បង្ហាញខ្លួនក្នុងឈុត​រិបរាងវាលខ្នង សម​នឹង​ទម្រង់​មុខ តារាស្រីត្រកូល Park បាន​បង្ហាញ​រាង​ស្លីម​ស្វែលស្អាតឥតទាស់។ ជាពិសស កេរ្តិ៍ឈ្មោះរបស់នាងកាន់តែឡើងកូដជាមុន ពោលគឺចាបតាំពីសម្ដែងជាតួឯកស្រីក្នុងរឿង «Marry My Husband» របស់ប៉ុស្តិ៍ទូរទស្សន៍ tvN ។

ទោះជាបែបនេះក្ដី ដោសសារតែ​ការ​ព្រួយ​បារម្ភ​ដែល​បាន​កើត​ឡើង​ដំបូង​ កាល​ពី​ឆ្នាំ​មុន ​ក្នុង​អំឡុង​ពេល​ការ​ផ្សព្វផ្សាយ​រឿង​ភាគ​របស់ «Marry My Husband» ដោយនៅពេលនោះ Park Min Young ត្រូវបានសម្តែងជា Kang Ji Won ដែលជាស្ត្រីដែលរស់ឡើងវិញជាមួយនឹងជំងឺចុងក្រោយ។ ដើម្បី​បង្ហាញ​ពី​សុខភាព​ធ្លាក់​ចុះ​របស់​តួអង្គរូបនាងបង្ហាញ​ថា​ ខ្លួនបាន​ស្រក​ទម្ងន់​ដោយ​ចេតនា​ដល់​ទៅ ៣៧ គីឡូក្រាមឯណោះ។

ក្រោយមកនាងបានចែករំលែកអំពីមូលហេតុដែលនាំឲ្យស្រក​ទម្ងន់​ថា «មានផ្នែកខ្លះនៃតួនាទីដែលខ្ញុំមិនអាចមើលស្រាលបាន ដូច្នេះខ្ញុំបានព្យាយាមប្រមូលព័ត៌មានឲ្យបានច្រើនតាមតែអាចធ្វើទៅបាន ហើយពិចារណាពីរបៀបដែលល្អបំផុតក្នុងការបង្ហាញវាឲ្យឃើញ។ ខ្ញុំមិនណែនាំរឿងនេះដល់នរណាម្នាក់ទេ ប៉ុន្តែខ្ញុំបានរស់រានមានជីវិតពីអាហារតូចតាច និងភេសជ្ជៈកីឡាកំឡុងពេលថត»។

តារាសស្រីវ័យ៣៩ឆ្នាំ បាននិយាយបន្ថែមទៀតថា វាពិតជាពិបាកឡើងទម្ងន់ម្តងទៀត ពីព្រោះក្រពះរបស់នាងពេលនេះវាស៉ាំនឹងអាហារ។ យ៉ាងណា នាងនៅតែដឹងគុណដែលបានធ្វើគ្រប់យ៉ាងទៅក្នុងតួនាទីនេះ ហើយក៏សង្ឃឹមថា នាងនឹងមានឱកាសម្តងទៀតដើម្បីក្លាយជាតួអង្គដែលស្រលាញ់ចូលចិត្តនេះ ។

ដោយឡែក សម្រាប់ការបង្ហាញខ្លួនចុងក្រោយរបស់នាង បានធ្វើឲ្យមានការជជែគវែកញែកពាក់ព័ន្ធនឹងរូបរាងកាយ ព្រមទាំងសុខភាពនៅក្នុងឧស្សាហកម្មកម្សាន្ត ដោយអ្នកគាំទ្របានសម្តែងការកោតសរសើរចំពោះការលះបង់ និងការបារម្ភរបស់នាង ចំពោះបញ្ហាដែលអាចកើតមានចំពោះសុខុមាលភាព។

ជាងនេះទៀតដែរ អ្នកគាំទ្រក៏ចង់ឲ្យនាងវិលត្រលប់មកកាន់រូបរាងពីដើមវិញ ដែលមានសាច់ឈាមស្រស់ស្អាតផូផង់ ហើយសម្រស់របស់នាងក៏លេចធ្លោមិនធម្មតាដែរ។ ប៉ុន្តែ ដោយសារតែតួនាទីជាតួអង្គដែលមានជំងឺររ៉ាំរ៉ៃ ដូច្នោះនាំតារាស្រីត្រូវតែតមអាហារដូចតួស្រីដែលនាងសម្ដែង៕

អត្ថបទ៖ សាង ស្រីល័ក្ខ

ចុចអាន៖ចាប់ខ្លួនស្ត្រីម្នាក់ លួចចូលក្នុងផ្ទះ Jungkook ទាំងកណ្តាលអធ្រាត្រ

The post ​មហាជនព្រួយ​បារម្ភ​សុខភាព Park Min Young ក្រោយបង្ហាញខ្លួន ក្នុងសភាពស្គមស្គាំងខ្លាំង appeared first on Kampuchea Thmey Daily.

