលអាហារូបករណ៌ទាំងនេះមានក្នុងដំណើរសិក្សា និងអាជីពរបស់គេ ដែលអនុញ្ញាតឱ្យពួកគេបានបន្តគោលដៅដោយមានទំនុកចិត្ត។ ពួកគេបានគូសបញ្ជាក់ពីសារៈសំខាន់នៃការប្តេជ្ញាចិត្តរបស់ Panasonic ក្នុងការជំរុញការលូតលាស់ផ្នែកអប់រំ និងផ្ទាល់ខ្លួនក្នុងចំណោមនិស្សិតកម្ពុជា។

លោកស្រី សេង ហ្សានីន ប្រធាននាយកដ្ឋានសហប្រតិបត្តិការអន្តរជាតិ និងកិច្ចការអាស៊ាន នៃក្រសួងអប់រំ យុវជន និងកីឡា វាគ្មិនកិត្តិយស

នៅក្នុងកម្មវិធីនេះ លោកស្រី សេង ហ្សានីន ប្រធាននាយកដ្ឋានសហប្រតិបត្តិការអន្តរជាតិ និងកិច្ចការអាស៊ាន នៃក្រសួងអប់រំ យុវជន និងកីឡា បានសង្កត់ធ្ងន់លើតួនាទីសំខាន់នៃកម្មវិធី Panasonic Scholarship Asia ក្នុងការផ្តល់ឱកាសដល់និស្សិតនៅទូទាំងប្រទេសកម្ពុជា។

នៅក្នុងសុន្ទរកថាសំខាន់របស់លោកស្រី ហ្សានីន បានលើកឡើងពីអត្ថប្រយោជន៍នៃកម្មវិធី ដែលផ្តល់ទាំងការគាំទ្រផ្នែកហិរញ្ញវត្ថុ និងឱកាសកម្មសិក្សាដែលមិនអាចកាត់ថ្លៃបានដល់និស្សិត។ កម្មវិធី Panasonic Scholarship Asia នៅតែបន្តជាធនធានដ៏សំខាន់សម្រាប់អ្នកដឹកនាំវ័យក្មេង ដោយបំផុសគំនិតពួកគេឱ្យបន្តស្វែងរកឧត្តមភាព និងរួមចំណែកដល់ការអភិវឌ្ឍន៍កម្លាំងការងាររបស់ប្រទេសកម្ពុជា។

ក្រុមហ៊ុន Panasonic Cambodia គឺជាការិយាល័យតំណាងផ្លូវការរបស់ Panasonic Singapore ដែលបានបង្កើតឡើងក្នុងឆ្នាំ 2010 និងទទួលខុសត្រូវផ្នែកទីផ្សារ សេវាកម្មក្រោយការលក់ និងជួសជុលក្នុងប្រទេសកម្ពុជា។ ក្រុមហ៊ុន Panasonic Cambodia ក៏ដើរតួយ៉ាងសកម្មក្នុងការបង្កើតផលវិជ្ជមាន ដល់សង្គម និងសហគមន៍។ ក្រុមហ៊ុន Panasonic នឹងបន្តគាំទ្រអ្នកដែលចង់បន្តការសិក្សា និងក្លាយជាធនធានមនុស្សដែលនឹងកសាងអនាគត របស់ខ្លួន។

សម្រាប់ព័ត៌មានបន្ថែម សូមចូលទៅកាន់គេហទំព័រ Panasonic Cambodia: www.panasonic.com/kh

ទំនាក់ទំនង៖

Panasonic Cambodia, ផ្នែកទំនាក់ទំនងទីផ្សារ

អ៊ីម៉ែល៖ nileshika.wijenaike@kh.panasonic.com

The post ក្រុមហ៊ុន Panasonic ផ្តល់វង្វាន់អាហារូបករណ៌ទៅដល់សិស្សឆ្នើមនៅប្រទេសកម្ពុជា appeared first on Kampuchea Thmey Daily.

ក្រុមហ៊ុន Panasonic Cambodia នៅតែបន្តចាប់ដៃគូសហការជាមួយនឹងក្លឹបបាល់ទាត់ ISI ដង្កោសែនជ័យ ដើម្បីលើកស្ទួយការអភិវឌ្ឍន៍របស់យុវជនជំនាន់ក្រោយ

Joly Heng — Tue, 17 Dec 2024 06:47:13 +0000

ក្រុមហ៊ុន Panasonic Cambodia និង ក្លឹបបាល់ទាត់ ISI ដង្កោសែនជ័យ បានចុះហត្ថលេខាលើអនុស្សរណៈនៃការយោគយល់គ្នា (MoU) ដើម្បីបន្តភាពជាដៃគូដោយផ្តោតលើការបណ្តុះទេពកោសល្យសម្រាប់កីឡាករបាល់ទាត់វ័យក្មេងនៅកម្ពុជា។ កិច្ចសហការនេះបានឈានចូលដល់ឆ្នាំទី 3 ហើយ ដែលបង្ហាញពីការប្តេជ្ញាចិត្តបន្តរបស់ Panasonic Cambodia ក្នុងនាមជាដៃគូអាជីវកម្មសម្រាប់ក្លឹបបាល់ទាត់ដែលមានមូលដ្ឋាននៅទីក្រុងភ្នំពេញ ដែលបានប្រកួតប្រជែងក្នុងក្របខ័ណ្ឌ Premier League ដ៏មានកិត្យានុភាព។

ពិធីចុះហត្ថលេខាលើអនុស្សរណៈយោគយល់គ្នានេះបានធ្វើឡើងនៅកីឡដ្ឋាន AIA នៅ KMH Park ដោយមានការចូលរួមពីលោក Hisakazu Maeda អគ្គនាយក Panasonic នៅប្រទេសកម្ពុជានិង លោក កាំង សេន ប្រធានក្លិបបាល់ទាត់ ISI ដង្កោសែនជ័យ ព្រមទាំងសមាជិកនៃក្លឹបបាល់ទាត់និងបុគ្គលិក ។

