RCEP Archives - Kampuchea Thmey Daily

ការដោះដូរទំនិញកម្ពុជាជាមួយដៃគូ RCEP សម្រេចជាង ១១ ពាន់លានដុល្លារ នៅត្រីមាសទី១

deth leng — Fri, 24 Apr 2026 04:49:01 +0000

ការដោះដូរទំនិញរបស់កម្ពុជាជាមួយសមាជិកនៃកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់(RCEP) សម្រេចបានទំហំទឹកប្រាក់ ១១,២៦ ពាន់លានដុល្លារ នៅក្នុងត្រីមាសទី១ ឆ្នាំ ២០២៥ កើនឡើង ៦៤% ប្រៀបធៀបនឹងរយៈពេលដូចគ្នា នៅឆ្នាំ ២០២៥។ នេះបើយោងតាមរបាយការណ៍របស់ក្រសួងពាណិជ្ជកម្ម។

យោងតាមក្រសួងពាណិជ្ជកម្ម គិតចាប់ពីខែមករា ដល់ខែមីនា ២០២៦ កម្ពុជាបាននាំចេញទំនិញមានតម្លៃ ២,៨២ ពាន់លានដុល្លារ កើន ៤,២២% ទៅកាន់បណ្ដាប្រទេសជាសមាជិកឈានមុខគេទាំង ៥ របស់ RCEP រួមមានវៀតណាម ចិន ជប៉ុន ថៃ សិង្ហបុរី។ ចំណែកឯការនាំចូលពីប្រទេសជាសមាជិកមានទឹកប្រាក់ប្រមាណ ៨,៤៤ ពាន់លានដុល្លារ កើនឡើង ២៤,២៤%។

អ្នកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា ប្រាប់កម្ពុជាថ្មីថា ទំនាក់ទំនងពាណិជ្ជកម្មកម្ពុជាជាមួយដៃគូប្រទេសអាសិប បន្តមានភាពល្អប្រសើរពីមួយឆ្នាំទៅមួយឆ្នាំ។

កិច្ចព្រមព្រៀង RCEP ជាគំនិតផ្តួចផ្តើមរបស់អាស៊ាន បច្ចុប្បន្នគឺជាកិច្ចព្រមព្រៀងពាណិជ្ជកម្មសេរី (FTA) ឈានមុខគេទូទាំងពិភពលោក ដែលរួមមានប្រទេសចំនួន ១៥។ ក្នុងនោះរួមមានប្រទេសសមាជិកអាស៊ានទាំង១០ និងប្រទេសឥណ្ឌូប៉ាស៊ីហ្វិកសំខាន់ៗ ចំនួន៥ទៀតគឺអូស្ត្រាលី ចិន ជប៉ុន នូវែលសេឡង់ និងកូរ៉េខាងត្បូង។

យោងតាមក្រសួងពាណិជ្ជកម្ម នៅក្នុងឆ្នាំ ២០២៥ ការដោះដូរទំនិញរបស់ប្រទេសកម្ពុជាជាមួយប្រទេសដៃគូ RCEP មានទំហំទឹកប្រាក់ ៤០,២៣ ពាន់លានដុល្លារ កើនឡើង ១៦,២៦% ធៀបនឹងឆ្នាំ ២០២៤៕

អត្ថបទ៖ ឡេង ដេត

The post ការដោះដូរទំនិញកម្ពុជាជាមួយដៃគូ RCEP សម្រេចជាង ១១ ពាន់លានដុល្លារ នៅត្រីមាសទី១ appeared first on Kampuchea Thmey Daily.

ការដោះដូរទំនិញរបស់កម្ពុជា ជាមួយប្រទេសដៃគូRCEP មានទឹកប្រាក់ជាង ៤០ ពាន់លានដុល្លារ នៅឆ្នាំ ២០២៥

deth leng — Fri, 09 Jan 2026 07:59:13 +0000

ការដោះដូរទំនិញរបស់ប្រទេសកម្ពុជាជាមួយសមាជិកនៃកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់(RCEP) មានទំហំទឹកប្រាក់ប្រមាណ ៤០,២៣ ពាន់លានដុល្លារ នៅក្នុងឆ្នាំ ២០២៥ កើនឡើង ១៦,២៦% ធៀបនឹងឆ្នាំ ២០២៤។ នេះបើយោងតាមរបាយការណ៍របស់ក្រសួងពាណិជ្ជកម្ម។

យោងតាមរបាយការណ៍របស់ក្រសួងពាណិជ្ជកម្ម នៅក្នុងឆ្នាំ២០២៥ កម្ពុជាបាននាំចេញទំនិញមានតម្លៃ ៩,៨ ពាន់លានដុល្លារ ទៅកាន់បណ្ដាប្រទេសជាសមាជិកឈានមុខគេទាំង ៥ របស់ RCEP រួមមាន វៀតណាម ថៃ សិង្ហបុរី ចិន ជប៉ុន។

ចំណែកឯការនាំចូលប្រទេសជាសមាជិកមានទឹកប្រាក់ប្រមាណ ៣០,៤៤ ពាន់លានដុល្លារ កើន ១៩,៥៨% ធៀបនឹងឆ្នាំ ២០២៤។

កិច្ចព្រមព្រៀង RCEP ជាគំនិតផ្តួចផ្តើមរបស់អាស៊ាន បច្ចុប្បន្នគឺជាកិច្ចព្រមព្រៀងពាណិជ្ជកម្មសេរី(FTA) ឈានមុខគេទូទាំងពិភពលោក ដែលរួមមានប្រទេសចំនួន ១៥។ ក្នុងនោះរួមមានប្រទេសសមាជិកអាស៊ានទាំង១០ និងប្រទេសឥណ្ឌូប៉ាស៊ីហ្វិកសំខាន់ៗចំនួន៥ទៀតគឺអូស្ត្រាលី ចិន ជប៉ុន នូវែលសេឡង់ និងកូរ៉េខាងត្បូង។

