តាមរយ:សំណេរលើបណ្តាញសង្គមហ្វេសប៊ុកលោកបានរៀបរាប់ថា “ការរើសអើងភេទនៅតែមានអាណិតជីវិតខ្លួនឯង សួរថាអ្នកណាចង់?” ។ ទន្ទឹមគ្នានឹងការបញ្ចេញអារម្មណ៍ដោយអន់ចិត្តនេះដែរភ្លាមៗនោះក៏មានមហាជនអ្នកគាំទ្រនិង អ្នកសិល្ប:មួយចំនួនបានសម្តែងការហួសចិត្តទៅលើបុគ្គលដែលនៅមានគំនិតអវិជ្ជមានចំពោះភេទទី៣ដែរ។

ជាមួយគ្នានេះដែរក៏មានការបញ្ចេញមតិដោយលើកទឹកចិត្តអាណិតដល់តារាភេទទី៣ ប៉ីប៉ី ឌី កុំឱ្យខ្វល់នឹងសម្តីអ្នកដទៃខណ:កន្លងមកលោកបានចូលរួមការងារជួយសង្គមច្រើនព្រមទាំងទទួលបាននូវការកោតសរសើរពីសំំណាក់ទស្សនិកជនគ្រប់មជ្ឈដ្ឋានផងដែរ។

ក្នុងនោះមានការបញ្ចេញមតិដែរថាយល់អារម្មណ៍នឹងខ្ញុំក៏ជាភេទទី៣ដែរប៉ុន្តែមកពីភេទទី៣មួយចំនួនជាអ្ន កសាងខ្លួនឯងជាក់ស្តែងម្នាក់ៗឃើញប្រុសដូចឃើញភ្លៅមាន់សួរថាប្រុសណាអ្នកណាមិនខ្លាច? គេរអើម។ ធ្វើខ្លួនអោយត្រឹមត្រូវរៀនអោយបានខ្ពង់ខ្ពស់មានកិត្តិ យសមានសមត្ថភាព គ្មានអ្នកណាមកមើលងាយយើ ងបានទេដរាបណានៅមានទង្វើរ ឬ និយាយអសុរសគេនិងមើលងាយរើសអើងតជំនាន់។ ចំណែកខ្លះទៀតលើកឡើងថាកុំខ្វល់នឹងមនុស្សអគតិប្អូន ជាមនុស្ស ល្អជួយសង្គមបានច្រើនណាស់ប្អូនស្រលាញ់អ្វីធ្វើនឹងទៅអោយតែខ្លួនអូនរីករាយ៕ ដោយ: ចាន់រ៉ា

The post Peypey Dy ពោលអាណិតជីវិតខ្លួនឯង ដ្បិតសម័យនេះទៅហើយនៅតែការរើសអើងភេទនៅឡើយ appeared first on Kampuchea Thmey Daily.

លោក Sem Longdy ដែលមហាជនស្គាល់ថា ជើងខ្លាំងខាងទីផ្សារ និងជាម្ចាស់ហាងយីហោរ ហិរខនណឺរ រួមនិងក្រុមការងារមូលនិធិខ្មែររួបរួម តែងសកម្មខ្លាំងក្នុងការរួមចំណែកជួយដល់ទ្រទ្រង់ដល់តម្រូវការបន្ទាន់របស់ជាតិ លើផ្នែកជំនួយមនុស្សធម៌។

ដោយទទួលបានការជឿជាក់ពីមហាជនជាតិ Peypey Dy ក្នុងនាមជាអ្នកផ្តួចផ្តើមជំនួយមនុស្សធម៌មួយរូប ក្នុងចំណោមម្ចាស់មូលនិធិផ្សេងៗទៀត បានទទួលជំនួយជាថវិកា និងសម្ភារៈចាំបាច់ជាច្រើនពីសប្បុរសជន ដើម្បីនាំយកទៅកាន់ជនភៀសសឹកកម្ពុជា ខណៈក៏កំពុងកើនចំនួនកាន់តែច្រើនឡើងៗផងដែរ។