Panasonic Cambodia បានឧបត្ថម្ភគ្រឿងបរិក្ខារបស់ខ្លួនដើម្បីលើកស្ទួយហេដ្ឋារចនាសម្ព័ន្ធនិងជួយសម្រួលដល់ប្រតិបត្តិការនៃកីឡដ្ឋាន AIAនៅ KMH Park រួមមានម៉ាស៊ីនត្រជាក់បំពាក់បច្ចេកវិទ្យា nanoeX ដែលជួយទប់ស្កាត់មេរោគនិងផ្តល់នូវផាសុកាភាពដល់កីឡាករ និងទស្សនា។

កីឡដ្ឋាននេះត្រូវបានបំពាក់ដោយម៉ាស៊ីនត្រជាក់ Panasonic និងប្រើប្រាស់កាមេរ៉ា Lumix

ក្រុមហ៊ុនក៏បានផ្គត់ផ្គង់ម៉ាស៊ីនបោកគក់សម្ងួត CARE+ Edition របស់ខ្លួនផងដែរ ដែលត្រូវបានរចនាឡើងដើម្បីសម្អាតនិងសម្ងួតអាវរបស់ក្រុមកីឡាករប្រកបដោយអនាម័យ ។ Panasonic បានផ្តល់អោយក្លឹបនូវកាមេរ៉ា Lumix ដ៏ទំនើប ដើម្បីគាំទ្របន្ថែមលើប្រព័ន្ធផ្សព្វផ្សាយរាល់គ្រប់ការប្រកួត។

ថ្លែងក្នុងពិធីចុះហត្ថលេខាលើអនុស្សរណៈនេះ លោក Hisakazu Maeda បានសង្កត់ធ្ងន់លើការយកចិត្តទុកដាក់ ក្នុងការចូលរួមដល់សង្គមរបស់ក្រុមហ៊ុន Panasonic Cambodia តាមរយៈសសរស្តម្ភសំខាន់ៗចំនួនបួនគឺ ការអភិវឌ្ឍន៍មនុស្ស បរិស្ថាន កីឡា និងសិល្បៈ និងវប្បធម៌។

លោក Hisakazu Maeda អគ្គនាយកប្រចាំប្រទេសនៃក្រុមហ៊ុន Panasonic នៅប្រទេសកម្ពុជា ទទួលវត្ថុអនុស្សាវរីយ៍

លោកបានកត់សម្គាល់ថា “ការគាំទ្រដែលយើងផ្តល់សម្រាប់ ISI គឺជាផ្នែកមួយនៃគំនិតផ្តួចផ្តើមនេះ ដើម្បីគាំទ្រដល់យុវជនប្រកបដោយទេពកោសល្យ ផ្តល់ឱកាសអោយពួកគេចូលរួមក្នុងសកម្មភាពកីឡា។ កិច្ចសហការនេះបង្ហាញពីបេសកកម្មរួមគ្នាដើម្បីបង្កើនបទពិសោធន៍របស់កីឡាករ និងអ្នកគាំទ្រ ស្របពេលដែលជំរុញការអភិវឌ្ឍន៍បាល់ទាត់កម្ពុជា។

ក្រុមការងាររបស់ក្លឹប ISI ដង្កោសែនជ័យនិងPanasonic Cambodia

The post ក្រុមហ៊ុន Panasonic Cambodia នៅតែបន្តចាប់ដៃគូសហការជាមួយនឹងក្លឹបបាល់ទាត់ ISI ដង្កោសែនជ័យ ដើម្បីលើកស្ទួយការអភិវឌ្ឍន៍របស់យុវជនជំនាន់ក្រោយ appeared first on Kampuchea Thmey Daily.

ទទួលបានការការពារប្រកបដោយផាសុកភាព ពេញ ២៤ ម៉ោងជាមួយនឹងម៉ាស៊ីនត្រជាក់ Panasonic ស៊េរីថ្មី XU

Sorn Phanith — Fri, 25 Mar 2022 08:47:15 +0000

ជាមួយនឹងបេសកកម្មដ៏មុតមាំក្នុងការលើកកម្ពស់គុណភាពខ្យល់បរិសុទ្ធស្រស់ថ្លា ក្នុងអំឡុងពេលនៃការរីករាលដាលជំងឺកូវីដ-19 ក្រុមហ៊ុន Panasonic Cambodia បានបើកសម្ពោធនូវម៉ាស៊ីនត្រជាក់ស៊េរីថ្មី XU ដ៏ឆ្លាតវៃ គួរជាទីប្រាថ្នា។

ម៉ាស៊ីនត្រជាក់ Panasonic ស៊េរីថ្មី XU មានបំពាក់នូវបច្ចេកវិទ្យាទំនើប nanoeX អាចទប់ស្កាត់ការបំពុលជាច្រើន រួមជាមួយនឹងការកម្ចាត់ក្លិនមិនល្អ ដែលមាននៅក្នុងខ្យល់បរិយាកាសនៅក្នុងផ្ទះ និងនៅលើផ្ទៃកម្រាលនៃគ្រឿងបរិក្ខារផ្សេងៗនៅក្នុងផ្ទះរបស់អ្នក ដោយការបញ្ចេញនូវភាគល្អិតទឹកដ៏តូចដែលមានទំហំណាណូ ដើម្បីអាចជួយការពារមនុស្សជាទីស្រលាញ់របស់អ្នកបានប្រសើរជាងមុន។ មុខងារថ្មីនៃ ឧបករណ៍ផលិត nanoeX mark 2 រ៉ាឌីកាល់អ៊ីដ្រុកស៊ីល (OH) ដែលស្រោបដោយទឹកក្នុងទំហំដ៏តូច ណាណូម៉ែត្រ បានច្រើនជាងឧបករណ៍ផលិត nanoe ធម្មតា។ ជាលទ្ធផល ឧបករណ៍ផលិត nanoeX ជំនាន់ចុងក្រោយបំផុតនេះ មានប្រសិទ្ធភាពខ្ពស់បំផុត ក្នុងការសម្អាតខ្យល់បរិយាកាស និងអាចកម្ចាត់ក្លិនមិនល្អនៅក្នុងផ្ទះរបស់អ្នកបានយ៉ាងអស្ចារ្យ។

