ទោះមិនអាចដណ្តើមបានជ័យលាភី តែការដែលអាចឈានជើងដល់វគ្គផ្តាច់ព្រ័ត្រនេះបាន បង្ហាញយ៉ាងច្បាស់ថា Ranngo ខ្វះតែមួយជំហានប៉ុណ្ណោះ អាចចាប់យកក្តីស្រមៃជា Rapper និងជា idol នៃអ្នកគាំទ្ររបស់ខ្លួនទៅហើយ។

ចំពោះបរាជ័យនេះដែរ សាធារណជនបានសម្តែងការសោយស្តាយផងដែរ ប៉ុន្តែក៏ឆ្លៀតលើកទឹកចិត្តបេក្ខភាព Rapper រូបនេះថា “ទោះមិនបានលើកពាន តែក៏មានមហាជនជាច្រើនបានស្គាល់ និងបានដឹងពីសម្ថតភាពអ្នកច្បាស់“។ ក្រៅពីនេះ ក៏មានមតិខ្លះបង្ហាញអារម្មណ៍មោទនភាពនឹង Rapper រូបនេះថា “ទោះលទ្ធផលចុងក្រោយមិនបានដូចបំណង ប៉ុន្តែអ្នកខំយ៉ាងខ្លាំងហើយ Proud of you Ranngo” ។

ពិតណាស់ កន្លងមក បេក្ខភាព Rapper រូបនេះ ត្រូវបានគេដឹងថា គាត់មានចិត្តតស៊ូណាស់ បើទោះបីជាទទួលបានពាក្យមិនល្អជាច្រើន ខណៈអ្នកមួយចំនួនតែងតែ Bully នូវរូបរាង្គរបស់ Ranngo ជាដើម។

តាមរយៈបទសម្ភាសជាមួយកម្មវិធីនានា Ranngo តែងបង្ហាញភាពរីករាយ និងរឹងមាំជានិច្ច នៅចំពោះមុខមហាជន ពិសេសអ្នកគាំទ្រខ្លួន បើទោះបីអ្នកមួយចំនួន មើលរំលងសមត្ថភាពហើយផ្តោតតែរូបរាងខាងក្រៅក៏ដោយ៕

The post ទោះមិនបានខ្សែកជ័យលាភី តែ Ranngo ត្រូវបានគេស្គាល់សមត្ថភាពច្បាស់ appeared first on Kampuchea Thmey Daily.

កំពូលតារាចម្រៀង ខេមរ: សិរីមន្ត បានបង្ហាញការអបអរសាទរ និងលើកទឹកចិត្តចំពោះជ័យជំនះដ៏ធំធេងរបស់ OG Golden ដែលទទួលបានជ័យលាភីលើកពាន Rapper Fighter កាលពីយប់មិញ។ លោក ខេមរ: សិរីមន្ត ក៏ជូនពរឱ្យកាន់តែជោគជ័យនៅក្នុងវិស័យ Rapper នេះផងដែរ។

រៀមច្បង ខេមរ: សិរីមន្ត បានលើកឡើងថា “អបអរសាទរប្អូនប្រុសដែលជាប់ជ័យលាភីកម្មវិធី Rapper fighter កាលពីយប់មិញ ប្អូននឹងក្លាយជាទំពាំងស្នងឬស្សីថ្មី សង្ឃឹមថាប្អូននិងក្លាយជាគំរូល្អដល់យុវវ័យមានសុជីវធម៌គុណធម៌ ជាគំរូដល់ពួកគេ សរសេរចម្រៀងកុំមានពាក្យជេរពាក្យអសុរោះណាប្អូន ជូនពរប្អូនជោគជ័យក្នុងវិស័យរ៉េបភើនេះ“។

លោក ខេមរ: សិរីមន្ត លើកឡើងបែបនេះ ស្របពេលដែលមួយរយ:នេះ សង្គ្រាម Disstrack កំពុងផ្ទុះឡើងជាមួយនឹងពាក្យពេចន៍មិនសមរម្យ។ ដោយហេតុនេះ លោកយល់ថា ការរ៉េប មិនគួរមានពាក្យពេចន៍ជេរប្រមាថ មាក់ងាយគ្នាឡើយ ព្រោះនោះជាគំរូមិនល្អសម្រាប់ក្មេងៗជំនាន់ក្រោយ និងសង្គមខ្មែរ៕ អត្ថបទ៖ ចាន់រ៉ា

The post ខេមរ: សិរីមន្ត លើកទឹកចិត្ត OG Golden ធ្វើគំរូល្អដល់យុវវ័យ កុំសរសេរចម្រៀងដែលមានពាក្យជេរប្រមាថអសុរោះ appeared first on Kampuchea Thmey Daily.

