យោងតាមទស្សនាវដ្តី People អចលនទ្រព្យដែលទើបទទួលបានថ្មីរបស់តារាចម្រៀងជើងចាស់ មានទំហំ ៣០,៥០០ ហ្វីតការ៉េ (២,8៨៣៤ ម៉ែត្រការ៉េ) និងរួមបញ្ចូលបន្ទប់គេង ១២ និងបន្ទប់ទឹក ២០។ អចលនទ្រព្យនេះក៏មានបំពាក់នូវគ្រឿងបរិក្ខារទំនើបៗដូចជា ទីលានវាយកូនហ្គោលប្រាំរន្ធ, អាងហែលទឹកបែបរមណីយដ្ឋានដែលមានស្លាយទឹក ទីលានកីឡា, កន្លែងជិះស្គី, បន្ទប់ដាក់ស្រា, រោងកុន, បណ្ណាល័យពីរជាន់ និងច្រកចូលដ៏ធំដែលមានជណ្តើរភ្លោះ ព្រមទាំងផ្ទះសំណាក់មួយអាចអង្គុយមើលទេសភាពនាថ្ងៃលិចផងដែរ។

វិមាននេះត្រូវបានអភិវឌ្ឍដំបូងដោយតារាសម្តែងជនជាតិអាមេរិកលោក Mark Wahlberg និងភរិយារបស់គាត់នៅប្រហែលឆ្នាំ ២០១៤ ។ ក្នុងខែកុម្ភៈ ឆ្នាំ ២០២៣ ប្តីប្រពន្ធនេះបានលក់វាក្នុងតម្លៃ ៥៥លានដុល្លារ ដែលជាការលក់លំនៅដ្ឋានខ្ពស់បំផុតនៅរដ្ឋកាលីហ្វ័រញ៉ាភាគខាងត្បូងក្នុងឆ្នាំនោះ។ ក្រោយមក លោក Xu បានទិញអចលនទ្រព្យនេះ ហើយក្រុមហ៊ុនរបស់ប្រពន្ធរបស់គាត់បានចុះបញ្ជីវានៅក្នុងខែមីនា ឆ្នាំ ២០២៤ ជាមួយនឹងតម្លៃស្នើសុំ ៦៨ លានដុល្លារអាមេរិក នេះបើយោងតាមគេហទំព័រចុះបញ្ជីអចលនទ្រព្យ Mansion Global ។

ចាប់ពីថ្ងៃទី ៧ដល់ថ្ងៃទី៣១ ខែមករា ភ្លើងឆេះព្រៃដ៏សន្ធោសន្ធៅបានលេបត្របាក់ផ្នែកខ្លះនៃតំបន់រថភ្លើងក្រោមដី Los Angeles និងខោនធី San Diego ដោយបានដុតបំផ្លាញផ្ទៃដីជាង ៣៧,០០០ ហិចតា ដោយបានសម្លាប់មនុស្សចំនួន ៣០ នាក់ និងបានបំផ្លាញសំណង់ជាង ១៦,០០០ នេះបើយោងតាមនាយកដ្ឋានព្រៃឈើ និងការការពារភ្លើងរដ្ឋកាលីហ្វ័រញ៉ា។

ក្រោយមក តារាចម្រៀង Hilton បាននិយាយនៅលើ Instagramផ្ទាល់ខ្លួនថា នាងបានឃើញផ្ទះ Malibu ជាទីកន្លែងចងចាំនិងអនុសាវរីយិ៍ ត្រូវបានបំផ្លាញនៅក្នុងភ្លើងឆេះព្រៃនៅ Los Angeles ខណៈកំពុងមើលការផ្សាយផ្ទាល់តាមទូរទស្សន៍កាលពីថ្ងៃទី៩ ខែមករា។

សូមជម្រាបជូនថា Paris Hilton គឺជាចៅស្រីរបស់ស្ថាបនិកសណ្ឋាគារ Hilton Hotels Conrad Hilton ។ នាងទទួលបានកេរ្តិ៍ឈ្មោះល្បីល្បាញនៅចុងទសវត្សរ៍ឆ្នាំ ១៩៩០ ក្នុងនាមជាតារានៃទីក្រុងញូវយ៉ក ។ នាងចាប់​ផ្ដើម​ធ្វើ​ម៉ូដែល​ក្នុង​ឆ្នាំ ២០០០ ហើយ​ត្រូវ​បាន​គេ​ដាក់​ឈ្មោះ​ថា «The Leading It Girl» របស់​ទីក្រុង New York ក្នុង​ឆ្នាំ ២០០១។