លោក ប៉ែន សុវិជាតិ រដ្ឋលេខាធិការ និងជាអ្នកនាំពាក្យក្រសួងពាណិជ្ជកម្មមានប្រសាសន៍នៅក្នុងពិធីបើកសន្និបាតបូកសរុបលទ្ធផលការងារពាណិជ្ជកម្ម ឆ្នាំ២០២៥ និងទិសដៅការងារពាណិជ្ជកម្ម ឆ្នាំ២០២៦ របស់ក្រសួងពាណិជ្ជកម្ម នៅថ្ងៃទី ០៨ ខែមករាថា កិច្ចព្រមព្រៀងពាណិជ្ជកម្មសេរីកម្ពុជា-ចិន កិច្ចព្រមព្រៀងពាណិជ្ជកម្មសេរីកម្ពុជា-កូរ៉េ កិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយកម្ពុជា-អេមីរ៉ាអារ៉ាប់រួម និងកិច្ចព្រមព្រៀងដ៏ទៃទៀត ដែលទើបសម្រេចបាននៅឆ្នាំនេះ គឺជាកត្តាគន្លឹះសម្រាប់យើងក្នុងការអនុវត្ត។

ក្រសួងពាណិជ្ជកម្មនឹងបន្តខិតខំ ដើម្បីធ្វើយ៉ាងណាឱ្យផលិតផលកម្ពុជាក្លាយជាផលិតផលដែលទទួលបានការទុកចិត្ត និងមានតម្លៃខ្ពស់នៅទីផ្សារពិភពលោក៕

អត្ថបទ៖ ឡេង ដេត

The post ការដោះដូរទំនិញរបស់កម្ពុជា ជាមួយប្រទេសដៃគូRCEP មានទឹកប្រាក់ជាង ៤០ ពាន់លានដុល្លារ នៅឆ្នាំ ២០២៥ appeared first on Kampuchea Thmey Daily.

កម្ពុជារកចំណូលបានជាង ៧,៤ ពាន់លានដុល្លារ ពីការនាំចេញទៅកាន់សមាជិក RCEP ត្រឹមរយៈពេល ៩ ខែ

deth leng — Tue, 28 Oct 2025 08:40:33 +0000

កម្ពុជារកប្រាក់ចំណូលបានប្រមាណ ៧,៤៣ ពាន់លានដុល្លារ ពីការនាំចេញទំនិញទៅបណ្ដាប្រទេសជាសមាជិកនៃកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) នៅក្នុងរយៈពេល៩ខែ ឆ្នាំ២០២៥ កើនឡើង ១០,២ ភាគរយ បើធៀបនឹងរយៈពេលដូចគ្នាឆ្នាំ ២០២៤ ដែលមានទឹកប្រាក់ ៦,៧៥ ពាន់លានដុល្លារ។ នេះបើយោងតាមរបាយការណ៍របស់ក្រសួងពាណិជ្ជកម្ម។

ការដោះដូរទំនិញរបស់កម្ពុជាជាមួយបណ្តាប្រទេសសមាជិកកិច្ចព្រមព្រៀងសេដ្ឋកិច្ចបូព៌ាអាស៊ី-ប៉ាស៊ីហ្វិក (RCEP) មានទឹកប្រាក់សរុប ២៩,៥០ ពាន់លានដុល្លារ ក្នុងរយៈពេល ៩ ខែ ឆ្នាំ ២០២៥ ដែលកើនឡើង ១៥,៥៣ ភាគរយ បើប្រៀបធៀបនឹងរយៈពេលដូចគ្នានៃឆ្នាំមុន។

យោងតាមរបាយការណ៍របស់ក្រសួងពាណិជ្ជកម្ម គិតចាប់ពីខែមករាដល់ខែកញ្ញាឆ្នាំ២០២៥ កម្ពុជាបាននាំចេញទំនិញមានតម្លៃ ៧,៤៣ ពាន់លានដុល្លារ ទៅកាន់បណ្ដាប្រទេសជាសមាជិកឈានមុខគេទាំង ៥ របស់ RCEP រួមមាន វៀតណាម ថៃ សិង្ហបុរី ចិន ជប៉ុន។ ជាមួយគ្នានេះដែរ ការនាំចូលប្រទេសជាសមាជិកមានទឹកប្រាក់ប្រមាណ ២២ ពាន់លានដុល្លារ កើនឡើង ១៧,៥៣ ភាគរយ ធៀបនឹងរយៈពេលដូចគ្នាឆ្នាំ២០២៤ដែលមានទឹកប្រាក់ចំនួន ១៨,៧៨ ពាន់លានដុល្លារ។

កិច្ចព្រមព្រៀង RCEP ជាគំនិតផ្តួចផ្តើមរបស់អាស៊ាន បច្ចុប្បន្នគឺជាកិច្ចព្រមព្រៀងពាណិជ្ជកម្មសេរី(FTA) ឈានមុខគេទូទាំងពិភពលោក ដែលរួមមានប្រទេសចំនួន ១៥។ ក្នុងនោះរួមមានប្រទេសសមាជិកអាស៊ានទាំង១០ និងប្រទេសឥណ្ឌូប៉ាស៊ីហ្វិកសំខាន់ៗចំនួន៥ទៀតគឺអូស្ត្រាលី ចិន ជប៉ុន នូវែលសេឡង់ និងកូរ៉េខាងត្បូង។

លោកស្រី ចម និម្មល រដ្ឋមន្ត្រីក្រសួងពាណិជ្ជកម្ម មានប្រសាសន៍ថា យន្តការក្នុងការជំរុញការនាំចេញទំនិញកម្ពុជារួមមាន កិច្ចព្រមព្រៀងពាណិជ្ជកម្មសេរី និងកិច្ចព្រមព្រៀងសេដ្ឋកិច្ចដ៏ទូលំទូលាយក្នុងតំបន់ (RCEP) ការបន្តពង្រីកទីផ្សារថ្មីៗ និងបង្កើនភាពទុកចិត្តជាដៃគូពាណិជ្ជកម្ម។ ក្នុងនោះ ក្រសួងពាណិជ្ជកម្មនឹងបន្តខិតខំ ដើម្បីធ្វើយ៉ាងណាឱ្យផលិតផលកម្ពុជា យក្លាយជាផលិតផលដែលទទួលបានការទុកចិត្ត និងមានតម្លៃខ្ពស់នៅទីផ្សារពិភពលោក៕

អត្ថបទ៖ ឡេង ដេត

The post កម្ពុជារកចំណូលបានជាង ៧,៤ ពាន់លានដុល្លារ ពីការនាំចេញទៅកាន់សមាជិក RCEP ត្រឹមរយៈពេល ៩ ខែ appeared first on Kampuchea Thmey Daily.