ម៉ាស៊ីនត្រជាក់ស៊េរីថ្មី XU មានបំពាក់បច្ចេកវិទ្យា nanoeX ដែលជាប្រព័ន្ធបន្សុទ្ធខ្យល់លក្ខណៈច្នៃប្រឌិតថ្មី អាចថែរក្សាលំនៅឋានរស់នៅរបស់អ្នកឲ្យមានបរិយាកាសស្រស់ថ្លាប្រកបដោយអនាម័យខ្ពស់ សម្រាប់អ្នក និងគ្រួសាររបស់អ្នករស់នៅប្រកបដោយផាសុកភាព។ វាអាចទប់ស្កាត់ការលូតលាស់នៃសារធាតុបំពុលជាច្រើន មានដូចជា បាក់តេរី មេរោគ ពពួកផ្សិតផ្អួរ និងក្លិនមិនល្អ។

លើសពីនេះ ម៉ូដែលថ្មីនេះ ក៏មានបំពាក់មុខងារពិសេស Comfort Cloud App ដែលអាចឲ្យអ្នកប្រើប្រាស់គ្រប់គ្រងបញ្ជាម៉ាស៊ីនត្រជាក់បានរហូតដល់ 200 គ្រឿង បានគ្រប់ពេលវេលា និងគ្រប់ទីកន្លែង។ ប្រព័ន្ធគ្រប់គ្រងបណ្តាញ អាចឲ្យឧបករណ៍ចល័ត ដូចជាទូរស័ព្ទរបស់អ្នក ដើរតួជាឧបករណ៍គ្រប់គ្រងបញ្ជាពីចម្ងាយបានយ៉ាងល្អ និងដ៏ងាយស្រួល ដោយគ្រាន់តែភ្ជាប់ដំណើរការជាមួយម៉ាស៊ីនត្រជាក់របស់អ្នក ក្នុងរយៈពេលប៉ុន្មានវិនាទីប៉ុណ្ណោះ ជាមួយនឹងមុខងារពិសេសៗនៃការផ្តល់នូវភាពត្រជាក់ប្រកបដោយផាសុកភាព គឺមានតែនៅ Panasonic ។

Panasonic បានបង្កើត nanoeX ដោយមានគោលបំណងធ្វើឲ្យគុណភាពខ្យល់នៅទូទាំងពិភពលោកមានភាពប្រសើរឡើង និងផ្តល់នូវដំណោះស្រាយនៃគុណភាពខ្យល់ ដែលអាចគ្រប់គ្រងសីតុណ្ហភាព សំណើម ការផ្លាស់ប្តូរចរន្តខ្យល់ចេញចូល និងចរន្តខ្យល់បាញ់ចេញ ដើម្បីផ្តល់នូវខ្យល់បរិយាកាស ដែលមានគុណភាពខ្ពស់ ស័ក្ដិសមសម្រាប់ប្រើប្រាស់នៅតាមគេហដ្ឋាន ហាងលក់ទំនិញ ការិយាល័យ និងអគារផ្សេងៗ។ ប្រទេសមួយចំនួនដូចជា ជប៉ុន សិង្ហបុរី និងម៉ាឡេស៊ី បាននាំមុខក្នុងការប្រើប្រាស់បច្ចេកវិទ្យាទំនើបដ៏ឆ្លាតវៃនេះ ហើយប្រទេសជាច្រើនទៀតក៏នឹងកំពុងប្រើប្រាស់ជាបន្តបន្ទាប់។

អំពី Panasonic Cambodia

ក្រុមហ៊ុន Panasonic ប្រចាំនៅប្រទេសកម្ពុជា បង្កើតឡើងនៅក្នុងឆ្នាំ 2010 គឺជាការិយាល័យតំណាងចែកចាយផ្លូវការរបស់ Panasonic Singapore មកកាន់ប្រទេសកម្ពុជា ដែលទទួលខុសត្រូវក្នុងការលក់ផលិតផល / លក់គ្រឿងបន្លាស់ ផ្សព្វផ្សាយទីផ្សារ និងចែកចាយផលិតផល Panasonic ទាំងផ្នែក B2B និង B2C ។ Panasonic កម្ពុជា មានតួនាទីយ៉ាងសកម្មក្នុងការផ្តល់នូវបរិយាកាសរស់នៅកាន់តែប្រសើរដល់សង្គម និងសហគមន៍។ សម្រាប់ព័ត៌មានបន្ថែម សូមចូលក្នុងគេហទំព័រ៖ www.panasonic.com/kh។

The post ទទួលបានការការពារប្រកបដោយផាសុកភាព ពេញ ២៤ ម៉ោងជាមួយនឹងម៉ាស៊ីនត្រជាក់ Panasonic ស៊េរីថ្មី XU appeared first on Kampuchea Thmey Daily.

ប្រសិទ្ធភាពនៃការទប់ស្កាត់មេរោគកូរ៉ូណា (SARS-CoV-2) ជាមួយម៉ាស៊ីនត្រជាក់ Panasonic ដែលបំពាក់នូវបច្ចេកវិទ្យា nanoe™ X

Sorn Phanith — Wed, 15 Dec 2021 03:14:48 +0000

Panasonic បានប្រកាសពីប្រសិទ្ធភាពរបស់ម៉ាស៊ីនត្រជាក់ Panasonic ដែលមានបំពាក់នូវបច្ចេកវិទ្យាទំនើប nanoe X ក្នុងការ ទប់ស្កាត់មេរោគកូរ៉ូណា (SARS-Cov-2) ត្រូវបានទទួលស្គាល់ដោយ Global Cantract Research Organisaticn Texcell*1 ។ Texcell បានទទួលស្គាល់ពីប្រសិទ្ធភាពនៃការទប់ស្កាត់មេរោគកូរ៉ូណា បានដល់ទៅ 91.4% នៅក្នុងបន្ទប់ទំហំ 6.7m3 ក្នុងរយៈពេល 8 ម៉ោង។