អាជីពរបស់តារាចម្រៀហងស្រី បានលាតសន្ធឹងលើទូរទស្សន៍ ភាពយន្តឯកសារ តន្ត្រី សៀវភៅ ផតឃែស្ថ និងការសម្តែង ជាមួយនឹងការផ្តល់កិត្តិយស រួមទាំងខ្សែភាពយន្ត «House of Wax» និង «Repo! The Genetic Opera» ជាដើម៕

អត្ថបទ៖ សាង ស្រីល័ក្ខ

ចុចអាន៖ម្ចាស់បទ «Watch Me» ជាប់គុក៣០ ឆ្នាំ ពីបទឃាតកម្មលើបងប្អូនជីដូនមួយ

The post Paris Hilton ទិញផ្ទះមួយតម្លៃ ៦៣ លានដុល្លារ ពីមហាសេដ្ឋីចិន ក្រោយផ្ទះចាស់នៅ LA ឆេះខ្ទេចខ្ទី appeared first on Kampuchea Thmey Daily.

Paris បានឆ្លើយតបក្នុងនាមជាម្ដាយការពារកូនប្រុសថា “មានមនុស្សមិនល្អខ្លះនៅលើពិភពលោកនេះ ។ ទេពអប្សររបស់ខ្ញុំមានសុខភាពល្អទេ គាត់ក៏បានទៅពេទ្យដែរ គាត់គ្រាន់តែមានខួរក្បាលធំប៉ុណ្ណោះ” ។

ដោយមិនអស់ចិត្តនាងក៏បានចូលទៅបង្ហោះ Story ក្នុង Instagram បន្តទៀតថា “ការរស់នៅក្រោមភាពល្បីល្បាញ ចៀសមិនរួចពីការបញ្ចេញមតិមែន ប៉ុន្តែការវាយប្រហារកូនរបស់ខ្ញុំ ឬនរណាម្នាក់គឺមិនអាចទទួលយកបានទេ” ។ ពិតណាស់ Paris ឈឺចិត្តយ៉ាងខ្លាំង ហើយនាងសំណូមពរឲ្យពួកគេបើកចិត្តទូលាយជាងនេះ និងធ្វើល្អដាក់គ្នាទៅវិញទៅមក ។

សូមជម្រាបថា កូនប្រុសរបស់ Paris ជាមួយស្វាមីលោក Carter Reum មានឈ្មោះថា Phoenix Barron ដែលកើតនៅថ្ងៃទី១៦ ខែមករា ឆ្នាំ២០២៣ តាមរយៈការពពោះជំនួស ដូច្នេះទើបអ្នកគាំទ្រមិនដែលឃើញ Paris ពពោះ ៕

ប្រែសម្រួល៖ វារី

ប្រភព៖ people

ចុចអាន៖ តាមពិត Paris Hilton យកកូនតាមគំនិតមិត្តភ័ក្ដិសោះ

The post Paris Hilton ឈឺចិត្តរឿងគេថា កូនប្រុសនាងមានក្បាលធំ appeared first on Kampuchea Thmey Daily.

កាលពីថ្ងៃច័ន្ទ ទី២២ ខែឧសភា នេះ Paris Hilton បានបង្ហោះក្នុងគណនី Instagram ដើម្បីប្រកាសអំពីដំណឹងនៃការស្លាប់របស់ឆ្កែនាង ព្រមទាំងភ្ជាប់ជាមួយឆ្កែ Chihuahua ជាច្រើនទៀតដែលនាងចិញ្ចឹម ។

នៅក្នុងការបង្ហោះនោះផងដែរ Hilton ផ្ដើមថា “ថ្ងៃនេះ បេះដូងរបស់ខ្ញុំខ្ទេចខ្ទីអស់ហើយ ខ្ញុំត្រូវលា Chihuahua ដ៏សំខាន់សម្រាប់ខ្ញុំគឺ Harajuku Bitch” ។ Hilton បន្ត “អស់រយៈពេល ២៣ ឆ្នាំកន្លងទៅនេះ នាងបំពេញក្ដីស្រលាញ់ សេចក្ដីស្មោះត្រង់ និងពេលវេលាមិនអាចបំភ្លេចបានឲ្យជីវិតរបស់ខ្ញុំច្រើនណាស់” ។