កម្ពុជារកចំណូលបានជិត ៧ពាន់លានដុល្លារពីការនាំចេញទៅកាន់សមាជិក RCEP ត្រឹមរយៈ៨ខែ

May Kunmakara — Tue, 16 Sep 2025 01:40:05 +0000

កម្ពុជារកប្រាក់ចំណូលបានប្រមាណ ៦,៦៣ ពាន់លានដុល្លារពីការនាំចេញទំនិញទៅបណ្ដាប្រទេសជាសមាជិកនៃកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់(RCEP) ក្នុងរយៈពេល8ខែនៃឆ្នាំ២០២៥ កើនឡើង ៩,៥ ភាគរយបើធៀបនឹងរយៈពេលដូចគ្នាឆ្នាំ២០២៤ ដែលមានទឹកប្រាក់៦,០៥ ពាន់លានដុល្លារ។នេះបើយោងតាមរបាយការណ៍រួមសម្រួលដោយក្រសួងពាណិជ្ជកម្ម។

ការដោះដូរទំនិញរបស់កម្ពុជាជាមួយបណ្តាប្រទេសសមាជិកកិច្ចព្រមព្រៀងសេដ្ឋកិច្ចបូព៌ាអាស៊ី-ប៉ាស៊ីហ្វិក (RCEP) មានទឹកប្រាក់សរុប ២៦.៣៥ ពាន់លានដុល្លារអាមេរិក ក្នុងរយៈពេល៨ខែដំបូងនៃឆ្នាំ២០២៥ ដែលកើនឡើង១៥ភាគរយ បើប្រៀបធៀបនឹងរយៈពេលដូចគ្នានៃឆ្នាំមុន នេះបើយោងតាមរបាយការណ៍ផ្លូវការមួយចេញផ្សាយនៅថ្ងៃច័ន្ទ។

យោងតាមរបាយការណ៍របស់ក្រសួងពាណិជ្ជកម្មដែលកម្ពុជាថ្មីទទួលបានកាលពីថ្ងៃទី១៦ ខែកញ្ញា គិតចាប់ពីខែមករាដល់ខែសីហាឆ្នាំ២០២៤ កម្ពុជាបាននាំចេញទំនិញមានតម្លៃ ៦,៦៥ពាន់លានដុល្លារទៅកាន់បណ្ដាប្រទេសជាសមាជិកឈានមុខគេទាំង ៥ បស់ RCEP រួមមានវៀតណាម ថៃ សិង្ហបុរី ចិន និងជប៉ុន។ ជាមួយគ្នានេះដែរ ការនាំចូលប្រទេសជាសមាជិកមានទឹកប្រាក់ប្រមាណ១៩,៧២ កើនឡើងជិត១៧ ភាគរយធៀបនឹងរយៈពេលដូចគ្នាឆ្នាំ២០២៤ដែលមានទឹកប្រាក់ចំនួន ១៦,៨៧ ពាន់លានដុល្លារ។

សម្រាប់ពាណិជ្ជកម្មទ្វេភាគីជាមួយចំណោមបណ្ដាប្រទេសសមាជិករបស់ RCEP ទាំងនោះ សម្រេចបានជិត ២៦,៣៥ ពាន់លានដុល្លារ ក្នុងរយៈពេល៨ខែកន្លងមកនេះ កើនឡើង១៥ភាគរយ ឬតំណាងឱ្យ៦១,៥នៃទំហំពាណិជ្ជកម្មអន្តរជាតិរបស់កម្ពុជាដែលមានទឹកប្រាក់សរុបចំនួន៤២,៨ពាន់លានដុល្លារ។

កិច្ចព្រមព្រៀង RCEP ជាគំនិតផ្តួចផ្តើមរបស់អាស៊ាន បច្ចុប្បន្នគឺជាកិច្ចព្រមព្រៀងពាណិជ្ជកម្មសេរី(FTA) ឈានមុខគេទូទាំងពិភពលោក ដែលរួមមានប្រទេសចំនួន ១៥។ ក្នុងនោះរួមមានប្រទេសសមាជិកអាស៊ានទាំង១០ និងប្រទេសឥណ្ឌូប៉ាស៊ីហ្វិកសំខាន់ៗចំនួន៥ទៀតគឺអូស្ត្រាលី ចិន ជប៉ុន នូវែលសេឡង់ និងកូរ៉េខាងត្បូង។

អ្នកនាំពាក្យក្រសួងពាណិជ្ជកម្មបានប្រាប់កម្ពុជាថ្មីកន្លងមកថា ជាមួយនឹងការអនុវត្តកិច្ចព្រមព្រៀង RCEP កម្ពុជាកំពុងទទួលបានអត្ថប្រយោជន៍យ៉ាងច្រើនពីការនាំចេញទៅកាន់បណ្ដាប្រទេសជាសមាជិក ដែលកំពុងក្លាយជាកំណើនប្រកបដោយសក្តានុពលថ្មីមួយនៅក្នុងតំបន់។