nanoe X គឺជាបច្ចេកវិទ្យាទំនើបមួយ ចាប់យកសំណើមដែលមើលមិនឃើញនៅក្នុងខ្យល់ ហើយធ្វើប្រតិកម្មនៅក្នុងកម្រិតតង់ស្យុងខ្ពស់ ដើម្បីបង្កើត “រ៉ាឌីកាល់អ៊ីដ្រូស៊ីលដែលមាននៅក្នុងទឹក”។ រ៉ាឌីកាល់អ៊ីដ្រូកស៊ីល អាចទប់ស្កាត់ការលូតលាស់នៃសារធាតុបំពុល ទាំងឡាយមានដូចជា បាក់តេរី និងមេរោគជាដើម។ រ៉ាឌីកាល់អ៊ីដ្រូកស៊ីល ត្រូវបានទទួលរងនូវការធ្វើប្រតិកម្ម និងអុកស៊ីតកម្មខ្លាំង ដូចនេះវាមានអាយុកាលខ្លី។ ប៉ុន្តែនៅពេលដែលភាគល្អិតដ៏តូចនេះហ៊ុមព័ទ្ធដោយទឹក ដែលជា nanoe X វានឹងមានអាយុកាលវង ហើយអាចសាយភាយបានឆ្ងាយពេញផ្ទៃបន្ទប់។ វាមានប្រសិទ្ធភាពក្នុងការទប់ស្កាត់ទាំងសារធាតុបំពុលដែលអណ្ដែតក្នុងខ្យល់ និង តោងជាប់លើគ្រឿងបរិក្ខារផ្សេងៗ។

នៅក្នុងខែកញ្ញា ឆ្នាំ 2020 ក្រុមហ៊ុន Panasoni បានទទួលស្គាល់ពីលទ្ធផលពិសោធន៍ ក្រោមកិច្ចសហការជាមួយ Texcell *1 ពី ប្រសិទ្ធភាពនៃបច្ចេកវិទ្យា nanoe X ជាមួយនឹងគុណប្រយោជន៍នៃរ៉ាឌីកាល់អ៊ីដ្រូកស៊ុលទៅលើមេរោគកូរ៉ូណា នៅក្នុងបន្ទប់ពិសោធន៍តូចមួយដែលមានទំហំ 45L ដោយការប្រើប្រាស់ឧបករណ៍ផលិត nanoe X។ សម្រាប់ការស្រាវជ្រាវបន្ថែម ក្រុមហ៊ុន Panasonic បានធ្វើការសាកល្បងដោយការប្រើម៉ាស៊ីនត្រជាក់ដែលបំពាក់បច្ចេកវិទ្យា nanoe X នៅក្នុងបន្ទប់ពិសោធន៍ដែលធំ ជាងមុន។ ទោះជាយ៉ាងណា នៅក្នុងកាលៈទេសៈដ៏លំបាកនេះ Texcell ក៏បានទទួលស្គាល់ពីលទ្ធផលនេះថា បច្ចេកវិទ្យាទំនើប nanoery X មានប្រសិទ្ធភាពខ្ពស់រហូតដល់ 91.4% ក្នុងការទប់ស្កាត់ទៅលើមេរោគកូរ៉ូណា នៅក្នុង បន្ទប់ទំហំ 6.7m3 ក្នុងរយៈពេល 8 ម៉ោង ដោយការប្រើប្រាស់ម៉ាស៊ីនត្រជាក់ ដែលមានបំពាក់បច្ចេកវិទ្យា nancer X ។ គួរបញ្ជាក់ ផងដែរថា ការធ្វើតេស្តនេះ ត្រូវបានធ្វើឡើងនៅក្នុងបន្ទប់ពិសោធន៍បិទជិត និងមិនត្រូវបានរៀបចំឡើងដើម្បីវាយតម្លៃពីប្រសិទ្ធភាព របស់វា នៅកន្លែងរស់នៅដែលមិនអាចគ្រប់គ្រងបាននោះទេ។

ក្រុមហ៊ុន Panasonic បានធ្វើការស្រាវជ្រាវលើបច្ចេកវិទ្យា nanoe អស់រយៈពេលជាង 20ឆ្នាំ គឺចាប់តាំងពីឆ្នាំ 1997 មកម្ល៉េះ ហើយ ការស្រាវជ្រាវនេះ ត្រូវបានទទួលស្គាល់ពីប្រសិទ្ធភាពរបស់វានៅក្នុងតំបន់ជាច្រើន មានដូចជាការទប់ស្កាត់មីក្រូសរីរាង្គបង្កជំងឺ (បាក់តេរី ផ្សិត និងមេរោគ) និងភ្នាក់ងារបង្កអាឡែកហ្ស៊ី បំបែកសមាសធាតុភាគល្អិត PM 2.5 ដែលបង្កឲ្យមានបញ្ហាសុខភាពដល់ សារពាង្គកាយមនុស្ស *2 ។

ក្រុមហ៊ុន Panasonic នឹងនៅបន្តស្រាវជ្រាវបន្ថែមទៀតនូវបច្ចេកវិទ្យាទំនើប nanoek X ដើម្បីដោះស្រាយហានិភ័យ ដែលទាក់ទង នឹងការបំពុលផ្សេងៗនៅក្នុងខ្យល់ ដូចជា មីក្រូសរីរាង្គបង្កជំងឺ (ផ្សិត បាក់តេរី និងមេរោគ) ក្នុងគោលបំណង ដើម្បីបង្កើតនូវ បរិយាកាសដែលប្រកបដោយផាសុកភាព សម្រាប់មនុស្សនៅជុំវិញពិភពលោក។

ឯកសារយោង៖

ការពិសោធន៍ពីប្រសិទ្ធភាពនៃម៉ាស៊ីនត្រជាក់ដែលមានបំពាក់នូវបច្ចេកវិទ្យា nanoe X ក្នុងការទប់ស្កាត់មេរោគកូរ៉ូណា (SAFSCov-2) ក្នុងទំហំបន្ទប់ 6.7m3 ។

ទិដ្ឋភាពទូទៅ៖ វពិសោធន៍ប្រៀបធៀបមួយត្រូវបានធ្វើឡើងនៅក្នុងបន្ទប់ ទំហំ 6.7” ដែលមានផ្ទុកនូវមេរោគកូរ៉ូណា (SARS-Cov2) ។