មហាសេដ្ឋីរូបនេះបញ្ចប់សារដោយបង្ហាញក្ដីស្រលាញ់ នឹករឭកចំពោះ Harajuku ជាខ្លាំង និងរៀបរាប់អំពីដំណើរជីវិតដែលពួកគេធ្លាប់ដើរជាមួយគ្នាកន្លងមកយ៉ាងគួរឲ្យសោកស្ដាយទៀតផង មិនតែប៉ុណ្ណោះអ្នកគាំទ្រក៏ចូលរួមរំលែកទុក្ខដូចគ្នា ៕

ប្រែសម្រួល ៖ វារី

ចុចអាន ៖ អាហារ ៩ ប្រភេទ ជាថ្នាំពុលសម្រាប់សត្វឆ្កែ

ចុចអាន ៖ មកដឹងពីប្រវត្តិសត្វចិញ្ចឹមជាទីស្រលាញ់ដំបូងបង្អស់ របស់មនុស្សលោក

The post Paris Hilton កើតទុក្ខខ្លាំង ព្រោះឆ្កែជាទីស្រលាញ់ស្លាប់ចោល appeared first on Kampuchea Thmey Daily.

កាលនោះ Hilton និងមិត្តភ័ក្ដិចូលចិត្តនាំគ្នាទៅដើរលេងនៅផ្សារទំនើបណាស់ ពួកគេតែងតែឃើញបុរសវ័យចំណាស់មួយក្រុមនៅក្បែរហាងលក់ទំនិញ ហើយមិត្តភ័ក្តិ Paris និងខ្លួននាងផ្ទាល់ក៏បានឲ្យលេខទំនាក់ទំនងប្រាស្រ័យទាក់ទងគ្នាជាមួយពួកគាត់ ។

ថ្ងៃមួយបុរសមួយក្រុមនោះបានអញ្ជើញ Hilton និងមិត្តស្រីៗរបស់នាងទៅផ្ទះពួកគាត់ដើម្បីជួបជុំគ្នាធម្មតាហើយផឹកគ្រឿងស្រវឹងបន្តិចបន្តួច ទោះបី Hilton មិនចង់ផឹកក៏ត្រូវគេបង្ខំដែរ ស្រាប់តែផឹកបានពីរបីក្អឹកនាងវិលមុខតែម្ដង ។

ខណៈ Hilton មិនមានស្មារតី នាងឃើញបុរសម្នាក់នៅលើខ្លួន ដៃខ្ទប់មាត់ ហើយខ្សឹបដាក់ត្រចៀកនាងថា “អ្នកយល់សុបិនទេ” យ៉ាងណា Hilton នៅតែដឹងពីរឿងដែលបានកើតឡើង ។

សេដ្ឋិនីប្រាក់ពាន់លាននិយាយប្រាប់ទស្សនាវដ្ដី Glamour ថា “ខ្ញុំគ្រាន់តែជាក្មេងស្រីតូចម្នាក់ប៉ុណ្ណោះ ខ្ញុំមានអារម្មណ៍ថាពួកគេលួចកុមារភាពរបស់ខ្ញុំទៅបាត់ហើយ” ។

ចំណែករឿងមួយទៀតដែល Hilton លាក់ជិត ២០ ឆ្នាំគឺនាងធ្លាប់រំលូតកូនដោយសារមិនចង់ឆ្លងកាត់ការពពោះនិងសម្រាលដោយខ្លួនឯង ដូច្នេះនាងសម្រេចចិត្តប្រើសេវាកម្មពពោះសម្រាប់ស្វាគមន៍កូនប្រុស Phoenix នេះទៅ ៕

ប្រែសម្រួល ៖ វារី

ចុចអាន ៖ កូនមានអាយុជិតមួយខែ ទើប Paris Hilton សម្រេចចិត្តប្រាប់ឈ្មោះពេញ

The post Paris Hilton ដាច់ចិត្តចែករំលែករឿងត្រូវបុរសចំណាស់រំលោភ appeared first on Kampuchea Thmey Daily.