លោកថ្លែងថា៖«ការចូលជាធរមានរបស់កិច្ចព្រមព្រៀងRCEP នៅឆ្នាំ ២០២២ ក្លាយជាកត្តាជំរុញថ្មីមួយសម្រាប់កំណើនការនាំចេញរយៈពេលវែងរបស់កម្ពុជា ខណៈដែលស្ថិតក្រោមកិច្ចព្រមព្រៀងនេះ មានការកាត់បន្ថយពន្ធមួយចំនួនដែលអាចឱ្យកម្ពុជាទាញយកឱកាសដើម្បីជំរុញការនាំចេញ»។

លោក សុវិជាតិ បានបញ្ជាក់ថា ប្រទេសចិនគឺជាទីផ្សារដ៏ធំមួយសម្រាប់ប្រទេសកម្ពុជា ជាពិសេសសម្រាប់ផលិតផលកសិកម្មប្រកបដោយសក្តានុពលដូចជា អង្ករ ចេកលឿង ស្វាយ មៀន និងម្រេចជាដើម។

លោកបានបញ្ជាក់ថា អត្ថប្រយោជន៍ដែលកម្ពុជាទទួលបានពីកិច្ចព្រមព្រៀងនេះ រួមមានការអនុគ្រោះពន្ធលើទំនិញផ្សេងៗ ការផ្ទេរបច្ចេកវិទ្យា ការអភិវឌ្ឍជំនាញ និងឱកាសការងារដែលជំរុញដោយការវិនិយោគផ្ទាល់ពីបរទេស(FDI)។

បណ្ដាប្រទេសជាសមាជិករបស់RCEP តំណាងឱ្យប្រជាជនប្រហែល ២,២ពាន់លាននាក់ ឬ ៣០ភាគរយនៃចំនួនប្រជាជនពិភពលោក ដែលរួមចំណែកដល់ ២៦,២ពាន់ពាន់លានដុល្លារនៃផលិតផលក្នុងស្រុកសរុប (GDP) ដែលស្មើនឹង ៣០ភាគរយនៃផលិតផលក្នុងស្រុកសរុបទូទាំងពិភពលោក។ ប្រទេសជាសមាជិកទាំងនេះមានចំនួនប្រហែល ២៨ភាគរយនៃពាណិជ្ជកម្មពិភពលោក។ នេះបើយោងតាមក្រសួង។

យោងតាមក្រសួងពាណិជ្ជកម្មនៅក្នុងឆ្នាំ ២០២៤ ការដោះដូរទំនិញអន្តរជាតិរបស់កម្ពុជា សម្រេចបាននូវទំហំទឹកប្រាក់ជាង ៥៤,៧៤ ពាន់លានដុល្លារ មានការកើនឡើង ១៦,៩% ធៀបនឹងឆ្នាំ ២០២៣។

ទំនិញដែលកម្ពុជា នាំចេញទៅទីផ្សារអន្តរជាតិ រួមមាន សម្លៀកបំពាក់ ស្បែកជើង ម៉ាស៊ីន និងឧបករណ៍អគ្គិសនី វត្ថុធាតុធ្វើអំពីស្បែក បរិក្ខារធ្វើពីរោមសត្វ ធញ្ញជាតិ កៅស៊ូ និងផលិតផលធ្វើអំពីកៅស៊ូ និងគ្រឿងសង្ហារឹមជាដើម៕

The post កម្ពុជារកចំណូលបានជិត ៧ពាន់លានដុល្លារពីការនាំចេញទៅកាន់សមាជិក RCEP ត្រឹមរយៈ៨ខែ appeared first on Kampuchea Thmey Daily.

កម្ពុជារកចំណូលបានជាង៣ពាន់លានដុល្លារពីការនាំចេញទៅកាន់សមាជិក RCEP ត្រឹមរយៈ៤ខែ

May Kunmakara — Mon, 09 Jun 2025 02:42:48 +0000

ភ្នំពេញៈ កម្ពុជារកប្រាក់ចំណូលបានប្រមាណ ៣,៦១ ពាន់លានដុល្លារពីការនាំចេញទំនិញទៅបណ្ដាប្រទេសជាសមាជិកនៃកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់(RCEP) ក្នុងរយៈពេល៤ខែដើមឆ្នាំ២០២៥ កើនឡើង ៧,៦ ភាគរយបើធៀបនឹងរយៈពេលដូចគ្នាឆ្នាំ២០២៤ ដោយសារភាពល្អប្រសើរនៃស្ថានភាពសេដ្ឋកិច្ចក្នុងតំបន់ និងពិភពលោកក្នុងរយៈពេលប៉ុន្មានខែដើមឆ្នាំនេះ។

យោងតាមរបាយការណ៍របស់ក្រសួងពាណិជ្ជកម្មដែលកម្ពុជាថ្មីទទួលបានកាលពីថ្ងៃទី១៦ ខែឧសភា គិតចាប់ពីខែមករាដល់ខែមេសាឆ្នាំ២០២៤ កម្ពុជាបាននាំចេញទំនិញមានតម្លៃ ៣,៦១៦ពាន់លានដុល្លារទៅកាន់បណ្ដាប្រទេសជាសមាជិកឈានមុខគេទាំង ៥ បស់ RCEP រួមមានវៀតណាម ថៃ សិង្ហបុរី ចិន និងជប៉ុន។ ជាមួយគ្នានេះដែរ ការនាំចូលប្រទេសជាសមាជិកមានទឹកប្រាក់ប្រមាណ៩,៣១ពាន់លានដុល្លារ កើនឡើង១៨,៨៥ ភាគរយធៀបនឹងរយៈពេលដូចគ្នាឆ្នាំ២០២៤ដែលមានទឹកប្រាក់ចំនួន ៦,៨៣ពាន់លានដុល្លារ។