លទ្ធផល៖ សកម្មភាពរបស់មេរោគកូរ៉ូណា (SARS-CoV-2) ជាង 91% ត្រូវបានទប់ស្កាត់ក្នុងរយៈពេល 8 ម៉ោង។

សម្គាល់៖ ការទទួលស្គាល់នេះត្រូវបានធ្វើឡើង ដើម្បីបង្កើតទិន្នន័យស្រាវជ្រាវជាមូលដ្ឋានស្តីពីប្រសិទ្ធភាពនៃបច្ចេកវិទ្យា nanoe X ក្នុងការទប់ស្កាត់នូវមេរោគកូរ៉ូណាក្នុងលក្ខខណ្ឌបន្ទប់ពិសោធន៍ ដែលខុសពីមេរោគកូរ៉ូណាមានក្នុងកន្លែងរស់នៅ។

វិធីសាស្ត្រ និងទិន្នន័យ

ស្ថាប័ន៖ TexCell ប្រទេសបារាំង )

ប្រធានបទ៖ មេរោគកូរ៉ូណាប្រភេទថ្មី (SARS-CV-2)

ឧបករណ៍៖ ម៉ាស៊ីនត្រជាក់ដែលមានបច្ចេកវិទ្យា nanoe X

វិធីសាស្ត្រ៖

ម៉ាស៊ីនត្រជាក់ដែលមានបំពាក់នូវបច្ចេកវិទ្យា nanoe X ត្រូវបានដំឡើងក្នុងបន្ទប់ដែលមានទំហំ 6.7m3 ។ ដំណោះស្រាយនៃការ ទប់ស្កាត់មេរោគកូរ៉ូណា SARS-Cov-2 ដែលមាននៅលើ Gauze គឺត្រូវបានដាក់នៅក្នុងបន្ទប់ទំហំ 6.7 m3 ជាមួយម៉ាស៊ីនត្រជាក់ដែលមានបំពាក់នូវបច្ចេកវិទ្យា nanoe X ក្នុងចម្ងាយ 0.7 ម៉ែត្រ ក្នុងរយៈពេល 24ម៉ោង។ ការពិសោធន៍នៃការចម្លងមេរោគត្រូវបាន វាយតម្លៃ និងប្រើប្រាស់ដើម្បីការគណនាអត្រានៃការទប់ស្កាត់។

កំណត់សម្គាល់៖

* Texcell គឺជា Global Contract Research Organisation ដែលមានជំនាញក្នុងការធ្វើតេស្ត និងកម្ចាត់មេរោគ ការរៀបចំប្រព័ន្ធ ការពារសរីរាង្គ និង R&D ឬ GMP cell banking សម្រាប់គម្រោង R&D, GCIP, GLP និងគម្រោង GMP របស់អ្នក។ ជាមួយនឹងបទ ពិសោធន៍ និងប្រវត្តិការងារជាង 30ឆ្នាំ នៅក្នុងវិទ្យាស្ថានប៉ាស្ទ័រនៅទីក្រុងប៉ារីស ដែលក្រុមហ៊ុន Texcell ត្រូវបានទទួលស្គាល់ក្នុង ជំនាញនេះជាយូរមកហើយ ក្នុងការធ្វើតេស្តមេរោគជាមួយនឹងការរៀបចំតាមបទដ្ឋានស្ដង់ដារដ៏ធំ សម្រាប់ការរកឃើញពពួកមេរោគ ផ្សេងៗ។

Texcell គឺជាវិទ្យាស្ថានប៉ាស្ទ័រ ដែលបង្កើតឡើងដំបូងគេ ប្រចាំនៅទីក្រុងប៉ារីស ក្នុងឆ្នាំ 1997 ។

* ការប្រកាសសំខាន់ៗអំពីករណីដែលត្រូវបានទទួលស្គាល់

– ថ្ងៃទី12 ខែឧសភា ឆ្នាំ2009៖ ប្រសិទ្ធភាព វិជ្ជមាននៃភាគល្អិតទឹកក្នុងការទប់ស្កាត់មេរោគ បាក់តេរី និងសារធាតុគីមីកសិកម្ម ត្រូវ បានទទួលស្គាល់។

– ថ្ងៃទី20 ខែតុលា ឆ្នាំ2009៖ ប្រសិទ្ធភាពនៃភាគល្អិតទឹកក្នុងការទប់ស្កាត់មេរោគគ្រុនផ្ដាសាយថ្មី ត្រូវ បានទទួលស្គាល់។

– ថ្ងៃទី20 ខែកុម្ភៈ ឆ្នាំ2012៖ ប្រសិទ្ធភាពនៃភាគល្អិតទឹកក្នុងការទប់ស្កាត់សារធាតុអាឡែកហ្ស៊ី បាក់តេរី ផ្សិត និងមេរោគដែលទាក់ទងនឹងសត្វចិញ្ចឹម ត្រូវបានទទួលស្គាល់។

-ថ្ងៃទី16 ខែមករា ឆ្នាំ2014៖ ភាគល្អិតទឹកដែលមានអាតូមអេឡិចត្រូស្តាទិកទំហំណាណូ មានប្រសិទ្ធភាពក្នុងការបំបែកសមាសធាតុPM2.5 និងទប់ស្កាត់ការលូតលាស់ពពួកផ្សិតដែលភ្ជាប់ទៅនឹង Yellow Sand ។