សកម្មភាពសប្បុរសធម៌នេះ ក៏ទទួលបានការថ្លែងអំណរគុណពីរដ្ឋបាលខេត្តនានាបន្តបន្ទាប់ផងដែរ ក្រោយបានដល់ដៃជនភៀសសឹកជាច្រើនពាន់គ្រួសារ ក្នុងភូមិសាស្ត្រខេត្តទាំងនោះ រួមមានដូចជា ខេត្តកោះកុង ខេត្តសៀមរាប និងខេត្តបាត់ដំបង។

បើតាមការបញ្ជាក់នៅថ្ងៃទី២៧ ខែធ្នូ ឆ្នាំ២០២៥ នេះ ក្នុងភូមិសាស្ត្រខេត្តសៀមរាប លោកនិងក្រុមការងារមូលនិធិខ្មែររួបរួម បានជួយដល់ពលរដ្ឋភៀសសឹក ៣ ៥៦២គ្រួសារ និងបន្ថែម ៥ ០០០គ្រួសារទៀត ទៅខាងចុងកាល់ កាលពីថ្ងៃទី២៦ ខែធ្នូ ម្សិលមិញនេះ។

ក្រុមការងារមូលនិធិខ្មែររួបរួម ក៏បាននាមយកជំនួយទៅកាន់ភូមិសាស្ត្រខេត្តបាត់ដំបង និងគូសបញ្ជាក់ថា “យើងបានជួយដល់បងប្អូនភៀសសឹកចំនួន ៥ ៩៧០គ្រួសារ និងបានរំលែកស្បៀងទៅតាមមូលនិធិផ្សេងៗ ដើម្បីជួយដល់ទីតាំងបន្តបន្ទាប់ទៀតផងដែរ”។

ជាមួយគ្នានេះ លោក Sem Longdy និងក្រុមការងារ ក៏ទទួលបានថ្លែងអំណរគុណពីរដ្ឋបាលខេត្តកោះកុងផងដែរ នាថ្ងៃទី ២៧ធ្នូនេះ ចំពោះការឧបត្ថម្ភគ្រឿងឧបភោគបរិភោគ និងសម្ភារៈប្រើប្រាស់ផ្សេងៗជូនពលរដ្ឋភៀសសឹក នៅទីជម្រកសុវត្ថិភាព ចំនួន ១ ៥៥៩គ្រួសារ ក្នុងភូមិសាស្ត្រខេត្តកោះកុង។

The post មូលនិធិខ្មែររួបរួម ទទួលបានការថ្លែងអំណរគុណពីរដ្ឋបាលខេត្តនានា ក្រោយបានដល់ដៃជនភៀសសឹកជាច្រើនពាន់គ្រួសារ appeared first on Kampuchea Thmey Daily.

លោកសង្កត់ធ្ងន់ទៀតថា សកម្មភាពដែលលោកធ្វើ គឺចាប់ផ្តើមដោយបេះដូង និងមនសិការ ដ្បិតក្នុងនោះទទួលបាននូវការចូលរួមយ៉ាងច្រើន តែក៏បានក្លាយជាការវែកញ៉ែក សង្ស័យ រហូតដល់ពេលខ្លះលោកត្រូវគិតគ្រប់ចំណុចដែលលោកធ្វើដើម្បីជៀសឱ្យផុតពីពាក្យរិះគន់។