សម្រាប់ពាណិជ្ជកម្មទ្វេភាគីជាមួយចំណោមបណ្ដាប្រទេសសមាជិករបស់ RCEP ទាំងនោះ សម្រេចបានជិត ១៣ ពាន់លានដុល្លារ ក្នុងរយៈពេល៤ខែមកនេះ កើនឡើង១៥,៤៧ភាគរយឬតំណាងឱ្យ៦៥,៦១នៃការនៃទំហំពាណិជ្ជកម្មអន្តរជាតិរបស់កម្ពុជាដែលមានទឹកប្រាក់សរុបចំនួន១៩,៧ពាន់លានដុល្លារ។

កិច្ចព្រមព្រៀង RCEP ជាគំនិតផ្តួចផ្តើមរបស់អាស៊ាន បច្ចុប្បន្នគឺជាកិច្ចព្រមព្រៀងពាណិជ្ជកម្មសេរី(FTA) ឈានមុខគេទូទាំងពិភពលោក ដែលរួមមានប្រទេសចំនួន ១៥។ ក្នុងនោះរួមមានប្រទេសសមាជិកអាស៊ានទាំង១០ និងប្រទេសឥណ្ឌូប៉ាស៊ីហ្វិកសំខាន់ៗចំនួន៥ទៀតគឺអូស្ត្រាលី ចិន ជប៉ុន នូវែលសេឡង់ និងកូរ៉េខាងត្បូង។

លោក ប៉ែន សុវិជាតិ អ្នកនាំពាក្យក្រសួងពាណិជ្ជកម្មបានប្រាប់កម្ពុជាថ្មីនៅថ្ងៃទី៩ ខែមិថុនា ថា ជាមួយនឹងការអនុវត្តកិច្ចព្រមព្រៀង RCEP កម្ពុជាកំពុងទទួលបានអត្ថប្រយោជន៍យ៉ាងច្រើនពីការនាំចេញទៅកាន់បណ្ដាប្រទេសជាសមាជិក ដែលកំពុងក្លាយជាកំណើនប្រកបដោយសក្តានុពលថ្មីមួយនៅក្នុងតំបន់។

The post កម្ពុជារកចំណូលបានជាង៣ពាន់លានដុល្លារពីការនាំចេញទៅកាន់សមាជិក RCEP ត្រឹមរយៈ៤ខែ appeared first on Kampuchea Thmey Daily.

ទំហំពាណិជ្ជកម្មរបស់កម្ពុជាជាមួយសមាជិក RCEP សម្រេចទឹកប្រាក់ជាង ៣៤ពាន់លានដុល្លារក្នុងឆ្នាំ២០២៤

May Kunmakara — Wed, 22 Jan 2025 04:03:00 +0000

កម្ពុជាបាននាំចេញផលិតផលមានតម្លៃ ៣៤,៥២ ពាន់លានដុល្លារអាមេរិកទៅកាន់បណ្តាប្រទេសដែលជាសមាជិកនៃកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់(RCEP) ក្នុងឆ្នាំ ២០២៤ កើនឡើង ១៧,៧៣ ភាគរយធៀបនឹងឆ្នាំ២០២៣ ដែលបង្ហាញអំពីសន្ទុះនៃកំណើនតម្រូវការនៅក្នុងតំបន់កាន់តែខ្លាំងឡើង។ យោងតាមរបាយការណ៍ពីអគ្គនាយដ្ឋានគយ និងរដ្ឋករកម្ពុជា (GDCE)។

បើតាម GDCE សម្រាប់ទំហំទឹកប្រាក់នៃការដោះដូរទំនិញនេះ ក្នុងនោះកម្ពុជាបានធ្វើការនាំចេញសរុបជាង៩ពាន់លានដុល្លារមានកំណើនជិត ១៣% ដោយកើនពីជាង៨ពាន់លានដុល្លារក្នុងឆ្នាំ២០២៣ ខណៈការនាំចូលពីបណ្តាសមាជិកនៃ RCEP មានទឹកប្រាក់សរុបជាង ២៥,៤៦ពាន់លានដុល្លារកើនឡើងជិត១៩,៦ ភាគរយ។

សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជាបានមានប្រសាសន៍កន្លងមកថា កិច្ចព្រមព្រៀងពាណិជ្ជកម្មសេរីក្នុងតំបន់ និងទ្វេភាគី (FTAs) បានផ្តល់លទ្ធភាពដល់កម្ពុជាទទួលបានទីផ្សារដ៏ធំសម្រាប់ផលិតផលក្នុងស្រុក។

លោកបានមានប្រសាសន៍ថា តាមរយៈកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់(RCEP) កម្ពុជាបានផ្តល់ដល់អ្នកវិនិយោគ និងអ្នកនាំចេញនូវទីផ្សារចំនួន២,3 ពាន់លាននាក់ ដែលតំណាងឱ្យជិតមួយភាគបីនៃផលិតផលក្នុងស្រុកសរុបរបស់ពិភពលោក។

សម្តេចធិបតី បានមានប្រសាសន៍ នៅក្នុងអំឡុងកិច្ចប្រជុំកំពូលសេដ្ឋកិច្ច និងបច្ចេកវិទ្យានាពេលថ្មីៗនេះថា៖«កិច្ចព្រមព្រៀងពាណិជ្ជកម្មសេរីទ្វេភាគីរបស់យើងជាមួយប្រទេសចិន និងកូរ៉េខាងត្បូង រួមជាមួយនឹងកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់ និងជាមួយអេមីរ៉ាតអារ៉ាប់រួម បើកទ្វារឱ្យយើងទៅកាន់ប្រទេសដែលមានសេដ្ឋកិច្ចរស់រវើកបំផុតមួយចំនួនរបស់ពិភពលោក«។