តារាហូលីវូដវ័យ ៤១ ឆ្នាំខាងលើបានបន្ថែមថា នាងមានគម្រោងដាក់ឈ្មោះឲ្យកូនស្រីបន្ទាប់តាមទីក្រុងឡុងដុង ហើយសង្ឃឹមថាមិនប្ដូរចិត្តពីការដាក់ឈ្មោះកូនបន្តបន្ទាប់តាមទីក្រុងផ្សេងៗទៀត ។ “ខ្ញុំខំចំណាយពេលដាក់ឈ្មោះឲ្យកូនរាប់ឆ្នាំឯណោះ ឈ្មោះ Phoenix មានន័យថាក្ដីសង្ឃឹម កើតឡើងវិញ និងការប្រែកាយ” Paris បញ្ជាក់ ។ 

ចំណែកឈ្មោះ Barron Hilton ដែលនៅកណ្ដាលឈ្មោះពេញរបស់កូនប្រុស Paris គឺជាឈ្មោះជីតារបស់អ្នកស្រីផ្ទាល់តែម្ដងគាត់ដាក់ដើម្បីរំលឹកដល់លោកជាពិសេស ។

គួររំលឹកថាអ្នកស្រី Hilton បានប្រកាសពីវត្តមានកូនប្រុសរបស់ខ្លួនកាលពីថ្ងៃទី២៥ ខែមករា ក្នុងបណ្ដាញសង្គម Instagram ផ្ទាល់ធ្វើឲ្យអ្នកតាមដានឆ្ងល់ជាខ្លាំង ព្រោះមិនដែរឃើញនិមិត្តរូបពពោះសោះ តាមពិត Paris ប្រើប្រាស់សេវាកម្មពពោះជំនួសដូច Kim Kardashian ជាមិត្ត ។ 

ពាក់ព័ន្ធដំណើរការពពោះ Kim ជាអ្នកផ្ដល់យោបល់ឲ្យទៅ Paris ដោយសារពួកគេមានអាយុច្រើន ហើយពិបាកមានកូនទើបមានតែវិធីនេះទេដែលល្អបំផុត ។

ជាក់ស្ដែងក្នុងឆ្នាំ ២០២២ ខែវិច្ឆិកា នាងធ្លាប់បង្ហើបថា “ខ្ញុំព្យាយាមមានកូនតែពិបាកណាស់បើទៅមិនរួចក៏មានអំប្រ៊ីយ៉ុងជាច្រើនកំពុងរង់ចាំដែរ” ប៉ុន្តែមិនមាននរណាចាប់អារម្មណ៍ឡើយរហូតដល់កូនកើតមក ៕

ប្រែសម្រួល ៖ វារី

ចុចអាន ៖ ១០ យ៉ាងពី Paris Hilton តារាស្រីហូលីវូដជើងចាស់តែខ្លឹម

ចុចអាន ៖ អ្នកគាំទ្រ Kylie Jenner អស់សំណើច ពេលស្គាល់ឈ្មោះកូនប្រុសទីពីររបស់នាង

The post កូនមានអាយុជិតមួយខែ ទើប Paris Hilton សម្រេចចិត្តប្រាប់ឈ្មោះពេញ appeared first on Kampuchea Thmey Daily.

អ្នកស្រី Kim វ័យ ៤២ ឆ្នាំមានកូន ៤ នាក់ក្នុងនោះមាន ២ ជាកូនដែលពពោះដោយខ្លួនឯង និង ២ ទៀតជាកូនពពោះជំនួស ។ ជុំវិញបញ្ហានេះដែរ មិនមែនមនុស្សស្រីខ្លាចខូចរាង ឬខ្លាចឈឺទេទើបមិនពពោះដោយខ្លួនឯង ជាក់ស្ដែង Kim Kardashian មានជំងឺ Preeclampsia ដែលជាជំងឺលើសឈាមអំឡុងពេលពពោះ ។ យ៉ាងណាក៏ដោយ Chicago និង Psalm នៅតែជាប់សាច់ឈាមជាមួយអ្នកស្រី Kim និងលោក Kanye អតីតស្វាមីដដែល ។ 

សម្រាប់ការពពោះជំនួស អ្នកស្រី ​Kim បានបញ្ជាក់ប្រាប់ដែរថា វាមិនស្រួលដូចយើងគិតនោះទេព្រោះធ្លាប់តែពពោះដោយផ្ទាល់ ស្រាប់តែងាកទៅប្រើសេវាកម្មនោះពិតជាពិបាកមែនទែនចំពោះអ្នកស្រី ។