យោងតាមការចុះផ្សាយ ពីកាសែតក្នុងប្រទេសកូរ៉េខាងត្បូង កាលពីពេលថ្មីបានចុះផ្សាយពីមតិរបស់អ្នកទស្សនានិងអ្នកលេងអ៊ីនធឺណេតកូរ៉េដែលបញ្ចេញមតិ ជុំវិញអាជីពរបស់តារាស្រីរូបនេះ។ អ្នកប្រើប្រាស់សហគមន៍អនឡាញបានចោទជាសំណួរគួរឲ្យចាប់អារម្មណ៍អំពីរចនាប័ទ្ម វិជ្ជាជីវៈ និងការរួមបញ្ចូលគ្នានៃតួអង្គនៅលើអេក្រង់ និងស្តង់ដារម៉ូដនៃពិភពពិតស្ដែងៗ។

ក្រុមអ្នកលេងអ៉ិនធើណេតជាច្រើនបាន​បញ្ចេញ​មតិ​យ៉ាង​ខុសៗគ្នាថា “តើអ្នកណាម្នាក់ដែលស្លៀកពាក់បែបនេះនៅការិយាល័យនៅប្រទេសកូរ៉េខាងត្បូង? តើអ្នកមិនធ្លាប់ធ្វើការក្នុងការិយាល័យពីមុនមកទេ? “ខ្ញុំភ្នាល់ថា ក្រុមហ៊ុនរបស់អ្នកមានចិត្តល្អទើបហ៊ានស្លៀកពាក់យ៉ាងដូច្នោះ”។

មិនត្រឹមប៉ុណ្ណឹងនោះទេ ក្រុមអ្នកទស្សនាភាពយន្តកំពុងទទួលបានភាពល្បីល្បាញ​ “Marry My Husband” ផ្សេងៗទៀតក៏មានមតិយោបល់ខុសពីអ្នកខាងលើថា តួអង្គក្នុងរឿងប្រហែលជាមិនដឹងថាខ្លួនឯងប្រកបអាជីពអ្វីឲ្យពិតប្រាកដនោះទេ។ សំលៀកបំពាក់បែបនេះមានតែអ្នកដើរលេងប៉ុណ្ណោះ អ្នកធ្វើការក្នុងការិយាល័យគេមិនអាចស្លៀកពាក់បែបនេះទេ ព្រោះការស្លៀកឈុតនេះវាជារឿងគួរឲ្យអស់សំណើចបំផុត។

ទោះយ៉ាងណាក៏ដោយ បើទោះជាមានការរិះគន់មិនឈប់ឈរពីសំណាក់អ្នកលេងអ៉ិនធើណេតយ៉ាងណាក្ដី ប៉ុន្តែរឿងភាគកូរ៉េ “Marry My Husband” នៅតែទទួលបានចំណាតថ្នាក់ខ្ពស់មិនធ្លាប់មាន ក្នុងប្រទេសនិងក្រៅ​ប្រទេស។ អ្វីដែលជាទីចំណាប់អារម្មណ៍ខ្លាំង នាពេលថ្មីៗនេះថែមទៀត វាបានវ៉ាដាច់រឿងភាគរបស់តារាល្បីៗជួរមុខរបស់កូរ៉េ ដល់ថ្នាក់តួសម្ដែងក្នុងរឿងបានក្លាយជាបុគ្គលសំខាន់របស់ភ្នែកទ្សនិកជនសឹងតែគ្រប់គ្នា៕

អត្ថបទ៖ សាង ស្រីល័ក្ខ

ចុចអាន៖សមាជិក​ក្រុម Idol ម្នាក់ ត្រូវ​​កាត់ទោស​ឲ្យជាប់ពន្ធនាគារ​១ឆ្នាំ ពី​បទ​គេច​មិនចូលបម្រើ​យោធា

The post ទស្សនិកជនរិះគន់ Park Min Young ស្លៀកពាក់មិនទំនងក្នុងរឿង “Marry My Husband” appeared first on Kampuchea Thmey Daily.

ដោយឡែក នៅថ្ងៃដដែលនោះ សារព័ត៌មាន Dispatch ដ៏ល្បីល្បាញរបស់កូរ៉េ បានចុះផ្សាយអត្ថបទមួយចោទប្រកាន់ Park Min-young ថា នាងទទួលប្រាក់ចំនួន ២៥០លានវ៉ុន (ប្រហែល ២០០,០០០ ដុល្លារអាមេរិក) ពីអតីតគូស្នេហ៍ Kang Jong Hyun ដែលត្រូវបានគេស្គាល់ថាជាជាជនឆបោក និងកេងបន្លំ។

