នៅថ្ងៃ April Fools’ Day

ក្នុងខ្លឹមសារដែលបានបង្ហោះ Ranngo បានបញ្ជាក់ថា បទចម្រៀងចុងក្រោយដែលបានចេញថ្មីៗនេះ អាចជាការបញ្ចប់អាជីពរបស់ខ្លួន ខណៈដែលលោកក៏បានបង្ហាញអារម្មណ៍នឿយហត់ និងអរគុណដល់អ្នកគាំទ្រទាំងអស់ដែលតែងតែគាំទ្ររូបលោកកន្លងមកផងដែរ។

តែយ៉ាងណា បើក្រឡេកមើលពាក្យគន្លឹះ (hushtag) ហើយស្របពេលនឹងថ្ងៃ April Fools’ Day ផងនោះ សាធារណជនភាគច្រើន បានសន្មត់ថា ការប្រកាសនេះអាចជាការលេងសើច (Prank) ប៉ុណ្ណោះ មិនមែនជាការសម្រេចចិត្តពិតប្រាកដឡើយ។

ជាក់ស្តែង ក្រោយការបង្ហោះនេះ អ្នកគាំទ្រជាច្រើនបានចូលទៅបញ្ចេញមតិព្រោងព្រាត ដោយមួយភាគបង្ហាញការសោកស្តាយ ប្រសិនបើជាការពិត ខណៈមួយចំនួនផ្សេងទៀតវិញយល់ថា នេះគ្រាន់តែជាការលេងសើចតាមបែបថ្ងៃបោកប្រាស់ប៉ុណ្ណោះ។

គួរបញ្ជាក់ថា Ranngo គឺជាតារាចម្រៀងរ៉េបវ័យក្មេងមួយរូប ដែលកំពុងទទួលបានការចាប់អារម្មណ៍ក្នុងសហគមន៍ Hip Hop កម្ពុជា បន្ទាប់ពីការចូលរួមប្រកួត និងបង្ហាញសមត្ថភាពលើឆាកតន្ត្រីកន្លងមក។ ដូច្នេះហើយ ការប្រកាសបែបនេះ ទោះជាពិត ឬមិនពិត ក៏បានបង្កការវែកញែកយ៉ាងក្តៅគគុកក្នុងចំណោមអ្នកគាំទ្រផងដែរ៕ ដោយ៖ ចាន់រ៉ា | rewrite: Sotheavy

ការសម្រេចចិត្តនេះកើតឡើងក្រោយពី Ranngo បានចូលប្រឡូកក្នុងវិស័យតន្ត្រីរ៉េបប្រមាណជិត២ឆ្នាំ និងទទួលបានការគាំទ្រពីមហាជនគួរសម។ មុនពេលក្លាយជាតារាចម្រៀងអាជីព លោកធ្លាប់ចូលរួមប្រកួតចម្រៀងរ៉េបជាច្រើនលើក ដោយពិសេសក្នុងកម្មវិធី Rapper Fighter Season 1 ដែលធ្វើឱ្យឈ្មោះរបស់លោកកាន់តែគេចាប់អារម្មណ៍។

ទោះបីមិនអាចដណ្តើមបានជ័យលាភីក៏ដោយ ប៉ុន្តែ Ranngo បានឈានដល់ចំណាត់ថ្នាក់ Top 5 និងទទួលបានការលើកទឹកចិត្តពីអ្នកគាំទ្រជាច្រើន។

អ្វីដែលធ្វើឱ្យមហាជនភ្ញាក់ផ្អើលគឺការបង្ហោះសាររបស់លោក ដែលបានសរសេរថា៖ «សុំទោសដែលត្រូវនិយាយពាក្យនេះ! អាជីពអ្នកសិល្បៈរបស់ខ្ញុំ ប្រហែលជាត្រូវបញ្ចប់ត្រឹមនេះហើយ។ បទចម្រៀងដែលចេញមុននេះ គឺជាបទចុងក្រោយដែលបងប្អូនបានឃើញខ្ញុំ»។

ក្រៅពីនេះ លោកក៏បានបញ្ជាក់បន្ថែមថា ខ្លួនមានអារម្មណ៍នឿយហត់ និងចង់ចាកចេញពីជីវិតក្នុងវិស័យសិល្បៈ ដើម្បីរស់នៅបែបសាមញ្ញវិញ។ ទន្ទឹមនឹងនេះ លោកក៏បានថ្លែងអំណរគុណដល់អ្នកគាំទ្រទាំងអស់ដែលតែងតែគាំទ្រគាត់កន្លងមក។

យ៉ាងណាមិញ ការប្រកាសនេះបានធ្វើឱ្យអ្នកគាំទ្រមួយចំនួនសោកស្តាយ ខណៈអ្នកខ្លះទៀតនៅតែមានការសង្ស័យថា អាចជាការលេងសើច ឬជាការបង្ហាញអារម្មណ៍បណ្តោះអាសន្នប៉ុណ្ណោះ។

គួរបញ្ជាក់ថា ក្នុងរយៈពេលខ្លីនៃអាជីពសិល្បៈ Ranngo បានបង្ហាញសមត្ថភាព និងបង្កើតឥទ្ធិពលមួយចំនួនក្នុងសហគមន៍តន្ត្រីរ៉េបកម្ពុជា ដែលធ្វើឱ្យឈ្មោះរបស់លោកក្លាយជាតារាវ័យក្មេងដែលគួរឲ្យចាប់អារម្មណ៍មួយរូប។ដោយ៖ ចាន់រ៉ា

The post April Fool’s Day! Ranngo ប្រកាសចង់បញ្ចប់អាជីពសិល្បៈ ធ្វើឱ្យអ្នកគាំទ្រវែកញែកចង់ដឹង ពិត ឬមិនពិត appeared first on Kampuchea Thmey Daily.