លោកបន្ថែមទៀតថា នៅវិនាទីដំបូងដែលលោកធ្វើ លោកពិតជាគិតមិនដល់ដែរថា នឹងអាចរកជំនួយបានច្រើនបែបនេះទេ ហើយរឹតតែមិនគិតថានឹងមានការសង្ស័យណាមួយមកលើរូបលោកផងដងដែរ។ ឯគ្រប់ការ update ចំនួនថវិការគឺដើម្បីឱ្យសប្បុរសជនចូលរួមបានដឹងទាំងអស់គ្នា និងសប្បាយចិត្តចំពោះការសាមគ្គីរបស់មហាគ្រួសារខ្មែរ។ ប៉ុន្តែអ្វីដែលលោកមិននឹកស្មាន វាបានក្លាយទៅជាអម្រែកដ៏ធ្ងន់ និងជាសម្ពាធយ៉ាងធំមួយសម្រាប់រូបលោក ជាហេតុនាំឱ្យលោកតែងតែសួរខ្លួនឯងថា “បន្តទៀតទេ?” លោកអះអាងថា លោកតែមានគំនិតបោះបង់រាល់ពេលពេលដែលបានឃើញគំនិតអគតិមកលើរូបលោក។

តែទោះជាបែបនេះ លោកនៅតែពុះពារធ្វើ និងកំពុងបន្តធ្វើ ហើយយ៉ាងណាក៏ត្រូវតែធ្វើឱ្យចប់រួចរាល់ការចំណាយទៅលើសម្ភារៈ និងស្បៀង រួមទាំងថវិការ គឺលោកនិងក្រុមការងារបេសកកម្ម បានពិភាក្សាធ្វើយ៉ាងណាឱ្យស័ក្តិសម និងមានប្រយោជន៍បំផុតតាមដែលអាចធ្វើបាន។ លោកបញ្ជាក់ថា “គោលដៅរបស់ពួកយើងគឺជនភៀសសឹក គ្រួសារសពពលី កងទ័ពមិនថារបួស ជួរមុខឬតាមកងពល ធ្វើយ៉ាងណាឱ្យបានទៅដល់ដៃពួកគាត់ បើទោះជាត្រូវប្រថុយគ្រោះថ្នាក់ និងមិនមានសុវត្ថិភាព ដែលខ្ញុំនឹងបង្ហាញពេលក្រោយ រួមទាំងវីដេអូរូបភាពដែលខ្ញុំបានទៅដល់ខាងមុខ និងជាតំបន់ក្តៅដែលមិនអាចបញ្ចេញបានក្នុងពេលនេះ“។

ជាមួយគ្នានេះ លោកក៏បានលម្អិតនូវការចាត់ចែងថវិកាឧបត្ថម្ភនោះ តាមរយៈបុគ្គលល្បីមួយចំនួន ដូចជា លោកទ្រី វិច្ឆិការ, លោក តាំង គីមឡេង, លោក Athika, លោក Rith Omega និងលោក លី វណ្ណៈ ផងដែរ។

តាមការបញ្ជាក់ សម្រាប់គ្រួសារសពពលីចំនួន ១០គ្រួសារ កងទ័ពត្រូវរបួសចំនួន ២ទីតាំង (សុំមិនបញ្ជាក់ចំនួនទ័ព) រួមមាន៖ អង្ករ ២០០តោន, ទឹកត្រី ទឹកសុអុីវ ២មុឺនយួរ, ឆៃប៉ូវ ១០០០គ.ក, ត្រីងៀត ត្រីប្រាបហើម សាច់ក្រក ២០តោន, សាច់ផាត់ គោងៀត ៥តោន, កាពិផាវ ៥០០០កែវ, ត្រីខ ៣៣០០កេស, មី ៨៥០០កេស, ទឹកដោះគោ ៨ពាន់កេស, ភេសជ្ជៈប៉ូវកម្លាំង ៥៥០កេស, ស្ករគ្រាប់ ២០០កេស, នំ ៣០០កេស, ខ្ទឹមស ១០០បេ, អំបិល ស្ករ ប៊ីចេង ២តោន, ម្សៅទឹកដោះគោ ២០កេស, អំបុក ៥តោន, បាយក្តាំង ១មុឺនកញ្ចប់, បារី ៤០កេស, ថ្នាំសង្កូវ ៤ពាន់ប្រអប់, ថ្នាំភ្នែក ៩កេស, ប្រេងកូឡា ៣០កេស, ថ្នាំបាញ់មូស 20កេស, ធូបមូស 200កេស, Sprayបាញ់ការពារសត្វល្អិត ២ពាន់ដប, ម៉ាសការពារជាតិពុល សុំមិនបញ្ជាក់ចំនួន, ម៉ាសធម្មតា ១៥កេស។