ដោយឡែក Khloé Kardashian ក៏ជាអ្នកម៉ាក់ដែលប្រើសេវាកម្មពពោះជំនួសដូចគ្នាទើបបង្កើតបានកូនប្រុសមួយជាមួយអតីតគូស្នេហ៍ Tristan Thompson បន្ទាប់ពីមានកូនស្រីបង្កើតផ្ទាល់ម្នាក់ហើយគឺ True Thompson ។ ចំណែកឯឈ្មោះកូនប្រុសពៅវិញ Khloé នៅមិនទាន់ប្រកាសនៅឡើយទេ ៕

ប្រែសម្រួលដោយ ៖ វារី

ចុចអាន ៖ ស្ងាត់ៗ Paris Hilton ស្វាគមន៍កូនដំបូងជាមួយស្វាមី

The post តាមពិត Paris Hilton យកកូនតាមគំនិតមិត្តភ័ក្ដិសោះ appeared first on Kampuchea Thmey Daily.

ជាក់ស្ដែងអ្នកស្រីមិនបានបង្ហោះរូបកូនទាំងស្រុងទេ គាត់បង្ហោះត្រឹមតែដៃរបស់កូនប្រុសជាទីស្រលាញ់ប៉ុណ្ណោះ ។ ចំណែកចំណងជើងដែលភ្ជាប់មកជាមួយរូបថតវិញ Paris សរសេរថា “You are already loved beyond words” ឬ “កូនត្រូវបានស្រលាញ់ជាងពាក្យស្រលាញ់ទៅទៀត” ។ 

តារាហូលីវូដវ័យ ៤១ ឆ្នាំខាងលើបានបញ្ជាក់ដែរថា “វាជាក្ដីស្រមៃរបស់ខ្ញុំរហូតមកក្នុងការធ្វើជាម្ដាយម្នាក់ ហើយខ្ញុំសប្បាយចិត្តណាស់ដែលស្គាល់ Carter ។ យើងមានក្ដីរំភើបជាខ្លាំងចំពោះការចាប់ផ្ដើមគ្រួសារជាមួយបេះដូងដែលពោរពេញទៅដោយក្ដីស្រលាញ់សម្រាប់កូនប្រុសពួកយើង” ។

ជាមួយគ្នានេះដែរ Paris មិនទាន់បញ្ចេញឈ្មោះកូនរបស់គាត់នៅឡើយទេ ហើយអ្នកតាមដានប្រាកដជាឆ្ងល់ពីការពរពោះដូចគ្នា ។ ដូច្នេះសូមបញ្ជាក់ដែរថា កូនប្រុសដំបូងរបស់ Paris Hilton និងលោក Carter Reum មានកំណើតមកពីអ្នកស៊ីឈ្នួលពរពោះ មិនមែនអ្នកស្រី Paris ជាអ្នកបង្កើតផ្ទាល់នោះទេ ៕

ប្រែសម្រួលដោយ ៖ វារី

ចុចអាន ៖ ១០ យ៉ាងពី Paris Hilton តារាស្រីហូលីវូដជើងចាស់តែខ្លឹម

The post ស្ងាត់ៗ Paris Hilton ស្វាគមន៍កូនដំបូងជាមួយស្វាមី appeared first on Kampuchea Thmey Daily.

១. ឲ្យតម្លៃគ្រួសារ

ការកើតនៅក្នុងគ្រួសារដ៏មានឥទ្ធិពលធ្វើឱ្យ Paris ដឹងថាគ្រួសារមានសារៈសំខាន់ប៉ុណ្ណាជាពិសេសក្នុងវិស័យជំនួញ។ ទោះបីជានាងមានបងប្អូន៤នាក់ក៏ដោយ ប៉ុន្តែប៉ារីសជិតដិតជាមួយប្អូនស្រីរបស់នាងឈ្មោះ Nicky ជាងគេដែលបានជួយបង្កើតម៉ាកសម្លៀកបំពាក់ឲ្យ Paris ទៀតផង។

២. គ្មានអ៉ីនធឺណែតក៏ល្បីដែរ

Paris គឺជាបុគ្គលសាធារណៈដែលគេទទួលស្គាល់នៅដើមឆ្នាំ ២០០០ ថាជាតារាម៉ូដែលនិងជាអ្នកសង្គមនិយម។ លើសពីនេះនាងទទួលបានភាពល្បីល្បាញដោយគ្មានជំនួយពីប្រព័ន្ធផ្សព្វផ្សាយទំនើបសោះឡើយ។