ប្រភពពីព័ត៌មាន Dispatch ​រាយការណ៍ទៀតថា Kang Jong Hyun បានដកប្រាក់ពីក្រុមហ៊ុនបុត្រសម្ព័ន្ធក្នុងទម្រង់ជាប្រាក់កម្ចី ហើយបានបង់វាទៅក្នុងគណនីផ្ទាល់ខ្លួនរបស់ Park Min Young ជាការចំណាយលើការរស់នៅ។ ស្របពេលដែល ព័ត៌មាននេះផ្ទុយនឹងសក្ខីកម្មរបស់ Park Min Young ដែលបញ្ជាក់ថា នាងមិនធ្លាប់ទទួលបានជំនួយផ្នែកហិរញ្ញវត្ថុពី Kang Jong Hyun ពីមុនមកទេ។

ជាការឆ្លើយតប ភ្នាក់ងាររបស់ Park Min Young គឺ Hook Entertainment បានចេញសេចក្តីថ្លែងការណ៍មួយ ដោយបដិសេធការចោទប្រកាន់នេះ។ ភ្នាក់ងារបានឆ្លើយតបថា “តារាសម្តែង Park Min Young ត្រូវបានស៊ើបអង្កេតជាបុគ្គលយោងដោយអយ្យការក្នុងខែកុម្ភៈ ឆ្នាំ ២០២៣ ពាក់ព័ន្ធនឹង Kang Jong Hyun ដោយប្រើគណនីរបស់នាងក្នុងឈ្មោះផ្សេង។ វាត្រូវបានបញ្ជាក់យ៉ាងច្បាស់ថា Park Min Young មិនបានចូលរួមក្នុងសកម្មភាពខុសច្បាប់ណាមួយឡើយ ឬទទួលបានអត្ថប្រយោជន៍ខុសច្បាប់។ ប្រាក់ចំនួន ២៥០ លានវ៉ុនដែលបានលើកឡើងនៅក្នុងអត្ថបទនេះ ត្រូវបានប្រើប្រាស់ដោយគណនីរបស់ Kang Jong Hyun មិនមែនជាការចំណាយលើការរស់នៅរបស់ Park Min Young នោះទេ។

ទោះជាយ៉ាងណាក៏ដោយ អ្នកគាំទ្រជាច្រើនបានធ្វើពហិកាមិនទស្សនារឿង “Marry My Husband” នៅលើកញ្ចក់ទូរទស្សន៍ tvN ដែល Park Min Young សម្ដែងទៀតនោះទេ ខណៈពេលភាពយន្តមួយនេះទទួលបានការឆ្លើយតបល្អហួសពីការរំពឹងទុក។ ភាពយន្តឈានមុខគេរបស់កូរ៉េខាងត្បូងនេះ ទើបតែទទួលបានភាពល្បីល្បាញមិនបានប៉ុន្មានផង​ ប៉ុន្តែនាងបែរជួបរឿងចម្រូងចម្រាស់ពាក់ព័ន្ធនឹងការទទួលលុយពីអតីតមិត្តប្រុស ជាជនឆបោកទៅវិញ។

សូមជម្រាបជូនថា Kang Jong Hyun ត្រូវបានចោទប្រកាន់ពីបទកេងបន្លំប្រាក់ជាង ៦០ ពាន់លានវ៉ុន នៅក្នុងមូលនិធិរបស់ក្រុមហ៊ុន បន្ទាប់ពីជាប់ពន្ធនាគាររយៈពេល ១០ ខែ ហើយត្រូវបានដោះលែងនៅថ្ងៃទី ១២ ខែធ្នូ ជាមួយនឹងប្រាក់ធានា ៣០០ លានវ៉ុន ។ នៅឆ្នាំ ២០២២ គាត់មានទំនាក់ទំនងស្នេហាជាមួយ Park Min Young ហើយទោះបីជាពួកគេបានបញ្ជាក់ពីទំនាក់ទំនងរបស់ពួកគេក៏ដោយ ក្រោយមកពួកគេបានប្រកាសពីការបែកគ្នា។ Park Min Young ក៏ស្ថិតនៅក្រោមការស៊ើបអង្កេតរបស់អយ្យការដែរ ប៉ុន្តែបានអះអាងថានាងខ្វះការជាប់ពាក់ព័ន្ធក្នុងការសង្ស័យណាមួយទាក់ទងនឹងការប្រើប្រាស់គណនីខ្ចីឈ្មោះនោះទេ៕

អត្ថបទ៖​ សាង​ ស្រីល័ក្ខ

ចុចអាន៖តុលាការសេអ៊ូល កាត់ទោសជនឆបោកលក់សំបុត្រប្រគំតន្ត្រី IU និង ​​ BLACKPINK ឲ្យជាប់ពន្ធនាគារ ៦ ឆ្នាំ

The post តួឯកស្រីរឿង “Marry My Husband” បង្ហោះសារឈឺចាប់ ក្រោយផ្ទុះចម្រូងចម្រាសដល់ថ្នាក់ទស្សនិកជនធ្វើពហិកា appeared first on Kampuchea Thmey Daily.