ក្រៅពីអាហារខាងលើ នៅមាន អាយកូម T.O វិទ្យុទាក់ទង, Power Bank, អាគុយសឡា (សុំមិនបញ្ជាក់ចំនួន), មុង ភួយខ្នើយកន្ទេល ៥២០០ឈុត, តង់ ៨៣០៤, អង្រឹង ៥២០០, សម្លៀកបំពាក់ ៥០បេធំ, សាប៊ូកក់សក់ សាប៊ូបោកខោអាវ សាប៊ូដុសខ្លួន ៣ពាន់កេស, សំឡីអនាម័យ ២០កេស, ខោទឹកនោម ក្រដាសសើម ៣៣កេស, ថ្នាំដុសធ្មេញ ច្រាសដុសធ្មេញ ១មុឺនឈុត រួមជាមួយនឹងស្បៀង និងសម្ភារៈប្រើប្រាស់ផ្សេងៗទៀត ដែលបានមកពីមហាជន។

ជាមួយគ្នានោះដែរ លោកក៏បានជូនថវិការចំនួន ១០០ដុល្លារ ដល់កងទ័ព (សុំមិនបញ្ជាក់ចំនួនទ័ព), ថវិការ ២០០ដុល្លារ ដល់កងទ័ពរបួស (សុំមិនបញ្ជាក់ចំនួនទ័ព), ថវិកា ៥ពាន់ដុល្លារ ដល់គ្រួសារសពពលីទាំង ១០គ្រួសារ និងបានសង់ផ្ទះជូនគ្រួសារសពពលីចំនួន២ និងជួយទៅដល់មន្ទីរពេទ្យមួយកន្លែងក្នុងខេត្តសៀមរាប។

លោកបញ្ជាក់ថា ការចំណាយសរុបមកត្រឹមថ្ងៃនេះមានចំនួន 672,208.03 USD ហើយនៅសល់ចំនួន 230,671.62 USD ។ លោកថា លោកនឹងចាត់ចែងបន្តទៀត ដោយសង្ឃឹមថា នឹងបានជួយទៅដល់គោលដៅដែលត្រូវការតាមដែលអាចធ្វើបាន និងធ្វើយ៉ាងណាអោយមានប្រយោជន៍បំផុតដោយមិនបាត់សូម្បីមួយសេនឡើយ។ លោកទទូចថា
សូមគោរពនូវការសម្រេចចិត្ត និងការចាត់ចែងរបស់ពួកខ្ញុំ និងសូមបញ្ជាក់ម្តងទៀតថា បេសកកម្មរបស់យើងកំពុងបន្តមិនទាន់បញ្ចប់ទេ៕

The post PeyPey Dy ថា កំពុងរៀបចេញពីភ្នំពេញ ដើម្បីបំពេញបេសកកម្មរបស់លោកបន្តទៀត និងបញ្ជាក់ជំនួយកន្លងមក appeared first on Kampuchea Thmey Daily.