យោងតាមGDCE ផលិតផលនាំចូលសំខាន់ៗរួមមានប្រេង វត្ថុធាតុដើមសម្រាប់កាត់ដេរ ស្បែកជើង និងទំនិញធ្វើដំណើរ យានជំនិះ គ្រឿងចក្រ ឧបករណ៍អេឡិចត្រូនិក និងផលិតផលប្រើប្រាស់។ ទំនិញនាំចេញសំខាន់ៗរួមមានសម្លៀកបំពាក់ ស្បែកជើង និងទំនិញធ្វើដំណើរ កង់ សំបកកង់រថយន្ត និងកសិផលដែលមានសក្តានុពលដូចជា អង្ករ កៅស៊ូ ដំឡូងមី ចេក ស្វាយ និងផ្លែមៀន។

RCEP គឺជាកិច្ចព្រមព្រៀងពាណិជ្ជកម្មសេរីដ៏ធំបំផុតលើពិភពលោកដែលមានសមាជិកចំនួន ១៥ ប្រទេស រួមមានសមាជិកអាស៊ាន ១០ (ប៊្រុយណេ កម្ពុជា ឥណ្ឌូនេស៊ី ឡាវ ម៉ាឡេស៊ី មីយ៉ាន់ម៉ា ថៃ ហ្វីលីពីន វៀតណាម និងសិង្ហបុរី) និងប្រទេសដៃគូពាណិជ្ជកម្មសេរីអាស៊ានចំនួន ៥ រួមមាន អូស្រ្តាលី ចិន ជប៉ុន កូរ៉េខាងត្បូង និងនូវែលហ្សេឡង់។ RCEP មានសុពលភាពអនុវត្ត ចាប់តាំងពីថ្ងៃទី១ ខែមករា ឆ្នាំ២០២២។

សមាជិកអាសិបទាំងអស់ត្រូវបានគ្របដណ្តប់លើប្រជាជនប្រមាណ ២,២ពាន់លាននាក់ ឬ ៣០ភាគរយនៃចំនួនប្រជាជនពិភពលោក ព្រមទាំងមានផលិតផលក្នុងស្រុកប្រមាណ ២៦,២ទ្រីលានដុល្លារ ឬ ៣០ភាគរយនៃផលិតផលក្នុងស្រុកសរុបរបស់ពិភពលោក និងមានទំហំពាណិជ្ជកម្មប្រមាណ ២៨ភាគរយនៃទំហំពាណិជ្ជកម្មពិភពលោកទាំងមូល៕

The post ទំហំពាណិជ្ជកម្មរបស់កម្ពុជាជាមួយសមាជិក RCEP សម្រេចទឹកប្រាក់ជាង ៣៤ពាន់លានដុល្លារក្នុងឆ្នាំ២០២៤ appeared first on Kampuchea Thmey Daily.

ទំហំពាណិជ្ជកម្មរបស់កម្ពុជាជាមួយប្រទេសសមាជិក RCEP មានទឹកប្រាក់ជាង ២៥ពាន់ លានដុល្លារ

May Kunmakara — Fri, 25 Oct 2024 01:58:13 +0000

ការដោះដូរពាណិជ្ជកម្មរបស់កម្ពុជាជាមួយបណ្តាប្រទេសជាសមាជិកនៃកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់(RCEP) សម្រេចបានទឹកប្រាក់ចំនួន ២៥,៥៤ ពាន់លានដុល្លារកើនឡើងប្រមាណ១៧,១ ភាគរយក្នុងរយៈពេល៩ខែឆ្នាំ២០២៤ បើធៀបនឹងរយៈពេលដូចគ្នាកាលពីឆ្នាំមុន។ នេះបើតាមរបាយការណ៍ពីអគ្គនាយកដ្ឋានគយនិងរដ្ឋាករកម្ពុជា (GDCE)។

អាសិបគឺជាកិច្ចព្រមព្រៀងពាណិជ្ជកម្មសេរីដ៏ធំបំផុតលើពិភពលោកដែលមានសមាជិកចំនួន ១៥ ប្រទេស រួមមានសមាជិកអាស៊ាន ១០ (ប៊្រុយណេ កម្ពុជា ឥណ្ឌូនេស៊ី ឡាវ ម៉ាឡេស៊ី មីយ៉ាន់ម៉ា ថៃ ហ្វីលីពីន វៀតណាម និងសិង្ហបុរី) និងប្រទេសដៃគូពាណិជ្ជកម្មសេរីអាស៊ានចំនួន ៥ រួមមាន អូស្រ្តាលី ចិន ជប៉ុន កូរ៉េខាងត្បូង និងនូវែលហ្សេឡង់។ RCEP មានសុពលភាពអនុវត្ត ចាប់តាំងពីថ្ងៃទី១ ខែមករា ឆ្នាំ២០២២។

របាយការណ៍ដដែលបានឱ្យដឹងថា ចន្លោះពីខែមករា ដល់ដំណាច់ខែកញ្ញា ឆ្នាំ២០២៤ ប្រទេសកម្ពុជាបាននាំចេញទំនិញមានតម្លៃ ៦,៧៦ពាន់លានដុល្លារទៅកាន់ប្រទេសជាសមាជិកនៃRCEP កើនឡើង ១៦,៣ ភាគរយ ខណៈការនាំចូលទំនិញពីក្រុមប្រទេសជាសមាជិក RCEP ក្នុងទឹកប្រាក់ជាង ១៨,៧៨ពាន់លានដុល្លារកើនឡើងជាង ១៧ភាគរយ។

រដ្ឋលេខាធិការ និងជាអ្នកនាំពាក្យក្រសួងពាណិជ្ជកម្ម លោក ប៉ែន សុវិជាតិ ធ្លាប់បានមានប្រសាសន៍ថា ទោះបីពេលនេះការគំរាមកំហែងពីវិបត្តិកូវីដ ១៩ លើពិភពលោកបានភាពធូរស្រាល ប៉ុន្តែវិបត្តិសេដ្ឋកិច្ចសកលដែលទើបកើតមានថ្មីៗបណ្តាលមកពីជម្លោះភូមិសាស្ត្រនយោបាយរវាងប្រទេសមហាអំណាចធំៗ សង្គ្រាមរវាងរុស្ស៊ី-អ៊ុយក្រែន … និងបញ្ហាអតិផរណា គឺបានធ្វើឱ្យកម្លាំងបញ្ជាទិញនៅលើទីផ្សារធំៗធ្លាក់ចុះផងដែរ។