ស្វែងយល់បន្ថែមពីភស្តុតាងនៅទីនេះ៖

ប្រភពដើម៖ https://www.panasonic.com/kh/nanoe/all/verification/evidence.html

សូមទស្សនាវីដេអូ

អំពី Panasonic

Panasonic Corporation គឺជាក្រុមហ៊ុនឈានមុខគេនៅទូទាំងពិភពលោកក្នុងការអភិវឌ្ឍបច្ចេកវិទ្យាអេឡិចត្រូនិក និងដំណោះ ស្រាយផ្សេងៗសម្រាប់អតិថិជននៅក្នុងវិស័យឧបករណ៍អេឡិចត្រូនិកសម្រាប់ប្រើប្រាស់ផ្ទាល់ខ្លួន លំនៅដ្ឋាន រថយន្ត និង អាជីវកម្ម។ Panasonic បានប្រារព្ធខួប 100 ឆ្នាំរបស់ខ្លួននៅក្នុងឆ្នាំ 2018 ហើយបានពង្រីកជាសកល និងកំពុងប្រតិបត្តិក្រុមហ៊ុនបុត្រសម្ព័ន្ធ ចំនួន 528 និងក្រុមហ៊ុនដែលជាប់ទាក់ទងចំនួន 72 នៅទូទាំងពិភពលោក ហើយមានចំណូលពីការលក់សរុបចំនួន 7,49 ទីលាន

ក្រុមហ៊ុនប្តេជ្ញាបន្តស្វែងរកគុណតម្លៃតាមរយៈការច្នៃប្រឌិតថ្មីៗនៅតាមខ្សែស្រឡាយលិផតផល ដោយប្រើប្រាស់បច្ចេកវិទ្យារបស់ខ្លួន ដើម្បីធ្វើឲ្យជីវិតកាន់តែប្រសើរ និងពិភពលោកកាន់តែស្រស់បំព្រង សម្រាប់អតិថិជន។ សម្រាប់ព័ត៌មានបន្ថែមសូមចូលក្នុងគេហទំព័រ Panasonic

Media Contact

Yasunobu Matsumoto

Country Head

yasunobu.matsumoto@kh.panasonic.com

The post ប្រសិទ្ធភាពនៃការទប់ស្កាត់មេរោគកូរ៉ូណា (SARS-CoV-2) ជាមួយម៉ាស៊ីនត្រជាក់ Panasonic ដែលបំពាក់នូវបច្ចេកវិទ្យា nanoe™ X appeared first on Kampuchea Thmey Daily.

PANASONIC CAMBODIA អបអរសាទរខួបអនុស្សាវរីយ៍ ១០ឆ្នាំ ក្នុងបេសកកម្មដ៏មោះមុត ដើម្បីប្រជាជនកម្ពុជា ក្រោមទស្សនវិស័យ “A Better Life, A Better World”

Sorn Phanith — Mon, 30 Nov 2020 02:38:04 +0000

Panasonic Cambodia រៀបចំប្រារព្ធខួបអនុស្សាវរីយ៍ គម្រប់ខួប១០ឆ្នាំ នៃការបើកដំណើរការ Panasonic Cambodia ជាផ្លូវការនៅក្នុងប្រទេសកម្ពុជា តាំងពីឆ្នាំ ២០១០ ជាមួយនឹងការអបអរសាទរនូវការប្តេជ្ញាចិត្តរបស់ខ្លួន ក្នុងការរួមចំណែកជួយប្រជាជនកម្ពុជា ក្រោមទស្សនវិស័យរបស់ខ្លួនគឺ “A Better Life, A Better World” ដែលមានអត្ថន័យជាភាសាខ្មែរថា “ជីវិតរស់នៅកាន់តែល្អប្រសើរ ពិភពលោកកាន់តែស្រស់ថ្លា” ។

ក្នុងរយៈពេល១០ឆ្នាំនេះ ក្រុមហ៊ុន Panasonic បានបំពេញបេសកកម្មរបស់ខ្លួនយ៉ាងខ្លាំងក្លា ដើម្បីចូលរួមលើកកម្ពស់គុណភាពនៃការរស់នៅរបស់ប្រជាជនកម្ពុជាឲ្យកាន់តែល្អប្រសើរ និងបានធ្វើឲ្យប្រជាជនកម្ពុជាកាន់តែគាំទ្រ និងទទួលស្គាល់រាល់ផលិតផលរបស់ Panasonic គឺមានគុណភាពខ្ពស់។

ទស្សនវិស័យ “A Better Life, A Better World” របស់យើងនេះហើយ ដែលជំរុញដល់ការប្តេជ្ញាចិត្តដ៏ខ្លាំងក្លា ក្នុងការប្រឹងប្រែងសិក្សាស្រាវជ្រាវ កែច្នៃនិងបង្កើតនូវផលិតផលប្រកបដោយភាពច្នៃប្រឌិតទាន់សម័យ ដើម្បីឆ្លើយតបទៅនឹងតម្រូវការរបស់អតិថិជន រួមជាមួយនឹងផលិតផល ដែលមានគុណភាពខ្ពស់។ ជាមួយនឹងគោលបំណងរបស់យើង ដែលចង់បានជីវិតរស់នៅកាន់តែល្អប្រសើរ និងពិភពលោកកាន់តែស្រស់ថ្លានោះ គឺយើងបានធ្វើឲ្យអតិថិជនរបស់យើងទទួលបានការរស់នៅកាន់តែល្អប្រសើរ នៅតាមគេហដ្ឋាន ក៏ដូចជានៅក្នុងសហគមន៍ និងអាជីវកម្មកាន់តែរីកចម្រើន។

ដើម្បីសម្រេចបាន “A Better Life” ជាភាសាខ្មែរមានន័យថា “ជីវិតរស់នៅកាន់តែល្អប្រសើរ” ក្រុមហ៊ុន Panasonic បានប្តេជ្ញាចិត្តក្នុងការរួមចំណែកលើកកម្ពស់ការរស់នៅរបស់ប្រជាជនកម្ពុជា ដោយធ្វើឲ្យការរស់នៅកាន់តែមានភាពងាយស្រួលជាងមុន មានពេលវេលាច្រើនក្នុងការធ្វើអាជីវកម្មផ្សេងៗ និងកាត់បន្ថយភាពនឿយហត់ក្នុងការធ្វើការងារផ្ទះ ជាមួយនឹងគ្រឿងបរិក្ខារអេឡិចត្រូនិកជាច្រើនប្រភេទរបស់ Panasonic ដែលមានការច្នៃប្រឌិតខ្ពស់ និងបច្ចេកវិទ្យាទំនើប។ ក្នុងពេលបច្ចុប្បន្ននេះ យើងក៏បានសង្កេតឃើញថា Panasonic ទទួលបានការគាំទ្រពីអតិថិជនប្រើប្រាស់នៅគ្រប់ទីកន្លែង ដែលឆ្លើយតបទៅនឹងទស្សនៈរបស់យើង ក្នុងការផ្តល់នូវការរស់នៅដ៏ល្អប្រសើរដល់អតិថិជនគ្រប់រូប។