ដោយមើលឃើញថា បច្ចុប្បន្នពលរដ្ឋកម្ពុជាកំពុងងាកមកគាំទ្រផលិតផលក្នុងស្រុកច្រើន ដូច្នេះហើយ ជើងខ្លាំងខាងធ្វើទីផ្សាររូបនេះ ស្នើរអាជីវករកុំដំឡើងតម្លៃហួសហេតុក្នុងកាលៈទេសៈនេះ ក្នុងន័យចង់ឱ្យមានស្មារតីរួបរួមគ្នាដើម្បីរីកចម្រើនទាំងអស់គ្នា។ បើតាមការបញ្ជាក់ ចាប់ពីថ្ងៃទី២៥ ខែមិថុនាទៅ លោកមានពេលទំនេរ ដូចនេះលោកប្រកាសទៅអ្នកដែលមានផលិតផលខ្មែរពិសេស ដំណាំចំការ ឬក្រុមហ៊ុនខ្មែរ ដែលមានច្បាប់ស្តង់ដារត្រួតពិនិត្យត្រឹមត្រូវ អាចទាក់ទងមកលោកចាប់ពីពេលប្រកាសបាន។

លោកថា “ខ្ញុំទទួលថត promote ដោយមិនគិតថ្លៃទេ មិនថាខេត្តឬ ក្រុងឡើយ ខ្ញុំនឹងចុះទៅដល់ទីតាំងផ្ទាល់ នេះជាអ្វីដែលខ្ញុំអាចតបស្នង ចំពោះការចូលចិត្តនិងគាំទ្រខ្ញុំកន្លងមក ហើយខ្ញុំ ពិតជាចង់ឃើញបងប្អូនខ្មែរយើងរីកចម្រើនទៅមុខទាំងអស់គ្នា និងសូមឱ្យបងប្អូនខ្មែរងាកមកគាំទ្ររបស់ខ្មែរ ព្រោះយើងមិនអន់ទេ”។

ការចេញមុខលើកឡើងរបស់ Peypey Dy គឺស្របពេលដែលថ្មីៗនេះ សម្តេចអគ្គមហាសេនាបតីតេជោ ហ៊ុន សែន មានប្រសាសន៍អំពាវនាវឲ្យជនរួមជាតិខ្មែរនាំគ្នាប្រើប្រាស់ផលិតផលដែលខ្មែរ៕ ចាន់រ៉ា

The post ជើងខ្លាំងខាងធ្វើទីផ្សារ ប្រកាសជួយផ្សាយផលិតផលខ្មែរគ្រប់ប្រភេទ ឥតគិតថ្លៃ ព្រោះចង់ឱ្យខ្មែររីកចម្រើនទាំងអស់គ្នា appeared first on Kampuchea Thmey Daily.

ម្ចាស់ហាងល្បីរូបនេះ ក៏បានបញ្ជាក់មូលហេតុដែលធ្វើឱ្យខ្លួន ចេញមុខមកបើកកកាយជាសាធារណៈបែបនេះដែរថា “អ្នកដឹកជញ្ជូនក្រុមហ៊ុនមួយ មិនតម្រង់ជួរចាំយកអីវ៉ាន់ដូចបងៗដទៃទេ ហើយបោះសម្តីថា “ម៉េចពួកហែងអាងហាងហែងល្បីមែន?” ហើយពេលបានអីវ៉ាន់ បែរជិះម៉ូតូចេញស្រែកជេរ “ចុយម្រ៉ាយ” ពេញហ្នឹង”។

លោកបន្តថា “ចូលមកដល់អ្នកគ្រប់គ្រងវិញម្តង យើងបានស្នើទៅថា សុំឱ្យជួយប្រាប់បុគ្គលិកកែចំណុចទាំងអស់ហ្នឹង គេថាស្តាប់តែម្ខាង ហើយអត់មាន video គេធ្វើអត់បានទេ គេចង់បាន footage ដើម្បីដឹងថាម្នាក់ណា យើងក៏តបវិញថា យើងអត់បានចំណាំមុខទេហើយក៏មិនចាំថាម៉ោងប៉ុន្មានដែរ គ្រាន់តែសុំឱ្យណែនាំជារួមទៅ គេនៅតែថាធ្វើអត់បាន”។