ថ្វីបើ Ranngo និង Lil Kzy មិនមែនម្ចាស់ខ្សែកជ័យលាភីក្នុងកម្មវិធី Rapper Fighter ដែលទើបបញ្ចប់ទៅថ្មីៗនេះក៏ដោយ ប៉ុន្តែ Rapper ទាំងពីរដួងនេះ បានសាងប្រជាប្រិយភាពរួមគ្នារួចហើយ តាមរយៈចម្រៀង Diss Track វគ្គ Stage Fight ក្នុងកម្មវិធី Rapper Fighter ។

យ៉ាងណា ការចាប់គូគ្នាលើឆាកប្រគំតន្ត្រីរំលឹកចម្រៀងអនុស្សាវរីយ៍រួមគ្នាជាលើកដំបូង លើទឹកតាកែវយប់មិញ អ្នកទាំងពីរធ្វើឱ្យមហាជនចាប់អារម្មណ៍ជាថ្មី ខណៈអ្នកគាំទ្រដែលឈរនៅទីតាំងផ្ទាល់ ច្រៀងតាមស្រែកហ៊ោ រីករាយនឹងលោកទាំងពីរខ្លាំង។

គួររម្លឹកថា ក្នុងចំណោមតារារ៉េបទាំងពីរ Ranngo ជាអ្នកដែលបានឈានដល់វគ្គផ្តាច់ព្រ័ត្រកម្មវិធី Rapper Fighter ខណៈទោះមិនអាចដណ្តើមបានជ័យលាភី តែការដែលអាចឈានជើងដល់វគ្គផ្តាច់ព្រ័ត្រនេះបាន បង្ហាញយ៉ាងច្បាស់ថា Ranngo ខ្វះតែមួយជំហានប៉ុណ្ណោះ អាចចាប់យកក្តីស្រមៃជា Rapper និងជា idol នៃអ្នកគាំទ្ររបស់ខ្លួនទៅហើយ។

តួយ៉ាង ជាមួយទេពកោសល្យ និងបេះដូងដែលតស៊ូគ្មានទីបញ្ចប់ Ranngo ត្រូវបានមហាជនដែលជាអ្នកនិយមតាមដានវិថីចម្រៀងរ៉េប ទទួលស្គាល់នូវសមត្ថភាព និងភាពមិនចុះចាញ់ម្តងហើយម្តងទៀតរបសបេក្ខភាព Rapper រូបនេះ តាំងពី The Rapper Cambodia រហូតដល់ The Rapper Fighter បើទោះបីជារងពាក្យមិនល្អជាច្រើន៕

The post Ranngo និង Lil Kzy សម្តែងរួមគ្នាលើកដំបូង លើឆាកប្រគំតន្ត្រីនៅតាកែវយប់មិញ ផ្ទុះការចាប់អារម្មណ៍ជាថ្មី appeared first on Kampuchea Thmey Daily.

ទោះមិនអាចដណ្តើមបានជ័យលាភី តែការដែលអាចឈានជើងដល់វគ្គផ្តាច់ព្រ័ត្រនេះបាន បង្ហាញយ៉ាងច្បាស់ថា Ranngo ខ្វះតែមួយជំហានប៉ុណ្ណោះ អាចចាប់យកក្តីស្រមៃជា Rapper និងជា idol នៃអ្នកគាំទ្ររបស់ខ្លួនទៅហើយ។

ចំពោះបរាជ័យនេះដែរ សាធារណជនបានសម្តែងការសោយស្តាយផងដែរ ប៉ុន្តែក៏ឆ្លៀតលើកទឹកចិត្តបេក្ខភាព Rapper រូបនេះថា “ទោះមិនបានលើកពាន តែក៏មានមហាជនជាច្រើនបានស្គាល់ និងបានដឹងពីសម្ថតភាពអ្នកច្បាស់“។ ក្រៅពីនេះ ក៏មានមតិខ្លះបង្ហាញអារម្មណ៍មោទនភាពនឹង Rapper រូបនេះថា “ទោះលទ្ធផលចុងក្រោយមិនបានដូចបំណង ប៉ុន្តែអ្នកខំយ៉ាងខ្លាំងហើយ Proud of you Ranngo” ។

ពិតណាស់ កន្លងមក បេក្ខភាព Rapper រូបនេះ ត្រូវបានគេដឹងថា គាត់មានចិត្តតស៊ូណាស់ បើទោះបីជាទទួលបានពាក្យមិនល្អជាច្រើន ខណៈអ្នកមួយចំនួនតែងតែ Bully នូវរូបរាង្គរបស់ Ranngo ជាដើម។

តាមរយៈបទសម្ភាសជាមួយកម្មវិធីនានា Ranngo តែងបង្ហាញភាពរីករាយ និងរឹងមាំជានិច្ច នៅចំពោះមុខមហាជន ពិសេសអ្នកគាំទ្រខ្លួន បើទោះបីអ្នកមួយចំនួន មើលរំលងសមត្ថភាពហើយផ្តោតតែរូបរាងខាងក្រៅក៏ដោយ៕

The post ទោះមិនបានខ្សែកជ័យលាភី តែ Ranngo ត្រូវបានគេស្គាល់សមត្ថភាពច្បាស់ appeared first on Kampuchea Thmey Daily.