ក្នុងវគ្គផ្តាច់ព្រ័ត្រយប់មិញនេះដែរ បណ្តាអ្នកគាំទ្រ ក្រុមការងារនៃកម្មវិធី ក្រុមគ្រូបង្វឹក ក៏ដូចជាគ្រួសាររបស់ Ruthko បានធ្វើរឿងមួយចំនួនជូនដល់វិញ្ញាណក្ខន្ធ Ruthko ផងដែរ។

១. ការ Perform រួមគ្នាជាមួយ Ruthko
ទោះបី Ruthko មិនមានវត្តមានលើឆាកកម្មវិធី Rapper Fighter ជាមួយក្រុមការងារ និងកូនសិស្ស តែក្រុមគ្រូបង្វឹកទាំង ៤ រួមនឹង MC Heng បានធ្វើរឿងដ៏អស្ចារ្យមួយជូនដល់វិញ្ញាណក្ខនលោក ដោយការ Perform រួមគ្នា របស់ក្រុមគ្រូបង្វឹក និង MC Heng ជាមួយ Ruthko តាមរយៈការចាក់ MV ដែលធ្លាប់ច្រៀងកាលពីនៅមានជីវិត លើផ្ទៃ Background ឆាក។

ខណៈពេលនៃការរំលឹកដល់វិញ្ញាណក្ខន coauch រូបនេះ ម្តាយរបស់ Ruthko បានជូនផ្កាឈូកមួយបាច់តាមរយៈគ្រូបង្វ្រឹកផ្សេងទៀត ដើម្បីជាការឧទ្ទិសដល់វិញ្ញាណក្ខនកូនប្រុស ខណៈទស្សនិកជនដែលកំពុងទស្សនាផ្ទាល់ ក៏បានចូលរួមគោរពដល់វិញ្ញាណក្ខន្ធ Ruthko រួមនឹងសម្រែកស្រែកហៅឈ្មោះលោកផងដែរ។

២. រក្សាកៅអី Coauch សម្រាប់ Ruthko
ដោយក្តីគោរពស្រលាញ់ ក្រុមការងារនៃកម្មវិធី Rapper Fighter នៅតែរក្សាកៅអី Coauch សម្រាប់ Ruthko ពុំរកអ្នកជំនួសឡើយ បើទោះបីជាម្ចាស់កន្លែងអង្គុយមួយនេះ លែងមានវត្តមានលើលោកនេះហើយក៏ដោយ។ គ្រប់គ្នា នៅតែរួមគ្នាថែការចងចាំជាមួយ Ruthko និងបានដាក់បាច់ផ្កាដែលអ្នកម្តាយជាទីស្រឡាញ់របស់ Ruthko ជូនគាត់ នៅទីតាំងដែលគាត់ធ្លាប់អង្គុយ ក្នុងន័យជាតំណាងនៃមនុស្សដែលឃ្លាតឆ្ងាយកាយទៅ។

៣. KingChi ពាក់អាវ Ruthko ថ្ងៃផ្តាច់ព្រ័ត្រ Rapper Fighter
ជាមួយនឹងប្រយោគថា “យប់នេះឡើងឆាកជាមួយបងណា៎ អាប្អូនប្រុស” KingChi ពាក់អាវ Ruthko ថ្ងៃផ្តាច់ព្រ័ត្រ Rapper Fighter ដែលបង្ហាញពីការនាំយកផ្នែកមួយទៀតនៃការចងចាំសម្រាប់ Ruthko ទៅចូលរួមកម្មវិធីដែលជាក្តីស្រមៃរបស់ Rapper ។ ខណៈកាលពីយប់មិញនេះ ក្រោយ OGGolden ក្លាយជាម្ចាស់ខ្សែកជ័យលាភីហើយ Rapper រូបនេះ បានឱប KingChi ដែលគេយល់ថា ជាការតំណាងថា កំពុងឱបគ្រូបង្វឹករបស់ខ្លួន។

៤. OGGolden ពាក់មួកតំណាង Ruthko
ជាមួយនឹងរូបសញ្ញា “គោព្រៃ” ដែលអ្នកគាំទ្រវិស័យតន្រ្តីរ៉េប សុទ្ធតែបានជ្រាបថា នោះជានិមិត្តសញ្ញាតំណាងឱ្យ Ruthko ត្រូវបាន OGGolden យកមកមួកពាក់ចូលរួមវគ្គប្រកួតផ្តាច់ព្រ័ត្រកម្មវិធី Rapper Fighter ដើម្បីជាការរំលឹកដល់គ្រូបង្វឹកខ្លួន ដែលបានចែកឋានទៅ។ ក្នុងនាមជាកូនសិស្សដែលធ្លាប់ទទួលបានការបណ្តុះបណ្តាលលើទេពកោសល្យរ៉េប ពីគ្រូបង្វឹកដ៏មានសមត្ថភាពរូបនេះ OGGolden តែងបង្ហាញការនឹករលឹកដល់ Ruthko ជានិច្ច ចាប់តាំងពីមុនឡើងប្រកួត រហូតដល់បានខ្សែកជ័យលាភី។

៥. “My idol Ruthko” ពីហ្វេន
ជាមួយនឹងទឹកមុខដែលយំខ្សឹកខ្សួល ក្នុងដៃមានលើកក្រដាសគាំទ្រដោយដាក់ឈ្មោះ Ruthko ភ្ជាប់នឹងឈ្មោះ OG អ្នកគាំទ្ររូបនេះ បានបង្ហាញថា ក្នុងនាមជាអ្នកគាំទ្រ នៅតែនឹករលឹកនិងមានវត្តមានរបស់ idol ខ្លួនក្នុងដួងចិត្តជានិច្ច បើទោះបីជាលែងមានវត្តមានលើឆាកតន្ត្រីរ៉េប ឬវិស័យចម្រៀងនេះទៀតក៏ដោយ។

The post រឿង ៥ ដែលគ្រប់គ្នាក្នុងព្រឹត្តិការណ៍ប្រកួត RAPPER FIGHTER យប់មិញ ធ្វើដើម្បី Ruthko appeared first on Kampuchea Thmey Daily.