ចម្លើយរបស់ក្រុមហ៊ុនដឹកជញ្ជូន ធ្វើឱ្យលោកមិនពេញចិត្តជាខ្លាំង និងឆ្ងល់ថា ហេតុអ្វីណែនាំមិនបាន? ជាចុងក្រោយ លោកក៏សម្រេចឈប់សហការជាមួយក្រុមហ៊ុនដឹកជញ្ជូននោះភ្លាមៗតែម្តង និងបញ្ជាក់ថា Hel Corner និង Coffee Corner មានតែនៅ App WOW NOW (កំពុងមានប្រម៉ូសិន20%); WingMall; GrabFood; Nham24; E-Gets និង BLOC តែប៉ុណ្ណោះ៕

The post PeyPey Dy ផ្ទុះកំហឹងនឹងក្រុមហ៊ុនដឹកជញ្ជូនមួយ ក្រោយមិនហ៊ានណែនាំអ្នកដឹកជញ្ជូនខ្លួន តាមសំណើ appeared first on Kampuchea Thmey Daily.

ការចេញមុខទទូចសុំនេះ គឺបន្ទាប់ពីមានការចែកចាយនៅលើបណ្តាញទំនាក់ទំនងសង្គម ដោយបានលើកឡើងថា លោក កៅ សីហា មានជំងឺប្រចាំកាយ (លើសឈាម) និងបានប្រើផលិតផលថ្នាំសម្រកគីឡូ ទើបបណ្តាលឲ្យមានគ្រោះថ្នាក់ដាច់សរសៃឈាមក្នុងខួរក្បាល រហូតបាត់បង់ជីវិត។

ដើម្បីជាការគោរពដល់កិត្តិយសនៃសព លោក PeyPey Dy បានបញ្ចេញខ្លឹមសារមួយដោយស្នើដូច្នេះថា “បង កៅសីហា មិនបានប្រើថ្នាំសម្រកដូចអ្វីដែលគេបានផុសទេ ហើយសុំចិត្តកុំបង្ហោះឬចែកចាយរូបភាពមិនស្អាតរបស់គាត់អី សូមឲ្យគាត់ទៅបានស្ងប់ផងចុះ”។

ជាការពិតណាស់ ដំណឹងមរណភាពរបស់លោក កៅ សីហា ដែលជាផលិតករនិងអ្នកដឹងនាំសម្តែងរឿងបានធ្វើឲ្យមហាជននិងសិល្បករសិល្បការិនីមានក្តីរន្ធត់ចិត្តជាខ្លាំងក្រោយបាត់បង់ធនធានដ៏ឆ្នើមរូបនេះ។

លោក កៅ សីហា បានទទួលមរណភាពកាលពីថ្ងៃទី ២០ខែតុលាឆ្នាំ២០២៤បន្ទាប់បញ្ជូនទៅសង្គ្រោះនៅប្រទេសវៀតណាម ដោយសារជំងឺដាច់សរសៃឈាមធ្ងន់ធ្ងរ។សពលោក កៅ សីហាបានដឹកមកដល់គេហដ្ឋាននៅភ្នំពេញនាវេលាម៉ោង ១រំលងអាធ្រាត្រឈានចូលថ្ងៃទី ២១ ខែតុលា ឆ្នាំ២០២៤។ បច្ចុប្បន្នសពផលិតករលោក កៅ សីហា កំពុងតម្កល់ធ្វើបុណ្យតាមប្រពៃណីនៅគេដ្ឋាន បុរីសម្បត្តិមានហេង សង្កាត់ព្រែកឯង ខណ្ឌច្បាអំពៅ៕ អត្ថបទ៖ ចាន់រ៉ា

The post PeyPey Dy ៖ លោក កៅ សីហា មិនបានប្រើថ្នាំសម្រកដូចគេលើកឡើងទេ និងស្នើបញ្ឈប់ចែកចាយព័ត៌មាននេះ appeared first on Kampuchea Thmey Daily.