លោកថ្លែងថា៖«RCEP បានចូលរួមចំណែកយ៉ាងច្រើនក្នុងការបើកទីផ្សារនាំចេញផលិតផលកម្ពុជាទៅទីផ្សារអន្តរជាតិ»។

លោក សួន សុផល អគ្គលេខាធិការរងគណៈកម្មាធិការវិនិយោគកម្ពុជា (គ.វ.ក.)ដែលជាអ្នកចូលរួមគូសវាសឯកសារកំណត់វិសាលភាពសម្រាប់ប្រើប្រាស់ក្នុងការចរចាជំពូកស្តីពីវិនិយោគក្រោមកិច្ចព្រមព្រៀង RCEP កាលពីឆ្នាំ២០១១ បាននិយាយកាលពីថ្ងៃទី៩ ខែកញ្ញាបានរំលេចអំពីសាវតារនៃការចរចា ក៏ដូចជាចំណុចពិសេសនៃជំពូកស្តីពីវិនិយោគបើធៀបនឹងកិច្ចព្រមព្រៀងពាណិជ្ជកម្មសេរីដទៃ។ ជាមួយគ្នានេះ លោកក៏បានគូសបញ្ជាក់អំពីផ្លែផ្កាដែលកម្ពុជាបាន និងកំពុងតែប្រមូលផលពីកិច្ចព្រមព្រៀងដ៏មានឧត្តមប្រយោជន៍មួយនេះដោយរាប់បញ្ចូលប៉ុន្តែមិនកម្រិតត្រឹមសកម្មភាពពាណិជ្ជកម្ម និងវិនិយោគ។

សមាជិកអាសិបទាំងអស់ត្រូវបានគ្របដណ្តប់លើប្រជាជនប្រមាណ ២,២ពាន់លាននាក់ ឬ ៣០ភាគរយនៃចំនួនប្រជាជនពិភពលោក ព្រមទាំងមានផលិតផលក្នុងស្រុកប្រមាណ ២៦,២ ទ្រីលានដុល្លារ ឬ ៣០ភាគរយនៃផលិតផលក្នុងស្រុកសរុបរបស់ពិភពលោក និងមានទំហំពាណិជ្ជកម្មប្រមាណ ២៨ភាគរយនៃទំហំពាណិជ្ជកម្មពិភពលោកទាំងមូល៕

The post ទំហំពាណិជ្ជកម្មរបស់កម្ពុជាជាមួយប្រទេសសមាជិក RCEP មានទឹកប្រាក់ជាង ២៥ពាន់ លានដុល្លារ appeared first on Kampuchea Thmey Daily.

ទំហំពាណិជ្ជកម្មរបស់កម្ពុជាជាមួយប្រទេសសមាជិក RCEP មានទឹកប្រាក់ជិត ២៣ពាន់លានដុល្លារ

May Kunmakara — Mon, 23 Sep 2024 02:29:02 +0000

ការដោះដូរពាណិជ្ជកម្មរបស់កម្ពុជាជាមួយបណ្តាប្រទេសជាសមាជិកនៃកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់(RCEP) សម្រេចបានទឹកប្រាក់ចំនួន ២២,៩២ ពាន់លានដុល្លារកើនឡើងប្រមាណ១៧,២ ភាគរយក្នុងរយៈពេល៨ខែដើមឆ្នាំ២០២៤ បើធៀបនឹងរយៈពេលដូចគ្នាកាលពីឆ្នាំមុន។ នេះបើតាមរបាយការណ៍ពីអគ្គនាយកដ្ឋានគយនិងរដ្ឋាករកម្ពុជា (GDCE)។

របាយការណ៍ដដែលបានឱ្យដឹងថា ចន្លោះពីខែមករា ដល់ខែសីហា ឆ្នាំ២០២៤ ប្រទេសកម្ពុជាបាននាំចេញទំនិញមានតម្លៃ ៦,០៥ពាន់លានដុល្លារទៅកាន់ប្រទេសជាសមាជិកនៃRCEP កើនឡើង ១៥ ភាគរយពីចំនួន ៥,២៦ ពាន់លានដុល្លារនារយៈពេលដូចគ្នាក្នុងឆ្នាំ២០២៣។ ជាមួយគ្នានេះកម្ពុជាក៏នាំចូលទំនិញពីក្រុមប្រទេសជាសមាជិក RCEP ក្នុងទឹកប្រាក់ជាង ១៨ពាន់លានដុល្លារផងដែរ កើនឡើងជិត ១៨ភាគរយពីចំនួន ១៤,២៩ពាន់លានដុល្លារ។

រដ្ឋលេខាធិការ និងជាអ្នកនាំពាក្យក្រសួងពាណិជ្ជកម្ម លោក ប៉ែន សុវិជាតិ បានមានប្រសាសន៍ថា ទោះបីពេលនេះការគំរាមកំហែងពីវិបត្តិកូវីដ ១៩ លើពិភពលោកបានភាពធូរស្រាល ប៉ុន្តែវិបត្តិសេដ្ឋកិច្ចសកលដែលទើបកើតមានថ្មីៗបណ្តាលមកពីជម្លោះភូមិសាស្ត្រនយោបាយរវាងប្រទេសមហាអំណាចធំៗ សង្គ្រាមរវាងរុស្ស៊ី-អ៊ុយក្រែន … និងបញ្ហាអតិផរណា គឺបានធ្វើឱ្យកម្លាំងបញ្ជាទិញនៅលើទីផ្សារធំៗធ្លាក់ចុះផងដែរ។ លោកបន្តថា ទោះយ៉ាងណា ដោយសារកម្ពុជាជាសមាជិករបស់ RCEP ដូច្នេះកំណើននៃការនាំចេញគឺនឹងបន្តសញ្ញាវិជ្ជមានបន្ថែមទៀត។