ជាមួយនឹងគោលបំណងដើម្បីធ្វើឲ្យ “A Better World” ដែលអត្ថន័យជាភាសាខ្មែរគឺ “ពិភពលោកកាន់តែស្រស់ថ្លា” Panasonic បានផ្តល់នូវដំណោះស្រាយបច្ចេកវិទ្យា និងជំនាញពិតប្រាកដដល់អាជីវកម្ម ដោយផ្តល់នូវផលិតផល ដែលមានគុណភាពខ្ពស់ សេវាកម្មល្អ និងរក្សាទំនាក់ទំនងល្អយូរអង្វែងជាមួយអតិថិជន។ មួយទសវត្សរ៍ចុងក្រោយនេះ យើងសង្កេតឃើញថា វិស័យឧស្សាហកម្មសំណង់កម្ពុជាមានការរីកចម្រើនគួរឲ្យកត់សម្គាល់ ទៅលើគម្រោងសាងសង់លំនៅឋាន អគារពាណិជ្ជកម្មខ្ពស់ៗជាច្រើន ដែលក្រុមហ៊ុន Panasonic ក៏បាននិងកំពុងចូលរួមក្នុងការអភិវឌ្ឍលើវិស័យនេះ និងត្រូវបានទទួលស្គាល់ថា Panasonic ជាអ្នកផ្តល់ដំណោះស្រាយម៉ាស៊ីនត្រជាក់លេខ១ និងឈានមុខគេសម្រាប់គម្រោងអភិវឌ្ឍន៍សំខាន់ៗនៅក្នុងទីក្រុង។

ក្នុងរយៈពេលមួយទសវត្សរ៍កន្លងមកនេះ ក្រុមហ៊ុន Panasonic បានខិតខំរួមចំណែកក្នុងការអភិវឌ្ឍសង្គម និងការលើកកម្ពស់ជីវិតរស់នៅរបស់ប្រជាជន តាមរយៈសកម្មភាពជំនួញ និងសកម្មភាពចូលរួមជួយសង្គម ក្រោមទស្សនវិស័យ “A Better Life, A Better World” របស់យើង។ តាមរយៈសកម្មភាពដ៏មោះមុតក្នុងអំឡុងពេល ១០ឆ្នាំនេះ ក្នុងនាមជាពលរដ្ឋសាជីវកម្មនៅក្នុងប្រទេសកម្ពុជា Panasonic បានជឿជាក់ថា ការអប់រំគឺជាគ្រឹះសំខាន់បំផុត សម្រាប់ការអភិវឌ្ឍប្រទេសឲ្យកាន់តែជឿនលឿន។ ផ្អែកលើជំនឿនេះ Panasonic បានចាប់ផ្តើមបង្កើតនូវកម្មវិធីផ្តល់អាហារូបករណ៍សម្រាប់និស្សិតសាកលវិទ្យាល័យនៅកម្ពុជា កាលពីឆ្នាំមុន ដែលបានជួយផ្គត់ផ្គង់ទាំងថ្លៃសិក្សា និងការរស់នៅ សម្រាប់សិស្ស ៦នាក់ជារៀងរាល់ឆ្នាំ។ យើងក៏បានផ្គត់ផ្គង់អំពូលភ្លើងសូឡា (ប្រើប្រាស់ពន្លឺព្រះអាទិត្យ) ចំនួន ១៣,០០០ អំពូល ដល់ប្រជាជននៅទីជនបទ ដែលគ្មានអគ្គិសនីប្រើប្រាស់ ដើម្បីជួយក្មេងៗអាចសិក្សាសូម្បីតែពេលយប់។

លោក Maresuke Nagatoshi នាយកប្រតិបត្តិនៃក្រុមហ៊ុន Panasonic Cambodia មានគោលបំណងដឹកនាំចក្ខុវិស័យ របស់ Panasonic ឆ្ពោះទៅមុខដោយភាពមោះមុតជានិរន្តរ។

លោក Maresuke Nagatoshi បន្តទៀតថា ក្រុមហ៊ុន Panasonic បានបង្កើតឡើងជាមួយនឹងការប្តេជ្ញាចិត្តដ៏មុតមាំ ក្នុងការធ្វើអាជីវកម្មរបស់ខ្លួន រួមចំណែកជាមួយនឹងការអភិវឌ្ឍសង្គម និងសុខុមាលភាពរបស់ប្រជាជន។ ហើយ ក្រុមហ៊ុន Panasonic នៅតែរក្សានូវគោលជំហររបស់ខ្លួន ក្នុងការផ្តល់នូវការរស់នៅដ៏ល្អប្រសើរ តាមគេហដ្ឋានជាមួយនឹងរបៀបរស់នៅកម្រិតស្តង់ដារ និងផលិតផល ដែលមានគុណភាពខ្ពស់ ដើម្បីធ្វើឲ្យការរស់នៅកាន់តែល្អប្រសើរ។

យើងជឿជាក់ថា “ក្រុមហ៊ុន គឺជាស្ថាប័នសាធារណៈរបស់សង្គម” ដោយសារតែជំនឿនេះ យើងប្តេជ្ញាចិត្តថា នឹងបំពេញនូវទំនួលខុសត្រូវក្នុងសង្គម ដោយដើរតួនាទីយ៉ាងសកម្មក្នុងការអភិវឌ្ឍពេញមួយជីវិតដល់សហគមន៍ តាមរយៈសកម្មភាពសង្គមរបស់យើង។ យើងនឹងបន្តទំនាក់ទំនងអាជីវកម្មឆ្ពោះទៅរកភាពជោគជ័យរួមគ្នា ដោយផ្តល់នូវបច្ចេកវិទ្យាទំនើបទាន់សម័យ ដើម្បីជួយដល់ការធ្វើអាជីវកម្ម នៅក្នុងប្រទេសកម្ពុជាកាន់តែរីកចម្រើន និងតាមរយៈការរីកលូតលាស់របស់យើងក៏ជាការរួមចំណែកផ្តល់នូវឱកាសមានការងារធ្វើកាន់តែច្រើន ហើយយើងជឿជាក់ថា ប្រទេសកម្ពុជា គឺជាទីផ្សារសក្ដានុពលដ៏ធំមួយ។