៣. រាប់អានមិត្តភក្ដិមានប្រយោជន៍

ពឹងផ្អែកទៅលើខ្សែគ្រួសាររបស់នាង Paris ចាប់ផ្ដើមរាប់អានជាមួយនឹងអនាគតតារាល្បីៗដូចជា Kim Kardashian, Nicole Richie, Bijou Phillips និង Ivanka Trump ជាដើម។  

៤. Elizabeth Taylor គឺជាគម្រូរបស់ Paris

Elizabeth គឺជាអុំស្រីរបស់ Paris គាត់ជានារីទាន់សម័យគួរឲ្យទាក់ទាញមួយរូបនិងមានម៉ាកទឹកអប់ផ្ទាល់ខ្លួនដូច Paris ដែរ។

៥. ត្រូវប្រឈមមុខនឹងបញ្ហាដោយសារកេរ្តិ៍ឈ្មោះ

កើតមកក្នុងគ្រួសារអភិជននិងមានឥទ្ធិពលពិតជាគួរឲ្យច្រណែនណាស់ ប៉ុន្តែបញ្ហាក៏មិនស្រួលទប់ទល់ដែរ នាងត្រូវមនុស្សមិនល្អលួចចូលផ្ទះ និងតាមដានជីវិតរបស់នាងឥតស្រាកស្រាន្ត។

៦. រៀនគ្រប់គ្របជំនួញគ្រប់បែបយ៉ាង

ចំណុចនេះត្រូវអរគុណ Rick Hilton ដែលជាឪពុករបស់គាត់ចំពោះការបង្រៀនកូនស្រីយ៉ាងយកចិត្តទុកដាក់តាំងពីមិនទាន់ពេញវ័យ ទម្រាំដល់កូនអាយុ ១៨ ឆ្នាំ Paris មានសមត្ថភាពអាចដើរទៅមុខជាមួយអាណាចក្ររបស់នាងបានយ៉ាងរលូន។

៧. Paris រស់នៅចល័ត

គ្រួសារ Paris តែងនាំនាងរើទីលំនៅជាញឹកញាប់ដើម្បីផ្សាំជីវិតកូនស្រីជាមួយការរវល់និងចល័តយ៉ាងស្ទាត់ជំនាញ។ ក្នុងមួយឆ្នាំៗនាងធ្វើដំណើរប្រហែល ២០០ថ្ងៃបាត់ទៅហើយ។

៨. ប៉ាម៉ាក់គាត់អនុញ្ញាតឲ្យកូនចូលក្លឹបដូចរឿងធម្មតា

តាំងពីកូនស្រីដឹងក្ដីក្នុងវ័យជំទង់មក អ្នកទាំងពីរមិនដែរហាមឃាត់កូនស្រី មិនឲ្យដើរលេងដាច់យប់នោះទេ កត្តានេះក៏ជាហេតុផលបង្កឲ្យមានភាពល្បីល្បាញមកទល់សព្វថ្ងៃដែរ។

៩. គាត់ត្រូវលេបថ្នាំជាប្រចាំ

Paris ធ្លាប់បង្ហើបប្រាប់ជាសាធារណៈថានាងមានជំងឺ ADD (attention deficit disorder ឬ ជំងឺកង្វះការយកចិត្តទុកដាក់) ដែលតម្រូវឲ្យលេបថ្នាំជាប្រចាំតាំងពីនៅតូចមក។ 

១០. Paris មានប្រអប់ជើងធំ 

នរណាៗក៏មានចំណុចអាក្រក់ដែរនៅលើរាងកាយ សម្រាប់តារាល្បីរូបនេះវិញគឺត្រង់ប្រអប់ជើងរបស់នាងនឹងតែម្ដងគឺមានទំហំដល់ទៅ ២៨ សង់ទីម៉ែត្រ ពិបាកពាក់ស្បែកជើងស្អាតៗមែនទែន៕

ប្រែសម្រួលដោយ៖ វារី

ចុចអាន៖ ការពិត ១០ យ៉ាងពី Marilyn តារាហូលីវូដជើងចាស់ នៅតែល្បី ទោះសល់ត្រឹមឈ្មោះ

ចុចអាន៖ រឿងរ៉ាវ ១០ យ៉ាង ពីហូលីវូដ ភាគច្រើនពុំសូវមានអ្នកណាដឹងឡើយ

The post ១០ យ៉ាងពី Paris Hilton តារាស្រីហូលីវូដជើងចាស់តែខ្លឹម appeared first on Kampuchea Thmey Daily.