លោក សួន សុផល អគ្គលេខាធិការរងគណៈកម្មាធិការវិនិយោគកម្ពុជា (គ.វ.ក.)ដែលជាអ្នកចូលរួមគូសវាសឯកសារកំណត់វិសាលភាពសម្រាប់ប្រើប្រាស់ក្នុងការចរចាជំពូកស្តីពីវិនិយោគក្រោមកិច្ចព្រមព្រៀង RCEP កាលពីឆ្នាំ២០១១ បានអញ្ជើញជាវាគ្មិនកិត្តិយសក្នុងវេទិកាកិច្ចសហប្រតិបត្តិការសេដ្ឋកិច្ច និងពាណិជ្ជកម្មនៃ RCEP កាលពីថ្ងៃទី៩ ខែកញ្ញានៅប្រទេសចិនបានលើកឡើង និងចែករំលែកនូវទស្សនទាន ក៏ដូចជាបទពិសោធនៃការចរចាច្រើនជុំរហូតដល់ឆ្នាំ២០១៤ ជាមួយវាគ្មិននៃប្រទេសហត្ថលេខី និងសហគមន៍ធុរកិច្ចដែលបានចូលរួមពិព័រណ៍អន្តរជាតិចិនសម្រាប់ការវិនិយោគ និងពាណិជ្ជកម្ម។

លោកបានគូសរំលេចអំពីសាវតារនៃការចរចា ក៏ដូចជាចំណុចពិសេសនៃជំពូកស្តីពីវិនិយោគបើធៀបនឹងកិច្ចព្រមព្រៀងពាណិជ្ជកម្មសេរីដទៃ។ ជាមួយគ្នានេះ លោកក៏បានគូសបញ្ជាក់អំពីផ្លែផ្កាដែលព្រះរាជាណាចក្រកម្ពុជាបាន និងកំពុងតែប្រមូលផលពីកិច្ចព្រមព្រៀងដ៏មានឧត្តមប្រយោជន៍មួយនេះដោយរាប់បញ្ចូលប៉ុន្តែមិនកម្រិតត្រឹមសកម្មភាពពាណិជ្ជកម្ម និងវិនិយោគ។

The post ទំហំពាណិជ្ជកម្មរបស់កម្ពុជាជាមួយប្រទេសសមាជិក RCEP មានទឹកប្រាក់ជិត ២៣ពាន់លានដុល្លារ appeared first on Kampuchea Thmey Daily.

RCEP Archives - Kampuchea Thmey Daily

​ការដោះដូរ​ទំនិញ​កម្ពុជា​ជាមួយ​ដៃគូ​ RCEP​ សម្រេច​ជាង ​១១ ​ពាន់​លាន​ដុល្លារ ​​នៅ​ត្រីមាសទី១

ការដោះដូរ​ទំនិញ​របស់​កម្ពុជា​ ជាមួយ​ប្រទេស​ដៃគូ​RCEP​ មាន​ទឹក​ប្រាក់​​ជាង ៤០ ពាន់លានដុល្លារ នៅ​ឆ្នាំ ២០២៥​

កម្ពុជា​រកចំណូលបានជាង ៧,៤ ​ពាន់​លានដុល្លារ​ ពីការ​នាំចេញ​ទៅកាន់​សមាជិក RCEP ត្រឹម​រយៈ​ពេល ៩ ខែ​

កម្ពុជារកចំណូលបានជិត ៧ពាន់លានដុល្លារពីការនាំចេញទៅកាន់សមាជិក RCEP ត្រឹមរយៈ៨ខែ​

កម្ពុជារកចំណូលបានជាង៣ពាន់លានដុល្លារពីការនាំចេញទៅកាន់សមាជិក RCEP ត្រឹមរយៈ៤ខែ

ទំហំពាណិជ្ជកម្មរបស់កម្ពុជាជាមួយសមាជិក ​​RCEP សម្រេចទឹកប្រាក់ជាង​ ៣៤​ពាន់លានដុល្លារក្នុងឆ្នាំ២០២៤

ទំហំពាណិជ្ជកម្មរបស់កម្ពុជាជាមួយប្រទេសសមាជិក RCEP មានទឹកប្រាក់ជាង ២៥​ពាន់ លានដុល្លារ

ទំហំពាណិជ្ជកម្មរបស់កម្ពុជាជាមួយប្រទេសសមាជិក RCEP មានទឹកប្រាក់ជិត ២៣ពាន់លានដុល្លារ

ការដោះដូរទំនិញកម្ពុជាជាមួយដៃគូ RCEP សម្រេចជាង ១១ ពាន់លានដុល្លារ នៅត្រីមាសទី១

ការដោះដូរទំនិញរបស់កម្ពុជា ជាមួយប្រទេសដៃគូRCEP មានទឹកប្រាក់ជាង ៤០ ពាន់លានដុល្លារ នៅឆ្នាំ ២០២៥

កម្ពុជារកចំណូលបានជាង ៧,៤ ពាន់លានដុល្លារ ពីការនាំចេញទៅកាន់សមាជិក RCEP ត្រឹមរយៈពេល ៩ ខែ

កម្ពុជារកចំណូលបានជិត ៧ពាន់លានដុល្លារពីការនាំចេញទៅកាន់សមាជិក RCEP ត្រឹមរយៈ៨ខែ

ទំហំពាណិជ្ជកម្មរបស់កម្ពុជាជាមួយសមាជិក RCEP សម្រេចទឹកប្រាក់ជាង ៣៤ពាន់លានដុល្លារក្នុងឆ្នាំ២០២៤

ទំហំពាណិជ្ជកម្មរបស់កម្ពុជាជាមួយប្រទេសសមាជិក RCEP មានទឹកប្រាក់ជាង ២៥ពាន់ លានដុល្លារ