ជាមួយនឹងការប្តេជ្ញាចិត្តរបស់ខ្លួន ដើម្បីបំពេញនូវតម្រូវការទីផ្សាររបស់ប្រទេសកម្ពុជា Panasonic Cambodia នឹងបន្តបេសកកម្មរបស់ខ្លួន ក្នុងការផ្តល់នូវបរិយាកាសរស់នៅក្នុងសង្គមដែលកាន់តែល្អប្រសើរ។ បេសកកម្មនេះ ក៏រួមចំណែកបង្កើនឱកាសមានការងារធ្វើ ហើយបន្តជួយប្រជាជនក្រីក្រ ក៏ដូចជាគាំទ្រក្នុងសកម្មភាពបណ្តុះបណ្តាលធនធានមនុស្ស តាមរយៈកម្មវិធីអាហារូបករណ៍របស់ Panasonic ។ Panasonic Cambodia នឹងខិតខំបំពេញនូវតម្រូវការនៃអាជីវកម្មធំៗ ដើម្បីឆ្លើយតបទៅនឹងតម្រូវការទីផ្សារពាណិជ្ជកម្ម ក៏ដូចជាតម្រូវការរបស់ប្រជាជនកម្ពុជា។ ទន្ទឹមនឹងនេះ យើងក៏មានផលិតផលជាច្រើនសម្រាប់ប្រតិបត្តិការអាជីវកម្មមានភាពរីកចម្រើន ដូចជា ប្រព័ន្ធ និងដំណោះស្រាយហេដ្ឋារចនាសម្ព័ន្ធនៅកន្លែងអាជីវកម្មឲ្យល្អប្រសើរ។

ដើម្បីអបអរសាទរព្រឹត្តិការណ៍ដ៏សំខាន់នេះ ក្រុមហ៊ុន Panasonic រៀបចំកម្មវិធីប្រូម៉ូសិនគម្រប់ខួបអនុស្សាវរីយ៍ ១០ឆ្នាំ ដែលផ្តល់នូវរង្វាន់ធំដ៏ច្រើនសន្ធឹកសន្ធាប់ ដើម្បីជាការថ្លែងអំណរគុណ ក៏ដូចជាការលើកទឹកចិត្តដល់អតិថិជនបានគាំទ្រផលិតផល Panasonic ហើយកម្មវិធីនេះផ្តល់ជូនចាប់ពីថ្ងៃទី១០ ខែធ្នូនេះ ដល់ថ្ងៃទី១០ ខែមករា ឆ្នាំ២០២១ ។

អំពី Panasonic

Panasonic Corporation គឺជាក្រុមហ៊ុនឈានមុខគេនៅទូទាំងពិភពលោក ក្នុងការអភិវឌ្ឍន៍បច្ចេកវិទ្យាអេឡិចត្រូនិក និងដំណោះស្រាយផ្សេងៗសម្រាប់អតិថិជន នៅក្នុងវិស័យឧបករណ៍អេឡិចត្រូនិកសម្រាប់ប្រើប្រាស់ផ្ទាល់ខ្លួន លំនៅឋាន រថយន្ត និង អាជីវកម្ម។ Panasonic បានប្រារព្ធខួប 100 ឆ្នាំរបស់ខ្លួននៅក្នុងឆ្នាំ 2018 ហើយបានពង្រីកជាសកល និងកំពុងប្រតិបត្តិក្រុមហ៊ុនបុត្រសម្ព័ន្ធចំនួន 528 និងក្រុមហ៊ុនដែលជាប់ទាក់ទងចំនួន72 នៅទូទាំងពិភពលោក ហើយមានចំណូលពីការលក់សរុបចំនួន 7,49 ទ្រីលានយ៉េន គិតត្រឹមថ្ងៃទី 31 ខែមីនាឆ្នាំ 2020 ។ ក្រុមហ៊ុនប្តេជ្ញាបន្តស្វែងរកគុណតម្លៃតាមរយៈការច្នៃប្រឌិតថ្មីៗ នៅតាមខ្សែស្រឡាយផលិតផល ដោយប្រើប្រាស់បច្ចេកវិទ្យារបស់ខ្លួន ដើម្បីធ្វើឲ្យជីវិតរស់នៅកាន់តែប្រសើរ និងពិភពលោកកាន់តែស្រស់ថ្លា សម្រាប់អតិថិជនរបស់ខ្លួន។

Panasonic កម្ពុជា បង្កើតឡើងនៅក្នុងឆ្នាំ2010 គឺជាការិយាល័យតំណាងចែកចាយផ្លូវការរបស់ Panasonic Singapore មកកាន់ប្រទេសកម្ពុជា ដែលទទួលខុសត្រូវក្នុងការលក់ផលិតផល / លក់គ្រឿងបន្លាស់ ផ្សព្វផ្សាយទីផ្សារ និងចែកចាយផលិតផល Panasonic ទាំងផ្នែក B2B និង B2C ។ Panasonic កម្ពុជា មានតួនាទីយ៉ាងសកម្មក្នុងការបង្កើតបរិយាកាសល្អប្រសើរ និងយូរអង្វែងដល់សង្គម និងសហគមន៍។

សម្រាប់ព័ត៌មានបន្ថែម សូមចូលទៅគេហទំព័រ៖ www.panasonic.com/kh.

អត្ថបទពាណិជ្ជកម្ម

The post PANASONIC CAMBODIA អបអរសាទរខួបអនុស្សាវរីយ៍ ១០ឆ្នាំ ក្នុងបេសកកម្មដ៏មោះមុត ដើម្បីប្រជាជនកម្ពុជា ក្រោមទស្សនវិស័យ “A Better Life, A Better World” appeared first on Kampuchea Thmey Daily.